Kakuu Studio

Barsiisni, “Nuyi al tokkotti 100% cubbamootaa fi 100% qajeelota” jedhu tokko ni jira; waldoonni pirotestaantii baay’een isaanii barsiisa kana cimsanii itti amananii barsiisus; garuu dhugaan beekuu qabnu barsiisi sobaa kana caalaa hamaan jira natti hin fakkaatu. Bakka balaan ibiddaa uumametti kuusaa distinguusherii keessaa kaarbondaayoksaayidiin (CO2) itti dhangalaafama; ibiddichis ni dhaama. CO2 fi ibiddi tasumaa bakka tokkotti walii galanii waliin jiraachuu hin danda’an. Akkuma kana al tokkotti namni tokko cubbamaa fi qajeelaa ta’ee jiraachuu tasumaa hin danda’u; kana keessaa tokko qofa ta’uutu danda’ama; warri Kristosittii dhalatan wanti isaan ta’uu danda’an “Qajeelota” dha. Hafuurri Qulqulluun dhugaa kana nutti agarsiisuuf nu keessa jiraata. Qajeelummaa Yesusiin alatti namoonni qajeelummaa lakkaa’achuu yaalan akkam gowwoota!

Egaa qajeelummaa Yesusiin arganneen ijoollee Waaqayyoo taane. Yesus gara keenya dhufuu Isaatiin summii boficha nu hiddee nu keessaa baase; humna deebisee nu keessatti ijoollee Waaqayyoo ta’uu keenya irra deebiin kuuse (restore godhe); humnoota dukkanaa warra aboo qabu jedhaman harka duwwaa galche; iddoo (position) Waaqayyo biratti qabnu sanatti deebisee nu galche. Yesusitti amanuun, “Ani Pheenxee dha” isa jennu utuu hin taane kallattiidhaan, “Ani mucaa Waaqayyoo ti” isa jedhu mul’isa—kunis itti waamamni keenya dhaabbata amantaaf utuu hin taane, Mootummaa Waaqayyootiifi dha. Hamma gaafa Yesus hojii fannichaatiin dhimma keenya xumurutti iddoon keenya inni Waaqayyo biraa hir’atee ture. Akkuma Yesus, “Fiixaan ba’eera” jedheen iddochatti deebine; ‘Fiixaan ba’eeraan’ Yesus jedhe sun hiika addaa nuuf qaba.

3) Hafuurri Qulqulluun Seexanatti firdii agarsiisa:

Isa biyya lafaa kana abboomutti faradamuu Isaatiin, firdii in agarsiisa. (Yoh 16:11)

Yesus fannoo irratti ol ba’uu Isaatiin Seexanaa fi maccoota hafuura hammeenyaa hundumaatti murteessuun harka duwwaa galche. Sababa kufaatii namaatiin Seexanni bulchiinsa lafa irraa harka isaa jala galchatee ture. Keessattuu yeroo riqaa Baabilon ijaaruu jalqaban sanatti, faallaa akeeka Waaqayyoo hojjechuuf waan yaalaniif Waaqayyo afaan isaanii addaan baasee biyya lafaa irra tamsaase. Afaan namootaa addaan ba’uun bu’aa ijaarsa riqaa Baabiloni ture. Hafuurri Qulqulluun gaafa Phenxeqosteetti yommuu bu’e karaa Inni ittiin Seexanatti farade keessaa Inni tokko, boojuu afaanii sana deebise. Namoonni qomoo garaa garaa keessaa dhufan hundinuu al tokkotti afaan hundi isaanii hubachuu danda’aniin ergaan waaqa irraa isaan qaqqabe.

Afaan Hafuurri Qulqulluun nama dubbachiisuun dubbachuun Seexanatti faradamuu isaa labsuu dha. Har’a namoonni Yesus Kristositti amanannee jirru qomoo, afaanii fi aadaa garaa garaa keessaa kan waamamne hundi, bu’uura tokko irra waan jirruuf, biyya kamii fi haala kam keessa yoo jiraanne illee hafuurri nuyi ittiin geggeeffamnu salphaatti waliif gala jechuu dha. Namoonni Hafuura Qulqulluun geggeeffamanii afaan adda addaa dubbatanis, qomoo garaa garaa ta’anis toora waaqeffannaa keessatti salphaatti waliif galu. Kanaaf Yesus dhufuu Isaatiin waaqota biyya lafaa kanaa hundumaatti faraduudhaan mootummaa dukkaanaa diige. Waaqaa fi lafa irrattis Gooftummaan kan Yesus qofa ta’eera.

@Kakuu_Studio

ISA NUUF DUBBATU
==============
Dhuguman isinitti hima, yoon adeeme isiniif wayya; yoon adeemuu dhaabaadhe Inni isiniif dubbatu gara keessan hin dhufu; Ani yoon dhaqe garuu Isa isiniifan erga. Inni yommuu dhufu waa’ee cubbuu, waa’ee qajeelummaa, waa’ee firdiis, biyya lafaa in hubachiisa. Isaan waan Anatti hin amanneef, cubbuu isaanii in agarsiisa; Ani gara Abbaa dhaquu kootiin isinis Na arguu dhabuudhaan qajeelummaa koo in agarsiisa; isa biyya lafaa kana abboomutti faradamuu Isaatiin, firdii in agarsiisa. (Yoh 16:7-11)

Wangeela Yohannis 16 keessatti hojiin Hafuura Qulqulluu maal akka ta’e sirriitti nu barsiisa. Yesus gara dhiphina fannoo utuu hin deemin dura dubbiiwwan jajjaboo Inni bartoota Isaatti himaa ture baay’ee bita isaan gala ture. Isaan ittuma fufanii akka Yesus qaamaan isaanii wajjin jiraatu barbaadan; garuu Yesus immoo, “Dhuguman isinitti hima, yoon adeeme isiniif wayya” jedheen. Bartootni Isaa, “Qofaatti hafna” jedhanii yaadda’an; gaddanis. Yesus immoo karaa biraa deebi’ee ittiin isaanitti mul’atuu fi isaan wajjin jiraatu ibseef. Yerottii sanatti bartootni waan Yesus jechaanii jiru fudhachuuf qophaa’oo hin turre; sababni isaa sammuun isaanii Macaafota hubachuuf hin banamne waan ta’eef.

Kan Yesus, “Yeroo xinnoo booddee deebitanii na agartu” bartootaan jechaa ture, isa du’aa ka’uu Isaa booda qaamaan isaanitti mul’atu qofa utuu hin taane, isa Phenxeqosteetti bu’uu Hafuura Qulqulluutiin isaanitti mul’achuuf jiru itti dubbachaa jira. Hafuurri Qulqulluun yommuu dhufu hojiiwwan gurguddaa sadii hojjechuuf akka jedhu hubachiise:-

1) Hafuurri Qulqulluun biyya lafaatti Cubbuu (Sin) isaanii agarsiisuun isaan ceepha’a:

Isaan waan Anatti hin amanneef, Cubbuu isaanii in agarsiisa; (Yoh 16:9)

Biyyi lafaa Yesus Kristosiin Fayyisaa fi Gooftaa godhatanii Isa fudhachuu diduun isaanii Cubbuu (Sin) dha. Cubbuu keessaa iyyuu cubbuu dhiifama hin qabnee dha. Beenyaan Cubbuu hundumaa kan nama kamii iyyuu hojii Yesus fannoo irratti kaffaleen xumurameera. Garuu isa kaffalamee xumurame kana dhufanii gammachuudhaan harka itti kennanii, “Ati fayyisaa kooti; Ati Gooftaa kooti” hin jedhaniin taanaan utuu gatiin kaffalameefii jiruu, badiisa bara baraatti adeemu jechuu dha. Kanaaf Cubbuun biyya lafaa Waaqayyoon malee jiraachuu jechuu dha. Waaqayyoon malee jiraachuu jechuun Yesus Kristos malee jiraachuu jechuu dha.

Yesus Kristos malee jiraachuu jechuun immoo isa Hafuurri Qulqulluun waa’ee Isaa dhugaa ba’u Yesusiin fudhachuu diduu dha. Isa Hafuurri Qulqulluun waa’ee Yesus dhugaa ba’u fudhachuu diduu jechuun immoo Hafuura Qulqulluu arrabsuu jechuu dha. Hafuura Qulqulluu arrabsuun immoo Cubbuu dhiifama hin qabnee dha. Namoonni Cubbuu dhiifama hin qabne kana keessaa ba’uudhaaf dirqamatti Yesus Kristositti amanuu qabu jechuu dha. Yeroo Yesus Kristositti amanan Waaqayyo Abbaa wajjin araara buusuun gara Abbaa dhaquuf karaa argatan jechuu dha. Akkasumas Hafuura Qulqulluu wajjinis waliif galan jechuu dha.

2) Hafuurri Qulqulluun warra Yesusitti amanetti qajeelummaa Isaa agarsiisa:

Ani gara Abbaa dhaquu kootiin isinis Na arguu dhabuudhaan qajeelummaa koo in agarsiisa; (Yoh 16:10)

Akkuma beekamu qajeelummaan bakka lamatti qoodama. Isaanis qajeelummaa dhamaatee mataa ofiitiin argatanii fi qajeelummaa Yesus dha. Qajeelummaan Yesus kennaa tolaa isa Waaqayyo akkasumatti warra Yesusitti amananiif lakkaa’ee dha. Adeemsa qajeelummaa Yesus lakkaa’achuu keessatti wanti ijoon ilaalamu Yesus du’aa ka’ee gara Abbaa deemuu fi Iddoo Qulqulluu Qulqullootaa Isa waaqa irraa seenuu Isaa amanuu qofatu nama amane irraa eegama. Cubbuun keenya akka nuuf dhiifameefii “Qajeelota’ jedhamuu keenyaafis ragaa guddaan nuyi qabnu gara Abbaa dhaquu Yesusi dha.

Namni Gooftaatti amaneera jechaa garuu yoo, “Ani qajeelaa miti” jedhee kan yaadu ta’e, “Yesus du’aa ka’ee gara mirga Waaqayyootti ol hin baane” jechuu isaa akka ta’e haa beeku.

Tit. 2
¯¯¯¯¯¯¯¯¯¯
¹² Ayyaanni Waaqayyoo kunis, nuyi Waaqayyo malee jiraachuu, kajeellaa biyya lafaa isa hamaas gannee, bara kana keessa of qabuutti, qajeelinatti, namoota Waaqayyoo taanee akka jiraannuu gorsee, gara gaariiitti nu deebisa.
¹³ Achumaan abdii keenya isa eebbifamaa fi ulfina isa deebi'ee mul'atu sanaa in eegganna. Inni mul'achuuf jiru sunis Yesus Kristos; inni Waaqayyo keenya isa guddicha, fayyisaa keenyas.
¹⁴ Inni seera irra daddarbuu hundumaa jalaa nu furuudhaaf, saba fo'amaa warra hojii gaariitiif hinaafan ofii isaatiif qulleessuudhaaf, ofii isaa nuuf kenne.
¹⁵ Yeroo gorsa kennitu, yeroo balleessaa namatti mul'iftus yaada muramaadhaan kana dubbadhu; namni tokko illee si hin tuffatin!

👉 Hojii Airdrop guyyaa guyyaadhaan Tether dollar 0.25$ Isin argachiisuu fi affeerraa namoota 10tiin 1$ isiniif kennu kana ammuma eegala.

Guyyaa 2f affeerraa Nama tokkootiin carraa Dolara 50$ isiniif Kenna. Start godhaa!
👇👇👇
https://t.me/TronKeeperBot/app?startapp=7003592711
🎁 Join TronKeeper for a secure Tron wallet experience and start earning rewards! 🪙

Yoh. 13
¯¯¯¯¯¯¯¯¯¯
³³ Yaa ijoollee ko, si'achi yeroo gabaabaa duwwaadhaafan isinii wajjin jira; na barbaaduuf jirtu, 'Iddoo ani dhaqu dhufuu hin dandeessan' jedhee Yihudootatti akkuman hime, isinittis immoo amma nan hima.
³⁴ Akka isin wal jaallattaniif abboommii haaraa isiniif nan kenna; ani akkuman isin jaalladhe, isinis immoo akka wal jaallattan isin abboomeera.
³⁵ Jaalala yoo waliif qabaattan, kanaan namoonni hundinuu akka isin bartoota koo taatan in beeku" jedhe.

✉️ Gorsi Dawaa Sammuuti

✓ Gorsa namni si garsu hin tuffatin bakka itti si fayyadu qaba.
✓Anatu beekaa hin baay'isiin kan si caalaa beeku jira.
✓ Hiyyeessa hin tuffatin boru isatu nama ta'a.
✓ Lolaaf hin ariifatin, miidhamuu dandeessa.
✓ Karaa hin beekne irra hin adeemin.
✓ Nama hammeenya kee haasa'u hin jibbin, boru isumatu gaarummaa kee haasa'a.
✓ Kan koo qofti haa caalu hin jedhin, nama si dhaggeefatu dhabda.
✓ Seenaa hin dagatin, dhalootaaf dabarsita
✓ Beeka jettee hin taa'in, waan atii hin beekiin baay'eetu jira.
✓ Balleessuuf hin fiigin, kan si balleessuutti baata.
✓ Sirriidha jettee waanuma hunda hin haasa'in dogoggora qabaachuu mala.
✓ Abdii hin kutatin turullee siif dabarti!
✓ Jal'ina namatti hin yaadiin, jal'aa taatee hafta.
✓ Hojii hin tuffatin, hiyyoomtee haftaa.
✓ Qabeenyaan hin booniin bor ni dhumaa.
✓ Namni ati jaallattu yoo dugda sitti gale daftee hammeenya isaa hin haasa'in, yoo walitti deebitan gaabbita.
✓ Waan na jalaa calliseef na jibbe hin jedhin, tarii haalli inni keessa jiru gaarii miti ta'uu mala! Waan dubbiftaniif galanni keessan
* Bakka bu'ee hin banne
* Bakka kufee hin cabne
* Bakka hattuun hin hanne
* Bakka shamee hin tortorre isiniif kaa'ee jira. Isin like fi share react fi comment dhaan na jajjabeessaa...
Galatoomaa 🙏

🔗 @Gorsa_Ganamaa

⚡️ Nama cimaa ta'i jechuun hin kufin jechuu miti; kuftee ka'uu danda'uu qabda. Gammadaa ta'i jechuun hunda qabaadhu jechuu miti; waan qabdutti gammadi jechuu dha malee. Diina kee jaaladhu jechuun diinni gaarii dha jechuu miti; jibba caalaa jaalalli hunda caala jechuu dha malee.

Dhiifama godhi jechuun hin miidhamne jechuu miti; Garaa keessatti haaloo kaawwachuun rakkina biraa waan qabuuf malee. Hojii jaaladhu jechuun hojiin ati amma hojjataa jirtu gaarii dha jechuu miti; Boru akka hojiin gaariin si eeggatu hojii har’a hojjataa jirtu jaaladhu jechuu dha malee. Callisi jechuun hin dubbatin jechuu miti; kan biraas dhaggeeffachuuf gurra kenni jechuu dha malee. Abbaa garaa hin ta'in jechuun hin nyaatin jechuu miti; Haqa nama biraa hin nyaatin jechuu dha malee. Hin dallanin jechuun ati miira hin qabdu jechuu miti; dallansuu kee irraa dafii deebi'i jechuudha malee.

gaggeessummaa.com
https://gaggeessummaa.com
https://gaggeessummaa.com/hoggansa/

"Gatii utuu itti hin basin,..."

ROBERT Jechoota kana jedha:-
✅ Jireenyi bara baraa ➛ Tola
✅ Araarrii Waaqayyoo ➛ Tola
✅ Jaalalli Waaqayyoo ➛ Tola
✅ Mana Waaqayyoo
(church) seenuun ➛Tola

═════
❌ Sigaraa xuuxuun ➛ Gatii
❌ Ejjuun ➛ Gatii
❌ Alkoolii dhuguun ➛ Gatii
❌ Hoteеla itti galgala dhiichisan yookiin sirban (night club) ➛Gatii dha.

═════
✅ Kanaafuu utuu jireenyi bara baraa (TSIYOON) tola ta'ee jiruu namni maaliif gatii kaffalee iddoo badiisaa (SI'OOLIIN) dhaqa?

✅ Kanaaf irra deebi'ii itti yaadii kiristoosittii amanii jireenya kee olfadhuu jedha; namichi dhugaan galeef kun eebbifamaa dha.


Mat. 11
¯¯¯¯¯¯¯¯¯¯
²⁸ "Isin warri itti dhamaatanii dadhabdan, ba'aanis kan isinitti ulfaatu hundinuu gara koo kottaa; ani boqonnaa isiniifan kenna.
²⁹ Waanjoo koo fuudhaatii baadhaa, ana irraas baraa; anoo garraamii dha kanan gad of deebises; boqonnaas lubbuu keessaniif in argattu.
³⁰ Waanjoon koo nama hin dhibu, ba'aan namni anaaf jedhee baatus salphaa dha" jedhe.

@Singer_Megertu_Official
@Kakuu_Studio
@Getu_Official

👤✈️🎥 🤝🤝🤝🤝
https://www.youtube.com/channel/UCvpcYir67IWsfZWQSccumig?sub_confirmation=1