Kakuu Studio

Mana hidhaati baafamee biyyattan galfame miti;kallattiin mana mootummaattan ol fudhatame. Biyya kanaaf namni Dhimma baasu si naan jedhame, ani nan hiikame, obboleewwan koo warra na jibban sanaafuu hiikan ta’e, biyya na hidheefuu buddeenan ta’e!
Ani Yooseefi!
Seenaan kun Macaafa Qulqulluu keenya Seera Uumamaa 37-44tti jira.
Namootni wallaansoon karaa baayyee isinitti baayyate jirtuu? Wanta caalutu dura keessan jira
Waaqayyo na wajjin jira!
Waaqayyo si wajjin jira!

NAMOOTNI MAALIIF NA JIBBUU!?
Abbaan koo haadha 4 irraa Ijoollee godhate. Haadha koo fi obboleettii ishee seeraan fuudhe;Garuu dafanii dhala godhachuufii waan didaniif hojjetoota haadha koo fi obboleettii haadha kootii irraa Ijoollee jalqaba godhate. Booda irra obboleettiin haadha kootii fi haati koos Ijoollee da’an. Nuyi obboleewwan abbaa tokkoo nama 12. Haati koo kan deesse Nuyi nama 2 qofa. Haati ko waggoota hedduuf dhala dhabdee kadhataa turtee na deesse. Obboleessa koo immoo utuu da’uuf ciniinsifattuu isa deessee ofii lubbuun darbite. Aniif obboleessi koo inni garaa tokkoo dhalanne kun haadha malee haadha gama tokkoon masaanuu gama kaaniin Adaadaa keenyaa, haadha gama tokkoon masaanuu gama tokkoon hojjettuu keenyaa harkatti guddanne.
Ani ijoollummaa kootii eegalee Tapha gadhee obboleewwan koo Warri abbaan tokko taane kun taphatan itti hin hirmaadhu. Gocha isaanii isa badaa sana abbaa koottan dhufee hima malee itti walii galee wanta hamaatti hin hirmaadhu. Kanaaf na jibbu. Ani ijoollummaa koo irraa eegalee abjuu gaariin qaba abbaa koottis obboloota koo warra na jibban sanattis nan himadha. Isaaf immoo natti hinaafu. Abbaan koo garuu haadha koo ishee baayyee jaallatu waan dhabeef ana ija isheen ilaalee baayyee na jaallata. Akkasumas wanta hamaatti hirmaachuu dhabuu koo fi abjuu ani qabuuf na jaallata, Uffata gaggaarii isaas naaf bita. Kun dabalataan obboleewwan koo akka natti hinaafan godheera. obboleewwan koo caalaadhumatti natti hinaafaa fi na jibbaa adeeman. Kanaaf abbaan koo jibba hamaa obboleewwan koo naaf qabantu galeef fakkaataa isaan waliin horii tiksuu irraa gara manatti na deebise.
Gaaf tokko garuu lafa tikaatti galaa akkan isaaniif geessuuf Haala isaanii akkan hubadhuufis na erge. Anis caakkaa keessa, dachaaf gaara baheen isaan barbaadaa ture. Isaan dhabee utuun jooruu Waaqayyo nama karaa natti argisiisu nama akka ergamaa wayii lafa ONAA sanatti naaf ergee inni bakka obboleewwan koo jiran natti hime. Anis isaan fagootti argeen gammadee galaa qabadhee itti fiigaa;Isaan garuu waa walitti duddubbatanii na qabanii galaa narraa fudhatanii boolla bineensaa keessatti na darbatan. Galata Waaqayyo boolla sana keessa bineensi waan hin jirreef bineensi nan nyaanne. Erga galaan geesseef nyaatanii booda dhufanii boollichaa na baasanii warran afaan isaanii illee hin beekne Kara adeemtota tokkotti na waa irraa fudhatanii akka na fudhatanii deeman godhan. Akkasittan biyyaa bahee biyya ormaatti, mana namatti garbicha ta’ee jiraadhee.
Garuu obboleewwan koo maaliif na JIBBUU!?
Anatu yeroon isaan waliin ture yaada hamaatti waliif hin galu!
Anatu abjuu qaba! Abjuu lafa fagoo!
Jireenya mana maatii ofii fi biyya ofii keessaa baafamee, jireenya biyya Ormaa, mana ormaa keessa jiraachuu eegale. Akka garbichaatti yoon jiraadhe iyyuu Waaqayyoo Simbo narra kaa’eera. Giiftiin Gooftaan mana isaa keessatti garboomee jiraadhuu Simboo Waaqayyo narra kaa’e miiraan kan ishee godhachuu barbaaddee hanga u humnaan uffata narraa baaftee na waliin ciisuuf yaaluutti geesse. Uffata koo harkatti gateen baqadhe. Uffata ani ishee baqachuuf harkatti gate, Ragaa ani waliin ciisuuf yaaletti fudhatte. Uffata koo Ragaa himatti garuu jireenyi koo Ragaa miti. Ani kanaan qabameen mana hidhaa buufame. Nama naaf falmu hin qabu ani Orma, nama naaf dubbatu hin qabu biyya ormaan jira. Akkasittan abdii kutadhee hidhaa koo keessa maradhee taa’a! Maaltu na gaafata homaa tokko iyyuu!
Maaliifan akkas jibbamaa!?
Anatu miiraaf miti abjuuf jiraataa!
Waaqayyo yeroo eegee abjuu koo isa hiika dhabeef abjuu hiikuuf mana mootummaa dhaqe. Mootiif abjuu kenneef hikka isaa immoo ana isa mana hidhaa keessa jiru qoffaaf kenne. Ani abjuufan obboleewwan koo jibbame, abjuufan mana gooftaa kootii keessaa butamee mana hidhaa buufame. Waaqayyo immoo sadarkaa barumsa kootii, Ogummaa koo, dandeettii koo fi nama qabaachuu koon utuu hin taane AYYAANA isaan mana hidhaa San keessaa na baase.

⚛️HIIKAA MUL'ATA YOHAANNIS

🔆ERGAA GARA WALDAA SIMIRNAA(mul 2:8-11)
↪️Magaalota torban boqonnaa 2-3tti jiran keessa magaalli hanga har'atti haftee jirtu magaala simirnaati.
↪️Maqaan ishee har'aa Izmiir jedhamti.
↪️Maqaan dubarti magaala kana hundeessite Samirnee jedhamtu irraa moggaffame.
↪️Poolikaarpi duuka buutuun Yohaannis kan inni aarsaa ta'e magaala kanattidha.
↪️Kan argamtus dhiha turkiitti.
↪️Efesoon irraa maayilii 40 qofa fagaattee argamti .
↪️Magaala baayyee miidhagduu fi Roomaatti dhiyaatte waan argamtuuf mootummoonni akka itti waaqeffaman dirqisiifamtee turte.
↪️Namoonni maqaa amantii mooti waaqqeffachutiin magaalitti keessatti sochii taasisan ni argamu.
↪️Maqaa Moototaatiinis galmi waaqefannaa guddaa isaaniif ijaaramee ture.
↪️Fakkeenyaf Mooticha Awugusxoosiif kan ijaarame kaasuun ni danda'ama.
↪️Amantoonni Kristoos Waaqeffannaa motota Roomaatiif taasifamu waan didaniif baayye Ari'amaan.
↪️Kristaanonni kun jireenya gageeffachuun baayyee itti ulfaate ture.
↪️ Mana Jireenya fi dalaala isaani ni saamu ture. (Ibr 10:34)
↪️Kana irraa ka'uun rakkoo hiyummaaf saaxilamanii turan.
↪️Haata'u Malee jireenya Hafuuraan immoo dureeyyota turan.(Mat 6:19-20
↪️Warri Yuudota osoo hin ta'iin Yihuudota ofiin jedhan(Rom 2:28-29)
↪️Kunis Yihuudonni magaala SIMIRNAA keessa jiraatan kristaanota Ari'achaa fi arabsaa turan.
↪️Kanaafis isaan kun Yihuudota Dhugaa Osoo hin taane Yihuudota Sobaati.
↪️Bakki Argama isaani lafa waltajjii seexanaati.
↪️Hojiin isaanis kan Seexanaati.
↪️Waldaan kun hamma dhumaatti yoo dhaabattee Gonfoo Jireenya akka argattu itti hima.Ameen
↪️Waldoota torban kutaa Eshiyaatti argaman keessa kan hin komatamnee Waldaa Kanadha.
↪️Namni kan Fayyuu Ayyaana Waaqayyoottin yoo ta'u.
↪️Badhaasa kan argatu garuu hojiidhaan.
↪️Kanaaf Waldaan kun qorumsa keessatti cimanii waan dhaabbataniif Fuula waaqayyoo fi Ergamoota fuulduratti Gonfoo Jireenya akka argataan ittti hima.
"Guyyaa kudhaniif rakkina argachuuf jirtu"
↪️Iddoo lakkoofsa 10 kana irratti rakkinoota gara fuula duraatti osooo hin taane waldittti irratti dhufuf kan jiru dubbata.
🔆Waldaan Kun Qorumsa :
A(Arrabsoo gosa Yihuudotatiin
B)Jibba ,tuffi
C)Hiyyummaa ,hidhamuu fi du'aan qoramuu.
11,irratti immoo duuti lamaffaa du'a bara baraa jechuudha.
↪️Kunis warra waanta hamaa hojataniif guyyaa dhumaatti adabbii qophaa'eedha. Mul 21 :8 irattis ibidda bara baraa kan agarsiisudha.
Eebbiiffama duuka buutota Goofta Waldaa kristaana 👏👏👏👏👏👏👏👏👏

Singer_Megertu_Official
Kakuu_Studio
Yerusaalem_Haaraa

Of Beeku

Of beekuun furtuu milkaa'inaati. Of beeki, ofi tahi, nama hin fakkaatiin rabbiin ilma nama bifa fi ogummaa gara garaa kenneefi atis of beeki eenyummaa kee beeki. Fedhii kee addaa baasi ogummaa uumamaan siif kenname addaa baafadhu irratti hojjadhu. Of beekun jireenyaaf murteessaadha namni of beeku gatii ofii beeka,gatii namaas beeka.

Waan of beekuuf jecha namaatiif eddo hin kennuu deemsa imala gara milkaa'ina hin dhaabu. Namni of hin beekne jecha namni isaan jedhuuf cinqama, kan of beeku ammo itti kolfee bira darbaa. Namni of beeku ofittii amanaa namni of beeku ka waan qabuufi hin qabne beekudha.

Of ta'uu jechuun eenyummaa ofii isaa sirrii fudhatanii oso nama bira tahuuf hin yaaliin kaayyoofi mul'ataa ofii qabaatanii gammachuun jiraachuudha. Namni of hin beekne gatii ofii hin beekuu.of dhiisee eenyummaa nama biro fudhachuun rakkata

Namni ofi beeke amanee eenyummaa isaa beeke hin fudhannee. Of ta"uu hin dandeenye bara jireenyasaa guutuu raatayaa jiraata osoo nama fakkaatu osoo akkeessuu jiraata. Of dhiisanii nama biraa fakkaachuuf yaaluun milkaa"inarraa nama hanqisa dhiphinaan nama gaha. Nama fakkachuuf dhama'uun gabrummaa sammuu dhiphina sammuutiin nama gaya of tahanii ilaalcha mata ufii qabatanii deemuun ammoo bilisummaa sammuuti, daandii milkaa'inaati.

SAGALEE MISIRAACHOO FI JAJJABINAA
_________

Bara durii namicha tokkotu ture jedhan, Namichi kun dargaggessa mana isaa taa'ee isaaf ergamu,kan yeroo hundumaa waan hundumaa keessatti

"Yaa gooftaa gonkumaa abdii hin kutatin,hin aarinis wanti Waaqayyo godhe hunduu gaarii fi qajeelaadha, dogoggora hin qabu" isaan jedhu tokko qaba ture.

Guyyaa tokko Adamoodhaaf gara bosonaa lama ta'ani adeemani.

Utuu bineensa ajjeefachuuf bosona keessa adeemani namichatti bineensi bosonaa bahee isa qabatee baay'ee isa miidhe, dhaqna isaa madeessee quba harkaallee irraa kute.

Gaafa dargaggeesichi fiigee bira gahu namichi miidhamee dhiiga jira, Dargaggeesichis

"Jabaadha Gooftaako, gonkumaa hin aarin Waaqayyoo gaariidha! wanta inni godhe keessa dogoggorri tokkollee hin jiru!" jedheen.

Namichis utuu Waaqayyo gaariidha ta'ee akkamitti bineensi na miidhe rakkoo hammana ga'u narraan gaha?" jedhee gurbaa dheekkame jedhan.

Gurbichis deebisee ; Rakkoon hammi fedhe yoo sirra qaqqabellee ani ammas kanan jedhu , Waaqayyo gaariidha, hojii isaa keessa dogoggorri hin jiru, wanta hundumaa gaarummaadhaaf godhe!" jedhee deebiseef.

Namichis jecha gurbichaatti baay'ee aare, gurbicha qabee bowwaa keessatti gadi darbate, manaatti deebiyuudhaf gara laga guddaa tokkoo deemee dhiqatee galuuf gaafa deemu, gosti namaa warri bosona keessaa jiraatan,kan waaqa tolfamaa isaanif nama qalanii aarsaa dhiheessan bosona laga sana qarqaraa keessatti namicha qofaa argatanii qabatan.

Yeroo isaan qoraan isaanii iddoo aarsaa isaaniirra naqanii namicha qabanii achirra ciibsanii qalanii aarsaaf gubanii dhiiheesuuf jedhani, wayyaa irraa baasanii qaama isaa sakatta'an, namichi dhaqni isaa madayee dhiiga, qubni tokkos hir'uudha ,kana booda.

"Kun hin ta'u asii balleessa! , Namni dhiiguu fi qaama hir'uu ta'e aarsaaf hin ta'u! "

Waliin jedhanii namicha gadi dhiisan.

Namichis fiigaa gara iddoo bowwaa sila hojjetaa isaa itti darbate sanaa dhufee .

" Yaa ilmakoo Waaqayyo dhuguma anaaf gaarii ture, qalamee aarsaa seexanaa tahuuf qabameen ture garuu nama guutuu miti, dhaqni isaa madaayera quba tokkos hin qabu jedhanii na gadhiisani!

Garuu gaaffiin qaba, Erga Waaqayyo akkas gaariidha anaaf ta' ee Maaliif akkan bowwaa keessatti si darbadhuuf callisee na ilaale ?" Jedhee gaafate.

Gurbichis deebisee:- "Yaa Gooftaa koo Waaqayyo dhuguma gaariidha, utuu ati bowwaa kana keesaa na hin buusne ta'e; silaa si wajjin gara laga sanaa deema ture, silaa anaan qabanii qalanii aarsaa godhu turani , sababni isaa ani quba hir'uu fi qaama madaa waanan hin qabneef " jedhe jedhan.

Yeroo baay'ee yeroo rakkoon nu quunnamu, yeroo mudannoo adda addaa nurra gahu Waaqayyotti ni gungumna, wanti nurratti ta'u hundumtuu gaarummaaf akka ta'e daganna.

Wanti hundumtuu gaarummaadhaf narratti ta'e.

Waaqayyoo ittiin qabee waa jalaa na miliqsuuf callisee waan na dhiiseef na dagate fakkaate malee inni nan dhiisne nan dagannes.

Warra Waaqayyoon jaallataniif akka akeeka isaatti warra waamamaniif wanti hundunuu gaarummaadhaaf isaaniif ta'a(hojjeta) " jedha Ergamaan Phaawuloos Rome 8 irratti.

√ Madooftee jirta yoo ta'e Waaqayyo gaariidha, hojiin isaas qajeelaadha.

√ Darbatamtee gatamtee jirta yoo ta'e, Waaqayyo gaariidha, hojiin isaas qajeelaadha.

√ Si bira darbanii sokkanii? Waaqayyo gaariidha hojiin isaas qajeelaadha.

Tarii hiriyoonnikee si biraa milka'anii atimmoo harka qullaadha ta'a, Gooftaan ni dhufaa obsi.

Tarii gola namaati hojjettee jiraatta, warri hammakee hin geenye kan kakuu hin qabnemmoo bakkeedhaa bashananee jiraata ta'a,

Kun gaarummaadhaaf, Waaqayyo wa jalaa si miliqsaa jira, kankee eebbi kan caalutu dhufaa jiraa obsi!

Iddoo ati amma jirtu sun iddoo dhokannaati, iddoo miliqanii oolaniidha, iddoo dhumaakee fi koo miti, Haa obsinu, gaafa dukkaanii fi duumessi kun darbu aduun haaraan ba'uuf jetti!

Thanks

Macaafa fakkeenyaa 1:7
waaqayyoon sodaachuun jalqaba
Ogummaati,
Gowwoonni garuu ogummaa fi barsiisa in tuffatu.
Ogummaa
fkn 4:5-9
5 Ogummaa argadhu, hubatas ta'i!
Dubbii afaan kooti hin irraanfatin, irraas hin jal'atin!
6 Oguummaan si golgitii ishee hin dhiisin si eegdiitii ishee jaalladhu!
7 Ogummaan hundumaa irra hin caaltiitii ishee argadhu!
Wanta qabdu hundumaanis ,hubannaa bitadhu !
8 Ol ishee fuudhi isheenis ol si qabdi,ofitti ishee qabi,
isheenis ulfina siif in kenniti;
9 isheen daraaraa battee dha'ame mataa kee irra in keessi ,
gonfoo miidhagaas sif in kenniti'' jedhe .
Gowwummaa
fkn 6:6-11
6 Ati namicha dhibaa'aa nana,mee dhaqii mixii ilaali akka isheen itti jiraattu yaadaan qabi,oggeessas ta'i !
7 isheen geggeessituu eegduu,mootiis hin qabdu;
8 kana keessa immoo waan ishee barbaachisu bona in tuullatti,nyaata ishees yeroo makarii walitti in qabatti
9 Ati dhibaa'aa nana,hamma yoomiitti ciifta ?
Hirriba keessaas yoom kaata ?
10 Ciisuudhaf harka ke wal irra in qaxxaamursita,yero muraasa in mugda,
yero muraasa in rafta;
11 hiyyumni akka saamtuutti dhabinnis akka nama mi'a lolaa hidhateetti sitti in dhufa.
Walumagalatii waaqayyoon dhaga'un ogeessa nama godha waaqayyoon dhaga'u didun garu gowwaa nama godha kanaf gowwaa jechuun warra waaqayyoon dhaga'ani akka dubbiin sagalee waaqayyoti nama hin jirannee jechuudha kanaf gowwaa ta'u waaqayyoo nu ha olchuu firotta ko ogessaa jechuun waaqayyoon dhaga'anii dubbii isa hojii irraa olchuu jechuudha kanaf waaqayyoo mal nun jechaa jira ogeessa ta'a jecha jira jechuudha
Ogesssaa ta'i!
by chala Tadesa

Qabxiileen ijoo ilaalcha (Worldview) Macaafa Qulqulluu:

1. Uumama: Waaqayyo uumama cufaa fi waan isa keessa jiru hunda uume (Seera Uumamaa 1:1).

2. Amala Waaqayyoo: Waaqayyo qulqulluu, jaalala, qajeelaa, gara laafessa fi uumama hunduma irratti olaantummaa kan qabu dha (Faarfannaa 103:8, Isaayaas 6:3).

3. Uumama namaa: Ilmaan namootaa bifa Waaqayyootiin kan uumaman yoo ta’u, garuu cubbamootaa fi furii kan barbaadda dha (Seera Uumamaa 1:26-27, Roomaa 3:23).

4. Cubbuu fi bu’aa isaa (Sin and its consequences): Cubbuun Waaqayyo irraa adda nama baase du’a hafuuraa fi fooniitti nama geessa (Roomaa 6:23, Isaayaas 59:2).

5. Furamu (Redmption): Yesus Kiristoos ilmi Waaqayyoo dhala namaa hidhaa cubbuu jalaa oolchuuf du'ee du'aa ka'e (Yohaannis 3:16, 1Qorontoos 15:3-4).

6. Amantii fi fayyina: Yesus Kiristoositti amanuu qofaatu fayyinaa fi jireenya bara baraatti nama geessa (Efesoon 2:8-9, Yohaannis 14:6, Hoji Ergamoota. 4:12).

7. Aangoo Macaafa Qulqulluu: Macaafni Qulqulluun namonni Waaqayyo Hafuura qulqulluun geggefamani (inspired) kan bareesan dubbii Waaqayyooti. Aboo kan qabuu, amantii fi gocha namoota qajeelche qajeelumatti kan guddisuu dha (2Ximotewos 3:16-17, Faarfannaa 119:105).

8. Safuu fi naamusa (Morality and Ethics): Seerri fi qajeelfamni Waaqayyoo murtoo fi gocha naamusaa keenya qajeelcha (Ba’uu 20:1-17, Maatewos 22:37-40).

9. Kaayyoo (Purpose): Kaayyoon uumamuu fi lafa kana irra jiraachu keenya Waaqayyoof ulfina kennuu, isatti gammaduu fi karoora isaa raawwachuudha (Isaayaas 43:7, Faarfannaa 16:11).

10. Jireenya bara baraa (Eternal life): Jireenyi keenya hiika kan qabaatu Ida lafa kana irra utuu hintaane Jireenyi bara baraa gaafa nugalee isatti qabamanee jiraanuu dha. (Ibroota 9:27, Mul’ata 20:11-15).
, safuu, kaayyoo fi jireenya bara baraa kan qajeelchu dha. by Caalaa

Nagaafi Araari Jaallali Waaqayyoo Lafaa Jirtaan Hundumaatti siniif haa baay'atuu Jaallatamoofi Kabajamoo Obboloota koo
Hafuura Akkam Jirtuu?
Maddi Nagaa Keenyaa kristoos haa eebbifamu bara baraan Amen! 🙏

Baroonta Haaraa qabatee waan dhufaa jiruuf Obbolessi keenya Caalaan Share join Gochaa nu Egaa ❤️❤️🙏


@kakuu_Studio
@Singer_Megertu_Official

Namoota Gosa Shan Tajaajila Keessatti nu mudatan
1. Namoota Baay’ee Qabeenya hafuuraa ykn ogummaa Qaban ( Very Resourceful
people (VRP):
Isaan fedhii hafuuraa kee ni qabsiisu. Isaan kun gorsitoota, leenjistoota, leelliftoota
amanamoo tajaajila keessatti si kakaasuu fi ogummaan akka guddattu si gargaarani dha.
Namoonni kun yeroo hunda gumaacha guddaa tajaajila keessaniif godhu. Namoota akkasi
waldaa keessa hinqabdan yoo ta’ee karaa midea haawasa (social media) quunamuun akka
gorssa (mentor) keessan ta’an gochuun barbaachiisadha.
2. Namoota Baay’ee Barbaachisoo Ta’an (Very Important People (VIP):
Tajaajila kee ni qooddatu. Isaan kun hiriyyoota tajaajilaa, michoota, duuka buutota si cinaa
tajaajila irratti bobbaniidha. Waliin ta’uun tajaajila bu’aa qabeessa ta’e irratti wal kakaastu.
Waliin geggeessa waldaa ta’uu, Luboota ykn hidhata wangeela isin waliin tajaajilan isiniif
baay’ee barbaachisoo (VIP) dha. Hojii tokko hojjechuuf walitti hidhamnee jirra.
3. Namoota Baay’ee Leenjii fudhtan ykn fudhachuuf ofkennan (Very Trainable
People (VTP):
Fedhii tajaajilaa ati qabddu qabatu. Namoonni kun guddachuu fi tajaajiluu barbaaduu.
Baratani gudachuuf hafuurri isaani kaka’aa dha. Gara fuula duraatti akkakee ta’ani yk
bakka kee bu’ani tajaajiluuf warra abdiin irratti gatamuu dha waan ta’eef isaan kana
lenjsuun baay’ee barbaachisaa dha. Ofitti isaan harkifnee jireenya keenya isaaniif qoodu
qabnna.
4. Namoota Baay’ee gaarii ta’an (Very Nice People (VNP):
Fedhii hafuuraa keetti gammaduu malee gudachuuf fedhi hinqaban. Namoonni kun
tajaajila kee irratti hirmaachuu hin barbaadan garuu irraa fayyadamuu qofa barbaadu.
Isaan waliin ta’uun yeroo ajaa’iba dabarsuun ni danda’ama. Yeroo baay’ee nyaadhu, dhugii
jedhani achumaan sidinqisiifatu waan ta’eef tajaajiltoonni namoota kana baay’ee
barbaaduu. Isaan kanaa wajjin ta’uun kan nama jajjabeessan ta’us jarreen kun tajaajiluu fi
guddachuu warra barbaadan miti. Gudachuu fi tajaajiluuf fedhi waan hinqabneef yeroo ati
isaan waliin dabarsitu kan fooni qofa ta’aa. Yoo rakkoon tokko ka’ee deebi’ani kan situfatan
ta’uu. Yoo rakkon simudatee ykn ati iddoo gad dhiifte hojichatu bada malee isaan kun
ofkenani iddo kee warra bu’an miti. Har’umaaf harka sirukutu jechuu dha. Sababi isaa gara
kooti jette waan yaaduuf tajaajilli kee kan isaan midhu ykn tuqu miti.
5. Namoota Baay’ee humnna nama xuuxan ykn rakkiso (Very Drainable or
dangerous people (VDP’s):
Fedhii hafuuraa kee fi mul’ata kee sirkatti balleessu. Namooti akkasi addunyaa keenya
hunda keessa guutani waan jiraniif of eeggannodhaan adda baafamuu qabu. Eenyu akka
ta’anii fi akkamitti jireenya keenya akka miidhan hin hubannu yoo ta’ee hafuura keenya qofa
utuu hintaane foon keenyayyu ni miidhu.

By Caalaa Tadesa


@Kakuu_Studio
@Yerusaalem_Haaraa

Namoonni channel telegram keessan 1K+ ol ta'e promotion tolaa (free promotion) hojjechiifachuu barbaaddan link armaan gadii kanaan nu qunnamaa!

Free Promotion: @todo_24

Nagaan waaqayyoo gooftaan keenyaa hundumaa keessaniif haa baay'atuu sabaa waaqayyoo. Akkam jirtan nagaa keessaanii??
Inni madaa nagaa keenyaa ta'ee kiristoosa gaalata haa fudhaatuu amen eebbifamaa.🥰🥰
Tolee nagaa kooti aansuu dhan. Namoonni channelkoo Kakuu Studio fi channel singer Megertu official keessati Aramtani promotion hojeechu warii barbdaan keessan naqunama +962795579856
Eebbifama

*↪️Bara ammaa kana:*
• Rakkoon waldaa kiristaanaa inni guddaan rakkoo geggeessummaati.
• Tajaajila damee kamiinuu keessatti  rakkoon yoo jiraate rakkoo hooggansaati.
• Waldaa kristaanaa kamuu  keessatti ar’a rakkoo ayyaanaa osoo hin taane, rakkoo geggeessummaa dhugaa dhabuumul’ataa jira.
kuni immoo rakkina amantoota bartuu gooftaa hin taane orachuurraa kan dhufe dha.
Arra waldaa kristaanaa keessatti jijjiiramu hundee qabu fiduudhaaf tajaajilaa kamiinuu dura amantoota bartuu kristoos gochuutu furmaata.
Yoo akkas hin taane arra irra dhaabanee gaafa ilaallu egereen Waldaa kristaanaa balaa guddaarra jira.
*↪️Hanqinni hogganaa dhugaa jira yeroo jennu:-*
1. Hoggantoota walii walii isaanii isimanne .
2. Hoggantoota tokkummaa hin gaafanne, .
3. Hoggantoota ayyaana nama biraa hin fudhannee fi hin kabajne.
4. Hoggantoota dantaa ofiif dursa kennan.
5. Hoggantoota fedhii isaanii hojiirra oolchan; 
Waldaan kristaanaa yaada Waaqayyoo akka raawwattuuf bakka buutuu (Ambaasaadara) Kristoos taatee biyya lafaa irratti hojjataa jirti. Aniif isin  Waaqarraatti isa murtaa’e yaada Waaqayyoo geggeessummaa gareetin tokko taane kan hojiitti hiiknu dha. 
6. Mul'ata fi ba'aa kan hin qabne, .
7. Namoota biro  guddisuudhaan , namoota bakka isaanii bu’an qopheessuu dhabuu .
8. Warra namaaf fakkeenya ta’uu hin dandeenye.
- jireenya isaanii keessatti, .
- jireenya isaanii keessatti, .
- Adeemsa isaanii keessatti, .
- Gaa’ela isaanii keessatti, .
Warra tajaajila isaanii keessatti fakkeenya ta’uu dadhaban.
9. Hoggantoota abbaa irree jaalalaan dhugaa kan  hin mul’isne baayyachaa dhufuu.
10. Baay’achuu fi mul’achuu hooggantoota lallabuu fi barsiisuu hin dandeenye, rakkoon ijoon hoggantootaa waldaa Kristaanaa bara kanaa isaan kana dha.
  Kanarraa kan ka’e geggeessaan dhugaa waldaa keessatti baay’ee xiqqaadha.
Kanaaf fudhatama dhabuun hooggantootaa fi ummata gidduutti:
1. Hoggantoonni akka barbaachisummaa isaatti  waan hin hoogganneef ykn hin geggeessineef , .
2. Ummannni ykn amantoonni  fedhii isaatiin geggeessitoota isaanitiif  waan hin bitamneef waldaa keessatti rakkoon uumama.

@Yerusaale_Haaraa
@Kakuu_Studio
@Megertu_Dhugasaa
@Tv_Lattuu