Ethio 360 Media

ታህሳስ 07 ቀን 2017 ዓ.ም
ከአማራ ፋኖ በጎጃም የተላለፈ መመሪያ
__
ከሕዳር 30 ቀን 2017 ዓ.ም ጀምሮ ላልተወሰነ ግዜ ከአምቡላንሶች በስተቀር መንገዶች ለተሽከርካሪ ዝግ ሆነው እንዲቆዩ እንዲሁም ከጤና ተቋማት ውጭ ማህበራዊ አገልግሎት ተቋማት እንዲዘጉ መመሪያ መሰጠቱ ይታወቃል።

ዛሬን ጨምሮ ላለፉት 8 ቀናት የተሰጠው ትእዛዝ ያለ መሸራረፍ ተተግብሯል። በእነዚህ ግዜያት ውስጥ በሲቪሊያን ላይ ሊደርስ የሚችል ጉዳትን መቀነስ ከመቻሉም በበርካታ አካባቢወች አስደናቂ ኦፕሬሽኖችን በማከናወን የቡድን እና የነፍስ ወከፍ መሳሪያወችን እንዲሁም ተሽከርካሪወችን ከጠላት ማርከናል። የጠላትን ወታደራዊ እቅዶችም ማዛባት ተችሏል።

ይሁን እንጅ የተላለፈው መመሪያ ተፈፃሚነት ከዚህ በላይ መቀጠሉ በህዝብ ማህበራዊ እና ኢኮኖሚያዊ እንቅስቃሴ ላይ የሚያደርሰውን ጫና በማገናዘብ #ከነገ #ማክሰኞ #ታህሳስ 08 ቀን 2017 ዓ.ም ጀምሮ የተሽከርካሪ እንቅስቃሴ እና የተቋማት ክልከላ እና ገደቡ የተነሳ መሆኑን እናስታውቃለን::

አዲስ ትውልድ! አዲስ አስተሳሰብ! አዲስ ተስፋ!

የአማራ ፋኖ በጎጃም!

ታሕሳስ 07/04/2017 ዓ.ም
 

ዘመድኩን በቀለ👆

በጥብቅ ዲሲፕሊን የሚተገበር መመሪያ!
አልሰማንም እንዳትሉ ተብላችኋል!!

ከሰኞ ህዳር 30/2017 ዓ.ም ጀምሮ ማንኛውም አይነት የተሽከርካሪ እንቅስቃሴ እቀባ ተደርጓል፤ አልሰማሁም አያድንም። ጥሪ ሳይሆን ወታደራዊ መመሪያ ነው።

ይህንን መመሪያ የጣሰ እንቅስቃሴ የማደናገሪያና ለጠላት ኃይል ሽፋን የመስጠት እንቅስቃሴ ተደርጎ ስለሚታሰብ በእራስ ላይ ውድመትን ያስከትላል።

የእንቅስቃሴ እቀባውን ተከትሎ ህዝባችንም ከመሪዎቻችን የሚተላለፍለትን መመሪያዎች ከወዲሁ በንቃት ይጠባበቅ።

ወቅታዊ መግለጫ

የአማራ ፋኖ ሸዋ ዕዝ ከሰም ክፍለ ጦር ነበልባል ብርጌድ በሚንቀሳቀስባቸው የምንጃር ሸንኮራ ወረዳ ካሉት 31 ቀበሌዎች ውስጥ 28ቱን ፋኖ የተቆጣጠረ ሲሆን ባለው የአፓርታይድ የአብይ አህመድ መንግስት 3 የከተማ ቀበሌዎችን ነው ከሞላ ጎደል የተቆጣጠራቸው ስለሆነም ከሚቆጣጠራቸው ከነዚህ ቀበሌዎች ውስጥ ያሉትን የአማራ ወጣቶች አዝመራ በመሰብሰብ ላይ ከሚወቁበት አውድማ ላይ ጭምር በማፈስ እስትንፋሴን ያስቀጥሉልኛል ብሎ ላሰበው የመጨረሻ ጦርነት ለመዘጋጀት ወረዳው ላይ የአስር ቀን ስልጠና በማሠልጠን ላይ ይገኛል።

ስለሆነም መላው የወረዳው ህዝብም ሆነ የታፈሡ ሠዎች ማወቅ ያለባቸው ነገር ያፈሳቸውን ሰዎች ፦
የሸዋውን ወደ ጎንደር ፣ የጎንደሩን ወደ ሸዋ ፣ የወሎውን ወደ ጎጃም ፣ የጎጃሙን ወደ ወሎ በማዞር ወይም በማቀያየር እቅዱን እንዲያስፈፅሙለት እየሠራ እንደሚገኝ እና ስልጣነ መንበሩን በድሃ ልጅ ደም ማራዘም ሳይታለም የተፈታ መሆኑን ህዝቡ ጠንቅቆ እንዲያውቀው ስንል የጥንቃቄ መልዕክታችንን እያስተላለፍን ፦
 አሁን ህዝቡ እራሱን ከአፈሳ ለመከላከል የጀመረውን ግብግብ አጠናክሮ ሊቀጥል ይገባል።


የብልፅግናው አገዛዝ በማህበረሰቡ ላይ ከምንጣፍ ጎታቹ የአብይ ሠራዊትና ከጋሻ ጃግሬዎቹ ጋር በገጀራ ፥ በዱላ ፥በመጥረቢያና በቢላዋ እራሱን እየተከላከለ ሁሉም በሚባል ደረጃ ማህበረሰቡ ቤትና ንብረቱን ትቶ በዱርና በጫካ መኖሪያውን አድርጓል ።

በመሆኑም እርስ በእርስ ከሚያጋድለን አረመኔአዊ አባገነን መንግስት መንጋጋ ለመላቀቅ ሰልጣኙ ከወረዳችን እንዳይወጣ መላው ማህበረሰባችን መንገድ በመዝጋት እና አመፅ በማንሳት ሠራዊቱን በመበተን ወደ ነበልባል ብርጌድ እንድትቀላቀሉ እና የአብይ አህመድን አባገነናዊ መንግስትን በአፋጣኝ ወደ ግብዓተ መሬቱ እንድናስገባ ስንል ጥሪአችንን እናቀርባለን።

  -ነፃነታችንን በክንዳችን
  -ድል ለአማራ ፋኖ
  -ላንጨርሰው አልጀመርነውም

ከነበልባል ብርጌድ ሚድያና ኮሚኒኬሽን
  ፋኖ መምህር አጥናፉ አባተ

ሰዎች ለበርካታ አመታት ከኖሩበት አካባቢ በሁለት እና ሶስት ቀናት አጣድፎ እና ቤት አፍርሶ ማባረር፣ ለሰራተኞች ለሁለት እና ሶስት ወራት ደሞዝ አለመክፈል፣ የአካል ጉዳተኞችን እና የ15 አመት ህፃናትን ጭምር አፍሶ ወስዶ ለመልቀቅ በብር መደራደር... ከሰሞኑ ግፎች በጥቂቱ።

የጥቁር ህዝብ የነፃነት ምሳሌ የሆነው ኢትዮጵያዊ በአንድም ሆነ በሌላ መልኩ ህብረቱን አጥቶ በአንድነት ድምፁን ማሰማት አቅቶታል።

እሱ እንዳለ ሆኖ ይህን የሚያዙት እና ሚያስፈፅሙት አካላት ግን ቤተሰብ የላቸውም? ልጆች የሏቸውም?



@EliasMeseret

ሰው እንዴት መሰባሰብ አቃተው ??

የኦሮሚያ ሪፐብሊክ የመመስረት ሴራ(የፊንፊኔ ዲሞግራፊ ሴራ)
የኮሪደር ልማት በሚል የሚሰራውን ድብቅ ሴራ ማንም በትኩረት ያየው አካል የለም። የኮሪደር ልማቱ ዋና አላማው የአዲስ አበባን ዲሞግራፊ ለመቀየር የተደረገ የፖለቲካ ሴራ ነው። ካለ ጦርነት አዲስ አበባን የራሳችን እናደርጋለን በሚል የተጠነሰሰ ሴራ ነው። ለዚህም የተሰራው ሴራ
1ኛ. መጀመሪያ የአዲስ አበባን አዋሳኝ ፊንፊኔ ዙሪያ የተወሰነውን የአዲስ አበባ ክፍል ጨምረን ሸገር ከተማ በሚል ማካለል
2ኛ. የሸገር ከተማን ካደራጀን በኋላ በውስጡ ያለውን አማራ ቤቱን በማፍረስ እንዳይከራይ አድርጎ ማስወጣት
3ኛ. በአዲስ አበባ ያለውን በተለይ መሃል ከተማ የሚኖረውን አሮጌ መንደር በሚል በፍጥነት ህዝቡን  ወደ ዳር የከተማው ጫፍ በማውጣት ሌላ ተቃውሞ እንዳያመጣብን መንገዶቹን እና አረንጓዴ ብልጭልጭ አድርገን ሰርተን ሰፊ ፕሮፓጋንዳ በማስተጋባት የህዝብ ድጋፍ እንዲያገኝ ማድረግ
4ኛ. በኮሪደር ልማቱ ስራ ላይ የኦሮሞ ኮንትራክተሮች እና ሰራተኛ 90% በላይ እንዲሰማሩ እና 10% ከሁሉም ብሄር ብሄረሰብ በማካተት የሚነሳ ጥያቄ ካለ ትኩሳት ለማብረድ መጠቀም
5ኛ. የኮንስትራክሽንና እና የግንባታ ስራ እንዲቆም በማድረግ በቀን ስራ የሚተዳደረው አብዛኞቹ  አማራ ስለሆኑ በስራ እጦት ከተማዋን ለቀው እንዲወጡ ጫና ማሳደር
6ኛ. ህዝቡ የተነሳባቸውን ቦታዎች በቆርቆሮ ካጠርንና ተነሽዎች ከተረጋጉ በኋላ በኮሪደር ልማት ስም ያተረፍነውን ቦታ ለኦሮሞ ተወላጅ ለሆኑ ባለሀብቶች ብቻ በጥንቃቄ በማስረከብ እነሱም ቢያንስ ከ2,000,000(ሁለት ሚሊየን )በላይ የኦሮሞ ተወላጅ የሆኑ ሰራተኞችን ከግንባታ ስራ ጀምሮ እንዲቀጠሩ በማድረግ በከተማ የኦሮሞ የበላይነት ማስፈን
6ኛ. በየመንገዱ ዳር ተሰባስበው የሚቆሙ በተለይ የአማራ ተወላጆች የተለያዩ ሰበባሰበብ በመፍጠር ግማሹን ማሰር፣ ቀሪውን  በተለይ ጠያቂ የሌላቸውና የማይታወቁትን ባዘጋጀነው የቀብር ቦታ ወስዶ መረሸን በዚህ መልኩ አማራን ከፊንፊኔ ማፅዳት
7ኛ . መርካቶ አንሱ አታንሱ ብለን ግብ ግብ ሳንፈጥር ፅንፈኛው ፋኖ አቃጠለው በሚል በራሳችን በስውር በተለያዬ ግዜ በማቃጠል ዳግመኛ እንዳይሰሩ ቦታውን እያጠሩ ማስቀመጥ
8ኛ. ኮሪደር ልማቱ አዲስ አበባ ብቻ ከሆነ ተቀባይነቱ ስላጠራጠረ ወደ ክልል ከተሞች በመውሰድ ጥርጣሬ መቀነስና የፊንፊኔውን በፍጥነት በማካሄድ ለቀጣይ ምርጫ ስራ በመጠቀም ቀሪውን ከምርጫ በኋላ የሚጠናቀቅበትን መንገድ መቀየስ
ከዚህ ውስጥ ያልተፈፀመው የቱ ነው ? መረጃው ከውስጥ ከሚሰሩ የፖለቲካ ሴራውን የሚያውቁ ናቸው ያደረሱን ለማንኛውም ይህንን ሴራ ቀድመን ስለተረዳን የቱንም ያህል ብትደክሙ በኮሪደር ልማት ስም የተሰራውን ሴራ ዋጋ ትከፍሉበታላችሁ።

በአዲስ አበባ እና አዳማ የጀመረው አፈሳ እና የገንዘብ ድርድር ወደ ሻሸመኔ እና ሌሎች ከተሞች ተስፋፍቷል

ሻሸመኔ 010 ቀበሌ ስታድየም ዋናው በር ፊት ለፊት ባለው መጋዘን ውስጥ እና 02 ቀበሌ ምክር ቤት ጀርባ (ብሔራዊ ትምህርት ቤት ጎን ባለው አዳራሽ) በርካታ ወጣቶች ታጭቀው እንደሚገኙ የሚደርሱኝ ጥቆማዎች ያሳያሉ።

"ዙሪያ ገባው በሚሊሻ ተከቧል፣ ቤተሰብ አይደለም መጠጋት ለራስም ያሰጋል። ግን ምን እየሆነ ነው ያለው?" ብለው የሚጠይቁት ነዋሪዎች ከመሸ መንቀሳቀስ ከባድ እንደሆነባቸው እና የሚሊሻው አፈሳ ተባብሶ እንደቀጠለ ተናግረዋል።

"ስልክህን ይፈተሻል ብለው መንገድ ላይ ይቀበሉህና ጠዋት ሚሊሻ ቢሮ ና ይላሉ። ስትሔድ ለማነው የሰጠኸው ተብለህ ወንጀለኛው አንተው። መሮናል። እኔም አንድ የኦሮሞ ወጣት ነኝ የታገልኩት ግን ለዚህ አልነበረም" በማለት መልዕክቱን ያደረሰኝ ደግሞ አንድ የከተማው ወጣት ነው።