እውን መረጃ

ትራምፕ በአለም አቀፍ ንግድ ላይ አዲስ ታሪፍ ጣሉ፤ ኢትዮጵያም 10 በመቶ ታሪፍ ተጥሎባታል

የአሜሪካው ፕሬዝዳንት ዶናልድ ትራምፕ በአለም አቀፍ ንግድ ላይ አዲስ የታሪፍ እርምጃ ወሰዱ። ረቡዕ ዕለት በዋይት ሀውስ በሰጡት መግለጫ፣ አሜሪካ ከሌሎች ሀገራት ጋር በምታደርገው የንግድ ልውውጥ ላይ አዲስ የታሪፍ መጠኖችን መጣላቸውን አስታውቀዋል።

ትራምፕ እንደገለጹት፣ ይህ እርምጃ አሜሪካን ቀዳሚ ለማድረግ እና የንግድ ጉድለትን ለመቀነስ ያለመ ነው። በአብዛኛዎቹ ሀገራት ላይ የተጣለው ታሪፍ ከ10% እስከ 49% የሚደርስ ሲሆን፣ ኢትዮጵያም 10% ታሪፍ ተጥሎባታል።

አሜሪካ የንግድ ጉድለቷን ለመቀነስ እና የአሜሪካን ኢኮኖሚ ለመጠበቅ ይህን እርምጃ እንደወሰደች የገለፁት ፕሬዝዳንቱ ከ20 በላይ ሀገራት ላይ የታሪፍ ጭማሪ የተደረገ ሲሆን፣ ኢትዮጵያም ከነዚህ ሀገራት አንዷ መሆኗ ተዘግቧል ።

@Ewun_Mereja1
@Ewun_Mereja1

የዩኒቨርስቲ ተማሪዎች ከመመረቃቸው በፊት ለአንድ ዓመት  እንዲያስተምሩ ሊገደዱ ነው‼️

ትምህርት ሚኒስቴር የዩኒቨርስቲ ተማሪዎች ከመመረቃቸው በፊት ማኅበረሰቡን ለአንድ ዓመት በቅድሚያ እንዲያስተምሩ ወይም እንዲያገለግሉ የሚያደርግ አሰራር ተግባራዊ ለማድረግ ዕቅድ መያዙን አስታወቀ።

ትምህርት ሚኒስትሩ ብርሃኑ ነጋ (ፕሮፌሰር) ዛሬ መጋቢት 24 ቀን 2017 ዓ.ም በሕዝብ ተወካዮች ምክር ቤት የሰው ሃብት ልማት፣ ሥራ ስምሪትና ቴክኖሎጂ ጉዳዮች ቋሚ ኮሚቴ፣ የ12ኛ ክፍል አገር አቀፍ መልቀቂያ ፈተና የተማሪዎች ውጤት ዝቅተኛ የሆነበትን መንስዔ በተመለከተ በቀረበ ጥናት ላይ  ውይይት ሲደረግ፣ በዩኒቨርስቲ ተማሪዎች ላይ ስለተያዘው እቅድ አብራርተዋል።

ላለፉት ዓመታት(እሳቸው  በኃላፊነት ከተሾሙ ጀምሮ)፣ የ12ኛ ክፍል አገር አቀፍ መልቀቂያ ፈተና የተማሪዎች ውጤት በከፍተኛ ደረጃ ዝቅተኛ  እንዲሆን ካደረጉ መንስዔዎች መካከል፣ የመምህራን ብቃትና የተነሳሽነት ማነስ ተጠቃሽ መሆናቸው ጠቁመዋል።

ችግሩን በአጭር ጊዜ ለመፍታት እንዲቻል የተለያዩ ተግበራት እየተሰሩ መሆኑን ሚኒስትሩ ገልጸዋል።

''የኢትዮጵያ ዩኒቨርስቲ ሰርቪስ'' የሚል መጠሪያ የተሰጠው አሠራር ከ2019 ዓ.ም ጀምሮ ተግባራዊ እንዲደረግ ዕቅድ የተያዘ መሆኑን የገለጹት ሚኒስትሩ፣ "በአራት ዓመት የሚመረቅ ተማሪ፣ የሦስተኛ ዓመት ትምህርቱን እንዳጠናቀቀ ወደ አስተማረው ማኅበረሰበብ ተመልሶ ለአንድ ዓመት የማስተማር አገልግሎት ይሰጥና (ማኅበረሰቡን እንዲያገለግል ይደረግና) እንዲመረቅ ይደረጋል"ሲሉ ተናግረዋል። ይህም ሲሆን የተማሪዎቹ መሠረታዊ ወጪ የሚሸፈን እንደሚሆንም አክለዋል።

ይህ አሰራር ለተማሪዎች ለራሳቸው የተግባር ትምህርት እንደሚሆንና የበለጠ እንዲበስሉ እንደሚያደርጋቸውም ተናግረዋል።

ተማሪዎች የመምህርነትን ሙያ ተላብሰው በዚያው ወደ ሙያው እንዲያመሩ ዕድል በመፍጠር ለጊዜውም ቢሆን በዘርፉ እየቀነሰ የመጣውን ወደ ሙያው የሚገባ የአስተማሪን ቁጥር ለማሳግ እንደሚረዳም ሚንስትሩ አብራርተዋል።

በቅርቡ በመምህራን ላይ በተደረገ ግምገማ ፣ 100,000 የሚደርስ የመምህራን ዕጥረት መኖሩ መታወቁን የተናገሩት ብርሃኑ (ፕሮፌሰር)፣ አሰራሩ በከፍተኛ ደረጃ ያለውን የመምህራን ዕጥረት እንዲቀንስ የበኩልን እንደሚወጣ አስረድተዋል።

ወደ መምህርነት ሙያ የሚገቡ ሰዎችን ክፍተት ለማስተካከል ከተያዙ ዘርፈ ብዙ የማትጊያ ሥርዓቶች አንዱ፣ መምህራን በአገሪቱ የፋይናንስ ሥርዓት ውስጥ የራሳቸው ድርሻ እንዲኖራቸውና የኑሮ ውድነቱን እንዲቋቋሙ ለማድረግ፣ "የመምህራን ባንክ" ማቋቋም አንዱ እቅድ መሆኑን አንስተዋል።

ባንኩ "በአንድ ዓመት ውስጥ ወደ ሥራ ይገባዋል ብለን እንጠብቃለን" ያሉት ሚኒስትሩ፣ በ2019 ዓ.ም ደግም በእርግጠኝነት ወደ የኢትዮጵያ ዩኒቨርስቲ ሰርቪስ አሰራር እንደሚገባ ጠቁመዋል።

Via : ሪፖርተር

@Ewun_Mereja1
@Ewun_Mereja1

ኢትዮጵያ ወደ ታንዛኒያ የኤሌክትሪክ ኃይል ለመላክ የሙከራ ስርጭት መደረጉ ተነገረ

ኢትዮጵያ በኬንያ በኩል ወደ ታንዛኒያ የኤሌክትሪክ ኃይል መላክ የሚያስችላትን ስምምነት መፈራረሟ የሚታወስ ሲሆን፤ ይህንንም ሂደት ለማስጀመር የሙከራ ስርጭት መደረጉን የኢትዮጵያ ኤሌክትሪክ ኃይል አስታውቋል።

"የሙከራ ስርጭት ሂደቱ ምንም አይነት ችግር ሳይገጥመው ተከናውኗል" ያሉት የተቋሙ የኮሚኒኬሽን ዳይሬክተር ሞገስ መኮንን፤ "የሚቀረው ስምምነቱን ተግባራዊ ማድረግ ብቻ ይሆናል" ሲሉ ለአሐዱ ተናግረዋል።

እስካሁን ስምምነቱ ተግባራዊ መሆን ያልቻለውም ታንዛኒያ ከኢትዮጵያ የኤሌክትሪክ ኃይል ለመግዛት የኬንያን መሠረተ ልማት መጠቀም ስለሚኖርባት፤ ሀገራቱ ስምምነት ላይ እስከሚደርሱ እንደነበርም ጠቁመዋል።

በሌላ በኩል ኢትዮጵያ ወደ ኬንያ ኤሌክትሪክ ሽያጭ ከጀመረች ጊዜ ጀምሮ ወጥ በሆነ መንገድ ኤክስፖርት እየተደረገ መሆኑን ገልጸዋል።

የሚላከው የኤሌክትሪክ ሃይል በሰዓት እስከ 200 ሜጋ ዋት ድረስ ነው ያሉት ዳይሬክተሩ፤ "ይህም ስምምነት ተግባራዊ መሆን ከጀመረበት ጊዜ አንስቶ የመጀመሪያቹ ሦስት ዓመታትን ያጠቃልላል" ብለዋል።

ከዚያ በመቀጠል በሚኖሩበት ሦስት ዓመታት ደግሞ ወደ 400 ሜጋ ዋት በሰዓት ከፍ እንደሚል አመላክተዋል።

በኬኒያ በኩል በሚወጡ መረጃዎች መሠረት፤ አሁን ላይ 10 በመቶ የሚሆነው የኤሌክትሪክ ሃይል የሚያገኙት ከኢትዮጵያ በሚወስዱት መሆኑን አመላካች ነው ብለዋል።

ኢትዮጵያ በ2028 የኤሌክትሪክ ሃይል የማመንጨት አቅሟን ወደ 13 ሺሕ ሜጋ ዋት ለማሳደግ በእቅድ የያዘች ሲሆን፤ በዚህም 14 ሀገራትን በኤሌክትሪክ ሃይል የማስተሳሰር እቅድ ይዛ በትብብር እየሰራች መሆኑ መገለጹ ይታወሳል፡፡

በአሁኑ ወቅት ለጅቡቲ፣ ኬንያና ሱዳን የኤሌክትሪክ ሃይል እያቀረበች የሚትገኘው ኢትዮጵያ፤ በቀጣይ ከደቡብ ሱዳን፣ ሶማሊ ላንድና ሱማሊያ ጋር  ትስስር ለመፍጠር ማቀዷን ሀገራቱም የኃይል ግዢ ፍላጎት ማሳየታቸውን የኢትዮጵያ ኤሌክትሪክ ኃይል አስታውቋል።

@Ewun_Mereja1
@Ewun_Mereja1

ኢትዮጵያ እና የዓለም ባንክ የትምህርት ዘርፉን ለማሻሻል የሚውል የ96 ነጥብ 367 ሚሊየን ዶላር ወይም የ12 ነጥብ 5 ቢሊየን ብር የድጋፍ እና ብድር ስምምነት ተፈራርመዋል

ስምምነቱን የገንዘብ ሚኒስትር አሕመድ ሺዴ እና በዓለም ባንክ የምስራቅ አፍሪካ ዳይሬክተር ማሪያም ሳሊም ተፈራርመዋል፡፡

ከተፈረመው ስምምነት ውስጥ 50 ሚሊየን ዶላሩ ከዓለም አቀፉ የልማት ማህበር በብድር መልክ የተሰጠ ሲሆን÷ 46 ነጥብ 367 ሚሊየን ዶላሩ ደግሞ ከዓለም አቀፉ የትምህርት አጋርነት ፈንድ በድጋፍ የተገኘ መሆኑ ተገልጿል፡፡

ድጋፉ የቅድመ መደበኛ እና የመጀመሪያ ደረጃ ትምህርትን ተደራሽ ለማድረግ የሚውል ነው መባሉን የሚኒስቴሩ መረጃ ያመላክታል፡፡

@Ewun_Mereja1
@Ewun_Mereja1

🔹አዋጅ  አዋጅ‼️

ለሃቅና ፍትህ ከሚሞተው ህዝብ የፈለቀ እውነተኛ የህዝብ ድምጽን የሚወክል፤  የታፈነውን እውነት ገሀድ የሚያወጣ ሚዲያ እነሆ ብለናል!

እውነትን ፈላጊ፣  ከሆንክ ዝም ብለህ join በል
👇👇👇👇

https://t.me/+_hm4FWfJ63hhNDg0
https://t.me/+_hm4FWfJ63hhNDg0

ከ6 ዓመት በኋላ በቁጥጥር ስር ዋለ!

“ካንተ ጋር በፍቅር ግንኙነት መቀጠል አልፈልግም” ብላኛለች የግድያ ወንጀል የፈፀመና በሌለበት የዕድሜ ልክ ፅኑ እስራት ቅጣት የተላለፈበት ተከሳሽ በቁጥጥር ስር ዋለ፡፡
***
ተከሳሹ ጌታቸው አለምፀሃይ  ይባላል፡፡ የወንጀል ድርጊቱን የፈፀመው ጥር 2 ቀን 2011 ዓ/ም ከቀኑ 5 ሰአት  ገደማ  በንፋስ ስልክ ላፍቶ ክፍለ ከተማ ወረዳ 2  ልዩ ቦታው ሳባ ህንፃ ላይ ነው፡፡

ከአዲስ አበባ ፖሊስ ወንጀል ምርመራ የተገኘው መረጃ እንደሚያመለክተው ተከሳሹ በህንፃው 6ኛ ፎቅ ወደሚገኘው የክፍለ ከተማው የፋይናንስና ኢኮኖሚ ልማት ፅ/ቤት ቢሮ ውስጥ በመግባት የፍቅር ጓደኛዬ ናት በሚላት መአዛ ካሳ  በተባለች ግለሰብ ላይ የግድያ ወንጀሉን ፈፅሟል፡፡

“አልፈልግህም ብላኛለች” በሚል ምክንያት በመካከላቸው በተፈጠረ አለመግባባት ግለሰቧን በቢሮዋ ውስጥ እያሯሯጠ የተለያየ የሰውነት ክፍሏን በስለት በመውጋት ህይወቷ እንዲያልፍ ያደረገው ተከሳሹ፤ በፖሊስ ቁጥጥር ስር ውሎ በሰው እና በሰነድ ማስረጃ የምርመራ መዝገብ ተደራጅቶበታል፡፡

ጌታቸው አለምፀሃይ በፖሊስ የተጠርጣሪዎች ማረፊያ ቤት በነበረበት ወቅት በህመም ምክንያት ወደ ህክምና ተቋም ለመሄድ የካቲት 19 ቀን 2011 ዓ/ም ጥያቄ አቅርቦ ወደ ሆስፒታል ከተወሰደ በኋላ ከህክምና ቦታ እንደተሰወረ እና በአቃቤ ህግ ክስ ተመስርቶበት ጉዳዩ በሌለበት በፍርድ ቤት ሲታይ እንደቆየ የምርመራ መዝገቡ ያስረዳል፡፡

በሰውና በሰነድ ማስረጃ ተደራጅቶ የቀረበለትን የክስ መዝገብ ሲመለከት የቆየው የፌደራል ከፍተኛ ፍርድ ቤት ልደታ ምድብ ወንጀል ችሎት በነሀሴ 3 ቀን 2014 ዓ/ም  ውሎው ጌታቸው አለምፀሀይ በሌለበት በእድሜ ልክ ፅኑ እስራት እንዲቀጣ እና ከህዝባዊ መብቶቹ ለዘወትር እንዲሻር ውሳኔ አስተላልፎበታል፡፡     

የፍርድ ቤቱን የቅጣት ውሳኔ ተፈፃሚ ለማድረግ የአዲስ አበባ ፖሊስ የክትትልና ኦፕሬሽን ክፍል ፍርደኛውን በቁጥጥር ስር ለማዋል ቀንና ለሊት ያልተቋረጠ ክትትል ሲያደርግ ቆይቶ መጋቢት 21 ቀን 2017 ዓ/ም  ሆለታ ከተማ ውስጥ ከተደበቀበት ስፍራ ወንጀሉ ከተፈፀመ ከ6 ዓመት በኋላ በድጋሚ ሊያዝ ችሏል፡፡

ማንም ሰው ወንጀል ፈፅሞ ለጊዜው ቢሰወርም ከህግ ተጠያቂነት ማምለጥ እንደማይችል ማሳያ ሊሆኑ የሚችሉ ሌሎችም የወንጀል ጉዳዮች መኖራቸውን የጠቀሰው የአዲስ አበባ ፖሊስ፤ ከህግ ለማምለጥ የሚደረጉ ሙከራዎች ከፖሊስ ክትትል ውጪ እንደማይሆኑ በመገንዘብ ህብረተሰቡ ለፖሊስ እያደረገ የሚገኘውን ትብብር አጠናክሮ እንዲቀጥል እና ሌሎች ወንጀል ፈፃሚዎችም ከመሰል ድርጊት እንዲታቀቡ መልዕክቱን አስተላልፏል፡፡

@Ewun_Mereja1
@Ewun_Mereja1