FastMereja.com

🙏 ቃና ዘገሊላ 🙏

#የሚላችሁን ሁሉ አድርጉ

ወርሀ ጥር የሙሽርነት፣ ጎጆ የመውጫ ዘመን ነው፡፡ በቅድስት ቤተ ክርስቲያናችንም ዘመነ መርዓዊ በመባል ከሚጠሩ ወቅቶች አንዱ ነው፡፡ ጌታችን አምላካችን መድኃኒታችን ኢየሱስ ክርስቶስም በገሊላ ቃና ሰርግ የታደመበት በዮሐንስ ወንጌል ምዕራፍ 2 የሚገኘው ታሪክ በዚህ ቀን ይነገራል፡፡ በርካቶች የሚስቱበት በርካቶችም ለሕይወት የሚያደርጉት ይህ የመጽሐፍ ቅዱስ ክፍል የቅድስት ድንግል ማርያም አማላጅነት የታየበት፣ ንፁህ ውሃ ወደ ግሩም ወይን ጠጅ የተለወጠበት፣ ጌታችንም የመጀመሪያውን ተዓምራት ያሳየበት ነው፡፡ ከቅዱሳን ሐዋርያትና ከእናቱ ጋር በገሊላ ቃና ሰርግ የታደመው ኢየሱስ ክርስቶስ የወይን ጠጅ እንዳለቀ የተነገረው ከእናቱ ከቅድስት ድንግል ማርያም ነበር፡፡

“እርሱም አንቺ ሴት፥ ከአንቺ ጋር ምን አለኝ? ጊዜዬ ገና አልደረሰም አላት፡፡ እናቱም ለአገልጋዮቹ። የሚላችሁን ሁሉ አድርጉ አለቻቸው። አይሁድም እንደሚያደርጉት የማንጻት ልማድ ስድስት የድንጋይ ጋኖች በዚያ ተቀምጠው ነበር፥ እያንዳንዳቸውም ሁለት ወይም ሦስት እንስራ ይይዙ ነበር። ኢየሱስም ጋኖቹን ውኃ ሙሉአቸው አላቸው። እስከ አፋቸውም ሙሉአቸው አላቸው። እስከ አፋቸውም ሞሉአቸው። አሁን ቀድታችሁ ለአሳዳሪው ስጡት አላቸው፤ ሰጡትም። አሳዳሪውም የወይን ጠጅ የሆነውን ውሃ በቀመሰ ጊዜ ከወዴት እንደ መጣ አላወቀም፤ ውኃውን የቀዱት አገልጋዮች ግን ያውቁ ነበር፤ አሳዳሪው ሙሽራውን ጠርቶ" ሰው ሁሉ አስቀድሞ መልካሙን የወይን ጠጅ ያቀርባል፥ ከሰከሩም በኋላ መናኛውን፤ አንተስ መልካሙን የወይን ጠጅ እስከ አሁን አቆይተሃል አለው። ኢየሱስ ይህን የምልክቶች መጀመሪያ በገሊላ ቃና አደረገ፤ ክብሩንም ገለጠ፥ ደቀ መዛሙርቱም በእርሱ አመኑ።”

ይህ “ከቁጥር 4–11” የሰፈረ ቃል የቅድስት ድንግል ማርያምን ምልጃ፣ በጎደለው ሁሉ የምታስጨምር እደሆነች ያሳያል፡፡ የዘመናችን ስሁታን “አንቺ ሴት ካንቺ ጋር ምን አለኝ?” ስላላት ክብር ይግባትና በውርደት ቃል እንደጠራት ይገልጻሉ፡፡ ይህ ግን በእስራኤላውያን ልማድ የሆነ አነጋገር ነው፡፡ “ጥያቄሽን እንዳልፈጽም የሚያደርግ ካንቺ ጋር ምን ጸብ አለኝ?” የሚል ትርጓሜም ይይዛል፡፡ ይህን ካላት በኋላ መግባባታቸውን የሚያሳየን ደግሞ “እናቱም ለአገልጋዮቹ። የሚላችሁን ሁሉ አድርጉ አለቻቸው።” የሚለው ቃል ነው፡፡ የሰጣት ምላሽ በጎ ባይሆን ይህን ትዕዛዝ ለአገልጋዮቹ አታስተላልፍም ነበር፡፡ ከሠላሳ ዘመን በላይ አብራው የኞረችው እናቱ ናትና ንግግሩ የሚገባት ሀሳቧን የሚቀበል ነው፡፡ በዚያውስ ላይ እናትና አባትሕን አክብር ብሎ ትዕዛዝ የሰጠ አምላክ እንዴት እናቱን ዝቅ አድርጎ ተናገራት ልንል እንችላለን?

“ድንቅ ወይን ጠጅ ከንጹህ ውሃ ተገኘ፣ የሰርግ ቤቱም በደስታ ተሞላ፣ ኢየሱስ ይህን የምልክቶች መጀመሪያ በገሊላ ቃና አደረገ፤ ክብሩንም ገለጠ፥ ደቀ መዛሙርቱም በእርሱ አመኑ።” ስንል የሕይወታችንን ውሃ ንጽሕና እየጠየቅን ሊሆን ይገባል፡፡ በአባቶች ጸሎት በገዳማውያኑ ምልጃ ወደ መልካሙ ወይን ለመለወጥ በበጎ ምግባር እንሳተፍ፣ የሚለንን ሁሉ እናድርግ፡፡    
 
ድጋፍ ለማድረግ:- ሙትአንሳ  ማር  ቅዱሰ ሚካኤል አንድነት  ገዳም


ኢትዮጲያ ንግድ ባንክ
1000442598391

ወይም

አቢሲኒያ ባንክ
141029444


የገዳሙ ስልክ ቁጥር:-0918077957 ወይም 0938644444

ይድረስ ለድምፃዊ ያሬድ ነጉ (ዳታን አልበም)
(ተመስገን ኡካሬ የሐጌ ልጅ)

አልበሙ ከወጣ ቀን ጀምሮ እያንዳንዱን የሙዚቃ ክር በጥልቀት ለመስማት ሞክሬያለሁ ዳታን ማለት "ጥሩ እንጀራ የሚቀርብበት ትሪ ነው" ብሏል፡፡ በዛ ትሪ ላይ ምንን ይመግበን ይሁን? ለሶስት አመት የተለፋበት መሆኑ ሲጠቁም በብዙ አዳዲስ ጉዳዮች የመጣ እንደሆነ ያሳብቃል፡፡ ለምሳሌ ለመጥቀስ ያህል በሙዚቃ (ዠነር)(የሙዚቃ ዘውግ) ፣ የታሪክ ነጋሪ(ሂስቶሪ ቴሌር) ፣ የግጥም ሐሳብ ፣ የአዘፋፈን ስልት በተለየ መልኩ ልንስማ እንደምችል ይጠቁማል፡፡

አልበሙን ገና የሙዚቃ ቀማሪዎችን ብዛት ፣ የግጥም ና ዜማ ብዛት ስመለከት አልበሙን ሳልሰማው አንድ የገመትኩት ነገር ነበር፡፡የተለያዩ የሙዚቃ ጣዕም(ቫራይቲ) ፣ የሙዚቃ ቀለም(ከለር) ፣ የሀገር ቅኝትን እና የመሳሰሉት በያሬድ በኩል ትኩስ የሙዚቃ አቅም እና ጉልበት የምናይበት ይመስለኛል ብዬ ገምቼ አልበሙ ሲወጣ ይንን ነው ተመለከትኩት፡፡ በጥቂቱ አልበሙን እንመልከት

* አባይ(ትዝታ ማይነር) ወደ ኃላ የታሪክ ማሕደርን እያጣቀሰ እየተጎዘ ከ አሁኑ ትውልድ ጋር እያጋመደ ለዘመናት የሚፈሰውን ወንዘ ዥረትን አባይ ከሐገር ጋር አዋህዶ በቁጭት ፣ በህመም፣ በተስፋ፣በጥያቄ፣ በትዝታ ንዳድ፣ በጠበቀ ብዕር በእርቅ መልዕቅ ጥሎ ንፁ የሰው ዘር ሲያጠምድ ያስመለክተናል፡፡

ወደ ፈርኦን…ሀያል አባይ…ዘመናት ሲጓዝ
አዝሎት ነበረ…ሀያል አባይ…ወንዜን እንደጓዝ
የዛ ማዶ ሰው…ሀያል አባይ…ከውሀው ላይ
ዐይኑን ከጣለ…ሀያል አባይ…መልኬን ነው የሚያይ
----------------------------------------------------
ሙሉ ዘፍጥረት ምንጩ ሰከላ
ደሜ አይደለም ወይ ያ የአባይ ገላ…

ግጥም፡ ወንደሰን ይሁብ እና ሃ/ማርያም መንግስቴ ዜማ፡ኤልያስ ግዛቸው ቅንብር ስማገኘሁ ሳሙኤል ግዛቸው

*እነክሽ ነካ (EDM ኤሌክትሮኒክስ ዳንስ ሚውዚክ) በሁለት ሰዎች የተሰራ የቅንብሎሽ ሙዚቃ ነው፡፡ እንዲህ አይነት ሙዚቃዎች ነፃነት ይሰጣሉ የከሜሴን የሙዚቃ ምት እና የደሴን የሙዚቃ ምት ሙዚቃ የራስ የሙዚቃ ጣዕም ለማጣፈጥ መንገዱ ምቹ ናቸው፡፡  ዘመናዊ ባህላዊ ጋር ቀይጦ ማቅረብ ብቻ ሳይሆን የተለየ ቅመም መጨመሩን ያየሁበት ነው፡፡ ወሎ፣ ደሴ ፣ ከሚሴን ስለ አንዲት ልጅ በውበትዋ እና በፀባይዋ የተረታው በተለመዱ በጨዋ ቋንቋ ሲገልፅ ያሳየናል፡፡

እንደ ጀግና ጎበዝ ፈረሰኛ
ወታ ትግባ ከነ ብር አምቧራ
-------------------------
ብርቅ ነው ስሟ ለካ ደሴ
መገን አለ ልቤ ጉድ ነው ብቀር ከከሚሴ

ግጥም፡ መዓልቲ ኪሮስ ዜማ፡ጊልዶ ካሳ እና ያሬድ ነጉ ቅንብር ሀይፐር ዋሽንት፡ ይበልጣል ትህዛዙ

*እህት 'ዓለሜ(ፈንክ) ያሬድ ነጉ የሙዚቃ አጨዋወቱ ከወትሮ የተለየ አቀራረብ በዚህ ሙዚቃ እንመለከታለን (ፈንክ) የሆኑ ሙዚቃ በብዛት አንሰማም፡፡ የግጥም ጅምሮ እና መዳረሻ ተስፋን፣ አለመሸነፍን፣ መንቃትን አንድ ሰው ተስፋ በቆረጡበት ሰዓት አይሆኑ ቦታ ሲገኙ እኔ አለሁ የሚል አፅናኝ ሰው ያስፈልጋል መሸሸግያው አንዱ ሙዚቃ ነው፡፡

ቢቸግረው ደጅሽን
እንዳትሰጪው እጅሽን
---------------------------
አለሜ እህት' አለሜ
የወንድም ጨዋታ አለኝ ዛሬ
ግጥም ፍሬዘር አበበወርቅ እና ዮሐና አሸናፊ ዜማ ዮሐና አሸናፍ ቅንብር ፋኑ-ጊዳቦ

አልበሙ ሀገርኛ ቴስት(ጣዕም) በሐሳብ ደረጃ በብዙ ተከሽነዋል በኦሮምኛ ፣በትግርኛ እና በጉራግኛ ሙዚቃዎችን ተዋዝቶ ተጫውቷል፡፡ የሙዚቃ ከያኒዎቹ በግጥም ና ዜማ ወንደሰን ይሁብ፣ፍሬዘር አበበ ወርቅ፣እዮቤል ብርሀኑ፣ሃ/ማርያም መንግስቴ፣ጃሉድ አወል፣ሙላለም ታከለ፣ሄኖክ ክብሩ፣መልቲኪሮስ፣ፈለቀ ማሩ፣ፋኑ ጊዳቦ፣ፀጋው ተክሉ፣ኤልያስ ግዛቸው፣ዮሀና አሸናፊ በቅንብር ሚካኤል ሀይሉ(ሚኪ ጃኖ) ፣ስማገኘሁ ሳሙኤል ፣ፋኑ ጊዳቦ፣ ጊልዶ ካሳ፣ሱራፌል የሺህ ጥላ ፣ሃይፐር ሚክስ ይትባረክ ክፍሌ፣ማስተሪንግ ኪሩቤል ተስፋዬ እነዚህ አልበሙን ኩለው ያሬድን ሌላ ቀለም የሰጡት ናቸው፡፡

እናመሰግናችኃለን የሙዚቃ ዘጋቢ ተመስገን ኡካሬ የሐጌ ልጅ

#ከ5530 ዘመን በኋላ የተደመሰሰው የዕዳ ደብዳቤ

ዮርዳኖስ ቃሉ ያርዴን ከሚለዉ የእብራይስጥ ቃል የተወሰደ ሲሆን ትርጓሜውም “ወራዲ፣ የሚወርድ፣ ወራጅ ወንዝ” ማለት ነው፡፡ በብሉይ ኪዳን 175 እንዲሁም በሐዲስ ኪዳን 15 ጊዜ በመጽሐፍ ቅዱስ ስሙ የተጠቀሰ ቅዱስ ስፍራ ነዉ፡፡ ዮርዳኖስ ወንዝ ከሶርያ ምድር፣ ከሄርሞን ወይም በግእዙ አርሞንኤም፣ በአማርኛዉ ጎላን ከሚባለው (እስራኤል በኃይል የተቆጣጠረችው ንብረትነቱ ግን የሶሪያ የሆነ) ተራራ ሰሜናዊ ክፍል ተነስቶ ወደ ደቡብ የሚፈስ ነው፡፡ ሶርያን፣ ጆርዳን ወይም ዮርዳኖስ የምትባለውን ሀገር፣ የፍልስጤም አስተዳደርና እስራኤልን በማዋሰን በአማካይ ከ314 እስከ 320 ኪ.ሜ ተጉዞ ሙት ባህርን የሚቀላቀል የእስራኤል ትልቁ ወንዝ ነው፡፡

ይህ ወንዝ አዳኝና ፈዋሽም ነዉ የሶርያዉ ሰዉ ንዕማን በለምጽ ሲሰቃይ ነቢዩ ቅዱስ ኤልሳዕ እንዲፈውሰው ወደ እስራኤል መጣ፡፡ ነቢዩም በዮርዳኖስ ወንዝ ሦስት ጊዜ ብቅ ጥልቅ እንዲል ነግሮት፣ መጀመሪያ ቢያንገራግርም ኋላ ግን ይህን ሲፈጽም ከለምጹ ድኗል፡፡ ጻድቁ ኢዮብ በደዌ ሥጋ ሲሰቃይ በዚሁ ወንዝ ታጥቦ ነበረ ቁስሉ የነጻው፡፡ ነቢዩ ቅዱስ ኤሊያስም በእሳት ሰረገላና ወደ ሰማይ ሲነጠቅ ደቀ መዝሙሩ ነቢዩ ኤልሳዕ በሁለት አጥፍ የኤልያስን መንፈስ የተቀበለው በዮርዳኖስ ወንዝ ነዉ /2ኛ ነገ 2፡1-15/፡፡ ከመነሻው በአንድ ምንጭ የሚፈልቀው ዮርዳኖስ በሁለት ተከፍሎ “ዮር” እና “ዳኖስ” ሆኖ ሲፈስ ይቆይና ከታች መልሶ ይገናኛል፡፡ ዮርዳኖስ የሚለው ስሙም መነሻው ይህ ነው፡፡

በዘመነ ብሉይ በነቢዩ ኢሳይያስ መንግስተ ሰማያት ቀርባለችና ንሰሓ ግቡ ብሎ በይሁዳ ምድረ በዳ እየሰበከ እንደሚመጣ የተነገረለት መጥምቀ መለኮት ቅዱስ ዮሐንስ ደግሞ በኢየሩሳሌምና በይሁዳ እንዲሁም በዮርዳኖስ ዙርያ ያሉ ሕዝቦችን “መንግስተ ሰማያት ቀርባለችና ንስሃ ግቡ” እያለ ኃጢያታቸዉን እየተናዘዙ የንሰሃ ጥምቀት ያጠምቅበት የነበረው የዮርዳኖስ ወንዝ ከኢያሪኮ በስተምሰራቅ በኩል ይገኛል፡፡ ማቴ 3፡1-6 ሁለቱም በሚገናኙበት ስፍራ የትህትና ባለቤት ጌታችን መድኃኒታችን ኢየሱስ ክርስቶስ የሰማይ ምድር ፈጣሪ ሲሆን በሰዉ እጅ ራሱን ዝቅ አድርጎ የጽድቅ ሥራ መሥራት ይገባ ዘንድ ሊያስተምረን ተጠመቀ፡፡ ጌታችን ለምን በዮርዳኖስ ተጠመቀ?

ዲያብሎስ በአዳምና በሔዋን ላይ ከገነት ከወጡ በኋላ መከራ አጸናባቸውና እንዲያቀልላቸው አዳም የዲያብሎስ ባሪያ፣ ሔዋን የዲያብሎስ ገረድ ብለው ጽፈው እንዲሰጡት ነገራቸው፡፡ እነዚህን የእዳ ደብዳቤዎች አንዱን በሲኦል ሌላኘውን ደግሞ በዮርዳኖስ ወንዝ ቀብሮት ነበርና የዮርዳኖሱን በዩሐንሰ እጅ ሲጠመቅ እንደ ሰወቅነቱ ተረግጦ እንደ አምላክነቱ አቅልጦ አጥፍቶላቸዋል፡፡ ማቴ 3፡15—17 ቅዱስ ኤፍሬምም በሰኞ ውዳሴ ማርያም “የአዳምና የሄዋን የእዳ ደብዳቤያቸዉን ቀደደ ደመሰሰ” ይላል፡፡ ሌላው በዮርዳኖስ የተጠመቀነት ምክንያት ደግሞ በቅዱስ ዳዊት “ባህር አየችህ ሸሸችም፣ ዮርዳኖስም ወደ ኋላው ተመለሰ” ተብሎ የተነገረው ትንቢት እንዲፈጸም ነው፡፡ ለእግዚአብሔር ራሳቸውን የለዩ፣ እንደ ዮሐንስ ያሉ ገዳማውያንን በመርዳት በዓታቸውንም በማጽናት ከበረከታቸው እንካፈል፡፡

ድጋፍ ለማድረግ:- ሙትአንሳ ማር ቅዱሰ ሚካኤል አንድነት ገዳም

ኢትዮጲያ ንግድ ባንክ
1000442598391

ወይም

አቢሲኒያ ባንክ
141029444

የገዳሙ ስልክ ቁጥር:-0918077957 ወይም 0938644444

#ቀድሞ በመንፈስ የሚያውቀውን ከሠላሳ ዓመታት በኋላ በአካል አየው 

የስድሰት ወር ጽንስ አምላኩን አወቀውና ሰገደለት፤ እናቱ ቅድስት ኤልሳቤጥ ልትጠይቃ የመጣችውን፣ የዘመዷን፣ የእመቤታችን የቅድስት ድንግል ማርያምን ድምጽ በሰማች ጊዜ መንፈስ ቅዱስ ሞልቶባት “የጌታዬ እናት ወደኔ ትመጣ ዘንድ እንዴት ይሆንልኛል” እንዳለች ከሠላሳ ዘመን በኋላ ልጇ መጥምቀ መለኮት ቅዱስ ዮሐንስ “እኔ ባንተ እጅ ልጠመቅ ይገባኛል እንጂ አንተ በኔ እጅ ትጠመቃለሕን?” ብሎ የጌታችን የኢየሱስ ክርስቶስን አምላክነት መሰከረ፡፡ በነቢዩ ቅዱስ ኢሳይያስ እንደተነገረው የጌታን መንገድ አዘጋጁ፤ ጥርጊያውንም አቅኑ፤ እያለ በምድረ በዳ የሚጮኽ ሰው ድምፅ እርሱ ነበር፡፡ በቅዱስ ሉቃስ ወንጌል 3÷3-6 እንደተነገረውም ቅዱስ ዮሐንስ *መንግሥተ ሰማያት ቀርባለችና ንስሐ ግቡ!* እያለ እየሰበከ በዮርዳኖስ ዙሪያ ወዳለው አገር ኹሉ ወጣ፡፡

ዮሐንስ ማለት “እግዚአብሔር ጸጋ ነው” ማለት ነው፡፡ ትርጓሜ ወንጌልም መጥምቀ መለኮት ዮሐንስን ፍሥሐ ወሐሴት ተድላና ደስታ ይለዋል፤ ወላጆቹ በእርሱ መወለድ ተደስተዋልና፡፡ በዮርዳኖስ ወንዝ የንስሐ ጥምቀት ሲጢምቅም የይሁዳ አገር ሰዎች ሁሉ ኃጢአታቸውን እየተናዘዙ ከእርሱ ይጠመቁ ነበር፡፡ በጥፋታቸው ሲገስጻቸውም ምን ማድረግ እንዳለባቸው ጠየቁት እርሱም በመልካም ምግባርና በልግስና በእውነትና በርትዕ እንዲኖሩ ይነግራቸው ነበር፡፡ በዋናነት ግን ስለጌታችን ይነግራቸው ነበር፡፡ “እኔ ለንስሐ በውኃ አጠምቃችኋለሁ፤ ነገር ግን የጫማውን ጠፍር እንኳን መፍታት የማይገባኝ ከእኔ በኋላ የሚመጣው ከእኔ ይልቅ የሚበረታ እርሱ በመንፈስ ቅዱስና በውኃ ያጠምቃችኋል” አላቸው፡፡

ከዚህ ምስክርነት በኋላ ዮሐንስ ጌታ ሊጠመቅ ወደ እርሱ ሲመጣ ቢመለከት “የዓለምን ሁሉ ኃጢአት የሚያርቅ የእግዚአብሔር ልጅ” ብሎ መስክሮለታል፡፡ ጌታችንንም “እኔ በአንተ ልጠመቅ ያስፈልገኛል፣ አንተ ወደ እኔ ትመጣለህን? ባሪያ ወደ ጌታው ይሔዳል እንጂ እንዴት ጌታ ወደ ባሪያው ይመጣል?” የቤተ ክርስቲያናችን አባቶች የጌታችን ወደ ዮሐንስ መሔድ እረኛ ለበጎቹ ክብር እንደመስጠት ነው ይላሉ፡፡ ቅዱስ ዮሐንስ አፈወርቅ የተባለው ቅዱስ አባትም ጌታችን አምላካችን ኢየሱስ ክርስቶስ ከራሷ ከጥምቀት ይልቅ እንኳ ንጹህ ነውና ሊጠመቅ ወደ ዮሐንስ መሔዱ፣ ወደ ዮርዳኖስ መውረዱ የሚደንቅ ትህትና ነው ይላል፡፡ ለስም አጠራሩ ክብር ይግባውና ኢየሱስም በዮርዳኖስ ወንዝ በዮሐንስ ሲጠመቅ ሰማያት ተከፈቱ፣ አብ በደመና መሰከረ፣ ምንፈስ ቅዱስም በርግብ አምሳል ወረደ፡፡

የመጥምቀ መለኮት ቅዱስ ዮሐንስ ክብሩ እጅግ ከፍ ያለ እንደሆነ ጌታችን ከሴቶች ከተወለዱት መካከል ከመጥምቁ ዮሐንስ የሚበልጥ አልተነሣም፤ ሲል በቅዱስ ማቴዎስ ወንጌል ምዕራፍ 11÷9-11 መስክሮለታል፡፡ ራሱን ከዓለም የለየው ፍጹም ባሕታዊ፣ የመናንያን፣ ፈቃደ ስጋን የተዉ ሁሉ ድንቅ ምሣሌ ነው፡፡ በረከቱ ትደርብንና መናንያንን፣ ገዳማውያንንና ገዳማቸውን ማሰብ በረከታቸው እድናገኝ ያደርገናል፡፡ ገዳማትን እናግዝ፣ ዓአታቸውን እናጽና፡፡             
 
ድጋፍ ለማድረግ:- ሙትአንሳ  ማር  ቅዱሰ ሚካኤል አንድነት  ገዳም


ኢትዮጲያ ንግድ ባንክ
1000442598391

ወይም

አቢሲኒያ ባንክ
141029444


የገዳሙ ስልክ ቁጥር:-0918077957 ወይም 0938644444

#ካህናቱ የወንዙን ዳርቻ በረገጡት ጊዜ ውኃው ግራና ቀኝ ተከፍሎ እንደ ግድግዳ ወደ ላይ ቆሟል

እስራኤል ዘሥጋ ከግብጽ ባርነት ወጥተው ለአርባ ዘመን ከተጓዙ በኋላ ወደ ተስፋይቱ ምድር ለመግባት የዮርዳኖስን ወንዝ ሲሻገሩ፡- ድንኳን ጥለው የቃል ኪዳኑን ታቦት በድንኳን ውስጥ አድርገው ሌዋውያኑ በዙሪያው፣ ካህናቱ ደግሞ በውስጥ ኾነው እግዚአብሔርን እያመሰገኑ አድረው በማለዳ መሻገራቸው በኢያሱ 3÷8-9 ተጽፎ ይገኛል፡፡ ካህናቱ የቃል ኪዳኑን ታቦት አክብረው የወንዙን ዳርቻ በረገጡት ጊዜ በኃይል ይወርድ የነበረው ውኃ ግራና ቀኝ ተከፍሎ እንደ ግድግዳ ቀጥ ብሎ ቆሟል፡፡ ሕዝቡ ተሻግሮ እስከሚያበቃ ታቦተ ጽዮንን ያከበሩት ካህናት ከወንዙ መሀል ይቆሙ ነበር፡፡ በዚህ መሠረት ‹‹ወተጠምቃ እገሪሆሙ ለካህናት›› ይህም ‹‹የካህናት እግሮቻቸው የዮርዳኖስን ውኃ በመርገጣቸው እንደ ጥምቀት ሆናቸው›› በሐዲስ ኪዳነ ጌታችን ለመሠረተው ሥርዐተ ጥምቀት ምሳሌ ነበር፡፡ ቤተ ክርስቲያናችን የጥምቀትን ዋዜማ ከተራ ብላ የጠራችው ከዚህ በመነሣት ነው፡፡

ልበ አምላክ ቅዱስ ዳዊት በመዝሙር 113÷3-6 “ባህር አየች ሸሸችም፣ ዮርዳኖስም ወደ ኋላም ተመለሰ፣ ተራሮች እንደ ኮርማዎች ኮረብቶችም እንደ ጠቦቶች ዘለሉ፡፡” በማለት እንደተናገረው ጌታችን በዮርዳኖስ ወንዝ ሲጠመቅ የዮርዳኖስ ወንዝ የላይኛው ሸሽቶ ወደ ላይ ተመልሶ ሽቅብ ፈሷል፡፡ የታቹም ወደ ታች ሸሽቷል፡፡ የላይኛው ፈሳሽ ተቋርጦ እንደ ክምር ተቆልሎ ቀርቷል። ይህም ምሳሌነቱ ከአዳም ጀምሮ ክርስቶስ ድረስ በዘር ይወርድ የነበረው ፍዳ መርገም በክርስቶስ ቤዛነት መቋረጡ፤ የታቹም ፈጽሞ መድረቁ ኃጢአተ አዳም የመጥፋቱ ምሳሌ ነው፡፡ እስራኤል ፈለገ ዮርዳኖስን ተሻግረው ወደ ኢያሪኮ መሔዳቸው ምእመናን በጥምቀት ከኃጢአት ቍራኝነት ተላቀው እግራቸውን ወደ ልምላሜ ገነት ወደ ዕረፍት መንግሥተ ሰማያት ለመሔዳቸው ምሳሌ ነው፡፡ እስራኤልን ይመራ የነበረው ኢያሱ የጌታ፣ ህዝበ እስራኤል የምእመናን፣ ዮርዳኖስ የጥምቀት፣ ምድረ ርስት የገነት መንግሥተ ሰማያት ምሳሌ ነው፡፡

የከተራ በዓል በተለይ ከዋና ከተሞች ውጪ በሆኑ አካባቢዎች ወራጅ ወንዞች ተከትረው የሚከበረው ይህን የሰው ልጅ ፍዳ መርገም መቅረት ለማሰብ ሲሆን አሁን ባለው ስርዓት እንዲከበር ታላላቆቹ ነገስታት አጼ ገብረ መስቀል፣ ቅዱስ ላሊበላ፣ አጼ ይኩኖ አምላክ በታላቁ ኢትዮጵያዊ ሐዋርያ አቡነ ተክለ ሃይማኖት አሳሳቢነት፣ እንዲሁም አጼ ዘርዓ ያዕቆብ በየጊዜው ያሳለፏቸው ሃይማኖታዊ መሠረት ያላቸው ውሳኔዎች ናቸው፡፡ በታላቁ ቅዱስ ንጉስ ላሊበላ ዘመነ መንግስት በሀገራችን የነበሩት ታላቁ ጻድቅ አቡነ ገብረ ምንፈስ ቅዱስ በአክሱም በዓሉ በሚከበርበት የንግስተ ሳባ መዋኛ “ማይሹም”፣ በመቐለና በመርጡለ ማርያም እየተዘዋወሩ ባሕረ ጥምቀቱንና የተከተረውን ውሃ ይባርኩ እደነበር የቤተክርስቲያናችን መጻሕፍት ያሳያሉ፡፡ ሰላም ማጣታችን እዲከተር፣ የኃጢአት ስራችን እንዲገታ በዚህ ታላቅ በዓል ገዳማትን እንርዳ፣ መነኮሳቱንም እንደግፍ፡፡
 
ድጋፍ ለማድረግ:- ሙትአንሳ  ማር  ቅዱሰ ሚካኤል አንድነት  ገዳም


ኢትዮጲያ ንግድ ባንክ
1000442598391

ወይም

አቢሲኒያ ባንክ
141029444


የገዳሙ ስልክ ቁጥር:-0918077957 ወይም 0938644444

#ቀድሞ በመንፈስ የሚያውቀውን ከሠላሳ ዓመታት በኋላ በአካል አየው 


የስድሰት ወር ጽንስ አምላኩን አወቀውና ሰገደለት፤ እናቱ ቅድስት ኤልሳቤጥ ልትጠይቃ የመጣችውን፣ የዘመዷን፣ የእመቤታችን የቅድስት ድንግል ማርያምን ድምጽ በሰማች ጊዜ መንፈስ ቅዱስ ሞልቶባት “የጌታዬ እናት ወደኔ ትመጣ ዘንድ እንዴት ይሆንልኛል” እንዳለች ከሠላሳ ዘመን በኋላ ልጇ መጥምቀ መለኮት ቅዱስ ዮሐንስ “እኔ ባንተ እጅ ልጠመቅ ይገባኛል እንጂ አንተ በኔ እጅ ትጠመቃለሕን?” ብሎ የጌታችን የኢየሱስ ክርስቶስን አምላክነት መሰከረ፡፡ በነቢዩ ቅዱስ ኢሳይያስ እንደተነገረው የጌታን መንገድ አዘጋጁ፤ ጥርጊያውንም አቅኑ፤ እያለ በምድረ በዳ የሚጮኽ ሰው ድምፅ እርሱ ነበር፡፡ በቅዱስ ሉቃስ ወንጌል 3÷3-6 እንደተነገረውም ቅዱስ ዮሐንስ *መንግሥተ ሰማያት ቀርባለችና ንስሐ ግቡ!* እያለ እየሰበከ በዮርዳኖስ ዙሪያ ወዳለው አገር ኹሉ ወጣ፡፡


ዮሐንስ ማለት “እግዚአብሔር ጸጋ ነው” ማለት ነው፡፡ ትርጓሜ ወንጌልም መጥምቀ መለኮት ዮሐንስን ፍሥሐ ወሐሴት ተድላና ደስታ ይለዋል፤ ወላጆቹ በእርሱ መወለድ ተደስተዋልና፡፡ በዮርዳኖስ ወንዝ የንስሐ ጥምቀት ሲጢምቅም የይሁዳ አገር ሰዎች ሁሉ ኃጢአታቸውን እየተናዘዙ ከእርሱ ይጠመቁ ነበር፡፡ በጥፋታቸው ሲገስጻቸውም ምን ማድረግ እንዳለባቸው ጠየቁት እርሱም በመልካም ምግባርና በልግስና በእውነትና በርትዕ እንዲኖሩ ይነግራቸው ነበር፡፡ በዋናነት ግን ስለጌታችን ይነግራቸው ነበር፡፡ “እኔ ለንስሐ በውኃ አጠምቃችኋለሁ፤ ነገር ግን የጫማውን ጠፍር እንኳን መፍታት የማይገባኝ ከእኔ በኋላ የሚመጣው ከእኔ ይልቅ የሚበረታ እርሱ በመንፈስ ቅዱስና በውኃ ያጠምቃችኋል” አላቸው፡፡


ከዚህ ምስክርነት በኋላ ዮሐንስ ጌታ ሊጠመቅ ወደ እርሱ ሲመጣ ቢመለከት “የዓለምን ሁሉ ኃጢአት የሚያርቅ የእግዚአብሔር ልጅ” ብሎ መስክሮለታል፡፡ ጌታችንንም “እኔ በአንተ ልጠመቅ ያስፈልገኛል፣ አንተ ወደ እኔ ትመጣለህን? ባሪያ ወደ ጌታው ይሔዳል እንጂ እንዴት ጌታ ወደ ባሪያው ይመጣል?” የቤተ ክርስቲያናችን አባቶች የጌታችን ወደ ዮሐንስ መሔድ እረኛ ለበጎቹ ክብር እንደመስጠት ነው ይላሉ፡፡ ቅዱስ ዮሐንስ አፈወርቅ የተባለው ቅዱስ አባትም ጌታችን አምላካችን ኢየሱስ ክርስቶስ ከራሷ ከጥምቀት ይልቅ እንኳ ንጹህ ነውና ሊጠመቅ ወደ ዮሐንስ መሔዱ፣ ወደ ዮርዳኖስ መውረዱ የሚደንቅ ትህትና ነው ይላል፡፡ ለስም አጠራሩ ክብር ይግባውና ኢየሱስም በዮርዳኖስ ወንዝ በዮሐንስ ሲጠመቅ ሰማያት ተከፈቱ፣ አብ በደመና መሰከረ፣ ምንፈስ ቅዱስም በርግብ አምሳል ወረደ፡፡


የመጥምቀ መለኮት ቅዱስ ዮሐንስ ክብሩ እጅግ ከፍ ያለ እንደሆነ ጌታችን ከሴቶች ከተወለዱት መካከል ከመጥምቁ ዮሐንስ የሚበልጥ አልተነሣም፤ ሲል በቅዱስ ማቴዎስ ወንጌል ምዕራፍ 11÷9-11 መስክሮለታል፡፡ ራሱን ከዓለም የለየው ፍጹም ባሕታዊ፣ የመናንያን፣ ፈቃደ ስጋን የተዉ ሁሉ ድንቅ ምሣሌ ነው፡፡ በረከቱ ትደርብንና መናንያንን፣ ገዳማውያንንና ገዳማቸውን ማሰብ በረከታቸው እድናገኝ ያደርገናል፡፡ ገዳማትን እናግዝ፣ ዓአታቸውን እናጽና፡፡             
 

ድጋፍ ለማድረግ:- ሙትአንሳ  ማር  ቅዱሰ ሚካኤል አንድነት  ገዳም


ኢትዮጲያ ንግድ ባንክ
1000442598391

ወይም

አቢሲኒያ ባንክ
141029444


የገዳሙ ስልክ ቁጥር:-0918077957 ወይም 0938644444