Law students Union ️️️

"ዜጎች  የሕጎች ሁሉ የበላይ ለሆነው  ህገ መንግስት ተገዢ ሊሆኑ ይገባል"

--- አፈ ጉባኤ የተከበሩ አቶ ታገሰ ጫፎ ---

(ዜና ፓርላማ) መጋቢት 26 ቀን፣ 2017 ዓ.ም፣  የኢፌዴሪ የሕዝብ ተወካዮች ምክር  ቤት አፈ ጉባኤ የተከበሩ አቶ ታገሰ ጫፎ  ዜጎች  የህጎች ሁሉ የበላይ ለሆነው  ህገ መንግስት ተገዢ ሊሆኑ እንደሚገባ አስገንዝበዋል።

የተከበሩ አፈ ጉባዔ "ህገ መንግስትና ህገ መንግስታዊነት በኢትዮጵያ" በሚል ርዕስ  የተጀመረው ሶስተኛው የፓርላማ ዜጎች ፎረም የውይይት መድረክ ላይ የመክፈቻ ንግግር ባደረጉበት ወቅት ዜጎች  የህጎች ሁሉ የበላይ ለሆነው  ህገ መንግስት ተገዢ ሊሆኑ ይገባል ብለዋል።

ህገ መንግስት የመንግስትንና የህዝብን ግንኙነት የአስተዳደር ስርአት የሚደነግግ ሰነድ መሆኑንም ተናግረዋል ።

ሀገሪቱ የምትመራባቸው ፖሊሲዎችና ሌሎች ህጎች የሚመነጩት ከህገ መንግስት መሆኑን የተከበሩ አፈ  ጉባዔ  አንስተው ፤ ተቋማት የሚገነቡት የህገ መንግስቱን ድንጋጌ መሠረት በማድረግ መሆኑንም ገልጸዋል ።

የህግ አውጪው፣ህግ አስፈጻሚው እና የህግ ተርጓሚው ስልጣንና ተግባር የስራ ግንኙነት ህገመንግስቱን መሰረት ያደረገ መሆኑንም የተከበሩ አቶ ታገሰ ጫፎ  በመክፈቻ ንግግራቸው አንስተዋል።

በህገ መንግስቱ አንቀጽ 9 ላይ ተቋማትና ዜጎች ህገ መንግስቱን የማክበርና የማስከበር ኃላፊነት እንዳለባቸው የሚደነግግ መሆኑንም  ገልጸዋል ።

ህገመንግስቱ የሚሻሻልበት ስርአት ስለመኖሩም በአንቀጽ 105 ላይ የተደነገገ መሆኑን ጠቁመዋል ። 

በውይይት መድረኩ ሶስት የመወያያ ጽሑፎች ህገ መንግስት፣ ህገ መንግስታዊነት፣ የህገ መንግስት ታሪክ በኢትዮጵያ ፣ የህገ መንግስት ቅቡልነትና ተግዳሮቶች በኢትዮጵያ እና የህገ መንግስት ሪፎርምና ሀገራዊ መግባባትን በተመለከተ በዘርፉ ባለሙያዎች እየቀረበ ነው ።

ዜና ፓርላማ እንደ ዘገበ!
Paralama News wabeeffannee!
Oduu parlama hordofuufis👇👇👇👇👇👇👇👇👇👇👇👇👇👇
https://t.me/LawStudentsUnion
https://t.me/LawStudentsUnion
https://t.me/LawStudentsUnion
https://t.me/LawStudentsUnion
https://t.me/LawStudentsUnion

በፍትሐብሔር ጉዳይ ሕግ ወደ ኋላ ሄዶ ይሰራልን ?

እንደሚታወቀው በወንጀል ጉዳይ አንድ የወንጀል ድርጊት በኢፌድሪ የወንጀል ህግ መሠረት ወንጀል ሆኖ በተሻረው የወንጀል ሕግ ግን እንደወንጀል ካልተቆጠረና የተፈፀመው ይህ ሕግ ከመፅናቱ በፊት ከሆነ ሊያስቀጣ እደማይችል በኢፌድሪ የወንጀል ህግ አንቀፅ 5(2) ላይ የወንጀል ህግ ወደኃላ ተመልሶ የማይሰራ መሆኑን ይደነግጋል፡፡የኢፌድሪ ህገ-መንግስትም በአንቀፅ 22(1) ላይ ማንኛውም ሰው የወንጀል ክስ ሲቀርብበት የተከሰሰበት ድርጊት በተፈፀመበት ጊዜ ድርጊቱን መፈፀሙ ወይም አለመፈፀሙ ወንጀል መሆኑ በህግ የተደነገገ ካልሆነ በስተቀር ሊቀጣ አይችልም፡፡ሲል ይደነግጋል፡፡ይህ የወንጀል መርህ ለፍትሐብሔር ተፈፃሚነት ይኖረዋልን ?ይህን አከራካሪ ጭብጥ የተመለከተው የፌደራል ጠቅላይ ፍርድ ቤት ሰበር ሰሚ ችሎት በሰ/መ/ቁ 229940 (ባልታተመ) ውሳኔው ላይ ህግ ወደኃላ ተመልሶ አይሰራም በሚል የሚታወቀው መርህ መሰረት ሀሳቡ አንድ ህግ በሥራ ላይ መዋል ያለበት ሕጉ ከፀና በኃላ በተፈጠረ መብትና ግዴታ ወይም ፍሬ ነገር ላይ ተፈፃሚ መሆን እንዳለበት እና ዜጎች በሚያውቁት ህግ መተዳደር አለባቸው የሚለውን ታሳቢ ያደረገ ነው፡፡እንዲሁም አንድ ህግ የሚፀናበትን ጊዜ አስመልክቶ በህግ አውጪው ከተደነገገበት ቀን በፊት ለተፈጠሩት ክስተቶች ወይም መብትና ግዴታዎች ተፈፃሚነት አይኖረውም የሚል ሀሳብ ያለው ነው፡፡የዚህ መርህ ተግባራዊነት የህግ የበላይነት ከሚረጋገጥባቸው መገለጫዎች መካከል አንዱ ነው፡፡ስለሆነም በተለይም አንድ መሠረታዊ ህግ(substantive law) ወደ ኃላ ተመልሶ እንዲሰራ ህግ አውጪው በህጉ ላይ በልዩ ሁኔታ ካላመለከተ በስተቀር ፍርድ ቤት ወይም ሌላ የዳኝነት ስልጣን የተሰጠው አካል ለያዘው ጉዳይ ተፈፃሚነት ያለውን መሠረታዊ ህግ ሲመርጥ መሠረት ሊያደርግ የሚገባው ወይም መሠረት እንዲያደርግ የሚጠበቅበት ለክርከሩ መነሻ የሆነው ጉዳይ በተፈጠረበት ጊዜ ተፈፃሚ ሲሆን የነበረውን ህግ ሊሆን ይገባል፡፡ሲል በፍትሐብሔር ጉዳይ አንድ ህግ ወደኃላ ሄዶ የሚሰራው በህጉ ላይ በልዩ ሁኔታ ካመላከተ ብቻ ነው ካልሆነ አንድ ህግ ወደኃላ ሄዶ አይሰራም ማለት ነው፡፡

Via Legal Advice Service