Ashara Media - አሻራ ሚዲያ

ስለሆነም ሁሉንም አቅሞች  በአንድ ቋት በመሰብሰብ በአንድ አሃድ ለመምራት  መረባረብ ወደ ድል የሚወስድ መንገድ መሆኑን ለማስገንዘብ እንወዳለን።

ህዳር 9/2017 ዓ.ም
  አሻራ ሚዲያ

አሻራ ሚዲያን ይወዳጁ
ዩቱዩብ
https://youtube.com/@asharaaddis?si=zeyR6Kq_NWgpgiFl
ረምብል
https://rumble.com/v5etpbu-327231354.html
ቴሌግራም
  https://youtube.com/@asharadaily?si=OOO1RL2rDjF-2ngM

https://t.me/ashara_media
ፌስቡክ

  https://t.me/ashara_media

https://www.facebook.com/profile.php?id=61554383356900
በተጨማሪም ማነኛውም አይነት መረጃ ለማድረስ
በቀጥታ የስልክ መስመር
👇👇👇👇
0993111700  ወይም
በቴሌግራም
👇👇👇👇
@asharamedia2
ማድረስ ይችላሉ።

Yared Alayu:
"የኃይል የበላይነትን መያዝ ማለት ሁሉንም አቅሞች አቀናጅቶ በመምራት በዋናው ጠላት ላይ በማሳረፍ ከጠላት የበለጠ ጉልበት ያለው ኃይል መሆን ማለት ነው።"
     ሕዳር 09 ቀን 2017 ዓ.ም
©👉በዛብህ በላቸው

በማናቸውም ጊዜ እና ቦታ የሚደረጉ ትግሎች  በአንድ ቀመር የሚመሩ ናቸው። የኃይል ብልጫን መያዝ የትግል ሁሉ ዋና ስትራቴጅ ነው። የትጥቅ ወይም የፖለቲካ ወይም የሁለቱም ቅይጥ ትግል መሆኑ በዚህ ቀመር ላይ የሚያመጣው ልዩነት የለም።  በዚህ ድምዳሜ ላይ የረባ ልዩነት እንደሌለ በሳይንስም በታሪክም ተደጋግሞ የተረጋገጠ ነው። በዛሬው ጽሁፋችን የአማራ ህዝብ ትግል ያለበትን ይዞታ በተመለከተ አጭር ዳሰሳ የምናቀርብ ሲሆን በጽሁፋችን መቋጫ ደግሞ ትግሉ በአጭር ጊዜ ተፈላጊውን ውጤት እንዲያመጣ ምን መደረግ እንዳለበት እና ምን መደረግ እንደሌለበት እንጠቁማለን።

ትግሉ ፈርጀ-ብዙ እና ባለ ብዙ ግንባር ሲሆን የኃይል የበላይነትን መያዝ ማለት ሁሉንም አቅሞች አቀናጅቶ እና በአንድ አሃድ በመምራት በዋናው ጠላት ላይ በማሳረፍ ከጠላት የበለጠ ጉልበት ያለው ኃይል መሆን ማለት ነው። ከዚህ በቀር በተናጠላዊ የትግሉ ግንባሮች ላይ ብልጫ መውሰድ የኃይል የበላይነት መውሰድን አያመለክትም። ትግሉን በኃይል የበላይነት መምራት በአስተሳሰብና ህሊናዊ ሁኔታ፣ በፕሮፖጋንዳው፣ በውጊያ፣ በዲፕሎማሲ ወዘተ  ድምር የኃይሎች አሰላለፍ የበለጠውን ኃይል ከጎን ማሰለፍን የሚገልጽ እንጅ በነጠላ ጉዳዮች ላይ የተሻለ ሆኖ መገኘትን የሚመለከት አይደለም [ትግሉ ጦርነትን እንጅ ውጊያን ድል ለማድረግ የሚካሄድ አይደለም]።  ይህ የትግሉ ቀመር የሆነው የኃይል የበላይነት  ውስብስብ በሆኑ የሁኔታ ትንተናዎች የሚጨመቅ እንጅ እንዲሁ ክስተቶቸን በመደርደር የሚሰላ አይደለም።  በመሆኑም የአማራን ህዝብ ትግል የኃይል ሚዛን ለመገምገም በቅድሚያ የትግሉን ምክንያት መበየን አስፈላጊ ይሆናል። ባለፈው ጽሁፋችን ለመግለጽ እንደተሞከረው የትግሉ ምክንያት ሌሎች ጉዳዮችን ሁሉ የሚወስን በመሆኑ በዝርዝር፣ በጥራት እና በጥልቀት  መተንተን የሚገባው ነው። በዚሁ አግባብ ተለይቶ የሚቀመጠው የትግሉ ርዕዮት የኃይሎችን ምንነት፣ አሰላለፍ እና የአማራ ፖለቲካ ኃይሎች በመካከላቸውና ከሌሎች ኃይሎች ጋር የሚኖራቸውን የግንኙነት ዓይነትና ደረጃ የሚወስን መሰረታዊ ጉዳይ ነው። በእነዚህ ጭብጦች ላይ ያለንን ዝርዝር ግምገማ እዚህ ማስጣት አስፈላጊም ጠቃሚም ባለመሆኑ የምንዘልለው ቢሆንም የአማራ ህዝብ ትግል በዚህ ረገድ ያልተሰሩ ጉዳዮች ያሉበት መሆኑን መጠቆም ግን ተገቢ ነው።  በዚህ ረገድ  ታሪካዊ ተጠያቂነቱን የሚወስደው በመሰረቱ የአማራ ምሁር  ነው።  የአማራ ምሁራን እንደ ሌሎች ብሄሮች አቻቸው በርሃ ወርደው ባይገኙ እንኳ በያሉበት ሆነው የአማራ ብሄርተኝነት የትግሉ ማስተንተኛ ርዕዮት የመሆኑን አግባብነትና አስፈላጊነት በማብራራትና የአጸፋ ሙግቶችን በመመከት አሰላለፉን የማጥራት ታሪካዊ ኃላፊነት ያለባቸው ቢሆንም ይህን አላደረጉም። ይህ ትችት የማይመለከታቸው ጥቂት ምሁራን ታሪክ በወርቅ የሚከትበውን ሚና በመጫወት ላይ ቢሆኑም የአማራ ህዝብ ካለው የዘርፉ እምቅ አቅም አንጻር ሲታይ አሁንም የትግሉ ዋና ጉድለት ሆኖ ይገኛል።  በአማራ ህዝብ አመጽና ተቃውሞ ነባሩ የኢህአዴግ ስርዓትና መዋቅር ተገርስሶ በሚዋለድበት [ከ2010 ዓ/ም-2013 ዓ/ም]  ጊዜ  በንቁ አደረጃጀትና ተሳትፎ ሲገለጥ የነበረው የአማራ ምሁራን መማክርት የአማራ ህዝብ የህልውና ትግል አውጆ በሚዋደቅበት በአሁኑ ጊዜ መክሰሙ መማክርቱን ከአማራ ህዝብ ትግል ጠላፊዎች ውስጥ የሚያስመድበው ያደርገዋል።  ከዚሁ ጉዳይ ሳንወጣ ንዑስ ድምዳሜያችን ለመግለጽ ያህል ትግሉ ካልተጠቀመበት የአማራ ህዝብ እምቅ አቅም አንዱና ዋነኛው የአማራ ምሁራን ናቸው ማለታችን ነው።

ባለፈው ጽሁፋችን ከክልሉ ውጭ የሚኖረውን አማራ እንደ መያዣ አድርገው የሚያስፈራሩ እና እንደ ድክመት (ስስ ብልት) የሚቆጥሩ ሁሉ ሰነፎችና አድርባዮች መሆናቸውን ለመግለጥ ሞክረናል። የአማራ ህዝብ  በሁሉም ክልሎች ሰፍሮ የሚገኝ መሆኑ የአማራ ፖለቲካን እድልና አቅም የሚያሳይ እንጅ ማስፈራሪያ ወይም መያዣ አይደለም። አገዛዙ በሚከተለው ወደር የማይገኝለት የጭካኔ ፖለቲካ እና ባወጀው ጸረ-አማራ ዘመቻ ምክንያት ከክልሉ ውጭ የሚኖረውን አማራ ብቻ  ሳይሆን በክልሉ ውስጥም በየቀኑ ህጻናትን፣ አቅመ-ደካሞችን እና ሲቪሎችን እየጨፈጨፈ ያለ መሆኑ የህልውና ትግሉ ምን ያህል ተገቢና አስፈላጊ መሆኑን ከሚያሳይ በቀር  ከክልሉ ውጭ ያለው  አማራ የትግሉ ስስ ገጽ ስለመሆኑ የሚናገር አይደለም። በየትኛው አካባቢ ምን ያህል እና ምን ዓይነት አቅም አለ? እንዴትስ ለመጠቀም ይቻላል? የሚሉትን ጥያቄዎች ዝርዝር ምላሾች እዚህ ማስጣት አስፈላጊ ባለመሆኑ የምንዘልለው ቢሆንም በዚህ ረገድ ያለውን አቅም በአግባቡ ከማሰባሰብና ከመጠቀም አንጻር ያለው ውስንነት ግን የትግሉ አንዱ ጉድለት እንደሆነ መጠቆም ይገባናል።

የትግሉን ርዕዮት በበቂ ሁኔታ ከመተንተን እና አሰላለፉን ከማበጀት አንጻር በቂ ስራዎች ባለመከናወናቸው የተነሳ በፋኖ ኃይሎች መካከል ሳይቀር ወደ ግጭት ያመሩ / የሚያመሩ ልዩነቶች ተስተውለዋል።  በመግቢያችን ላይ የጠቀስነው የኃይል የበላይነት የመያዝ የትግል ሁሉ ቀመር ከዋናው ጠላት በቀር ሌሎች ንዑስ ጠላቶች እንኳን ቢሆኑ ከፍ ሲል አጋር እንዲሆኑ ዝቅ ሲል ከጠላት ጋር ሳይሰለፉ በገለልተኛነት እንዲቆሙ የማድረግ ስልትን የሚያሳይም ነው። በአስተሳሰብም ይሁን በአካላዊ አሰላለፎች ስትራቴጅካዊ ወዳጅ መሆን የሚችሉ፣ የሚገባቸውና ያለባቸው ኃይሎች በጠላትነት ሲፈራረጁና ገመድ ሲጓተቱ የሚታዬው የትግሉን ምንነት፣ ኃይሎችና አሰላለፋቸውን ለክብደቱ በሚመጥን ጥራት ባለመተንተኑ ምክንያት ነው።  በዚህ ንዑስ ጭብጥ የምናስቀምጠውም ድምዳሜ የትግሉ አካላዊ መገለጫ ተደርገው በሚወሰዱ የፋኖ አደረጃጀቶች መካከል ያለውን ኃይል ሁሉ ወደ አንድ አቅጣጫ ብቻ የሚፈስ ከማድረግ አንጻር ጉድለቶች ያሉበት ነው።

ከላይ ለማሳያነት የተዘረዘሩ እንጅ በኢኮኖሚ (ሎጅስቲክስ)፣ በፕሮፖጋንዳ፣ በዲፕሎማሲ ወዘተ አቅጣጫዎች የሚደረጉ ዝርዝር ግምገማዎችም ገዥ ከሆነው የትግሉ ቀመር አኳያ ጉድለት ያለባቸው ናቸው።

የጽሁፋችን ማዕከላዊ ጭብጥ የሚነግርልን ፖለቲካ ስናስስ ኢንጅነር ይልቃል ጌትነት በሮሃ ቴሌቪዥን ቀርቦ ከመዓዛ መሃመድ ጋር ባደረገው ቆይታ ካለን አቅም ውስጥ 2% (ሁለት በመቶ) ብቻ ነው እየተጠቀምን ያለው ሲል አግኝተነዋል። ጥቅም ላይ የዋለው የአቅም መጠኑ በትክክል ስንት ነው? የሚለውን ጥያቄ ለአስተያየት ክፍት አድርገን በሁለት ጉዳዮች  እርግጠኞች ሆነን ከይልቃል ጌትነት ጋር እንስማማለን። አንደኛ 2% አቅማችን ብቻ ነው የተጠቀምነው የሚለው ድምዳሜና አነጋገር በ10% አቅማችን ነው እየተዋጋን ያለነው እንደሚለው ያለ ፕሮፖጋንዳ አይደለም። ሁለተኛ የአማራ ህዝብ ካለው አቅም አንጻር አሁን ጥቅም ላይ የዋለው እጅግ አነስተኛውን ነው።

ለማጠቃለል ያህል የትግሉ ሂደት  እንዴት ያለ ነው? ውጤቱስ ምን ይሆናል? የሚለውን ነጥብ በተመለከተ ልዩ ልዩ መልሶችና ግምቶች ወይም ማብራሪያዎች የሚቀርቡ ቢሆንም የማይለወጠው እውነት የኃይል የበላይነትን የመያዝ ስትራቴጅን መከተል ትግሉ ሊመራበት የሚገባው አቅጣጫ መሆን አለበት የሚለው ነው። 👇👇👇
ከላይ የቀጠለ

ብርቱ ሚስጥር

ከአገዛዙ ሰፈር በውስጥ የመረጃ ምንጮች የተላከልን ፤ 👇👇👇

የብልፅግናው መሪ አብይ አህመድ የአማራን ህዝብ በሀይል ረግጨ እገዛለሁ በሚል የቀቢፀ ተስፋ ቅዠት ከጥር ወር 2015 ዓ /ም ጀምሮ ወታደር በማዝመት ውጊያ የጀመረ ሲሆን በወቅቱ ያሰበው እቅድ ባለመሳካቱ ወረራውን ህጋዊ ለማድረግ ሀምሌ 28 / 2015 ዓ/ም አስቸኳይ አዋጅ በማወጅ ይህንንም በማራዘም ሁሉን አቀፍ እርምጃዎች በመውሰድ ያሰበውን ማሳካት አልቻለም ።

አሁንም ለመጨረሻ ጊዜ የጥፋት እቅድ በማውጣት የተቀናጀ  የአየር ሀይል ጥቃት ለመፈፀም ተዘጋጅታል።       

አብይ አህመድ የሚመራው ሚስጥራዊ ቡድን

፩፦ ከኢትዮጵያ ካርታ ስራዎች ድርጅት ፣
፪፦ ከኢንሳ ፣
፫፦ ከአርቲፊሻል ኢንተለጀንስ የተወጣጡ የጂኦ ስፓሻል ባለሙያዎችን በመምረጥ በአይሮፕላን  ለ21 ቀናት በአማራ ክልል የአሰሳ ጥናቶችን አድርጎ ቦታዎችን የመለየት ስራዎችን አጠናቋል።

በዚህም መሰረት የሚከተሉት ቦታዎች ተለይተዋል ፦

1. በሰሜን ጎንደር የተለዩ ቦታዎች ፦
ቋራ እና መተማና አካባቢው፣

2. በደቡብ ጎንደር ፦
እስቴ እና ስማዳ  እና አካባቢው፣

3. በምስራቅ ጎጃም ፦
አማኑኤል ዙሪያ ፣ ፈንድቃ ፣ መሶቢት ፣ ፣መርጦለማሪያም፣ሞጣ እና አካባቢው፣

4. ሰሜንወሎ፦
ወልዲያ፣ሲሪንቃ፣ ተኩለሽ እና ቃሊም እና አካባቢው፣

5. ሰሜንሽዋ፦
ይፋት እና ሬማ እና አካባቢው፣

እነዚህ ተለይተው ኦፕሪሽን ሊሰራባቸው የታቀዱ  15 ቦታዎች ናቸው።

አብይ አህመድ ይህን ሚስጥራዊ ቡድን የሚሰበስበው እና የመለየት ስራዎችን የሚሰራው እንዲሁም ህዳር 02 / 2017 ዓ/ም የአየር ሀይል አዛዡን ይልማ መርዳሳን እና የሰሜን ምዕራብ አየር ሀይል ቀጠና አዛዡን ከባህርዳር በማስመጣት የዘመቻ ትዕዛዝ የሰጠበት የቢሮው አድራሻ አዲስአበባ ወሎ ሰፈር የኢንሳ ዋና መስሪያ ቤት 14ኛ ፣ 15ኛ ፣16ኛ ፎቆችን የሚጠቀም መሆኑ ተረጋግጧል።

በአማራ ክልል ከላይ የተመረጡ 15 ቦታዎችን መደብደብ የታቀደው በተዋጊ ጀቶች ፣ በሂሊኮፍተር እና በድሮን ሲሆን ለዚህ ተልዕኮ የሚሆኑ 3 ተዋጊ ጀቶች እና 4 ሂሊኮፍተር ባህርዳር ምድብ አየር ሀይል ውስጥ ይገኛሉ፤ ተፈላጊው ተተኳሾች ፣ ነዳጅ እና መለዋወጫ እቃዎች ገብተዋል።

በመሆኑም በተጠቀሱት ቦታዎች የሚንቀሳቀሱ የፋኖ አባላት እና ህብረተሰቡ አስፈላጊውን ጥንቃቄዎች እንዲያደርጉ መረጃው ይድረሳቸው።

በቀጣይ የምድቡ አዛዥ እና አብራሪዎችን ስም ዝርዝር እነገልፃለን ።

ከታማኝ ውስጣዊ የመረጃ ምንጭ የተገኘ‼

ህዳር 9/2017 ዓ.ም
  አሻራ ሚዲያ

አሻራ ሚዲያን ይወዳጁ
ዩቱዩብ
https://youtube.com/@asharaaddis?si=zeyR6Kq_NWgpgiFl
ረምብል
https://rumble.com/v5etpbu-327231354.html
ቴሌግራም
  https://youtube.com/@asharadaily?si=OOO1RL2rDjF-2ngM

https://t.me/ashara_media
ፌስቡክ

  https://t.me/ashara_media

https://www.facebook.com/profile.php?id=61554383356900
በተጨማሪም ማነኛውም አይነት መረጃ ለማድረስ
በቀጥታ የስልክ መስመር
👇👇👇👇
0993111700  ወይም
በቴሌግራም
👇👇👇👇
@asharamedia2
ማድረስ ይችላሉ።

የኤርትራ ተወላጆች በአዲስአበባ!

በአዲስአበባ የሚኖሩ የኤርትራ ተወላጆች በኦህዴድ መራሹ ስርዓት እየተያዙ እየታሰሩ ይገኛሉ።

በተለይ ይሄን ሳምንት የመመዝገቢያ ቅፅ ተዘጋጅቶ የመዝገብ ስራ በመንግሥት ተጀምሯል።

በርካቶች እየተያዙ ወደ እስር ቤት እየተጋዙ ነው።

ህዳር 9/2017 ዓ.ም
  አሻራ ሚዲያ

አሻራ ሚዲያን ይወዳጁ
ዩቱዩብ
https://youtube.com/@asharaaddis?si=zeyR6Kq_NWgpgiFl
ረምብል
https://rumble.com/v5etpbu-327231354.html
ቴሌግራም
  https://youtube.com/@asharadaily?si=OOO1RL2rDjF-2ngM

https://t.me/ashara_media
ፌስቡክ

  https://t.me/ashara_media

https://www.facebook.com/profile.php?id=61554383356900
በተጨማሪም ማነኛውም አይነት መረጃ ለማድረስ
በቀጥታ የስልክ መስመር
👇👇👇👇
0993111700  ወይም
በቴሌግራም
👇👇👇👇
@asharamedia2
ማድረስ ይችላሉ።

መረጃ እንጅባራ‼

ከእንጅባራ ከተማ ምሽቱን ተገን አድርጎ የወጣው አራዊት ሰራዊት በአሁኑ ስዓት አሽፋ #ምርክታ ዳንጊያ አሰም ዙሪያ... ያሉ ገጠራማ ቀበሌዎች አሁን እየገቡ ሲሆን እነኝህ አካባቢዎች ትኩረትን ይሻሉ።

በተያያዘ ዜና እንጅባራ ከተማ በአሁኑ ስዓት ሆድ አደሩ አድማ በተኝና ሚኒሻ ብቻ ከተማው  ላይ ይገኛል‼

ኦሮሚያ❗️


ዛሬ በኦሮምያ ታፍሰው ወደ ወታደራዊ ማሰልጠኛ እንዲጓዙ ከተደረጉት ውስጥ አንድ ተሽከርካሪ ውስጥ የነበሩት በሙሉ ጠፍተዋል።

~ የአማራ ትግል ያሸንፋል!

በአማራ ሕዝብ ላይ የተጋረጡት የሕልውና እንዲሁም የፍትሕ ርትዕ ጥቃቶች የአማራን ሕዝብ አሳምነው አስነስተዋል።

በጥቃቶቹ እውንነትና በጉዳቶቹ የተመረረ ሕዝብ ለአመታት ያደረገውን  "አታጥቁን" ጥሪና ሰልፍ አጥቂዎቹና አስጠቂዎቹ ሲቀልዱበት ፣ ሲያሳንሱትና ሲያመካኙበት ኖረዋል።

ያ ሕዝብ አሁን ከላይ እስከታች፣ ከሩቅ እስከቅርብ ተነስቷል። ይሔንን አገዛዝ በሰላማዊ ሰልፎች "በቃ" ሲል እንደነበረው ብረት አንስቶ "በቃኝ" ብሏል።

ስለሆነም ድል ያደርጋል!

➡️ አሳማኝና ትክክለኛ ጥቃቶችን መሠረት አድርጎ ስለተነሳ

➡️ በአመት ከመንፈቅ ልዩ አቅም የፈጠረ ፣ በሰው ኃይልና በመሣሪያ የደረጀ ሠራዊት ተገንብቷል፤

➡️ አያሌ ወታደራዊ ልምድ ያላቸውና ውጊያን በብቃት የሚመሩ አዋጊዎችና ተዋጊዎች ተሰልፈውበታል።

➡️ ውጊያዎችን አሸንፎ ያረጋገጠና የሚያሸንፍ፣ የሚዋጋበትን ምክንያት በውል ተገንዝቦ በቆራጥነት የተሰለፈ ሠራዊት ተገንብቷል።

➡️ አቅሙ እያደገ ያለ ብቻ ሳይሆን ከፍተኛ የውጊያ፣ የስልጠና ፣ የሽምቅ ትግል ልምድ እየተገነባ ነው።

➡️ ከፍተኛ ሕዝባዊ ተቀባይነትና ድጋፍ ያለው ብቻ ሳይሆን የትግሉ ባለቤት የሆነ ሕዝብ ተሰልፏል።

➡️ በአለም ጫፍ ሁሉ ያለ የአማራ ልጅ (ተሳትፎው ጠንካራም ይሁን ደካማ) ከትግሉ ጎን ቆሟል።

➡️ በርካታ ምሑራን (ከሁለተኛ እስከ ሶስተኛ ዲግሪ ባለቤት የሆኑ) የትግሉ መሪዎችና አካል ሆነዋል።

➡️ አገዛዙን በመጨረሻ ተስፋነት የድርድር ጠያቂና ተለማማጭ አድርጎታል።

➡️ በቀጠለ አገዛዛዊ በደል እየተቆጣ የትግሉ አካል የሚሆን ኃይል እየሰፋ ቀጥሏል።

➡️ አለም አቀፉ ማሕበረሠብ የፋኖን ተጋድሎ በወል እየተረዳው ነው።

ስለሆነም ፍትሐዊና ሐቀኛ ትግል አሸናፊ ነው!

አዲሱ ደረበ