ኦርቶዶክሳዊ አእምሮ

ከ17 ደቂቃ ቦኃላ ይጠፋል


የ 200 ብር ካርድ የሚያስሸልም ጥያቄ!

በኢትዮጵያ በጣም አስቸጋሪ የነበረዉ  ረሀብ መች አመተምህረት ነበረ

+ ምሕረቱና ፍርዱ +

እግዚአብሔር መሐሪና ታጋሽ ቢሆንም የማይፈርድ ግን አይደለም ። እግዚአብሔር ፈታሒ በጽድቅ ኮናኒ በርትዕ ነውና ምሕረቱንና ፍርዱን ነጣጥሎ ማየት አይቻልም ። ሊቁ አግስጢኖስ "ወደ ኃጢአት መውደቅ ተገኝቶብህ ቢሆን ገደብ የሌለው ምሕረቱን ተስፍ አድርግ ፣ ኃጢአት ለመሥራት ፈተና ሲመጣብህ ደግሞ እግዚአብሔር ፈራጅ መሆኑን አስበህ ፍራ ። ምክንያቱም "እግዚአብሔር መሐሪ ነው " በማለት እርሱን መበደል ራስህን ለምሕረት ያልተገባ ማድረግ ነው " ያለው ለዚህ ነው ። ሌላም ሊቅ እንዲሁ፦ "የበደለ ማንም ቢሆን ምሕረትን መለመን ይቻለዋል ፣ በምሕረት ላይ የሚበድል ግን ወደ ማንም ሊማፀን አይቻለውም በሏል ።

የእግዚአብሔር ምሕረት የመብዛቱን ያህል በንስሐ በማይመለሱ ላይ ደግሞ በታገሠ መጠን ቅጣቱ እየከፍ ይሄዳል ። ቅዱስ ዮሐንስ አፈ ወርቅ ፦ " እግዚአብሔር ልበ ደንዳና የሆነውን ኃጥእ ከመቅጣት በታገሠ መጠን አብዝቶ መፍራት ይገባል " ሲል ተናግሯል ። ምክንያቱም በታገሠ መጠን ቅጣቱ እየከበደ ይሄዳልና ። ፈርኦንን ከነ ሠራዊቱ በባሕር ያሰጠመው ፣ ናቡከደነፆርን ለሰባት ዓመታት ያህል ከሰው ተለይቶ በምደረ በዳ ከዱር አራዊት ጋር እንዲኖርና እንደ በሬ ሣር እንዲበላ ያደረገው ብዙ ስለታገሣቸው ነው ። ዳን 4፡31-33 ( ቃል ኪዳን በነገረ ድኅነት ዲያቆን ያረጋል አበጋዝ ገጽ 51-52)

#ኦርቶዶክሳዊ_አእምሮ

#እንኳን_አደረሳቹ #ታኅሳስ_19

"እኔ በእግዚአብሔር ፊት የምቆመው ገብርኤል ነኝ" (ሉቃ 1:19) እና ስለ ነቢዩ ሙሴ "... ስለ ሕዝቡ ባይቆም ኖሮ ሊያጠፋቸው ተናገረ።" (መዝ 125) ... ሁለቱን አነጋገሮች እናስተውላቸው። አንዱ በዚህች ምድር የተደረገ "ስለ ሕዝብ መቆም" (ምልጃ) ነው። ሌላው ደግሞ በመንፈሳዊው ዓለም በቅዱሳን መላእክት የሚደረግ "መቆም" (ምልጃ) ነው። አንዱ በእስንፋሰ እግዚአብሔር ዘመድ በሆነ (በሰው) የተደረገ ነው።... ሌላው ደግሞ በፍቅር እና በመንፈሳዊ ኅብረት አዛማጅነት የሚደረግ ነው።... ሰው ከክርስቶስ በተቀበላት ቤተ ክርስቲያን እና ቤተ ክርስቲያንነት በእርሱም ትክክለኛ እውነታ (Reality) ቅዱሳን ምልጃን ያደርጋሉ። ... በሌሎች ሰዎች የሕይወትና ሞትን መንፈሳዊ ትርጉም ባላገናዘበ፣ ክርስቶስ መጥቶ የ3 ዓመት ትምህርትን "በግል ለግል ያስተማረ" ይመስል ቤተ ክርስቲያንን "ግል" (individual) ብቻ ባደረገው አስተሳሰብ፣ የእውነት ውሏን በትሕትና ከመፈለግ ከማግኘትም ይልቅ በቲፎዞነት፣ "ከእኔ (ከእኛ) በላይ አዋቂ" በሚል የኅሊና ጥመት ባደከመው ዘንድ ቅዱሳን አይማልዱም። ሰው "ጌታ ይበቃኛል" በማለት ራሱን ያታልላል እንጂ "እኔ ለራሴ እበቃዋለሁ" እያለ መሆኑን ከመረዳትም የዘገየ ነው።

የመልአኩን ረድኤት አይለይብን። በቅዱሳን ጸሎት ይማረን።

(ዲያቆን ሚኪያስ አስረስ)

#ኦርቶዶክሳዊ_አእምሮ

+ በብዙ ቋንቋዎች የተሰጠ ሃይማኖት አለን +


የክርስትና ሊቃውንት እንደሚሉት የእስልምና መጽሐፍ (በተለይ በቀድሞ ዘመናት ) በአንድ ቋንቋ ዘውግ በመወሰኑ መልእክቱ ከአነሣሱ ለዐረቦች እንጂ ለሁሉም የሰው ዘር እንዲዳረስ የታሰበ አለመሆኑን እንደሚያመለክት ይጠቁማል ። "ከቆጵሮስ ሰዎች የተላከ ደብዳቤ" በሚል ርዕስ በሚታወቀው የ14ኛው መ/ክ/ዘመን የክርስትና ጥብቅና ደብዳቤ ሙስሊሙ የቆጵሮስን ሰዎች ለምን እስልምናን እንዳልተቀበሉ ሲጠይቃቸው ቁርዓን በዐረብኛ ብቻ መጻፍ እና ይህ ጉዳይ በራሱ በቁርዓን ትኩረት ተሰጥቶት የተደነገገ በመሆኑ እስልምና ሃይማኖት ለሌላቸው እና ብዙ ጣዖታትን ለሚያመልኩ ዐረቦች እንጂ ለእኛ ለክርስቲያኖች አይደለም እኛ በብዙ ቋንቋዎች የተሰጠ ሃይማኖት አለን እንዳሉት ተዘግቧል ። ( የልቦና ችሎት በረከት አዝማራው ገጽ-85)

#ኦርቶዶክሳዊ_አእምሮ

እግዚአብሔር አብ የኢየሱስ ክርሰቶስ አባት የሚባለው ሰው ሆኖ በተወለደበት የኋለኛው ልደቱ በኩል በተናጠል ሳይሆን ዘመን ከመቆጠሩ በፊት ከአብ በተወለደው ረቂቅ ልደቱ በኩል ነው ። ነገር ግን ቀድሞ ዘመን ሳይቆጠር ከአብ የተወለደውም በኋለኛው ዘመን ሰው ሆኖ ከድንግል ማርያም የተወለደውም አንድ ወልድ (ልጅ) ነው እንጂ ሁለት አይደለም። ሰው ሲሆን ከተፈጸመው ረቂቅ የተዋሕዶ ምሥጢር የተነሣ አብ አባት ሲባል ለወልድ መለኮት ብቻ አይደለም ፤ ድንግል ማርያምም እናት ስትባል ለወልድ ሰውነት ብቻ አይደለም ፤ ክርስቶስ ከዋሕዶ በኋላ አንድ እንጂ ሁለት አይደለም። (የልቦና ችሎት ገጽ-14 )

#ኦርቶዶክሳዊ_አእምሮ

ፕሮቴስታንቲዝም ከጌታ ውጪ መሆናቸውን ከአባቶች አንጻር በጣም በቀላሉ ለማየት የጳጳሳትን ነገር ማየት ነው..

ማለትም ፕሮቴስታንቶች ከጳጳሳት ውጪ ናቸው.. በቤተ ክርስቲያን ታሪክ ውስጥ  ደግሞ ያለ ጳጳስ ቤተ ክርስቲያን ትኖራለች ብሎ ያስተማረ ማግኘት ከባድ ነው.. በተቃራኒው እንደውም ጄሮም እንዲህ ይላል:-

“ያለ ጳጳሳት ቤተ ክርስቲያን የሚባል ዓይነት ነገር የለም”
(Dialogue with the Luciferians, 21)

የዮሐንስ ወንጌላዊው ተማሪ ቅዱስ አግናጥዮስም እንዲህ ይላል፡-

“ከቤተ ክርስቲያን ጋር በተገናኘ ማንም ሰው ያለ ጳጳስ(ወይም እርሱ ከሾማቸው በቀር) ምንም አያድርግ... ተቀባይነት ይኖረው ዘንድ ያለ ጳጳስ በራሱ ማጥመቅ ሕጋዊ አይደለም።”
To the smyrneans: chap 8

ስለዛ በየመንደሩ የሚደረጉ የፕሮቴስታንትም ሆነ የማናቸውም ጥምቀቶች ያኔ የhighschool ተማሪ እያለን water day ብለን ከተራጨነው ውኃ የተለየ ነገር አይኖረውም ማለት ነው። ጥምቀት ያድናል የሚሉ ሉተራንንም ይመለከታል ይሄ።

ቆጵርያኖስም ለዛ ነው በነገራችን ላይ ከቤተ ክርስቲያን ውጪ ድኅነት የለም.. ከቤተ ክርስቲያን ውጪ ያለው ጥምቀት አያድንም ቤተ ክርስቲያን ብቻ ናት የሚያድነው ጥምቀት ያላት እያለ የሚናገረው(epistle 75: 2-3)

ያለጳጳሳት ምስጢራት አይፈጸሙም.. ሌሎች አገልጋዮችም አይሾሙም..
የጵጵስና ሹመት እንዴት እንደሆነ ደግሞ በሌላ ጊዜ እንመለስበታለን

@christo_kentrikos

#ከሐዋርያዊ_መልሶች ገጽ ላይ የተወሰደ ።

#ኦርቶዶክሳዊ_አእምሮ

አዳም ክፉን እና መልካሙን ከሚያስታውቀው ዛፍ እንዳይበላ የታዘዘበት ምክንያት ፈጣሪውን ምን ያክል እንደሚወድና ምንያክል እንደሚታመንለት ለማሳየት ምልክት ነበር ምክንያቱም አዳም ስለእግዚአብሔር ፍቅር ብሎ ከተከለከለው ዛፍ መብላትን እንዲተው ነበር የተፈለገው ። ነገር ግን አዳም ከእግዚአብሔር ፍቅር ይልቅ የራሱ ፍላጎት አሸንፎት ሕጉን ተላልፍ ዕፀ በለስን ቀጥፎ እምነቱን አጎደለ ፈጣሪውን በደለ ።

ስለዚህ ጾም አንድ ሰው አንድን ነገር ለማድረግ መብትና ሥልጣን እያለው ኾኖ ከዚያ በላይ የፈጣሪውን ቃል አስቦ ሊያደርገው ያሰበውን ነገር በመተው ከፈቃዱ ላይ መሥዋዕት አድርጎ ለእግዚአብሔር ማቅረብ ማለት ነው ።
( ኆኅተ ስብከት ዘቅዱስ ያሬድ ቅጽ-፪ )

#ኦርቶዶክሳዊ_አእምሮ

የሰዎች ሃሳብ መማሪያችን እንጅ መደገፊያችን አይሁን

አንዱ ሰውዬ ወንዝ ዳር ቁጭ ብሎ ያለቅሳል።ይህንን የተመለከተ አንድ🙎‍♂ ሰው ወደ እርሱ ይመጣና"ለምንድነው የምታለቅሰው?" በማለት ይጠይቀዋል።ሰውዬውም " አንድ ማንኪያ ሙሉ ስኳር እዚህ ወንዝ ውስጥ ጨምሬ የወንዙን ውሃ ብቀምሰው ምንም አይጣፍጥም" በማለት ይነግረዋል ፤ሌላኛው ሰውዬ በሳቅ  ፍርስ ይላል፡፡ ሰውዬው ግራ ተጋብቶ እንዴ"ምን ሆነህ ነው የምትስቀው?"በማለት ይጠይቀዋል።ሌላኛው ሰውየም በሳቁ መሃል አንተ ጅል! መጀመሪያ አታማስለውም ነበር! በማለት ይመልስለታል😃

አንዳንድ ሰዎችም እንደዚህ ናቸው ከአእናንተ የባሰ ስህተት ውስጥ እያሉ የተሻሉ እየመሰላቸው በትንሿ ስህተታችሁ ይስቁባችኋል፤ይሳለቁባችኋል፣ያጣጥሏችኋል።አንዳንድ ሰወች ሀሳብና አስተያየት ሲሰጡን ትክክለኝነቱ ሀሳባቸውን በነፃነት መግለፃቸው ብቻ የሚሆንበት ጊዜ አለ።የሚያውቁትን ስለነገሩን ብቻ ለእኛ ይጠቅመናል ወይም ከእኛ የተሻለ አውቀዋል ማለት አይደለምና የተነገረንን ሁሉ ለመተግበር እና ለመቀበል ከመቸኮል ባለፈ ቆም ብለን ማሰብና መመርመር አለብን።ምክንያቱም የአንዳንድ ሰዎች ምክር እና አስተያየት ከእኛ የባሰ ስህተት ውስጥ መሆናቸውን እንድናውቅ ያደርገናልና ከስህተታቸው እንድንማር ይረዳናል እንጅ ለችግራችን መፍትሄ ላይሆን ይችላል።

እግዚአብሔር ማስተዋልን ጥበብን እውቀትን ከፍቅር ጋር ይስጠን አሜን🙏 እግዚአብሔር ብርሃኔና መድሃኒቴ ነው።

+ የዘር ሐረግ +

"የዳዊት ልጅ የአብርሃም ልጅ የኢየሱስ ክርስቶስ ትውልድ መጽሐፍ" ቅዱስ ማቴዎስ ጌታችንን "የዳዊት ልጅ የአብርሃም ልጅ "በማለት ለምን ጠራው ? !ከሁሉ አሰቀድሞ እነርሱን ለምን አነሳ ?

ስለ እነርሱ ብዙ ትንቢት ተነግሯል

ለአብርሃም "የምድር አሕዛብ ሁሉም በዘርህ ይባረካሉ " ለዳዊትም "ከሆድህ ፍሬ በዙፍንህ ላይ አስቀምጣለሁ " ተብሎ ተነግሮላቸዋል ። ዘፍ 22፥18 መዝ 141-11 ሌሎቹ ትንቢት ቢነገርም ተደጋግሞ የተነገረላቸው ለአብርሃምና ዳዊት በመሆናቸው ከእነርሱ ይጀምራል ። (ኪዳነ ጽድቅ ገጽ-16)

#ኦርቶዶክሳዊ_አእምሮ

ተርእዮ (የመታየት ጉጉት)

አሁን ለደረስንበት "ኹለንተናዊ ውድቀት" ተጠያቂው "ዘመኑ" ወይም ማኅበራዊ ሚዲያው አይደለም። ተጠያቂው "ዘመኑ" ሳይሆን እኛው ነን - በዘመኑ ውስጥ የምንሠራ ነንና። ሚዲያውም ቢሆን የኛን የልብ ጥመትና ክፋት ገለጠብን እንጂ በራሱ መጥፎ አይደለም። ከጥቂት ዓመታት በፊትና በአሁኑ ዘመን መካከል በተለይ በክርስቲያናዊ አኗኗር ላይ ብዙና ሰፊ ለውጦች የታዩ ይመስለኛል። ከሁሉ ከሁሉ ግን ዕለት ዕለት የሚገርመኝ የተርእዮ ፍላጎታችን መጋሸብ ነው። አሁን ላይ ግሽበት ለኢኮኖሚው መስክ ብቻ የሚነገር አይደለም። ከእርሱ ሌላ ኢጎ ("የእኔነትና - የለኔነት") ከፍተኛ ሁኔታ ጋሽቧል። የመታየት አምሮትም ከዚህ የሚለይ አይደለም። የአሁን ሰው ዛሬን መኖር ረስቷል። ዛሬን (አሁንን) ከመኖር ይልቅ ለትዝታ የሚሆነው ላይ ይታትራል። ቤተ ክርስቲያን (ንግሥ፣ ማኅሌት፣ ቅዳሴ ... ) በእግሩ መጥቶ፤ በልቡ ግን ከሥርዓተ አምልኮቱ ውጪ ይሆናል። ነገ ራሱና ሌሎች የሚያዩትን በፎቶና በቪዲዮ ለማስቀረት "ይተጋል"። በአምልኮቱ ጊዜ በልዩ ሁኔታ የተገኘውን ክርስቶስን (Divine Presence) ሳያገኝ፤ ሌሎች ለሚያዩት፣ በቲክቶክ ለሚለቀው ቪዲዮ ይደክማል።

በቤተ ክርስቲያን ሥርዓተ አምልኮት ላይ ማን እንዴትና ለምን እንደሚገኝ የምናውቀው ይመስለናል እንጂ ፈጽሞ አላወቅነውም። ክርስቶስ እኛን ለማግኘት ይመጣል፤ እኛ በኢጎአችን ተመርተን የሠራነውን ለሌሎች Broadcast ለማድረግ እንፋጠናለን። ስለዚህም ጸጋ እግዚአብሔር ከብዙዎቻችን ጋር ሳይዋሐድ የሚመለስ ይመስለኛል። Divine Presence ሊዋሐደው የሚሻ እውነተኛ (ልባዊ) human presence ይፈልጋልና። እኛ ሰማያዊውን ለሰው መታያ አደረግነው። መዝሙሩ ብዙዎች የሚኩነሰነሱበት መታያ ሆነ፤ ትምህርቱም ብዙዎች የጸሎትና የቅዳሴ መንፈስ የራቀው፡ እርስ በእርስ መሸነጋገያ ሆነ። ምስጋና እና ክብርን መጠማት በዛ። "የራስ ሥራን" በሰው ክብር መሸጫ መለወጫ ገበያዎች ብዙ ሆኑ። "ሌላው ሰው" ለክርስትናችን አስፈላጊያችን መሆኑ ተረሳ። ዓለም እርሱን በእጁ ስለያዘው ገንዘብ ምክንያት እንደምትፈልገው፤ እንዲሁ እኛም እርሱን ለመውደድ በእርሱም ከእግዚአብሔር ጋር መገናኘትን ሳይሆን ስለ ገንዘቡና ስለሚሰጠን attention ብቻ እንፈልገዋለን። ታዲያ ክርስትናውን መቼ መኖር እንጀምር ይሆን? መቼ ከራሳችን ጋር የእውነት እንተያይ? መቼ እውነተኛ ንስሐን እናግኝ? መቼ እግዚአብሔርን እና ሌላውን ሰው የእውነት እንወድ ይሆን?

"ኦ እግዚእየ ኢየሱስ ክርስቶስ ወልደ እግዚአብሔር ሕያው ወልደ ማርያም ሥግው መሐረኒ!"

( ዲያቆን ሚክያስ አስረስ )

#ኦርቶዶክሳዊ_አእምሮ