⚖️Shields Law🇪🇹 የህግ አገልግሎት / Legal service ⚖️

ከአፍሪካ ህብረት ሂሳብ 6 ሚሊየን 50 ሺህ ዶላር ለመመዝበር ሙከራ በማድረግ የተከሰሱት እነ ቀሲስ በላይ ጥፋተኛ ተባሉ::
የፍትህ ሚኒስቴር የሙስና ጉዳዮች ዳይሬክቶሬት ዐቃቤ ሕግ በተከሳሾች ቀሲስ በላይ መኮንን፣ በግብርና ኢንቨስትመንት ላይ የተሰማራው እያሱ እንዳለ፣ በኮሚሽን ስራ ላይ የተሰማራው በረከት ሙላቱ እና አለምገና ሳሙኤል እንዲሁም የኒሞና ንግድ ስራ ኃላ/የተ/የግል ማህበር ስራ አስኪያጅ አበራ መርጋ በተባሉ ተከሳሾች ላይ በ1996 ዓ.ም የወጣውን የወንጀል ህግ ቁጥር 32 ንዑስ ቁጥር 1 (ሀ) እና የሙስና ወንጀሎች ለመደንገግ የወጣውን አዋጅ ቁጥር 881/2007 አንቀፅ 32 ንዑስ ቁጥር 2 እና ንዑስ ቁጥር 3 ስር የተመለከተውን ድንጋጌ እና በ1996 ዓ.ም የወጣውን የወንጀል ህግ ቁጥር 382 ንዑስ ቁጥር 1 ስር የተመለከተውን ድንጋጌ በመተላለፍ ከአፍሪካ ህብረት ምንም አይነት የክፍያ ትዕዛዝ ባልተሰጠበት ሁኔታ ተከሳሾች በተለያየ መጠን ክፍያ እንዲፈጸምላቸው የሚል አጠቃላይ የ6 ሚሊየን 50 ሺህ ዶላር ሀሰተኛ የክፍያ ሰነድ በአንደኛ ተከሳሽ አማካኝነት ለባንኩ መቅረቡ ተጠቅሶ በሁሉም ተከሳሾች ላይ ከባድ የማታለል ሙስና ወንጀል ክስ ማቅረቡ ይታወሳል።
ፍርድ ቤቱ የግራ ቀኝ የቅጣት አስተያየት ተመልክቶ የቅጣት ውሳኔ ለመወሰን ለጥር 22 ቀን 2017 ዓ.ም ቀጥሯል።

በታሪክ አዱኛ

የፌደራል ዳኞች አስተዳደር ጉባኤ በተለያዮ ጉዳዮች ላይ ተወያይቶ ውሳኔ ሰጠ።
**********
የፌደራል ዳኞች አስተዳደር ጉባኤ ጥር 7/2017 ባካሄደው መደበኛ ስብሰባ በተለያዩ ጉዳዮች ላይ ተወያይቶ ውሳኔዎችን እና አቅጣጫ ሰጥቷል።በዚሁ መሰረት
1.ከደቡብ ኢትዮጽያ ህዝቦች ክልል መንግስት ጠቅላይ ፍ/ቤት ለክልል ጠቅላይ ፍ/ቤት እንዲሁም ዞን ከፍተኛ ፍ/ቤት እጬ ዳኞች ላይ የፌደራሉ ዳኞች አስተዳደር ጉባኤ በሕገ መንግስቱ አንቀጽ 81/4 አስተያየት እንዲሰጥበት በተጠየቀው ላይ ከተወያየ በኋላ አስተያየቱን ሰጥቷል፣
2.የፌደራል ከፍተኛ ፍ/ቤት ዳኛ የሆኑት አቶ ጌታሁን ገ/መስቀል በፌደራል ዳኞች አስተዳደር ጉባኤ የሙስና መከላከያ ዳይሬክቶሬት የጥቆማ ተቀባይ ክፍል ሀላፊ ሆነው እንዲሰሩ ሹመት ሰጥቷል፣
3.በፌደራል ከፍተኛ እና የመጀመሪያ ፍ/ቤት ዳኞች ምልመላ ሂደት ላይ ተወያይቶ አቅጣጫ የሰጠ ሲሆን ለፌደራል የመጀመሪያ ፍ/ቤት ዳኝነት ለህዝብ አስተያየት የማለፊያ ነጥብ ወስኗል።በዚሁ መሰረት ለሴት እና አካል ጉዳተኞች 68 እና ከዚያ በላይ ለወንዶች 73 እና ከዝያ በላይ ለህዝብ አስተያየት የማለፊያ ነጥብ እንዲሆን ወስኗል።ከዚሁ ጋር በተያያዘ በውጤቱ ላይ የቀረቡ 4 ቅሬታዎችም ከእጩ ዳኞች ምልመላ መመሪያ አንጻር ከታዩ በኋላ ተቀባይነት የላቸውም በማለት ወስኗል።

ሰመ.ቁ. 219736 ጥቅምት 04/2015 ዓ.ም የ ሁከት ተግባር ምንነት
የፍ/ብ/ህ/ቁጥር 1149(1) የሁከት ተግባርን የሚያቋቁሙ ፍሬ ነገሮችን ከመጥቀስ ባለፈ በራሱ “ሁከት” ለሚለው ቃል የሰጠው ግልፅ ትርጉም የለም፡፡ ከዚህ ድንጋጌ ይዘት መገንዘብ እንደሚቻለውም የሁከት ተግባር የሚያቋቁሙ ፍሬ ነገሮች ተብለው የተጠቀሱት ሁለት ድርጊቶች ናቸው፡፡ አንደኛው ባለይዞታው በሀብቱ ሰላማዊ በሆነ መንገድ በመጠቀም መብቱ ላይ የሚደረግ ጣልቃ ገብነት አልያም የሚፈጠር እንቅፋት (Interferance) ሲሆን ሁለተኛው ደግሞ በባለይዞታው እጅ የነበረን ንብረት/ይዞታ/ በሙሉ ወይም በከፊል በመውሰድ ባለይዞታውን በዚያው መጠን ይዞታ አልባ ማድረግን (Dispossession) የሚመለከት ነው፡፡

በሌላ በኩል የሁከት ተግባሩ በሁለት መንገድ ሊፈፀም የሚችል ስለመሆኑ በዚሁ ዙሪያ ከተደረጉ ጥናቶች ይዘት መገንዘብ ይቻላል፡፡ አንደኛው ይዞታውን ከባለይዞታው እጅ በመውሰድ ወይም በይዞታው ሰላማዊ በሆነ መንገድ የመጠቀም መብት ላይ በተጨባጭ/በተግባር/ የሚፈፀም ጣልቃ ገብነት /Disturbance in fact/ ነው፡፡ ሌላኛው ደግሞ በባለይዞታው የይዞታ መብት ላይ በህግ ረገድ የሚፈጠር ሁከት/Disturbance in law/ የሚል ነው፡፡ ሁለተኛው የሁከት ዓይነት አብዛኛውን ጊዜ የሚፈፀመው አስተዳደር ክፍል ይዞታውን በተመለከተ በራሱ ተነሳሽነትም ሆነ በሌላ ወገን ጠያቂነት በተለያየ መንገድ የባለይዞታውን የይዞታ መብት በሚነካ መልኩ በሚወሰደው አስተዳዳራዊ እርምጃ ነው፡፡ ይህ አስተዳደራዊ እርምጃ እንደየሁኔታው ባለይዞታው ይዞታውን በተመለከተ አንድን ድርጊት እንዲፈፅም ወይም እንዳይፈፅም በማድረግ አልያም የባለሃብትነት መብቱን የሚያሳጣ ተግባር በመፈፀም ሊሆን ይችላል፡፡

𝐇𝐨𝗿𝐝𝐨𝐟𝐭𝐨𝐨𝐧𝐧𝐢 Amantaa 𝐊𝐢𝐫𝐢𝐬𝐭𝐚𝐚𝐧𝐚𝐚 Marti 𝐵𝑎𝑔𝑎 𝐴𝑦𝑦𝑎𝑎𝑛𝑎 𝑦𝑎𝑎𝑑𝑎𝑛𝑛𝑜𝑜 𝑑𝒉𝑎𝑙𝑜𝑜𝑡𝑎 𝑔𝑜𝑜𝑓𝑡𝑎𝑎 𝑘𝑒𝑒𝑛𝑦𝑎 𝐈𝐲𝐞𝐬𝐮𝐬 𝐊𝐢𝐫𝐢𝐬𝐭𝐨𝐨𝐬 𝑘𝑎𝑛 𝑏𝑎𝑟𝑎 2017 𝑡𝑖𝑖𝑛 𝑛𝑎𝑔𝑎𝑎𝑛 𝑖𝑠𝑖𝑛 𝑔𝑎𝒉𝑒!!!

ለመላው የክርስትና እምነት ተከታዮች በሙሉ እንኳን ለ 2017 ዓ.ም ለጌታችን መድኃኒታችን ኢየሱስ ክርስቶስ #የልደት_በዓል በሰላም አደረሳችሁ!!!

#የፌዴሬሺን_ምክር_ቤት_ውሳኔ_በዐይነ_ስውራን_ጉዳይ
ፌ/ም/መ/ቁ. 019/08

"የዳኝነት ሥራ ተፈጥሯዊ ባሕርይ  ማየት የተሳናቸው ሰዎችም ተመጣጣኝ ማመቻቸት ከተደረገላቸው ሊሠሩ የሚችሉት ሙያ ስለሆነ  'ማየት የተሳናቸው ሰዎች የዳኝነት ሥራን መሥራት አይችሉም' የሚል ልማዳዊ አሠራርን በመከተል ከዳኝነት ዕጣ ድልድል ውጭ በማድረግ በዐቃቤ ሕግነት የመመደብ ውሳኔ ማየት የተሳናቸው ሰዎች በመረጡት ሙያ የመሰማራት እንዲሁም ሕገ መንግሥታዊ የእኩልነት መብታቸውን የሚጋፋ ስለሆነ በሕገ መንግሥቱ አንቀጽ 41(2)፣ 25 እና 9(1) መሠረት ተፈጻሚነት የለውም።" -የፌደሬሽን ም/ቤት የሕገ መንግሥት ትርጉም ውሳኔ ሰጥቷል።