የኑር መስጂድ ደርሶች

👉♻️የሀገር ግዛት አስተዳዳሪ የሆነው ነጅሙ ዲን ለረጅም አመታት ያለ ሚስት ቆይቷል። (525 አ.ሂ)

🌿«ወንድማለም ለምን አታገባም?» ብሎ ጠየቀው ወንድሙ።
«ምትሆነኝን አላገኘሁማ!» አለው፤ እንደዘመናችን ወንዶች።
«ታድያ እኔ ልጭልሃ!» ወንድማዊ እዝነት።

«ማንን» ብሎ ጠየቀው።
«የንጉሰ ነገስቱን ምክትል ጠቅላይ አስተዳዳሪ ልጅ የሆነችውን ልጭልህ» ሲል ተማፀነው ወንድማለም።

🪻«አይ አትሆነኝም ስልህ» ብሎ አሻፈረኝ አለው።
በአግራሞት እና በወንድማዊ እዝነት እየተመለከተው፦ «ትድያ ላንተ ማን ናት ምትሆንህ?»

🎋«ለኔ ምትሆነኝ ምርጥ መልካም የሆነች ሚስት፤ እኔን እጄን ይዛ ወደ ጀነት የምትሄድ እና ከኔ ጀግና ልጅ ወልዳ በመልካም አስተዳደግ አሳድጋ ልጄንም አጀግና ያ ጀግና ልጇም በይተል መቅዲስን ለሙስሊሞች የሚያስረክብ ከሆነ ነው።» ህልሙን ነገረው።

🍃ወንድም ንግግሩ ምንም አልጣመውም፤ ከባድ ህልም ነው ማይታሰብ።
«ታድያ እንዲህ ያለች ሚስት ከየት ነው ሚመጣልህ?» ጠየቀው።
«ኒያውን ለአላህ ያጥራራ፤ አላህ ይለግሰዋል» ብሎ መለሰለት።

ያ ቀን አለፈ።

🤌ከዕለታት አንድ ቀን አስተዳዳሪው ነጅሙ ዲን ከመስጅዱ ቁጭ ብሎ ከአንድ ሸይክ ጋ እያወጉ ሳለ ድንገት ከመጋረጃው ጀርባ አንዲት እንስት መጥታ ሸይኩን ጠራችው።

ሸይኩ አስተዳዳሪውን አስፈቅደውት ልጅቱን ሊያገኟት ጠጋ አሉ። ሸይኩ ከሷ ጋ ሲያወጉ ድምፃቸው ለአስተዳዳሪው በግልፅ ይሰማ ነበር።

👌«ልጄ ትናንት እንዲያገባሽ ቤታችሁ የላኩትን ወጣት ለምን እንቢ ብለሽ መለሽው? »

«ኡስታዝ ልጁ ቆንጆ፣ ሀብታም እና መልከ መልካም ነው፤ ግና ለኔ አይሆነኝም» ብላ ትመልስላቸዋለች።

🖱«ታድያ ምን አይነት ነው አንች ምትፈልጊው!» ሸይኩ ይጠይቋታል።

📠«ኡስታዝ! እኔ ምፈልገው ባል እጄን ይዞ ወደ ጀነት የሚመራኝ፣ ጀግና ልጅን ከሱ የምወልደውን፣ ልጁም ጎርምሶ ሲጀግን በይተል መቅዲስን ለሙስሊሞች የሚያስረክብ ሲሆን ነው» ፈላጊ እና ተፈላጊ ግጥምጥም አሉ።

🖲«ኧረ ኡስታዝ እችን ልጅ ለኔ ይዳሩኝ» አላቸው።
«ይህች እኮ የከተማው ድሃ ልጅ ናት» አሉት፤ የግዜው ንጉሳን የድሃ ልጆችን እንደማያገቡ ስለሚያውቁ።

«አይይይይ...እኔ ምፈልጋት በቃ ይች ናት» ሙጥኝ አለ።

🕌የሀገረ ግዛቱ አስተዳዳሪ ነጅሙ ዲን ልጅቱን አገባት። በመቀጠልም አንድ ቆንጅዬ ልጅ ወልደው ልጁ ሲጎረምስ ለዘመናት ከሙስሊሞች እጅ ተነጥቆ የቆየውን በይተል መቅዲስን ወደ ሙስሊሞች እጅ አስመለሰላቸው።

👉🇵🇸ይህ ሰው ☞ ሰላሁዲን አል አዩብ ነው።🇵🇸

   🇵🇸🇵🇸🇵🇸🇵🇸🇵🇸
👇👇👇👆👆👆
https://t.me/nurders/7657(

👉♻️የሰኢድ ኢብን ጁበይር አሟሟትና አስገራሚ ታሪክ ያንብቡት፡፡
``

🔷ሐጃጅ ሰኢድን “ ሸቂዩ ኢብኑ ከሲር ነህ አይደል ?” አለው፡፡(በአረብኛ ሸቅይ የሰኢድ ተቃራኒ ነው)
ሰኢድ፡- ስሜን ያወጣችልኝ እናቴ ጠንቅቃ ታውቀዋለች፡፡

🔶ሐጃጀ፡-(በቁጣ) አንተም እናትህም ፉግር እድለ ቢሶች(ሸቅይ) ናችሁ፡፡
ሰኢድ፡- ሸቅይማ የጀሀነም የሆነ ሰው ነው፡፡ የሩቅ ታውቃለህ እንዴ?
♦️ ሐጃጅ፡- ዱንያህን በአንገብጋቢ ጀሀነም ነው የምቀይርልህ፡፡

ሰኢድ፡- ወላሂ ይህን ማድረግ መቻልህን ባውቅ ከአሏህ ውጭ አምላክ አድርጌ እይዝህ ነበር፡፡

🔘ሐጃጅ፡- ለኔ ያለህ አመለካከት ምንድን ነው?
ሰኢድ፡- በሙስሊሞች ደም ተጨማልቆ አሏህን የሚገናኝ በደለኛ ነህ፡፡

◼️ ሐጃጅ፡- ይልቅ ምን አይነት አገዳደል ልግደልህ? እራስህ ምረጥ፡፡

🧿ሰኢድ፡- አንተ ራስህ መሞቻህን መንገድ ምረጥ፡ አሏህ አኔን በገደልከኘኝ መንገድ አንተንም ይገድልሃል፡፡

ሐጃጅ፡- ካንተ በፊትም ሆነ በኋላ! የማልገድልበትን አሰቃቂ ግድያ ነው የምገድልህ፡፡

ሰኢድ፡- ስለዚህ አንተ ዱንያየን ስታበላሽብኝ በኔ ምክንያት አኺራህ ይበላሻል፡፡
▪️ሐጃጅ የሰኢድን ብርታት ባለመቋቋሙ ወታደሮችን ጠርቶ እየጎተቱ ወስደው እንዲገድሉት አዘዘ፡፡

ሰኢድም በሐጃጅ እየሳቀበት ከገዳዮቹ ጋር ሄደ፡፡ በዚህ ጊዜ ሐጃጅ በቁጣ ሰኢድን ተጣርቶ ምንድን ነው የሚያስቅህ? አለው፡፡
ሰኢድም : እኔማ የሚያስቀኝ አንተ በአሏህ ላይ ያለህ ድፍረት እና አሏህ ባንተ ስራ ያለው ትዕግስት ነው አለው፡፡

🔺ሐጃጅ ፦ ይህንን ሲሰማ በቁጣ ገንፍሎ ወታደሮቹን እረዱት ሲል አንቧረቀባቸው፡፡
ሰኢድም፦ ወደ ቂብላ አዙራችሁ እረዱኝ አለ፡፡ አንገቱ ላይ ሰይፍ እንዳስቀመጡበትም
“ وجهت وجهي للذي فطر السموات والأرض حنيفا مسلما وماأنا من المشركين

ይህንን የሚከታተለው ሐጃጅ ፊቱን ከቂብላ ወደ ሌላ አቅጣጫ አዙሩት አላቸው፡፡

ሰኢድም ፦ “ ولله المشرق والمغرب فأين ما تولوا فثم وجه الله የሚለውን አያህ ቀራ፡
🔻ሐጃጅም በፊቱ ድፉት አለ፡፡

🤌ሰኢድም  منها خلقنكم وفيها نعيدكم ومنها نخرجكم تارةأخرى የሚለውን አያህ አነበበለት፡፡
ሐጃጅ፡- አንተ ሰኢድ ምላስህ እንዴት ለቁርአን ፈጣን ነው!!! እረዱት አለ፡፡

☝️በዚህ ጊዜ ሰኢድ أشهد أن لاإله إلاالله وأن محمدرسول الله

🫵ሐጃጅ ሆይ የውመል ቂያማ እስከምንገናኝ ድረስ ይህችን ንግግሬን ያዛት አለና “ አሏህ ሆይ ከኔ በኋላ ማንንም እንዳይገድል አድርገው ” ብሎ አሏህን ተማጽኖ ተገደለ፡፡

👌የሚገርመው ነገር ግን ከሰኢድ ሞት በኋላ ሐጃጅ በየሌሊቱ “ ምነው ይህ ሰኢድ ልተኛ ስል እግሬን እየያዘ እረፍት ነሳኝ ” እያለ እየባነነ ይጮህ ነበር፡፡

🙌ከሰኢድ ሞት 15 ቀናት በኋላ ሐጃጅ ማንንም ሰው ሳይገድል ሞተ፡፡ አንተ የጁበይር ልጅ ሆይ አሏህ ይዘንልህ፡፡ ካንተ ፅናት፣ አሳማኝ መረጃ እና የኢማንህ ንፅህና አንፃር እኛስ የት ነን?

                                           🤝መልካም አዳር
👇👇👇👆👆👆
https://t.me/nurders/7638