በእውቀቱ ሥዩም እና ሥነ-ፅሁፍ

😭😭😭😭😭😭
ምንድነው የሰማሁት
ምንድነው ያየሁት

ምንድነው የተሰራ
ሰላሌ ላይ ባለው በገዛ ወንድሜ
ተውት አትባርኩልኝ
አልፈልግም ስጋ መያዣ ለፆሜ

ጎበዝ ግን ምን ነካን

በግ እንኳ አሳዝኖን
ፊታችንን ዞረን እረድ እንደማንል
የሰው ልጅ ለማረድ
ካሜራ ደቅነን እንዴት ካራ እንሳል

ፍትህ ፍትህ በሉ ፍትህ በሌለ ሀገር
መንግስትን ረስተን ለፈጣሪ እንንገር
ሳይጣንን አስቀና የምንሰራው ነገር

በሰውነቱ እንጅ በብሔሩ
አይደለም ወንድሜ የሞተው
ለማይረባ ገንዘብ በሚስኪን
ነፍስ ላይ ፖለቲካ እንተው

ጌታ ሆይ ቶሎ ና😭😭😭😭😭😭

✍ዝምተኛው ፀሀፊ
@belay_HI

📱ከወደዱት ለወዳጅዎ ያጋሩት!📱
@bewketuseyoum19
@bewketuseyoum19

# ይድረስ ለጨረቃ #
እንዴት ነሽ ጨረቃ
እንዴትነሽ በሰማይ
ምን ይታይሻል
ምን አለ ምድር ላይ… ?
በየጉራንጉሩ ሰው ነውሩን ደብቆ
የሚሰራው ስራ ህሌናውን ሰርቆ
ይታይሽ ከሆነ ሴራ ሲጎነጎን
የመከራ ጎጆ ሲሰራ ሲጠግን
የክፋት እንጀራ ሲቦካ ሲጋገር
የልቦና ቁስል ሲማገር ሲታጠር
ንገሪኝ በሞቴ ይገለጥ ጉዱ
የሰውልጅ ዶሴ የበደል ሰነዱ
እኔም ልናገር ልመስክር ለፍርዱ ።

📱ከወደዱት ለወዳጅዎ ያጋሩት!📱
@bewketuseyoum19
@bewketuseyoum19

ስሙኝማ…
ልጅነትን ስሸኝ በሀሳብ አድጌ
ከብቸኝነት ጋር ልላቀቅ ፈልጌ

ትዳር ለመወጠን ካሰብኩኝ በኋላ
ያየሁት እሸት ሁል ሆነ 'ማይበላ

የሆነ ቀን ለታ
አንድ አለኸኝ ብላ
ቃል የገባች እንስት
አንድ አለሽኝ ብየ
ቃል የሰጠኋት ሴት
ከብዙ ሁካታ ከጨዋታ መሀል
ከእኔ አስበልጠህ
ሴት አትወድም አይደል?
ብላ ስትጠይቀኝ መሳቄን አቁሜ
በንዴት በግኜ ደግሞም ተገርሜ
"አትሳሳች ውዴ
ካንች እጥፍ ድርብ ውለታ የዋለች
ለእኔ ደስታ ብላ ደስታዋን የሸጠች
እኔ እንደምወድህ ውደደኝ ያላለች
ካንች በበለጠ
ፍፁም ምወዳት ገራሚ ሴት አለች"
ብየ ቃል ሳወጣ
ገደል ግባ ብላ ገፍታ ጥላኝ ሄደች

በዚህ ቃል ተናዳ ከፊቴ ላይ ሳጣት
ፍቅሯን አራግፌ ከልቤ አወጣኋት

ደግሞ ትናንትና
አንድ አለችኝ ያልኋት
የህይወት አጋሬ
"መውደድህ እንዴት ነው
የት ድረስ ነው ፍቅሬ?
አንዴ ቃል አውጣና
በል ንገረኝ ዛሬ"
ብላ ስትጠይቀኝ
በኔ ልብ አዋዋል በፍቅር አደራደር
ከመውደድ ዙፋኔ ከልኬት ማህደር
ቦታ አደላድየ ላሞግሳት ስጥር
የሚከተሉትን ቃላት ብወረውር
"ዚች አለም ስኖር ካገኘኋቸው ሴት
ደስታ ካቋደሱኝ ካለበሱኝ ሀሴት
ደረጃ ሰጠሁሽ በሁለተኛነት"
ብየ ስናገራት
ከእኔ የበለጠ የምትወዳት ካለች
ከርሷ ጋር አብረህ ኑር
ብላ ጥላኝ ሄደች
የምር ጉደኛ ነች😢
ይህን ስትናገር በፍቅር አኩርፋ
ለእርሷ ያለኝ ፍቅር ከእኔ በኖ ጠፋ

እናም
ነገ የማገኝሽ የትዳር አጋሬ
መኖርሽ የምሆን የምትሆኝ መኖሬ
ቀደም አስቢበት በይ ልንገርሽ ዛሬ

ከመንገስሽ በፊት ከልቤ ዙፋን ላይ
ሁለተኛነትሽን በይ አምነሽ ተቀበይ
ወይም
ብቻየን ወድቄ
ሳልቀምሰው ይቅር እንጂ
የትዳርን አለም
አንደኛነትንስ
ከእናቴ አስበልጬ
የምሰጠው የለም

✍ዝምተኛው ፀሀፊ
@belay_HI

📱ከወደዱት ለወዳጅዎ ያጋሩት!📱
@bewketuseyoum19
@bewketuseyoum19

ሰሞንኛ
(በእውቀቱ ስዩም)

በአብማይቱ እምላለሁ፥ ማይክ ታይሰን ቢያሸንፍ ኖሮ ትንሽ ቅር ይለኝ ነበር፤ የአምሳ ስምንት አመት ሰውየ የሀያ ስምንት አመት ጎረምሳ ፕሮፌሽናል ቦክሰኛ ባፍጢሙ ደፋው ፥ ቢባል የሰውየው የፍጽምና ማሳያ ይሆን ነበር፤ ፍጹምና እንከን አልባ የሆነን ሰው ደግሞ አርአያ ማድረግ ያደክማል፤

ከትልልቅ ሰዎች የምጠብቀው ልከተለው የምችለው አይነት አርአያነት ነው፤ ለካ በአምሳ ስምንት አመቴ ፥ጡንቻ መገንባት እችላለሁ፥ ስምንት ዙር ሪንግ ውስጥ የሚያስቆይ ትንፋሽ ማካበት እችላለሁ፤ ለካ በዚያ እድሜ የልጆቼን እጅ ሳልጠብቅ በጥረቴ እንጀራ መብላት እችላለሁ ፥ ብለህ እንድታስብ የሚያደርግ አንጋፋ ጀግና ሲገጥምህ ልብህ በተስፋ ይሞላል፤ ማይክ ታይሰን ምን ፈየደልህ ብትይኝ መልሴ ይሄ ነው፤ አምሳ አመትን ከዘራ በማማረጥ እንዳልጠብቀው አድርጎኛል፤ ከዚህ በላይ አነቃቂ የለም!

“ምንም ደሀ ቢሆን ባይኖረውም ሀብት
ከደጃፍ ሲቀመጥ ደስ ይላል አባት “

የሚል ጥቅስ እየተመሰጥን ነው ያደግን፤ አብዛኛው ሰው ወጣትነትን ሲሻገር የአካል እንቅስቃሴ እንዲያቆም ውጫዊና ውስጣዊ ግፊት ያድርበታል፤ ውጫዊው “ ካልጠገቡ አይዘሉ፤ ካልዘለሉ አይሰበሩ “ እያለ ይለጉምሀል፤ ውስጣዊው ደግሞ አሁን ከዚህ “በሁዋላ ቀንድ አላበቅል” እያልህ የሰውነትህን እምቅ አቅም ሳትረዳ እንድትሞት ያደርግሀል፤

ታይሰን ሀያ ሚሊዮን ዶላር ይሸለማል ተብሏል፤ ቀላል ጥሪት አይደለም፤ አያትየው የልጅ ልጆቹን መጦር ይችላል፤ ባንድ ሚሊዮን ብሩ የተጠረመሱ ፥ የመንገጭላው አጥንቶቹን ያስጠግንበታል፤ የተዳጠ አፍንጫውን ያስበይድበታል፤ በቀረው ደግሞ አለሙን እንደ ጥንቅሽ ይቀጭበታል፤ ምናልባት ሳይንቲስቶች በጥቂት አመታት ጊዜ ውስጥ የእድሜ ማደሻ ቅመም መፍጠር ከቻሉ ደግሞ የመሸመት አቅሙን አዳብሯል፤

ይህ በእንዲህ እንዳለ፥ ደጃፍ ላይ የሚያስቀምጠውን መንፈስ በካልቾ ብላችሁ በነገው ታላቁ ሩጫ ላይ ተሳተፉ፤

ልዝብ ደሀ ቢሆን ባይኖረውም ሀብት
ታላቅ ሩጫ ላይ፥
ወልመጥ ወልመጥ ሲል። ደስ ይላል አባት🙂


📱ከወደዱት ለወዳጅዎ ያጋሩት!📱
@bewketuseyoum19
@bewketuseyoum19

መጣለሁ
  በናፍቆት አክናፍ ስከንፍ
ያስለመድሽኝን .. , ውብ አይንሽን
ዳግም ላተኩር  ልተክዝበት
ህይወት ውጥንቅጡን
ዳግም ላዘግም ልዘብትበት

መጣለሁ

ከሳቅ  ነው ? 'ሳሳቅሽ ?
ገላሽ ነው ጠረንሽ  ?

ይህነው በማልልሽ
ይሄ ነው በምልሽ
በሂ አፈጣጠርሽ



መጣሁ
መጣሁማ

ሀሴት ላደርግበት

ቅኔ  ልቀኝበት

አኮኬት
አኮቴት አኮቴት ልልበት ።




መሳት ሳያስትሽ
መጠርጠር  ሳያይሽ
መርሳት ትዝ ሳይል
መልመድ ሳይሰውርሽ
ጥቂት ጥቂት
ብቻ





ግን ግን
እንድያው የድንገት
እኔን ስጠብቂ
ቢመስልሽ  የምቀር
ይህንን አስቢ

ሌት ለሺህ ሰከንዶች
ታብዮ ቢጨልም
ምድር አይኗን መግለጧ
ፀሀይ መፍለቅለቋ
መንጋቱ እንደው
አይቀርም።


ስትሰጊ  ቢከፋሽ
መጠበቅ ቢደብት
ተስፋ ቢያሳጣሽም
ጥበቃ መቆርፈድ
እድሜን ማንደድ
መክሰም
ሆኖ ቢታይሽም


ደሞም
ደሞም

ልትተይኝ ብትይ,
ብትረሽኝም ደሞ
ሌላ ልትለምጅ።

ቃሌን 'ዳትዘነጊ
መጣለሁ
መጣለሁ
እምነትሽን አትጭ ።

By ሚክያስ አለምሰገድ

📱ከወደዱት ለወዳጅዎ ያጋሩት!📱
@bewketuseyoum19
@bewketuseyoum19

እንቅልፌን ላውስሽ
እስከ ጠዋት ተኝ
ለችግርሽ እንደው
እኔ ልብከንከን ፣
ከቀን ባላድንሽ
የሌት ህልሜ ከሆን
ባንቺ ይታለም ፣

ከንፈርሽ ስር ያለች ነጥብ
ማሪያም ስማሽ ከሆነ ግን ፣
እንዴት አየህ አትበይ
ከእግሬ ስር ተኝተሽ
በሌሊት ወጋግን፣

(ነውና ያየሁሽ )

ካይንሽ ስር ላይ ገደል አለ
ግፋኝ ልውደቅ እያነባሽ ፣
እኔ ከታች ልውደቅ ቆይ
የዱር እሾህ እንዳይወጋሽ ፣

ደረቴ ጋር ጥብቅ በይ
ይጠፍሩኝ በልጥ ዛፍ ፣
ጡቶችሽ ጋር ካሳደረኝ
ከተራራው ጎጆ አፍ ፣

ከሰው መንጋ ተገንጥለን
ከጫጩት ድምፅ ተነጥለን ፣
በባዶ እግር ጫካ አልፈን
ተራራው ጫፍ ጎጆ ሰርተን
በጫካ ዛፍ ተከልለን ፣

ከሰሜን ንፋስ ሲ ነ ፍ ስ
ደመናው ሰማይ ሲ ወ ር ስ

በምስራቅ ጎን
የድንቢጥ ድምፅ
በምዕራብ ታች
የአንበሳም...፣
በቀስታ ተቃቅፈን
በዝምታ ስንሳሳም ፣

በጣቶቼ ወገብሽን
ክንዴ ሞልቶት ዞሮ ሲደርስ ፣
ከሰማዬ ነጫጭ ውሃ
ዝናብ ሚሉት ከእኛ ሲፈስ ፣

ተቃቅፈን ከአልጋችን
ዶፉ ሲወርድ ከጎጆ ውጭ ፣
በሳቅሽ እየታጀብኩ
በብልጭታው እያየሁሽ
በነጎድጓድ ስትደነግጭ ፣
በጣቶችሽ ጣቴን
በጭንቀት ስትጨብጭ ፣

ድንግጥ ስትይ አንገቴ ስር
ትንፋሽሽ ላይ ሙቀት ሳገኝ ፣
በግርብታ ያልጠበቀ
በቀ..ስ..ታ..ከንፈርሽ እንደሳመኝ

ከሩቅ ላይም የአራዊት ድምፅ
ከክንዴ ላይ ያንቺ ነፍስ ፣
ከንፈርሽ ስር ባለው ሀይቅ
ዋኝተንበት እንፍሰስ ፣

ከዚህ ጩኸት እንደበቅ
ከጫጫታው እንሰወር
በጨለማው ፍቅር ወበቅ
እንደ ድር እንደወር
ህልም ማለት..?እስኪ እንወቅ...?


የእኛን ኑሮ ካልጠበቁት
ከገፉን ስር ከሚስሙት
አድበስብሰው ከሚቀብሩት
ተራራ ስር ካለው ጎጆ
ዘላለም ነጥለን
ዘላለም ተቃቅፈን
ዘላለም እንሙት

geez_mulat
ግዕዝ ሙላት

📱ከወደዱት ለወዳጅዎ ያጋሩት!📱
@bewketuseyoum19
@bewketuseyoum19

በመኖር አጸድ ውስጥ
(በእውቀቱ ስዩም)

ጊዜ ከሰው መሀል- መርጦ ሲያቀማጥል
ማጣት አለ ደሞ፥
የወለዱትን ልጅ፥ ጉድፍ ላይ የሚያስጥል
በተፈሰከ ቀን፥ ጾምን የሚያስቀጥል::

እድልና ትግል በሚጫወቱበት
በደልዳላው ስፍራ
አለቃና ጭፍራ-
-ቃል ሲለዋወጡ፥ ውልና መሀላ
“አብረን እናድጋለን” ቢባል ለይስሙላ
ወንዙን ሳያጎድል ፥ሐይቁ መች ሊሞላ፤

ጸሐይ ብትወጣ
ፍጥረት በጠቅላላው ጸጋዋን ቢቀበል
የደመናም ጠበል፥
ለሁሉ ቢደርስም
አንደኛው አያድግም፥ አንዱን ሳያከስም::

📱ከወደዱት ለወዳጅዎ ያጋሩት!📱
@bewketuseyoum19
@bewketuseyoum19

አልገባህም
***
ጉዞ አይደለም ያማረረኝ
መውጣት መውረድ መመላለስ፣
እመጣለሁ ነይ ብትለኝ
ተራራው ጫፍ ዳሽን ድረስ፣
ከገሞራው ጋር ተስማምተህ
ከኤርታሌ ብትጠራኝ፣
እመጣለሁ በሳት ትንፋግ
መቀጣጠል ሳያስፈራኝ፣

ፋሲልም ሂድ
ቢሻህ አክሱም ላሊበላ፣
እኔ እንደሆንኩ
ተከታይ ነኝ ያንተን ጥላ፣
ጉዞ አይደለም ያማረረኝ
መውጣት መውረድ መመላለስ፣
ከቻልክ አንተ ጥራኝ እንጂ
እመጣለሁ ሰማይ ድረስ፣

አይ አይ ዝም በል አልገባህም
ኩርፊያዬ እና ንጭንጬ፣
በሄድክበት ቶሎ እንዳልደርስ
እንዳልመጣ ተሯሩጬ፣
ፍቅርህ በዝቶ በልቤ ላይ
የማልችለው ሆነኝ ሸክም፣
እንዳልፈጥን እያዛለ
አደረገኝ እንድደክም፣

ባለችኝ ቃል የምነግርህ
ያሰብኳትን ለመናዘዝ፣
ልብ ሲያዝ እንኳን እግር
አንደበትም አይታዘዝ፣
ካንተው እኩል እንድራመድ
ከመድረሻህ እንድደርስ፣
አስቀይመኸኝም ቢሆን
ከልቤላይ ፍቅር ቀንስ።

#ኤዶምገነት_ፃፈችው
@Edom_Ge

📱ከወደዱት ለወዳጅዎ ያጋሩት!📱
@bewketuseyoum19
@bewketuseyoum19

ተሳካላት አሉኝ እየተሳቀቁ እማዝን መስሏቸው ..

.....ስስቅ ገረማቸው

ተያቸው !!

ስኬትሽ .....

አብረን የወጠነው ፣አብረን ያወጣነው፣ አብረን ያወረድነው ፤ ፀሎቴም መሆኑ ስላልገባቸው ነው !!!
@adhanom mitiku


📱ከወደዱት ለወዳጅዎ ያጋሩት!📱
@bewketuseyoum19
@bewketuseyoum19

ለምን ፈጠርህ?

እልፍ አዕላፍ ዘመናት ወደ ኋላ ዞሬ
መኖሬን ሳልጨርስ ባለመኖር ኖሬ
እንደ ኤፍሬም ስዩም
ለምን አልፈጠርም አልልህም ዛሬ

ያለው ያነሰበት ፍስሀ የራቀው
አለም ጠባብ ሆና
ልቡን የጨነቀው
ፍጡር ያነሰው ነው
ለምን አልፈጠርህም
ብሎ የሚጠይቀው

ያውም ወደ ትናንት የኋሊት ተጉዤ
ፍጡር የሌለበት ቀናትን መዝዤ
ወደ አንተ አልመጣም
ለምን አልፈጠርህም?
የሚል ሙግት ይዤ

ሁሉን የምታደርግ
የአለማት ንጉስ
ለምን አልፈጠርህም
የተባልህ ክርስቶስ
አንዴ ልጠይቅህ
ጥያቄየን መል'ስ

ለምን ፈጠርህ?

ለሰው ነፃ ፈቃድ
ከሰጠህ በኋላ
ለምን እባብ ፈጠርህ
ካንተ የሚያጣላ

ለምን ፈጠርህ?

የተገኘን ሁሉ
ከየመንገዱ ላይ እየበላን ስንኖር
ብርድ ሳይደቁሰን ልብስ ሳንቸገር
በለስን የፈጠርህ
ለምን ጥቅም ነበር

የሚበላ ሞልቶ
በለስን የበላን እኛ ሆዳም ፍጡር
አትስሩ ያልከንን በመስራት ስንሽር
ሞት ሲፈረድብን የባርነት ቀንበር
ለምን አንተ ሞተህ
ፈጠርህ አዲስ መኖር

ደግሞስ
ሞታችንን በሞት
በገደልከው ማግስት
ልቡን እያወቅኧው
ይህን የአዳም ፍጥረት
አመንዝራ ፈጥረህ
ለምን ትደግማለህ ስተትን በስተት

አንተ የአለም ገዢ
ሁሉን ማድረግ ስትችል
ለምን ትፈጥራለህ
ቃል ማክበር የማይችል
ለምን?
ለምን?
አስርቱ ትዕዛዝህን ጠንቅቆ ፈፃሚ
ለክብርህ አጎብዳጅ ሰጋጅና ጿሚ
አለምን ዘንግቶ ከማህሌት ቋሚ
በሁሉ ስራዎች አንተን የሚከተል
እንዲህ አይነት ፍጡር
መርጠህ መፍጠር ስትችል
ለምን ትፈጥራለህ
ቃልህን ሚያቃልል

ለምን ፈጠርህ?

የአንተን ግሩም ስራ
ፍጥረትህን የሚንቅ
አውቃለሁ ባይ ፍጥረት
በፍፁም የማያውቅ
አንተን ሊገዳደር
ከትልቁ ባህር
በማንኪያ የሚጠልቅ
የእጆችህን ስራ
ለምን ፈጠርህ ብሎ
ደፍሮ የሚጠይቅ
ለምን ትፈጥራለህ
የእኔ አይነቱን ደረቅ

እኮ ለምን?

✍ዝምተኛው ፀሀፊ
@belay_HI

📱ከወደዱት ለወዳጅዎ ያጋሩት!📱
@bewketuseyoum19
@bewketuseyoum19