ታጋይ አምሓራ

አንድነትን ብቻ እንስበክ!

የአማራ ህዝብ ለረጅም ጊዜ በተለያዩ አካላት የተደቀነበትን የህልውና አደጋ ለመቀልበስ እልህ አስጨራሽ ትግል ላይ ነው፤ በዚህ ትግል የግል ፍላጎት፣ ወንዜነት፣ የፖለቲካ ልዩነት፣ እና የሀሳብ አለመግባባት አንድነታችንን እየቦቦሩ ይገኛሉ።

ይህ ደግሞ በተለያዩ አቅጣጫዎች እንድንበታተን እና ጠላቶቻችን እንዲጠቀሙባቸው ያደርገናል።

በዚህ ወቅት ከሁሉም በላይ የሚያስፈልገን ነገር አንድነት ነው። አንድነት ብቻ ነው ለአማራ ህዝብ ትግል ድልን የሚያረጋግጥ።

አንድነት ሁሉም አማራ በጋራ በአንድ መስራት ማለት ነው። ማለትም የጎጥ፣ የሃይማኖት፣ የፖለቲካ እና ሌሎች ልዩነቶችን ትቶ በመተማመን አንድ ላይ መሰባሰብ ማለት ነው። አንድነት በአንድ ድምፅ መናገር፣ በአንድ መንገድ መንቀሳቀስ እና ለጋራ ዓላማ መታገል ነው።

ስለዚህ፣ በዚህ ወቅት የሚያስፈልገን ነገር አንድነት ነው። ልዩነቶቻችንን በማስቀረት በጋራ መስራት አለብን። አንድነት ብቻ ነው ለአማራ ህዝብ ትግል ድሉን የሚያፈጥነው።

የመሬቱ ስራ እንዳለ ሆኖ እኛ የሚጠበቅብንን አንድነትን እንስበክ!

ታጋይ አምሓራ

ነፃነት በትግል እንጂ በልመና አይገኝም!

24/3/2017 ዓ.ም

ባህርዳር!

በባህር ዳር ከተማ ከአሁን በፊት በሚሊሻ ሰልጥነው ቤታቸው ለተቀመጡ እንዲሁም በተለያየ ምክንያት ከሚሊሻነት ራሳቸውን ላገለሉ ጥሪ መቅረቡን እና አንዳንዶቹ በድጋሚ በመግባት ላይ እንደሚገኙ በደረሱን መረጃዎች ለማረጋገጥ ችለናል።

ወገናችሁን ለስቃይ ለመዳረግ በድጋሚ የገባችሁ ዋጋችሁን በቅርቡ እንደምታገኙ እወቁ! ቀሪዎቻችሁ ግን ህዝባችሁን ክዳችሁ ግርድናን እንዳትመርጡ እናሳስባለን!

ያ ካልሆነ ግን ማንነታችሁን በስም እንዲሁም በፎቶ አስደግፈን ይፋ የምናደርግ መሆኑን እንገልፃለን።

ታጋይ አምሓራ

ነፃነት በትግል እንጂ በልመና አይገኝም!

23/3/2017 ዓ.ም

በሰሜን ወሎ ዞን ግዳን ወረዳ ዋና መቀመጫ ሙጃ ከተማ ላይ የአብይ አህመድ ወንበር አስጠባቂ ጥምር ጦር አሁን በዚህ ሰዓት እየተቀጠቀጠ ይገኛል ።

ሺመልስ አብዲሳ - በነቀምት!

ኦሮሚያ ክልል ከአማራ ክልል ጋር በሚዋሰንባቸው አካባቢዎች በፋኖ ታጣቂዎች የሚፈጸሙ ጥቃቶችን የመንግሥት ኃይሎች እንዳይከላከሉ በዋናነት እንቅፋት የሆነው የኦሮሞ ነጻነት ሠራዊት አማጺዎች የሚያደርጉት እንቅስቃሴ ነው ሲል በነቀምት ከተማ በተካሄደው የብልጽግና ፓርቲ አምስተኛ ዓመት የምስረታ በዓል ላይ ገልጿል።

የኦሮሞ ነጻነት ሠራዊት የተባሉት ኃይሎች የፋኖ ታጣቂዎች ወደሚገኙባቸው አካባቢዎች አይጠጉም፣ የኦሮሞ ሕዝብ ራሱን እንዳይከላከል አስቀድመው ትጥቅ በማስፍታት ለጥቃት ያጋልጡታል በማለት ተናግሯል።

~ ይሄ በኦሮሚያ የሚገኝ አማራ እንዲጨፈጨፍ ከሽመልስ ለኦነግ የተላለፈ ግልፅ ትዕዛዝ እንዲሁም ፍቃድ ነውና ሁሉም አማራ ከየትኛውም ጊዜ በላይ ራሱን ይጨብቅ!

~ ሌላኛው ኦነግ ወደ ፋኖ አይጠጋም ሲል አለቃቅሷል.. እየተዋወቅን ሽሜ! የማይሆነውን! 😁

ታጋይ አምሓራ

ነፃነት በትግል እንጂ በልመና አይገኝም!

18/3/2017 ዓ.ም

ፋኖ ኢንጅነር ማንችሎት መስከረም 2015 ላይ በፌስቡክ ገጹ ካሰፈረው ጦማር ይህ ወቅታዊ ጉዳያችንን የሚዳስስ በመሆኑ ልናጋራችሁ ወደድን።

በፋኖነት መጽሐፍ ውስጥ!

በክፍል አንድ፣ በትረ ፋኖን ማን ይጨብጠው ለሚለው ጥያቄ ይህን ምላሽ ይሰጣል፡- ‹‹የአንበሳ ልብን የታደለ፤ ለዓመታት አላማ ጽናትን ያነገበ፤ በጥቅም የማይታለል፤ ወንዜነትና እኔነት የማያሸንፈው፤ ለህዝባችን እስከመቃብር ድረስ የታመነ ሰው ሊመራን ይገባል።›› ይላል።

በክፍል ሁለት ውስጥ ደግሞ የተለያዩ ጥያቄዎችን በማንሳት፡-
ማን ተብለን እንጠራ ሲባል ‹‹እንደ አንበሳ ክንድ ብርቱ፤ እንደ ነብር ቁጡ፤ እንደ ርግብ የዋህ በሆነው… በዚህም ባህርይ በሽተኛን ጠያቂ፤ የተጣላን አስታራቂ፤ የደከመን አነቃቂ፤ ‘እኔ ሳይሆን እኛ’ በሚል ክንድ ብርቱ የዓላማ ሰው፤ ቁሞ ከሚሸነፍ ሙቶ ማሸነፍን የስነልቦናው መሰረት ያደረገ የአሸናፊነት ምልክት፤ በሞትና ሕይወት መካከል በሚደረግ ብርቱ ትግል በሚገኝ ወርቃማ ስም ‘ፋኖ’ ተብለን እንጠራ።›› በማለት ይመልሳል።

የአባት ልጅ መሆን ያለውን ጠቀሜታ ካስረዳ በኋላም፣ ፋኖ በፖለቲካ ፓርቲ አባልነት ተሳትፎም አልተሳትፎም፣ የፋኖ ህብረት እንዲጠነክር ከሚያግዘው በላይ እንዲፈርስ የሚያምሰው ቁጥር ቀላል አይደለም በማለት፣ ‘ከሆዳም አማራዎች ጋር የሚደረገው ትግል’ ግብግቡ እንደሚፈትን ያሳስባል። በየትኛውም መልኩ ቢሆን ሹመኞች ጋር የሚለጠፍና ፖለቲከኞች አላማቸውን በኃይል የሚያስፈጽሙበት ተንበርካኪ ፋኖ ግን በጭራሽ ሊኖር አይገባም ሲል ፋኖንም ያሳስባል።

የጠራ አላማ ለማይሞት ትግል ሲልም፣ የአማራ ፋኖ እነዚህን አላማዎች አንግቦ መታገል አለበት በማለት ይመክራል። እነሱም፡-

• የአማራ ህዝብ ርስት፤ ታሪክ፤ እሴትና ባህል መጠበቅ
• በኢትዮጵያ የተለያዩ አካባቢዎች የሚገኝ ሁሉም አማራ ራሱን በራሱ እንዲያስተዳድር፤ በቋንቋና ባህሉ እንዲጠቀም ማስቻል
• የህዝብ ስልጣን ማገልገያ እንጂ መገልገያነቱ እንዲያከትም ማድረግ
• ‘እኔ ለሀገሬና ህዝቤ ምን ሰራሁ?’ የሚለውን ጥያቄ ‘ለሀገር ይሰጣል እንጂ ከሀገር አይወሰድም’ ብሎ በተግባር መመለስ
• በክፉ ጊዜ ወታደር፤ በደህና ጊዜ አርሶ አደር መሆን
• ዘወትር ከተገፉት ጎን መቆም
• አማራ ጠላትነትና በርካታ እንክርዳዶች የተሞሉበት ሕገ መንግስት እንዲቀየር ማስገደድ
• ውስጣዊ አንድነቱ የጠነከረ አማራን መፍጠር
• በአድካሚው የትግል ጉዞ ውስጥ በጎ የሰሩትን ማመስገን

እነዚህን አላማዎች ለማሳካት በሚደረግ ትግል ውስጥ የሚገጥም መሰናክል ካለም፣ ‹በመስዋዕትነት እናልፈዋለን እንጂ ወደኋላ መመለስ የሚባል ነገር ጨርሶ አይታሰብም› በማለት ፋኖ በትግል ሂደቱ ተተኪ የለሽ ሚና እንዳለው ያስገነዝባል።

ባህርያችንና ጠላታችን በሚለው ርዕስ ውስጥም እንዲህ በማለት ያስረዳል፡- ፋኖ ሊጠላቸው የሚገባቸው መሰረታዊ ነገሮች ውስጥ፡-

• ሴረኝነት፤ ተንኮልና ባንዳነት
• አድሏዊነት
• ሌብነት ወይም ሙሰኝነት
• እብሪት ወይም ዘፈቀዳዊ የሆነ የኃይል አማራጭ

ናቸው።

ስለ ባህርይ ሲያስረዳም፣ ፋኖ ሊኖረው ስለሚገባ ባህሪዎች እነዚህ ናቸው፡-

• ሐቀኝነት
• ከራስ በላይ ለሆነ አላማ መኖር
• መዥገር ነቃይነት
• ህዝባዊነት
• ወታደርነትና አሸናፊነት

ናቸው በማለት ትውልዱ የመዳኛ መንገዱን በመሆን እንዲጀምር ያሳስባል።

በዚሁ ክፍል ‘እንታጠቅ ወይስ እንፍታ?’ ለሚለው መሰረታዊ ጥያቄም፣ ‹‹ለምን ወደዚህች ምድር መጣሁ? በዙሪያዬ ምን እየተካሄደ ነው? እኔ ምን ማድረግ አለብኝ? ትናንትን በምን መልኩ ልረዳው? ዛሬን እንዴት ልኑረው? ነገን እንዴት ልጠብቀው? ይህ ህዝብስ ምን ዓይነት ከበባ ውስጥ ነው?›› የሚሉትን ማብራሪያ ከሰጠ በኋላ፣ የሀሳብና ቁስ ነፍጥን መታጠቅ እንጂ መፍታት አያስፈልግም በማለት በአጽንኦት ያሳስባል። በዚህ ክፍል መጨረሻም በላይ ዘለቀ፤ ፕሮፌሰር አስራት ወልደየስና ጎቤ መልኬ ‘የፋኖ የትግል አባት’ አድርጎ መነሳት ያስፈልጋል ሲል ክፍል ሁለትን ይዘጋዋል።

በየትኛውም የፖለቲካም ሆነ ሲቪክ አደረጃጀት ያላችሁ አማራዎች፣ ይህ መጽሐፍ ‘ለአንድ ህዝብ እስከታገልን ድረስ ተመሳሳይ አላማና ግብ እንዲኖረን ስለሚያደርግ’ ብታነቡት እመክራለሁ።

ታጋይ አምሓራ

ነፃነት በትግል እንጂ በልመና አይገኝም!

18/3/2017 ዓ.ም

ከባድ የደፈጣ ጥቃት ከሊቦከምከም በቅርብ ርቀት!

በደቡብ ጎንደር ዞን ሊቦ ከምከም ወረዳ ከአምቦ ሜዳ በቅርብ ርቀት ግራጫ ተብሎ በሚጠራው አከባቢ በነበሩ የአገዛዙ ወታደሮች ላይ ከባድ የሆነ የሽምቅ ጥቃት መፈፀሙ ተሰምቷል።

በጥቃቱ በርካታ የብልፅግና ፓርቲ መከላከያ ሰራዊት አባላት የተገደሉ ሲሆን ቁስለኞች ለሕክምና ወደ አዲስ ዘመን እየተወሰዱ መሆኑን ለማረጋገጥ ችሏል።

ከጥቃቱ የተረፉት ወታደሮች የአከባቢው ነዋሪ አስከሬን እና ቁስለኛ እያነሳ በተሽከርካሪ እንዲጭን ያዘዙ ቢሆንም፡ ነገር ግን ሕዝቡ "የጓዶቻችሁን አስከሬን ከወደቀበት አንስተን በተሽከርካሪ ከጫንላችሁ በኋላ መረጃ ታወጣላችሁ በሚል ምክኒያት ልክ እንደዚህ ቀደሙ ትገድሉናላችሁ"በሚል አንተባበርም ብሏል።

በዚህም በአከባቢው ውጥረት መንገሱ ነው የተሰማው።

መረጃው በአማራ ፋኖ ጎንደር ዕዝ የእቴጌ ጣይቱ ክፍለጦር ቃል አቀባይ ፋኖ መልካሙ ጣሴ ነው።

ታጋይ አምሓራ

ነፃነት በትግል እንጂ በልመና አይገኝም!

14/3/2017 ዓ.ም

የጥንቃቄ መረጃ!

ባህር ዳር ዙሪያ ከጠዋት ጀምሮ እስከዚህ ሰዓት የሄልኮፍተር ቅኝት እየተደረገ መሆኑን ምንጮች ለታጋይ አምሓራ ገልፀዋል።

በቀጠናው ያሉ እንቅስቃሴዎች ከአየር ጥቃት እና እይታ ውጭ በሆነ መልኩ እንዲሆኑ እናሳስባለን!

ታጋይ አምሓራ

ነፃነት በትግል እንጂ በልመና አይገኝም!

14/3/2017 ዓ.ም

አምስቱ የአማራ ግዛቶች፤
አንድም አምስትም፡
አምስትም አንድም

አማራ በመካከለኛው ዘመን የነበረው ይዞታ በአሁኑ ሰአት የለም፡፡ ቀደም ብሎ
እንደተጠቀሰው አማራው በኦሮሞ ተጨፍጭፎ፣ የተረፈውም ህዝብ ማንነቱ ተለውጦ
አማራ-ኦሮሞ ሆኖ ይገኛል፡፡ አማራው በታሪክ የኖረበትም ምድር ተኮርምሞ ተኮርምሞ
የፍየል ግንባር የምታክል መሬት ቀርታዋለች፡፡ እሷንም ለመሰልቀጥ የትግሬና የኦሮሞ አውዳሚ ብሄረተኞች ሲያፋሽጉ ይውላሉ፣ ያድራሉ፡፡ ከዚህች ከቀረችውም ምን ያህል
እንደሚቦጭቁ የየራሳቸውን ካርታ ሲስሉ ያድራሉ፡፡ በዚህ ፈተና ውስጥ ሆኖም እንግዲህ
አማራ አንድነቱን ጠብቆ ይገኛል፡፡ እስካሁን ባየነው ሀተታ መሰረትም አንድ ህዝብነቱን
በዘመናት ወጀብ ሁሉ ይዞ ይገኛል፡፡ ይህ ህዝብ በአራት ከፍላተ ሀገራት ገቢራዊ-መሬታዊ
ግዛቶች (Actual territory) እና በአምስተኛ ሀሳባዊ-ታሪካዊ ግዛት (Potential and
imaginary territories) ውስጥ ይገኛል፡፡ አምስተኛው ሀሳባዊ ግዛት ማለትም
ኢትዮጵያ ውስጥ የአማራው ነባር ይዞታዎች በነበሩት፤ ነገር ግን አሁን በተወረሩት
መሬቶች ተበታትኖ እና በመላው ዓለም ተበትኖ የሚኖረውን ህዝብ ያጠቃልላል፡፡ አማራ
በአራት ገቢራዊ ግዛቶች እና በአምስተኛው ሀሳባዊ ግዛት ተበትኖ ቢኖርም ቅሉ አስደናቂ
አንድነት ያለው ህዝብ ነው፡፡ ለዚህም ነው አማራ አምስትም አንድም፡ አንድ አምስትም
ነው ለማለት የቻልነው፡፡ ይህንን አረዳድ ይዘን እስኪ የአማራውን ውስጣዊ አንድነት
ምንጭ እያጣቀስን እንመልከት፡፡

የአቢሲኒያ ቤት አሰራር በጣም ቀላል እና በሁሉም መደቦች እኩል የሆኑ
ናቸው፤ ወደ ሰሜን በድንጋይ፡ በሸዋ ደግሞ በእንጨት ከመሰራታቸው በቀር 368 በሚለው
የቡላቶቪች ምልክታ የአማራን ውስጣዊ ብሄራዊ አንድነት እንመለከታለን፡፡ በሰሜን
አማራ አካባቢ ውድሞ፣ ደርብና ምድር ወይም በዘመኑ አጠራር underground,
ground and upstairs (towers) የተባሉ የቤት አሰራር ክፍሎች ነበሩ፡፡ ይሄ አይነት
አሰራር ድንጋይ እንደልብ በሚገኝባቸው አካባቢዎች ይዘወተር የነበረ ነው፡፡ ይህ ህዝብ
በዚህ በቤት አሰራር ብቻ ሳይሆን በሁለንተናዊ አኗኗሩ ረገድ አንድ ወጥ ማንነት ያለው
ህዝብ ነው፡፡

አማራ ከጥንት ከሞላ ጎደል ከበባዊ በሆነ ምድር የሚኖር ህዝብ ነበር፡፡
በኋለኛው ዘመናት በወራሪነት የገቡ ህዝቦች መሬቱን ሳይወስዱበት የነበረው መሬታዊ
ቅርጽ ከበባዊ (Compact) ነበር፡፡ ዳር ዳር አካባቢ ከሚገኙ ቆላማ የአየር ንብረቶቹ
በቀር የምድር ገነት የሚባል አይነት ቦታ ላይ ሰፍሮ የኖረና የሚኖር ህዝብ ነው፡፡ በድሮው
ጊዜ በተለያዩ ምክንያቶች ከቦታ ቦታ ሲዘዋወር የኖረ ከብሄርነት አልፎ ዘመድ የሆነ ህዝብ
ነው፡፡ ዘመድ እስከ ሰባት ቤት በሚለው ብሂል የሚሰላው አይነት፡፡ አሁን በአራት
ትላልቅ ግዛቶች ማለትም በጎንደር፤ በሸዋ፣ በሳይንትና በጎጃም፤ እንዲሁም በአምስተኛው
ሀሳባዊ ግዛት ከመወሰኑ በፊት ብዛት ባላቸው ግዛቶች እና ንኡሳን ግዛቶች ይኖር ነበር፡፡
ከአንዱ አካባቢ ወደ ሌላው በተደረገው ያልቁዋረጠ የህዝብ ዝውውር የተነሳ አማራ
በጠቅላላው ዝምድናው ወደ ቤተሰብነት ያደገ ብሄር ነው፡፡ ለምሳሌ የአማራ ሳይንት
ሰዎች ገዥዎች ቢሆኑ ወታደርና መኳንንት በሞላው ወደ ሌሎች አካባቢዎች ይላካል፡፡
የሌላው አካባቢም ወታደርና መኳንንት በሹመትና በግዞት ወደ ተለያዩ አካባቢዎች
ይላካል፡፡ የአማራ ሳይንት መኳንንትም አስተዳደራቸውን ለማደላደል ሲሉ ከመላው
አማራ አካባቢዎች ጋር መንግስታዊ ጋብቻ ያደርጋሉ፡፡ የጎዝመን (ጎዛመን) እና የጎንጅ
አካባቢ ገዥዎች በሚሆኑበትም ጊዜ እንደዛው ያደርጋሉ፡፡ የጌራ ምድር እና ተጉለት ገዥዎች በሚነሱበት ጊዜም እንደዛው ያደርጋሉ፡፡ የደምቢያና ስሜን ገዥዎች በሚነሱበት
ጊዜም ያንኑ ያደርጋሉ፡፡ ባጭሩ የአማራ የህዝብ ለህዝብ ትስስር እንደሸረሪት ድር
የተሳሰረ፤ እንደሸማኔ ዝሀና ፈትል የተዳወረ ነው፡፡ ይህ ወደጥንቱ ዘለግ ተደርጎ ሲወሰድ
እስከባሌና ደዋሮ፤ ግራርያ እና እናርያ አማሮች (ዛሬ የተዋጡና የጠፉ) ድረስ የሚዘረጋ
ነው፡፡

ይህ የህዝብ ትስስርና ቤተሰባዊነት በፖለቲካውና በወታደራዊው መስክ ብቻ
የተገደበ አይደለም፡፡ በሀይማኖታዊውም ዘርፍ እንደዛው ነው፡፡ ተማሪዎች ከሸዋ፡
ከሳይንትና፡ ከጎጃም አቋቋምና ዜማ ለመማር ወደጎንደር ይሄዳሉ፡፡ በአብዛኘውም በዛው
መሪጌታና ደብተራ ሆነው ተጋብተው ተዋልደው ይቀራሉ፡፡ ቅኔ እንዲሁም ዜማ ለመማር
ወደጎጃም ይሄዳሉ፡፡ በዛውም እንደዛው ይሆናል፡፡ በሸዋም፤ በሳይንትም እንዲሁ፡፡
ከአንዱ አካባቢ ወደሌላው ገዳማትና አብያተክርስቲናትን ለመሳለም ይንቀሳቀሳሉ፤
የህዝቡ መተሳሰርም እንደዛው ይሆናል፡፡ ሙስሊም አማሮች በተለይ በንግድ ትስስሩን
ሲያጠብቁት ቆይተዋል፡፡ በትምህርትም ከቦታ ቦታ ይንቀሳቀሳሉ፡፡ ለምሳሌ ከሳይንትና
ጎንደር እንዲሁም ጎጃም ወደሰሜን ሽሆች እንቅስቃሴ ይደረጋል፡፡ ምነናም ከዚሁ
የሚመደብ ነው፡፡ ከአንዱ ግዛት ወደሌላው ግዛት ገዳማት ይንቀሳቀሳሉ፡፡

አማራ ከሁሉም ግዛቶች ርስትን-ህግን በተመለከተ በሚያደርገው እንቅስቃሴ
ይተሳሰር ነበር፡፡ ለምሳሌ ከጎንደር፡ ጎጃም እና ሳይንት አዲስ አበባ ድረስ ለክርክር (ለእሰጥ
አገባ ክርክር) ይሄዱ ነበር፡፡ ያም ሂደት በእግር የሚደረገውን እንቅስቃሴ ሁኔታ
ስንደምርበት የህዝብ ቅልቅሉን ያሰፋዋል፡፡ የመንግስት መቀመጫዎች በጎንደርና ሳይንት
እዲሁም በጎጃም በነበሩበት ጊዜም እንዲሁ፡፡ በተለይ በተለይ ወታደርነትና ሽፍትነት
አማራን አንድ ወጥ ህዝብ በማድረግ ወደር የለሽ ሚና ተጫውተዋል፡፡ ከአንዱ ግዛት
ወደሌላው የመንግስት መቀመጫ ግዛት ህዝብ ለወታደርነት፤ ለጭቃነት፤ ለምስለኔነት፤
እና ለሌላ አገልግሎት ይገባል፡፡ ለወዶ ዘማችነት እና በዛውም ወታደር ሆኖ ለመቅረት
ይገባል፡፡ ሽፍትነትም እንዲሁ፡፡ ከአንዱ ግዛት ሸፍቶ ወደሌላው ይሄዳል፡፡ በዛውም
ትውልዱን መስርቶ ይኖራል፡፡ ንግድ በበኩሉ አማራን ቤተሰባዊ በማድረግ ትልቅ ሚና
ተጫውቷል፡፡ ከላይ የተጠቀሰው የሙስሊም አማሮች ሚና እንደተጠበቀ ሆኖ
የተቀረውም ህዝብ ለንግድ ከቦታ ቦታ ሲንቀሳቀስ ነው የኖረው፡፡ ጦርነትም አማራን
ትስስሩን ቤተሰባዊ አድርጎታል፡፡ በራሱ በአማራው መካከል በሚነሳ ሆነ በውጫዊ አካል
በሚሰነዘር ጥቃት የአንዱ አካባቢ አማራ ወደሌላው በመሸሽ ክፉ ቀንን ያሳልፋል፡፡
ለምሳሌ ጎንደር በደርቡሽ በጠፋችበት ዘመን የጎንደር አማሮች ሳይንት፤ ጎጃምና ሸዋ
ሄደው ክፉ ቀንን አሳልፈዋል፡፡

~ ግዮናዊነት

ታጋይ አምሓራ

ነፃነት በትግል እንጂ በልመና አይገኝም!

14/3/2017 ዓ.ም

የአማራ ፋኖ አንድነት በዚህ የህልውና ትግል ውስጥ ከሚታሰበው በላይ አስፈላጊነት አለው።

አንድነት ኃይል ይፈጥራል፣ ውጤታማ ስትራቴጂን ያመቻቻል፣ እናም በትግሉ ውስጥ ያሉትን ተግዳሮቶች ለመቋቋም ይረዳል።

የአማራ ፋኖ በአንድ ፖለቲካዊ እና ወታደራዊ ድርጅት መመራት እና መታገል በርካታ ጥቅሞች አሉት።

ከአንድነት ጥቅሞች መካከል:

• የትግሉን ኃይል ማሳደግ: አንድነት ያላቸው ኃይሎች በተናጥል ከሚዋጉ ይበልጥ ኃይለኛ ናቸው። የፋኖ አንድ መሆን ኅይሉን በመጨመር በትግሉ ያለውን ተጽዕኖ ያሳድጋል።

• ውጤታማ ስትራቴጂ: አንድነት ያላቸው ቡድኖች ስትራቴጂያቸውን በተሻለ ሁኔታ ማቀድ እና ማስፈጸም ይችላሉ። የፋኖ አንድ መሆን ስትራቴጂውን በተሻለ ሁኔታ በማቀድ እና በማስፈጸም በትግሉ ውስጥ ያለውን ስኬት ያሳድጋል።

• ተግዳሮቶችን መቋቋም: አንድነት ያላቸው ኃይሎች በትግል ውስጥ የሚገጥሟቸውን ተግዳሮቶች በተሻለ ሁኔታ መቋቋም ይችላሉ። ይህም ትግሉን ለማሸነፍ ይረዳቸዋል።

የፋኖ አንድ ሆኖ መታገል በትግል ውስጥ የሚገጥመውን ተግዳሮቶች በተሻለ ሁኔታ በመቋቋም የማይቀረውን ድል ያፈጥነዋል።

ሁላችንም ለአማራ ፋኖ አንድ መሆን የድርሻችንን እንወጣ!

© ታጋይ አምሓራ

ታጋይ አምሓራ

ነፃነት በትግል እንጂ በልመና አይገኝም!

13/3/2017 ዓ.ም

👉#የድል ዜና

✍️በሁለት  አይሱዙ አስከሬኑን ጭኖ የፈረጠጠው የአገዛዙ ወታደር ድሮን በመጠቀም ሁለት የቀንድ እንስሳትን ገድሎ ሔደ።

✍️ ህዳር 12/2017 ዓ.ም ከጠዋት ጀምሮ የአሳግርት ከተማን እይዛለሁ በሚል የከንቱ ቅዠት ሞርተር፣ዲሽቃ ፣መቶ ሰባት፣ዙ -23 እና ድሮን በመጠቀም የአስማረ ዳኜ ብርጌድ የፋኖ አባላት ላይ ጥቃት ለመፈፀም አስቦ የተንቀሳቀሰው የአብይ አህመድ ወንበዴ ቡድን ሁለት አይሱዙ እና አንድ ቢክ አፕ አስከሬን ጭኖ ተሸኝቷል።

   ✊ "እሰይ እሰይ ህዳር ታጠነ"

✍️በአገዛዙ አጠራር በሰሜን ሸዋ ዞን አስተዳዳሪ በአቶ መካሻ አለማየሁ ሰይጣናዊ ፊርማ የጀግናው የአስማረ ዳኜ ቀዬ እንድትወድም ተፈርዶባት አለኝ ያለውን የምድር እና የአየር ከባድ መሳሪያ በመጠቀም የአማራን ህዝብ ለማጥፋት ተማምሎ የሔደው የአገዛዙ ቡድን በአማራ ፋኖ ሸዋ ዕዝ ከሰም ክፍለጦር አስማረ ዳኜ ብርጌድ እና በአማራ ፋኖ ሸዋ ዕዝ ነጎድጓድ ክፍለጦር ጋተው ብርጌድ የፋኖ አባላት የተባበረ ክንድ የእነ አብይ አህመድ ወንበር ጠባቂ ፣የእነ መካሻ አለማየሁ ተቀላቢ ቡድን ሁለት አይሱዙ እና አንድ ፒካፕ አስከሬን ጭኖ ተመልሷል።

✍️በድርጊቱ የተበሳጨው ፀረ አማራው ቡድን በተደጋጋሚ የድሮን ጥቃት ቢፈፅምም የአንድ ግለሰብ የግል ሀብት የሆነን ሁለት የቁም እንስሳ ከመግደል ውጪ በሰዎች ላይ ምንም አይነት ጉዳት ሳይደርስ የጠላት ሀይል ጊና አገር ጤና ጣቢያ ሌላውን ማህበረሰብ እንዳይታከም በመከልከል ከ70 በላይ ቁስለኛ በወረፋ ሲታከም መዋሉን አሻራ ሚዲያ አረጋግጧል ።

ድል ለአማራ ፋኖ
የአማራ ፋኖ ሸዋ ዕዝ ህዝብ ግንኘነት ክፍል
    ህዳር 12/2017 ዓ.ም

የፋኖ ምላሽ በወጣቱ ግድያ ዙሪያ

በሰሜን ሸዋ ታርዶ በተገደለው ወጣት ዙሪያ ምላሽ የሰጠው ፋኖ ድርጊቱን ብልጽግና እንደፈጸመው አጋለጠ

በሞት አፋፍ ላይ ያለ ስርዓት የሚፈፅመውን አረመኔያዊ ድርጊት ህዝባችን አምርሮ ሊታገለው ይገባል ሲል የአማራ ፋኖ በጎጃም ምክትል ሰብሳቢና የፖለቲካ ዘርፍ ሃላፊ አርበኛ አስረስ ማረ ዳምጤ በማህበራዊ ትስስር ገጹ አስፍሯል፡፡
የዐቢይ አሕመድ የጥፋት አገዛዝ በሁሉም ኢትዮጵያዊ ላይ ሲያሻው በተመሳሳይ ሰዓት ሲፈልግ ደግሞ በፈረቃ ጅምላ ግድያና እልቂትን እየፈፀመ ቀጥሏል ሲል ገልጿል አርበኛው፡፡
አገዛዙ የከፈተውን ጦርነት ማሸነፍና መቋቋም ሲያቅተው አንዱ ሌላውን የገደለ ለማስመሰል ሲቀሰቅስ፣ ንፁሃንን ሲገድልና በእሳት ጭምር ከነነፍሳቸው ሲያቃጥል አሳይቶናል ያለው አርበኛው ፣የአማራን ሕዝብ ከሌሎች ኢትዮጵያዊያን ጋር ደም ለማቃባትና በጥርጣሬ እንዲተያይ ለማድረግ የሚፈጽማቸው ግፎች በቀጠሉበት በዚህ ወቅት በኦሮምያ ክልል ሰሜን ሸዋ አካባቢ አሰቃቂ ግድያዎች ተፈጽመዋል ብሏል፡፡ ይህንን ድርጊትም ፈፅሞ እናወግዛለን ያለ ሲሆን ይሄን ማውገዝ እንኳን እንደኛ ካለ በደል እና መገደል አንገሽግሾት ለነፃነት ከወጣ ታጋይ ብቻ ሳይሆን ከማንኛውም ሰብዓዊ ፍጡር የሚጠበቅ ነው ሲል አክሏል።
መሰል ግድያዎችን በተለያዩ የአገሪቱ አካባቢዎችም ሆነ በአማራ ክልል ሲፈጽም የሚታወቀውም ሆነ አሰቃቂ ጅምላ ጭፈጨፋዎችን ሲያካሂድ በዓለም ጭምር ሲወገዝ የነበረው የብልጽግናው አገዛዝ ወንድም ከሆነው የኦሮሞ ሕዝብ ጋር ሕዝባችንን ለመነጠል በማሰብ ይህንን ነውረኛ ተግባር መፈፀሙን መጠራጠር አያስፈልግም በማለትም አጽንኦት ሰጥቷል፡፡
በመሆኑም አለም አቀፍ ገለልተኛ አጣሪ ቡድን ይህንን ነውረኛ ተግባርና አሰቃቂ ወንጀል እንዲመረምረው የጠየቀው አርበኛ አስረስ የሰብአዊ መብት ተቆርቋሪ ድርጅቶችም አስፈላጊውን ሁሉ እንድታደርጉ ሲል ጥሪ አስተላልፏል፡፡
ሌሎች ኢትዮጵያዊያንም የአገዛዙን ሴራ ተረድተዉ መሰል ድርጊቶችን እንዲያወግዙ እና በመሰል ሴረኛ መንገድ ሕዝቦችን ለማጫረስ የቆረጠውን አገዛዝ እንዲታገሉት ጥሪ አቅርቧል፡፡
እንዲህ ያሉ አሰቃቂ ግድያዎች የሚያቆሙበት፣ ኢትዮጵያዊያን በተለመደው ወንድማማችነታቸው የሚኖሩበት አገር ለመፍጠር የምንታገለው እኛ የፋኖ ኃይሎች ይህንን ድርጊት የምናወግዘውና በምንቆጣጠራቸው ግዛቶችም ሆነ በምንሰጣቸው ስምሪቶች መሰል ጥፋት እንዳይፈፀም አበክረን የምንጠነቀቅ መሆናችን ልብ ሊባል ይገባል ብሏል፡፡
በመጨረሻም በጭካኔና ነውረኛ መንገድ አሰቃቂ ግድያ የተፈፀመበት የኦሮሞ ወንድማችን እና ሌሎች በጥይት ተደብድበው ለሞቱት የኦሮሞ ወንድሞቻችን ቤተሰቦች ከልብ መጽናናትን እንመኛለን ብሏል፡፡
ይህ በእንዲህ እንዳለ በጃል መሮ የሚመራው የኦነግ ሸኔ ቡድን ይህን የሰሜን ሸዋውን ግድያ የፈጸመው የእነ ሽመልስ ኮሬ ነጌኛ ነው የሚል ምላሽ መስጠቱ ተነግሯል፡፡

ሮሃ

የደብረ ማርቆሱ ጥቃት !
ህዳር 11 ቀን 2017 ዓም ኢትዮ 251 ሚዲያ። ሚዛን አስጠባቂዋ የንጉስ ተክለ ሐይማኖት ብርጌድ በደብረ ማርቆስ።

በዛሬው እለት ከቀኝ ጌታ ዮፍታሔ ንጉሴ ፮ኛ ክፍለ ጦር ተወርዋሪ ንስር ኮማንዶ ጋር በመሆን ከለሊቱ 5:00 ሰዓት ጀምሮ እስከ ለሊቱ 10:00 ሰዓት ድረስ በደብረ ማርቆስ ከውኃ ጋን እስከ  የብራጌ  በተደረገ የደፈጣ ውጊያ የብልፅግና ወንበር አስጠባቂው የአድማ ብተና እና ሚኒሻ ኬላ ላይ የነበረ ሁሉ ተደምስሷል።

የብልፅግናው ጀኔራሉ ከዚህ በኋላ ደብረ ማርቆስ ላይ የጥይት ተኩስ አትሰሙም እያለ ሲቀልድ እንዳልነበረ ዛሬ ሌላ ታምር ተሰርቶበት አድሯል።

ከአማራ ህዝብ ጎን የቆሙ ከውስጥ ሆነውም የጠላትን ኃይል እንዲፈርስ ከፍተኛውን ስራ እየሰሩ ያሉ አድማ ብተና እና ፖሊስ በተሰጡት መረጃ መሰረት ፋኖ ስራውን ሰርቷል።

በዚህ የተደናበረው የጠላት ኃይል ከደብረ ማርቆስ ተነስቶ ንጉስ ተክለሐይማኖት ብርጌድን እይዛለሁ ጮቄንም እይዛለሁ ብሎ ከሳምንት በላይ የተንቀሳቀሰው የአብይ አህመድ አራዊት ሰራዊት ቡድን ከየቦቅላ፣ከቀይ አቦ እና ደብረዘይት ከባቢ ሲቀጠቀጥ መሰንበቱ ይታወቃል።

በመሆኑም ዛሬ ደብረ ማርቆስ ላይ በተሰራው ታምር ይሔ አራዊት ሰራዊት እግሬ አውጭኝ በማለት ሁሉንም ቀጠና ለቆ ከለሊቱ ሰባት ሰዓት ጉዞ በመጀመር ደብረ ማርቆስ ተያዘብኝ በማለት ይዞት የሔደውን ስንቅ እንኳ ሳይቋጥር በለሊት ደብረ ማርቅስ ገብቶ አድሯል ሲል የአማራ ፋኖ በጎጃም የቀኝ ጌታ ዮፍታሔ ንጉሴ ፮ኛ ክፍለ ጦር ቃል አቀባይ መ/ር ታደገ ይሁኔ ለኢትዮ 251 ሚዲያ ገልጧል።

የንጉሱ ልጆች እና ተወርዋሪ ንስር ኮማንዶዎች የቀኝ ጌታ ዮፍታሔ ንጉሴ ፮ኛ ክፍለ ጦር ቀኝ እጅ መሆናቸውን ያሳዩበት የዛሬው ውጊያ የጠላትን ቅስም ሰብረውት አድረዋል።

ጠላት ዳግም ወደየቀበሌዎች ወጥቶ በሰላም መመለስ እንደማይችል የተመለከተበት፣እኛ ፋኖዎች ደግሞ ጠላት የመጨረሻ እስትንፋሱ የቀረ መሆኑንና ምንም አይነት እርባና ያለው ወታደር እንደሌለው ያረጋገጥንበት አዳር ነበር።

እንግዲህ ከቁይ፣ከየሰንበት፣ከደብረ ማርቆስ፣ከደብረ ዘይት ተሰባስቦ የቦቅላን ይዞ የነበረው ኃይል ፤ የየሰንበቱ በጀርቤው ከሁለት ቀን በፊት ሲቀጠቀጥ ተመልሶ ወደ ካምፑ ሉማሜ ሲገባ የደብረ ዘይቱ ደግሞ ቀኝ አቦ ላይ አይቀጡ ቅጣት ሲቀጣ ከደብረ ማርቆስና ከቁይ የመጣው ደግሞ እግሬ አውጭኝ ብሎ ወደየመጣበት መገስገሱ ታምር ነው።

ፋኖ ይችላል፣የትኛውም ምድራዊ ኃይል የፋኖን በትር መሸከም አይችልም የምንለው ያለምክንያት አድለም ።

ያም ሆኖ ያ ከደብረ ማርቆስም ከደብረ ዘይትም ተንቀሳቅሶ የነበረው የጠላት ኃይል ጠቅልሎ ማርቆስ በለሊት ሲገባ፣ ከቁይ ወደ የቦቅላ መጥቶ የነበረው ኃይል ተመልሶ ቁይ መግባት አልችል ብሎ እየተቁለጨለጨ ይገኛል።

የደብረ ዘይትን ህዝብ በየቤቱ እየዞረ ሀብት ንብረታቸውን ሲያቃጥል የነበረ ወንበዴ አውዳሚ ቡድን ማርቆስ ላይ ያለው ቅሪት አካል መጎዳቱን በሰማ ጊዜ ከተኛበት ምሽግ ተነስቶ ማርቆስ ገባ።ገና አባይን ትሻገራለህ!!!

በማታው ምት እስካሁን የተረጋገጠ ስድስት (6 ) እስከመጨረሻው የተሸኘ ሁለት (2) የቆሰለ ነው ሲል የአማራ ፋኖ በጎጃም የቀኝ ጌታ ዮፍታሔ ንጉሴ ፮ኛ ክፍለ ጦር ቃል አቀባይ መ/ር ታደገ ይሁኔ ለኢትዮ 251 ሚዲያ ተናግሯል።

ኢትዮ 251 ሚዲያ
የነፃነት አንደበት !

ጥንቃቄ!

ረቡዕ ኅዳር 11/2017 ዓ.ም በመተማና ቋራ አገዛዙ ከፍተኛ በሆነ መልኩ የድሮን ድብደባ ለማድረግ ዝግጅት እንዳደረገ የውስጥ ምንጮቻችን ነግረውናል።

ታጋይ አምሓራ

ነፃነት በትግል እንጂ በልመና አይገኝም!

09/03/2017 ዓ.ም