አስኳላ-💚💛❤️

እብዱ ዮሐና
....................ምዕራፍ ስምንት(14)



«አቤቱ ደጉ ኢየሱስ ሆይ! ደስታስ ምንድን ነው?          
    እንዴትስ ይገለፃል?
ክብርና ንብረት ለማካበት የወንዶችን ጉልበትና የሴቶችን ክብር እየገዛ ባለ አንድ ልዑል ሊገለጽ ይችላልን?....
      ዓይኖችን በሚያጥበረብሩ ሜዳሊያዎችና በፈርጥ የተንቆጠቆጡ የሀር አልባሳት ለሚለብሱ ንጉሦች በአካልም ሆነ በመንፈስ እንደ ባሪያ በማገልገላችን ደስታ ሊገኝ ይችላልን? ደከም ያለ አቤቱታ ማሰማት ስንጀምር ጐራዴ የታጠቁ ወታደሮቻቸውን አዝምተው፣ ምድሪቷን በሴቶቻችንና ልጆቻችን ዋይታና ደም ሲያጥለቀልቋት ተንበርክከን በምንማፀናቸው በኛ የተጨፈለቅነው ህዝቦች ዘንድ ይሆን ደስታ
የሚገኘው?......

«አቤቱ በፍቅርና በምህረት የተሞላኸው እየሱስ ሆይ! ኃያሎቹ እጆችህን ዘርግተህ ከቀማኞች ጠብቀን፡፡ ወይም የጨቋኞች እጅ ስለከበደን በመስቀልህ ጥላ ስር እየተጠበቅን በሰላም ወደ ምናርፍበት መቃብራችን ይወስደን ዘንድ ሞትን ላክልን፡፡ እዚያ ሆነን ያንተን መምጣት እንጠብቃለን፡፡ አቤቱ ታላቁ እየሱስ! በእውነቱ ይህ ህይወት በጨለማ ክፍል ውስጥ ያለ ጠባብ እስር ቤት ሆኖብናል፡፡ አስፈሪ መናፍስት ዳንኬራ የሚረግጡበት፣ የሞት መንፈስ ህይወት የዘራበት አሰቃቂ ህይወት ነው፡፡ በሕይወት ዘመናችን የምናሳልፋቸው ቀናትስ ቢሆኑ?.....

የምሽቱን ጨለማ በመፍራት በድሪቶ በተሸፈነ የአረጀ አልጋችን ስር የሚሸሸጉ፣ ጐህ ሲቀድና የመኖር ፍቅራችን ወደ እርሻ መሬታችን በመራን ቁጥር ደግሞ እንደ እርኩስ መንፈስ ከራሳችን በላይ ተሰቅለው በመስኩ ላይ የሚጠብቁንን አሰቃቂ የባርነት ህይወታችን የሚጠቁሙን የሰላ ጐራዴዎች እንጂ ሌላ ምንድ ናቸው? .......

      «አቤቱ እየሱስ! ዛሬ ትንሳኤህን ለማስታወስ እዚህ የመጡትን እነዚህን የተጨቆኑ ድሆችን ምህረት ስጣቸው፡፡ ዳግም ለፍርድ በምትመጣበት ዕለት በስምህ አንድ ሆነው በአንድ ላይ የሚሰባሰቡትን እነዚህን ህዝቦችን በደካማነታቸውና በትሁትነታቸው ራራላቸው፡፡››
ህዝብ በዙሪያው ተሰብስቦ እንደቆመ ከሰማዩ ጋር ይነጋገር የነበረው ዮሐና፣ በዚህ ንግግሩ የተደሰቱት ጥቂቶቹ ሲያወድሱት ሌሎቹ ደግሞ ተበሳጭተው የስድብ ውርጅብኝ አወረዱበት፡፡
  
አንደኛው ወገን ጮህ ብሎ «በመለኮታዊ ኃይል ፊት ስለ እኛ የተናገረው በሙሉ እውነት ነው» ሲል፣ ሌላኛው ወገን ደግሞ፣ «ሰይጣን ተጠናውቶታል፡፡ የሚናገረውም በአንድ እርኩስ መንፈስ አንደበት ነው› አለ፡፡ ሌላኛውም ቀበል አድርጐ «እንደዚህ ያለ ዘግናኝና የማይረባ ንግግር ከዚህ ቀደም ከአባቶቻችን እንኳን በፍጹም ሰምተን አናውቅም፡፡ አሁንም ቢሆን ለመስማት አንሻም፡፡ ንግግሩን ቶሎ ማስቆም አለብን!» በማለት ጮኸ፡፡

ሌላኛው አራተኛው ሰው ግን አጠገቡ ወደቆመው ሰው ጆሮ ጠጋ ብሎ፣ «ንግግሩን ስሰማ ውስጤ በሆነ አዲስ መንፈስ የተሞላ መስሎ ተሰምቶኛል፡፡ የተናገረው በአንድ የተለየ መለኮታዊ ኃይል ነው» አለ፡፡ አንደኛውም መልስ ሰጠው፡፡ «ባልከው ነገር እስማማለሁ፡፡



.........ይቀጥላል............


👍👍👍👍👍👍👍👍
https://t.me/Asresee
https://t.me/Asresee
https://t.me/Asresee

እብዱ ዮሐና
....................ምዕራፍ ስምንት(13)



      «አቤቱ ኢየሱስ! እነዚህ ሰዎች ለስምህ ክብር ሲሉ ሳይሆን ለራሳቸው ክብር ሲሉ ቤተ-መቅደሶችንና ፅላቶችን ሰርተዋል፡፡
     እነዚህን መታሰቢያዎችህን በሀር በተሰሩ አልባሳትና በቀለጠ ወርቅ አንቆጥቁጠዋቸዋል፡፡ የአንተ ድሆች ብጣቂ ለብሰው ወይም ዕርቃናቸውን በምሽት ብርድ ሲንዘፈዘፉ አይተዋቸው እንዳላዩ ሆነው ያልፋሉ፡፡

እነሱ አየሩን በዕጣን ጢስና በሻማዎች መብራት እየሞሉ፣ እነዚያ እውነተኛ አማኞች ግን የዕለት ጉርሳቸውን ተነጥቀዋል ........

.   «አቤቱ ክርስቶስ! አንተን በዜማ ለማሞገስ ድምጻቸውን ከፍ ቢያደርጉትም፣ የውዳሴ መዝሙሮቻቸውንና ቅዳሴዎቻቸውን የገደል ማሚቱ በየቦታው ቢያስተጋባም፣ ባሎቻቸውን የሞቱባቸውን ሴቶችና የወላጅ አልባ ህፃናትን ሙሾ የሚሰማ ጆሮ የላቸውም.....

    «አቤቱ ኢየሱስ ሆይ! እንግዲያውስ ለሁለተኛ ጊዜ መጥተህ ቤተ መቅደስን የተንኮለኛ ብልህ እፉኝቶች ጐጆ ያደረጉትን፣ በሀይማኖት ስም የሚነግዱትን ትዕቢተኞችና ውሸታሞችን አስወጥተህ አባርራቸው፡፡

ጠንካራና ከልብ የመነጩ የዮሐና ቃላት የሚያጉረመርሙ የድጋፍ ድምጾች አገኙ፡፡ የአስተዳዳሪዎቹ መምጣትም አላስፈራውም፡፡ እንዲያውም ድፍረት ጨምሮ በሀይለኛ ድምፅ መናገሩን ቀጠለ፡- .....

      «ኦ ኢየሱስ! ናና ከደካሞች ላይ የደካሞችን፣ ከእግዚኣብሄር ላይ የእግዚአብሄርን የሚነጥቁትን ቄሳሮች ዋጋቸውን ስጣቸው፡፡ አንተ በቀኝ እጅህ የተከልከው የወይን ተክል በስግብግብ ትሎች ተበልቶ ግንዱም ተረጋግጧል፡፡ የሰላም ልጆች ተለያይተው አርስ በርስ እየተዋጉ ባሉበት በዚህ ሰዐት፣ እነዚህ አስመሳዮች በድግስና በበዓላት ቀናት ድምፃቸውን ከፍ አድርገው፣ እያሉ ለይምሰል ይፀልያሉ፡፡

የሰማዩ አባትህስ በነዚህ በሀጢአት በተሞሉ ክንፈሮችና ከቀጣፊ ምላሶች በሚወጡ ቃላት ለይምሰል ሲወደስ ደስ ይለዋልን? ጨቋኝና ተጨቋኝ በሞሉባት በዚህች ምድርስ ደስታና ሰላም ይኖራል ብለህ ታስባለህ? እነዚህ የገዢዎችን ከርስ ለመሙላት እንደ ባሪያ የሚለፉ ድሆችስ . ሰላም መጥቶ ከድህነት አረንቋ ሊያወጣቸው ይችላልን?...

    «ኧረ ለመሆነ _ ሰላም _ ምንድነው? የሚገኘውስ ከወዴት ነው? በቅዝቃዜና በጨለማ በተዋጡ ደሳሳ ጐጆዎች ውስጥ የእናታቸውን የደረቁ ጡቶች በሚምጉ ህፃናት ዘንድ ነውን? ወይስ በረሀብ እየተጠበሱ በሚቆረቁር የድንጋይ መደብ ላይ ተኝተው፣ ለወፋፍራም አሳሞቻቸው ከሚወረውሩላቸው ምግብ የተራረፈውን ያህል እንኳን ባገኘን ብለው በሚመኙና እርዳታን በሚሹ ሚስኪኖች ጉስቁል ኣካል ውስጥ ይሆን ሰላም
ያለው?





..........ይቀጥላል............


👍👍👍👍👍👍👍👍
https://t.me/Asresee
https://t.me/Asresee
https://t.me/Asresee

...አንዳንድ ጥያቄዎች ጥያቄ ብቻ ናቸው…መልስ የላቸውም…መልስም በመፈለግ ግዜህን አታባክን…መልስ ያገኘህባቸውን ህይወቶች ብቻ ኑር…
            
  @Asresee @Asresee @Asresee

እብዱ ዮሐና
....................ምዕራፍ ስምንት(12)


.     የቤተ-ክርስቲያኑ ሥነ-ስርዓት እየተካሄደ ባለበት በዚህ ሰዓት ዮሐና በእነዚህ አሳዛኝና ስቃይን የሚፈጥሩ ሀሳቦች አእምሮው ተወጥሮ ነበር:: በዚህ ተቃራኒ ህይወት በሚስተዋልበት ቦታ ትንፋሽ አጥሮት ደረቱ በስቃይ እንዳይተረተር ስጋት እንደያዘው ሁሉ፣ እጆቹን አጣምሮ ደረቱን ተጫነው:: ዳግም እነዚያ የመጨረሻ ደሀ የሆኑትን፣ ልባቸው የደረቀውንና ምድር ውስጥ መጠለያ የሚፈልጉትን ምስኪኖች ተመለከታቸው፡፡

ዳግም በመወለድ አዲስ እውነተኛ ግዛት ማግኘት የሚፈልጉ እጅግ በጣም የተቸገሩ መንፈሳዊ ተጓዦችን መስለው ታዩት፡፡
በዚህ መልኩ የምርቃቱ ሥነ-ስርዓት ተጠናቅቆ የተሰበሰበው ህዝብ ወደየመጣበት ሊበተን ሲል፣ ዮሐና በተጨቆኑት ድሆች ስም ንግግር እንዲያደርግ ታላቅ ሀይል (መንፈስ) ሲገፋፋው ታወቀው፡፡

እናም ይህ የሚገፋው ታላቅ ኃይል ከሰማይና ከምድር ፊት እንደቆመ ሰባኪ ወደ ፊት አንደረደረው፡፡ ወደ መድረኩ ጥግ ወጥቶ ዓይኖቹን ወደ ሰማይ ወረወራቸውና እጆቹን ከፍ አድርጐ በማንሳት ወደ ሰማይ አመለከተ፡፡
ህዝቡ ሲሰበስብለት፣ ትኩረት እንዲሰጡ በሚያስገድድ ብርቱ ድምፅ ጮኸ ብሎ መናገር ጀመረ:- ........

«አቤቱ ከፍ ብሎ በሚታየው ደማቅ ብርሃን ተከበህ በዙፋንህ የተቀመጥከው የናዝሬቱ ሰው - ኢየሱስ ሆይ! እነሆ ካለህበት የሰማዩ ሰማያዊ ጉልላት ባሻገር ቁልቁል ወደዚህች ምድር ተመልከት፡፡ ፍጡሮችዋን ትናንትና እንደ ካባ ለብሰሃቸው ነበር፡፡ አቤቱ በህይወትህ ደም እንዲለመልሙ የዘራሃቸውን አበቦች የጢሻው አሜኬላዎች እንዴት ቀንጥለው እንደገደሏቸው ተመልከት! . . .

«አቤቱ መልካሙ እረኛ! በደረትህ ታቅፈው የነበረው ደካማ ጠቦት አሁን በተኩላዎች ተነጣጥሎ ተበልቷል፡፡ ንፁህ ደምህን ምድሪቱ መጣዋለች፡፡ ትኩስ ዕንባህ በሰዎች ልቦና ውስጥ ደርቋል፡፡ በእግሮችህ የቀደስከው ይህ መሬት የሀያላን እግሮች ደካሞችን የሚጨፈልቁበት፣ የጨቋኞች እጆች ደግሞ የደካሞችን ህይወት የሚያጠወልጉበት ጦር ሜዳ ሆኗል
ጥሪ ምንም.....

«አቤቱ! ችግረኞች ከጨለማው ውስጥ ሆነው አቤቱ ይላሉ፡፡ በስምህ ዙፋን ላይ ተቀምጠው ያንተን ቃል የሚሰብኩት ሰዎች ግን ጥሪያቸውን ነገሬ - አላሉትም:: እስካሁን የድሆች ዋይታና የለቅሶ አልተሰማቸውም፡፡ የመንፈስ አባት እንዲሆኑ የሳክካቸው ሰዎች በእጆችህ ያቀፍከውንና የባረክከውን የበግ ግልገል ዘነጣጥለው ለመዋጥ የሚራወጡ ተኩላዎች ሆኗል.....

«አቤቱ! ከአምላክ ልብ ዘንድ ይዘኸው የመጣኸው የህይወት ቃል በነዚያ መጻህፍት ገፆች ውስጥ ብቻ ተሸሽጐ የሚቀር ፍሬ-የለሽ ሆኗል፡፡ እናም በእሱ ቦታ አስፈሪ የፍርሃትና የስጋት ጩኸት ተተክቷል .....



..........ይቀጥላል............


👍👍👍👍👍👍👍👍
https://t.me/Asresee
https://t.me/Asresee
https://t.me/Asresee

እብዱ ዮሐና
....................ምዕራፍ ስምንት(11)


ታላላቅ ሰዎች - ለክብራቸው በሚመጥኑ ቃላት፣ በመፅሀፍ ቅዱስ ጥቅሶች፤ እንደዚሁም በዝማሬዎች እያወደሱ በደማቅ ሥነ-ስርዓት ተቀበሏቸው፡፡

አዲሱ ቤተ-ክርስቲያን ከተሰራበት ቦታ ሲደርሱም፣ በወርቅ የተሸለመ የቀሳውስት ካባ ተደረበላቸው፤ በጌጣጌጦች የተንቆጠቆጠ አክሊልም በራሳቸው ላይ ተደፋላቸው፡፡ ከዚያም ድንቅ የእጅ ሙያ ጥበብ የተገለፁበት በውድ የከበሩ ድንጋዮች ያጌጠ ቆልማማ ዘንግ ተሰጣቸውና ቀሳውስቱን ከኋላ አስከትለው በአንድ ላይ እያዜሙና እየዘመሩ ቤተ-ክርስቲያኑን ዞሩት፡፡ ከሁሉም አቅጣጫዎች መልካም መዐዛ ያለው ዕጣን ጢስና አየሩ ላይ የሚዋልል ጥርዥ፣ ብርዥ የሚል ነበልባል ያላቸው በርካታ ጧፎች የያዙ ዲያቆናት አጅበዋቸው ይታያሉ፡፡

በዚያ ሰዐት ዮሐና ከእረኞቹና ከአፈር ገፊዎቹ መሀል ቆሞ ሀዘን ባጠላባቸው ዓይኖቹ ይህንን ደማቅ ትዕይንት በአንክሮ ይመለከታል፡፡ በአንድ ወገን ከሀር የተሰሩ ካባዎችን፣ የወርቅ እጣን ማጤሻዎችን፣ በጌጣጌጦች የተሽቆጠቆጠ አክሊልንና በውድ የከበሩ ድንጋዮች ያጌጠ ዘንግን፤ በሌላ ወገን ደግሞ ለዚህ በዓል ደስታና የምርቃት ሥነ-ስርዓት እገዛ ለማድረግ ከትናንሽ መንደሮችና ሰፈሮች የመጡትን በከፋ ድህነት ተዘፍቀው የሚኖሩት ደሀና ምስኪን ሰዎችን ሲያይ - ጥልቅ የሀዘን ስሜት አድሮበት በምሬት በረጅሙ ተነፈሰ፡፡ በአንደኛው ወገን በከፋይና በሀር ልብሶች ውስጥ ያለው ምቾትና ስልጣን፤ በሌላኛው ወገን ደግሞ በተቀዳደደ ብጭቅጫቂ ቡትቶች ውስጥ ያለው ችጋርና መከራ ወለል ብለው ታዩት፡፡

እነዚያ በዓርማና ሜዳሊያ አሸብርቀው ራቅ ብለው የቆሙት ሀብታም «አስተዳዳሪዎች» ድምጻቸውን ከፍ አድርገው የሚፀልዩት ሰሀብትና ለስልጣናቸው ሲሆን፣ ደስ የሚሰኙትም በዚያ ከንቱ ክብራቸው ነው፡፡ እነዚህ ዝቅ ብለው ቆመው ደረታቸውን እየደቁ ጠልቆ ከሚገኘው የተሰበረ ልባቸው የሚወጣ እውነተኛ ፀሎት የሚፀልዩት ጐስቆላ፤ ትሁትና በድህነት የሚማቅቁ የመንደሯ ነዋሪዎች ግን ደስ የሚሰኙት በትንሳኤ ውስጥ ባለው ዘላለማዊ ህይወታቸው ነው፡፡

የአስተዳዳሪዎቹና የመሪዎቹ ስልጣን በአረንጓዴ ለምለም ቅጠሎች እንደተሞላው ረዥም ዛፍ ሲሆን፣ የህዝቡ ህይወት ግን መርከባ በማዕበል ተመትታ በሞት አፋፍ ላይ እንደደረስ ካፒቴን ነው፡፡ እናም መቅዘፊያዋ ተሰብሮባት፣ ሸራዋ - በንፋስ ተቀድዶባት፣ በተቆጣው የባህሩ ውሃና በአስፈሪው አውሎ ነፋስ ብቅ፣ ስጥም እንደምትል መርከብ በፍርሃት ሰጥ ለጥ ብለው የሚገዙ ታዛዥ ጭሰኞች ናቸው::

ለመሆኑ ከከፋ የጭቆና አገዛዝና ከጭፍን ታዛዥነት የትኛው ይሆን የሚቀድመው? የትኛው ነው የቱን የወለደው? የጭቆና አገዛዝ በታችኛው መሬት ላይ ካልሆነ በስተቀር የማያድግ ጠንካራ ዛፍ ይሆን? ወይስ ጭፍን ታዛዥነት ከእሾሆች በስተቀር ምንም የማይበቅልበት ምድረ-በዳ ሆኖ ይሆን?


..........ይቀጥላል..........


👍👍👍👍👍👍👍👍
https://t.me/Asresee
https://t.me/Asresee
https://t.me/Asresee

ሰዎች ችላ እንዳሉህ አንዴ ከተረዳህ ፤ ድጋሜ ወደነሱ ዝር አትበል፤አትረብሻቸው........

ይሄም የገባኝ....
ሰላም ስላት ሰላምህን ይንሳህ፦
.................. ባለችኝ ጊዜ ነበር።


@Asresee @Asresee @Asresee

ይህ ይበልጥ ህመም ነበረው፤ የተሳሳተን ሰው በትክክለኛው መንገድ ማፍቀር..!

@Asresee @Asresee @Asresee

እብዱ ዮሐና
....................ምዕራፍ አስር(10)

እናም የአባቶቻቸው ጥርሶች ከላይ እስከ ታች ይነቃነቃሉ!  አንቺ መልካም ስለሆንሽ አሁን ሂጂና ዕብዱን ልጅሽን የሰማዩ _ አምላክ እንዲፈውሰውና ልቦና እንዲሰጠው ፀልይለት፡፡»

*

ዮሐና በመጨረሻ ከእስር ቤቱ ወጥቶ ከብቶቹን እየነዳ በቀስታ እርምጃ ወደ ቤቱ እያመራ ነው፡፡ ከአጠገቡ ዕድሜ ያጐበጣቸው እናቱ ምርኩዛቸው ላይ አቀርቅረው አብረውት ያዘግማሉ፡፡ ከደሳሳ ጐጆዋቸው ሲደርሱ፣ ከብቶቹን ሳር እንዲግጡ ትቷቸው መስኮቱ አጠገብ ተቀመጠና በተመስጦ የምትጠልቀውን ፀሀይ መመልከት ያዘ፡፡

ከጥቂት ጊዜ በኋላ አባቱ ወደ እናቱ ጆሮ ቀረብ ብለው እነዚህን ቃላት ሹክ ሲሏቸው ሰማ፡- «ሳራ፣ ብዙ ጊዜ ነግሬሻለሁ:: ልጃችን አዕምሮው ተዛብቷል፡፡ ላለፉት ዓመታት ዮሐና ዕብድ መሆኑን ስነግርሽ አምነሽኝ አታውቂም ነበር፡፡ አሁን የተከበሩት አባት ሲነግሩሽ ግን አመንሽ፡፡ ዛሬ የፈፀማቸው ተግባራት የሚያረጋግጡት የእኔን እውነተኛነት ነውና ከዚህ በኋላ እንዳትቃወሚኝ፡፡››

ዮሐና ወደ ምዕራብ አቅጣጫ መመልከቱን ቀጠለ፡፡ በአድማስ ጥግ የምትጠልቀው ፀሀይ የምትፈነጥቀው ደብዛዛ ብርሃን፣ ጥቅጥቅ ያለውን ግዙፍ ዳመና ልዩ ህብር አላብሶታል፡፡ •


ሳምንቱ የፋሲካ በዓል የሚከበርበት ሳምንት ነው፡፡ የፆሙ ወራት አሁን በድግስ ተተክተዋል፡፡ የአዲሱ ቤተ - ክርስቲያን ግንባታ ተጠናቋል፡፡ ይህ አዲሱ ህንፃ በትናንሾቹ የተራው ህዝብ ደሳሳ ጐጆዎች መሃከል ጐላ ብሎ ቆሞ ሲታይ፣ የልዑል ቤተ - መንግስት ይመስላል፡፡

ህዝቡ የቤተ-መቅደሱን የምረቃ ክብረ-በዓል ለማክበርና በመሰዊያዎቹ ላይ ስለቱን ለማኖር ግር ብሎ ወጥተዋል፡፡ በርካታ ሰዎችም ከትንሿ ብሻሬ ከተማ ወጥተው በመንገድ ዳርና ዳር ተኮልኩለው የክቡርነታቸውን መምጣት እየተጠባበቁ ናቸው::

በመጨረሻ ጳጳሱ በወርቅ የተለበጠ ኮርቻ ባለው ድንቅ ፈረስ እቦታው እንደደረሱ፤ በወጣቶቹ የምስጋና ዝማሪዎች፣ በቀሳውስቱ ቅዳሴ፣ በዝማሬ ማጀቢያዎቹ ሳህኖች ድልቅታና በደውሎች ቅጭልጭልታ ታጅበው ወደ ከተማዋ ዘለቁ፡፡ ከወርቅ ባሸበረቀ ኮርቻና ክብር በተሰራ ልጓም ከተንቆጠቆጠው ፈረሳቸው ላይ ሲወርዱ፣ በርካታ የሀይማኖት አባቶችና

..........ይቀጥላል..........

👍👍👍👍👍👍👍👍
https://t.me/Asresee
https://t.me/Asresee
https://t.me/Asresee

ዕብዱ ዮሐና

ይቀጥል 👍
      አይቀጥል👎

እብዱ ዮሐና
....................ምዕራፍ ስምንት(9)


በጭራሽ አልደፈረሰም:: ለኢየሱስ ያለው ፍቅርም በፍጹም አልተለወጠም፡፡ ስቃይ ሀቀኛ ሰውን አይጐዳም፣ የጭቆና ቀንበርም ከእውነት ጐን የቆመን ሰው ጨፍጭፎ አያጠፋውም፡፡ በግፍ የሚያሰቃዩት እጆችም የልቡን ሰላም ሊወስዱበት አይችሉም:: ሶቅራጦስ ከዕፅዋት የተቀመመውን _ መርዝ በፈገግታና በኩራት አልነበረም እንዴ የተጐነጨው? ጳውሎስ ለእውነት ብሎ በልበ ሙሉነት በድንጋይ አልተወገረምን?

አዎን፣ አንታዘዝም ስንል የሚጐዳንና ስንክድ የሚገድለን ውስጣችን ነው፡፡ ህሊናችንን ስንቃወመው ነው የሚጐዳን፤ ስንከዳውም _ ነው የሚፈርድብን፡፡

*

የዮሐና ወላጆች ብቸኛው ልጃቸው ከብቶቹ ተወስደውበት እንደታሰረ ሰሙ:: አሮጊቷ እናቱ በከዘራቸው ድጋፍ ወደ ገዳሙ መጡና ቄስ-ገበዙ እግር ላይ ተደፉ:: አይኖቻቸው በእንባ እየታጠበና የቄስ-ገበዙን እጆች እየሳሙም፣ ለልጃቸው እንዲያዝኑለትና ባለማወቅ _ ለፈፀመው ተግባር ምህረት እንዲያደርጉለት ተማፀኗቸው፡፡

ቄስ-ገበዘ ከዓለማዊ ጉዳዮች በላይ እንደሆኑ ሁሉ ዓይኖቻቸውን ወደ ሰማይ ሰቀሉና፣ «እኛ የልጅሽን ንግግር ይቅር ብለን ጅልነቱን በቸልታ ልናልፈው እንችላለን፡፡ ነገር ግን ገዳሙ መክፈል የሚገባውን ሂሣብ የመጠየቅ ቅዱስ መብት አለው:: እኛ ጨዋ በመሆናችን የሰዎችን ህግ የመተላለፍ ተግባር ይቅር ብንልም፣ ሃያሉ ነቢይ ኤልያስ ግን ወደ ወይን ተክሎቹ ውስጥ አልፈው የሚገቡትንና በመሬቱ ላይ እንስሶቻቸውን ለግጦሽ የሚያሰማሩትን በፍጹም ይቅር አይላቸውም፣ አይምራቸውምም!» አሉዋቸወ፡

አሮጊቷ እንባቸው በተጨማደደው ጉንጫቸው ላይ ቁልቁል እየወረደ፣ ገና እንባ በተሞሉም ዓይኖቻቸው ቄስ - ገበዙን ቀና ብለው ከተመለከቷቸው በኋላ ከአንገታቸው ላይ ትንሽ የብር ሃብላቸውን አውልቀው በቄስ - ገበዙ እጅ ላይ አስቀመጡ፡፡ «አባቴ ከዚህ ሀብል በስተቀር ምንም ነገር የለኝም፡፡ ያለኝ ውድ ንብረት ይሄ ብቻ ነው:: የሰርጌ ዕለት እናቴ የሰጠችኝ ስጦታ ነው፡፡ ምናልባት ገዳሙ ብቸኛው ልጄ ለፈፀመው ጥፋት ይሄንን እንደ ንስሀ ይቀበለኝ ይሆን?»

ቄስ-ገበዘ- ሀብሉን ኪሳቸው ውስጥ የከተቱት ጊዜ እናቲቱ ምስጋናቸውን እያዥጐደጐዱ የቄሱን እጅ መላልሰው መሳም ጀመሩ፡፡

ቄስ-ገበዙ ትክ ብለው ተመለከቷቸውና፣ «ለዚህ ሀጢያተኛ ትውልድ ወዮለት! የመፅሀፉን ትዕዛዛት በመቃወማቸው መራራውን ፍሬ እንዲጐነጩ ሆነዋል::


..........ይቀጥላል..........


👍👍👍👍👍👍👍👍
https://t.me/Asresee
https://t.me/Asresee
https://t.me/Asresee

እብዱ ዮሐና
....................ምዕራፍ ስምንት(8)


በሸለቆዎቹ ድንጋዮች ላይ ስለሚቀር ፀሀይ ስትወጣ፣ የእውነት ንጋት ስትነጋ፣ ወንጀሉን ይፋ ታወጣዋለች፡፡»

የዮሐና ንግግር የመነኮሳቱን ትኩረት የሚስብ ተዓምራዊ ኃይል ነበረው:: እናም በልባቸው ውስጥ ቁጣን ቀሰቀሰ:: በውስጣቸው የታመቀው ክፋትም ነፋስ ዘራ:: በፍርግርግ ብረት ሳጥን ውስጥ እንደተዘጋበት የተራበ አንበሳ ጥርሳቸውን እያንገጫገጩ በንዴት ተንቀጠቀጡ፡፡ አሁን ወጣቱን ለመቦጫጨቅ ትዕግስት አጥተው በመስገብገብ የሚጠባበቁት አለቃቸው ምልክት እስኪሰጧቸው ድረስ ነው፡፡

ዮሐና ንግግሩን ገታ አድርጐ ፀጥ ሲል በመሀል የተፈጠረው አጭር ዝምታ፣ አንድን ቦታ በአውሎ ነፋስ ከተመታ በኋላ ፀጥ ረጭ እንደሚለው ዓይነት አስፈሪ ፀጥታ ነበር:፡ ከዚያም ቄስ - ገበዙ ጮክ ብለው ትዕዛዝ

አስተላለፉ፦

እብዱ ዮሐና....
.................ምዕራፍ ሰባት (7)


በእኔና በቅድመ አያቶቼ የሰማውን፤ ፀሀይ ለሁላችንም እኩል ሳር ያበቀለችበትን ትንሽ የግጦሽ መሬት ረገጥክ ብላችሁ ህግን እንደ ጣለ ወንጀለኛ በግድ ይዛችሁኛል:: በኢየሱስ ስም ስለምናችሁና መከራና ስቃይን ባሳለፈባቸው በነዚህ የተቀደሱ ቀናት ስማፀናችሁ፣ የማያውቀውን ነገር እንደሚዘላብድ ሰው አላግጣችሁብኛል፡፡ እንግዲያውስ ይህን መፅሀፍ ከእኔ ወስዳችሁ እዩትና ኢየሱስ ይቅር ያላለበትን ጊዜ ካለ አሳዩኝ:: ያንን የመለኮታዊ ኃይል አሳዛኝ መከራ ታሪክ አንብቡትና እየሱስ በተራራ ላይም ሆነ በቤተ-መቅደስ ውስጥ ሲያስተምር ስለምህረትና ደግነት ያልተናገረበትን ቦታ ካለ ንገሩኝ፡፡ ይቅር ያላለበትን ጊዜ መቼ ነው? በተራራ ላይ ሲሰብክ ነውን? ወይስ ምስኪኗን ሴተኛ አዳሪ በወነጀሉት ሰዎች ፊት በቤት-መቅደስ ሲያስተምር ነው? ወይስ በጐሎጐታ መስቀሉ ላይ ተሰቅሎ መላውን የሰው ልጅ ለማቀፍ እጆቹን በሰፊው በዘረጋበት ጊዜ ነው?..

«እናንተ ልባችሁ የደደረ! እስቲ ወደ እነዚህ አነስተኛ ከተሞችና መንደሮች ለአፍታ ቁልቁል ተመልከቱ:: በደሳሳ ጐጆአቸው ውስጥ ታመው በአልጋቸው ላይ በጣር የሚሰቃዩ ህመምተኞችን እስኪ ለአፍታ ተመልከቱ፡፡ በጭቆና ቀንበር በግፍ ተጠቅተው እስር ቤት የሚማቅቁትን ተስፋ የቆረጡ እነዚያ ያልታደሉ ንፁሀን ሰዎችን እስኪ ተመልከቷቸው:: በደጃፎቻችሁ ላይ ልቦናቸው ተዋርዶና ሰውነታቸው ዝሎ እጃቸውን ለምዕዋት የሚዘረጉ ነዳያንን እስኪ ልብ ብላችሁ እዩዋቸው፡፡ እንግዶች (መንገደኞች) ማረፊያ አጥተው በየጐዳናው ላይ ተኝተዋል፡፡ በመቃብር ስፍራዎቻቸው ውስጥ ጋለሞቶችና የሙት ልጆች ያነባሉ ...

«እናንተ ግን በመስኩ ላይ የሚበቅሉ ፍራፍሬዎችን እየተመገባችሁና በወይን ዘላዎቹ እየተደሰታችሁ በስንፍናና በስራ-ፈትነት፣ ግን ደግሞ በድሎትና በተድላ ትኖራላችሁ:: እንደዚያም ሆኖ ህመምተኞችንና እስረኞቹን አትጠይቁም፣ የራባቸውን አታጐርሱም፣ በርሃብ እየተጠበሱ እንደ ባርያ የሚለፉ ተከታዮቻችሁን ዞር ብላችሁ አታዩም፣ ለእንግዶች ማረፊያ አትሰጡም፡፡ ያዘነትንም አታፅናኑም፡፡ ለአካለ-ስንኩላን ሀዘናችሁን ገልጻችሁ አታውቁም፡፡ ከቀደሙ አባቶቻችን የዘረፋችሁትና በኃይል የያዛችሁት አልበቃ ብላችሁ፤ አሁንም እፉኝት ጭንቅላቱን እንደሚያቀና ሁሉ እጆቻችሁን ዘርግታችሁ ባሏ የሞተባት ሴት ላቧን አንጠፋጥፋ ያፈራችውን ጥሪት፣ ገበሬው ልጆቹን በህይወት ለማቆየት ሲል በሽምግልና ዘመኑ ያከማቸውን ሀብት በእምነቱ አስፈራርታችሁ ትዘርፋላችሁ::>

ዮሐና በረዥሙ ተንፍሶ ትንፋሹን ካሰባሰበ በኋላ፣ ራሱን በኩራት ወደ ላይ አቅንቶ ረገብ ባለ ድምፅ ቀጠለ-

«እናንተ ብዙ ናችሁ፤ እኔ ግን ብቻዬን ስለሆንኩኝ የፈለጋችሁትን ልታደርጉኝ ትችላላችሁ:: አንዲት የበግ ግልገል በሌሊት ጨለማ በተኵላዎች እጅ ትወድቅ ይሆናል፡፡ ነገር ግን የደሟ ፍንጣቂ እስክ ንጋት ድረስ.....


.........ይቀጥላል..........


👍👍👍👍👍👍👍👍
https://t.me/Asresee
https://t.me/Asresee
https://t.me/Asresee