4-3-3 World News

ኤርትራ ከሶማሊያ ጋር ያላትን ዲፕሎማስያዊ ግኑኙነት ልታቋርጥ እንደምትችል ገለፀች

ኤርትራ በሶማሊያ እና በኢትዮጵያ መካከል ተፈጥሮ የነበረውን አለመግባባት ለመፍታት በቅርቡ በቱርክ አደራዳሪነት የተደረሰውን ስምምነት ተከትሎ ከሶማሊያ ጋር ዲፕሎማሲያዊ ግንኙነቷን ልታቋርጥ እንደምትችል ገልፃለች ሲል ሶማሊያ ጋርድያን ዘግቧል።

ቢቢሲ ሶማሌ እንደዘገበው ከሆነ ደግሞ የአስመራው መንግስት ስምምነቱ “በጥድፍያ የተፈፀመና አሻሚ ነው ሲል ነቅፎታል።የኤርትራ የውጭ ጉዳይ ሚኒስቴር የአፍሪካ ጉዳዮች አማካሪ አብዱልቃድር ኢድሪስ ሶማሊያ እንደ አንድ ሉዓላዊ ሀገር ከውጭ ሀገራት ጋር ዲፕሎማሲያዊ ስምምነቶችን የመፈፀም መብት ቢኖራትም ሶማሊያ በችኮላ ስምምነቱን ትቀባለለች የሚል ሀሳብ በኤርትራ በኩል እንዳልነበረ ገልፀዋል።

ኢድሪስ በመቀጠልም የኢትዮጵያ ፍላጎት በሶማሊያ የንግድ ወደብ በማረጋገጥ ላይ ሳይሆን በቀይ ባህር ዳር ወታደራዊ የባህር ኃይል ምሽግ ማቋቋም ነው ብሏል። ሶማሊያ የኢትዮጵያን እንዲህ አይነት ስትራቴጂካዊ መሰረት ለማግኘት ያነሳችውን ጥያቄ ከተቀበለች ኤርትራ እንደ ትልቅ የደህንነት ስጋት እንደምትቆጥረው በማስጠንቀቅ ይህም ከሶማሊያ ጋር ያላትን ዲፕሎማሲያዊ ግንኙነት እንደገና እንድታጤን ያስገድዳታል ብሏል። 

በኢትዮጵያ እና በሶማሊያ መካከል የተደረገው ስምምነት በቱርክ ግፊት በችኮላ የተፈፀመ ስምምነት ነው ያሉ ሲሆን በበርካቶች ዘንድ ሰፊ ቅሬታን ፈጥሯልም ብለዋል።

ዳጉ ጆርናል

@Ethionews433 @Ethionews433

ወደ ሩሲያ እየበረረ የነበረ አዉሮፕላን መከስከሱ ተነገረ

ከካዛኪስታንተንስቶ ወደ ሩሲያ ሲጓዝ የነበረ የመንገደኞች አውሮፕላን መከስከሱ ተሰምቷል፡፡

ንብረትነቱ የአዘርባጃን አየር መንድ የኾነ አውሮፕላን 67 መንገደኞችን እንደያዘ በካዛኪስታን ተከስክሷል፡፡

አክታኡ በተሰኘ አካባቢ በእሳት እየጋየ ነበር አውሮፕላኑ ወደ መሬት የተከሰከሰው፡፡

የአደጋዉ መንሥኤም አልተረጋገጠም፡፡

[አባቱ መረቀ]

@Ethionews433 @Ethionews433

ኢትዮጵያ ክሪፕቶከረንሲን ለመገበያያነት ለመጠቀም የሚያስችል መመሪያ ልታወጣ እንደምትችል የብሔራዊ ባንክ ገዢ ጥቆማ ሰጡ።

የኢትዮጵያ ብሔራዊ ባንክ “የክሪፕቶ አሴትን” እና የዲጂታል ገንዘብን በኢትዮጵያ መጠቀም የሚያስችል መመሪያ ወደፊት ሊያወጣ እንደሚችል የተቋሙ ገዢ አቶ ማሞ ምህረቱ ገለጹ። ብሔራዊ ባንክ መመሪያውን የሚያወጣው በማዕከላዊ ባንኪንግ፣ በገንዘብ ፖሊሲ እና በገንዘብ አስተዳደር ያሉ ዓለም አቀፍ “ለውጦችን” እና “እድገቶችን” እያየ መሆኑን አቶ ማሞ ተናግረዋል።

አቶ ማሞ ይህን ያሉት የኢትዮጵያ ብሔራዊ ባንክ የአዋጅ ማሻሻያ ዛሬ ማክሰኞ ታህሳስ 8፤ 2017 በተወካዮች ምክር ቤት በጸደቀበት ወቅት ከፓርላማ አባል ለቀረበ ጥያቄ በሰጡት ማብራሪያ ነው። በዘጠኝ ክፍሎች እና በ57 አንቀጾች የተዘጋጀው ይህ አዋጅ፤ ከ16 ዓመት በፊት የወጣውን የኢትዮጵያ ብሔራዊ ባንክ ማቋቋሚያ አዋጅን ያሻሻለ ነው።

የአሁኑ አዋጅ ካካተታቸው አዳዲስ ድንጋጌዎች መካከል ክሪፕቶከረንሲ እና የዲጂታል ገንዘብን መጠቀም የተመለከተው አንዱ ነው። አዋጁ “አስፈላጊ ሆኖ ሲያገኘው ብሔራዊ ባንክ ካልፈቀደ በስተቀር፤ ክሪፕቶከረንሲ ወይም ሌላ ማንኛውንም ዲጂታል ወይም የኤሌክትሮኒክ ገንዘብ በመጠቀም ክፍያ መፈጸም አይችልም” ሲል ክልከላ ያስቀምጣል።

አዋጁን በመተላለፍ በእነዚህ መንገዶች ክፍያ የፈጸመ ማንኛውም ሰው፤ ከሶስት ዓመት በማይበልጥ ቀላል እስራት እና ከአስር ሺህ ብር በማይበልጥ መቀጮ እንደሚቀጣም ተደንግጓል። ክሪፕቶከረንሲን በተመለከተ በአዋጁ የተቀመጠውን ድንጋጌ በዛሬው የተወካዮች ምክር ቤት መደበኛ ስብሰባ ላይ የጠቀሱት ዶ/ር ፈትሂ ማህዲ የተባሉ የፓርላማ አባል፤ አፈጻጸሙን እና ቁጥጥርን የተመለከቱ ጥያቄዎች አቅርበዋል።

“የዲጂታል ከረንሲ [ግብይት] ቴክኖሎጂ ያመጣው ነው። ግዴታ መጠቀም አይቀርም። አለም በ21ኛው ክፍለ ዘመን እየሄደበት ያለ ነው። በቢትኮይን፣ በዲጂታል ከረንሲ፣ በክሪፕቶከረንሲ እየተገበያየ ነው ያለው” ያሉት ዶ/ር ፈትሂ፤ የዲጂታል ገንዘቦችን የሚጠቀሙ ሰዎች “አድራሻቸው በግልጽ ሳይታወቅ፤ በኦንላይን፣ በምናባዊ የሚፈጽሙት ነገር መሆኑ” ለመቆጣጠር አስቸጋሪ እንደሚያደርገው ጠቁመዋል።

የዲጂታል ገንዘብን የሚጠቀሙ ሰዎች “ሀገር ውስጥም ሆነው፣ ከሀገር ውጭም ሆነው፣ ትራንዛክሽኑ በማይታይ በምናባዊ መንገድ” ክፍያ እንደሚፈጽሙ የገለጹት የፓርላማ አባሉ፤ “ይህንን ብሔራዊ ባንክ እንዴት ነው የሚቆጣጠረው?” ሲሉ ጠይቀዋል። “[በአዋጁ] ‘ክፍያ መፈጸም አይቻልም” ተብሏል። ብሔራዊ ባንክ እንዴት ነው የሚፈቅደው? እንዴት ነው የሚቆጣጠራቸው? አሰራሩ፣ ስርዓቱ ምን ይመስላል? ለቁጥጥርስ ይመች ይሆናል? ቴክኖሎጂውስ አለን ወይ? መቆጣጠርስ በትክክል እንችላለን ወይ? መንግስት በትክክል ማግኘት የሚገባውን ግብር ማስከፈል እንችላለን ወይ?” ሲሉም ተጨማሪ ጥያቄ ሰንዝረዋል።

ለጥያቄው ምላሽ የሰጡት የብሔራዊ ባንክ ገዢ “ክሪፕቶ አሴት” ወይም “ቢትኮይን” የሚባለውን “በሁለት መንገድ” መመልከት እንደሚገባ ተናግረዋል። “ክሪፕቶ ማይኒንግ” የሚባለው የዳታ ማዕከል ኢንቨስትመንት “ምንም ችግር የሌለበት” እና በአሁኑ ወቅት በኢትዮጵያ “በስፋት” “በስራ ላይ ያለ” መሆኑን አቶ ማሞ አስረድተዋል። ይህ ኢንቨስትመንት፤ በኢትዮጵያ “የኃይል አቅርቦት” እና “ግሪን ኢነርጂ” መስፋፋት ጋር የተገናኘ መሆኑንም ገልጸዋል።

“አሁን ኢትዮጵያ በስፋት የክሪፕቶ ማይኒንግ ኢንቨስትመንት መዳረሻ እየሆነች ነው ያለችው። ይሄ ለኢትዮጵያ የውጭ ምንዛሬ የሚያስገኝ ነው” ሲሉም የብሔራዊ ባንክ ገዢው ለፓርላማ አባላቱ ተናግረዋል። በኢትዮጵያ የክሪፕቶ ማይኒንግ በዚህ ደረጃ ላይ ቢገኝም፤ “የክሪፕቶ አሴትን” እንደ ገንዘብ መጠቀም በአሁኑ ጊዜ በሀገሪቱ የተፈቀደ አለመሆኑን አቶ ማሞ አስገንዘበዋል።

“በአጠቃላይ የዓለም የገንዘብ ፖሊሲ ዳይናሚክ ምን እንደሆነ መረዳት ያስፈልጋል። ለምሳሌ አሁን የምንጠቀመው ገንዘብ (currency) ብር ነው። አሁን ብዙ ማዕከላዊ ባንኮች እየጀመሩ ያሉት የማዕከላዊ ባንክ ዲጄታል ገንዘብ አለ። አሁን ሰው የሚጠቀመው ካሽ እየቀረ፤ ወደ ዲጂታል ገንዘብ ሺፍት እየተደረገ ነው ያለው” ያሉት አቶ ማሞ፤ የኢትዮጵያ ብሔራዊ ባንክ ይህን የዓለም አቀፍ ሁኔታ ከግምት በማስገባት “በተለየ መልኩ” መመሪያ እንደሚያወጣ ጥቆማ ሰጥተዋል።

“ይሄ የክሪፕቶ አሴትን፣ ቢት ኮይንን፣ የማዕከላዊ ባንክ ዲጂታል ከረንሲን በተመለከተ የዓለም የማዕከላዊ ባንኪንግ፣ የገንዘብ ፖሊሲ እና የገንዘብ አስተዳደር በሂደት እየተቀየረ ስለሚሄድ ዳይናሚክ የሆኑ ለውጦችን እና ዴቨሎፕመንቶችን እያየ ብሔራዊ ባንክ እንደሌሎቹ ማዕከላዊ ባንኮች፣ እንዳስፈላጊነቱ መመሪያ ሊያወጣ ይችላል” ብለዋል የብሔራዊ ባንክ ገዢው።

በአዲሱ አዋጅ “ክሪፕቶ አሴትን መጠቀም አይቻልም” ያሉት አቶ ማሞ፤ በአዋጁ የተቀመጠውን ድንጋጌ አፈጻጸም በተመለከተ ብሔራዊ ባንክ “ቁጥጥር እንደሚያደርግ” አስታውቀዋል። የክሪፕቶ ገንዘብ መጠቀም አሁን ቢከለከልም፤ የኢትዮጵያ ብሔራዊ ባንክ እንደ ሌሎች ሀገራት መሰል ባንኮች “በሂደት ሁኔታዎችን እያየ” እና “ነገሮችን እያገናዘበ” መመሪያ እንዲያወጣ በአዲሱ አዋጁ ኃላፊነት እንደተሰጠውም ለፓርላማ አባላት አስረድተዋል። (ኢትዮጵያ ኢንሳይደር)

@Ethionews433 @Ethionews433

ወላድ እናት አሳፍሮ ወደ አዲስ አባባ ሲጓዝ የነበረ አምቡላንስ ላይ በደረሰ የትራፊክ አደጋ ወላዷን ጨምሮ የሶስት ሰዎች ህይወት አለፈ።

በኦሮሚያ ክልል ሰሜን ሸዋ ዞን ውጫሌ ወረዳ ዱበር ድልድይ ተብሎ በሚጠራው ስፍራ በደረሰ የትራፊክ አደጋ የሦስት ሰዎች ህይወት ማለፉ ተገልጿል።

የውጫሌ ወረዳ ፖሊስ ፅ/ቤት እንዳስታወቀው ሰኞ ታህሳስ 14 ማለዳ 2:30 ላይ ለከፍተኛ ህክምና ወላድ አሳፍሮ ወደ አዲስ አበባ ሲጓዝ የነበረ አምቡላንስ ተሽከርካሪ ከኋላ የነበረ አሽከርካሪ ገጭቶት ከመንገድ በማስወጣት 15 ሜትር ድልድይ ውስጥ በመክተቱ የአምቡላንስ አሽከርካሪውን ጨምሮ የሶስት ሰዎች ህይወት አልፏል፡፡

የውጫሌ ከተማ ሆስፒታል ተሽከርካሪ ለከፍተኛ ህክምና ሪፈር የተባለች ወላድ እናት እና ሁለት አስታማሚዎችን ጭኖ ሲጓዝ በውጫሌ ወረዳ ዱበር ድልድይ ሲደርስ ከጎጃም ወደ አዲስ አበባ ሲጓዝ የነበረ ኤፍ ኤስ አር የጭነት ተሽከርካሪ ከኋላ ገጭቶት ወላዷን ጨምሮ ነው የሶስት ሰዎች ህይወት ያለፈው፡፡

ከአደጋው የተፈው አንድ ግለሰብ በህክምና ላይ የሚገኝ ሲሆን አደጋውን ያደረሰው አሽከርካሪ በቁጥጥር ስር ውሎ ምርመራ ሲደረግበት ፍሬን እንቢ ብሎኝ ነው በማለት ቃሉን መስጠቱንም ነው የውጫሌ ወረዳ ፖሊስ ፅ/ቤት የጠቆመው፡፡

@Ethionews433 @Ethionews433

የ14 ዓመት ታዳጊ በስለት ተወግቶ መገደሉን ተከትሎ አልባንያ ለአንድ ዓመት ቲክቶክን እንደምታግድ ጠቅላይ ሚኒስትሩ ተናገሩ።

ባለፈው ወር ታዳጊው ከተገደለ በኋላ ማኅበራዊ ሚዲያ ልጆች ላይ የሚያሳድረው ጫና ስጋት ፈጥሯል።

ጠቅላይ ሚኒስት ኤዲ ራማ እንዳሉት ቲክቶክ ለአንድ ዓመት ይታገዳል።

ቲክቶክ ከአልባንያ በአፋጣኝ ማብራሪያ እፈልጋለሁ ብሏል።

የ14 ዓመቱን ታዳጊ የገደለው ሰውም ይሁን ታዳጊው ቲክቶክ እንዳላቸው ማረጋገጫ እንዳልተገኘ ቲክቶክ ለቢቢሲ ገልጿል።

በአልባንያ መዲና ቲራና መምህራን፣ ወላጆችና የሥነ ልቦና ባለሙያዎች በተገኙበት ውይይት ጠቅላይ ሚኒስትሩ ቲክቶክ "የሰፈር ወሮበላ ነው" ነው ብለዋል።

"ለአንድ ዓመት ቲክቶክ እናግዳለን። ወላጆች የልጆቻቸውን የትምህርት ዕድገት የሚከታተሉበት አሠራር እንዘረጋለን" ሲሉም አክለዋል።

በደቡባዊ ቲራና ትምህርት ቤት አቅራቢያ በተነሳ ድብድብ ታዳጊው ሲሞት ሌላ ታዳጊ ተጎድቷል።

ፀቡ የተጀመረው ማኅበራዊ ሚዲያ ላይ ነው ተብሏል።[BBC Amharic]

@Ethionews433 @Ethionews433

ዶክተሯ ድመት ....

ቬርሞንት የተሰኘው መቀመጫውን በሀገረ አሜሪካ ያደረገው ግዙፉ ዩንቨርስቲ ለ ማክስ ዶው ለምትባለው ድመት የክብር ዶክትሬት ሰጥቷል።

CLASS OF 2024 የተባለችው ድመት ማክስ የመኖሪያ ቤቷ ከዩንቨርስቲ ግቢው አጠገብ ነው በዛ የተነሳም ከምትኖርበት ቤት ሰዎቹ ለስራ ወጣ ሲሉ እሷም ወደ ግቢ በመግባት ሲያሻት መማሪያ ክላስ እየገባች በመማር ስትፈልግ ደግሞ እንደአስተማሪ በመሆን ደግሞ ካሰኛት ደግሞ ወደ ቢሮ ጎራ እያለች ስታዝናናቸው ድፍን 4 ዓመታትን ሳትሰለች ትቆያለች

ታዲያ ዩንቨርስቲው በአመቱ መጨረሻ ተማሪዎችን ሲያስመርቅ ልክ እንደተማሪዎቹ ሁሉ 4 ዓመት በግቢው ስትመላለስ ለነበረችው ድመት አንቺስ ለምን ይቅርብሽ በማለት የክብር ዶክትሬት ዲግሪን አኑሮላታል።

@Ethionews433 @Ethionews433

በአማራ ክልል ሰሜን ወሎ ዞን ቡግና ወረዳ በተከሰተ ድርቅ እና የምግብ እጥረት ከአምስት ዓመት በታች ያሉ ህፃናትን ጨምሮ 10 ሺህ የሚሆኑ ሰዎች መጎዳታቸውን ወረዳው አስታወቀ።

በክልሉ ባለው ግጭት እና ተፈጥሯዊ ተፅዕኖ ምክንያት ወረዳው ለድርቅ እና የምግብ እጥረት መጋለጡን የቡግና ወረዳ ጤና ጥበቃ ፅ/ቤት ኃላፊ አቶ ገ/መስቀል ዓለሙ ለቢቢሲ ተናግረዋል።

በአማራ ክልል የተነሳው ግጭት አንድ ዓመት ከመንፈቅ ያለፈው ሲሆን ከግጭቱ ባለፈ ወረዳው "ዝናብ አጠር እና በተፈጥሮ የተጎዳ ነው" ያሉት ኃላፊው በተደራራቢ ችግሮች ምክንያት የምግብ እጥረት መከሰቱን አስታውቀዋል።

"ማኅበረሰቡ ምርት ባለማግኘቱ እናቶች ልጆቻቸውን በአግባቡ መግበው የተሻለ የጤና እድገት እንዳይኖራቸው [አድርጓል]" ሲሉ ተፈጥሯዊውን ተጽዕኖ የገለጹት አቶ ገ/መስቀል፤ "ረድኤት ድርጅቶችም ለማኅበረሰቡ አልደረሱለትም" ብለዋል።

በወረዳው ብርኮ ቀበሌ ነዋሪ የሆኑት ወ/ሮ የካባ የአንድ ዓመት ከሦስት ወር መንታ ወንድና ሴት ልጆቻቸው በምግብ እጥረት "ስቃይ" ውስጥ እንደሆኑ ለቢቢሲ ተናግረዋል።

"ምን አግኝተን እንርዳቸው? እስካሁን ድረስ በተቻለን ይዘናቸው ነበር። ከአዲስ ዓመት ወዲህ ግን ምንም ነገር የለም። ተያይዞ ቁልጭልጭ ሆነ እኮ?" ሲሉ ስላሉበት ሁኔታ አስረድተዋል።

"ጡጦ የምልበት ጎን [አቅም] የለኝም። ጡቴን ብቻ ነው ሳጠባቸው የከረምኩት። የጡት ወተት አሁን አነሳቸው፤ እንዴት ይድረሳቸው?. . . የተገኘው ምግብም አልሆናቸው አለ፤ አልስማማቸው አለ።"

ጠላ በመሸጥ ይተዳደሩ ነበሩት ወ/ሮ የካባ ልጆቻቸው ሲታመሙ ስራ እንዳቆሙ ይናገራሉ። ከቤተሰቦቻቸው ያገኙት የነበረውን የምግብ ድጋፍ በማጣታቸው መቸገራቸውንም ያስረዳሉ።[BBC Amharic]

@Ethionews433 @Ethionews433

ሃብታሙ ከሩሃማ ይቅርታ በኋላ ሰለወደፊቱ ከተናገረው

"ማለት የምፈልገው ነገር... ይቅርታዋን ተቀብያለሁ፣ ግን ከዚህ በኋላ ከእርሷ ጋር በአንድ ጎጆ ውስጥ.. በአንድ ጣሪያ ውስጥ መኖር ፍላጎት የለኝም። ምክንያቱም ያሳለፍኩበትን ነገር እኔ ነኝ የማውቀው። ከዚህ በኋላ ምን ይምብጣብኝ የሚለው ደግሞ ሪስኪ (አደገኛ) ነው። ስለዚህ በአንድ ጣራ ስር የመኖር ፍላጎት የለኝም። በፊትም ማንንም ሳላማክር ነው ወደ እሷ ሕይወት የገባሁት፣ ...ሁሉንም ሰው ጥዬ ነው የገባሁት። ስወድቅ ደግሞ ያነሱኝ ቤተሰቦቼና ጓደኞቼ ናቸው። ብዙ ነገር ተብያለሁኝ.. ብዙ ነገር ማለት ነው። ያ ሁሉ ግን ለኔ ምንም አልነበረም። በሰዓቱ ፍቅር ነበረ። በሰዓቱ ከሷ ጋር መሆን ነበር የሚያስደስተኝ። በሰዓቱ እሷን ማዳን ነበር የሚያስፈልገኝ። የቤተሰቦቼን ቃል አንድም እንኳን የሰማሁት ነገር የለም። ገባህ?... አሁን ደግሞ ስወድቅ ያነሱኝ፣ ተስፋ ከመቁረጥ ውስጥ ራሴን ከማጥፋት... ከአንድም ሶስቴ ራሴን ለማጥፋት ስሞክር ያነሱኝ ጓደኞቼና ቤተሰቦቼ ናቸው።...አይደለም?.. ነገስ? እንደዚህ ዓይነት ችግር መፈጠሩን፣ ሲፈጠርስ እንደዚህ ዓይነት ላለመሆኑ ምንድን ነው የኔ መተማመኛ??... በአሁን ሰዓት ውስጤ የሚያስበው ይቅርታ?... ይቅርታ አደርግላታለሁ። ግን አብሬያት እኖራለው የሚለው እኔ አእምሮ ውስጥም ልቤ ውስጥም የለም።"


@Ethionews433 @Ethionews433

የ8 አመት ታዳጊ አግቶ 250ሺ ብር የጠየቀው እጅ ከፍንጅ ተይዞ የተቀጣው ቅጣት

በላይ አርማጭሆ ወረዳ በፎቶው የምትመለከቱት ግለሰብ ከሌሎች 3 ግብረ አበሮቹ ጋር በመሆን የ8 ዓመት ህጻን ያግትና 250 ሺህ ብር ለማስለቀቂያ ይጠይቃል። በመጨረሻም የህጻኑዋ ወላጆች ተደራድረው 100 ሺህ ብር ይዘው ወደ አጋቹ ሄደው ብሩን ያስረክባሉ።

አጋቹ ከታጋች ቤተሰብ የተሰጠውን ብር እየቆጠረ እያለ የላይ በአርማጭሆ ሚሊሻ ከህዝብ በተሰጠው ጥቆማ መሠረት ከብሩና ልጅቱ እጅ ከፍንጅ ተይዞ ወደ ትክል ድንጋይ ከተማ ይወስደዋል።

አጋቹ ያገታትን የ8 ዓመት ህጻን እሽኮኮ አድርጎ ትላንት ታህሳስ 10 ቀን 2017 ዓ ም ከተማዋን እንዲዞር ተደርጓል።

@Ethionews433
@Ethionews433

“ለዩክሬን ጦርነት የተሰጠው 300 ቢሊየን ዶላር በአውሮፓ ተዓምር ይሰራ ነበር” - ቪክቶር ኦርባን

ለጦርነት የዋለው ገንዘብ እና ሀይል ሰላማዊ አማራጮችን ለማፈላለግ መዋሉ ላይ እጠራጠራለሁ ሲሉ ተናግረዋል

        በ2022 የዩክሬን ጦርነት ከተነሳበት ጊዜ አንስቶ አሜሪካ ምዕራባውያን የ310 ቢሊየን ዶላር የገንዘብ እና ወታደራዊ ድጋፍ ማድረጋቸውን የሀንጋሪው ጠቅላይ ሚኒስትር ቪክቶረ ኦርባን ተናግረዋል፡፡

ጠቅላይ ሚኒስትሩ በትላንትናው እለት ከኮሱት ሬድዮ ጋር ባደረጉት ቃለ ምልልስ እንደዚህ ያለ ከፍተኛ ገንዘብ በአውሮፓ ህብረት ውስጥ የሰዎችን ሕይወት ለማሻሻል ቢውል “አስደናቂ ነገር ሊሠራ ይችል ነበር” ብለዋል፡፡ 

ኦርባን በጦርነት ላይ የዋለው በመቶ ቢሊዮን ዶላር የሚቆጠር ገንዘብ የአውሮፓ መሠረተ ልማትን ለማጠናከር፣ የምዕራብ ባልካን ሀገሮችን በአውሮፓ ህብረት ደረጃ ልክ ለማልማት ወይም ወታደራዊ አቅምን ለማጎልበት ጥቅም ላይ ሊውል ይገባ ነበር ሲሉ ተከራክረዋል፡፡

በቃለ መጠይቁ እየተሻሻለ የመጣው ወታደራዊ ሁኔታ ወደ ሩሲያ እያዘነበለ ነው ያሉት ኦርባን፤ ዶናልድ ትራምፕ በሚቀጥለው ወር ወደ ኋይት ሀውስ መመለስ በአሜሪካ የሚያስከትለውን የፖለቲካ እና የፖሊሲ ለውጥ ጠቁመዋል።

ወቅታዊ ሁኔታዎች የህብረቱ መሪዎች በአህጉሩ ውስጥ ደህንነትን እና ኢኮኖሚያዊ መረጋጋትን ለማረጋገጥ የበለጠ ተቀራርበው እንዲሰሩ የሚጠይቁ መሆናቸውን ጠቅላይ ሚኒስትሩ ያምናሉ፡፡

ነገር ግን ህብረቱ ቅድሚያ በሚያስፈልጋቸው ሁኔታዎች ላይ ለማተኮር ፈቃደኛ አይደለም፤ በቅርቡ የአውሮፓ ህብረት ፓርላማ ለኪየቭ ከፍተኛ የገንዘብ ድጋፍ ለማድረግ ያሳለፈው ውሳኔም ይህን የሚያረጋግጥ ነው ብለዋል፡፡

በተጨማሪም ለጦርነት የዋለው ሀይል እና ገንዘብ ድርድርን ለማስፈጸም እና ሰላማዊ አማራጮችን ለመፈለግ መዋሉ ላይ እጠራጠራለሁ ነው ያሉት፡፡ 

በዚህ ወር መጀመሪያ ላይ ኦርባን በዩክሬን እና በሩሲያ መካከል የገና የተኩስ አቁም ስምምነት እንዲደረግ ለመጨረሻ ጊዜ ተቀባይነት ያላገኝ ሀሳብ አቅርበው ነበር፡፡

ዩክሬንን መደገፍ ጦርነቱን ማራዘም ነው የምትለው ሩሲያ ምንም ያህል መጠን ያለው የምዕራባውያን ዕርዳታ ጦሯን የወታደራዊ ዘመቻውን ዓላማ ከማሳካት እንደማያግደው ወይም የግጭቱን የመጨረሻ ውጤት እንደማይለውጥ ደጋግማ አስጠንቅቃለች። 

ይህ በእንዲህ እንዳለ ምዕራባውያን የኔቶ አባላት በዩክሬን እና ሩሲያ መካከል የተኩስ አቁም ስምምነት የሚፈጸም ከሆነ የሰላም አስከባሪ ጦር እንዲሰማራ ጠይቀዋል፡፡

ሀገራቱ ስምምነቱ ተፈጻሚ የሚሆን ከሆነ ሞስኮ ዳግም በዩክሬን ላይ ጦርነት ላለማወጇ እና የስምምነቱን ተፈጻሚነት ለማረጋገጥ ከሀገራት የተውጣጣ ጦር በዩክሬን እንዲሰማራ ጠይቀዋል፡፡[አል አይን]

@Ethionews433 @Ethionews433

በጀርመን በገና ገበያ ውስጥ በመኪና በተፈጸመ ጥቃት የሟቾች ቁጥር መጨመሩ ተገለጸ

በጀርመን ማግደቡርግ ከተማ የገና ገበያ ላይ በደረሰ የመኪና ጥቃት የሟቾች ቁጥር አራት መድረሱን የጀርመኑ ቢልድ ጋዜጣ ዘግቧል፡፡ 

አንድ የሳኡዲ አረብያ ዜግነት ያለው ግለሰብ ህዝብ በተሰበሰበበት የገና ገበያ ውስጥ ጥሶ በመግባት ባደረሰው ጉዳት በፖሊስ ቁጥጥር ስር ውሏል፡፡

በአውሮፓ ግዙፍ ኢኮኖሚ ባለቤት ሀገር በፀጥታ እና በስደተኞች ጉዳይ ከፍተኛ ክርክር እየተካሄደ በሚገኝበት የምርጫ ወቅት የተፈጠረው ጥቃት ለቀኝ ዘመም ፓርቲዎች ሀሳብ መግነን በር ከፍቷል፡፡

ጥቃቱ በደረሰበት ወቅት ሁለት ሰዎች ወዲያው ህይወታቸው ሲያልፍ ከፍተኛ ጉዳት ደርሶባቸው ሆስፒታል የገቡ ተጨማሪ ሁለት ሰዎች ህይወታቸው አልፏል፡፡

የጀርመኑ ቢልድ ጋዜጣ እንደዘገበው 41 ሰዎች ከባድ ጉዳት የደረሰባቸው ሲሆን 86 ሰዎች በሆስፒታል ህክምና እየተደረገላቸው ነው፤ ቀሪ 78 ሰዎች ደግሞ ቀላል ጉዳት አስተናግደዋል፡፡

የሀገሪቱ የጸጥታ ባለስልጣናት ከመኪና ጥቃቱ ጋር በተያያዘ በጀርመን ለሁለት አስርት አመታት የኖረውን የ50 አመት የሳዑዲ አረብያ ዜግነት ያለው ዶክተር ላይ ምርመራ እያከናወኑ ነው፡፡

ግለሰቡ ጥቃቱን በምን ምክንያት እንደፈጸመ እስካሁን የታወቀ ነገር ባይኖርም ፖሊስ ተጨማሪ መረጃዎችን ለማግኘት በግለሰቡ መኖርያ ቤት ላይ ፍተሻ አካሂዷል፡፡

ሮይተርስ ከሳኡዲ አረብያ ምንጮች አገኘሁት ባለው መረጃ መሰረት ግለሰቡ ጥቃቱን ከማድረሱ በፊት በግል ኤክስ (ትዊተር ) ገጹ ላይ “የጽንፈኛ” አመለካካት የሚያንጸባርቅ መልዕክት መለጠፉን ተከትሎ ለጀርመን ባለስልጣናት ሪያድ ማስጠንቀቂያ ሰጥቻለሁ ብላለች፡፡ 

የጀርመኑ መራሄ መንግስት ኦላፍ ሾልዝ በዛሬው ዕለት አደጋው በደረሰበት ስፍራ ጉብኝት ያደርጋሉ የሚጥበቅ ሲሆን፤ በአስቸኳይ ምርጫ መንግስታቸውን እያቀናቀነ የሚገኘው ኤኤፍዲ ፓርቲ በስደተኛ ፖሊሲዎች ዙርያ ጠንካራ ማሻሻያ እንዲደረግ እየጠየቀ ነው፡፡

@Ethionews433 @Ethionews433

አሜሪካ አዲሱን የሶሪያ መሪ ለመያዝ መድባ የነበረውን የ10 ሚሊዮን ዶላር ሽልማት ሰረዘች

አሜሪካ የሶርያውን መሪ አህመድ አል-ሻራ በቁጥጥር ስር ለማዋል ለመያዝ መድባው የነበረውን የ10 ሚሊዮን ዶላር ሽልማት ከከፍተኛ ዲፕሎማቶች እና ከሃያት ታህሪር አል ሻም (ኤችቲኤስ) ተወካዮች ጋር ውይይት ካደረገች በኋላ ነው የሰረዘችው።

ረዳት የውጭ ጉዳይ ሚኒስትር ባርባራ ሌፍ ከሻራ ጋር የተደረገው ውይይት "በጣም ውጤታማ ነበር" ካሉ በኋላ እርሱም "ለመወያየት ዝግጁ" ሆኗል ብለዋል።

የአሜሪካ ልዑካን ቡድን ዋና ከተማዋ ደማስቆ የደረሰው የኤች ቲ ኤስ ታጣቂዎች የበሽር አል አሳድን መንግሥት ከሁለት ሳምንት ባነሰ ጊዜ ውስጥ ካስወገዱ በኋላ ነዉ።

ዋሽንግተን አሁንም አማፂ ቡድኑን በአሸባሪነት እንደ ፈረጀች ነው።

የአሜሪካ የውጭ ጉዳይ ሚኒስቴር ቃል አቀባይ፣ዲፕሎማቶቹ በአሜሪካ የሚደገፍ "የሽግግር መርሆዎች" ላይ፣ ቀጠናዊ ሁኔታዎች እንዲሁም አይኤስን የመዋጋት አስፈላጊነት ላይ መወያየታቸውን አረጋግጠዋል።

ቃል አቀባዩ አክለውም፣ ባለሥልጣናቱ በአሳድ አገዛዝ ዘመን ስለጠፉት አሜሪካውያን ዜጎች፣ በ2012 በደማስቆ የተጠለፈውን ጋዜጠኛ ኦስቲን ቲስ ፣ እና በ2017 የጠፋውን ሳይኮቴራፒስት ማጅድ ካልማዝ በተመለከተ ተጨማሪ መረጃ እንደሚፈልጉ መግለጻቸውን አስታውቀዋል።

ጉብኝቱ ከአስር ዓመታት ወዲህ በደማስቆ ለመጀመሪያ ጊዜ የተደረገ መደበኛ የአሜሪካ ዲፕሎማሲያዊ ጉብኝት ነው።

ይህ ጉብኝት በሶሪያ የአሳድ ከስልጣን መወገድን ተከትሎ የታየ ድንገታዊ ለውጥ ሲሆን፣ አዲስ ስልጣን የሚረከበውን መንግሥት የአረብ አገራት ድጋፍ ተጨምሮበት አሜሪካ እና አውሮፓ ተጽዕኖ ለማሳረፍ የወሰዱት እርምጃ ነው።

መረጃው የኢትዮ ኤፍ ኤም ነው

@Ethionews433 @Ethionews433

ፓኪስታን አሜሪካንን መምታት የሚችል ሚሳኤል እየሰራች ነው ተባለ

የእስያዋ ፓኪስታን የኑክሌር አረር ካላቸው የዓለማችን ሀገራት መካከል አንዷ ስትሆን ሕንድ ደግሞ ዋነኛ የደህንነት ስጋቷ እንደሆነች ስትናገር ይሰማል፡፡

ሁለቱ ሀገራት ሶስት ጊዜ ከባድ ጦርነት ያደረጉ ሲሆን አንዳቸው ሌላቸውን እንደ ዋነኛ የደህንነት ስጋት ምንጭ አድርገውም ይወስዳሉ፡፡

ሁለቱም ሀገራት የኑክሌር አረር የታጠቁ ሲሆን በተለይም ፓኪስታን እስካሁን የረጅም ርቀት ሚሳኤል አልነበራትም፡፡
ፓኪስታን የረጅም ርቀት ሚሳኤል ለመታጠቅ እየሰራች መሆኗን ተከትሎ ከአሜሪካ ጋር ግጭት ውስጥ እንድትገባ አድረጓታል፡፡

@Ethionews433 @Ethionews433

ከሚስቱ ይልቅ ለድመቱ ትኩረት ሰጥቷል የተባለው ባል ክስ ተመሰረተበት....

ባልየው ባህሪውን እንዲያስተካክል በሚስቱ ቢነገረውም አልተስተካከለም ተብሏል

ጉዳዩን ወደ ፍርድ ቤት ይዛ የሄደችው ሚስትም ፍትህ ይሰጠኝ ብላለች

ከሚስቱ ይልቅ ለድመቱ ትኩረት ሰጥቷል የተንባለው ባል ክስ ተመሰረተበት

ድመትን ጨምሮ ብዙ የቤት እንስሳት ከሰዎች ጋር በአንድ ቤት ውስጥ መኖር የተለመደ ሆኗል፡፡

አብራቸው እንድትኖር የተፈቀደላት አንድ ድመት ግን ለትዳር መፍረስ መነሻ ሆናለች ተብሏል፡፡ ነገሩ እንዲህ ነው፡፡ ሕንዳዊኑ ለዓመታት ጎጆ ቀልሰው በትዳር ተጣምረው እየኖሩ ነበር፡፡

አብራቸው እንድትኖር እና እናሳድጋት ያሏት ይህች ድመት ለፍቅራቸው መበላሸት መነሻ የሆነች ሲሆን ምክንያቱ ደግሞ ባልየው ድመቷ እንድትለየው አለመፈለጉ ነው፡፡

ባሏ ከእሷ ይልቅ ለድመቷ ትኩረት ማድረጉ ያበሳጫት ሚስትም ከዚች ድመት ጋር ያለህን ግንኑነት ቀንስ ስትል ስሞታ ታቀርባለች፡፡

ከድመቷ ጋር ማንም አይለየኝም ያለው ባልም የሚስቱን አስተያየት ከመቀበል ይልቅ ተቃውሞ ያሰማል፡፡

በዚህ ምክንያት ወደ አለመግባባት የገቡት ባልና ሚስቶች አላስፈላጊ ቃላት እስከመለዋወጥ እንደደረሱ ኦዲቲ ሴንትራል ዘግቧል፡፡

ጉዳዩ ያላማራት ሚስትም ፍትህ ይሰጠኝ ስትል ወደ ፍርድ አምርታለችም ተብሏል፡፡

ሚስትየዋ ለፍርድ ቤት በጻፈችው ማመልከቻ ላይ ባሌ ከእኔ ይልቅ ድመታችንን አብዝቶ ይንከባከባል ስትል ከሳለች፡፡

ከዚህ በተጨማሪም ድመቷ ለእኔ ጥሩ እይታ የላትም ልቀርባት ስሞክርም በጥፍሮቿ ጉዳት ታደርስብኛለች፣ ባሌ ይህንን ችግር እንዲፈታ ብጠይቀውም ትኩረት አልሰጠም ማለቷ ተገልጿል፡፡

ክስ የቀረበለት ፍርድ ቤቱም በጉዳዩ ዙሪያ እልባት ለመስጠት ተቸግሯል የተባለ ሲሆን ምን አይነት ውሳኔ እንደሚያሳልፍ በጉጉት እየተጠበቀ ይገኛል፡፡[አል አይን]

@Ethionews433 @Ethionews433