Zehabesha

🔴 ከክልሉ መዲና ይልቅ ዱባይ ይቀርባቸዋል በሚል የተገመገሙት ሁለት የክልሉ ባለስልጣናት ስማቸው ከብልፅግና ፓርቲ ማዕከላዊ ኮሚቴ ምርጫ ተቀነሰ::
ዝርዝሩን በዕለቱ ዜና ተመልከቱ

በ10 ደቂቃ ውስጥ በ3 መረጃዎች ዝግጅታችን ይዘን የምንቀርበው ዜና እንዳያመልጣችሁ። ልዩ መረጃ ነው።

ቀሲስ በላይ መኮንን በአምስት ዓመት ጽኑ እስራት እና በ10 ሺህ ብር ተቀጡ

በሐሰተኛ ሰነድ ከአፍሪካ ኅብረት የኢትዮጵያ ንግድ ባንክ አካውንት ገንዘብ ለማውጣት በመሞከር የሙስና ወንጀል ክስ የተመሠረተባቸው ቀሲስ በላይ መኮንን በአምስት ዓመት እስራት እና በ10 ሺህ ብር ተቀጡ።

ከቀሲስ በላይ ጋር አንድ ላይ ክስ ቀርቦባቸው የነበሩት ሌሎች ሁለት ተከሳሾች ደግሞ እያንዳንዳቸው የአራት ዓመት እስራት እና የ3 ሺህ ብር ቅጣት እንደተፈረደባቸው ፋና ብሮድካስቲንግ ኮርፖሬሽን ዘግቧል።

የቅጣት ውሳኔውን ያስተላለፈው ሐሙስ ጥር 22/2017 ዓ.ም. የዋለው የፌደራል ከፍተኛ ፍርድ ቤት ልደታ መድብ ሦስተኛ የሙስና ጉዳዮች ወንጀል ችሎት ነው።

ጥፋተኛ የተባሉት ግለሰቦች ዐቃቤ ሕግ ክስ የቀረበባቸው የወንጀል ሕጉን እና የሙስና ወንጀሎችን ለመደንገግ የወጣውን አዋጅ ተላልፈዋል በሚል ነበር።

ግለሰቦቹ ላይ የተመሠረተው ክስ በአፍሪካ ኅብረት ስም የተዘጋጀ ሐሰተኛ ሰነድ በመጠቀም በኅብረቱ ዋና መሥሪያ ቤት ቅጥር ግቢ ከሚገኘው የኢትዮጵያ ንግድ ባንክ ቅርንጫፍ ስድስት ሚሊዮን 50 ሺህ ዶላር ለማውጣት ሞክረዋል በሚል ነው።

ተከሳሾቹ በዐቃቤ ሕግ የቀረበባቸው ክስ እንዲሻሻል መቃወሚያ አቅርበው የነበረ ቢሆንም፤ ፍርድ ቤቱ ግን ሳይቀበለው መቅረቱ ይታወሳል። ይህን ተከትሎ ግለሰቦቹ የእምነት ክህደት ቃላቸውን የሰጡ ሲሆን ዐቃቤ ሕግ በበኩሉ ሦስት ምስክሮችን በችሎት አሰምቷል።

የዐቃቤ ሕግን ማስረጃ የመረመረው ፍርድ ቤቱ የተጠቀሰው የወንጀል ድርጊት መፈጸሙን ዐቃቤ ሕግ በማስረጃ ማረጋገጡን ጠቅሶ ተከሳሾቹ እንዲከላከሉ ብይን መስጠቱ ይታወሳል።

ተከሳሾቹ በዐቃቤ ሕግ የቀረበባቸውን ክስ በሚገባ መከላከል ባለማቻላቸው ፍርድ ቤት ጥፋተኛ ናቸው ሲል ከሁለት ሳምንት በፊት ወስኗል።

ይህን ውሳኔ ተከትሎ በተላለፈው የቅጣት ውሳኔ መሠረት 1ኛ ተከሳሽ ቀሲስ በላይ መኮንን በአምስት ዓመት ጽኑ እስራት እና በ10 ሺህ ብር የገንዘብ መቀጮ ቀሪዎቹ ሁለት ተከሳሾች ደግሞ እያንዳንዳቸው በአራት ዓመት እስራት እና የ3 ሺህ ብር ቅጣት ተወስኖባቸዋል።

በኦርቶዶክስ ቤተ ክርስቲያን የኦሮሚያ ቤተ ክህነትን ለመመሥረት በነበራቸው እንቅስቃሴ የሚታወቁት ቀሲስ በላይ የኢትዮጵያ ኦርቶዶክስ ቤተ ክርስቲያን የጠቅላይ ቤተ ክህነት ምክትል ዋና ሥራ አስኪያጅ ነበሩ።

𝐎𝐅𝐅𝐈𝐂𝐈𝐀𝐋: (ዘ-ሐበሻ ዜና) በአሜሪካ ዋሽንግተን ዲሲ አካባቢ በሚገኘው ፖቶማክ ወንዝ 64 ሰዎችን የጫነ ንብረትነቱ የአሜሪካ አየር መንገድ የሆነ አውሮፕላን እና 3 ወታደሮችን የጫነ የጦር ሂሊኮፕተር መጋጨታቸውን ተከትሎ በተፈጠረው አደጋ ዙሪያ፣ ፕሬዝዳንት ትራምፕ ስለአደጋው ሙሉ በሙሉ ገለጻ እንደተደረገላቸው ምሽቱን በሰጡት መግለጫ ገለጹ። "እግዚአብሔር ነፍሳቸውን ይማር" ሲሉ የጀመሩት ትራምፕ "በመጀመሪያ ምላሽ ሰጪዎቻችን እየሰሩት ላለው አስደናቂ ስራ እናመሰግናለን፣ ሁኔታውን እየተከታተልኩ ሲሆን ተጨማሪ ዝርዝር መረጃዎችን እሰጣለሁ" ብለዋል።
ትራምፕ የአደጋው መንስኤ ምን እንደሆነም ጥያቄ አንስተው "ይህ መፈጠር ያልነበረበት መጥፎ ሁኔታ ነው... ጥሩ አይደለም!!!" ብለዋል።
የአደጋው መንስኤ በትክክል ምን እንደሆነ ተጣርቶ በሚመለከታቸው ባለስልጣናት ይነገራል። እስካሁን ነፍስ ለማዳን እየተደረገ ባለው ጥረትም የ18 ሰዎች አስከሬን እንደተገኘ ከዚህ ቀደም ባቀረብነው መረጃ ላይ መግለጻችን ይታወሳል።

በደቡብ ሱዳን ዩኒቲ ግዛት አነስተኛ አውሮፕላን ተከስክሶ የ20 ሰዎች ህይወት ማለፉ ተገለጸ።