ዶ/ር ምህረት ደበበ እና ዶ/ር እዮብ ማሞ


Channel's geo and language: Ethiopia, Amharic
Category: Blogs


👉የዶ/ር ምህረት ደበበ ፣ የዶ/ር እዮብ ማሞ እና የሌሎችም ፦፦፦፦፦፦፦፦
📖አነቃቂና አስተማሪ የሆኑ ወጎች
👉ስለ አመራር
👉አመለካከት(እይታ)
👉mindset
👉ስለ እድገት.......በስፋት እንዳስሳለን
📚 መፅሐፍት pdf
🎙የመፅሐፍ ትረካ
📖 አስተማሪ የሆኑ ፅሁፎች
👉👉👉contact us @Ay_ayche
@Fbg64


Channel's geo and language
Ethiopia, Amharic
Category
Blogs
Statistics
Posts filter


ከሁሉ ፍቅር ይቀድማል!

ደስተኛ መሆን ትፈልጋለህ? ፍቅርን ፍጠር አካባቢህን በሙሉ በፍቅር ሙላው ለምታገኘው ሰው ሁሉ ሰላምን ስጥ ከልብህ መውደድን ተማር ! ከልብህ መስጠትን ጀምር ! ምንም ሳትጠብቅ ሁኔታዎችን ሳታይ ካንተ የሚጠበቀውን ብቻ ፈፅም ያኔ ህይወት መልካም ነገሯን በሙሉ ወደ አንተ ትገለብጣለች ደስታህ ወደር አይኖረውም ፤ ፍርሀት ጥርግ ብሎ ከውስጥህ ይጠፋል ፤ እመነኝ በፍቅር ከሆነ ሁሉን ነገር ታሸንፋለህ!

join us...
@Ab_book
@Ab_book
@Ab_book


ጊዜው መሄዱ አይቀርም!

በዚህ አለም ትልቁ ሽልማት ይሄ ቅፅበት ነው፤ ይቺ ቅፅበት ካለፈች አለፈች ነው፤ ማንም አይመልሳትም። የማይጠቅምህን ወሬ ስትሰማ ወይ ተራ ቪዲዮ ስታይ ከእድሜህ ላይ 10 ደቂቃም ቢሆን ቀንሰህ እየሰጠሀቸው መሆኑን አስታውስ።

እድሜህን እንዴት በነፃ ትሰጣለህ?! የምናደንቃቸው ታላላቅ ሰዎች ከፍታው ላይ የወጡት ዕድሜያቸውን ለሚጠቅማቸው ነገር ሰጥተው ነው። አንተ ብታነብ ባታነብ ጊዜው መሄዱ አይቀር፤ ብትሰራ ስራ ብትፈታ አመቱ ማለፉ አይቀር፤ ብትማር ባትማር ደቂቃው መክነፉ አይቀር፤ ወዳጄ የሚጠቅምህን አሳምረህ ታውቃለህ! ነገ የተሻለ ቦታ ለሚያደርስህ ነገር ቅድሚያ ስጥ!

join us...
@Ab_book
@Ab_book
@Ab_book


ሰበብ መደርደሩን አቁም!

አሁን ለገጠመህ ችግር ሰዎችን መውቅስ አቁም! በሁኔታዎች ማማረር አቁም! በኑሮህ፣ በገቢህ፣ በትዳርህ ወይ በፍቅር ግንኙነትህ ደስተኛ ካልሆንክ በራስህ ምክንያት ነው፤ እኔ ራሴ ከፈጣሪ ጋር ሁሉንም አስተካክለዋለው በል!

አንተ ለራስህ ካልሆንክ ሌላ ማን እንዲሆንልህ ትፈልጋለህ? ይህቺ አለም ወደ ውስጡ ለሚያይና ራሱን ለሚቀይር ታሽቃብጣለች፤ በሰዎችና በሁኔታዎች ለሚያሳብብ ደግሞ ፊቷን ታዞራለች። ችግሩም መፍትሄውም እኔ ነኝ በል ወዳጄ!

የለውጥ ቀን ተመኘንላችሁ🙏

join us...
@Ab_book
@Ab_book
@Ab_book


ስትሰጥ የተረፈህን አትስጥ ፣
የማትፈልገዉን አትስጥ ! እሱ
መስጠት አይባልም መጣል ነዉ ።
ለሰዉ ልጅ መስጠት ያለብህን ለአንተ አስፈላጊ የሆነና ዉድ የሆነዉን ነገር ነዉ!

የቆሸሸ ፣ የተቀደደ ፣ የተረፈህ ፣ ማትፈልገዉ ፣ የጠበበህ ለሰዉ ምትሰጥ እመነኝ በፍፁም ሰጠዉ ብለህ እንዳታስብ ! የምሰጥ ከሆነ ለሰዉ ልጅ ዉድ ነገርህን ስጠዉ !
ፈጣሪህ አንድም ሳይሰስት እጅግ ብዙ ዉድ ነገሮችን በነፃ እንደሰጠህ አስተዉስ !
በነፃ የተሰጠህን በነፃ ስጥ !

የምትሄድበት እንዳይጠፋህ
የመጣህበትን አትርሳ !

ሠናይ ዕለት🙏

join us...
@Ab_book
@Ab_book
@Ab_book


#ግሩም_አባባሎች

"ያለምክንያት የሚወድህን አምላክ እያሰብክ ያለምክንያት የሚጠሉህን ሰዎች እርሳቸው።"

"እያንዳንዱ ቀን ትንሽ ህይወት ነው ከእያንዳንዱ ህይወት ቀን ጀርባ አዲስ ህይወት አለ፣እያንዳንዱ ጠዋት ትንሽ ወጣት እያንዳንዱ የሌለት እንቅልፍ ትንሽ መሞት ነው።"
#አርተር_ሾፐን_ሀወር

"ፍቅርን ማያዉቁ ሰዎች ፍቅር እዉር ነዉ ይላሉ፤ እኔ እላለሁ አይን ያለዉ ብቸኛ ነገር ፍቅር ብቻ ነዉ፤ ከፍቅር ዉጭ ሁሉንም ነገር እዉር ነዉ።"
#ኦሾ

"ዛሬን ለሰይጣን ነገን ደግሞ ለእግዚአብሔር አትስጡ።"
#ቅዱስ_ጎሮጎርዮስ

"ጥሩ ምላስ ስውር ማህተብ ያላት የዘመኑ ሰርተፊኬት ናት"

" ጨዋ ሰው በሌሎች ሰዎች መጎሳቆል ላይ የራሱን ምቾት አይገነባም እርሱ የሌሎችን ሰዎች ምቾት ለማደላደል የራሱን ምቾት ይረሳልና "
#አቡነ_ሺኖዳ

"ህይወትህ ቀላል እንዲሆንልህ አትፀልይ፡፡ ጥንካሬ እንድታገኝ ፀልይ እንጂ፡፡ በአቅም ልትሰራው የምትችለውን ነገር ለማግኘት አትፀልይ፡፡ ልትሰራው ካሰብከው ነገር ጋር የሚመጣጠን ሀይልን እንድታገኝ ፀልይ፡፡ከዚያ አስደናቂው ነገር 'የሰራህው ስራ' ሳይሆን 'አንተ' ትሆናለህ፡፡"
#ፊሊፕ_ብረክስ

."በዓመቱ ውስጥ ምንም ሊከናወን የማይችልበት ቀን ሁለት ቀናት ብቻ ናቸው ፡፡ አንደኛው ትናንት ሌላኛው ደግሞ ነገ ይባላል ፡፡ ዛሬ ለመውደድ ፣ ለማደግ እና ከሁሉም በላይ ለመኖር ትክክለኛው ቀን ዛሬ ነው።"
#ዳላይ_ላማ

join us...
@Ab_book
@Ab_book
@Ab_book


በእያንዳንዱ ህፃን ልጅ ውስጥ አንድ ገና ያልተገለፀ ትልቅ ሰው አለ። ይህም ጊዜን የሚጠብቅ ነው። ለእኔ ግን ምንጩን መርምሬ በቅጡ ያለደረስኩበት በሄዱኩበት ሁሉ የሚያጋጥመኝ በእያንዳንዱ ትልቅ ሰው ውስጥ የሚወራጭ ህፃን ነው። በህፃን ውስጥ የተሰወረውን ትልቅ ሰው ማሳደግ ደስታ ነው።በዐዋቂ ሰውነት ውስጥ ከተደበቀ ህፃን ጋር መኖር ግን ከሁሉም የከፋ መከራ ይመስለኛል::

ዶ/ር ምህረት ደበበ

join us...
@Ab_book
@Ab_book
@Ab_book


ግለሰባዊ ትኩረት

(“የትራንስፎርሜሽን አመራር” ከተሰኘው የዶ/ር ኢዮብ ማሞ መጽሐፍ የተወሰደ)

አንዳንድ ሰዎች በዙሪያቸው ላለው ሁኔታና ሌሎች ሰዎች ለሚያስተላልፉት መልእክት የሚሰጡትን ትኩረት ያህል ለራሳቸው አይሰጡም፡፡ ስለዚህም፣ ማንነታቸው ያለበትን ትክክለኛ ሁኔታ ለማወቅ ጊዜውና ትኩረቱ ስለሌላቸው በውጪ ሃሳቦችና በሁኔታዎች የሚነዱ ሰዎች ናቸው፡፡

ሁኔታቸው ተለውጦ፣ አመለካከታቸው ተበላሽቶና ማንነታቸው ከትክክለኛ ገጽታ ወጥቶ ሳለ፣ በዙሪያቸው ካለው ሁኔታና ሰው ጋር ተመሳስሎ ለመኖር ሲታገሉ ራሳቸውን ያገኙታል፡፡ አንዳንድ ሰዎች ደግሞ ለስራቸው የሚሰጡትን ያህል ትኩረት ራሳቸውን ለመንከባከብ አይሰጡም፡፡ ይህ ደግሞ የክስረት ሁሉ ክስረት ነው፡፡

አንድ ይህንን “ግለሰባዊ ትኩረት” (Individualized Consideration) የተሰኘውን መርህ በግል ሕይወቱ ተግባራዊ ለማድረግ ሲነሳ ለግል ሕይወቱ ትኩረትን በመስጠት ራሱን ማድመጥ ይጀምራል፡፡ ለምሳሌ፣ አንድ ለማሕበራዊ ሕይወቱ ብቻ ግድ የሚለውና በዙሪያ የሚገኙ ወዳጆቹ የሚፈልጉትን የማግኘታቸው፣ እንዲሁም እነሱ የመደሰታቸው ጉዳይ ብቻ ትኩረቱን የሳበው ሰው ባለው ማሕበራዊ ሕይወት ምክንያት ለራሱ ጠንቅ የሆነውን ነገር ለይቶ ለማወቅ ያስቸግረዋል፡፡

ጉዳዩን ሚዛናዊ ለማድረግ የሚከተሉትን ጥያቄዎች ሊጠይቅ ይገባዋል፡- “የራሴ አካል (ሰውነቴ) ምን አይነት ለውጥ እያሳየኝ ነው? ሕሊናዬስ ምን ይለኛል? በሰዎችና በሁኔታዎች በመገደድ የማልፈልገው ነገር ውስጥ ገብቻለሁ? እኔ ከሌሎች ሰዎች ለየት የምልበት ሁኔታዬ ምንድን ነው? ለዚህ ልዩነቴስ ስፍራ ሰጥቼው አሳድጌዋለሁ? ራሴን ነኝ?”

join us...
@Ab_book
@Ab_book
@Ab_book




ወጣቱ ለአንድ አዛውንት "በዚህ አለም ትልቁ ሸክም ምንድነው?" ብሎ ጥያቄ አቀረበላቸው፤ አዛውንቱ ምንም ሳያመነቱ "ምንም አለመሸከም" ብለው መለሱ።

ወዳጄ በህይወት ስትኖር ያሉብህን ሀላፊነቶች አትጥላቸው ምክንያቱም ምንም የሚሰሩት የሌላቸው ሰዎች እኮ የሰይጣን መጫወቻ እንደሆኑ አትርሳ! ብዙ ሀላፊነት የሚሰማህ ከሆነ እድለኛ ነህ! ማንነትህን ለማሳየት የምትችለው የወደቁብህን ሸክሞች እንደ ጌጥ ስትቆጥራቸው ነው።

join us...
@Ab_book
@Ab_book
@Ab_book


ልጅነት.pdf
3.5Mb
​​​​​​​​​​​​​​​​​​​​​​​​​​​📚 የመፅሐፉ ርዕስ :- ልጅነት
👤 ደራሲ :- ዘነበ ወላ
👉 ዓመተ ምህረት :- 2000 አ.ም
👉 የገፅ ብዛት :- 305
👉 የመፅሐፉ አይነት (ይዘት) :- ልቦለድ

join us...
@Ab_book
@Ab_book
@Ab_book


ፈጣን ውጤት አትጠብቅ!
(“ራስን ማሸነፍ” ከተሰኘው የዶ/ር ኢዮብ ማሞ መጽሐፍ የተወሰደ)

የምንኖርበት ዘመን ሁሉንም ነገር “አሁኑኑ” ማግኘት እንደምንችልና እንደሚገባንም የሚነግረን ዘመን ነው፡፡ “ፈጣን የገንዘብ ዝውውር … ፈጣን በርገር … ፈጣን አገልግሎት … ፈጣን ዲግሪ …”፡፡ እነዚህ የፈጣን አገልግሎት “ቃል-ኪዳኖች” ሲሳኩና ሲሆንልን ከብዙ ልፋት ያድኑናል፤ ጊዜአችንንም በተሻለ ሁኔታ እድንጠቀም ድጋፍን ያደርጉልናል፡፡ ሆኖም በተያያዥነት፣ ትንሽ ጊዜን የሚወስድን ሁኔታ መታገስ የማንችልበትን አመለካከት አዳብለው ይሰጡናል፡፡

ምንም እንኳን የቀለጠፈ ነገር አስፈላጊ ቢሆንም፣ ሰርተህና ጊዜን ወስደህ ማግኘት የሚገቡህ ነገሮች እንዳሉ ማሰብም አስፈላጊ ነው፡፡ ትእግስት የተሰኘው ራስን የማሸነፍ ዘርፍ ሁኔታዎች በጠበካቸው ፍጥነት በማይመጡ ጊዜ አልፈህ እንድትሄድ ያግዝሃል፡፡ ይህ አይነቱን ራስን የማሸነፍ ብቃት ካላዳበርክ ሁሉን ነገር በአቋራጭ ለማግኘት ወደመሹለክለክ ጎጂ ልማድ ይወስድሃል፡፡ በተቃራኒው፣ ትክክለኛውን ነገር በተገቢው ትጋትና በትክክለኛው ጊዜ ለማግኘት የተረጋጉ ሰዎች ሕይወታቸው ከሌሎች የላቀ ነው፡፡

ፈጣን ውጤት ትጠብቃለህ?
ራስህን መዝነው

1. የሚያስጠብቅና ረጅም ጊዜ የሚፈጅ ነገር ፋይዳ ቢስ እንደሆነ ታስባለህ?
2. ምንም እንኳን ውጤቱ ጥሩ ቢሆን አንድን ነገር ለማግኘት መጠበቅ ጊዜ ማባከን ነው ብለህ ታስባለህ?
3. ትእግስት የሚባለው ልማድ እንደሌለህ ታስባለህ?
4. በአንድ ነገር ላይ ፈጣን ውጤት ካላገኘህ ነገሩ እንደማይሳካ የማሰብ ዝንባሌ አለህ?
5. ሁሉም ነገር አሁኑኑ ካልተከናወነ የሚል አመለካከት አለህ?
6. የምትፈልገውን ነገር ለማግኘት ጤና ቢስ የሆኑ አቋራጭ መንገዶች መፈላለግ ይቀናሃል?
7. ሌሎች ሰዎች አንተ በምትሄድበት ፍጥነት ካልሄዱ ትበሳጫለህ?
8. የአንድን ነገር ውጤት ባሰብከው ፍጥነት ካላገኘህ ተስፋ ትቆርጣለህ?
9. ባወጣኸው ግብ ላይ መቆየት ያታግልሃል?
10. አንድን ነገር ለማከናወን ምን ያህል ጊዜ ሊፈጅ እንደሚችል የማስላት ችግር አለብህ?

ከላይ ለተጠየቁት አስር ጥያቄዎች ከግማሽ በላይ ለሆኑት “አዎ” የሚል መልስ ከሰጠህ በዚህ ምእራፍ ለተጠቀሱት ነጥቦች አስፈላጊ ትኩረት በመስጠት ለውጥን ለማስተናገድ ጥረት አድርግ፡፡

join us...
@Ab_book
@Ab_book
@Ab_book


#ስሜቶችህ_አሻንጉሊት_የሆንክ_ያህል_ይጫወቱብሀል

“ሃሳቦችህን እንዲህ ሰድራቸው - አንተ ሽማግሌ ነህ፤ ከዚህም በኋላ ጥቂት እድሜ ብቻ ነው ያለህ - በእነዚህ ነገሮች ከዚህ በኋላ አትገዛም፤ እያንዳንዱ ስሜቶችህ እንደ አሻንጉሊት አይጎትቱህም፤ አሁን ላይ ስላለህ ሕይወት አታማርርም ወይም መጻኢ ቀናቶችህን በፍርሃት አትጠብቃቸውም”
#ማርከስ_አውሬሊየስ

ሰው መጥቶ እኛን ሊያዘን እና አለቃ ሊሆንብን ሲሞክር እንበሳጫለን። እንዴት እንደምለብስ አትነግረኝም፣ እንዴት እንደማስብ፣ ስራዬን እንዴት እንደምሰራ፣ እንዴት መኖር እንዳለብኝ… ይህም የሆነው እኛ ነጻ ሰው ነን ብለን ስለምናስብ ነው።

ለራሳችን እኛው ራሳችን በቂ ነን።

ይህንንም ነው ለራሳችን ስንነግረው የኖርነው።
ሆኖም የማንስማማበትን ሃሳብ የሆነ ሰው ካቀረበልን፣ ውስጣችን እንድንሞግተው ይነግረናል። የሆነ ሰው የማንወደውን ነገር ካደረገብን እንበሳጫለን። መጥፎ ሁነት ሲገጥመን እናዝናለን፤ ድባቴ ውስጥ እንገባለን ወይም እንጨነቃለን። ሆኖም ከጥቂት ደቂቃዎች በኋላ መልካም ነገር ከሆነልን በድንገት ደስተኛ፣ ተጫዋች እና ተጨማሪ ፈላጊዎች እንሆናለን።

ማንም ሰው ከስሜቶቻችን በላይ በእኛ ላይ አይጫወትም። ልክ አሻንጉሊት እንደሆንን ሁሉ ስሜቶቻችን ይጫወቱብናል፤ ይህን ማስተዋል ስንጀምር በስሜቶቻችን መመራት ማቆም እንዳለብን እንረዳለን።

ስሜቶቻችን ሳይሆኑ እኛ ነን አለቃ መሆን ያለብን፤ ምክንያቱም ለራሳችን እኛው ራሳችን በቂ እና ነጻ የሆንን ነንና።

#የለት_ፍልስፍና መጽሐፍ

join us...
@Ab_book
@Ab_book
@Ab_book


“ትኩረት”፡- አንድን ነገር ጀምረን ብዙም ሳንራመድ ሌሎች ሃሳባችንን የሚሰርቁ ነገሮች ብቅ የሚሉበት ዘመን ውስጥ ነው ያለነው፡፡ የጀመሩትን ለመጨረስ፣ ውጤት ከሌላቸው ነገሮች ዘወር በማለት በዋናው ነገር ላይ ለማተኮርና ከአማካኝ ሰዎች ልቆ ለመገስገስ ትኩረት ወሳኝ ነው፤ በአጭር ጊዜ ብዙ ርቀት ለመሄድ ያስችላል።ስለዚህ ለነገሮች ትኩረት እንስጥ።

join us...
@Ab_book
@Ab_book
@Ab_book


ከጀግንነት መገለጫዎች አንዱ!

“የምትሞትለት ዓላማ ከሌለህ የምትኖርለት ዓላማ የለህም ማለት ነው” ይሉናል አንዳንድ በነገሩ ያሰቡበት ሰዎች፡፡ ነገ ሕይወትን እስከመክፈል ድረስ ራሳችንን የሰጠንለት ዓላማ፣ ዛሬ ሕይወትን እንድናጣጥማት የማድረግ ጉልበት አለው፡፡

እንደየተሰማራንበት መስክ በርካታ የጀግንነት መገለጫዎች አሉ፡፡ ከሁሉም የጀግንነት መገለጫዎች አንዱና ለሕይወት ይህ ነው የማያባልን ጣእም የሚሰጣት ጀግንነት፣ ምንም ነገራችንን ከመክፈል የማንመለሰልትን ዓላማ መያዝና ለዚያ መኖር፣ ለዚያ ደግሞ መሞት ነው፡፡

ምንም ነገር ቢያስከፍለንም ከእኛ ለበለጠ ራእይና ዓላማ እስከመኖርና “ስንጀግን” ለዚያ ነገር ጊዜያችንን፣ ጉልበታችንን፣ ገንዘባችንን . . . አስፈላጊ ከሆነም ሕይወታችንን እንሰዋለን፡፡

ጊዜያችሁን እስከመሰዋት የምትኖሩለት ነገር ምንድን ነው? ሕወታችሁን እስከመሰዋት ድረስ የምትሩለትስ ነገር ምንድን ነው?

ብዙ ሰዎች በየእለት ኑሯቸው ስልችት የሚላቸውና ባዶነት የሚሰማቸው ከዚህ አይነቱ “ጀግንነት” ውጪ ሕይወትን ለመኖር ስለሚሞክሩ ነው፡፡ ብዙ ሰዎች በኑሯቸው ደስ የሚላቸውና ሙሉነት የሚሰማቸው ይህንን አይነት “ጀግንነት” ስላዳበሩና ጊዜያቸውንም ሆነ ሕይወታቸውን እስከመክፈል ድረስ የሚኖሩለትን ነገር ስላገኙት ነው፡፡

የጀግንነቶች ሁሉ ጀግንነት ምንም ነገር ለመክፈል የተዘጋጀንለትን ዓላማ ማግኘትና እስከሞት ድረስ ለዚያ መኖር!

join us...
@Ab_book
@Ab_book
@Ab_book


​​ባሕርን መሆን

ባንድ ወቅት በሕይወቱ ደስታን ያጣው ወጣት ለአንድ የዕድሜ ባለጸጋን ሽማግሌ ሕይወት እንዳማረረችው ገልጾ መፍትሄ እንዲጠቁሙት ጠየቃቸው፡፡

ሽማግሌው የወጣቱን ሀሳብ በጥሞና ካደመጡ በኋላ በእፍኙ ሙሉ ጥሬ ጨው በብርጭቆ ውሃ ውስጥ ጨምሮ በጥብጦ እንዲጠጣው አዘዙትና “ጣዕሙ እንዴት ነው?” በማለት ጠየቁት፡፡ ፊቱን አኮሳትሮ “በጣም አስቀያሚ ነው!” ሲል መለሰላቸው፡፡

ሽማግሌው ፈገግታ እያሳዩት ወጣቱን ወደ ባሕር ዳርቻ ወስደው ሌላ ጭብጥ ሙሉ ጨው ባሕሩ ውስጥ እንዲጨምርበት አመላከቱት፡፡ በመቀጠልም ከባሕሩ ጨልፎ እንዲጠጣ ካደረጉ በኋላ “ጣዕሙ እንዴት ነው?” ሲሉ በድጋሜ ጥያቄ አቀረቡለት፡፡ ጥሩ ነው በማለት መለሰ ታዳጊው፡፡ አስከትለውም የጨው ኮምጣጣነትና ያ አስቀያሚው ስሜት ተለይቶሃል? በማለት ጠየቁት፡፡ “በፍጹም” ሲል መለሰ ወጣቱ፡፡

ከዚህ ሁሉ የተግባር ትምህርት ቀጥሎ ሽማግሌው የወጣቱን እጅ ይዘው ከጎኑ ተቀመጡና ይሄንን መከሩት፡፡ በሕይወት ጎዳና የምታደርጋቸው ትግሎች እንደ ንጹህ ጥሬ ጨው ናቸው፡፡ ነገር ግን የስቃዩ መጠን ተመሳሳይ ቢሆንም የምንሸከመው ስቃይ የሚወሰነው በምንይዝበት ዕቃ መጠን ይወሰናል፤ ችግሩን የምናስተናግድበት አግባብም የሚፈጥረውን ጫና በዛው ልክ ይለያየዋል፡፡ ችግሩ ሲጠናብህ ልታደርገው የሚገባው ዋናው ነገር ምልከታህን ማስፋት ብርጭቆውን ሳይሆን ባሕሩን መሆን ነው ትልቁ የአኗኗር መላው፡፡ እናም ብርጭቆ መሆንህን አቁመህ ባሕሩን ሁን አሉት፡፡

join us...
@Ab_book
@Ab_book
@Ab_book


ል​​ጅ ሆኜ እናቴ ሽንኩርት ስትከትፍ አብሬያት መሆን እወድ ነበር። አንዳንዴ ታዲያ እኔም እንደሷ ለመላጥ አስቤ ሳላውቀው ሽንኩርቱን ልጬ ልጬ የመጨረሻዋ ላይ ስደርስ፣ ልገልጸው የማልችል የተለየ ደስታ ይሰማኝና ውጤቱን ይዤ ወደናቴ እሮጥ ነበር።

እሷ ግን እንደጥፋት ስለምትቆጥረው ከደረሰችብኝ ትከለክለኝ ነበር፤ እጄን ላመል ጥብስ አድርጋ። እሷ ያስተማረችኝ ትክክለኛው ሙያ ደረቁን የውጭ ሽፋን ልጦ የቀረውን መክተፍ ነው።

አሁን አሁን ከሽንኩርት ይልቅ ሰውን ልጦ እስከውስጡ ማየት የተለየ ደስታንና መደነቅን ይፈጥርብኛል። ሳስበው ሰውም እንደሽንኩርት ሳይሆን አይቀርም።

በተለይ የኛ ሕዝብ ተልጦ ውስጡ ያልታየ ምስጢር ነው፣ ነገር ግን ሁሌም ከላይ ከላዩ ብቻ ተልጦ እየተከተፈ በሕይወት ድስት ውስጥ የሚጨመር።

የፈረንጅ ሽንኩርት ሲልጡት ቀላልና ዐይንንም እንደሚያቃጥለው እንዳበሻው ሽንኩርት አለመሆኑን ሞክሬ አይቼዋለሁ። የተሻለ ወጥ የሚያሰማው ግን ያበሻው ሽንኩርት ነው ይባላል።

ቃሪያውም፣ ሽንኩርቱም፣ ሰዉም ለምን ያበሻው እንደሚያቃጥል አላውቅም። እስከመሀሉ ልጠን መመርመሩ ምናልባት ምስጢሩን ያሳውቀን ይሆን?

ከዶ/ር ምህረት ደበበ

join us...
@Ab_book
@Ab_book
@Ab_book


ልቆ የመገኘት ምርጫ
(“ምርጫና ውሳኔ” ከተሰኘው የዶ/ር ኢዮብ ማሞ መጽሐፍ የተወሰደ)

አንደኛው ምርጫህ ለማድረግ የተጠየከውንና የሚጠበቅብህን ብቻ በማድረግ መወሰን ነው፡፡ ሌላኛው ምርጫህ ግን ከሚጠበቅብህና ከሚገባህ በላይ በማከናወን ልቆ መገኘት ነው፡፡

አንድ ሁለት ልጆች የነበሩት ገበሬ ነበረ፡፡ ሁለቱ ልጆቹ በእርሻ ስራው አይለዩትም ነበር፡፡ አባት ለታናሹ ልጁ የበለጠ ሃላፊነት ስለሚሰጠውና ስለሚያምነው ሁል ጊዜ ታላቅየው ጥያቄ ይፈጥርበት ነበር፡፡ አንድ ቀን አባት አምስት መቶ ብር በእጁ ላይ እንዳለውና፣ አምስት በጎችን እጁ ላይ ባለው የገንዘብ መጠን ቢያገኝ የመግዛት እቅድ እንዳለው ለታላቅ ልጁ እየነገረው ሳለ፣ ታላቅ ልጅ ይንን አጋጣሚ በመጠቀም ለምን ከእርሱ ይልቅ ለታናሹ የበለጠ ሃላፊነትን እንደሚሰጠው ጠየቀው፡፡ ይህንን ሲወያዩ ታናሽ ልጅ በዚያ አልነበረም፡፡ አባትም ቀጥተኛ መልስ ቢሰጠው ይገነዘበዋል ብሎ ስላላሰበ በብልሃት ሊያስተምረው ፈለገ፡፡

አባት ለታላቅ ልጁ፣ “እሰቲ እነዚያ ከብት የሚያረቡት ሰዎች ቤት ሂድና በግ ይሸጡ እንደሆነ አጣርተህ ተመለስ፣ ከዚያም ጥያቄህን እመልስልሃለሁ” አለው፡፡ ታላቅ ልጅ ሄዶ ተመለሰና፣ “አዎን የሚሸጡ በጎች አሏቸው” አለ፡፡ አባትም፣ “ሂድና ዋጋቸው ስንት እንደሆነ ጠይቅ” አለው፡፡ ልጅም ሄዶ መጣና፣ “ባለ 100 ብር በጎች አላቸው” አለው፡፡ አባት እንደገና፣ “ሂድና ነገውኑ በጎቹን ብንገዛቸው እኛ ድረስ ሊያመጡልን እንደሚችሉ ጠይቅ” አለው፡፡ ልጅም ሄዶ መጣና፣ “አዎን ይችላሉ” አለው፡፡ አባትም ታናሽ ወንድምህን ጥራው እስቲ አለው፡፡ ታናሽ ልጅ ሲመጣ አባት፣ “እስቲ እነዚያ ከብት የሚያረቡት ሰዎች ቤት ሂድና በግ ይሸጡ እንደሆነ አጣርተህ ተመለስ” አለው፡፡ ታናሽየው ሄዶ ተመለሰና፣ “ባለ 100 ብር፣ ጎችና እና ባለ 150 ብር በጎች አሏቸው፡፡ ነገውኑ ብንፈልግ ሊያመጡልን እንደሚችሉ ጠይቄ ተስማምተዋል” ብሎ ለአባቱ ነገረው፡፡ በመጨመርም፣ “ስለዚህ፣ የተለየ ሃሳብ ኖሮን ካልነገርኳቸው በስተቀር አምስት በጎችን በ100 ብር ሂሳብ ነገውኑ እንዲያመጡልን ተስማምቼአለሁ” አለው፡፡ አባት ወደታላቅ ልጁ ዘወር ብሎ ሲመለከት፣ ታላቅ ልጁ የራሱንና የታናሽ ወንድሙን መልስ በማሰነጻጸር ላይ እንዳለ ያስታውቅ ነበር፡፡

“አየህ ልጄ፣ አንተንና ታናሽ ወንድምህን የጠየኳችሁ አንድ አይነት ጥያቄ ነው፡፡ ያመጣችሁልኝ መረጃ ግን በጣም ይለያያል፡፡ አንተ ያችኑው የተጠየከውን ጥያቄ ነው ይዘህ የመጣኸው፡፡ ሌላ መረጃ ስፈልግ እንደገና ደጋግሜ መላክ ነበረብኝ፡፡ እርሱ ግን እኔ የፈለኩትን ፍላጎቴን በሚገባ በመረዳት የቻለውን ያህል መረጃ ይዞልኝ ነው የመጣው፣ ከተጠየቀውም በላይ ስራ ሰርቶ ነው የመጣው፡፡ ሁል ጊዜ ከአንተ ይልቅ ለእርሱ ሃላፊነትን የምሰጠው ለዚህ ነው፡፡” በማለት ቀድሞ ለጠየቀው ጥያቄ መልስን ሰጠው፡፡ ለነገሩ፣ ታላቅ ልጅ ገና መልሱ ሳይብራራ ገብቶት ነበር፡፡

የተባሉትንና የሚጠበቅባቸውን ብቻ አድርገው እጆቻቸውን የሚሰበስቡ ሰዎች ተግባርን በማከናወንና የተጠበቀባቸውን ነገር በማድረግ አንጻር ትክክለኛ ነገር አድርገዋል፡፡ በእድገት ልቆ ከመገኘት አንጻር ሲታይ ግን ባሉበት የሚረግጡ አይነት ሰዎች ናቸው፡፡ ይህ አይነቱ ምርጫ ሰዎች ሊያከናውኑ ከሚችሉት አቅማቸው በታች እንዲኖሩ ያደርጋቸዋል፡፡ ከዚህም በተጨማሪ ሌሎች በእድገትና በተቀባይነት አልፈዋቸው ሲሆዱ እያዩ “ለምን?” እያሉ ከመጠየቅ ያለፈ እድገት አይኖራቸውም፡፡ “ለምን ለሌሎች ያደላሉ? … ለምን ሰውን ይመርጣሉ? …”

join us...
@Ab_book
@Ab_book
@Ab_book


ማንበብ እንደ ምግብ ነው!

ጥሩና ትክክለኛ ምግብን ስንመገብ ወደ ሰውነታችን ገብቶ መቼ፣ ምን፣ እንዴት እንዳደረገ ሳናውቀው ጉልበትን፣ ጤንነትንና እድገትን እንደሚሰጠን፣ ማንበብም እንደዚሁ ነው፡፡

ጥሩ ነገርም ስናነብ አእምሯችን ውስጥ ገብቶ ሳናስበው ጉልበታማ፣ ጤናማና ያደግን ያደርገናል፡፡

join us...
@Ab_book
@Ab_book
@Ab_book





20 last posts shown.