"ቤተ ማርያም መንፈሳዊ ሚዲያ💒

ድንግል ሆይ
በድካሜ ጊዜ ኀይል አደረኩሽ
የኤፍራታ ርግብ ማርያም ሆይ ነፍሴ ብቻዋን እንዳትኖር ከሕይወትሽ ጋራ አንድ አድርጊኝ። የሰላምና የፍቅር ንግሥት ድንግል ማርያም ሆይ ለክብርሽ ምስጋናን አነሣለሁ፤ ለስምሽ ምስጋናን በማቀርብበት ጊዜ ከበሮን አነሣለሁ። የሽቱ ሙዳይ ድንግል ማርያም ሆይ በውዳሴ ቃል አመሰግንሽ ዘንድ የአንደበቴን አልጫነት በጨው አጣፍጪ። የነዳያንን ልመና የምትሰሚ ማርያም ሆይ ጠላት በእኔ ላይ እንዳይበረታ ሰይፍሽን አንሺ።
ከሽቱ ይልቅ የምትሸቺ አበባ ማርያም ሆይ አንበሳ አራዊትን ሁሉ እንደሚያሸንፍ ያንቺም ጽድቅ የእኔን አበሳ ያሸንፈው።
ለእግዚአብሔር እናት የሆንሽ ማርያም ሆይ የተጠማች ምድር ዝናምን ተስፋ እንደምታደርግ በፊትሽ ቆሜ ምሕረትሽን ተስፋ አድርጋለሁ።
የሕይወት ፍሬ ክርስቶስን የተሸከምሽ ማርያም ሆይ የእግዚአብሔርን ቃል ወልደሽልናልና፤ በምደኸይበት ጊዜ ብልፅግናን፤ በድካሜ ጊዜ ኀይል አደረኩሽ። የጉባኤ መመኪያ ድንግል ማርያም ሆይ በውድቀቴ ጊዜ ረዳት ባጣሁ ጊዜ ባንቺ ቃል ትንሣኤን ተስፋ አደርጋለሁ።
ሙሴ በደብረ ሲና ያየሽ የማስተዋልና የጥበብ ዕፅ አንቺ ነሽ በቅድስና ፈጽሞ የተጐናጸፍሽ እመቤቴ ማርያም ሆይ ጥፋትን እንዳላይ ብርሃናዊ መጽሐፍንና የተሰወረ መናን ስጪኝ።
ሕያውና ማኅያዊ የሚሆን ጌታ ካንቺ የተወለደ የሰማያዊ ንጉሥ እርሻ አንቺ ነሽ፤ የሌዊና የይሁዳ ልጅ ድንግል ማርያም ሆይ በምልጃሽ የችግርን በር ዝጊ የምሕረትሽንም በር ክፈቺ።
የመላእክት ተድላ ደስታቸው የጌታ እናት ማርያም ሆይ ደስ ይበልሽ የነቢያት ዜና ትንቢታቸው ማርያም ሆይ ደስ ይበልሽ ፈጽሞ የተመሰገንሽ ማርያም ሆይ ከምርጦችሽ አትለይኝ ንግሥት ሆይ በሕይወቴም በሞቴም አትተይኝ (አትለይኝ)። ፈቃድን የምትፈጽሚ ድንግል ማርያም ሆይ የስምሽ መታሰቢያ ለሕሙማን ፈውስን ለተራቆቱት ልብስን ሰጣቸው።
ድንግል ሆይ ልዕልናሽ በመናገርም በመተርጐምም ሊነገር አይቻልም፤ የእግዚአብሔር ማደሪያው የሆንሽ ማርያም ሆይ የዓለምን ፍቅር እንዳልከተል ከዕውቀትሽ ዕውቀትን አድይኝ።
ከረጅም ተራራ የሰው እጅ ሳይነካው የተፈነቀለው ይህ ድንጋይ አንድ ልጅሽ ነው፤ ማለሟልነትሽ የበዛ ድንግል ማርያም ሆይ ከቀዳማዊና ከደኀራዊ ትውልድ ሁሉ ለስምሽ አጠራር ስግደት ይገባል።
የአባቶቻችን የቅዱሳን የጸናች የቀናች ሃይማኖታቸው እመቤታችን ሆይ የሕይወት አጽቅ አንቺ ነሽ፤ በዘመናችን ነፍሳችን ምስጋናን ይዛ ለልደትሽ ቊርባንን ታገባለች (ታቀርባለች)።
የታላቅ ብርሃን እናቱ አንቺ ነሽ ይኸውም ለዐይን የሚታይ ቃል ነው፤ ተስፋ ለቆረጡት ተስፋቸው የሆንሽ ድንግል ማርያም ሆይ ባርኪኝ፤ እንደ ለብሐዊ ምእመን (ቅዱስ ፍሬም) ከወይን ይልቅ በሚያስደስቱ ከናፍሮችሽ ባርኪኝ።
ጭንቅን የምታቃልዪ ድንግል ማርያም ሆይ በየዋሕነትሽ በርግብ ተመሰልሽ፤ በንጽሕናሽም ጥበበኛ ድንግል ተባልሽ።
እናትነትን ከአገልጋይነት አስተባብረሽ የያዝሽ ማርያም ሆይ ደስ ይበልሽ፤ በእቅፍሽ የያዝሽውን ጌታ መላእክት ያመሰገኑታል፤ ንጽሕትና የተባረክሽ ማርያም ሆይ በንጉሥ ቀኝ የምትቆሚ ንግሥት ሆይ ስላንቺ ዳዊት ዘመረ እኔም እዘምርልሻለሁ።
(መልክአ ውዳሴ)

አንድ ቀን!
ዛሬ በጠዋት ወደ ስራ እየገባሁኝ መስሪያ ቤቴ አካባቢ ስደርስ ሁለት ሶስት የሚሆኑ ሰዎች ተደናግጠው ቆመው አየሁ ምን ይሆን ብየ እኔም ስጠጋቸው ፖሊሶችም ሲመጡ ተመለከትኩኝ።
ይሄን ነገር ማወቅ አለብኝ አልኩና ጠጋ ስል አንድ ከ40 -50 አመት እድሜ የሚሆን ሰው ቁጭ ባለበት ከዚህ አለም በሞ ት ተለይቷል። ይሄ ምን ይገርማል ቁጭ ሲል እያዩት ነው የሞ ተው። ተመልከቱ ሁሉ ነገር አንድ ቀን ላይ ይቆማል።
ስኬታችን አንድ ቀን ላይ ግቡን ይመታል
ማጣት አንድ ቀን ላይ ይፈትነናል
ጥጋብም አንድ ቀን ይፈትነናል
ሁሉም ምድር ላይ ያሉ ነገሮች አንድ ቀን ነው ፍፃሜያቸው። ስለዚህ ከመናከስ ከመጠላላት ከመረጋገም ከመሰዳደብ እንውጣ።በተቻለን መጠን የተሰጠንን እድሜ በፍቅርና በደግነት እንፈፅመው። ምክንያቱም አንድ ቀን ሁሉም ነገር ይፈፀማል። ሰላም ዋሉልኝ።

ለሟቹም ነፍሱን በገነት ያኑርልን።

ስትኖር ለብቻህ አትኑር
የሌሎችን ችግር በመፍታት ኑር
ገንዘብ ካለህ በገንዘብህ ደሃውን በመርዳት ኑር
ጉልበት ካለህ በጉልበትህ ደካመውን በመርዳት ኑር
እውቀት ካለህ እውቀትህን ሌላው በማካፈል ኑር
ሥልጣን ካለህ ለተበደሉት በመፍረድ ኑር
ቤት ካለህ ጎዳና ላይ ወድቆ የሚያድረውን ወንድምህን በማስጠጋት ኑር
ልብስ ካለህ ራቁቱን ላለው ወንድምህ በማልበስ ኑር
ምግብ ካለህ የሚበለው ላጣው ወንድምህ በማብላት ኑር
ገንዘብ ካለህ ለሌላው አካፍል የአንተ ገንዘብ ባንክ ተጨናንቆ ደሃ ሲቸገር
እግዚአብሔር ይታዘብሃል
ጠንካራ ጉልበት እያለህ ደካማውን ወንድምህን ሳትረዳ ስትቀር ጉልበት
የሰጠህ አምላክህ ይመለከትሃል ጠንካራው ጉልበትህ ደካማ ይሆናል አንተም
በጊዜህ አንሱኝ ጣሉኝ ትላለህ የአንተ ጠንካራ ጉልበት ደካማውን ለማሸነፍ
አይደለም የተፈጠረው ደሃውን ለመርዳት ነው እንጂ
እውቀትህ ሌላ ካላስተማርክበት እውቀቱን የሰጠህ ፈጣሪህ እውቀትህን
እንደሚነሳህ አስብ እውቀት ችግር መፍቻ ነው እንጂ ችግር ማምጫ አይደለም
እውቀት ወደብርሃን የሚመራ እንጂ ወደጨለማ የሚወስድ አይደለም የአንተ
እውቀት የዶክትሪት የማስትሪት የድግሪ የዲፕሎማ የመጽሐፍ የቅኔ የድጓ
የአቋቋም የዝማሬ የቅዳሴ እውቀትህ ላላወቁት ለማሳወቅ እንጂ ለመወደስ
ለመከበር ለመፈራት አይደለም
በስልጣንህ የምታዳላ ከሆነ ሰማያዊ ስልጣን ባለው
ፊት ተከሰህ ስትቀርብ መልስ ታጣለህ ስልጣንህ ለተበደለ ፈራጂ ለተቀማ
አስመላሽ የድኀ እንባ አባሽ መሆን አለበት ዛሬ ሰዎች ተከሰው ወደአንተ ፊት
እንደቀረቡ ሁሉ አንተም ተከሰህ በፈጣሪህ ፊት ትቀርባለህና
ልብስህ ቁም ሳጥን ሞልቶ ሻንጣ አጨናንቆ አንተ በሰላሳ ቀን ሰላሳ ልብስ
እየቀየርህ እንዳንተ ገላ ያለው ሰው ራቁቱን ሁኖ ብርድና ሙቀት ሲፈራረቅበት
የማታለብሰው ከሆነ ሰማይን በደመና የሚያለብሰው ምድርን በእሳር የሚሸፍነው
አምላክህ ያዝንብሃል
አንተ ምን ልብላ ብለህ አማርጠህ ትበላለህ በቀን አራት አምስት ጊዜ
ትበላለህ እንዳንተ ምግብ የሚፈልገው ወንድምህ የሚበለው አጥቶ ሲራብ
ትተኸው ስትበላ በዝናብ አብቅሎ በፀሐይ አብስሎ የሚመግብህ አምላክ
የሰጠህን ምግብ ይነሰሃል ታመህ ያየሀውን ሁሉ እንዳትበላ ያደርግሃል
ስትቆርጠው የነበረው ጮማ ስትጎነጨው የነበረው ውስኪ ሁሉ ይቀራል
ገንዘብህ በባንክ እየደለበ ሌላውን ካረዳህበት ስትሞት አብሮህ አይቀበርም
ወደመቃብር ስትወርድ በአንድ ነጭ ነጠላ ተጠቅልለህ ነው ሀብትህ ሁሉ
አይከተልህም እግዚአብሔር ሀብት የሰጠህ አንተ ለዳሀው ሰጥተህ እንድትጸድቅ
ዳሀው ተቀብሎ እግዚአብሔርን እንዲአመሰግን ነው
ሰው ሆይ በትክክለኛው መንገድ ኑር
ለኳስ ሁለት ሰአት ጊዜ ሰጥተህ ለቅዳሴ አንድ ሰአት አልሰጠህም
ለፊልም ረጅም ጊዜ ሰጥተህ ለወንጌል አጭር ጊዜ አጥተሃል
ለኳስ ጨዋታ ተወራርደህ ብር ትሰጣለህ ለቤተ ክርስቲያን ማሰሪያ እጅህ
ይታሰራል
ለፊልም እስፖንሰር ትሆናለህ ለወንጌል ግን አምስት ሳንቲም ለማውጣት
ትቆረቆራለህ
የፊል አክተሮችን አንድ በአንድ ታውቃቸዋለህ የኳስ ኮከቦችን በደረጃ
ትጠራቸዋለህ
ወንጌሉን የጻፉት አነማናቸው ስትባል መልስ ታጣለህ
ሰው ሆይ አንተ ለዘለዓለም በምድር አትኖርም በሰማይ ለመኖር የተፈጠርህ ነህ
ወደምድር ያወረደህ የአባትህ የአዳም የናትህ የሄዋን ኀጢአት ነው እንጂ ሀገርህ
በሰማይ ነው ለተወሰነ ጊዜ በምድር ትቆያለህ ሇላ ከምድር ወደላይ ትወሰዳለህ
በሰማይ በበጎ ቦታ ለመኖር በምድር ሳለህ መልካም ስራ ስራ ከጎንህ
የምታውቀው ሰው ሲሞት ከማልቀስ ባሿገር ነገ አንተ እነደምትሞት ተማርበት
ጎረቤትህ ዛሬ ሲሞት ነገ ተረው የአንተ መሆኑን አትርሳ
ዓለም ጨለማ ናት ወደጨለማ ሳትወስድህ ወደብርሃን ተጉዘህ ቅደማት
የምታልፈው ዓለም እድሜህን በከንቱ ሳትጨርስብህ ማለፏን አውቀህ ቅደማት
ዓለም የዛሬ ናት ዛሬ አስደስታ ነገ ታስለቅስሃለች
ዛሬ አሳይታ ነገ ታሳጣሀለች
ዛሬ አጥግባ ነገ ታስርብሐለች
ዛሬ ሹማ ነገ ትሽርሃለች
ዛሬ አክብራ ነገ ታዋርድሃለች
ዛሬ አሳምራ ነገ ታጠቁርሐለች
ዛሬ አድንቃ ነገ ትንቅሃለች
ዛሬ አጨብጭባለህ ነገ ድንጋይ ትወረውርብሐለች
ዛሬ ከፍ ከፍ አድርጋ ነገ ዝቅ ዝቅ ታረግሃለች
ለአንተ አባቶች አልሆነችም መቃብር ከታቸዋለች ከቀደሙት አባቶችህ ተማር የምታውቃቸው ካንተ ቀድመው የነበሩ ዝነኞች ባለ ሀብቶች አርቲስቶች
የሃይማኖት አባቶች ባለ ስልጣናት ሁሉ መቃብር ውስጥ እንደሆኑ ተረዳ
ስማቸው ከመቃብር በላይ ቀርቷል መልካም የሰሩት በመልካም ስም ክፉ የሰሩት በክፉ ስም ይታወሳሉ
ሰው ሆይ ለሰው ችግር ሳትሆን ሰውን በመርዳት ኑር።

መልካም ቀን✝