Oromia Education Bureau

​Waggoota 7 darban keessa jijjiirama Seektara Barnootaa Keessatti dhufan irratti mariin gaggeeffame.
-------------
BBO- 19/07/2017 Hojjattootni Biiroo Barnootaa Oromiyaa jijjjiirama waggoota 7 darban keessa seektara barnootaa keessatti dhufan irratti marii taasisuun milkaa'ina galmaa'an daran cimsuufi hanqinoota mul'atan immoo xiyyeeffannoo kennuun hojjachuu akka qaban yaada kennamaa turerraa hubatameera.
Saganticha haasawaan kan banan Hog. BBO Dr. Tolaa Bariisoo yoo ta'an, Bitootessi ji'a injifannoo ta'uu ibsuun, ji'a Bitootessaa keessa dhagaan bu'uuraa Hidha Haaromsaa kan kaa'ame yoo ta'u hogganaan mootummaa jijjiiramaa Dr. Abiy Ahimad ji'a Bitootessaa 2010 waggaa 7 har'aa gara biyya keenya hogganuutti kan dhufan ta'uun ni yaadatama kan jedhan Dr. Tolaan , baroota jijjiiramaa darban keessa biyyi keenyaafi naannoo keenya haala maal keessa darbinee akka as geenye, milkaa'inoota galmaa'an, fuulduraaf maaliifi akkamitti hojjannee qulqullina barnootaa mirkaneessuu dandeenyu bal'inaan ibsaniiru. Dhumarratti, barnoota dabalatee jijjiirama waliigalaa naannoo keenya keessatti galmaa'an kan dhihaatu ta'uu beeksisuun sagantaan ifaan ifatti banamuu himaniiru.

Itti aansuun barreeffama "Bu'aa Jijjiiramaafi Abdii Egeree" jedhu I/A hog. BBO Dr. Bultoosaa Hirkoo kan dhiheessan yoo ta'u, barreeffama keessatti Bitootessa 24/2010 irraa jalqabee millkaa'ina akka biyyaa, naannoo keenyaafi seektara barnootaa keessatti galmaa'an bal'inaan ibsaniiru.
Baroota jijjiiramaa keessa Biiroon Barnootaa Oromiyaa Sirna Barnootaa haaraa qopheessuun;
-Barnootni qabatamaa akka ta'u, beekumsa xabboo (indigenous knwoledge) ka'umsa godhachuu akka qabu jechuun gosoota barnootaa;
1- Barnoota Gadaa kutaa 1-8
2- Barnoota Safuu kutaa 1-6
3- Barnoota Intarpiruunarshiippii kutaa 1-3 keessatti akka baratan taasifamuu,
- Barnoota sadarkaa 1ffaan duraa sirna barnootaa darbe keessa hin turre bara jijjiiramaa keessa sirna barnootaa haara keessatti akka hammatamu taasisuun Manneen Barnootaa Bu'uura Boruu ijaarsisuun daa'imman umrii 5-6 qe'ee isaanitti carraa barnootaa akka argatan taasifameera.
Haaluma kanaan:
1- Manneen Barnootaa Bu'uura Boruu bara 2011, 1819 turan bara 2017tti 17404 gahaniiru.
2- Daa'imman bara 2011 Bu'uura Boruu barachaa turan 265 620 yoo ta'an, bara 2017tti miliyoona 2.03 ol,
3- Barsiisotni bara 2011 Mannee Barnootaa Bu'uura Boruu barsiisaa turan 8,226 yoo ta'an bara 2017 tti immoo 34,530 gahaniiru kan jedhuufi hojiiwwan Manneen Barnootaa Ifa Boruu Bultii Addaafi Manneen Barnootaa Addaa Sad. 2ffaa irratti hojjatamaa jiran akka ijootti kaasuun bu'aa jijjiiramaa ta'uun ibsameera.

Walumaa galatti. barreeffama dhihaate irratti hirmaattotni yaada kennani bu'aa arganne daran fooyyessaafi cimsaa adeemuun egereen dhalootaa ifa akka ta'u hojjachuu akka qaban waliigalameera.


🌐 Oromia Education Bureau ☑️
🌐 Tolaa Bariisoo Gadaa☑️

📱📱📱📱📱📱📱📱📱📱📱

​Sagantaan Tutoriyaalii Kutaa 12ffaa, 8ffaafi 6ffaa kennamaa jiru kutannoo barsiisotni jijjiiramaaf qaban mul'isa".
- GTB -
------------------
BBO- Bitootessa 18/2017 Sagantaan Tutoriyaalii barattoota bara 2017 qormaata biyyoolessaafi naannoo fudhachuuf qophaa'aa jiran kutaa 12ffaa, 8ffaafi 6ffaaf kennamaa jiru kutannoo barsiisotni jijjiiramaaf qaban mul'isa jechuun Gumiin Tiraansifoormeeshinii Barnootaa sadarkaan jiran ibsaniiru.
Gumiin Tiraansifoormeeshinii Barnootaa (GTB) gabaasa ji'a Bitootessaa torban 2ffaa keessatti dhiheessen walqabatee hojiiwwan hedduun manneen barnootaa keessatti raawwachaa jiran keessaa barsiisotni yeroo boqonnaa isaaniitti fayyadamuun barattoota gahomsuuf sanbataafi dilbata dabalatee gargaaraa kan jiran manneen barnootaa hunda keessatti haala walfakkaatuun adeemsifamaa jiraachuun sochii qulqullina barnootaa mirkaneessuuf taasifamu keessatti gahee olaanaa qaba.

Haaluma kanaan, sagantaan tutoriyaalii barattoota kutaa 12ffaaf kennamaa jiru 97% , kutaa 8ffaa 89% fi kutaa 6ffaa 90% yoo ta'u, akkuma guyyaan qormaataa dhihaataa dhufuun hirmaannan barattoota dabalaa akka jiru beekameera.

Hordoffiifi deeggarsi GTB sadarkaan jiru barsiisotaafi barattoota kaka'umsa kan itti uume yoo ta'u, maatiin barattootaafi hawaasni naannawa manneen barnootaatti argaman hundarraa gumaachi guddaan ni eegama.

Bara 2017 barattootni qormaata biyyoolessaafi naannoo fudhatanis akkuma barsiisota isaanii kutannoofi kaka'umsaan qabxii olaanaa galmeessisuuf hojjachuu qabdan kan jedhu dhaamsa biiroo keenyaa ta'a.

Walumaa galatti, Sagantaa Qormaata Biyyoolessaafi Naannoo ji'a Waxabajjii/2017 waan ta'eef barsiisotniifi barattootni keenya qophii taasisaa jiratan daran cimsitanii akka itti deemtan abdii qabna.

#Yeroo_Qophii_Gaarii_Isiniif_Hawwina!


🚀 Oromia Education Bureau ☑
🚀 Tolaa Bariisoo Gadaa 💠
📱📱📱📱📱📱📱

Use this link to get the latest videos on 🖥 YouTube!

👨‍💻 YouTube:- YT-Oromia Education Bureau

​Deeggarsi Ogummaa Ogeessota Barnootaatiin Kennamu Qulqullina Barnootaa Mirkaneessuu Keessatti Shoora Olaanaa Qaba Jedhame.
-------
BBO- 17/07/2017 Ogeessotni Barnootaa Biiroo Barnootaa Oromiyaafi Waajjira Barnootaa Godina Jimmaa irraa qindoominan gara manneen barnootaa bobba'uun guyyoota 20 oliif hordoffiifi deeggarsa ogummaa kennaa turan har'a bakka I/A hogganaan Biiroo Barnootaa Oromiyaa obbo Girmaa Baayisaa fi hoggantootni godinichaa argamanitti gamaaggama raawwii hojiichaa gaggeessaniiru.

Gabaasa raawwii hojii hordoffiifi deeggarsa ogummaa barnootaa manneen barnootaa hanga daree seenuutti taasifame kan dhiheessan ogeessa biiroo barnoootaa obbo Katamaa Dhaabaa yoo ta'an, hogganaa Waajjira Barnootaa Godina Jimmaa, daayirektarri Paartii Badhaadhinaa, hoggantootni Waajjira Barnootaa Aanaaleefi Supparvaayizarootni barnootaa godinichaa irratti qooda fudhataniiru.
Hordoffiifi deeggarsa ogummaa kennuufi bakka hir'inni jirutti tarkaanfii sirreeffamaa kennuun hojiin hojjatamaa ture qulqullina barnootaa mirkaneessuu keessatti shoora olaanaa akka qabu hirmaattotni yaada kennaniiru.
I/A hogganaa Biiroo Barnootaa Oromiyaa yaada kennanii hojiin barnootaa Mootummaan Oromiyaa xiyyeeffannaa kennee irratti kan hojjataa jiru ta'uu ibsuun biiroon keenyas rakkoo barnootaa bu'uura irraa furuuf ogeessota barnootaa hanga daree barnootaatti deeggarsa ogummaa akka kennan bobbaasee jira , kan jedhan obbo Girmaan hawaasni barnootaafi qooda fudhatrooni barnootaa hunduu sadarkaa jiraniin deeggarsa taasisuun gahee isaanii akka bahan dhaamsa dabarsaniiru.
Dhumarratti, Supparviizyiniin Barnootaa qindoomina ogeessota biiroo barnootaafi waajjira barnootaa godinaalee, magaalotaafi aanaaleen gaggeeffamu fuul duras cimee kan itti fufu ta'uun beekameera.

🚀 Oromia Education Bureau ☑️
🚀 Tolaa Bariisoo Gadaa ☑️

​Mata duree "#Itiyoophiyaa_Dijitaalaaf" jedhuun Barattoonni Leenjii 'Ethio Coders' Hordofaa Turan 842 Eebbifamaniiru.
https://ethiocoders.et/

BBO- 07/07/2017 Magaalaa Jimmaatti barattoonni sagantaa Itiyoo koodarsiin leenji’aa turan 842 har'a bakka I/A Hog. Biiroo Barnootaa Oromiyaa obbo Girmsa Baayisaa argamanitti waraqaa ragaan eebbifamaniiru.

Obbo Girmaan saganticcharratti haasaa taasisaniin Inisheetiviin MM Dr. Abiy Ahimadiin qophaa'e kun imala Itiyoophiyaa Dijitaalaaf murteessaa ta'uu himuun, carraan kun lammii hundaaf banaa waan ta'eef carraa argametti fayyadamuu qabna jechuun dhaamsa dabarsaniiru.

Walumaagalatti,
Addunyaa teeknooloojiin hogganamtu hubachuun kan danda'amu dandeettii dijitaalaa gabbifachuun murteessaadha.

Biyyi keenyas kanuma bu'uureeffachuun waggaa sadi keessatti kodaroota(coders) miliyoona 5 horachuuf dameewwan 'Web Programing, Android Development, Data Analysis & Artificial Inteligence ' jedhaman irratti sagantaa 'online'n bilisaan leenjii kennaa jiraachuun ni beekama.
Kanaafuu, namni dandeetii bu'uuraa koodiingii gabbifachuu barbaadu hundi sagantaa 'online'n liinkii asii gadii banuun galmooftanii bilisaan leenji'uu ni dandeessu. https://ethiocoders.et/

Sagantaan Itiyoo koodarsii walta'iinsa Mootummaa Araba Emiireetiin Itiyoophiyaanota Miiliyoona shan fayyadamoo taasisuuf kan eegalame ta'uun ni yaadatama.

#Itiyoophiyaa_Dijitaalaa_Uumuuf_Sosochii_Jalqabame_Galmaan_Ni_Geenya!

🚀 Oromia Education Bureau 💠
🚀 Tolaa Bariisoo Gadaa 💠

​#Harcaatii_Barattootaafi_Wayitii_Barnootaa_Hambisuuf Dhukkuba Busaa Ofirraa Ittisuu Qabna Jedhame..
----------------
BBO-Bitootessa 04/2017 - Rooba tibba Arfaasaan walqabatee roobuu ka'umsa godhachuun Weerarri Dhukkuba Busaa Godinaalee Oromiyaa hedduutti uumamuu waan danda'uuf Bookee Busaa qe'ee keenyarraa ittisuun weerara irraa maatiifi hawaasa keenya baraaruun akka danda'amu Biiroon Fayyaa Oromiyaa beeksise.

Dhukkubni busaa, bookee busaatiin kan daddarbu waan ta'eef bookeen busaa qe'ee keenyatti akka wal hinhorre mandhee(bakka walhormaata) ishee dhabamsiisuu, qulqullina qe'ee keenyaa eeguufi saaphana siree keemikaala cuuphame haala sirrii ta'een fayyadamuun dhukkubicha ittisuun akka danda'amu ogeessotni fayyaa ibsaniiru.

Dhukkubni busaa diinagdee, hawaasummaafi siyaasaa biyya keenyaa miidhuurra darbee xiinsammuu dhalootaa miidhuu kan danda'u, miiraafi hamilee lammiilee kan laamshessu waan ta'eef gamanumaa of eeggannoo gochuun qooda fudhattoota hundarraa kan eegamuudha kan jedhan Biiroo Fayyaa Oromiyaatti Daarektara Daarektoreetii Barnoota fayyaafi kominikeeshinii Sister Sa'aadaa Ahimad marii qooda fudhattoota waliin Magaalaa Adaamaatti gaggeeffame irratti ibsaniiru.

Keessattu, daa'imman (#barattootni) #Manneen_Barnootaa_keessatti_argaman_miliyoona_12 ol ta'aniifi #barsiisotni_kuma_300 ta'an fayyaan isaanii eegamu malee qulqullinni barnootaa waan hin yaadamne ta'uusaa hubachuun weerara dhukkuba Busaa kana hambisuu/xiqqeessuu keessatti gaheen Manneen Barnootaa olaanaadha kan jedhan immoo, I/A higg. Biiroo Fayyaa Oromiyaa Dr. Tasfaayee Kibabawu yoo ta'an, Manneen Barnootaa, Gumiiwwan adda addaa hirmaachisuun, Gumii miinii miidiyaa(Mini Media)tti fayyadamuun barsiisotniifi barattootni hawaasa keessa jiraataniif hubannoo kennuun ummata keenya dhukkuba busaa irraa baraaruu ni dandeessu jedhaniiru.

Dhukkubni busaa kan daddarbu bookee busaa (Anopheles Mosquito) jedhamtuun, dhiiga nama dhukkubni busaa keessa jiru dhidduun, dabartee immoo, nama fayyaa qabu(dhukkubni busaa dhiiga keessa hinjirre) yoo dhiddite dhukkubicha dabarsiti.
Kanaafuu, dhibee busaa hambisuuf Bookee Busaa qe'ee keenyarraa balleessuu qabna.

#Weerara_dhukkuba_busaa_Rooba_tibba_Arfaasaa_Roobu kanaan walqabate uumamuun naannoo keenya keessatti #namootni_miliyoona_39.5 ol ta'u saaxilamaa waan ta'eef gamanumaa weeraricha ittisuu irratti xiyyeeffannoon hojjatamaa akka jiruufi qophiin cimaan akka taasifame BFO himeera.

Bookeen busaa kan wal horuu dandeessu;
#bakka_bishaan kuufamee ciisu,
#dallaa_mana jireenyaa keessa meeshaalee caccaboo bishaan kuufatu,
#gommaa_konkolaataa tajaajilaa ala ta'anii dallaa jalatti gataman,
#qabeefi_pilaastikiiwwan caccaboo,
#meeshaalee_caccaboo supheerraa hojjataman,
#lafa_huuraa jiidhinsa qabuufi iddoowwan xuraawaa ta'an keessatti waan walhoraniifi barattootnifi barsiisotni keenyaa mooraa mana barnootaa keessan irraa jalqabdanii hanga qe'ee keessaniitti mandhee bookeen busaa itti walhoruu dandeessu sakattaa'un Roobni tibba Arfaasaa kun otuu hin calqabin tarkaanfii akka fudhattan dhaamsa Biiroo Barnootaa Oromiyaa barattootaafi barattoota keenyaaf dabarse ta'a.

Weerarri dhukkuba busaa barsiisotaaf barattootaa keenya miidhuun #harcaatii_wayitii_barnootaafi_harcaatii_barattootaa_fiduun_dura_hoggansi_barnootaa sadarkaan jiruufi #Gumiin_Tiraansifoormeeshinii_Barnootaa (GTB) sadarkaan jiru xiyyeeffannoo kennuun hojjachuun barbaachisaadha.
Harcaatiin wayitii barnootaafi barattootaa qulqullina barnootaa irratti dhiibbaa fiduun akkuma jirutti ta'ee lubbuu hawaasa barnootaafi hawaasa keenyaa baraaruu qabna.
#Walumaa_galatti, Weerara Dhibee Busaa hambisuuf/xiqqeessuuf ;
-qe'eefi mooraa keessa jiraannu qulqulleessuun bookee busaa irraa bilisa taasisuu,
-Saaphana siree keemikaala cuuphametti qixa sirrii ta'een fayyadamuu,
- Namni dhibee kanaan qabame hatattamaan gara mana yaalaa dhihoo jirutti deemuun barbaachisaadha.
Kanaafuu, dhukkuba busaa ittisuun dhaloota fayyaafi gahumsa qabu horachuuf gahee keenya haa baanu.

#Fayyaa_Barsiisotaafi_Barattoota_Keenyaa Eeguun #Harcaatii_Wayitii_Barnootaafi_Barattootaa_Haa_Hambisnu
!

​Shaampiyoonan Liigii Ispoortii Manneen Barnootaa Dhaloota Qaamaan Cimeefi Sammuun Qophaa'aa Ta'e Horachuuf Gahee Olaanaa Qaba jedhame.
-------------
BBO- 28/06/2017 Biiroon Barnootaa Oromiyaa dhaloota qaamni ispoortiin dagaage, saayinsiifi teeknoloojiin gahoome horachuuf caasaa barnootaa hanga MB jirutti fayyadamuun hojjachaa jira.

Kanuma bu'uura gochuun manneen barnootaa barnoota dareetti kennu cinaa barattootni dirree ispoortii irrattis qaama isaanii akka cimsatan, fayyaa qaamaa akka horatan, dandeetti isaanii baasanii itti fayyadamuu danda'an carraa uumuu irratti hojjatamaa jira.

Shaampiyoonaan Liigii MB Oromiyaa yeroo ammaa dorgommii manneen barnootaa, kutaafi kutaa jiddutti gaggeeffamaa ture irraa ka'ee hanga sadarkaa biyyoolessaatti dorgomamaa jira.

Dorgommiin ispoortii manneen barnootaa sadarkaa kilaastaraa, aanaafi godinaa gaggeeffamu kun sadarkaa godinaatti ispoortessitoota Oromiyaa bakka bu'uun Shaampiyoonaa liigii Ispoortii Manneen Barnootaa Itiyoophiyaa irratti kan hirmaatan ta'uun beekameera.
Dorgommii Shaampiyoon Liigii MB Oromiyaa bara 2017 irratti gosootni ispoortii;
- Taphoota Kubbaa,
- Tapha Teenisii Minjaalaa,
- Atileetiksiifi
- Taphoota Aadaa fa'a saala lachuun kan gaggeeffamaa jiru yoo ta'u, dorgommii gaggeeffamaa jiru kana bu'uureeffachuun ispoorteessitootni idil addunyaatti dorgomaa ta'an burquu akka danda'an eegama.

Walumaa galatti, Akku Doktarri kabajaa,Artisti Alii Birraa muuziqaa isaanii keessatti haala miidhagaan ibsan
"Ispoortiin faayyaadhaaf, ispoortiin jaalalaaf, ispoortiin nagayaaf . . . !" jedhan, ispoortiin qaama cimsuufi sammuu qophaa'aa uumuu qofa otuu hin taane, hariiroo waliin jiraachuu, dhaloota naamusa qabu horachuu, dhaloota aadaafi safuu hawaasaa kabaju, waldeeggaruu, misoomaaf kaka'umsa uumuu, waljaalachuu, walkabajuu, biyya ofii jaalachuufi humna misoomaa ta'uu keessatti gahee olaanaa waan taphatuuf seeraafi naamusa ispoortii kabajee gaggeeffamuun itti fufuu qaba kan jedhu dhaamsa keenya ta'a.

#Oromia_Education_Bureau
#Tolaa_Bariisoo_Gadaa

​​25/06/2017
#HUBACHIISA!

#Sirreeffamni_Iskeelii_Mindaa_Barsiisotaa, sadrakaa guddinaafi fooyya'insa sadarkaa barnoota barsiisotaa hindhoorku!
------------
#Sirreeffamni_iskeelii_Mindaa Barsiisotaa:
- Guddina Sadarkaafi
- Fooyya'insa Sadarkaa Barnoota barsiisotaa #HINDHORKU.

Kanaafuu, Godinootnifi Bul/ Magaalotaa dogoggora kana keessa galtan hatattamaan akka sirreeffatan isin beeksisaa,

#Hubachiisa :- Qajeelfama Raawwii Iskeelii Mindaa Qaala'insa Jireenya Hojjattoota Mootummaa Naannoo Oromiyaa Dandamachiisuuf bahe - Lakk. 17/2017 ilaalaa.

Oromia Education Bureau
Tolaa Bariisoo Gadaa

​25/06/2017
#BEEKSISA!
Barattoota #Kutaa_4ffaa_hanga_8ffaa jiran hundaaf
--------------
Biiroon Barnootaa Finfinnee Televizyiinii Addis Media Network (#AMN) waliin ta'uun Gosa Barnootaa #Herregaafi_Ingilffaa #Afaan_Oromoo_Amaariffaafi_Ingiliffaan har'a 25/06/2017 irraa eegalee;
- #Wixataa hanga Jimaataatti,
Galgala Sa'aatii 11:00 - 2:00
- #Sanbataafi Dilbata immoo,
Ganama Sa'aatii 2:00 - 6:00tti TV AMN irratti, Chanaalii AMN+ (plus) dabalatee barnoota kan dabarsan waan ta'eef, barnoota keessan mana keessan teessanii akka cimsattan(akka sagantaa cimsaatti) waan isin fayyaduuf akka hordoftan isin beeksifna.

#Oromia_Education_Bureau
#Tolaa_Bariisoo_Gadaa

​Oromiyaatti barattoonni kuma 212 olqormaata biyyaalessaa fudhatu
*****
Gaazexaa Bariisaa
Naannoo Oromiyaatti bara barnootaa kanatti barattoonni kuma 212 olqormaata biyyaalessaa bahiinsa kutaa 12ffaa kan fudhatan ta'uu biiroon barnootaa naannichaa ibse.

Hogganaan biirichaa Doktar Tolaa Bariisoo akka ibsanitti, naannichatti qormaanni biyyaalessaa kutaa 12ffaa waraqaafi onlaayiniin nikennama.

Naannichatti barattoonni kumni 212 kan fudhatan yoo ta'u dhibbantaan 59 saayinsii uumamaa, dhibbantaan 41mmoo saayinsii hawaasaa ta'uu dubbataniiru.

Barattoota qoraman keessaa dhibbantaa 47 kan ta'an barattoota dubaraa akka ta'an eeraniiru.

Barattoonni kuma 50 ol ta'an qormaaticha onlaayiniin haalli ittifudhatan mijeeffamaa jiraachuu eeranii, hojiin giddugala barattoonni qormaaticha onlaayiniin ittifudhatan addabaasuun haala mijeessuu hojjatamaa jira jedhaniiru.

Galteewwan qormaatichaaf barbaachisan guutuudhaaf qaamolee dhimmi ilaallatuu waliin qindoominaan hojjetamaa kan jiru ta'uu hogganaan biirichaa ibsaniiru.

#Oromia_Education_Bureau
#Tolaa_Bariisoo_Gadaa

14/06/2017
#SIRREEFFAMA

Barattoota Qormaata Biyyoolessaa Kutaa 12ffaa Bara 2017 Fudhatan Hundaaf
-----
Qormaatni Biyyoolessaa Kutaa 12ffaa bara 2017 Kutaaleefi qabiyyeewwan qormaatni keessaa qophaa'u beeksisuun keenya ni yaadatama.

kutaaleefi qabiyyeen qormaatni keessaa qophaa'a jennee dhiheessine #hunduu_akkuma_jirutti ta'ee,
Gosni Barnootaa Ikoonomiksii garuu saba barnoota haaraa ta'eef #Kutaa_12ffaa_keessaa_qofa akka qophaa'u murtaa'era.
Kanaafuu, Barnoota #Ikoonomiksii_kan_kutaa_12ffaa_qofarratti akka qophooftan beeksfina.


14/06/2017
#ማስተካከያ
በ2017 ዓም የ12ኛ ክፍል ብሔራዊ ፈተና ለሚወሰዱ ተማሪዎች በሙሉ።

ከዚህ በፊት የገለፅነው የዝግጅት ሂደት በሁሉም የትምህርት ዓይነቶች ላይ እንደተጠበቀ ሆኖ #የኢኮኖሚክስ_የትምህርት_ዓይነት ግን በስርዓተ ትምህርቱ አዲስ የተጀመረ ከመሆኑ ጋር ተያይዞ #በ12ኛ_ክፍል_ይዘት_ላይ_ብቻ ተመስርቶ የሚዘጋጅ ይሆናል።

#Oromia_Education_Bureau #Tolaa_Bariisoo_Gadaa

​Barattoota kuma 100 fi kuma 50’f qormaata oonlaayiniin kennuuf qophiin taasifamaa jira

*******

Guraandhala 13, 2017 - Barattoota kuma 100 fi kuma 50’f oonlaayiniin qormaata akka fudhataniif qophiin taasifamaa jiraachuu Ministeerri Barnootaa beeksise.

Ministirri Ministeera Barnootaa Pirofeesar Birhaanuu Naggaan Waltajjii marii damee misooma Barnootaarratti haasawaa taasisaniin, damecharratti milkaa’uuf hojii qindoomina qabu hojjechuun murtessaadha jedhan.

Keessattuu lammiileen hundi barnoota argachuuf carraa walqixa akka qabatuuf ,Hiyyeesaa fi Sooreessa gidduu garaagarummaa jiru dhiphisuuf hojjechuu qabna jedhan.

Biyyaattiin jijjiramu kan dandeessu Sirna Barnootaa jijjiruun ta’uu eeruun, riiformiiwwan hedduun bocamuun hojirra oolaa jiraachuu kaasaniiru.

Haaluma kanaan manneen Barnootaa keessatti adeemsi baruuf barsiisuu foyya’aan akka jiraatuuf xiyyeeffannoon hojjechuun barbaachisaa ta’uu dubbataniiru.

Qormaata waliin walqabate Barattoota kuma 100 fi kuma 50’f Oonlaayiniin qormaata akka fudhataniif qophiin taasifamaa jiraachuu ibsuu ragaan Ministeera Barnootaarraa argame ni mul’isa.

#Oromia_Education_Bureau
#Tolaa_Bariisoo_Gadaa

​#YAADACHIISA

#Barattoota_Qormaata_Biyyoolessaa_Kutaa_12ffaa Bara 2017 Fudhachuuf Qophaa'aa Jiran Hundaaf
-------------
BBO- Guraandhala 12/2017 Qormaatni biyyoolessaa kutaa 12ffaa bara 2017 kan qophaa'u; -Kitaaba Kutaa 11ffaafi 12ffaa #Sirna_Barnootaa_Haaraa keessaa yoo ta'u,
- Kutaa 9ffaafi 10ffaa #Sirna_Barnootaa_Moofaa keessaafi #Barnootni_Ikoonomiksii immoo Sirna Barnootaa Haaraa Kutaa 11ffaafi 12ffaa keessaa qofa qormaatni kan qophaa'u ta'uun hubatameera.
Dabalataanis, barattootni kutaa 10ffaatti sirna barnootaa haaraan baratanii turan gaaffii sirna barnootaa lamaanuu keessa jiru irraa waan qophaa'uuf garagarummaan hin uumamu.
Kanaafuu, Barattootni keenya haala ibsame kanarratti hundaa'uun akka qophooftan isin yaadachiifna.

Barsiisotniifi maatiin barattootaas deeggarsa barattoota keenyaaf taasisaa jirtan kanaan akka itti fuftan kan jedhu dhaamsa biiroo keenyaati.

Walumaa galatti, #Qormaatni_Kan_Qophaa'u #Sirna_Barnootaa_Barataa_turtaniifi_jirtan keessaa ta'uusaa mirkanaa'eera.
Waan hin baranne hin qoramtan, kanaafuu, kan barattan irratti qophaa'aa!

CARRAA GAARII !



#ማሳሰቢያ

ለ2017 ዓም 12ኛ ክፍል ብሔራዊ ፈተና ለመፈተን ዝግጅት ላይ ላሉ ተማሪዎች በሙሉ
--------
ኦትቢ - የካቲት 12/2017 በ2017 ዓም የ12ኛ ክፍል ሀገር አቀፍ የከፍተኛ ሁለተኛ ደረጃ ትምህርት ማጠናቀቂያ ፈተና #ለመፈተን_ዝግጅት_ላይ_ያላችሁ_ተማሪዎች_ለዝግጅታችሁ_ያመች_ዘንድ_ፈተናው_የሚዘጋጀው፦
- ከ11ኛ እና 12ኛ ክፍል ፣ ከአዲሱ ሥርዓተ ትምህርት ስሆን፤
- ከ9ኛ እና 10ኛ ክፍል ፣ ከአሮጌ ሥርዓተ ትምህርት እና
- የኢኮኖሚክስ ትምህርት ደግሞ
ከ11ኛ - 12ኛ ክፍል አዲሱ ሥርዓተ ትምህርት ውስጥ የሚዘጋጅ መሆኑ ተረጋግጧል።
ከዚህ ቀደም 10ኛ ክፍልን በአዲሱ ሥርዓተ ትምህርት የተማሩ ተማሪዎች ፈተናዉ የሚዘጋጀዉ በሁለቱ ሥርዓተ ትምህርት ውስጥ ከሚገኙ የጋራ የሆኑ ጥያቄዎች ስለሚዘጋጁ በተማራችሁት ላይ መዘጋጀት አለባቸው።

በጠቃላይ ማንኛዉም ተፈታኝ ተማሪ የተማረውን ሥርዓተ ትምህርት ብቻ ስለሚፈተን በተማረውና እየተማረ ባለው ብቻ እንድዘጋጅ እየገለፅን
ትቤቶች፣ መምህራንና የተማሪ ቤተሰቦች ተማሪዎቻችንን ከዚህ በፊት እንደምታግዙ ሁሉ እስከ መጨረሻ ድጋፋችሁ እንዳይለይ የኦሮሚያ ትምህርት ቢሮ መልዕክቱን ያስተላልፋል።
ተማሪዎች ያልተማሩትን አይፈተኑም!

መልካም ዕድል!


#Oromia_Education_Bureau
#Tolaa_Bariisoo_Gadaa

​#Barsiisaa_Gahumsa Qabu Heddumminaan Horachuuf #Kolleejjiota_Barnootaa_Barsiisotaa Cimsuufi deeggaruun Murteessaadha Jedhame.
-------------------
BBO- Guraandhala 10/2017 Biiroon Barnootaa Oromiyaa (BBOn) Kolleejjota Barnootaa Barsiisotaa (KBB) 13 waliin gamaaggama raawwii hojii kurmaana 2ffaa bara 2017 Giddu Gala Qornnoofi Leenjii Barnootaa Oromiyaa - Adaamaatti guyyaa lamaaf gaggeessu har'a eegaleera

Sirna gamaaggama raawwii hojii kurmaana 2ffaa bara 2017 haasawaan kan banan Hogganaa Biiroo Barnootaa Oromiyaa Dr. Tolaa Bariisoo yoo ta'an, haasawa taasisan keessatti barbaachisummaan kolleejjota barnootaa barsiisotaa yeroo kamiyyuu caalaa sadarkaa murteessaa irratti kan argamu ta'uu, qulqullina barnootaa mirkaneessuuf barsiisaa gahumsa qabu leenjisee ummata keenyaa gumaachuun kan irraa eegamu ta'uu kan dubbatan Dr. Tolaan,

Rakkoon qulqullina barnootaa walxaxaa waan ta'eef laayyotti furuun salphaa miti. Rakkoowwan uumaman bu'uura irraa furuuf kaka'umsaafi kutannoo gaafata.
Haaluma kana bu'ureeffachuun BBO bara 2010 irraa eegalee rakkoo bu'uurarraa qorachaa, furmaata kaa'aa deemuu keessatti sababa weerara dhukkuba COVD-19 'n bara 2012 akka barbaadamutti furmaata kaa'uf mijaa'uu baatus bara 2013 irraa eegalee argannoowwan qorannichaa tokko tokkoon hiikaa as geeneerra jedhaniiru,

Dr. Tolaan, Sirna barnootaa haaraa qopheessuufi hojiirra oolchuu, ijaarsa mana barnootaa bu'uura boruu babal'isuun yeroo ammaa daa'imman miliyoona 2 ol akka keessatti baratan taasifameera, manneen barnootaa Ifa Boruu Bultii Addaafi manneen barattoota addaa babal'isuun barattoota qaxalee qormaata biyyoolessaa qabxii olaanaa galmeessisan horataa jiraachuu himuun, jijjiiramni bu'uuraa hundeerra kan dhufaa jiru ta'ullee, #gahumsa_barsiisaa_irratti hundaa'ol #xiyyeeffannaa_kennuun_murteessaa ta'ee argameera.
Kanuma bu'uura gochuun KBB 13 BBO jala jiru hundi #kaadhimamtoota_barsiisotaa_6000 ol ta'an, #mooraa_kolleejjootaa_keessa_jiraachaa_tajaajila_nyaataafi_siree_argachaa_yaadaafi_qalbii tokkoon barnoota isaanii qulqullinaa akka hordofan taasifameera.
Kunis, ammaa achi #imaanaafi_itti_gaafatamummaan_gahumsa_barsiisotaa kolleejjotarratti fedhameera.

Kanaafuu, jedhan Dr. Tolaa Bariisoo, Biiroon Barnootaa Oromiyaa #yeroo_kamiiyyuu
_caalaa_xiyyeeffannaa_kennuun_humna_keessan_cimsuufi__eeggaruu_qabna jechuun waadaa galaniiru.

Dhumarratti, biiroon keenyaa qulqullina barnootaa mirkaneessuuf sanadoota qorannoo adda addaa gaggeessaa kan turan himuun qorannoof ka'umsaaf akka isin gargaaru ilaaluu ni dandeessu jedhaniiru.
Kolleejjootni keenya barsiisaa gahumsaafi naamusa qabu ummataaf gumaachuun rakkoo qulqullina barnootaa biyya keenya qunname keessaa baasuuf gahee olaanaa taphachuu qaban jechuun dhaamsa dabarsuun sirni gamaaggama raawwii hojii banamu ibsaniiru.

Itti aansuun BBOtti, daayirektoreetii Barnoota Olaanoofi Qo'annoofi Qorannoo keessatti dursaa garee Barnoota Olaanoo obbo Rattaa Nagawoo adeemsa gabaasni kolleejjotaa dabaree dabareen dhihaatu irratti qajeelfama kan kennan yoo ta'u gabaasichis haaluma kallattii kaa'ameen kan jalqabe yoo ta'u, hanga guyyaa boruu 11/06/2017tti kan itti fufu ta'uu sagantaan bahe agarsiiseera.

#Oromia_Education_Bureau
#Tolaa_Bariisoo_Gadaa

​Barnootni Semisteera 2ffaa Haala Ho'aa Ta'een Jalqabame.
---------------------
BBO- 06/06/2017 Manneen Barnootaa Naannoo Oromiyaa keessatti argaman hundi Guraandhala 03/2017 irraa eegalee barnoota haala ho'aa ta'een jalqabuu supparvaayizarootni daawwannaarra turan himaniiru.

Barnootni Semisteera 2ffaa guyyaa bornootaa 82 qofa kan qabu yoo ta'u, hanga har'aatti guyyaa 4ffaa barnootni kennamaa waan jiruuf, ammaa achi ( 82- 4 = 78) guyyaan barnootaa 78 qofatu hafe jechaadha.

Kanaafuu, barnoota keessatti guyyaan 1 ykn wayitiin barnootaa 1 gatii olaanaa akka qabu waan beektaniif barsiisotniifi barattootni keenya qixa sirriin akka itti fayyadamtan dhaamsa keenya ta'a.

Kalaandariin Barnootaa Semisteera 2ffaa guyyaan qormaatni naannoo kutaa 6fi 8, qormaata biyyoolessaa kutaa 12 kennamu dabalataa guyyaa 97 ta'ullee, guyyoota qormaataa kanneen barnootni kutaalee hafaniif waan hin kennamneef semisteerri 2ffaan guyyaa barnootaa 82 qofa taasiseera.

#Qormaatni_Naannoo kutaa 6ffaa waxabajjii 04-06/2017.
#Qormaatni_Naannoo kutaa 8ffaa Waxabajjii 09-13/2017tti ni kennama jedhamee kan eegamu yoo ta'u,
#Qormaatni_biyyoolessaa kutaa 12ffaa immoo, Akka Ejensiin Qormaataafi Iyyaafannoo Biyyoolessaa beeksisu irratti kan hundaa'u ta'a.

#Qisaasama_Wayitii_Barnootaa_Hambisuun_Qulqullina_Barnootaa_Haamirkaneessinu!
Bara Barnootaa Milkii Haata'u!

#Oromia_Education_Bureau
#Oromia #Tolaa_Bariisoo_Gadaa
#Education

​Guyyaan Galmee Barattoota Qormaata Naannoo Kutaa 6ffaafi 8ffaa Fudhatanii Beekame.
---------------
BBO- 04/06/2017 Naannoo Oromiyaa keessatti bara 2017 barattootni qormaata sadarkaa naannootti fudhatan (kutaa 6ffaafi 8ffaa guyyaan galmee kan beekame yoo ta'u, galmeen taasifamus '#online' waan ta'eef Abbootiin Adeemsaa Bulchiinsa qormaataa waajjira barnootaa aanaafi magaalaa hundarraa dhufam namootni 450 ol ta'an 'software' irratti leenjiin kennamu har'a eegaleera.

Leenjicha haasawaan kan banan Hog. I/A Biiroo Barnootaa Oromiyaa Dr. Galaanaa Waldamikaa'el yoo ta'an, haasaa isaanii keessatti bara teeknoloojiifi dijitaalawaa kana keessa qulqullinaafi gahumsaan itti fayyadamuun barbaachisaa waan ta'eef leenjii kennamu kana yaadaafi qalbiin akka hordofuu qaban ibsuun, ragaan barattoota kutaa 6ffaafi 8ffaa har'a galmeessisan guutuu jireenya isaanii waliin waan turuuf of eeggannoofi qulqullinaan galmeessuu qabdu jechuun dhaamsa kan dabarsan yoo ta'u, leenjitootaaf turtii gaarii hawwuun leenjichi ifaan ifatti banamuusaa himaniiru.

Itti aansuun haasaa kan taasisan BBOtti, Daayirektara Daayirektoreetii Bulchiinsa Qormaataafi Madaallii obbo Huseen Qaasim yoo ta'an, bara 2017 barattootni qormaata fudhatan;
#1_kutaa_6ffaa karoorri ,
dhi -408 134 du - 361 042 walitti -769 176
#2_kutaan_8ffaan immoo karoorri, dhi -276 302 du -260 110 wal- 536 607 waan ta'eef barattootni kunniin ragaanifi suuraan isaanii wal simee akka galmaa'an hoggantoofaafi abbootii adeemsaa qormaataafi madaallii barnootaatiif leenjiin kun har'a kennamuu jalqabneerra jedhaniiru.
Galmeem barattootaa '#online' waan ta'eef leenjitootni har'a leenji'an hanga mana barnootaatti gadi bu'anii kan leenjisan ta'uus ibsaniiru. Dabalataanis obbo Huseen, leenjii kana booda galmee kan jalqabamu ta'uu beeksisuun; #1_Kutaa_8ffaan
#Guyyaa 15/06/2017 hanga 10/07/2017 yoo ta'u,
#2_Kutaa_6ffaan
#Guyyaa 15/07/2017 hanga 10/08/2017 tti kan turu ta'uu ibsaniiru.
Kanaafuu barsiisotniifi ogeessotni galmee kanarratti hirmaatu hunduu ragaa qulqulluu akka guutan dhaamsa dabarsaniiru.

Walumaa galatti akka naannoo keenyatti #barattootni_kutaa_6ffaafi_8ffaa_bara_2017 qormaata naannoo fudhachuuf #ni_galmaa'u_jedhamanii_eegaman_walitti miliyoona 1.3 ta'uu karoorri biiroo keenyaa agarsiiseera.

#Oromia Education Bureau
#Tolaa Bariisoo Gadaa