𝗖𝗵𝗿𝗶𝘀𝘁𝗶𝗮𝗻𝘀 𝗣𝗲𝗿𝘀𝗽𝗲𝗰𝘁𝗶𝘃𝗲𝘀 Archives

The channel is now archived!

Merry Ethiopian Christmas to the 270 ppl out there!
Here’s the sad news. I’m no longer posting some contents. We all know how dormant is this channel. Sorry for that! If God is willing, I’ll return on posting some better contents one day. But not on this channel. በአዲስ አቁማዳ ለማለት ነው። 😁 I’ll let you know if I return!
So feel free to leave. ቸሩ አምላክ ይከተላችሁ። and Thank you for staying till now!

Much love and blessings! Enjoy the holiday.

- A.A.A

Happy New Year!💛🌼

subscribe this channel

የ አንድ ሐቀኛ ሰው ጸሎት

“ትላልቅ” የሚባሉ ሰዎች በተሰባሰቡበት አንድ ዓለማቀፍ ጉባኤ የመክፈቻ ጸሎት እንዲያደርግ ዕድል የተሰጠው ተሳታፊ እንዲህ በማለት ሲማጸን ተሰማ፦

“በሰማይ የምትኖር አባታችን ሆይ፥ ይቅርታ ታደርግልን ዘንድ ምሕረትህን እንናፍቃለን። በኢሳይያስ 5:20 ላይ “ክፉውን መልካም መልካሙን ክፋ ለሚሉ፥ ጨለማውን ብርሃን ብርሃኑንም ጨለማ ለሚያደርጉ፥ ጣፋጩን መራራ መራራውንም ጣፋጭ ለሚያደርጉ ወዮላቸው!” ማለትህን እናውቃለን።

እኛ ግን፥

ድኾችን እየመዘበርን ሀብት እናካብታለን፤ ዕጣ ወጣልን ብለን እንደሰታለን። ለስንፍናና ግፍ ደመወዝ እንከፍላለን፤ ኾኖም ስጦታ ብለን እንጠራዋለን። ልደታቸውን እየተጠባበቁ የነበሩትን ያልተወለዱ ሕጻኖቻችንን እንፈጃለን፤ ኾኖም ነጻ ምርጫ ብለን እንጠራዋለን። ዘረኝነትና ብሔርተኝነትን ለማፋፋም እንቅልፍ አጥተን እናድራለን፤ ዳሩ ግን፥
የራስን ዕድል በራስ መወሰን ብለን እንጠራዋለን። ልጆቻችንን ቀጥተን ማሳደግን አውግዘን ትተናል፤ ያንን ውሳኔያችንንም፥ በራስ መተማመንን ማበልጸግ ብለን ሰይመነዋል። ሥልጣናችንን አላግባብ እንጠቀማለን፤ ስሙን ግን ፖለቲካ ብለን እንጠራዋለን።

ማኅበረ ሰቡን በጋጠወጥ ዳንኪራና ጭፈራ፥ እንዲሁም በብልግና ምስሎችና ሲኒማዎች አጥለቅልቀነዋል፤ ዞር ብለን ግን፥ ሐሳብን በነጻነት የመግለጽ መብት
ብለን እንጠራዋለን። ጉቦ ተቀብለን ፍርድ እናጣምማለን፤ ስሙን ግን የሥራ ማስኬጃ ብለን እንጠራዋለን።

ያለ ቃልኪዳናዊ ጋብቻ ሩካቤ ሥጋ እየፈጸምን በአንድነት እንኖራለን፤ ነገር ግን እርሰ በርስ መተዋወቅ ብለን እንጠራዋለን።

ኀጢአትን በግልጽ መቃወም ርግፍ አድርገን ትተናል፤ ይኹን እንጂ ይኸን ድርጊታችንን ለሌሎች አእምሮ መጠንቀቅ ብለን እንጠራዋለን። ድኾችን ችላ ብለን ከሀብታሞች ሥር ተወሽቀናል፤ ነገር ግን ስሙን አሳምረን “እግዚአብሔር የከፈተው በር” በማለት እንጠራዋለን። እኛን የማይመስሉንን ከድርጅታችን አባረናል፤ እናም የአብያተ ክርስቲያናት ትብብር ብለን ጠርተነዋል።

ጥሩዎቹን ጭምር፥ ከኛ የተለየ አካኼድ ስለሚከተሉ ብቻ፥ እንዴት እንደምንቃወማቸው ምክንያት አላጣንም፤ ይኸን ድርጊታችንን ግን ለዶክትሪን መጠንቀቅ ብለን እንጠራዋለን።

የማንወደውንና ምሕረት ልንሰጠው የማንፈልገውን አገልጋይ አንጠጋውም፤ የድርጊታችን ክፋት ለመሸፈን ግን “በጥበብ መመላለስ” ብለን እንጠራዋለን። መሪዎቻችንን እያንጓጠጥን፥ እያዋረድንና በቀደምት አብያተ ክርስቲያናት ላይ በማመፅ ጥለናቸው ወጥተናል፤ስሙን ግን በጌታ ምሪት መንቀሳቀስ ብለን እንጠራዋለን።

አባት ሆይ፥ መልካሙን ክፉ ክፉውንም መልካም ብለን ጠርተናልና ይቅር በለን፤

አሜን።”

“ለማንም ክፉን በክፉ አትመልሱ፤ በሰው ሁሉ ፊት በጎ የሆነውን ነገር ለማድረግ ትጉ።”
ሮሜ 12:17 NASV


- Abraham A.

23/9/2014 አ.ም.
@christianperspe