Ethiopian Digital Library

" በዚህ ዓመት 150 ሺህ የሚደርሱ የ12ኛ ክፍል ተማሪዎች ፈተናቸውን በበየነ መረብ (ኦንላይን) ይወስዳሉ " - ፕ/ር ብርሃኑ ነጋ።

@Ethiopian_Digital_Library
@Ethiopian_Digital_Library

የ2017 ዓ.ም የ12ኛ ክፍል ሀገር አቀፍ ፈተና ሁሉም ተማሪዎች በተማሩበት ሥርዓተ ትምህርት ይዘት ይዘጋጃል፡፡

የ2017 ዓ.ም ተፈታኝ ተማሪዎች ከ9ኛ - 10ኛ በነባሩ ሥርዓተ ትምህርት፣ ከ11ኛ - 12ኛ ደግሞ በአዲሱ ሥርዓተ ትምህርት የተማሩ ናቸው። ነገር ግን በ2015 ዓ.ም በመላ ሀገሪቱ በናሙናነት በተመረጡ ት/ቤቶች የስርዓተ ትምህርት የሙከራ ትግበራ ላይ የተሳተፉ ት/ቤቶች ላይ የነበሩ ተማሪዎች 10ኛ ከፍልን በአዲሱ ሥርዓተ ትምህርት የተማሩ ናቸው፡፡  በአማራ ክልል በ2016 የትምህርት ዘመን መፈተን ሲገባቸው በጸጥታ ችግር ምክንያት ሳይፈተኑ የቀሩና የ11ኛ ክፍልን በነባሩ ሥርዓተ ትምህርት የተማሩ ት/ቤቶች ላይ የነበሩ ተማሪዎች በ2017 ዓ.ም  የሚፈተኑ አሉ፡፡ በመሆኑም የ2017 ዓ.ም የሁለተኛ ደረጃ መልቀቂያ ፈተና ከላይ የተገለጹትን ሶስቱንም ነባራዊ ሁኔታዎች ከግምት ውስጥ ባስገባ እና ሁሉንም የዘመኑን ተፈታኝ ተማሪዎች በማከለ መንገድ ስታንዳርዱን፣ ደህንነቱንና ሚስጢራዊነቱን ጠብቆ በመዘጋጀት ላይ ይገኛል።

ስለሆነም የፈተና ዝግጅቱ፡-
    1) ከ9ኛ ከፍል ሙሉ በሙሉ ከነባሩ ሥርዓተ ትምህርት፣
    2) ከ10ኛ ክፍል በነባሩና በአዲሱ ሥርዓተ ትምህርት ላይ ተመሳሳይ ይዘቶች፣
    3) ከ11ኛ ከፍል በነባሩና በአዲሱ ሥርዓተ ትምህርት ላይ ተመሳሳይ ይዘቶች፣
    4) ከ12ኛ ከፍል ሙሉ በሙሉ ከአዲሱ ሥርዓተ ትምህርት መሰረት የሚዘጋጅ ይሆናል።

ከላይ የተዘረዘረው የዝግጅት ሂደት በሁሉም የትምህርት ዓይነቶች ላይ እንደተጠበቀ ሆኖ የኢኮኖሚክስ የትምህርት ዓይነት ግን በስርዓተ ትምህርቱ አዲስ የተጀመረ ከመሆኑ ጋር ተያይዞ በ12ኛ ክፍል ይዘት ላይ ብቻ ተመስርቶ የሚዘጋጅ ይሆናል።

በአጠቃላይ ሁሉም ተማሪዎች ከ9ኛ -12ኛ ክፍል በየተማሩበት የሥርዓተ ትምህርት ይዘት ላይ መመስረት ፈተናው እንደሚዘጋጅ አውቀው ተገቢውን ዝግጅት እንዲያደርጉ መልዕክታችንን እናስተላልፋለን።

ስለሆነም ተማሪዎች አስፈላጊውን ዝግጅት እንዲያደርጉ ወላጆች፣ መምህራንና መላው የትምህርት ማህበረሰብ ተገቢውን ድጋፍ እንዲያደርጉ ጥሪያችንን እናስተላልፋለን።
                         
የትምህርት ምዘናና ፈተናዎች አገልግሎት!

@Ethiopian_Digital_Library
@Ethiopian_Digital_Library

#መልካም_ዜና: አሊባባ ከሚቀጥለው ሳምንት ጀምሮ #በኢትዮጵያ_ብር ክፍያ መቀበል እንደሚጀምር አስታወቀ!

አለም አቀፍ የኤሌክትሮኒክስ ግብይት ተቋም የሆነው አሊ ባባ እንደገለፀው ከሚቀጥለው ሳምንት ጀምሮ #በአሊ_ኤክስፕረስ የበርካታ አገራትን ገንዘብ ጥቅም ላይ ያውላል፡፡

ከእነዚህ አገራት መካከል ኢትዮጵያ፣ ናይጄሪያ፤ ግብፅ፣ ኬንያ እና ደቡብ አፍሪካ ይገኙበታል፡፡ የክፍያ መፈፀሚያ ገንዘቦችን ማስፋፋት ያስፈለገው ለአፍሪካ ተጠቃሚዎች በስፋት ተደራሽ ለመሆን በማሰብ እንደሆነ የጠቀሰው አሊ ባባ በተጨማሪም በአለም አቀፍ የክሬዲት ካርዶችና #የውጭ_ምንዛሬ ላይ ያለውን ጥገኝነት ለማስቀረት እንደሆነ አስረድቷል፡፡

የአፍሪካ አገራትን ገንዘብ በግብይቱ ውስጥ ጥቅም ላይ ማዋሉ በአለም አቀፍ የክፍያ ስርአት የተነሳ ለአፍሪካዊያን ትልቅ ማነቆ የሆነውን ችግር ለመቅረፍ ማቀዱንም አስታውቋል፡፡ በዚህም አዳዲስ የአገልግሎቱ ተጠቃሚዎችን እንደሚያገኝ ተስፋ ሰንቋል፡፡

ለዚህ እንዲረዳው በተጠቀሱት አገራት ከሚገኙ የዲጂታል ክፍያ አገልግሎት ሰጪዎች ጋር ጥምረት መፍጠሩን የገለፀው አሊ ባባ ከሚቀጥለው ሳምንት ማለትም #የካቲት_17 ጀምሮ ብርን ጨምሮ የተለያዩ ገንዘቦችን በግብይት ስርአቱ ውስጥ እንደሚያካትት አስታውቋል፡፡

#ለምሳሌ፦ አሊባባ ከቴሌ ብር ጋር ለመስራት ቢስማማ ከአሊ ኤክስፕረስ ላይ ኦንላይን/Online እቃ ለመግዛት ቴሌ ብር ተጠቅሞ መክፈል ይቻላል ማለት ነው!

@Ethiopian_Digital_Library
@Ethiopian_Digital_Library

በ2017 የትምህርት ዘመን ከ50ሺ በላይ ተማሪዎች የ12ኛ ክፍል መልቀቂያ ፈተናን ለመውሰድ ተመዝግበዋል

በአዲስ አበባ በማህበራዊና በተፈጥሮ ሳይንስ የትምህርት መስኮች የ2017 ዓመት 50ሺ 807 ተማሪዎች የ12ኛ ክፍል ፈተና እንደሚወስዱ የአዲስ አበባ ከተማ አስተዳደር ትምህርት ቢሮ አስታውቋል።

በ2017 የትምህርት ዘመን  የ12ኛ ክፍል መልቀቂያ ፈተናን በከተማ አስተዳደሩ በበይነ መረብ ኦን ላይን በውጤታማነት ለመስጠት በሚያስችል ስራ እየተሰራም መሆኑን የቢሮው ምክትል ቢሮ ኃላፊ አቶ ሳምሶን መለሰ ለብስራት ሬድዮ እና ቴሌቪዥን ተናግረዋል።

የ2017 የትምህርት ዘመን የ12ኛ ክፍል መልቀቂያ ፈተና በከተማ አስተዳደሩ በበይነ መረብ በውጤታማነት ለመስጠት እንዲቻል ከወዲሁ የተለያዩ የቅድመ ዝግጅት ተግባራት ለማከናወን እቅድ መዘጋጀቱንና ወደ ስራ መገባቱን አንስተዋል። ፈተናው ኦን ላይን እንደመሰጠቱ ኮምፒውተሮችና እና መሟላት የሚገባቸውን መሰል ግብዓቶች የመለየት ስራ ተጀምሯል።

ለፈተናው አስፈላጊ የሆኑ ግብአቶችን የማዘጋጀት ተግባራት ከወዲሁ በመጀመር ፈተናው በታቀደለት መርሃ ግብር እንዲሰጥ በትኩረት መስራት ይገባል ተብሏል።

@Ethiopian_Digital_Library
@Ethiopian_Digital_Library

በአማራ ክልል ከ02/05/2017 እስከ 10/06/2017 ዓም በ1 ወር ከ በ9 ቀን በሹፌሮች በተሳፋሪወች ላይ የደረሱ ችግሮችን በዝርዝር

👉 29 ሹፌሮች እና ረዳቶች ታግተዋል
👉 6 ሹፌሮች ተገድለዋል
👉 1 ረዳት ተገድሏል
👉 3 ተሳፋሪዋች ተገድለዋል

👉በ02/05/2017 ከደብረ ታቦር ጋሳኝ ባለው የመንገድ ክፍል 5 ቦቴ ሾፌሮች ታግተዋል :;
👉በ 03/05/2017 በሀሙሲት እና ወረታ መሀከል አንድ ካሶኒ ሹፌር ተገድሏል:
👉 በ7/05/2017 ከመተማ ጎንደር በመጓዝ ላይ ባለበት ሂደት አውላላ አካባቢ በሽፍቶች በተተኮሰ ጥይት ሹፌሩ እና የ2 ተሳፋሪዎች ህይወት አልፏል::
👉በ 09/05/2017 ከ አጣዬ ወደ ማጀቴ ሽንኩርት ለመጫን እየሄደ በዘራፊወች ተገድሏል::
👉 በ12/05/2017 በሀሙሲት እና በወረታ መሀከል ጉማራ አካባቢ 2 የቦቴ ሾፌሮች ታግተዋል : :
👉በ12/05/2017 ከፍልቅልቅ እና ደጀን መሀከል ኩራር አካባቢ ሹፌር ታግቷል
👉 በ13/05/2017 መሽንቲ ከተማ አካባቢ 2 ሾፌሮች ታግተዋል መኪኖች አንዱ ሰሊጥ አንዱ በቆሎ የጫኑ ሲሆን መኪኖች በሌላ ሾፌር ተነድተው የት እንደተወሰዱ አልታወቀም::
👉በ13/05/2017 ከሳንጃ እና ሙሴባምብ መሀል አንድ የህዝብ ተሽከርካሪ ሾፌሩን እና ረዳቱን አፍነው ወስደዋል ::
👉 በ013 /05/2017 በሳንጃ እና አሸሬ ማህከል ከአሸሬ ወጣ ብሎ አንድ የካሶኔ ሾፌሩን በጥይት መተውታል ሆስፒታል ገብቷል::
👉በ14/05/2017 ከሳንጃ እና ፈንድቃ መሀከል አንድ የቤት መኪና ይዞ እየተጓዘ የነበረን ነጋዴ በጥይት ተገድሏል::
👉 በ15/05/2017 በሳንጃ እና በሙሴባምብ መሀከል 1 FSR ሾፌር ታግቷል
👉 በ 19/05/2017 አዳርቃይ ከተማ መግቢያ ላይ ልዩ ስሙ እንዞ ተብሎ ከሚጠራው ቦታ 2 ካሶኒ የ2 Fsr ሹፌሮቹ እና ረዳቶቹ ታግተው ተወስደዋ ::
👉 በ19/05/2017 ዘይት ጭኖ ከባህር ዳር ወደ ጎንደት እየተጓዘ የነበረ አይሱዙ መኪና ከባህር ዳር ወጣ ብሎ ጎምባት አካባቢ ሹፌር እና ረዳቱን በማፈን መኪናውን ባህር ዳር ወስደው ጭነቱን አራግፈው አቁመውት ሄደዋል ::
👉 በ22 /05/2017 አባይ በርሀ ከድልድዩ ወደ ደጀን ባለው የመንገድ ክፍል ኩራር ዝቅ ብሎ ገልባጭ ሊሳን አስቁመው ሹፌሩ እሮጦ አመለጠ አብሮት የነበረውን ጓደኛውን አግተው ይዘውት ሄደዋል ::
👉27/05/2017 ከሶሮቃ እርጎየ ባለው የመንገድ ክፍል አንድ ሹፌር በዘራፊዎች ታፍኖ ሲወሰድ አንድ ተሳቢ በጥይት ሳልባቲዮው ተመቶ ሊያመልጥ ችሏል::
👉28/05/2017 ከጎንደር ደባርቅ ባለው የመንገድ ክፍል በወቅን እና በገደብየ መሀከል 2 የቦቴ ሾፌሮች ታፍነው ተወስደዋል ::
👉 29/05/2017 የህዝብ ማመላለሻ ሚኒባስ ሹፌር ሙሤባንብ እና ኩርቢ መካከል አግተው ወስደውታል
👉 በ 30/05/2017 ጎንደር -ደባርቅ መስመር ገደብየ አካባቢ የህዝብ መኪና አባዱላ ሹፌሩን አፍነው ወስደዋል::
👉 በ01/06/2017 በደብረ ታቦር እና ወረታ መሀከል በምትገኘው ወጂ ከተማ 1 አሽከርካሪ ሲገደል ረዳቱ ቆስሎ ባህር ዳር ፈለገ ህይወት ሆስፒታል ህክምና ላይ ገብቷል::
👉 በ06/06/2017 አሸሬ ከተማ ተገንጥሎ ዶጋው /ጭርክኝ/ የሚባል አካባቢ አንድ ሹፌር ታግቷል::
👉በ 05/06/2017 ከጎንደር እና መተማ መሀከል አውላላ በመባል የሚጠራ አካባቢ ላይ ከእነ ረዳቱ ተገድሏል ::
👉 በ07/06/2017 በሳንጃ እና አሸሬ መሀከል ፍልውሀ አካባቢ የህዝብ ተሽከርካሪ ለማገት ሲሞክሩ መኪናው ሊያመልጥ ሲሞክር አጋችች ጥይት በመተኮስ የአንድ ተሳፉሪን ህይወት አትጥፍተዋል ::
👉 በ10/06/2017 ከአዲስ ዘመን እንፍራዝ ሰብአ አካባቢ 2 ረዳት አንድ ሹፌር አግተው ወስደዋል ::

የሾፌሮች አንደበት

@Ethiopian_Digital_Library
@Ethiopian_Digital_Library

በሰሜን ጎጃም ዞን ህጻን ያዘሉ ሴት አስተማሪዎችን ጨምሮ 13 መምህራን “በፋኖ ታጣቂዎች” መታገታቸውን ቤተሰቦቻቸው ተናገሩ

በአማራ ክልል ሰሜን ጎጃም ዞን ጎንጂ ቆላላ ወረዳ ኮሬ ጣንክሪ ቀበሌ በሚገኝ ኮሬ አንደኛ ደረጃ ት/ቤት በማስተማር ላይ የነበሩ 13 መምህራን “በፋኖ ታጣቂዎች” ረቡዕ የካቲት 5 ቀን 2017 ዓ.ም ታግተው መወሰዳቸውን የታጋች ቤተሰቦች ለአዲስ ስታንዳርድ ገለጹ። ለደህንነታቸው በመስጋት ስማቸውን እንዳንጠቅስ የጠየቁ አንድ የታጋች ቤተሰብ ልጆቻቸውን የያዙትን ጨምሮ 8 ሴት እና 5 ወንድ በአጠቃላይ 13 መምህራን የካቲት አምስት ቀን ከጠዋቱ 2:20 አከባቢ “በባጃጅ በመጡ ታጣቂዎች” መወሰዳቸውን ለአዲስ ስታንዳርድ ገልጸዋል።

ቀደም ብሎ በአከባቢው በሚንቀሳቀሱት “የፋኖ ታጣቂዎች” ት/ቤቶች እንዳይከፈቱ መመሪያ አስተላልፈው እንደነበር ያስታወሱት ነዋሪው በመንግሥት በኩል ደግሞ መምህራንም ት/ቤት እንዲገኙና የመማር ማስተማር ሂደቱ እንዲቀጥል ካልሆነ ግን የወር ደመወዛቸው እንደማይከፈላቸው በመገለጹ ምክንያት መምህራኑ ከጥር 12 ቀን 2017 ዓ.ም ጀምሮ በት/ቤቶቹ መገኘታቸውን ጠቁመዋል።

“መምህራን ካልሰራችሁ አይከፈላችሁም ተብለው ጥር 12 ወደ ት/ቤት ተመልሰዋል። እነሱም ለማስተማር ሳይሆን ዝምብለው እየፈረሙ ነበር የሚወጡት። ጥር 20 ጀምሮ ግን ክፍል ገብታችሁ ማስተማር አለባችሁ ተብለው ከአንዲት መምህርት ውጭ እና የጥር ወር ሙሉ ደመወዝ የተከፈለው መምህርት የለም። ሌሎች መምህራን ፈርመው ብቻ ሲወጡ ስለነበረ ከግማሽ በታች የወረደ ደመወዝ ተከፈላቸው። ከዛ ስጋት ቢኖርም ከየካቲት ወር ጀምሮ ክፍል እንግባ ብለው ተማክረው ገቡ” ብለዋል።

መምህራኑ በዚህ ሁኔታ ውስጥ ሆነው የመማር ማስተማር ሂደቱ በቀጠለበት ሁኔታ ረቡዕ ማለዳ ላይ ታጣቂዎች መምህራኑን አግተው መውሰዳቸውን የታጋች ቤተሰቡ ተናግረዋል። አክለውም ታጣቂዎቹ “ስርዓቱን ተቃውመን እየታገልን እናንተ ለምን ታስተምራላችሁ” በሚል በነፍስ ወከፍ እያንዳንዳቸው ሀምሳ ሺህ ብር ቅጣት እንዲከፍሉ ካልሆነ ግን እንደማይለቀቁ አስጠንቅቀዋል ብለዋል።

“እነሱን (ታጋቾችን) ፍለጋ በርሃ ድረስ ተንከራተናል። ልናገኛቸው አልቻልንም። የሚገርምው ከታገቱት ውስጥ የሁለት ዓመት እና ዓመት ያልሞላው ህጻን ያዘሉ አሉ። እንግዲህ ከነልጆቻቸው ማንገላታት ማለት ምን ማለት ነው? እንዳጠቃላይ አስተምሩ ከተባለ ምንድን ነው ማስተማር ክፋቱ?” ያሉት እኚሁ ግለሰብ አያይዘውም ምንም “የፖለቲካ ፍላጎት የሌለው ባለሙያ ምን ያድርግ? ሙያተኛ አድርግ ከተባለ ያደርጋል ተው ከተባለ ይተዋል በቃ ፈጻሚ እንጂ አስፈጻሚ አይደለም።” ሲሉ ገልጸዋል።

አሁን ላይ በወረዳው ከሚገኙ ከ64 በላይ ት/ቤቶች መካከል ሁለቱ ማለትም ጎንጂ እና ኮሬ አንደኛ ደረጃ ት/ቤቶች ብቻ መከፈታቸውን ገልፀው “ታሪክ ነው የምታየው። አዲስ ነገር ነው የሆነብን። ለማን እንደምንጮህ ግራ ገብቶን ከባድ ጊዜ ለማሳለፍ ተገደናል።” ሲሉ በምሬት ተናግረዋል።

በተጨማሪም በአሁኑ ሰዓት ከአንድ ቀበሌ በስተቀረ አከባቢው ሙሉ ለሙሉ በሚባል ደረጃ በ”ፋኖ ታጣቂዎች ቁጥጥር ስር” መሆኑን አመልክተዋል። ሌላኛው ስማቸው እንዳይጠቀስ የጠየቁ እና ታግተው ከተወሰዱ መምህራን ውስጥ ልጃቸው እንደምትገኝ የገለጹ አንድ የታጋች ወላጅ አባት በበኩላቸው በልጃቸው መወሰድ ለከፍተኛ ስጋት እና ሃዘን መዳረጋቸውን ለአዲስ ስታንዳርድ ገልጸዋል።

ልጃቸው እርሳቸው በሚኖሩበት በምስራቅ ጎጃም ዞን ሰዴ ወረዳ ሙጃ ቀበሌ ከርማ እንደነበረ የገለጹት እኚሁ አባት ትምህርት አስተምሩ መባሉን ተከትሎ አንድ ልጇን አዝላ ወደ ጎንጂ ቆለላ ወረዳ በሚገኘው ኮሬ አንደኛ ደረጃ ት/ቤት መሄዷን ተናግረዋል።

ይሁን እንጂ ልጃቸው በዛው ዕለት ማለትም ረቡዕ የካቲት 5 ቀን 2017 ዓ.ም መታገቷንና ይህንንም በእጅ ስልካቸው ተደውሎ እንደተነገራቸው ገልጸዋል። አክለውም ለማስለቀቂያ 50ሺህ ብር እንደተጠየቁ ገልጸው “እኔ እንኳን 50 ሺህ አምስት ብር የለኝም” ሲሉ ለአዲስ ስታንዳርድ ተናግረዋል።

“ልጄ ድምጿ ናፍቆኛል። ትጦረኛለች ያልኳትን ልጄን ነው የወሰዱብኝ። ሳትሰራ እንዴት ራሷን ታስተዳድራለች? የምትደጉመኝ የምትረዳኝ እያሰበች በርበሬውን ሽሮውን አዘጋጅታ የምመገብ በሷ ላይ ነበረ። ምን ላድርጋት እኔ ጉልበት የለኝ አልደርስላት ነገር።” ያሉት እኚሁ የታጋች ወላጅ አባት አክለውም” ዘንድሮ አቅቶናል። ሁሉም በፍርሃት ውስጥ ነው ያለው። የሚሰማን ነው ያጣነው።” ሲሉ ስለሁኔታው አብራርተዋል።

የአማራ ክልል ምክር ቤት በሰሞኑ ጉባኤው ላይ ትምህርት ላይ ያለው ችግር ከፍ ያለ እንደኾነ ገልጿል። ለዚህም እንደ ማሳያ በ2017 የትምህርት ዘመን 3 ሺህ 736 ትምህርት ቤቶች በክልሉ አለመከፈታቸውን ገልጿል። በተጨማሪም ከ30 ሺህ በላይ መምህራን እና የትምህርት ቤት መሪዎች ወደ ትምህርት ቤታቸው ተገኝተው የመማር ማስተማር ሥራ ማከናወን አልቻሉም ብሏል፡፡ ይህም የክልሉን የትምህርት ተሳትፎ አፈጻጸም 40 መቶ እንዲኾን አድርጎታል ሲል ገልጾ ክልሉ ከሌሎች ክልሎች ጋር ያለውን ተወዳዳሪነት ጥያቄ ውስጥ ጥሏል ሲል ገልጿል።

በአማራ ክልል በመንግሥት የጸጥታ አካላት እና በፋኖ ታጣቂዎች መካከል በመካሄድ ላይ ያለውን ግጭት ተከትሎ በክልሉ በሚገኙ መምህራን ላይ እየደረሱ ስላሉ እንግልቶች በተደጋጋሚ መዘገባችን ይታወሳል።

ለአብነትም በክልሉ ምስራቅ ጎጃም ዞን ስናን ወረዳ ረቡዕ ገበያ ከተማ ሁለት መምህራን መስከረም 8 ቀን 2017 ዓ.ም “በታጠቁ ኃይሎች በአሰቃቂ ሁኔታ መገደላቸውን” የዞኑ አስተዳደር ማስታወቁን አዲስ ስታንዳርድ ዘግቧል። በወቅቱ የምስራቅ ጎጃም ዞን አስተዳደር ባወጣው የሃዘን መግለጫ፤ ግድያ የተፈጸመባቸዉ መምህራን በረቡ ገበያ አጠቃላይ 2ኛ ደረጃ ት/ቤት በመምህርነት ሙያ ሲያገለግሉ የነበሩት መ/ር ጌታ እንዳለ አንማው እና መ/ር አትንኩት ሁነኛው ናቸዉ ብሏል።

በተጨማሪም “በታጠቁ ኃይሎች መምህራኑ በአሰቃቂ ሁኔታ ግድያ የፈጸሙባቸዉ በ2017 ዓ.ም የትምህርት ዘመን የመማር ማስተማር እንቅስቃሴ አድርጋችኋል፤ ትምህርት ቤት ቅጥር ግቢ ዉስጥ ለምን ትገባላችሁ? ወዘተ… በሚል ነዉ” ሲል አስተዳደሩ ገልጿል።

መረጃው የአዲስ ስታንዳርድ ነው

@Ethiopian_Digital_Library
@Ethiopian_Digital_Library

የ500 ብር ከጅምላ አከፋፋይ አምጥቶ በ2700 ብር የሚሸጥ ነጋዴም አለ። ዘይገረም ነው ።

@Ethiopian_Digital_Library
@Ethiopian_Digital_Library

የዛሬ ስንት ዓመት እንደሆነ ባላስታውስም የአፍሪካ ኅብረት ዓመታዊ ''ስብሰባ'' ሰሞን የ_______ ኮሙኒቲ ሰልፍ በመውጣት ''ድምጽ ለማሰማት'' ጥረት አድርገው ነበር።

በወቅቱ የኢት. ኦርቶዶክስ ተ/ቤ/ክ ፓትርያርክ የነበሩት ብጹዕ ወ ቅዱስ አቡነ ጳውሎስ (ፓትርያርክ ርዕሰ ሊቀነጳጳሳት ዘኢትዮጵያ ወ እጨጌ ዘ መንበረ ተ/ኃይማኖት ሊቀ-ጳጳሳት ዘአክሱም የዓለም አብያተ-ክርስትያናት ፕሬዝዳንት) ከፍተኛ ጥረት እንዲሁም በመንግሥት ድጋፍ እንዲከሽፍ ተደረገ።

ከዚያም በኋላ በተሠሩ ሥራዎች ቢያንስ በአደባባይ እንዳያንሰራራ ሆኖ ነበር።

ብዙ ነገር የልምምድ ውጤት ነው። በ ''ሰለጠኑት'' ሀገራት የጾታ ውዝግብ እና የወ*ሲብ ዝንባሌ ('Sexual Orientation') ዝብርቅርቅ እንዲሁ በአንድ ጀንበር የመጣ አይደለም። በግልጽና በስውር ብዙ ''ለፍተውበት'' እና አለማምደው ነው እዚህ ያደረሱት።

እንደ ሀገር ከተለያየ አቅጣጫ የሚደርስብን ጫና (በተለይ በእርዳታ ስም) እንዳለ ሆኖ አሁን አሁን በጣም የሚያሳስበው መረን በወጣ ንግግራቸው ወይም የፌስቡክ ልጥፋቸው ከፍተኛ አድናቆት እየተቸሩ የሚገኙ ኢትዮጵያውያን ዋ*ልጌ ሴቶች እየተበራከቱ መምጣታቸው ነው።

አብዛኞቹ ኢትዮጵያ እንደማይኖሩ ልብ ይባል። እነዚህን ሴቶች ፕሮፋይላቸውን ስትመረምሩ almost ሁሉም 30ዎቹን የተሻገሩ፣ ልጅ የሌላቸው ወይም ትዳር ያልመሠረቱ ሆነው ታገኟቸዋላችሁ። ከስር የሚያሸበሽቡት/የሚያዳንቁት አብዛኞቹ ደሞ ትዳር የመሠረቱ እና ልጆች ያሏቸው ''አባ ወራዎች'' ናቸው።

ዛሬ መቃወምና መግራት ተስኖህ ስታለ'ቀልቅ እና ስታለማምድ ባጅተህ ነገ ልጅህ ከሴትም ከወንድም ጋር ሲ*ዳራ ወይም ሴቷ ልጅህ ከዚህም የከፋ ነገር ውስጥ ስታገኛት ብዙም እንዳትደነግጥ! አንተ አባትየው በልምምዱ ውስጥ የራስህን ''አሻራ'' ያኖርክ መሆንህን እንዳትረሳው!

Hawlet Ahmed

@Ethiopian_Digital_Library
@Ethiopian_Digital_Library