Type to search
Advanced channel search

“iTeleStore”

Let yourself find the perfect username !
img
ad

TGStat Bot

Bot to get channel statistics without leaving Telegram
img
ad

SearcheeBot

Your guide in the world of telegram channels
img
ad

Feta Daily News

@Fetadaily
Channel's geo and language: Ethiopia, Amharic

Similar channels
Channel's geo and language
Ethiopia, Amharic
Category
News and media
Statistics
Is this your channel? Confirm Канал в реестре блогеров РКН? Confirm Channel history
Posts filter

Feta Daily News

21 Dec, 17:27

Open in Telegram Share Report
አሜሪካ ሽልማቱን ትቻለሁ አለች

አሜሪካ የሶርያውን መሪ አቡ መሐመድ አልጁላኒ ወይም አህመድ አል-ሻራን አሳልፎ ለሚሰጣት መድባው የነበረውን የ10 ሚሊዮን ዶላር ሽልማት ከከፍተኛ ዲፕሎማቶች እና ከሃያት ታህሪር አል ሻም (ኤችቲኤስ) ተወካዮች ጋር ውይይት ካደረገች በኋላ መሰረዟን አስታውቃለች።

ረዳት የውጭ ጉዳይ ሚኒስትር ባርባራ ሌፍ ከሻራ ጋር የተደረገው ውይይት ውጤታማ እንደነበር ካነሱ በኋላ እርሱም "ለመወያየት ዝግጁ" ሆኗል ብለዋል።

የአሜሪካ ባለስልጣናት ዉይይት ለማድረግ ደማስቆ የከተሙት፤ ለ53 ዓመታት በሶሪያ ነግሶ የነበረው የአሳድ ቤተሰብ አገዛዝ ከተገረሰሰ በኋላ ነው።
724 0 0 3
Feta Daily News

21 Dec, 16:23

Open in Telegram Share Report
ሰሜን ወሎ የእህል እርዳታ መጓጓዝ መጀመሩ ተገለጸ

በአማራ ክልል ሰሜን ወሎ ዞን ቡግና ወረዳ በህጻናት መቀንጨርና በምግብ እጥረት ለተጎዱ ከ110 ሺህ በላይ ሰዎች ከሁለት ወራት በኋላ የርዳታ እህል መጓጓዝ መጀመሩን የዞኑ አደጋ መከላከልና ምግብ ዋስትና ማስተባበሪያ ጽሕፈት ቤት ጠቅሶ አዲስ ስታንዳርድ ዘግቧል።

በተጨማሪም በላሊበላ ከተማ 34ሺህ ለሚሆኑ ሰዎች 5100 ኩንታል እርዳታ ለፌደራል መንግሥት መጠየቁን ጠቅሰው እስከዚህ ሰዓት ድረስ 1200 ኩንታል መግባቱን የዞኑ አደጋ መከላከልና ምግብ ዋስትና ማስተባበሪያ ጽሕፈት ቤት ኃላፊ አቶ አለሙ ይመር አመላክተዋል፡፡
1k 0 0 1
Feta Daily News

21 Dec, 13:22

Open in Telegram Share Report
1.3k 0 0 2
Feta Daily News

21 Dec, 11:35

Open in Telegram Share Report
በመሬት ናዳ የተፈናቀሉ ሰዎች በአስከፊ ሁኔታ ውስጥ መሆናቸው ተሰማ❗️

በጎፋ ዞን ደርሶ በነበረው የመሬት ናዳ አደጋ ከተፋናቀሉት ከ380 በላይ የሚሆኑ አባወራዎች በመጠለያ ሼድ ውስጥ መሆናቸውን የዞኑ ዋና አስተዳዳሪ አቶ ዳግማዊ አየለ ለሀገሬ ቴሌቪዥን ተናግረዋል።

በአደጋው 627 አባወራዎች ተፈናቅለዋል ከዚህ ውስጥ ከ380 በላይ የሚሆኑት አሁንም መጠለያ ሼድ ውስጥ መሆናቸውን ኃላፊው ጠቁመዋል፡፡

ከተፈናቀሉት ውስጥ 150 ለሚሆኑ አባወራዎች ቤት ተሰርቶ እንደተሰጣቸው ያነሱት አቶ ዳግማዊ 340 ለሚሆኑት ቀይ መስቀል ቤት ለመስራት ዝግጅቱን ጨርሷል ያሉ ሲሆን ወደ 88 ለሚሆኑት ተጎጂዎች ሀቢታት የተባለ ድርጅት ቤቶችን እየገነባ ነው ሲሉ ጠቁመዋል፡፡

ከዛሬ 7 ወር በፊት በዞኑ የደረሰው የመሬት ናዳ በመቶዎች የሚቆጠሩ ዜጎችን ህይወት መንጠቁ እና ብዙዎችን ከቤት ንብረታቸው ማፈናቀሉ የሚታወስ ነው።
1.5k 0 0 4
Feta Daily News

21 Dec, 09:58

Open in Telegram Share Report
በተከበበችው የሱዳኗ አልፋሸር ከ 700 በላይ ሰዎች መገደላቸውን ተመድ አስታወቀ

በሱዳኗ አልፋሽር ከተማ ከባለፈው ግንቦት ወር ጀምሮ ከ 700 በላይ ሰዎች መገደላቸውን የተባበሩት መንግስት ድርጅት(ተመድ) የሰብአዊ መብት ኃላፊ በዛሬው እለት ተናግረዋል።

ከበባው እና "የማያባራው ውጊያ ህይወትን በከፍተኛ ሁኔታ እየጎዳው ነው" ያሉት የተመድ የሰብአዊ መብት ከፍተኛ ኮሚሽነር ቮልከር ቱርክ የሱዳን ፈጥኖ ደራሽ ኃይሉ በከተማዋ ላይ የጣለውን ከበባ እንዲያነሳ ለምነዋል።

"ይህ አሳሳቢ ሁኔታ መቀጠል የለበትም። ፈጥኖ ደራሽ ኃይሉ ከበባውን ማንሳት አለበት።"
1.6k 0 0 3
Feta Daily News

20 Dec, 18:02

Open in Telegram Share Report
‘’የክልሉን መንግስት ሊያፈርሱ ከሚሰሩ አካላት ጋር ትግል ላይ ነኝ’’ የትግራይ ጊዜያዊ አስተዳደር ካቢኔ

በጌታቸው ረዳ የሚመራው የትግራይ ጊዜያዊ አስተዳደር ካቢኔ ላለፉት ሶስት ቀናት ውይይት ሲያደርግ መቆየቱን አስታውቆ ዘጠኝ በሚደርሱ ጉዳዮች ላይ ዉሳኔ ማሳለፉን ይፋ አድርጓል።

በዚህም የፕሪቶሪያውን ስምምነት በአግባቡ ለመተግበር ውስጣዊ የፖለቲካ ቁርሾዎችን በመተው ‘’በአንድነት በመሆን በአጠረ ጊዜ ሉዓላዊነታችንን የምናገኝበትን ሁኔታ ለመፍጠር ወስነናል’’ ብሏል።

ካቢኔው የፕሪቶሪያ ስምምነት የሚመለከታችው የፌደራል መንግስት፣ የአፍሪካ ኅብረት፣ አሜሪካ እና የአዉሮፓ ኅብረት የሚጠበቅባችሁን ልትወጡ ይገባል ሲልም ጥሪ አቅርቧል።
2.2k 0 0 10
Feta Daily News

20 Dec, 15:33

Open in Telegram Share Report
ከ10 ዓመት በፊት ደብዛው የጠፋው አውሮፕላን ሊፈለግ ነው


በአቪዬሽን ኢንዱስትሪው ሚስጥራዊ በተባለ ሁኔታ ከአስር ዓመት በፊት ደብዛው የጠፋውን የመንገደኞች አውሮፕላን ፍለጋ እንደገና ለማስጀመር መስማማቱን የማሌዥያ መንግሥት አስታወቀ።

ንብረትነቱ የማሌዥያ አየር መንገድ የሆነው የበረራ ቁጥር ኤምኤች370፣ 239 ሰዎችን አሳፍሮ በአውሮፓውያኑ መጋቢት 2014 ከቤጂንግ ወደ ኩዋላላምፑር ሲጓዝ ነው ደብዛው የጠፋው።

ድንገት የገባበት ያልታወቀው ቦይንግ 777 አውሮፕላን ስብርባሪዎችን ለማግኘት ለዓመታት የተደረገው ውጤት አልተሳካም።
2.3k 0 2 8
Feta Daily News

20 Dec, 13:48

Open in Telegram Share Report
2.3k 0 0
Feta Daily News

20 Dec, 11:42

Open in Telegram Share Report
''ቀደም ብዬ መውረር ነበረብኝ'' ፑቲን

የሩሲያው ፕሬዝዳንት ቭላድሚር ፑቲን አገራቸው ቀደም ብላ ዩክሬንን መውረር እና ለጦርነቱ የተሻለ ዝግጅት ማድረግ እንደነበረባት ገልጸዋል።

ሐሙስ ዕለት ባከናወኑት የዓመቱ የመጨረሻ ጋዜጣዊ መግለጫ ላይ ፑቲን እንደተናገሩት ከሆነ ልዩ ወታደራዊ ዘመቻ" በማለት ለሚጠሩት የ2022ቱ ወረራ "ጥንቅቅ ያለ ዝግጅት" መደረግ ነበረበት።

ሩሲያ እአአ በ2014 ክሬሚያን ከዩክሬን ነጥቃ ስትቆጣጠር የሩሲያ ደጋፊ ኃይሎች ደግሞ በምስራቃዊ ዩክሬን ግጭት ጀምረዋል። ፑቲን ኪየቭን ለመያዝ የሞከሩት ግን ከስምንት ዓመታት በኋላ ነበር።
2.4k 0 0 9
Feta Daily News

20 Dec, 10:31

Open in Telegram Share Report
"አዲስ የትግል አቅጣጫ እንከተላለን"- ደብረፅዮን


የነ ደብረፅዮን ቡድን በቀጣይ አዲስ የትግል ስልት እንደሚከተል አስታወቀ። የነ ደብረፅዮን ቡድን "የእምቢታ ዘመቻ" ማስጀመርያ ያለው የከፍተኛ ካድሬዎቹ ስብሰባ በመቐለ እያካሄደ ይገኛል።

በዘመቻው ምን እንደሚደረግ ግን በዝርዝር የተባለ ነገር የለም ። በሕወሓት ሊቀመንበር ደብረጺዮን ገብረሚካኤል የሚመራው የሕወሓት ቡድን አቶ ጌታቸው ረዳ ከሚመሩት የትግራይ ክልል ጊዜያዊ አስተዳደር ጋር ፍጥጫ ውስጥ ከገባ በርካታ ጊዜያት ተቆጥሯል።
2.4k 0 0 9
Feta Daily News

19 Dec, 17:57

Open in Telegram Share Report
ፑቲን ለትራምፕ ዝግጁ ነኝ አሉ

የሩሲያዉ ፕሬዝዳንት ቭላድሚር ፑቲን ተመራጩን የአሜሪካ ቀጣይ ፕሬዝዳንተ ዶናልድ ትራምን ለማግኘት ዝግጁ ነኝ ብለዋል፡፡ ከትራምፕ ጋር የምገናኝበትን ጊዜ ባላዉቀዉም ግን በፈለገበት ጊዜ ለመነጋገር ተዘጋጅቻለሁ ነዉ ያሉት፡፡

ትራምፕ የት እንድንገኛኝ እንደሚፈልግ አልነገረኝም ያሉት ፑቲን እኔ ግን የትም ይመቸኛል ማለታቸዉ ተሰምቷል፡፡

ላለፉት አራት አመታት ከዶናልድ ትራምፕ ጋር አዉርተዉ እንደማያዉቁም ፑቲን አንስተዋል፡፡ ፕሬዝዳንት ፑቲን የ2024 አመት ከመጠናቀቁ በፊት ከጋዜጠኞች ጋር የመጨረሻዉን ቃለ ምልልስ ማድረጋቸዉን ታስ ዘግቧል፡፡
2.7k 0 1 6
Feta Daily News

19 Dec, 15:27

Open in Telegram Share Report
በትግራይ ክልል ከ5 ሺህ በላይ የቀድሞ ተዋጊዎች ማህበረሰቡን ተቀላቀሉ

በትግራይ ክልል 5 ሺህ 728 የቀድሞ ተዋጊዎች በተሃድሶ ስልጠና አልፈው ማህበረሰቡን መቀላቀላቸውን የብሔራዊ ተሀድሶ ኮሚሽን አስታወቀ።

በኮሚሽኑ የፕሮግራም ዕቅድና ክትትል ዳይሬክተር ኮሎኔል በላይ አበበ ፥ በትግራይ ክልል 75 ሺህ የቀድሞ ተዋጊዎችን በአራት ወራት ውስጥ በተሃድሶ ስልጠና ወደ ማኅበረሰቡ የመመለስ ስራ እየተከናወነ ነው ብለዋል።

በዚህ ሂደትም 5 ሺህ 728 የቀድሞ ተዋጊዎች በመቐለና ዕዳጋ ሐሙስ ማዕከላት በማስገባት የተሃድሶ ስልጠናቸውን አጠናቅቀው ወደ ማኅበረሰቡ እንዲቀላቀሉ መደረጉን አስታውቀዋል።
2.8k 0 1 6
Feta Daily News

19 Dec, 13:40

Open in Telegram Share Report
2.6k 0 0
Feta Daily News

19 Dec, 11:39

Open in Telegram Share Report
ከኢራን የስለላ ኤጀንት ጋር ግንኙነት አድርጓል የተባለ እስራኤላዊ ታሰረ

ከኢራን የስለላ ኤጀንቶች ጋር ግንኙነት አድርጎ ክፍያ ለመቀበልና በምላሹ ጥቃት ለመፈጸም አሲሯል በሚል የተጠረጠረው እስራኤላዊ የእየሩሳሌም ነዋሪ መያዙን የእስራኤል የጸጥታ ኃይሎች በትናንትናው አስታውቀዋል።

የሽንቤት የደህንነት አገልግሎት እና የእስራኤል ፖሊስ ቃል አቀባዮች ባወጡት የጋራ መግለጫ እንዳስታወቁት የ23 አመቱ ግለሰብ "ጆን" ከተባለ የኢራን ኤጀንት ጋር ባለፈው ጥቅምት ግንኙነት በማድረግ እና የጸጥታ ችግር በመፍጠር ተጠርጥሮ በህዳር ወር በቁጥጥር ሰር ውሏል።
2.7k 0 1 1
Feta Daily News

19 Dec, 10:34

Open in Telegram Share Report
ብልጽግናዎች "ራሳቸውን ብቻ ሳይሆን አገር ይዘው ሊወድቁ ነው" ጃዋር

በኦሮሚያ የነበረውን የወጣቶች 'ቄሮ' ሕዝባዊ ተቃውሞ በማስተባበር እና በመምራት ግንባር ቀደም የነበረው ጃዋር 'አልፀፀትም' የተሰኘው መጽሐፉን ታሕሳስ 10 2017 ዓ.ም. በኬንያ ዋና መዲና ናይሮቢ ያስመርቃል።

አቶ ጃዋር ከቢቢሲ ጋር በነበራቸው ቆይታ ብልጽግናዎች "ራሳቸውን ብቻ ሳይሆን አገር ይዘው ሊወድቁ ነው" ሲል ገዢውን ፓርቲ ወቅሰዋል።
2.6k 0 2 39
Feta Daily News

18 Dec, 17:52

Open in Telegram Share Report
ሩሲያ በከፍተኛ ጀነራሏ ግድያ የጠረጠረችውን ግለሰብ በቁጥጥር ስር አዋለች

ሩሲያ በከፍተኛ ጀነራሏ ግድያ የጠረጠረችውን ኡዝቤኪስታናዊ በቁጥጥር ስር አዋለች።

የ29 አመቱ ወጣት ጀነራል ኢጎር ኪሪሎቭን ከገደለ 100 ሺህ ዶላር ተሰጥቶት ወደ አውሮፓ እንደሚላክ በዩክሬን ቃል ተገብቶለት እንደነበርም አስታውቃለች።
2.9k 0 0 16
Feta Daily News

18 Dec, 15:15

Open in Telegram Share Report
ሂዩማን ራይትስ ዋች የሱዳን ፈጥኖ ደራሽ ኅይሎችን ሴቶችን በመድፈር ወንጀል ከሰሰ

የሱዳን የፈጥኖ ደራሽ ኃይሎች ተዋጊዎች እና ተባባሪ ታጣቂዎች፣ ደቡባዊ ኮርዶፋን ክፍለ ግዛት ውስጥ አዋቂ ሴቶች እና ልጃገረዶችን ደፍረዋል፣ ሌሎችም ወሲባዊ ጥቃቶችን ፈጽመዋል ሲል ሂዩማን ራይትስ ዋች ከሰሰ።
3k 0 0 4
Feta Daily News

18 Dec, 13:37

Open in Telegram Share Report
3k 0 0
Feta Daily News

18 Dec, 11:27

Open in Telegram Share Report
አየር መንገዱ የቁልቢ ገብርኤል ተጓዦችን ለማጓጓዝ ዝግጅቱን ማጠናቀቁን ገለጸ

የኢትዮጵያ አየር መንገድ ዓመታዊ የቅዱስ ገብርኤል በዓልን ለማክበር ወደ ቁልቢ ገብርኤል ለሚጓዙ መንገደኞች ተጨማሪ በረራዎችን ማዘጋጀቱን አስታወቀ፡፡ ተጨማሪ በረራዎቹ ከድሬዳዋ ወደ አዲስ አበባ ሲመለሱ ያለምንም መንገደኛ መሆኑን ታሳቢ ያደረገ የዋጋ ማስተካከያ የሚደረግባቸው መሆናቸውንም ነው አየር መንገዱ ያስታወቀው፡፡
2.9k 0 1 5
Feta Daily News

18 Dec, 10:24

Open in Telegram Share Report
ባንኮች ያለምን ማስያዣ ከብሔራዊ ባንክ እንዲበደሩ ይፈቅድ የነበረዉ ድንጋጌ ከረቂቅ አዋጁ ተሰረዘ

ብሔራዊ ባንክ ጊዜያዊ የገንዘብ እጥረት የገጠመው ሆኖ ዕዳውን ግን መክፈል ለሚችል ባንክ ጊዜያዊ ብድር ሊሰጥ እንደሚችል የሚገልጸው ድንጋጌ ከረቂቅ አዋጁ ላይ እንዲሰረዝ ተደርጓል።

በዚህም ማዕከላዊ ባንኩ ያለመያዣ ለባንኮች ይሰጥ የነበረዉ ብድር የሰረዘ ሲሆን እንደምክንያት ያስቀመጠዉ የመንግስትን ገንዘብ ያለ በቂ ዋስትና መስጠት ተገቢነት ያለው አሠራር ባለመሆኑ እና የህዝብን ጥቅም እንደሚጎዳ ስለታሰበበት መሆኑን ጠቁሟል።

ይህን ተከትሎ ብሔራዊ ባንክ ያለመዣ ይሰጥ የነበረዉ የብድር አሰራር እንዲቀር የተደረገ ሲሆን ባንኮችም ብድር ሲፈልጉ ዋስትና ማቅረብ እንዳለባቸው በአዋጁ አሳስቧል።
2.9k 0 0 9
20 last posts shown.