ዶናልድ ትራምፕ የግድያ ሙከራ ተፈጸመባቸው

የቀድሞዉ የአሜሪካ ፕሬዚዳንት በፔንስልቬንያ የምርጫ ቅስቀሳ ንግግር እያደረጉ በነበሩበት ወቅት በአቅራቢያ ከነበረ ከሌላ ህንጻ ላይ በአነጣጣሪ ተኳሽ ተኩሱ ተከፍቶባቸዋል። ትራምፕ በጆሮዋቸው አካባቢ ጉዳት የደረሰባቸው ሲሆን ደም ሲፈሳቸዉም ታይቷል።

ህይወታቸው ባያልፍም ትራምፕ ለጥቂት ከጥቃቱ አምልጠዋል። በጥይት ከተመቱ በኋላም ትራምፕ ወዲያኑ ወድቀዋል። የቀድሞ ፕሬዝዳንት ዶናልድ ትራምፕን ለመግደል የሞከረው ታጣቂ የ20 ዓመቱ ቶማስ ማቲው ክሩክስ እንደነበር ምንጮች ለኒዉዮርክ ፖስት ተናግረዋል።

ወጣቱ ተደጋጋሚ ጊዜ የተኮሰባቸዉ ሲሆን ከመካከሉ አንዱ ትራምፕን በጆሮዋቸዉ ላይ ጉዳት አድርሷል። በርካታ ሰዎች በተሰበሰቡበት ወቅት ንግግር እያደረጉ ይህ የተፈጸመባቸው ትራምፕ በጥበቆቻቸዉ ታግዘዉ ወደ ህክምና ቦታ ተወስደዋል።

ጥቃት አድራሹ ግለሰብም በወታደሮች እና የጸጥታ ሀይሎች ሲገደል በቁጥጥር ስር የዋሉም አሉ ተብሏል።
@EthiopianDiasporaUSA