ትችት ለእድገት ወይስ ለክስረት?

በልጆች ላይ ከልክ ያለፈ ትችት ማብዛት በስነ-ልቦናቸው እና በማህበራዊ እድገታቸው ላይ ከፍተኛ አሉታዊ ተጽእኖ ይሳድራል።

ከእነዚህ ተፅዕኖዎች መካከል፡

1. ዝቅተኛ በራስ የመተማመን ስሜት ይፈጥራል፡

ዘውታሪና የማያቋርጥ ትችት የልጆችን በራስ የመተማመን ስሜት እና ችሎታን ይቀንሳል፤ ይህም ልጆች ብቃት እንደሌላቸው እንዲሰማቸው ያደርጋል።

2. ውድቀትን መፍራት፡

ትችት በበዛባቸው ቁጥር ውድቀትን በመፍራት አዳዲስ ነገሮችን ለመሞከርና ኃላፊነት ለመውሰድ ፍርሃት ያድርባቸዋል።

3. ከቤተሰብ ጋር ያላቸውን ግንኙነት ያበላሻል፡

የማያቋርጥ ትችት በልጆች እና በወላጆች መካከል ባለው ግንኙነት ላይ ክፍተት ሊፈጥር ይችላል፤ ይህም ልጆች በወላጆቻቸው ላይ ያላቸውን የመተማመንን ስሜት እንዲያጡ እና ደጋፊ እንደሌላቸው እንዲሰማቸው በማድረግ ነው።

4. በትምህርታቸው ላይ ተጽእኖ ይፈጥራል፡

ለቋሚ ትችት የተጋለጡ ልጆች በሚፈጠርባቸው ጭንቀት እና ጫና ምክንያት የትምህርት ውጤት ማሽቆልቆል ሊያሳዩ ይችላሉ።

5. ለጭንቀት እና ድብርት ያጋልጣል፡

የማያቋርጥ ትችት ከፍተኛ ጭንቀት ሊፈጥርባቸው አልፎ ተርፎም በልጆች ላይ የመንፈስ ጭንቀት ሊያስከትል ይችላል።

እነዚህን አሉታዊ ተፅእኖዎች ለማስወገድ ትችታችን ገንቢ እና ባህሪያቸውን ለማሻሻል እንጂ ስብዕናቸው ላይ ያነጣጠረ አለመሆኑ ማስተዋል ተገቢ ነው።

በተጨማሪም ትችታችን በአዎንታዊ መመሪያ እና ቀጣይነት ካለው ድጋፍ ጋር ማቆራኘት ተገቢ ነው።

#የሂዳያ_ትውልድ #ለወላጆች  #ምክር_ለተርቢያ
#ስኬታማ_ማክረምት

📮 የመጪው ትውልድ ኃላፊነት የጋራችን ነው!
መልዕክቱን ሼር በማድረግ ለብዙዎች እናድርስ!

💫 https://t.me/HidayaTerbiya 💫