Bemnet Library

አይ ልጅነት ለካ እግዜር ለማንም አያዳላም!አንዱን ደሀ ሌላውን ሀብታም አድርጎት አይፈጥርም!እያንዳንዱ ሰው የራሱን ዕጣ ራሱ ይወስነዋል!ህይወት ለማንም ቃል አልገባችም።ይሄን ተረዳሁ በሌላ በኩል ደግሞ እድሜዬ እየጨመረ ሲመጣ....ለካ  ሀብታም ማለት ብዙ ገንዘብ ማከማት ማለት አይደለም!ለካ የሰው ልጅ የራሱን የህይወት መስመር ራሱ ነው የሚወስነው!ሀብት ለካ ቁሳዊ ነገር ነው።ቁሳዊ ነገር ደግሞ ቋሚ ሊሆን እንደማይችል ተረዳሁ።

📓ርዕስ፦ኦያያ ከፓሪስ መልስ
✍️ደራሲ፦አዘርግ

📚 @Bemnet_Library

"እያንዳንዱ ሰው ስለ ራሱ መስማት ይወዳል! መጠኑ ይለያይ እንጂ እያንዳንዱ ሰው መደነቅን፤ስለራሱ ሲወራ ማዳመጥን ይወዳል።ከእያንዳንዱ ሰው ይበልጥ ደግሞ ሴቶች ስለራሳቸው መስማት ጣፋጭ ምግባቸው ነው።ስለራሳቸው ስታወራላቸው ወሲብ ሲያደርጉ ከሚሰጣቸው ሀሴት የበለጠ ይደሰታሉ።ይህን ደካማ ባህያቸውን በመያዝ ካንተ የሚጠበቀው ጉጉት  መፍጠር ብቻ ነው

📓ርዕስ፦ቋ
✍️ደራሲ፦አዘርግ

📚 @Bemnet_Library

ማኦ ዜዱንግ ስለ ልጅነት ትዝታው እንዲህ ሲል ፅፏል፤

“ትንሽ ልጅ ሳለሁ ከእናቴ ጐጆ አጠገብ በጣም የተዋበ የአትክልት ስፍራ ነበር፡፡ የአትክልት ስፍራው በጣም የተዋቡ አበቦች ስለነበሩት ሰዎች ከሩቅ ቦታ እየመጡ ይመለከቱት ነበር፡፡

በዚህ መሃል አሮጊቷ እናቴ ታመመችና አልጋ ላይ ዋለች፡፡ እናቴ እርጅናዋም ሆነ ህመሟ አላስጨነቃትም፤ ብቸኛው ስጋቷ የአትክልት ስፍራው እጣ ፈንታ ነበር፡፡” ትንሹ ማኦ፡-
“አታስቢ፤ የአትክልት ስፍራሽን እኔ እንከባከብልሻለሁ፡፡” በማለት ቃል ገባላት፡፡ እናም ማኦ ከጠዋት እስከ ማታ እየዋለ የእናቱን የአትክልት ስፍራ ተንከባክቦ፡፡

ከአንድ ወር በኋላ እናቱ ከህመሟ አገግማ ትንሽ መራመድ እንደቻለች በቀጥታ የሄደችው የአትክልት ስፍራውን ለመመልከት ነበር፡፡ የአትክልት ስፍራውን ሁኔታ ስትመለከትም በጣም ደንገጠች፡፡ ድራሹ ጠፍቷል፡፡ ሁሉም እፅዋት ደርቀውና አበቦቹም ጠውልገው ነበር፡፡

በጣም ተረብሻም ማኦን፡-” አንተ ደደብ! ቀኑን ሙሉ የአትክልት ስፍራ ውስጥ ስታሳልፍ ምን እያደረግክ ነበር? ሁሉም አበቦች ጠውልገዋል፤ የአትክልት ስፍራው ወድሟል፤ ሁሉም ተክሎች ሊሞቱ ተቃርበዋል፤ እንደው ምን ስታደርግ ነበር?” አለችው፡፡

ማኦ ማልቀስ ጀመረ፡፡ እሱ ራሱ ግራ ገብቶት ነበር፡፡ በየእለቱ የአክልት ስፍራውን ቀኑን ሙሉ ሲንከባከብ ይውል ነበር፡፡ ነገር ግን በማያውቀው ምክንያት እፅዋቶቹ እየደረቁ ነበር፡፡

እያለቀሰ እንዲህ ሲል ተነገረ፡-” በእጅጉ ነበር የተንከባከብኩት፡፡ እያንዳንዱን አበባ እየሳምኩ ፍቅር እየሰጠሁት ነበር፡፡ እያንዳንዱ ቅጠል ላይ የነበረውን አቧራ እየጠረግኩ ሳፀዳው ነበር፡፡ ምን እንደተከሰተ አልገባኝም፡፡ አበቦቹ እየጠወለጉ ሲሄዱ እየጠረግኩ ሳፀዳቸው ነበር፡፡ ቅጠሎቹ እየደረቁ የአትክልት ስፍራውም እየሞተ ነበር፡፡

” እናቱ መሳቅ ጀመረች፤ እናም እንዲህ አለችው፡- “ደደብ ነህ! የአበቦቹ ህይወት አበቦቹ ላይ፣ የቅጠሎቹም ህይወት ቅጠሎቹ ላይ እንዳልሆነ ገና አታውቅም!”፡፡

የአንድ ተክል ህይወት የሚገኘው ለማንም ከማይታይ ቦታ ውስጥ ነው፡፡ ህይወቱ የሚገኘው ከመሬት ስር ተደብቀው በሚገኙት ስሮቹ ውስጥ ነው፡፡ ስሮቹ እንክብካቤ ካላገኙ አበቦቹና ቅጠሎቹም እንክብካቤ ያጣሉ፡፡

የቱንም ያህል ቢሳሙ፣ ፍቅር ቢሰጣቸው፣ ከአቧራ በፀዱ ከመጠውለግ አያመልጡም፡፡ ስለ አበቦቹ ሳትጨነቁ ስሮቹን ከተንከባከባችሁ ግን አበቦቹ ራሳቸውን ይንከባከባሉ፡፡ አበቦች በስሩ አማካኝነት ያብባሉ እንጂ፣ ሁኔታው የተገላቢጦች አይደለም፡፡

📓የነፍስ መንገድ
✍ኦሾ

📚@Bemnet_Library

አንድ የራስ ምታት የሚሰማውን ሰው ልታክሙት ትችሉ ይሆናል።ነገር ግን የሰውዬው የራስ ምታት ከምን እንደተነሳ በጥልቀት አትመለከቱም።ሰውዬው ጫና በዝቶበት፣ተጨንቆ፣ተደብቶ ሊሆን ይችላል።ምናልባትም ውስጡ ክፉኛ ተጎድቶ ይሆናል።ምናልባትም ብዙ ስለሚጨነቅ አዕምሮውን የሚያዝናናበት ጊዜ አላገኘ ይሆናል።ስለዚህም የምትሰጡት መድኃኒት ምልክቶቹን የሚያጠፋ ብቻ ነው የሚሆነው።ሆኖም በሽታው ከነስሩ ስላልተነቀለ በሌላ በኩል ብቅ ይላል።እንደኔ እምነት ግን ምልክቶች ሳይሆኑ ሰዎች ናቸው መታከም ያለባቸው።

📚ርዕስ፦ አካለ አዕምሮ
✍️ደራሲ፦ ኦሾ

📚 @Bemnet_Library

የመጀመሪያው ፍቅር ያዘኝ።የመጀመሪያው ፍቅር፤የእናትና የልጅ ፍቅር ነው።ከእናቴ ፍቅር ያዘኝ።ብን.....! አልኩ፥ እፍፍፍ...!በየደቂቃው ራሴን ፍለጋ ዐይን ዐይኗን ማየት ሆነ፨በፍቅር አበድኩላት።ፍቅር ማለት ለካስ ራስን በሌላው ውስጥ ማየት ነው።ሳድግ ለምን እንዲህ ውስብስብ መሰለኝ!? እሷም እንዲሁ ዐይኔ ዐይኔን ስለምታየኝ ፍቅር ሳይዛት አልቀረም!መተያየት በመተያየት ሆንን።

አንዳንድ ጊዜ እናቴ ዐይን ዐይኔን ስታየኝ ትቆይና በዚያው እ..ል..ም ትላለች።ብጠብቅ አትመለስም፥ብጠብቅ...፤እቁነጠነጣለሁ..ምንም መልስ የለም።አተኩሬ ዐይኗን ሳይ፤እኔም ዐይኗ ውስጥ የለሁም።የት እየሄደች ነው? እላለሁ።በብዙ ጉትጎታና መቁነጥነጥ ትመለሳለች።ስትመለስ ታዲያ የዐይኗ ነጭ፤ቀይ ደመና ያረግዛል።ትንሽ ቆይቶም ከዐይኗ ደመና፤ከፊያ ዝናብ መንጠባጠብ ይጀምራል።እኔ እረበሻለሁ።ደስ አይለኝም።ለምን እና ለማን እንደሆነ ሳላውቅ አጅባታለሁ።እናት ስታለቅስ ታሳዝናለች።ለቅሶዋ መቼም ቢሆን ስለ ራሷ አይደለም።

📓ርዕስ፦አለማወቅ
✍️ደራሲ፦ዳዊት ወንድምአገኝ

✈️ @Bemnet_Library