ዛሬ ኀሙስ ነው!

መምሰል ጥላነትም ነው በሌሎች ፀሐይ አቅጣጫ ራስን በፅልመት መሳል ነው።

ያሬድ ጌታቸው (ጃጆ)

ሕይወት በመሆንና በመምሰል የተዋቀረችም ነች። ሰውነት ከሰው እንዲቀዳ የተለያዩ አመለካከቶችና ከብዙዎች ሊቃረም ይችላል። ይኽ ደሞ ሰዋዊና ተፈጥሯዊ ነው ከደመነፍሳዊ ድርጊት ውጪ የሰው ልጅ ራሱን ሚሰራበት የተሰጠውን አዕምሯዊ አቅሙን ተጠቀሞ እውቀትን ጥበብን ከሕይወት እየቀዳ ማንነቱን የሚቀርፅበት ማህበራዊ ልምምድ ፥ ሰው መሆንነት ነው።

መሆን የራስን እውነት በመከተል ውስጥ የገነባነው እኛነትም ጭምር ነው። መምሰል ደግሞ ምናልባትም በሰው ዳና የት እንዲያደርስ በማናውቀው መንገድ እንደመጓዝ ነው።

መሆን እንደፀሐይም ነው፣ ያንን ማንፀባረቅ ነገን ትልቅ ሊሆን የሆነ የፀሐይነት ጅማሮ ነው ማንፀባረቅ መመሰል አይደለም ብርሃናዊ ሀሳብ ከጨለማ በላይ ገዥ ሀሳብ ነውና።

መሆን በአብሮነት ውስጥ አለ በአብሮነት ውስጥ የሚወለድ ሀሳብ አሸናፊ ሀሳብ የመሆኖች ራስን ፈጥሮ ትልቅ መሆንን ይሆናል አብሮነት ውስጥ ያለ ማይሞግት ማንነት ሀሳብ ያለገዛው ማንነት የመምሰል ሌላ መልኩ ነው።

መምሰል ጥላነትም ነው በሌሎች ፀሐይ አቅጣጫ ራስን በፅልመት መሳል ነው። አለፍ ሲል የሰውነት እኩለ ቀን ፀሐይ ስትወጣ በእግር የሚረገጥ ምንምነት!


በመሆን ውስጥ የምታጣው በመምሰል ምታገኘውን ነው። መሆን ብቻህን ቢነጥልህ እውነት በመሆን ውስጥ አለ ያኔ ብቻህን አይደለህም ተገፍተህ በትወድቅም ኅሊናህን ያለፀፀት ትንተራሳለህ።

መሆንን መምሰል፥ መምሰልን መሆን አይከተለው።

ሆናችሁ ዋሉ ያኔ ...

ሁሉም ቀን ደስ ይላል !