የጥፋት እቅዷ በሶማሊያ በኩል ያልተሳካላት ግብፅ በሻዕቢያ በኩል ይሳካላት ዘንድ የኢትዮጵያ መንግሥት ቆሞ ሊመለከት አይገባም። የሁለቱም የጥፋት ሃይሎች እቅድ ቃታ ከመሳቡ በፊት መምከን አለበት። ወደ አሰብ በገፍ እየገባ የሚገኘው የጦር መሳሪያ ለግብር ልማት ወይም በኤርትራ የሚገኙ ፍየሎችን ለመጠበቅ የሚውል ይደለም።አላማው ግልጽ ነው።

ወንድም የኤርትራ ሕዝብም በአሰብ ጉዳይ ከኢትዮጵያዊያን ጋር ቆሞ ለጋራ ዘላቂ ሰላምና ጥቅም ለሁለንተናዊ ብልጽግና ላቡን እንጅ በግብጽ ሴራ በሻዕቢያ ተላላኪነት ለውድቀት ለድህነት የሚዳርገውን የሞት መንገድ የሆነውን ጦርነት በሜዳው እንዲሆን መርጦ ከኢትዮጵያ በመቃረን ደሙን ለማፍሰስ ይሞክራል ብለን አናስብም። እንዲያውም ከባርነት ቀንበር ነፃ ወጥቶ ወደተሻለ ሕይወት ለመሸጋገር የጥፋት የድህነት ተላላኪውን ሻዕቢያ ታሪክ ለማድረግ አጋጣሚውን እንደ መልካም ዕድል ቆርጦ ከወንድም የኢትዮጵያ ሕዝብ ጎን በመሰለፍ ታሪካዊ ኋላፊነቱን ይወጣል ብለን እናሰሰባለን። ከሻዕቢያ በላይ ጠላት የለውምና የኤርትራ ሕዝብ።