መንፈሳዊ ትረካ ብቻ

ሶትሪያ- ሚዲያ
"ሕዝቤ እውቀት ከማጣቱ የተነሣ ጠፍቶአል" ሆሴዕ 4:6
የሰው ልጅ ገና ሲፈጠር አስተዋይ ልብ ይዞ ነው የተፈጠረው። እግዚአብሔር  ለሰው ልጆች እራሱን እየገለጠ ነበር(revealetion of God)። የሰው ልጅ ይህንን መለኮታዊ መገለጥ መማር አለበት። አዳምና ሔዋን ትእዛዛቸውን ሲያፈርሱ አንዱ በሌላው ሥር ተቀምጦ እንዲማር ተደረገ። ስለዚህም እግዚአብሔር የሚናገረውን መንገድ (በአንድ ወይም በሌላ መንገድ) መማር እና በተማረው ነገር መኖር አለበት። እውቀትን ያላካበተ ደግሞ ይጠፋል። በዘመናችን ማህበራዊ ሚዲያ እና ዘመናዊነት ትውልዱን ከክርስትና አውጥተውታል። ሚዲያውን እንዴት መጠቀም እንዳለብን ባለማወቃችን ማኅበራዊ ሚዲያው የጥላቻና የመከፋፈል ሜዳ ሆኗል። ብዙ ደስ የማይሉ ነገሮችን መስማት የተለመደ ሆኗል። ለመጪው ትውልድ ምን እንወርሳለን? ያ የታሰበ አይመስልም። ቁጭ ብለን ችግሮችን ከማውራት ይልቅ መፍትሄ ፈልገን መዳን አለብን። ለዚህ ደግሞ ብቸኛ መፍትሄው #የእግዚአብሔር #ቃል ብቻ ነው። ሶትሪያ የተወለደችው የእግዚአብሔርን ቃል የተጠሙ ሰዎችን እና እግዚአብሔር ቃሉን እንዲናገሩ የፈቀደላቸውን መምህራኖችን ለማገናኘት ነው።
የክርስቲያኖች ጆሮ #ከአመፅና #ክፋት ከመስማት ወጥቶ ቅዱሱን መንፈሳዊ ትምህርቶችን እንዲሰማ የቤተክርስቲያንን ዶግማ፣ ቀኖና እና አጋጣሚዎችን ለማስተማር አላማ አድርጎ የተነሳ ሚዲያ ነው። በጸሎትና በምክር ከሚዲያው ጎን እንድትቆሙና፣ ከዚህ በታች ያሉትን ሊንኮች ተጠቅማችሁ ከሱ ለመማር፣ የወንጌልን ድምፅ ለመስማት ለሚፈልጉ የሰው ልጆች ሁሉ እንድታካፍሉ እናሳስባለን!

"የአባቶችን ተስፋ የምስራቹን ለእናንተ እንሰብካለን'' ሐዋ 13:32

YouTube https://youtube.com/@Soteriamedia21?si=VMAMZpRtucXIkMwg
ቴሌግራም t.me/Soteriamedia

ፌስቡክ ገጽ:https://www.facebook.com/share/Fism921qf9FupwCN/?mibextid=oFDknk

#ሚስት_አጣሁ!  🤔

꧁ ❝ ውድ አንባቢያን 2 ደቂቃ እንዋሶትና  ይህንን አስተማሪ ታሪክ ላካፍላችሁ ።

አንድ ወጣት ሚስት ማግባት ፈለገ። በዙሪያውም ብዙ ቆነጃጂት ሞልተዋል።ወጣቱ ግን ለአይኑ እምትሞላ ፣ ለትዳሩ የምትበጅ ፣ ሙሉ የሆነች ቆንጆ ና ውብ ሴት የሚላት የትኛዋ እንደሆነች መምረጥ ተቸገረ። ሴት በሞላበት ሀገር ሚስት ፍለጋ ቢናውዝም ይችን ላግባ ብሎ መምረጥ እና መወሰን ተሳነው። ብቻ ቢፈልግም ቢያስፈልግም ሚስት አጣ።
...
ከዕለታት አንድ ቀን ምን ይሻላል ብሎ ሰው ሲያማክር እራቅ ወዳለ ሀገር አንድ ጠቢብ ሰው ስላሉ እሳቸው ጋር ቢሄድ አንዳች መፍትሄ እንደሚያገኝ ነገሩትና እርሱም ወደዛ አሉ ወደተባሉ ጠቢብ ሽማግሌ ዘንድ ይሄዳል። ጠቢቡ ዘንድም ደርሶ የበቆሎ ማሳ ቁጭ ብለው ሲጠብቁ አገኛቸው።
...
ሚስት ያጣው ወጣትም ከማሳው ዳር ካለው የእርሻው ዲብ ላይ ጺማቸውን አንጀርግገው በግርማ ሞገስ ቁጭ ብለው የበቆሎ ማሳ ወደሚጠብቁት ጥበበኛ ሽማግሌ ጠጋ አለና እንደምን ዋሉ አባቴ አላቸው።እርሳቸውም እግዚያብሔር ይመስገን እንደምን ዋልክ ልጀ አሉት።
...
ጥበበኛ ነወት ተብየ መምጣቴ ነው አላቸው። እርሳቸውም በእርጋታ ትኩር ብለው እያዩት " ምን እንድረዳህ ፈልገህ ነው የመጣኸው? " ብለው ጠየቁት። እርሱም "ሚስት አጣሁ !..."ብሎ የመጣበትን ጉዳይ አንድ በአንድ አስረዳቸው።
...
እርሳቸውም " አይይ ልጄ !! በል ና ተከተለኝ " ብለው ከበቆሎው ማሳ ዳር ቆሙና " የመጣህበትን እንድነግርህ ከዚህ ከምታየው የበቆሎ ማሳ ከዚህ ከቆምንበት ጀምርና እስከ ዳር ድረስ ውስጥ ለውስጥ ገብተህ ከዚህ ሁሉ የበቆሎ እሸት በመጠኑ ከፍ ያለ እና አሪፍ እምትለውን አንድ ብቻ የበቆሎ እሸት ዘንጥለህ አምጣልኝ ። ነገር ግን ማሳሰቢ ልስጥህ ።
...
1ኛ ከዚህ ከቆምክበ ከፊትህ ካለው እሸት ወደ ውስጥ ብገባም ከዚህ የበለጠ እሸት አላገኝም ብለህ ካመንክ እዚሁ ዘንጥለህ ልትሰጠኝ ትችላለህ።

2ኛው ማሳሰቢያ ከዚህ ጀምረህ እስከ ማሳው ዳር ድረስ ወደፊት እየተራመድክ መምረጥ ትችላለህ ነገር ግን ልብ በል አንዴ ያለፍከውን እሸት እንደገና ወደ ቡሀላ ተመልሰህ መቁረጥ አትችልም ወደፊት ብቻ።

3ኛው ማሳሰቢያ አጥቻለሁ ብለህ ባዶ እጅህን መምጣት አትችልም።

4ኛው እና የመጨረሻው ደግሞ ከዚህ ሰፊ የበቆሎ ማሳ አንድ የበቆሎ እሸት ብቻ ነው ቆርጠህ እምታመጣልኝ።
መጀመር ትችላለህ " አሉትና ተመልሰው ቁጭ አሉ ወጣቱም ወደ በቆሎው ገባና የተሻለ የሚለውን በቆሎ መፈለግ ጀመረ።
...
ሁሉም እሸት አማረው አይን አዋጅ ሆነበት ትንሽ ገባ እንዳለ በጣም የሚያማልል እሸት አየና ሊቆርጥ አሰበና " ወደፊት ከዚህ ከሚታየኝ የበለጠ ትልልቅ እና እሚያማምር ቢኖርስ ? ብሄድ ይሻላል"። ብሎ ፍለጋውን ቀጠለ። ነገር ግን ወደ ፊት በሄደ ቁጥር እንደ ቅድሙ የሚያምር ሳይሆን ጥራቱ እየቀነሰ ሄደ።
....
አሁንም ወደ ፊት ጥሩ እሸት አገኛለሁ እያለ መዳከር ያዘ። ነገር ግን ጭራሽ ከቅድሙ የባሰ በመጠኑ ያነሰ፣ ገና ለጋ የሆነ እና ትል የበላው እየሆነ መጣ። ወጣቱም ወደ ኋላ መመለስ አትችልም ስለተባለ ምናለ ቅድም ዳር ላይ ቆርጨ በነበር እያለ እየተፀፀተ አሁንም ተስፋ ሳይቆርጥ ወደፊት ልክ ቅድም ስገባ እንዳየሁት እሚያማምር እሸት አገኝ ይሆናል እያለ በተስፋ ወደ ፊት ፍለጋውን ቀጠለ። እሚያሳዝነው የተባለውን እሸት ሳይቆርጥ በገባበት ተቃራኒ የእርሻው ዳርቻ ሊወጣ ሲዳረስ እንዳለ ግማሹን ወፍ የጠረጠረው እየሆነ መጣ።"
...
እስኪ እንደ ቅድሙ ዳር ላይ ጥሩ በቀሎ ባገኝ ብሎ የእርሻው ጫፍ ላይ ብቅ አለ ነገር ግን እሚገርመው ጭራሹንም ወፍ እልም አድርጎ የጨረሰውና ቆረቆንዳ ብቻ ሁኖ አገኘው።ወደ ቡሃላ እንዳይመለስ ወደ ኋላ መመለስ አትችልም ተብሏል። ባዶ እጁን እንዳይመለስ ምንም ቢሆን ባዶ እጅህን እንዳትመለስ ተብሏል።
...
ስለዚህ አማራጭ ስላጣ ወፍ የበላውን የበቆሎ ቆረቆንዳ አንዱን ዘንጥሎ ወደ ጠቢቡ ተመለሰ እና ከፊታቸው ቆመ።

✍ እርሳቸም "እስኪ ያመጣኸውን አሳየኝ "አሉት። እርሱም አንድም በላዩ ላይ ጥሬ የሌለውን ቆረቆንዳ ሰጣቸውና በሀፍረት ፀጥ ብሎ ቆመ።"ይህንን ነው የተሻለ ያገኘኸው?" ብለው ቢጠይቁት እርሱም በሀፍረት አባቴ ያው የተሻለ አገኛለሁ ብየ ስፈልግ ሳላስበው ወፍ ከበላው ደረስኩ " አለ እየተንተፋተፈ።
...
ቁጭ በል እስኪ አሉና "አየህ የኔ ልጅ ሚስት እያማረጡ አንዷን ከአንዷ እያመረጡ መኖርም ልክ እንደዚህ ነው።
👉 አብዝቶ መምረጥ መጨረሻ ከምራጭ ይጥላልና ሚስት ከእግዚያብሔር ስለሆነች በአንተ ምርጫ አይሆንም። ከፊትህ ያለችውን ሚስት አድርግ "አሉት❞

ምንጭ "ኦርቶዶክሳዊ ትምህርቶች"

ምን ተማራችሁ?

@menefesawitereka

https://t.me//menefesawitereka

🌿 #ንነጽር_፵፰
የሰውን ልጅ ምኞት ካ'ለመገደቡ የተነሣ በ'የቀኑ ምኞቱ እያደገ ይመጣል።
ሊመኝ የሚችለውም የሌለው ነገር እንጂ መቼስ ያለው/የተሰጠው ነገር ስጠኝ ብሎ አይመኝ!
...
አስተውሉ! ያ የምንመኘው ነገር አኹን ባለንበት ሁኔታ ላይ ለእኛ ትርፍ ሊሆን ይችላል'ኮ! ምክንያቱም ከእኛ በላይ ስለ እኛ የሚያስብ አምላክ ያለን ስለሆነ ለእኛ የሚሆነውን ሰጥቶናል። ባይሰጠንም እንኳ ጊዜው አልደረሰም ማለት ነው።

ሰላም ለምድራችን🙏
@menefesawitereka
@menefesawitereka
ፍቅር ለሕዝባችን🙏
t.me//menefesawitereka

🔔 #ጾም
ለተወሰነ ጊዜ እህል ከመብላትና ውሃ ከመጠጣት መታቀብ ወይም ለተወሰኑ ወራት ከጥሉላት፣ ከሥጋ፣ ከቅቤ፣ ከወተት፣ ከእንቁላል በአጠቃላይ ከእንስሳት ውጤት መከልከል ነው።
...
ይህ ብቻ #ጾምን ፍጹም ስለማያደርግ ሕዋሳት ሁሉ በ'የራሳቸው ክፉ ከመሥራት መታቀብ አለባቸው።
...
ይኸውም ዓይን ክፉ ከማየት፣ ጆሮ ክፉ ከመስማት፣ አንደበት ክፉ ከመናገር፣ እጅ ክፉ ከመሥራት፣ እግር ወደ ክፉ ቦታ ከመሄድ ይከልከሉ።
...
በተጨማሪም አዕምሮን ጎድተው ሰውን አስክረው የማይገባ ከሚያሠሩና ከሚያሳስቡ የአልኮል መጠጦች መጠበቅ እንዳለብን ማወቅ ይገባናል።
...
እንግዲህ ከላይ የተገለጸውን #የጾምን ሕግ ስንፈጽም #ከጸሎት ተነጥሎ አይታይም። #ጾምና #ጸሎት በአንድነት ርኵሳን መናፍስትን ድል የምንነሳባቸው መሳርያዎች ናቸው።
...
#ጾማችንንና #ጸሎታችንን በእግዚአብሔር ዘንድ ተቀባይነት እንዲኖረው የተራበን የተቸገረን በሙሉ በአቅማችን ልንረዳ ይገባል።

◍ዘጸ ፴፬÷፳፰, መሳ ፳÷፳፮, ፩ኛ ሳሙ ፯÷፮, ፩ኛ ሳሙ ፴፩÷፲፫, ፪ኛ ሳሙ ፩÷፲፪, ፪ኛ ሳሙ ፲፪÷፲፮, ዕዝ ፰÷፳፩, ነህ ፩÷፬, ነህ ፱÷፩, አስቴ ፬÷፲፮, ማቴ ፲፯÷፳, ማር ፪÷፲፰, ሉቃ ፪÷፴፯, ሉቃ ፰÷፲፪, ሐዋ ፲፫÷፫, ሐዋ ፲፬÷፳፫, ፪ኛ ቆሮ ፲፩÷፳፯...

     #መልካም_የጾም_ጊዜ
ትምህርተ ተዋሕዶ

ሰላም ለምድራችን🙏
@MekuriyaM ይቀላቀሉን
ፍቅር ለሕዝባችን🙏
...
❝ #እወ_እግዚኦ_አምላክነ_አኃዜ_ኵሉ_ዘይነግሥ_ለኵሉ_ዓለም_አቡሁ_ለእግዚእነ_ወመድኃኒነ_ኢየሱስ_ክርስቶስ። #ንስእለከ_ወናስተበቍዐከ_በእንተ_ሰላም_ንጉሠ_ሰላም_ሰላመ_ሀበነ_እስመ_ኵሉ_ወሀብከነ_አጥርየነ_እግዚአብሔር_ወዕሥየነ_እስመ_ዘእንበሌከ_ባዕድ_አልቦ_ዘነአምር_ስመከ_ቅዱሰ_ንሰሚ_ወንጼውዕ_እንተ_ዘእምሰማያት_ሰላመከ_ፈኑ_ውስተ_አልባቢነ_ለኵልነ።❞
      🙏ተሣሃለነ🙏

t.me//menefesawitereka

ገብርኤል ማለት ወልደ እግዚአብሔር ማለት ነው፡፡ ይህንም ንጉሠ ፋርስ ከሠለስቱ ደቂቅ ጋራ አራተኛ ሆኖ በእሳት ውስጥ ሲመላለስ አይቶ አራተኛው የአማልክትን መልክ ይመስላል ብሎ የገለጸበት ስም ነው፡፡ በግዕዙ ‹‹ ወገጹ ለራብዓይ ወልደ እግዚአብኤር ይመስል›› እንዲል (ዳን ፫፡፳፭)፡፡ ንጉሡ አራተኛው የአማልክትን መልክ ይመስላል እንጂ ቅዱስ ገብረኤል መሆኑን አልገለጸም፡፡ ይህንን የገለጸው ቅዱስ ያሬድ ነው፤ "ዝኬ ውእቱ ገብርኤል ዘባጢሁ ለእሳት -የሚነደውን እሳት ያጠፋው ገብርኤል ነው" ድጓ ገጽ ፻፸፡፡

በተጨማሪም ቅዱስ ገብርኤል ብሂል ወልደ እግዚአብሔር ወዲበ ርእሱኒ አክሊል በትእምርተ መስቀል፤ ገብርኤል ማለት ወልደ እግዚአብሔር ማለት ነው፤ ጥሬ ትርጉሙ ወልደ እግዚአብሔር ይባላል አለ እንጂ በቁሙ መላእኩ የእግዚአብሐር ልጅ ነው ማለት ግን አይደለም፡፡ በተጨማሪም ቅዱስ ገብርኤል "መጋቤ ሐዲስ፣ አብሣሪው መላእክ" ይባላል፡፡ የተባለብትም ምክንያት ለእመቤታችን ለቅድስት ድንግል ማርያም "ትፀንሲ  ወትወልዲ ወልደ"  ብሎ በስሙ ትርጓሜ ምሥጢረ ሥጋዌን በመናገሩ መጻሕፍት "ወልደ እግዚአብሔር" ሲሉ ይጠሩታል፡፡ መተርጉማን ሊቃውንትም "ገብርኤል ማለት አምላክ ወሰብእ ፣እግዚእ ወገብር" ብለው ተናግረዋል፡፡ ከሰባቱ ሊቃነ መላእክት አንዱና በእግዚአብሔር ፊት የሚቆመው ታማኝ መልአክ ቅዱስ ገብርኤል ነው፡፡ "በእግዚአብሔር ፊት የምቆመው ገብርኤል ነኝ" እንዲል (ሉቃስ ፩፡፲፱)፡፡ በተራዳኢነቱና በአማላጅነቱ በምእመናን ዘንድ ፈጣን ነው፡፡ ያዘኑትን ለማፅናናት የምስራች ለመንገር ከእግዚአብሔር ወደ ምእመናን የሚላክና ፈጥኖ የሚደርስ መላእክ ነው፡፡

በጣዖት ፍቅር እጅግ ያለመጠን ልቡ ተቃጥሎ የነበረው የባቢሎን መሪ ናቡከደነፆር ቁመቱ ስድሳ ወርዱ ስድስት ክንድ የሆነውን የወርቅ ምስል አሰርቶ መኳንንቱን ሰብስቦ ሕዝቡ በሙሉ ለጣዖቱ እንዲሰግድ አዋጅ አወጀ፡፡ ያ የመከራ ጊዜ ነበር፡፡ አስመሳዮች ለጣዖት ሰገዱ፡፡ እውነተኛ አማኞች ግን በእግዚአብሔር ላይ ያላቸውን እምነት ንጉስ ሆይ "አምላካችንን ክደን አንተ ላቆምከው ጣዖት አንሰግድም" አሉት ሦስቱ ወጣቶች፡፡ ንጉሱም አገልጋዮቹን ጠርቶ እሳቱ ሰባት እጥፍ እንዲነድ ትዕዛዝ ሰጠ፡፡ እሳቱም ሰባት እጥፍ ነደደ፡፡ ወዲያውኑ የንጉሱ አገልጋዮች አናንያ፣ አዛርያን እና ሚሳኤልን ወደ እቶነ እሳቱ ወረወሯቸው፡፡ ከእሳቱ ኃይል የተነሣ የንጉሡ አገልጋዮቹም በእሳቱ እየተጠለፉ ነደዱ፡፡ ንጉሱም በዚህ ወቅት   ‹‹እነሆ እኔ በእሳቱ መካከል የሚመላለሱ አራት ሰዎች አያለሁ እሳቱ ምንም አላቃጠላቸውም አራተኛውም የአማልክትን ልጅ ይመስላል፡፡›› አለ፡፡

ንጉስ ናብከደነፆር በግልፅ ተመልክቶ እንደመሰከረው የነደደውን እሳት በማብረድ ለሠለስቱ ደቂቅ ቤዛ የሆናቸው ቅዱስ ገብርኤል ነው፡፡ ከዚህ በላይ እንደተገለፀው ሊቀመላእክት ቅዱስ ገብርኤል ስለ ሃይማኖታቸው መከራ የተቀበሉትን ወጣቶች የነደደውን እሳት አብርዶ በሃይማኖታቸው እንደአፀናቸው በግልጽ በነብዩ ዳንኤል ተገልጿል፡፡

የቅዱስ ገብርኤል አማላጅነት እኮ ጥንት የነበረ ብቻ ሳይሆን እስከ አለንበት ዘመን ደርሶ የመልአኩን አማላጅነት በዓይን የተመለከትነው ተጨባጭ ድርጊት ነው፡፡ የነደደ እሳት ውስጥ ገብቶ ከመውጣት ባልተናነሰ መከራ ውስጥ ገብተው በቅዱስ ገብርኤል አማላጅነት ከሞተ ስጋ ከሞተ ነፍስ ድነው እውነተኛ ምስክርነታቸውን የሚሰጡ ብዙዎች ናቸው፡፡ ስለዚህ ለመላእክት አለቃ ለቅዱስ ገብርኤል የተሰጠውን ጸጋ ተረድተን መልአኩን ልናከብረውና ልናመሰግነው ይገባል፡፡ አምላከ ቅዱሳን በረከቱን ያሳድርብን
@menefesawitereka
@menefesawitereka
@menefesawitereka
t.me//menefesawitereka