አገልግል

ከጎንደር❗❗
በጎንደር ትናንት በነበረው የተኩስ ልውውጥ ምክንያት የ12ኛ ክፍል ተማሪዎች ፈተናቸውን ሳይጨርሱ መውጣቸውን አረጋግጫለሁ። ይሄ ለክልሉ ትልቅ ኪሳራ ነው።
እስካሁን ያልተሳ አስኬረን አለ። መንገድ ዝግ ነው።

በአማራ ክልል ባለው የጸጥታ ችግር መባባስ ምክንያት የኢትዮጵያ አየር መንገድ ወደ ክልሉ የሚያደርጋቸውን በረራዎች ለመሰረዝ መገደዱን አስታወቀ። አየር መንገዱ ከትናንት ጀምሮ ወደ ጎንደር፣ ላሊበላና ኮምቦልቻ የሚያደርጋቸውን በረራዎች መሰረዙን ለማወቅ ተችሏል። ከጎንደር ከተማ በቅርብ ርቀት በምገኘው አዘዞ ከተማ፣ ዛሬ በመንግሥት ኃይሎችና በፋኖ ታጣቂዎች መካከል የከባድና ቀላል መሳሪያ የተኩስ ድምጽ ሲሰማ መዋሉን፣ ዋዜማ ከሥፍራው ያገኘችው መረጃ ያመለክታል።

ሰራተኛ ሲያስፈልግ ቅጥር ይፈፀማል‼️
በአዲሱ አመት ቅጥር አይፈፀምም ተብሎ የተሰራጨው መረጃ ከአውድ ውጪ ነው ተብሏል።
ለሥራ የሚያስፈልግ ኃይል ሲኖር ቅጥር ይፈፀማል፣ መንግሥት ምንም ዓይነት የሠራተኛ ቅጥር እንደማይፈጽም እንዳስታወቀ ተደርጎ መልዕክቱ እንዲዛባ የተደረገው ሆነ ተብሎ አንዳች የፖለቲካ ትርፍ ለማግኘት ነው ሲሉ የተናገሩት በህዝብ ተወካዮች ምክር ቤት ለመንግሥት ዋና ተጠሪ ሚኒስትር የሆኑት አቶ ተስፋዬ በልጅጌ ናቸው።

ትምህርት ሚንስቴር በትግራይ ክልል በሰሜኑ ጦርነት የመማር ማስተማር ሥራቸውን ያቋረጡት መቀሌ፣ አዲግራትና ራያ ዩኒቨርስቲዎች በሐምሌ ወር ተማሪዎችን መቀበል እንደሚጀምሩ መናገሩን የመንግሥት ዜና ወኪሎች ዘግበዋል። ሦስቱም ዩኒቨርስቲዎች በቀጣዩ ዓመት መስከረም መደበኛ መማር ማስተማር አገልግሎታቸውን እንደሚጀምሩ ሚንስቴሩ መግለጡን ዘገባዎቹ አመልክተዋል። ራያ ዩኒቨርስቲ ከአሁኑ ተማሪ መቀበል እንደጀመረ የገለጠው ሚንስቴሩ፣ በጦርነቱ ከፍተኛ ጉዳት የደረሰበት አክሱም ዩኒቨርስቲ ግን ላልተወሰነ ጊዜ ተዘግቶ ይቆያል ብሏል። ዩኒቨርሲቲዎቹ የሚቀበሉት፣ ባለፉት ሁለት ዓመታት በሌሎች ከፍተኛ ትምህርት ተቋማት ያልተመደቡ 20 ሺህ ተማሪዎቻቸውን እንደኾነ ሚንስቴሩ ጨምሮ አስታውቋል።

በ2016 አዲስ ቅጥር የለም ተባለ‼️
መንግስት ከአንድ ወር በኋላ ሃምሌ 2015ዓ.ም በሚጀምረው አዲሱ የ2016 ዓ.ም በጀት አመት ምንም አይነት የመንግስት ሰራተኛ ቅጥር እንደማይፈጸም የገንዘብ ሚንስቴር አስታወቀ፡፡

የገንዘብ ሚንስትሩ አቶ አህመድ ሽዴ ከጥቂት ቀናት በፊት በሚንስትሮች ምክር ቤት ጸድቆ ለህዝብ ተወካዮች ምክርቤት የተላከውን የ2016 ዓ.ም የመንግስት በጀት አስመልክተው ሰኔ 1 ቀን 2015  ዓም በፓርላማው ቀርበው ማብራሪያ ሰጥተዋል፡፡

ሚንስትሩ የ2015 ዓም የኢኮኖሚ አፈጻጸምና የበጀት ረቂቁን በተመለከተ ባቀረቡት ማብራሪያ  የ2016 የመደበኛ በጀት በየመ/ቤቱ ያለውን አዲሱን አደረጃጀት ታሳቢ በማድረግ፣ የበጀት አጠቃቀም በቁጠባና በውጤታማነት ላይ ያተኮረ እንደሚሆን ጠቅሰው በቀጣይ በጀት አመት አዳዲስ የመንግስት ሠራተኛ ቅጥር እንደማይኖር ታሳቢ በማድረግ የተዘጋጀ በጀት መሆኑን ለምክር ቤቱ አቅርበዋል፡፡

በትግራይ ክልል የተለያዩ አካባቢዎች ትምህርት ቤቶች ትናንት እንደገና መከፈት እንደጀመሩ የክልሉ ትምህርት ቢሮ መግለጡን ጠቅሶ የክልሉ ቴሌቪዥን ዘግቧል። በክልሉ በኮሮና ወረርሽኝና ከዚያም በሰሜኑ ጦርነት ሳቢያ ኹሉም ትምህርት ቤቶች ከሦስት ዓመታት በላይ ተዘግተው ነበር። በክልሉ የሚገኙ አብዛኞቹ ትምህርት ቤቶች በጦርነቱ ከባድ ወይም ከፊል ጉዳት እንደደረሰባቸው ሲገለጽ ቆይቷል።

በመቀለ ዩኒቨርሲቲ ተመድበን የነበርን እና በተፈጠረው ሀገራዊ አለመግባባት ምክነያት ወደ ሌሎች ዩኒቨርስቲዎች በጊዜያዊነት ተመድበን ትምህርታችንን መጨረሳችን ይታወቃል። ነገር ግን በሚገርም ሁኔታ ዛሬ ባህርዳር ጥበበ ጊዮን specialized hospital ለመዎዳደር ሄደን እናንተን አይመለከትም ተብለን ሳንመዘገብ ተመለስን  ለሚመለከተው ሰው ብታሳውቅልን?

በትግራይ ክልል የሚገኙ ዩኒቨርስቲዎች ለሰራተኞቻቸው ደመወዝ መክፈል ሊጀምሩ ነው ተብሏል‼️
በትግራይ ክልል የሚገኙ ዩኒቨርሲቲዎች ለሰራተኞቻቸው ደመወዝ ለመክፈል በዝግጅት ላይ እንደሚገኙ አስታወቁ።የገንዘብ ሚኒስቴር ለሰራተኞች ውዝፍ ደመወዝ መክፈያ እና የአንድ ወር የስራ ማስኬጃ በጀት፤ ባለፈው አርብ መጋቢት 1፤ 2015 እንደፈቀደላቸው ዩኒቨርሲቲዎቹ ተናግረዋል።

ተጠሪነታቸው ለፌደራል ትምህርት ሚኒስቴር የሆኑ አራት ዩኒቨርስቲዎች በትግራይ ክልል ይገኛሉ። በሰሜን ኢትዮጵያው ጦርነት ምክንያት የመማር ማስተማር አገልግሎታቸውን አቋርጠው የሚገኙት እነኚህ አራት ከፍተኛ የትምህርት ተቋማት፤ የመቐለ፣ አክሱም፣ አዲግራት እና ራያ ዩኒቨርስቲዎች ናቸው።

የመቐለ፣ አክሱም እና ራያ እና ዩኒቨርሲቲ አመራሮች፤ በሰሜን ኢትዮጵያው ጦርነት ምክንያት ላላፉት 20 ወራት በዩኒቨርሲቲዎቹ ለሚሰሩ ሰራተኞች ደመወዝ አለመከፈሉን ገልጸዋል። ስማቸው እንዳይጠቀስ የጠየቁ አንድ የመቐለ ዩኒቨርሲቲ ከፍተኛ አመራር፤ የሰራተኞችን ውዝፍ ደመወዝ ጉዳይ ከገንዘብ ሚኒስቴር አመራሮች ጋር በነበራቸው ስብሰባ ወቅት ገልጸዋል።

በዚሁ ስብሰባ ላይ የሚኒስቴሩ ኃላፊዎች፤ “ ‘ሌላውን የሲቪል ሰርቪስ ሰራተኛም ግምት ውስጥ ባስገባ መልኩ መንግስት ውሳኔ የሚሰጥበት ይሆናል’ የሚል ምላሽ መስጠታቸውንም አስታውሰዋል። የዚሁ ስብሰባ ተሳታፊ የነበሩት የአክሱም ዩኒቨርሲቲ ፕሬዝዳንት ፕ/ር ገብረየሱስ ብርሃነ በበኩላቸው፤ “መንግስት በልዩ ሁኔታ የሚወስነው ውሳኔ እንዳለ ነው የተነገረን” ሲሉ የሰራተኞች ውዝፍ ደመወዝን በተመለከተ ጉዳዩ ከሚመለከተው የፌደራል ተቋም የቀረበውን መልስ ጠቅሰዋል።

የገንዘብ ሚኒስቴር ይህ ስብሰባ በተካሄደ በአንድ ወር ጊዜ ውስጥ ባሳለፈው ውሳኔ፤ የዩኒቨርስቲዎቹ ሰራተኞች ደመወዝ እንዲከፈል በጀት መልቀቁ ታውቋል። የፌደራል ተቋማት ለሆኑት አራቱ ዩኒቨርስቲዎች ሰራተኞች የደመወዝ ክፍያ የሚሆን ገንዘብ መተላለፉን የገንዘብ ሚኒስቴር ምንጮች አረጋግጠዋል። “የትግራይ ክልል ጊዜያዊ አስተዳደር ገና ስላልተመሰረተ፤ ለክልሉ የተላከ ገንዘብ የለም” ሲሉም የሚኒስቴሩ ምንጮች አክለዋል።