መሪጌታ አምደብርሃን የባህል ህክምና መስጫ ማዕከል 🌿🌿🌿

በኃላ ጥፋት ያለውን ፍንትው አድርጎ የሚያሳያቸው፡፡ እየተዋደዱ በፍጹም በነገሮች መግባባት የማይችሉት የዛሬን ፍቅር እና የነገን ትዳር በማይወደው በዓይነ ጥላው ምክንያት ነው፡፡

ይህ ዓይነት ባሕርይ ዓይነ ጥላው በባለትዳሮች መሐል፣ለጠብ ብሎም ለመለያየት ይጠቀምበታል፡፡ ሚስት ለባል አንድ ነገር ከነገረችው ባል ሆዬ ሚስት ባላሰበችው ሳይሆን ፍጹም ባልገመተቸው መንገድ ተርጉሞ ለጭቅጭቅ እና ለጠብ ያደርገዋል፡፡ በባል ውስጥ ያለው ዓይነ ጥላ የሚስትን ንግግር እንደ ሕንድ ፊልም ተርጓሚ ገልብጦ ያሳየዋል፡፡ ሚስቱን እንዳያምናት እንዲጠራጠራት ያደርገዋል፡፡ ይህ ደግሞ ለዓይነ ጥላው ለመለያየት መሠረት የሚጥልበት አደገኛ መንገዱ ነው፡፡

ሚስት ላይ ያለው ዓይነ ጥላ ደግሞ ባል ገና ቤቱ ገብቶ ሰውነቱን እንኳን በአግባቡ ሳያሳርፍ ዓይነ ጥላዋ እሳት ልሶ እሳት ጎርሶ ይጠብቀዋል፡፡ በማግባትዋ የተበሳጨው አጋንት በመለያየት ለመደሰት ትንታግ ምላሱን ባል ላይ ይዘረጋል፡፡ ባልም ይናገራል አልያም ይመታታል፡፡ አብሮን በስውር የኖረው ዓይነ ጥላ በትዳራችን መሐል በጠብ በጭቅጭቅ የፍቅር ጠንቅ ይሆናል፡፡ ዓይነ ጥላ ያለባቸው ባለትዳሮች በጠብ ጊዜ ተናግረው አይወጣላቸውም ወይም ተሳድበው አይረኩም፡፡ እየተርገፈገፉ ስሜታቸውን ቁጣቸውን መቆጣጠር አይችሉም፡፡ አባቶች ‹‹ቁጡ እና ኃይለኛ ሰው ሙት ቢያስነሳም አይደነቅም›› ይላሉ፡፡

ወዳጆቼ ከመቼውም በበለጠ ሁኔታ የትዳር ፍቺ በዘመናችን በዝቷል፡፡ የማያረጋጋ መንፈስ ተሸክመን የተረጋጋ የትዳር ሕይወት መኖር አልቻልንም፡፡ ብዙዎች የትዳር አጋራቸውን ችግር ዓይነ ጥላቸው ከፍ አድርጎ እያሳያቸው፣ቢፋቱ የተሻለና ሰላማዊ ሕይወት የሚኖሩ አስመስሎ እያሳሰባቸው ለፍቺ ይዳርጋቸዋል፡፡ ዓይነ ጥላ እርስ በእርስ አላግባባ ብሎን ቢያፋታን ምን ዓይነት ዓይነ ጥላዊ ጥቅም ያገኛል? ብንል፡፡ አንድ ትዳራችንን በማፋታት ይለያየናል፡፡ ሁለት በቅዱስ ቁርባን ካገባን ቅዱስ ቁርባናችንን ያፈርሳል፡፡ ሦስት ልጆቻችንን ይበታትናል፡፡ አራት ቤተሰብ ከቤተሰብ በመለያየት ያራርቀናል፡፡ አምስት የትዳር በረከታችንን ያሳጣናል፡፡ ስድስት በትዳር ፍቺ ምክንያት መንፈሳዊ ሕይወታችንን ችግር ውስጥ ይከታል፡፡ ሰባት ግላዊ ሕይወታችንን ያቃውሳል፡፡ ስምንት ሌላ ትዳር እንድንይዝ በማድረግ ሰማያዊ ክብራችንን ያሳጣናል፡፡ ዘጠኝ ለዘላለም ትዳር ጠል ሆነን እንድንኖር ያደርገናል፡፡ አሥር የተስፋ መቁረጥ ሕይወት ውስጥ ይከተንና ዘማዊ ጠጪ ሰካራም በማድርግ ለተመሰቃቀለ ሕይወት ይዳርገናል፡፡ አሥራ አንድ ልጆቻችንን በአግባቡ እንዳናሳድግ ያደርገናል፡፡ አሥራ ሁለት የትዳራችንንና የልጆቻችን ደስታ በማሳጣት ለከፋ ሕይወት ይዳርገናል፡፡ ወዳጆቼ ይህ ሁሉ የሕይወት ጣጣ ባለመግባባት የሚመጣ ነው፡፡ የትዳር ጠንቅ የሆነው ዓይነ ጥላ የጣላቸው ብሎም ያለያያቸው እንኳን ሽማግሌ ጳጳስ ቢመጣም አይታረቁም፡፡ ጸጸቱና ቁጭቱ የሚመጣው ትዳሩ ሲፈርስ፣ልጆች ሲበተኑ ነው፡፡

በአንድ ወቅት ከሚስታቸው ጋር በመጣላት ሰላማቸውን ያጡ ካህን የቤት ጠባቸው ወደ ውጭ ወጥቶ ዘመድ ጎረቤት ተሰብስቦ አስታርቁዋቸው፡፡ ግን ሳምንት ሳይሞላ ተመልሰው ተጣሉ፡፡ ነገሩ እየከረረ ጠባቸው ከሳምንት ወደ እለት ተእለት ተቀይሮ ለሸምጋይ አስቸገረ፡፡ ታድያ በሚስታቸው ጭቅጭቅ የመራራቸውን ካህን ሽማግሌዎች ሊያስታርቋቸው ሲመጡ ‹‹አባቶቼ በሽምግልናው አትድከሙ እናንተ አስታርቃችሁን ስትሄዱ አጅሬ ሹልክ እያለ እየገባ ነው ሰላሜን የሚነሳኝ፡፡ ስለዚህ ከዛሬ ጀምሮ ሚስቴን ሳይሆን ያን ስመ አይጠሬ መናጢውን ታግሼ እኖራለሁ እንጂ ሌላ ምን አደርጋለሁ›› አሉ ይባላል፡፡ እኚህ ካህን ቢያንስ የትዳራቸውን ጠንቅ በማወቅ እግዚአብሔር አንድ መፍትሔ እስኪሰጣቸው መታገሳቸው በራሱ አንድ መፍትሔ ነው፡፡ ይህ ዓይነት ብልሃት በእኛ ዘንድ ስለሌለ መፋታት እንደ መፍትሔ ተወሰደ፣ትዳሩም ተናደ፡፡

ሌላው አብሮን አሸምቄ ተደብቆ የኖረው ዓይነ ጥላ ደህና ሥራ ጀመርኩ ብለን ሥራ መሥራት ስንጀምር በተለያየ ምክንያት ከአለቃችን ከሥራ ባልደረባችን ጋር ማጨቃጨቅ፣ማነታረክ ይጀምራል፡፡ በዚህ ብስጭት ወይ ሥራውን እንተዋለን አልያም እንደ ተጠማመድን እንቀጥላለን፡፡ ፍቅርን፣አንድነትን የሚጠላው ዓይነ ጥላ እኛ ላይ አልያም አሠሪያችን ላይ በመሆን በሰውዬው ባሕርይ ግልጽ ጥላቻውን ይጀምራል፡፡ ተግባብተን መሥራት ሞት እስኪመስለን ድረስ ያከብድብናል፡፡ በዚህ ዓይነ ጥላ ጠባይ በሥራ ባልደረቦቻችን ዘንድ መጠላትን እናተርፋለን፡፡ በሥራ ታታሪ ብንሆንም አንመሠገንም፡፡ ዓይነ ጥላው በሥራ ምክንያት የሚመጣልንን የእድገት፣የሥልጣን፣የትምህርት እድል ባለመግባባታችን ያሳጣናል፡፡

አንዳንዶቻችን በትምህርት ሕይወታችን ከተማሪዎች ጋር መግባባት እንዳይኖረን ከሰው በማራቅ የብቸኝነት ሕይወትን እንድንመርጥ ያደርገናል፡፡ ይህ ጠባያችን ሲያድግ በነገ ሕይወታችን ላይ አሉታዊ ተጽእኖ ይኖረዋል፡፡

ዓይነ ጥላው እጅግ ክፉ ከመሆኑ የተነሳ ከወላጅ እናት አባታችን ከወንድም እህቶታችን ጋር በፍጹም ላያግባባን ይችላል፡፡ ወላጆቻችንን እንደ በዳይ አድርጎ በማሳየት፣በአስተዳደጋችን ምንም ውለታ እንደሌለብን አድርጎ በማሳየት ቤተሰባችንን እንድንጠላ ያደርገናል፡፡ ቁም ነገር ቦታ ስንደርስ ቤተሰባችንን እንዳንረዳ በድለው እንዳሳደጉን እያሳሰበ ከቤተሰብ ያርቀናል፡፡ በእንዲህ ዓይነት ክፉ ጥንውት ውስጥ ገብተን ነገ አግብተን ብንወልድም ዓይነ ጥላው የዘራነውን በልጆቻችን ያሳጭደናል፡፡

ወዳጆቼ በየትኛውም ሕይወታችን ከተፈጥሮ ባሕርያችን ያፈነገጠ ድንገተኛ የባሕርይ ለውጥ በራሳችን ላይ ስናይ ቆም ብለን እናስብ፡፡ ዓይነ ጥላው ከሰዎች ጋር እንዳንግባባ በማድረግ ከሰው ተገልለን፣ተለይተን ‹‹እኔ ከሰው ጋር መኖር አልችልም›› ወደሚል እሳቤ ውስጥ ይከተንና ሰው በሚኖርበት ዓለም እየኖርን ሰው አልባ ያደርገናል፡፡ ሕይወታችንንም ባዶ ያደርግብናል፡፡ ከሰው ተግባብተው መኖር ያቃታቸው ሰዎች ብቸኝነትን እንደ መደበቅያ ዋሻ ያደርጉታል፡፡ ብቸኝት ሲብስ ለአእምሮ ህመም፣ለስነ ልቦና ችግር ብሎም ለእብደት እና እራስን ለማጥፋት ይዳርጋል፡፡ ስለዚህ ባለ ትዳሮች፣እጮኛሞች፣ጓደኛሞች በመሃላችሁ ውሃ የማያነሳ አለመግባባት ሲፈጠር ቆም ብሎ ማሰብ፣መታገስ፣ነገሩን በመንፈሳዊ ዓይን በመቃኘት ማጤን አለብን፡፡ እራሳችንን መግዛት፣የቁጣ፣የንጭንጭ ባሕርያችንን ለመግታት ከሞከርን ዓይነ ጥላው ወደ ከፋ ደረጃ አይደርሰንም፡፡ መንፈሳዊ ሰው መሆን አንዱና ትልቁ ጥቅም መለኮታዊ ዋስትና ጥበቃ ማግኘት ነውና በመንፈሳዊ ሕይወታን ከበረታች ሠልፉ የእኛ ነው ድሉ የእግዚአብሔር ነው፡፡


ክፍል አራት

በሰው እንድንጠላ፣የሚያደርግ ዓይነ ጥላ!

/ነገአችንን የሚበለሽ የሚያኮላሽ/

ይቀጥላል ….

ክፍል ሦስት

ከሰው የማያግባባ ዓይነ ጥላ

/ሰው አልባ፣ሕይወት አልባ የሚያደርግ/
የእጮኛሞች፣የባለ ትዳሮች፣የጓደኛሞች ፈተና


ወዳጆቼ በክፍል ሁለት ሴቶችን በተለይ መልከኞችንና ወንዶችን ዓይነ ጥላ እንዴት ባለ የፈተና ስልት ትዳር አልባ በማድረግ ከትዳር ዓለም እንደሚያርቃቸው፣ለትዳር የሚጠይቃቸውን ሰው እንዴት እንደሚመልስባቸው ተመልክተናል፡፡ በዚህ በክፍል ሦስት ደግሞ ሰውን ከሰው ስለማያግባባው፣ሰውን ከሰው ስለሚያጣላው፣በመጨረሻም ሕይወት አልባ ስለሚያደርገው ዓይነ ጥላ እንመለከታለን፡፡ የአባቶቻችን አምላክ ምስጢሩን ይግለጥልን፡፡

ብዙዎች ‹‹ይህን ያህል በአጋንንት ለምን እፈተናለሁ፣አጋንንትማ በእኔ ላይ ስልጣን የለውም›› ይላሉ፡፡ አጋንንት በንስሐ ተወስኖ የማይኖር ሰው ላይ፣በጸሎት ተግቶ የማይኖር ሰው ላይ፣በቅዱስ ቁርባን መለኮታዊ ጸጋ የማይኖር ሰው ላይ በጾም በስግደት ያልበረታ ሰው ላይ ሁሌም አጋንንታዊ የበላይነት አለው፡፡ አጋንንት አይዘናጋም፣የተንኮል ሥራውን በአግባቡ ያውቃል፡፡ እኛ አንድ ሳምንት ብንጸልይ ለአንድ ወር ጸሎት እንተዋለን፡፡ ጸሎታችንም በሥጋዊ ሥራ ምክንያት ‹‹እግዚአብሔር የማያውቀው የለም›› እያልን ጸሎት የማንጸልይ ሰነፎች ነን፡፡

እግዚአብሔር የሚያውቀን ስንጸልይ ነው፡፡ እግዚአብሔር መከታ ከለላ የሚሆነን በጸሎት ወደ እርሱ ስንጮህ ነው፡፡ ይህንን ባላደረግንበት አግባብ፣አጋንንት የሕይወት ግብግብ ቢገጥመን አይደንቅም፡፡ አጋንንት እኛን በተለያየ ነገር በመዋጋት የእግዚአብሔር ሰው እንዳንሆን፣መንፈሳዊ ጸጋዎችን እንዳናገኝ፣በተሰጠን እንዳንጠቀም የማበላሸት እና የማኮላሸት ሥራ ይሠራል፡፡ ምክንያቱም አጋንታዊ ጥንታዊ ሥራው ነውና፡፡

ወዳጆቼ አጋንንት እኛን ማሰቃየት፣ሕይወታችንን ማበላሸት በእኛ አልጀመረም፣መተናኮልን በእኛ እየተለማመደ አልኖረም፡፡ ይልቁንም በሰማይ ቤት የአዳምና የሔዋንን የሰማይ ሕይወት የማጨለም ልምዱን ይዞ ነው ወደ ምደር መጥቶ በእኛ በአዳምና በሔዋን ልጆች አጋንንታዊ የበቀል መከራውን የሚያሸክመን፡፡ ከዚህ ጥንታዊ ክፉ ጠላታችን ጋር ለመዋጋት የፈተና ስልቱንና ተንኮሉን ማወቅ ለእኛ የማንቅያ ደውል ስለሆነ የክፋት ጠባዩን ስናውቅ ነው ለመዋጋት የምንችለው፡፡ ተንኮሉን ስናውቅ ነው የሕይወታችንን መሠረታዊ ችግር የምናውቀው፡፡ ተንኮሉን ስናውቅ ነው አጋንንትን ከስም በላይ በሆነ የተንኮል ተግባሩን የምናውቀው፡፡ ስለ አጋንንት ውግያ ስጽፍላችሁ ገድሉን ሳይሆን ተንኮሉን እንድታውቅ መሆኑን እወቁ፡፡ እንግዲህ ይህንን ክፉ የሕይወት ጠላት ይዘን ነው ተዘናግተን የምንኖረው፡፡

ተወዳጆች ሆይ ከዓይነ ጥላ አስከፊ እና መጥፎ ጠባይ አንዱ ሰዎችን ከሰዎች ጋር ያለማግባባት ተንኮሉ ነው፡፡ በተለይ ከቤተሰቦቻችን ጋር፣ከትዳር አጋራችን ጋር፣ከሥራ ባልደረባችን ጋር፣ከእጮኛችን ጋር፣ከጓደኛችን ጋር በምክንያት እና ያለ ምክንያት እንዳንግባባ ያደርገናል፡፡ ካልተግባባን ደግሞ መስማማት አንችልም፡፡ ካልተስማማን ደግሞ አብረን መቀጠል አንችልም፡፡ ስለዚህ መራራቅን መለያየትን እንደ መፍትሔ እንወስዳለን፡፡ ይህ በውስጣችን አሸምቆ የኖረው ዓይነ ጥላ አንዳንዱን እንኳን ከሰው ከራሱም አያግባባውም፡፡ ወዳጆቼ ስንት ሰዎች አለን የራሳችንን ባሕይር የማናውቅ፡፡ ስንት አለን ወጥ የሆነ ባሕርይ ሳይሆን እንደ በጋና እንደ ክረምት ለሰው የሚሞቅ እና የሚቀዘቅዝ ያልታወቀ ባሕርይ ያለን፡፡

ዓይነ ጥላው በሰዎች ውስጥ ያለመግባባትን ሴራ የሚሠራው በሁለት መንገድ ነው፡፡ አንድኛው ከማኅፀን ወይም ከልጅነታችን በመዋረስ ጠባያችንን በማቃወስ የሚጠቀምብን ሲሆን፡፡ ሁለተኛውና የብዙዎቻችን ችግር የሆነው ከጊዜ በኃላ የመጣብን አላስፈላጊ የባሕርይ መገለጫችንን በመጠቀም ነው፡፡

ወዳጆቼ እግዚአብሔር ከሰጠን ጸጋዎች ውስጥ አንዱ የባሕርይ ጸጋ ነው፡፡ ይህም ከሰው ተግባብተን ተስማምተን የምንኖርበት ትልቅ ጸጋ ነው፡፡ ሰው ይህን ጸጋ ሲያጣ ከማንም ጋር መግባባት አይችልም፡፡ የሰው ልጅ ባሕርይ እንኳን ሰው ግሩማን የሚሆኑ የሚያስፈሩትን አራዊትን ማግራት መግዛት ብሎም አብሮ መኖር ያስችለዋል፡፡ ይህንን የቅድስና ጸጋችንን ያኔ በገነት ጸጋችን ሲገፈፍ ጥለነው ስለመጣን ዛሬ በራሳችን መልካም ባልሆነ ባሕርይ ተጠቅተን ተሰቃይተን ሰውንም ስናሰቃይ እንታያለን፡፡ እግዚአብሔር ለእኛ ለሰው ልጆች ‹‹ቅዱስ ነኝና እናንተም ቅዱሳን ሁኑ›› ብሎ የቅድስና ባሕርይን እንድንላበሰ አክብሮ ሰጥቶናል፡፡ / ዘሌ 19÷2/

ከልጅነታን የሚዋረሰን ዓይነ ጥላ ለወደፊት ተንኮሉ እንዲመቸው ከልጅነታን የጭቅጭቅ፣የጠብ፣የኩርፊያ፣የእልከኝነት፣የእንቢተኝነት፣የአልሸነፍ ባይነት፣እኔ ያልኩት ካልሆነ በማለት የራሱን የጠባይ መገለጫ ውስጣችን በማስረጽ ነውጠኛ ሰው ያደርገናል፡፡ እነዚህን ያልተወደዱ ባሕርይ ይዘን እናድግና ከፍ ስንል ለራሳችን የራሳችን ባሕርይ ግራ እስኪገባን ድረስ ከሰው ጋራ ጥሩ ተግባቦት እናጣለን፡፡ ለዚህም ነው አንዳንዶቻችን ጥሩ መንፈሳዊ ሰው ለመሆን እንፈልግና መንፈሳዊ ጠባይ ግን አይኖረንም፡፡

ዓይነ ጥላው በስውር የራሱን የክፋት ባሕርያት በእኛ ውስጥ ያሳድጋል፡፡ ቤተሰቦቻችን ‹‹ጠባዩ ነው፣እሱ/እሷ ከልጅነት ኃይለኛ ነው/ናት›› እያሉ ስለተስማሙ ለባሕርያችን እውቅና እየሰጡን እናድጋለን፡፡ እራሳችንን ችለን ከሰዎች ጋር፣ከጓደኛና ከቤተሰቦቻችን ጋር በፍጹም መግባባት አንችልም፡፡ የእኛ በሚመስል ግን በዓይነ ጥላው ባሕርይ ስም ይሰጠናል፡፡

ሁለተኛው ድንገት የባሕርይ ለውጥ እናመጣለን፡፡ ሳናውቀው የኃይለኝነት፣የቁጣና እኔ ያልኩት ወደሚል አደገኛ የባሕርይ ጥንውት ውስጥ እንገባለን፡፡ ከዛማ በሆነው ባልሆነው መቆጣት፣መነጫነጭ የዘወትር ሥራችን ይሆናል፡፡
ይህ የባሕርይ አስከፊ ገጽታችን ወደ እኛ የሚመጡትን መልካም ነገሮችን ያሳጣናል፡፡ ዓይነ ጥላው እኛ ላይ ቁጭ ብሎ በቁጣ መንፈስ፣ማሕበራዊ ተግባቦታችንን ማቃወስ ይጀምራል፡፡ የሚያሳዝነው ዓይነ ጥላው ሰዎች የተናገሩንን መልካም ነገሮች ገልብጦ በማሰማት፣በሌላ አቅጣጫ በመተርጎም ለጠብ ይጋብዘናል፡፡ ለዚህም ነው አንዳንዶቹ ‹‹አንቺ ነገር ማጣመም ነው የምትችይው›› የሚባሉት፡፡

እጮኛሞችን ደግሞ ገና በጓደኝነት ጊዜያቸው ከሁለት አንዱ ላይ ያለው ዓይነ ጥላ በቃላት፣በንግግር፣በፍላጎት፣በምርጫ እንዳይግባቡ እንዳይስማሙ ያደርጋቸዋል፡፡ ይህ አለመግባባት እየዋለ ሲያድር ብሎም ሲከር በቀላሉ ያለማንም ግን በዓይነ ጥላው ጣልቃ ገብነት መለያየት ውስጥ ይገባሉ፡፡ እየተዋደዱ፣እየተላመዱ በባሕርይ በሚመስል አለመግባባት ስንቱ ለመለያየት በቅቷል፡፡ የስንቱ የእጮኝነት ሕይወት በዓይነ ጥላ ስውር ደባ ፍቅር አልባ ሆኖ ተቀጭቷል፡፡

የሚያሳዝነው በእጮኝነት ጊዜ የሚፈጠረው አለመግባባት፣ጭቅጭቅ ለሁለቱም ልክ እና አሳመኝ የሆነ ምክንያት አድርጎ ያሳያቸዋል፡፡ ታረቁ ሲባሉ እንቢኝ አሻፈረኝ ይላሉ፡፡ እጮኛሞችን ዓይነ ጥላው ማለያየት ሲፈልግ ከሁለት አንዱን ድንገት ባሕሪውን ይቀይራል፡፡ ያልተለመደና አዲስ የሚመስሉ ነገሮችን ያሳያል፡፡ በዚህን ጊዜ መደባበር፣መናናቅ፣መቀዛቀዝ መበሃላቸው ይፈጠርና ወደ ሌላ የጥርጥር ድምዳሜ ውስጥ ከትዋቸው ይለያያቸዋል፡፡

የሚዋደዱ የሚፋቀሩ እጮኛሞች ለሰው ግራ እስኪሆን ድረስ ለምን እንደማይግባቡ፣ለምን እንደሚጨቃጨቁ አይውቁም፡፡ በተለይ ዛሬ ጥሩ ጊዜ እናሳልፋለን ብለው ከተቀጣጠሩ በመሃል ድንገተኛ አለመግባባት ይፈጠርና ተጨቃጭቀው ይለያያሉ፡፡ ነገሩ ካለፈ በኃላ ነው ከሁለት አንዳቸው ጥፋታቸው የሚታያቸው፡፡ ዓይነ ጥላው የልቡን ካደረሰ

ጆቹ የአጋንት ውግያ ውስጥ ይገባሉ፡፡

ወደጆቼ መልካም ስንዴን በሚያበቅል እርሻ ላይ አረም እየዘራን ነው፡፡ የተባረከ ልጅ በምንወልድበት ማኅፀን የአጋንንት የተንኮል አረም የበቀለባቸው ልጆች የምንወልደው ከእግዚአብሔር በአምልኮ ስለተለየን ነው፡፡ መንገዱን የሳተ ተጓዥ ሌባና ሽፍታ ይዘርፈዋል፣ያጠቃዋል ብሎም ሊገለው ይችላል፡፡ ከእግዚአብሔር መንገድ ርቀን፣በባዕድ አምልኮ ተጉዘን አጋንንት የማያጠቃበት፣ሕይወታችንን ከማኅፀን ጀምሮ የማያበላሽበት ምክንያት የለም፡፡

ዓይነ ጥላ ከማኅፀን ጀምሮ እኛን መዋረሱ ምን ጥቅም ያገኛል? ካልን ብዙ አይነ ጥላዊ ጥቅም ያገኛል፡፡ አንደኛ በሕፃንነታችን ስለሚዋረስ እኛን በራሱ መንገድ በመቀየስ እንድንጓዝ ያደርገናል፡፡ ሁለተኛ ገና በጠዋቱ በሕይወታን ጣልቃ ስለገባ የተበላሸ ሕይወትን እያለማመደን እንድናድግ ያደርገናል፡፡ ሦስተኛ ከባሕርያችን ጋር በመዋሃድ የእኛ በሚመስሉ ግን በእሱ የተንኮል ባሕርይ ውስጥ እንድናድግ ያደርገናል፡፡ አራተኛ ጥሩ ዜጋ እንዳንሆን የብልሹነት መንገድ ውስጥ ይከተናል፡፡ አምስተኛ የተፈጥሮ መክሊታችንን/ስጦታችንን ቀብሮ፣ሰውሮ፣በራሱ ልክ ወቅሮ ያለ ሕይወታችን አፈንግጠን እንድንኖር ያደርገናል፡፡ ስድስተኛ የሕይወታችን አዛዥ በመሆን ለጥፋት እና ለኃጢአት እያዘጋጀን ከፍ ስንል እያሠራን ይኖራል፡፡ ሰባተኛ የእኛ የሆነውን ነገር ለማበላሸት፣ለማኮላሸት ይመቸዋል፡፡ አብሮን በስውር ኖሯልና፡፡ ስምንተኛ የሕይወት ተስፋችንን፣የነገ ብሩሃችንን ከልጅነት ጀምሮ ለማጨለም ይጠቀማል፡፡ ዘጠነኛ አእምሮአችንን በመቆጣጠር ላልፈለግነው ተግባር እንድንውል ያደርገናል፡፡ አሥረኛ የእኛ ባልሆነ ባሕርያችን በቤተሰባችን እንድንጠላ፣ትምህርታችንን በእንጭጩ በመቅጨት የቤተሰብ መዛበቻ በማድረግ ከቤተሰብ እንድናፈነግጥ፣በራሱ የክፋት መንገድ እንድንሮጥ ያደርገናል፡፡ አሥራ አንደኛ አጋንንቱ ገና በልጅነታችን የቅዱሳን ጸጋ ወደ እኛ እንዳይጠጋ እኛን በኃጢአት ያረክሰናል፡፡ አሥራ ሁለተኛ ተዋግቶን፣ተስፋ አስቆርጦን ከያዝነው እምነት ያስወጣናል፣ከእግዚአብሔር እንድንለያይ ያደርገናል፡፡

ተወዳጆች ሆይ እንግዲህ በቤተሰቦቻችን መንፈሳዊ ሕይወት አልባነት የገባው ዓይነ ጥላ ከፍ ስንል እራሳችንን ስናውቅ፣ተምረን ለመሥራት፣ትዳር ይዘን ለመውለድ ፣ሰርተን ለመክበር ለመኖር ስንጀምር ያኔ ነው ግልጽ እና ስውር ውግያውን የሚጀምረው፡፡ የእኛ የሆነውንና የእኛ ልናደርገው ያሰብነውን ነገሮች ማበላሸት ይጀምራል፡፡ ለዚህም ነው በጸበል ቦታ ልቀቅ ሲባል ‹‹አሳድጌ አሳድጌ›› እያለ የሚያላዝነው፡፡

ወዳጆቼ በማኅፀን የሚጠናወተን ዓይነ ጥላ እና ዛር ከላይ ከዘረዘርናቸው በላይ አደጋ ሊያደርሱብን ይችላሉ፡፡ ከማኅፀን ጀምሮ የአእምሮ እድገት ውሱንነት፣የአእምሮ ዘገምተኝነትን ይዘው የሚወለዱት ልጆች በቀጥታም ይሁን በተዘዋዋሪ ችግራቸው ከመንፈሱ ጥቃት ጋር ይገናኛል፡፡ በሳይንሱ ግን ብዙ ስያሜ ይሰጠዋል፡፡ አንዲት ነፍሰ ጡር ሴት ዛር አንጋሽ ቤት፣ጠንቋይ ቤት ለማስጠንቆል ሄዳ ታማሚ ልጅ ብትወልድ አይደንቅም፡፡

ከማኅፀን ጀምሮ በልጆች ላይ ለሚያድረው ገርጋሪው ዓይነ ጥላና ለምቀኛው የዛር አጋንንት መፍትሔው ቶሎ ቶሎ ልጆችን ቅዱስ ቁርባን እንዲቀበሉ ማድርግ ነው፡፡ በሰውነታቸው ላይ ያደረው ዓይነ ጥላ ቅዱስ ቁርባን ሲቀበሉ በሰውነታቸው ላይ የሚያድረውን ጸጋና የመለኮት እሳትን መቋቋም ስለማይችል ጥሏቸው ይሄዳል፡፡ እንዲሁም በእረፍታቸው ጊዜ ጸበል እንዲጠመቁ ማድረግ ደግሞ አንዱና ሁነኛ መፍትሔ ነው፡፡ ይህ ካልሆነ ግን አብሮን በማደግ ለሌላ ችግር ይዳርገናል፡፡

በዚሁ አጋጣሚ በእኛው በቤተክርስትያኒቱ የቴሌቪዥን ስርጭት ‹‹ወቅታዊ ጉዳይ›› በሚል ፕሮግራም ላይ ስሙን መጥቀስ የማልፈልገው መምህር ‹‹ሥጋ ወደሙ ለልጆች በረከት ነው፡፡ ከኃጢአት ንጹህ ስለሆኑ ባይቆርቡም ችግር የለውም›› ብሎ ሲናገር ስሰማ ስለ እውነት ነው የምላችሁ ግራ እስኪገባኝ ድረስ ነው የደነገጥኩት፡፡ ይህን ውይይት የሰማ ቤተሰብ ቅዱስ ቁርባን መንፈሳዊ ኃይልን፣ጸጋ መለኮትን የሚያሰጥ ሳይሆን እንደ ዝክር በረከት ነው የሚለውን ሰምተው ልጆችን ከማቁረብ ይቆጠባሉ ብሎም ይተዋሉ፡፡ ዛሬ እንኳን ልጆቻችንን ሳናቆርብ ቀርቶ እያቆረብናቸውም ፈተናቸው ብዙ ነው፡፡

ወላጆችም ልጆቻችን ከርጉማን መናፍስት ጋር የተቆራኙ ልጆች እንዳንወልድ በንስሐ ጸድተን፣ቅዱስ ቁርባን እየተቀበልን ብንኖር እና ብንወልድ የእኛ መንፈሳዊ ጸጋ ያደረባቸውና የተባረኩ ልጆች እንወልዳለን፡፡ ግን እኛ ውስጥ የሌለነን ነገር ለልጆቻችን መስጠት ስለማንችል ከእኛ ያጡትን፣ከአጋንንት ያገኙትን ይዘው መወለድና ማደግ ይጀምራሉ፡፡ ይህ የትውልድ አመጣጣችን፣የመወለድ ሂደታችን በዚህ መንገድ እንድናልፍ ሆነናል፡፡ የቤተሰባችንን የመናፍስቱን ዕዳ እኛ በስቃይ፣በመከራ፣በፈተና በስኬት አልባ ሕይወት እንከፍላለን፡፡

ለዚህም ነው ገና በጨቅላነታችን ዘመን ባልፈለግነውና ባላሰብንበት የሕይወት መስመር ውስጥ እየዳከርን ዛሬን በስቃይ የምንኖረው፡፡ ለዚህም ነው በልጅነታችን የት ይደርሳሉ ተብለን ተተንብዮልን መንታ መንገድ ላይ ቆመን የቀረነው፡፡ ለዚህም ነው በልጅነታችን በትምህርት ክህሎታችን ተመስክሮልን ድንገት የመፍዘዝ የመደንዘዝ እና የሰነፍነት ባሕርይ ተጣብቶን የምናውቀው ያጠናነው ትምህርት መልሶ አልገባ እያለን የምንቸገረው፡፡

ለዚህም ነው ጠባይ መልክና ቁመና ሳያንሰን ትዳር አልባ የሆነው፡፡ ለዚህም ነው ተምረን እንዳልተማረ ሰው ማስተዋላችን ጠፍቶን ግራ ገብቶን የምንኖረው፡፡ ለዚህም ነው ያየን የማይወደን፣ያለ ሥራችን ስም ተሰጥቶን የኛ የምንላቸው ሰዎች ጠልተውን የምንኖረው፡፡ ለዚህም ነው እንኳን ሳቃችን ቁም ነገር ንግግራችን ለሰው አልጥም እያላቸው፣እራሳችንን በመጥላት የምንኖረው፡፡ ለዚህም ነው የቱንም ያህል መልካም ሰው ብንሆንም ሰዎች መልካምነታችን ሳይሆን የሌለንን መጥፎ ገጽታችንን ለማየት የሚጥሩት፡፡ ለዚህም ነው ፍርሃትን፣በራስ መተማመንን አጥተን፣አድገን ሰው ፊት እንደ ሰው መናገር፣ማማከር እያቃተን የደፋር ፈሪዎች የሆንነው፡፡

ለዚህም ነው ሁለት ያልተግባቡ ሰዎች የምንሆነው፡፡ በቤተሰባችን ያለን ሰብዕና፣በመስሪያ ቤት፣በትምህርት ቤት፣በትዳራችን፣በማህበራዊ ሕይወታችን ሌላ ሰው ሆነን የምንኖረው፡፡ ለዚህም ነው ደግ ሆነን እንደ ንፉግ እና እንደ ክፉ የምንታየው፡፡ የሠራነው ውሃ የሚበላው፣የጨበጥነው አመድ የሚሆነው፣ያቀድነው በሐሳብ ጠንጠልጥሎ የሚቀረው፣እጄ ገባ ያልነው እንደ ሰማይ የሚርቀን፣ሩቅ አስብን ቅርብ የምናድረው … እግዚአብሔር ዘግቶብን ሳይሆን ዓይነ ጥላው እያጨናገፈብን፣ራዕያችንን እየጋረደብን ነው፡፡ አብሮን ያደገው፣ከልጅነታችን የተጠናወተን ዓይነ ጥላ የሕይወታችን ደንቃራ እና ኪሳራ ይሆናል፡፡

ተወዳጆች ሆይ እስኪ ቆም ብላችሁ ከልጅነታችሁ ጀምሮ እያጣችሁት የመጣችሁትን ነገሮች አስቡዋቸው? ስኬት በሚመስል ጥሩ ነገር ጀምራችሁ ዛሬ የት ጋር ነው የቆማችሁት? በምትፈልጉት ሳይሆን ባላሰባችሁት መንገድ ዛሬ የት ጋር ነው ያላችሁት? ሕይወታችንን ገለጥለጥ አድርገን፣መለስ ብለን ካየነው ዓይነ ጥላው ምን ያህል ሕይወታችን እንደተጫነን፣በሕይወታችን ምን ያህል ጣልቃ በመግባት ያላሰብነው የመከራ ጉድጓድ ውስጥ እንደከተተን እናያለን፡፡

ወዳጆቼ የችግራችን መፍትሔዎች ዝርዝር ነገር ስለሚፈልጉ በማጠቃለያ ትምህርታችን እንመለከታቸዋለን፡፡ እስከዚያው ትምህርቱን ተከታተሉ፡፡

ክፍል ሁለት

ሴቶችን በተለይ መልከኞችን ትዳር አላባ የሚያደርግ ዓይነ ጥላ

/ወንድ አርቅ/
ይቀጥላ

ክፍል አንድ

ዓይነ ጥላ እና ዛር ከማኅፀን ሲዋረሰን

/በስውር የተጎዳንበት መንገድ/



ወዳጆቼ ሆይ ስለ ዓይነ ጥላ አጋንንት በመግቢያችን ላይ በሰፊው ገለጥለጥ አድርን ቃኝተናል፡፡ የሚገርመኝ አብዛኞቻችን ስለ መንፈሱ ጠባይ እና ጥቃት በጥልቀት ሳታውቁ ‹‹መፍትሔው ምንድን ነው?›› እያላችሁ ትጠይቁኛላችሁ፡፡ የመንፈሱን ውስጣዊና ውጫዊ ጥቃት እና የውግያ ስልት ስጣውቁ ነው በመንፈሳዊ ሞራል እና ኃይል ለመዋጋት፣ለመላቀቅ የምትጥሩት፡፡ ስለዚህ መፍትሔውን ላልነግራችሁ ስላልጀመርኩላችሁ ታግሳችሁ ትምህርቱን ተከታተሉ፡፡

ተወዳጆች ሆይ የዓይነ ጥላ አጋንንት ነገ ለሚያደርስብን የሕይወት ኪሳራ ዛሬ ነው የጥፋት መሠረት የሚጥለው፡፡ መንፈሱን አደገኛ የሚያደርገው ለሩቅ የተንኮል መንገዱ ዛሬ ነው መንቀሳቀስ የሚጀምረው፡፡ ከሕይወታችን ስር እና መሠረት በመነሳት ነው ነገአችንን ለማበላሸት የሚጥረው፡፡ ትላንት በሕይወታችን የሰረጸው አጋንንት ዛሬን ያለልፋት ማበላሸት ይቀለዋል፡፡

ዓይነ ጥላ ለሕይወታችን ከባድ የሚሆነው ከእናታችን ማህጸን ስለሚዋረሰን ነው፡፡ ይህ ማለት በጽንስ ወቅት በእናታችን ማህጸን ደም በሆንበት ሰዓት በስውር መጠናወት ይጀምራል፡፡ ይህን ስል አንዳንዶች ‹‹እንዴት በማህጸን በጽንስ ወቅት ሊይዘን ይችላል፣ዓይነ ጥላው በማህጸን እንዴት ይዋረሰናል?›› ሊሉ ይችላሉ፡፡
በመጽሐፍ ቅዱስ እግዚብሔር ነብዩ ኤርምያስን ‹‹ከማኅፀን ሳትወጣ ቀድሼሃለሁ›› ብሎታል፡፡ ልብ በሉ እግዚአብሔር ቅዱስ መንፈሱን በኤርምያስ ላይ በማሳደር በማኅፀን ሳለ ነው የባረከው፡፡ /ኤር 1÷5/ መጥምቁ ዮሐንስ ገና ሳይወለድ ቅዱስ ገብርኤል ለካህኑ ለዘካርያስ ‹‹ገናም በእናቱ ማኅፀን ሳለ መንፈስ ቅዱስ ይሞላበታል›› ብሎ አብስሮታል፡፡ /ሉቃ 1÷15/

ወዳጆቼ ርኩስ መንፈስ የቅዱስ መንፈስ ተቃራኒ ነው፡፡ ስለዚህ ቅዱስ የሆነው መንፈስ ቅዱስ በማኅፀን ለቀድሶት እንደሚያድረው ሁሉ ርኩስ መንፈስም በማኅፀን በተቃራኑው ያድራል፡፡ ከማኅፀን የተመረጡት መንፈስ ቅዱስ ያደረባቸው ነብዩ ኤርምያስ እና መጥምቁ ዮሐንስ ሰማያዊ የአገልግሎት እና የቅድስና ሕይወት ጥሪው የደረሳቸው በማኅፀን ሳሉ በደምነታቸው ጊዜ ነው፡፡ ከማኅፀን ጀምረው መንፈስ ቅዱስን መሞላታቸው ሠርተው ያለፉት ሥራ ምስክራቸው ነው፡፡ ስለዚህ ዓይነ ጥላ ደግሞ ልክ እንደ ቅዱስ መንፈስ በማኅፀን ያድራል፡፡ በደምነታቸው ግዜ ተዋህዶ ከልጆቹ ጋር ይወለዳል፡፡ በተባረከ ማኅፀን የተጸነሰው ቅዱስ ዮሐንስ ገና በጽንስ ሳለ መንፈስ ቅዱስ እንዳደረበት ሁሉ ባልተባረከ ማኅፀን በሚጸነሰው ጽንስ ዓይነ ጥላ መዋረስ ይጀምራል፡፡
ቅዱስ ዳዊት ‹‹እነሆ በዓመጻ ተጸነስኩ፣እናቴም በኃጢአት ወለደችኝ›› ብሏል፡፡ እኛም በዓመጻ ተጸንሰን በኃጢአት ከተወለድን ማለትም በዚህ መልክ ከተወለድን ዓይነ ጥላው በሕፃንነታችን ወቅት የማይጠናወተን ምንም ምክንያት የለም፡፡ /መዝ 51÷5/

ወዳጆቼ ዓይነ ጥላ እንኳን በማኅፀን ያለ ጽንስ ላይ ማደር ቀርቶ እንደ ሾተላይ ገና ደም የሆነ ጽንስን በማጨናገፍ ጽንስ እንዲቋረጥ ያደርጋል፡፡ አንዳንድ ሴቶች ላይ ደግሞ በተደጋጋሚ ጽንሳቸውን በማስወረድ ልጅ አልባ ያደርጋል፡፡ ሌሎቹን ደግሞ ባረገዙ ቁጥር ጽንሱን በደም እየመታ ማኅፀናቸው ልጅ እንዳይዝ ያደርጋል፡፡ በዚህ ተንኮሉ በተደጋጋሚ ማኅፀናቸውን ሲጠረጉ ለሌላ ችግር ይዳጋቸውና እስከመጨረሻው ያለ ልጅ ሊያስቀራቸው ይችላል፡፡ ለዚህ መፍትሔው ጸሎት ማስደረግ፣ለሚወዱት ታቦት መሳል፣ጸበል መጠመቅና መጠጣት፣ቅባዕ ቅዱስ መቀባት፣ማስወገዝ፣ የዓይነ ጥላውን ስውር ደባና ተንኮል ያርቅልናል፡፡

የተወለዱት ልጆች በሚያድጉበት ጊዜ ዓይነ ጥላው በራሱ ባሕርይ እየቀረጻቸው፣እያጣመማቸው አብሮ ማደግ ይጀምራል፡፡ ልጆቹም ቅድስና እንዲርቃቸው፣መልካም ባሕርይ እንዳይኖራቸው ከፍተኛ ጫና ውስጥ ይከታቸዋል፡፡ ዓይነ ጥላው የነገ የተስፋ ሕይወታቸውን ለማጨለም ገና በጠዋቱ ተክለ ሰብዕናቸውን እያራቀ፣እራሱን በተንኮል እያራቀቀ በውስጣቸው አድብቶ ይቀመጣል፡፡ ትንሽ ከፍ ሲሉ የመታዘዝ ሳይሆን የእንቢተኝነትን ጠባይ ይዘው እንዲያድጉ ያደርጋል፡፡ የሚነገራቸውን የማይሰሙ፣ተዉ የተባሉትን አድርጉ የተባሉ ይመስል በእልህ መንፈስ አብሮ ያድጋል፡፡

ዓይነ ጥላው ከማኅፀን ጀምሮ ስላደረባቸው ንቃተ ሕሊናቸውን በመስለብ እንዲፈዙ እንዲደነዝዙ ያደርጋቸዋል፡፡ ደስተኛ እና ሳቂታ ሳይሆን አልቃሻ እና ሆደ በሻ ልጅ ያደርጋቸዋል፡፡ አንድ ነገር ሲነገራቸው ወይም ሲቆጥዋቸው ደንግጦ ከመስማት ይልቅ አፍጦ የሚሟገትና እንቢኝ እንዲሉ ያደርጋቸዋል፡፡ በዚህ መልኩ ዓይነ ጥላው በስውር የራሱን የክፋት እና የጥመት ባሕርይ እያዋረሳቸው በሽምቅ በመደበቅ አብሮ መኖር ይጀምራል፡፡

ወዳጆቼ እኛ ስንባረክ ነው የተባረከ ልጅ የምንወልደው፡፡ እኛ በመንፈሳዊ በረከት በእግዚአብሔር ሳንባረክ ኖረን የተባረኩና የተቀደሱ በተለይም ከአጋንት የተንኮል እይታ የተለዩ ልጆች ለመውለድ እንቸገራለን፡፡ የእኛ የመባረክ ጸጋ ነው ለልጆቻችን የሚተርፈው፡፡ ይህ ባልሆነበት መስፈርት ‹‹አይ አጋንንት ከማኅፀን ጀምሮ አይቆራኛቸውም›› ብንልም የዘራነውን በተዘዋዋሪ እያጨድን ነው፡፡

ወዳጆቼ የዛር መንፈስም የሕይወት ውግያው ከዓይነ ጥላ የሚያንስ ሳይሆን የሚብስ የማኅፀን ተዋራሽ አጋንንት ነው፡፡ እናት አባቶቻችን በተለያየ ምክንያት ዛር አንጋሽ ቤት ሄደው ማምለክ፣መንበርከክ ሲጀምሩ አጋንንቱ እነሱን መዋረስ ይጀምራል፡፡ ሳይመጣባቸው የሄዱበት የዛር አጋንንት በጽንስ ወቅት መጠናወት ይጀምራል፡፡ እግዚአብሔርን ትተን፣የዛር አጋንንትን አምልከን መኖር ስንጀምር ሙሉ ሕይወታችን ለአጋንንቱ ተላልፎ ይሰጣል፡፡

የእግዚአብሔር ጸጋ በሌለበት ሕይወትና ማኅፀን ዓይነ ጥላው ዛሩ ቢያድርበት ምን ይደንቃል? እንዴትስ አጋንንት በፅንስ ወቅት በማኅፀን ይጠናወታል ብሎ መከራከር ይቻላል? የሚከራከሩትን ይሁዳ በመልእክቱ ‹‹በመጨረሻው ዘመን በኃጢአተኝነት እንደ ገዛ ምኞታቸው እየሄዱ ዘባቾች ይሆናሉ›› በማለት ይወቅሳቸዋል፡፡ /ይሁ 1÷18/

የሚገርመው የዛር አጋንንት እንኳን በማኅፀን ያለን ፅንስ ቀርቶ በስም እንጂ በአካል የማናውቃቸው ቅድመ አያቶቻች የሚያመልኩት የሚገብሩለት ከሆነ እስከ ሰባት ትውልድ ድረስ ዘራችንን በመዋረስ ቤተኛ ሆኖ ይኖራል፡፡ በተለይ ያስለመዱበትን ግብር ሲተዉ ልጆችን በተለያየ ነገር ማሰቃየት ይጀምራል፡፡ እግዚአብሔር ለሙሴ ‹‹በሚጠሉኝ እስከ ሦስተኛና አራተኛ ትውልድ ድረስ የአባቶችን ኃጢአት በልጆች ላይ የማመጣ፤ለሚወዱኝ ትእዛዜንም ለሚጠብቁ እስከ ሺህ ትውልድ ድረስ ምሕረትን የማደርግ እኔ እግዚአብሔር አምላክህ ቀናተኛ አምላክ ነኝና አትስገድላቸው፣አታምልካቸውም›› በማለት ቤተሰቦቻችን ባመጡት ስህተት ለእኛ የመከራ ሕይወት እንደሚተርፍ እና ቤተሰቦቻችን እግዚአብሔርን በማምለክና ትዕዛዙን በመፈጸም የሺህ ትውልድ በረከት እና ምሕረት እንደሚያገኙና ለእኛም እንደሚተርፉ ነው የሚያስረዳን፡፡ /ዘዳ 5÷ 9-10/

የዛር አጋንንት ከወለድናቸው ልጆች ‹‹ደመ ግቡ›› የሚለው አለ፡፡ ይህ ማለት አጋንንቱ ለተንኮሉና ለውግያ፣ቤተሰብን ለማሰቃየት የሚጠቀምበት አንድ ልጅ ላይ ይሰፍራል፡፡ ይህ ልጅ በመንፈሳዊ ሕይወቱ አጋንንቱን የሚዋጋ፣ጸሎቱም ለቤተሰቡ የሚተርፍ ስለሚሆን አጋንንቱ መጥፊያውን ገና በጠዋቱ ማጥፋት ይጀምራል፡፡ በቤተሰባቸው ምክንያት በዛር አጋንንት የሚሰቃዩት ልጆች አጋንንቱ ወድዋቸው ሳይሆን ነገን ፈርቷቸው ነው ለመከራ የሚዳርጋቸው፡፡ በዚህ ምክንያት ል