ታምሪን ሚዲያ(Tamrin Media)✍✍✍✍✍

🖋የጊዜያዊ ወታደራዊ ደርግ መንግስት ስልጣን በያዘበት ወቅት በአዲስ አበባ ከተማ ውስጥ ላሉ ዋና ዋና
⏭️ የህዝብ መሰረተ ልማቶች (መንገድ፣ ድልድይ፣ አውሮፕላን ማረፊያ)፣
⏭️ የህዝብ ቦታዎች (አደባባይ፣ ጎዳና፣ ስታዲየም)፣ እና
⏭️ የህዝብ የጤና እና የትምህርት ተቋማት (ክሊኒክ፣ ሆስፒታል፣ ወታደራዊ ሆስፒታል፣ ዩኒቨርሲቲ፣ ወታደራዊ አካዳሚ)
ስያሜ ላይ የተደረጉ ለውጦች፤

🖋Changes to the names of major
⏭️ PUBLIC INFRASTRUCTURE (Road, Bridge, Airport)
⏭️ PUBLIC SPACES (Square, Avenue, Stadium), AND
⏭️ PUBLIC Healthcare & Educational FACILITIES (Clinic, Hospital, and Military Hospital, and University, Military Academy)
in Addis Ababa made by the Provisional Military Dergue Government when it came to power;

"ከዛሬ የካቲት 10 ቀን 1967 ዓ.ም ጀምሮ ስያሜአቸው የተቀየሩ ተቋማት ስያሜ። / Institutions whose names were changed starting from February 10, 1975 (Ethiopian Calendar)."

"የቀደሞ ስያሜ" "አዲሱ ስያሜ" / "FORMER NAME" "New Name":

1️⃣ አስፋወሰን ጎዳና / ASFA WOSSEN AVENUE
➡️ እንጦጦ ጎዳና / Entoto Avenue

2️⃣ እቴጌ መነን ጎዳና / ETEGE MENEN AVENUE
➡️ እድገት በህብረት ጎዳና / Idget Behibret Avenue

3️⃣ ቀዳማዊ ኃ/ሥላሴ ጎዳና / HAILE SELASSIE I AVENUE
➡️ አድዋ ጎዳና / Adwa Avenue

4️⃣ ልዕልት ፀሐይ ኃ/ሥላሴ ጎዳና / PRINCESS TSEHAI HAILE SELASSIE AVENUE
➡️ ባልቻ አባ ነፍሶ ጎዳና / Balcha Aba Nefso Avenue

5️⃣ ልዕልት ተናኘወርቅ መንገድ / PRINCESS TENAGNEWORK ROAD
➡️ ቢሃንኬ መንገድ / Bihanke Road

6️⃣ መስፍን ሐረር መንገድ / MESFIN HARAR ROAD
➡️ በላይ ዘለቀ መንገድ / Belay Zeleke Road

7️⃣ ቀዳማዊ ኃ/ሥላሴ ሆስፒታል / HAILE SELASSIE I HOSPITAL
➡️ የካቲት 12 ሆስፒታል / Yekatit 12 Hospital

8️⃣ መኮንን ሆስፒታል / MEKONNEN HOSPITAL
➡️ ጥቁር አንበሳ ሆስፒታል / Black Lion Hospital

9️⃣ ዘነበወርቅ ሆስፒታል / ZENEBOWERK HOSPITAL
➡️ ሥጋ ደዌ ሆስፒታል / Leprosy Hospital

🔟 ልዕለት ፀሐይ ሆስፒታል / PRINCESS TSEHAI HOSPITAL
➡️ ጦር ኃይሎች ሆስፒታል / Armed Forces Hospital

1️⃣1️⃣ ልዕልት የሻሽወርቅ ክሊኒክ / PRINCESS YESHASHWORK CLINIC
➡️ መሐል ከተማ ክሊኒክ / Mehal Ketema Clinic

1️⃣2️⃣ ልዕልት ፀሐይ አደባባይ / PRINCESS TSEHAI SQUARE
➡️ ካሌብ አደባባይ / Kaleb Square

1️⃣3️⃣ ቀዳማዊ ኃ/ሥላሴ አደባባይ / HAILE SELASSIE I SQUARE
➡️ እድገት አደባባይ / Idget Square

1️⃣4️⃣ ሚያዝያ 27 አደባባይ / MIYAZYA 27 SQUARE
➡️ መጋቢት 28 አደባባይ / Megabit 28 Square

1️⃣5️⃣ ኦሜድላ አደባባይ / OMEDLA SQUARE
➡️ አርበኞች መንገድ / Arbegnoch Road

1️⃣6️⃣ ልዑል መኮንን ድልድይ / PRINCE MEKONNEN BRIDGE
➡️ አርበኞች ድልድይ / Arbegnoch Bridge

1️⃣7️⃣ ልዕልት ዘነበወርቅ ድልድይ / PRINCESS ZENEBOWERK BRIDGE
➡️ ኮልፌ ድልድይ / Kolfe Bridge

1️⃣8️⃣ እቴጌ ድልድይ / ETEGE BRIDGE
➡️ አዲስ አበባ ቄራ ድልድይ / Addis Ababa Qera Bridge

1️⃣9️⃣ ቀዳማዊ ኃ/ሥላሴ ዩኒቨርስቲ / HAILE SELASSIE I UNIVERSITY
➡️ አዲስ አበባ ዩኒቨርስቲ / Addis Ababa University

2️⃣0️⃣ ቀዳማዊ ኃ/ሥላሴ እስታዲየም / HAILE SELASSIE I STADIUM
➡️ አዲስ አበባ እስታዲየም / Addis Ababa Stadium

2️⃣1️⃣ ቀዳማዊ ኃ/ሥላሴ አየር ማረፊያ / HAILE SELASSIE I AIRPORT
➡️ ቦሌ ዓለም አቀፍ አየር ማረፊያ / Bole International Airport

2️⃣2️⃣ መስቀል አደባባይ / MESKEL SQUARE
➡️ አብዮት አደባባይ / Abiyot Square

2️⃣3️⃣ ቀዳማዊ ኃ/ሥላሴ ጦር አካዳሚ ት/ቤት / HAILE SELASSIE I MILITARY ACADEMY SCHOOL
➡️ ሐረር ጦር አካዳሚ ት/ቤት / Harar Military Academy School

2️⃣4️⃣ ቀዳማዊ ኃ/ሥላሴ ጦር ት/ቤት / HAILE SELASSIE I MILITARY SCHOOL
➡️ ገነት ጦር ትምህርት ቤት / Genet Military School

ቀን: 10/6/67 ዓ.ም / Date: 10/6/1975 (Eth.Cal)

PHOTO SHARED Via: ታሪክን ወደኋላ
https://t.me/Tamrinmedia

እነ ዮሃንስ ዳንኤል ( ጆን ዳንኤል) የፍር ቤት ውሎ

ከኢትዮጵያ አየር መንገድ ደህንነት ጋር ተያይዞ በወንጀል የተከሰሱት እነ ዮሃንስ ዳንኤል ( ጆን ዳንኤል) እንዲከላከሉ ብይን ተሰጠ

) የፌደራል ከፍተኛ ፍርድ ቤት 1ኛ ልዩ ልዩ ከባድ ወንጀል ችሎት ከኢትዮጵያ አየር መንገድ ደህንነት ጋር ተያይዞ በወንጀል የተከሰሱት እነ ዮሃንስ ዳንኤል እንዲከላከሉ ብይን ሰጠ።

የፍትህ ሚኒስቴር የተደራጁና ድንበር ተሻጋሪ ጉዳዮች ዐቃቤ ሕግ በዮሃንስ ዳንኤል (ጆን ዳንኤል)፣ አማኑኤል መውጫ፣ ናትናኤል ወንድወሰን፣ ኤልያስ ድሪባ፣ ይዲድያ ነጻነት እና እሌኒ ክንፈ ላይ በነሐሴ 16 ቀኔ 2016 ዓ.ም ከምሽቱ በግምት 3፡30 ሰዓት ላይ ከአበባ ከተማ ወደ መቐለ ከተማ ለመጓዝ አውሮፕላኑ ለበረራ ዝግጁ ቢሆንም የአየር ሁኔታ ለበረራ አዳጋች በመሆኑ በረራው ቢደረግ በሰው ህይወት እና በንብረት ላይ የሚያደርሰውን ከባድ አደጋ ለመከላከል ጉዞው ተሰርዞ መንገደኞች ከአውሮፕላኑ እንዲወርዱ ሲነገራቸው በረራው በግድ መደረግ አለበት፤ አውሮፕላኑ ይከስከስ፤ አንወርድም በማለት ቀሪ ተሳፋሪዎችም እንዳይወርዱ በመክልከል አሳድመዋል በሚል በዝርዝር ጠቅሶ ክስ አቅርቦባቸው ነበር።

በተጨማሪም ዐቃቤ ሕግ 1ኛ ተከሳሽን ጆን ዳንኤል በተባለ ተከሳሽ ላይ በ3ኛ ክስ የኮምፒዩተር ወንጀል ለመቆጣጠር የወጣውን አዋጅ ቁጥር 958/2008 አንቀጽ 13 ንዑስ ቁጥር 3 ሥር የተመለከተውን ድንጋጌ መተላለፍ ቲክቶክ በተባለ ማሀበራዊ ሚዲያ በተንቀሳቃሽ ምስል ቀርጾ በቀጥታ ስርጭት ማስተላለፍ የሚል ክስ አቅርቦበት ነበር።

በዚህ መልኩ ተከሳሾቹ የክስ ዝርዝሩ ከደረሳቸው በኋላ ያቀረቡትን የዋስትና ጥያቄ ውድቅ ተደርጎ በማረሚያ ቤት ሆነው ጉዳያቸውን እንዲከታተሉ በተሰጠ ትዕዛዝ መሰረት ከማረሚያ ቤት ቀርበው ጉዳያቸውን ተከታትለዋል።

ተከሳሾቹ "የወንጀል ድርጊቱን አልፈጸምንም" በማለት የዕምነት ክህደት ቃላቸውን በመስጠታቸው ዐቃቤ ሕግ ለወንጀሉ መፈጸም ያስረዱልኛል ያላቸውን ምስክሮች ቃል አሰምቷል።

ፍርድ ቤቱ የዐቃቤ ሕግ ማስረጃን መርምሮ ዛሬ በዋለው የችሎት ቀጠሮ ሁሉም ተከሳሾች በ1ኛ ክስ ማለትም በወንጀል ህግ አንቀጽ 504 መሰረት እንዲከላከሉ ብይን ሰጥቷል።

ሁለተኛውን ክስ በሚመለከት ፍሬ ነገሩ በአንደኛ ክስ ተጠቃሎ የተገለጸ በመሆኑ ተከሳሾቹን በሁለተኛ ክስ ነጻ በማለት በአንደኛው ክስ ብቻ እንዲከላከሉ ፍርድ ቤቱ ብይን ሰጥቷል።

በተጨማሪም ፍርድ ቤቱ ጆን ዳንኤል የተባለው 1ኛ ተከሳሽን በተደራቢነት በቀረበበት በ3ኛ ክስ የኮምፒዩተር ወንጀል ለመቆጣጠር የወጣው አዋጅ ቁጥር 958/2008 አንቀጽ 13 ንዑስ ቁጥር 3 ሥር የተመለከተውን ድንጋጌ መተላለፍ በሚለው ክስ እንዲከላከል ብይን ሰጥቷል።

ፍርድ ቤቱ የተከሳሾቹን የመከላከያ ማስረጃ ለመጠባበቅ ለመጋቢት 16 ቀን 2017 ዓ.ም ቀጥሯል።
https://t.me/Tamrinmedia

የዲጂታል ስክሪን ማስታወቂያ ባለቤቶች ከነገ ጀምሮ የብልፅግና ፓርቲ ማስታወቂያን በግዴታ እንዲያሳዩ ሊደረጉ መሆኑ ታወቀ

በአዲስ አበባ ከተማ የሚገኙ የዲጂታል ስክሪን ማስታወቂያ ባለቤቶች እና ህንፃዎቻቸው ላይ የማስታወቂያ ስክሪን የገጠሙ ባለሀብቶች ከነገ ጀምሮ የብልጽግና ፓርቲ መልእክት የሆኑ ምስሎችን እና ጽሁፎችን በአስገዳጅነት እንዲያሰራጩ ጥብቅ ትዕዛዝ እንደተላለፈላቸው ታውቋል።

በራሳቸው ወጪ አውጥተው የሰሩትን የዲጂታል ስክሪን ለፖለቲካ ፓርቲ መልዕክት ማስተላለፊያ መደረጉ በህዝብ ዘንድ ለአንድ ወገን ያደሉ ወይም የፓርቲ አባል እንደሆኑ እንዳይወሰድባቸው የሰጉት ግለሰቦቹ አማራጭ እንዳጡ እና አጣብቂኝ ውስጥ እንደገቡ ተናግረዋል።

የብልጽግና ሹሞች ቁጣ በተቀላቀለበት መልዕክት በአስገዳጅነት ማስታወቂያውን ከነገ ጀምሮ ለማሰራጨት እንዳስገደዷቸው ጨምረው ተናግረዋል።

"ከሳምንት በፊት ለአፍሪካ ህብረት ስብሰባ መሪዎች ሲመጡ 'እንኳን ደህና መጣችሁ' የሚልና ስለ አፍሪካ ህብረት ስብሰባ ተመሳሳይ ትዕዛዝ ተላልፎ  ያስተላለፍነው የፖለቲካ ይዘት የሌለው በመሆኑ ነበር" የሚሉት የማስታወቂያ ድርጅቶቹ "አሁን የታዘዝነው የፖለቲካ ፓርቲ  መልእክት ገበያው በተዳከመበት መሀል ከህዝቡ ጋር እንዳያቃቅረን ስጋት አለን" ብለዋል።

በሌላ በኩል በአፍሪካ ህብረት የመሪዎች ስብሰባ ወቅት በርካታ የመኪና ኪራይ ስራ ላይ የተሰማሩ ድርጅቶች ተሽከርካሪዎቻቸውን በነፃ ለስብሰባው አገልግሎት እንዲሰጡ ተገደው እንደነበር ለመሠረት ሚድያ ተናግረዋል።

"ቢዝነስ በተዳከመበት በዚህ ወቅትም ይሁን ድሮ በአመት አንዴ ጥሩ ስራ የምንሰራው እንደ አፍሪካ ህብረት ያሉ ስብሰባዎች ሲመጡ ነበር" የሚሉት የመኪና አከራዮቹ አሁን ግን እሱንም በግዴታ እንደተነጠቁ እና መኪናዎቻቸው የተመለሱላቸው ስብሰባው ካለቀ በኋላ መሆኑን አስረድተዋል።

via# መሠረትሚዲያ !
https://t.me/Tamrinmedia