Aniin kun Anumadha!!
■■■■■■■■■■
Aniin kun anumadha
Gonkumaa an si hin ta'u
Eenyummaa koon sitti hima
An waa'ee kee hin haasa'u
Dhunfaadhaan na gorsitus
Kuma taatee dubbattus
An si ta'uu hin danda'u!!!!

Ilaalcha mataa koon qaba
Kanan itti hin qaanofne
Kaayyoo dhunfaa koon qaba
Kanan ammayyuu milkoofne


Of hin dhiphisin maaloo
Ani kooppii kee hin ta'u
Rabbii na uume malee
An namaaf gabra hin ta'u

Yoomiyyuu sin dhaga'u
An adeemsarran jiraa
Mul'ata fagoon qaba
Milkeessuufan jerjera

Yoo dandeesse naaf tumsi
Naaf ta'i obbolaa gaarii
Akkan galma koo ga'u
Waan qabduun na gargaari!

✍Abdulaziz Ahimedin
@AbdiiBiyyaa



@Kennaapost @Kennaapost