ዳግማዊ ቄርሎስ አባ ጊዮርጊስ ዘጋስጫ

#ነቢዩ_ዮናስ

ይህ ነቢይ ከደቂቅ ነቢያት መካከል ይመደባል እኒህም ፦

ሆሴዕ
አሞጽ
ሚክያስ
ኢዮኤል
አብድዩ
ዮናስ
ናሆም
ዕንባቆም
ሶፎንያስ
ሐጌ
ዘካርያስ
ሚልክያስ

ከነዚህም መካከል #ነቢዩ_ዮናስ ከራሱ መጽሐፍ ውጭ የተጠቀሰ ነቢይ ነው /2ነገ 14:5/ የእስራኤል ነቢይ ነው የነበረትም ዘመን በዳግማዊ ኢዮርብዓም ዘመነ መንግሥት 825-784 ቅ.ል.ክ ነው።

በትዉፊት እንደሚነገረው ዮናስ ነቢዩ ኤልያስ ከሞት ያስነሣው የሠራፕታ መበለት ልጅ ነው። /1ነገ 18:10-24/

ዮናስ ሦስት ሌሊት ሦስት መዓልት በከርሠ አንበሪ በመቆየቱ ጌታችን በመቃብር ሦስት መዓልት ሦስት ሌሊት አድሮ መነሳቱን ያጠይቃል #ክብር ይግባውና ጌታችንም በመዋዕለ ሥጋዌ ሲያስተምር ይህንን ታሪክ ጠቅሶ አስተምሯናል /ማቴ 12:39፤ሉቃ 11:29/

ነቢዩ ዮናስ ከምድረ እስራኤል ውጭ/በነነዌ/ በማስተማሩ ነቢየ አሕዛብ ይባላል።

ኢየሱስ ክርስቶስ:-

ለሁሉ ያስባል ሁሉንም ያጠግባል

ለዕውራን ያዩ ዘንድ ብርሃንን ይሰጣቸዋል፡፡

የተዘጉ መስኮቶችን ይከፍታል ህሙማንን ይሰማቸዋል፡፡

የተደፈነችውን ጆሮ እንድትሰማ ያደርጋል፡፡

ከሰውነት የለምፅን ልብሶች ገፍፎ የስጋን መጎናፀፊያ ያለብሳል፡፡

የደረቀውን የእጅ ክንድ ያቀናል፣

የአንካሳውን እግር እንዲሄድ ያደርጋል

ነፍስን ወደ ሕዋስዋ ይመልሳታል

መንፈስንም በማደሪያዋ ያኖራታል፡፡

አለቆች ባሏቸው አጋንንት የእርያን መንጋ ያሰጥማል ከደከመችውም ሰውነት ደዌን ያርቃል፡፡

ቅዳሴ ዮሐንስ ወልደ ነጎድጓድ

በስመ አብ ወወልድ ወመንፈስ ቅዱስ አሐዱ አምላክ አሜን

✞✞✞✞✞✞✞✞✞✞✞✞✞✞✞✞✞✞✞✞✞✞

ጥር ፳፰ ጌታችን 5 እንጀራ 2 ዓሣ አበርክቶ 5 የገበያ ሕዝብ እንደመገበ

ጥር ሃያ ስምንት በዚህች ቀን ጌታችን ተአምራትን በማድረግ ሰባት እንጀራና ጥቂት ዓሣ ቆራርሶ አበርክቶ ብዙ ሰዎችን ያጠገበበት መታሰቢያ ነው።

በመጽሐፍ ቅዱስ ላይ የተመዘገበው ይህ የጌታችን ተአምር በውስጡ ብዙ ምሥጢራትን የያዘ ነው እንጂ ስለ ሥጋዊ ምግብ ብቻ የተነገረ አይደለም፡፡ ማቴ 14፡13-23፡፡ የተመገቡትና የተቆጠሩት አምስት ሺህ ወንዶች ብቻ ናቸው እንጂ ሴቶችና ሕጻናት አልተቆጠሩም፡፡ ይህስ ለምን ነው ቢሉ ሴቶች በአደባባይ ሲበሉ በሃፍረት ዳር ዳር ስለሚሉ ነው፡፡ ሕጻናት ደግሞ ከሚበሉት የሚፈረፍሩት ይበዛልና ነው፡፡

ጌታችን ያንን ሁሉ ሕዝብ በመንደር አጠገብ ሊመግባቸው ሲችል ለምን አርቆ ወደ ምድረ በዳ ወሰዳቸው ከተባለ ስለ ሁለት ምክንያት ነው፡፡

አንድም ‹‹ጥንት አባቶቻችሁን ከመንደር (ከግብጽ) አውጥቼ አርባ ዘመን ሙሉ መና የመገብኳቸው እኔ ነኝ፤ አሁንም በሥልጣኔ በተአምራቴ መገብኳችሁ›› ሲላቸው ነው፡፡

አንድም ጌታችን ተአምራቱን ከመንደር አጠገብ አድርጎት ቢሆን ኖሮ ሁልጊዜ ክፋትንና ጠማማ ነገርን ማሰብ ለአይሁድ ልማዳቸው ነውና ‹‹ፈጣን ፈጣን ደቀ መዛሙርቱን በጎን ወደ መንደር እየላከ ያስመጣው ነው›› ይሉት ነበር፡፡ ስለሆነም ጌታችን ለጥርጥር ምክንያት እንዳይኖራቸው አድርጎ ነው ተአምራቱን የገለጠላቸው፡፡ ጊዜውም አመሻሽ ላይ ነበርና ምሽት ላይ ያደረገበትም ምክንያት ጠዋት ላይ ቢሆን ኖሮ ‹‹የበላነው ሳይጎድል ነው ያበላን›› ብለው ከማመን ይርቁ ነበር፡፡

በተጨማሪም በበረሃ ያውም በምሽት ሕዝቡን በውኃ አጠገብ በሣር ላይ አስቀምጧቸው መመገቡ ‹‹በፍጻሜው ዘመን በምቹ ስፍራ በመንግሥተ ሰማያት መንፈሳዊ ምግብ እመግባችኋለሁ፤ በውኃ (በጥምቀት) በሚገኝ ክብርም አከብራችኋለሁ›› ሲላቸው ነው፡፡ ተአምራቱን ከውኃ ዳር ማድረጉ ‹‹መታጠቢያ ብናጣ በደንብ ሳንበላ ቀረን›› እንዳይሉ ነው፡፡ ሳር የበዛበት ቦታ ላይ ማድረጉም ‹‹መቀመጫ ብናጣ በደንብ ሳንበላ ቀረን›› እንዳይሉ ነው፡፡

አምስቱ እንጀራ የአምስቱ አዕማደ ምሥጢር ማለትም የምሥጢረ ሥላሴ፣ የምሥጢረ ሥጋዌ፣ የምሥጢረ ጥምቀት፣ የምሥጢረ ቁርባንና የምሥጢረ ትንሣኤ ሙታን ምሳሌዎች ናቸው፡፡ ሁለቱ ዓሣ ደግሞ የፍቅረ እግዚአብሔርና የፍቅረ ቢጽ ምሳሌዎች ናቸው፡፡ ፍቅረ እግዚአብሔር ማለት እግዚአብሔር አምላክን በፍጹም ነፍስና በፍጹም ሐሳብ መውደድ ነው፡፡ ፍቅረ ቢጽ ደግሞ ባልንጀራን እንደራስ አድርጎ መውደድ ነው፡፡ አንድም ደግሞ እንጀራውና ዓሣው የቅዱስ ሥጋውና የክቡር ደሙ ምሳሌ ነው፡፡
ከበዓሉ ረድኤት በረከት ያሳትፈን ።
ወስብሐት ለእግዚአብሔር
ወለወላዲቱ ድንግል
ወለመስቀሉ ክቡር

"በጥጃና በበሬ መካከል የክብደት እንጅ የዕውቀት ልዩነት የለም።"

[ መጋቤ ሐዲስ እሸቱ ዓለማየሁ ]