Our World

ሩሚ_የሰጣቸው_ውብ_መልሶች !!
🦹‍♀️
፨ አንድ ሰው ለጠየቀው ጥያቄ ሩሚ የሰጠው መልስ...
🦹‍♀️
መርዝ ምንድነው?
🦹‍♀️
ማንኛውም ከሚያስፈልገን መጠን በላይ የሆነ ነገር ሁሉ መርዝ ነው። ስልጣን ፣ ሀብት፣
ድህነት፣ ንዴት፣ ስግብግብነት፣ ስንፍና፣ ጥላቻ ፣ ራስ ወዳድነት፣ ፍቅር፣ ጉጉት፣ ወይንም
ሌላ ማንኛውንም ነገር ሊሆን ይችላል።
🦹‍♀️
፨ ፍርሃት ምንድነው?
🦹‍♀️
እርግጠኛ አለመሆንን አለመቀበል ነው። እርግጠኛ አለመሆናችንን ብንቀበል ፣ ፍርሃት
ገድል ይሆናል።
🦹‍♀️
፨ ቅናት ምንድነው?
🦹‍♀️
የሌሎችን በጎ ነገር አለመቀበል ነው። የሌሎችን በጎነት ብንቀበል ፣ መነሳሳት ይፈጥርልናል
።
🦹‍♀️
፨ ንዴት ምንድነው?
🦹‍♀️
ከቁጥጥራችን ውጪ የሆኑ ነገሮችን አለመቀበል ነው። ያንን
ብንቀበል ትእግሥት ይሆነናል።
🦹‍♀️
፨ ጥላቻ ምንድነው?
🦹‍♀️
ጥላቻ አንድን ሰው እንዳለ በሰውነቱ መቀበል አለመቻል ነው። አንድን ሰው ያለ ምንም
ቅድመ ሁኔታ መቀበል ብንችል ግን፣ ያ ጥላቻ ፍቅር ይሆናል።
"አንድን ነገር በጥሞና እና በጥልቅ ከተረዳህ፣ በዛ ውስጥ ሁሉንም ነገር ትረዳለህ"
ሩሚ

___

ዛፍ በሁለት በኩል ያድጋል፤ አንድም በስሩ - ወደ ጥልቁ ወደ ጨለማው፣ አንድም በቅርንጫፉ - ወደ ብርሃን ወደ ከፍታው።

--

ወደ ጨለማው ስሩን በሰደደ ቁጥር ወደ ከፍታው ይመነደጋል፤ በስሩ ዓለት ይሰባብራል - በቅርንጫፉ አየሩን ይቀዝፋል፤ የቁመናው ጥንካሬ ከስርገቱ ልኬት ይወለዳል፣ የፍሬው መጎምራት ከብርሃንና ጨለማ ይሰራል።

--

ከጥልቁ የምድርን በረከት ይወስዳል፣ ከብርሃን የፀሐይና አየርን ስጦታ ይቋደሳል - ለሕልውናው ሁለቱም ያስፈልጋሉ።

--

ጽልመትና ፈተና ሲገጥምህ ብርሃንና ምቾትህ የሚወለድበት ቦታ ላይ እንዳለህ አስብ። 

--

ዝቅ ብለህ መሰረት ካላቆምክ ቀና ብለህ አትራመድም፤ ቁልቁል ወርደህ ጨለማውን ካልተጋፈጥክ ከፍ ብለህ ብርሃን አታይም።

--

ተረቱን እርሳው!... ካሮት ቁልቁል የሚያድገው ፍሬ ለማፍራት ነው።

--

የሶርያው ፕሬዝዳንት በሽር አላሳድ ከስልጣን ተወግደው ከሀገር ኮበለሉ

በሶሪያ ዋና ከተማ የሚገኘውን የህዝብ ሬዲዮ እና ቴሌቪዥን ህንፃን አማፂያኑ ተቆጣጥረዋል ። የህዝብ ራዲዮ እና ቲቪ ህንፃ በሶሪያ ውስጥ ጠቃሚ፣ ተምሳሌታዊ ቦታ ነው። ህንፃው በደማስቆ እምብርት ውስጥ ከመገኘቱ በተጨማሪ በሶሪያ በ 1950 ዎቹ እና 60 ዎቹ ተከታታይ መፈንቅለ መንግስት በነበረበት ጊዜ አዳዲስ መንግስታትን ስልጣን መያዛቸውን ለማወጅ ጥቅም ላይ ውሏል ።የአማፂው ቡድን ኤች ቲ ኤስ ወደ ሶሪያ ዋና ከተማ መግባት መጀመሩን ባሳወቀበት ወቅት የበሽር አላሳድ ከሀገር መኮብለል ዘገባዎች ወጥተዋል።

አማፅያኑ በሺዎች የሚቆጠሩ የተቃዋሚ ደጋፊዎቻቸው ተሰቃይተዋል እና ተገድለዋል ከተባለበት ከሳይድናያ እስር ቤት እስረኞችን ማስፈታታቸውን ተናግረዋል።የታጠቁት ተቃዋሚዎች "አዲሲቷ ሶሪያ" ሰላማዊ አብሮ የመኖር ቦታ ትሆናለች፣ ፍትህ የሚሰፍንበት እና የሁሉም የሶሪያውያን ክብር ይጠበቃል ሲሉ ተደምጠዋል። ያለፈውን ገጽ ቀይረን ለወደፊቱ አዲስ አድማስ እንከፍታለን ሲሉ አማፅያኑ ባወጡት መግለጫቸው ተናግረዋል።

የሮይተርስ የዜና ወኪል ምስክሮችን ጠቅሶ እንደዘገበው በሺዎች የሚቆጠሩ በመኪና እና በእግር የሚጓዙ ሰዎች በማዕከላዊ ደማስቆ “ነጻነት!” እያሉ በመሰብሰብ ላይ ናቸው። በኦንላይን የተለጠፉት ቪዲዮዎች በአልጀዚራ የተረጋገጠ በኡማያድ አደባባይ ላይ በርካታ ሰዎች በወታደራዊ ታንክ ላይ ቆመው በደስታ ሲዘፍኑ ያሳያሉ።

የሮይተርስ የዜና ወኪል እንደዘገበው የሶሪያው ፕሬዝዳንት በሽር አል አሳድ አውሮፕላን ተሳፍረው ወዳልታወቀ ቦታ ሄደዋል። ከሀገር መኮብለላቸውን የሚያውቁ ሁለት ስማቸው ያልተጠቀሰ ከፍተኛ የጦር መኮንኖችን ዋቢ በማድረግ ዘግቧል። ቅዳሜ ቀደም ብሎ አል አሳድ ደማስቆን ለቀው መጥተዋል መባሉን የሶርያ መንግስት አስተባብሏል። የሶርያ መንግስታዊ የዜና ወኪል በደማስቆ እንዳሉ እና ስራቸውን ከዋና ከተማዋ እያከናወነ መሆኑን ገልጾ ነበር። ሆኖም ፕሬዚዳንቱ የት እንዳሉ አይታወቅም እና ለቀናት እንዳልታዩ ተዘግቧል።

ምንም ያህል ሊቅ ብትሆን ስሜትህን መግራት ካልቻልክ ፊደል መቁጠር ከማይችለው ብታንስ እንጂ በምንም አትሻልም፡፡ዕውቀትህን ስሜትህ ካሸነፈው ዋጋ የለህም፡፡ ፍላጎትህ ጥበብህን ድል ከነሳው የፍላጎትህ ባሪያ ሆነህ ዕድሜህን ትጨርሳለህ፡፡ስምና ዝና ቢኖርህም እራሱ ፍላጎትህን መቆጣጠር፣ ደመነፍስህን ማስተዳደር ካልቻልክ ምንም ነህ፡፡ባዶነትህን ካልሞላህ እንደጎደልክ ትኖራለህ፡፡ ስሜትህ እንዳሻው እንጂ አንተ እንዳሻኸው አትሆንም።

የሥሜት ማጣት ስሜት የአንተነትህ ጌታ ይሆናል።ማወቅህ ስሜትህ ላይ ካልሰለጠነ፤ ዕውቀትህ ፍላጎትህን ካልተቆጣጠረ፣ ስምና ዝናህ ስሜትህን ካልገራ እንደብረት ድስት ሲጥዱህ ቶሎ ትግላለህ፤ ሲያወርዱህም ቶሎ ትቀዘቅዛለህ፡፡ አንተ ግን ክቡር ሰው ነህ ከብረድስትም በላይ!! ስለዚህ ሰው ሁን!

( ሾፐን ሀወር )

በራእይህ ትለካለህ

(“የማንነትህ መለኪያ” ከተሰኘው የዶ/ር ኢዮብ ማሞ መጽሐፍ የተወሰደ)

“ማንነትህ የሚለካው ለወደፊቱ ባለህ ራእይ ነው እንጂ ባለፈው ታሪክህና ባለህበት ሁኔታ አይደለም” – Anonymous
ዋልት ዲዝኒ አስገራሚ የሆነ የራእይ ሰው በመሆኑና በፍጹም ተስፋ ባለመቁረጥ የሚታወቅ ሰው ነበር፡፡ ገና በለጋነቱ ለአንድ ጋዜጣ ካርቱን ስእሎችን በማቅረብ ሲሰራ፣ “ምንም አይነት ጠቃሚ ሃሳብን ማፍለቅ አትችልም” ተብሎ ነበር የተባረረው፡፡

ሁኔታው ግን ዋልት ዲዝኒን የባሰ እንዲጣጣር አነሳሳው፡፡ ካንሳስ (Kansas City) በምትባል ከተማ ውስጥ ስእሎቹን ለመሸጥ አድርጎ የነበረው የመጀመሪያ ሙከራ ሳይሳካለት ቀረ፡፡ አንዳንድ ሰዎች ችሎታው እንደሌለው ጥቆማ ቢያደርጉለትም ከችሎታው ይልቅ ሕልሙ ነበረውና ተቀራኒ ሃሳቦችን ሁሉ አልፎ ለመሄድ ወሰነ፡፡

አንድ የሃይማኖት ሰው ለሚያወጣው ማስታወቂያ ትንንሽ ስእሎችን እንዲስልለት በጥቂት ክፍያ ቀጠረው፡፡ ዋልት ዲዝኒ የሚኖበት ቤት ስላልነበረው ይህ የቀጠረው ሰው አይጦች በሞሉበት የመኪና ማቆሚያ ጋራዥ ውስጥ እንዲተኛ ፈቀደለት፡፡ በዚያ አይጥ በተሞላ መጠለያ ውስጥ ሆኖ ካያቸው አይጦች መካከል የአንዷን ሚኪ (Mickey) የሚል ቅጽል ስም አወጣላት - ታዋቂዋ ሚኪ ማውስ (Mickey Mouse)፡፡

የዋልት ዲዝኒ የመጀመሪያዎች አመታት እጅግ ፈታኝ ነበሩ፡፡ ባለራእዩ ዋልት ዲዝኒ ግን ተስፋ አልቆርጥ አለ፡፡ አልፎ አልፎ ለቦርድ አባለቱ አንዳንድ በሃሳቡ የሚያፈልቃቸውን ከተለመደው ወጣ እና ሰፋ ያሉ ፈጠራዎችን ያቀርብላቸው ነበር፡፡ ከቦርድ አባላቱ አንዱም ሳይቀር የድካም ስሜት ያሳዩትና ተቀባይነት የማያገኝ ሃሳብ እንደሆነ ለመጠቆም ያፈጡበትና እንደዚህ አይነት ሃሳብ ማፍለቁ እንኳ ተቀባይነት እንደሌለው በተቃውሞ ይጋፉት ነበር፡፡ ዋልት ዲዝኒ ግን አንድን ያፈለቀውን ሃሳብ ወደፊት ለማራመድ የሚወስነው ሁሉም እንደተቃወሙት እርግጠኛ ሲሆን ነበር፡፡ ያፈለቀው ሃሳብ ትልቅና ልዩ ከመሆኑ የተነሳ ሰዎች ሁሉ ማመን ካልተሳናቸው በስተቀር ሕልሙ ትልቅ ነው ብሎ አያምንም ነበር፡፡

ሕልሙ አድጎና እውን ሆኖ በመጀመሪያ የተከፈተው በካሊፎርኒያ ግዛት ውስጥ የሚገኘውና ዲዝኒ ላንድ ሲሆን ስራ የጀመረው በፈረንጆቹ አቆጣጠር በ1955 ዓ/ም ነው፡፡ የሚቀጥለው ግንባታ በፍሎሪዳ ከመደረጉ በፊት በፈረንጆቹ 1966 ዓ/ም ዋልት ዲዝኒ በሕመም ምክንያት በሞት ይለያል፡፡

በፍሎሪዳ ግዛት ውስጥ በምትገኘው በኦርላንዶ ከተማ (Orlando, FL.) የሚገኘውና በ1970ዎቹ የተከፈተው በቀላል አጠራሩ “ዲዝኒ ወርልድ” (Disney World) በመባል የሚታወቀው መዝናኛ በአመት ከ52 ሚልየን በላይ ጎብኝዎችን ያሰተናግዳል፡፡ ይህኛው ዲዝኒ መዝናኛ በተመረቀበት ቀን የዋልት ዲዝኒ ባለቤት ከአንድ ታዋቂ ሰው ጋር ተቀምጣ ነበር፡፡

ባሏ ዋልት ዲዝኒ አሁን በመከናወን ላይ ያለውን አስገራሚ የራእዩ ውጤት ሳያይ ከጥቂት አመታት በፊት አልፏል፡፡ ይህ በዋልት ዲዝኒ ሚስት አጠቀገብ ተቀምጦ የነበረ ሰው ወደ እሷ ዘንበል በማለት፣ “ዛሬ የምናየውን ይህንን ግሩም ነገር ለማየት ባለቤትሽ ዋልት ዲዝኒ እዚህ ቢኖር እንዴት መልካም ነበር” አላት፡፡ የዋልት ዲዝኒ ባለቤት ጥበብ በተሞላበት ሁኔታ እንዲህ ስትል መለሰችለት፣ “ባለቤቴ ዋልት ዲዝን ቀድሞውኑ በአይነ-ሕሊናው ይህንን አይቶት ባይሆን ኖሮ አንተ ዛሬ በአይነ-ስጋህ አታየውም ነበር”፡፡

ራእይ ማለት አንድን ነገር በአይነ-ስጋና በገሃዱ አለም ከማየት በፊት በአይነ-ሕሊና በማየት ለመስራት መንቀሳቀስ ማለት ነው፡፡

ራእይ ማለት ጊዜህን፣ ገንዘብህን፣ እውቀትህንና ያለህን ሁሉ ለመስጠት የሚያነሳሳህ ጉዳይ ነው፡፡

ራእይ ማለት ከነበረህና ካለህ ነገር በላይ መኖር ማለት ነው፡፡

ራእይ ማለት ለሌሎች ጥቅም የሚያልፍን ነገር ገንብቶ ለማለፍ መነሳሳት ማለት ነው፡፡

በዓለም ራሳቸውን አክብረው ሰዎች እንዲያከብሯቸው ያደረጉ ሰዎችን ተመልከታቸው፡፡

እነዚህ ሁሉ ሰዎች አንድ የጋራ ባህሪይ አላቸው፡፡ ይህ ባህሪይ ራእይ ነው፡፡

መልካም ቀን

የምንሞትበትን ቀን የሚተነብየው አወዛጋቢ መተግበሪያ - "የሞት ስአት"
በሀምሌ ወር የተዋወቀው ሰው ሰራሽ አስተውሎት የሚጠቀም መተግበሪያ በአጭር ጊዜ በርካታ ደንበኞች ማፍራቱ ተገልጿል
አል-ዐይን
"የሞት ስአት" የህይወት ዘይቤ፣ አመጋገብ፣ የቤተሰብ ታሪክና ሌሎች መጠይቆች ላይ ተመስርቶ ነው ትንበያውን የሚያደርገው
ሁሌም እንደሚሞቱ እያሰቡ መኖር ህይወት ይበልጥ ትርጉም እንዲኖራት ያደርጋል ተብሎ ይታመናል።
ብዙዎቻችን ይህቺን ምድር በሞት መለየታችን እንደማይቀር ብናውቅም ነፍሳችን ከስጋችን የምትለይበትን ትክክለኛዋን ቀን ማወቅ ምን ያህል ከባድ ጭንቀት ውስጥ ሊከተን እንደሚችል በማሰብ በተስፋ መኖርን እንመርጣለን።
የአርቲፊሻል ኢንተለጀንስ (ሰው ሰራሽ አስተውሎት) እየተስፋፋ መሄድ ግን የሰው ልጆችን የመሞቻ ቀን የሚተነብዩ መተግበሪያዎች በብዛት እንዲቀርቡ እያደረገ ነው።
በሀምሌ ወር የተዋወቀውና ለመሞት ምን ያህል ቀን፣ ስአት እና ደቂቃ እንደቀረን ይተነብያል የተባለው "ዴዝ ክሎክ" ወይም የሞት ስአት የሚሰጠው ትንበያ የመገናኛ ብዙሃንን ትኩረት ስቧል።
የቴክኖሎጂ መረጃዎችን የሚያቀርበው "ቴክክራንች" ድረገጽ ዘጋቢው አንቶኒ ሃ በቅርቡ መተግበሪያውን አውርዶ መች እንደሚሞት ሲጠይቀው "በ90 አመትህ፤ የህይወት ዘይቤህን ካስተካከልክ ደግሞ እስከ 103 አመት ትቆያለህ" የሚል ምላሽ ሰጥቶት እንዳስደነቀው ተናግሯል። 
አንድ የመተግበሪያው ተጠቃሚ ደግሞ "መተግበሪያው የመሞቻዬን ቀን ከነገረኝ በኋላ በዝግታ እየሞትኩ እንደሆነ ይሰማኛል፤ ዴዝ ክሎክ ህይወቴን እና ካሎሪየን እያወረደው ነው" ሲሉ በኤክስ ገጻቸው አስተያየታቸውን አጋርተዋል።
መተግበሪያው ሰው ሰራሽ አስተውሎት የሚጠቀም ነውና እንደ ህክምና ባለሙያ አስተዛዝኖ ሊነግር ወይም እድሜን ሊጨምር አይችልም የሚሉ ባለሙያዎችም ዝግጁ ያልሆኑ ሰዎች ባይጠቀሙት ይመክራሉ።
"ዴዝ ክሎክ" ፈጣሪ ብሬንት ፍራንሶን ግን መተግበሪያው ሰዎችን የሚሞቱበትን ቀን በመናገር የማስደንገጥ ወይም እድሜያቸው ከፍ የሚልላቸውን ሰዎች የማስደሰት አላማ እንደሌለው ይናገራል።
"የጤና ሁኔታችሁን በዝርዝር ይነግራችኋል፤ ምክሮችንም ይለግሳል" ነው ያሉት ከዴይሊሜል ጋር ባደረጉት ቆይታል።
ለአመታዊ አገልግሎት 40 ዶላር የሚያስከፍለው መተግበሪያው 53 ሚሊየን ሰዎች የተሳተፉባቸውን ከ1 ሺህ 200 በላይ ከእድሜ ጋር የተያያዙ ጥናቶች መሰረት በማድረግ ነው ትንበያውን የሚያስቀምጠው።
ተጠቃሚዎች ከአፕስቶር መተግበሪያውን እንዳወረዱ እድሜ፣ ጾታ፣ የዘር ሀረግ፣ የቤተሰብ ታሪክ፣ አመጋገብ፣ የህይወት ዘይቤና ሌሎች ግላዊ መረጃቸውን የሚሙሉበት መጠይቅ ይቀርብላቸዋል።
የበሽታ ተጋላጭነት፣ ስፖርታዊ እንቅስቃሴዎችን የማድረግ ልምድ፣ የእንቅልፍ ስአት ርዝማኔ እና ሌሎች ጥያቄዎችም "ትክክለኛ የመሞቻ ጊዜን ለመተንበይ" ወሳኝ ናቸው ብሏል።
"ዴዝ ክሎክ" በትንበያው ውጤታማነት ዙሪያ አሁንም ድረስ ትችቶች ቢበዙበትም ከ125 ሺህ በላይ ተጠቃሚዎች ማፍራት መቻሉ ተገልጿል።

በአዲስ አበባ ከታህሳስ ጀምሮ የባንክ አካውንት ለመክፈት የ'ፋይዳ' መታወቂያ ማቅረብ ግዴታ ሊሆን ነው

የኢትዮጵያ ብሔራዊ ባንክ ከቀጣዩ ወር ታህሳስ 23/2017 ዓ.ም. ጀምሮ በአዲስ አበባ ከተማ ደንበኞች የባንክ አካውንት ለመክፈት “ፋይዳ” የተሰኘውን የዲጂታል መታወቂያ በግዴታነት እንዲያቀርቡ አዘዘ።

ከሁለት ዓመት በኋላ ደግሞ በመላ አገሪቱ የሚገኙ ደንበኞች የትኛውንም የባንክ አገልግሎት ለማግኘት የፋይዳ መታወቂያ እንዲይዙ መገደድ እንደሚጀምሩ ባንኩ አስታውቋል።

ብሔራዊ ባንክ፤ የ“ፋይዳ” ዲጂታል መታወቂያ ከሚቀጥለው ወር ጀምሮ በአስገዳጅነት ጥቅም ላይ እንዲውል ያዘዘው ባለፈው ሳምንት ማክሰኞ ሕዳር 17/2017 ዓ.ም. ለሁሉም ባንኮች በጻፈው ደብዳቤ ነው።

እያንዳንዱ ሰው የሚለይበት ባለ 12-አሃዝ ልዩ መለያ ቁጥር እንዲያገኝ የሚያስችለው የ“ፋይዳ” መታወቂያ፤ የነዋሪዎች የባዮሜትሪክ መረጃዎችን በመውሰድ ምዝገባ የሚደረግበት ስርዓት ነው።

የጣት አሻራ፣ አይን አይሪስ ስካን እና የፊት ምስል ነዋሪዎች መታወቂያውን ለማግኘት የሚያቀርቧቸው የባዮማትሪክ መረጃዎች ናቸው።

እስካሁን ድረስም ከ10 ሚሊዮን በላይ ደንበኞች ይህንን የዲጂታል መታወቂያ ለማግኘት እንደተመዘገቡ የብሔራዊ መታወቂያ ፕሮግራም መረጃ ያመለክታል።

“የፋይዳ” ዲጂታል መታወቂያ “አንድ ሰው አንድ ማንነት” እንዲኖረው የማድረግ ዓላማ ያለው ሲሆን ነዋሪዎች የተለያዩ አገልግሎቶችን ለማግኘት መታወቂያውን መጠቀም ይችላሉ።

በ2015 ዓ.ም. የወጣው የኢትዮጵያ ዲጂታል መታወቂያ አዋጅ፤ ከሚመለከተው የመንግሥት አካል ፈቃድ ያገኙ አካላት አገልግሎት ለመስጠት የዲጂታል መታወቂያን “አስገዳጅ ቅድመ ሁኔታ” ማድረግ እንደሚችሉ ይደነግጋል።

ብሔራዊ ባንክ፤ የ“ፋይዳ” መታወቂያ በአስገዳጅነት ጥቅም ላይ እንዲውል ያደረገው “የፋይናንስ ስርዓቱን ታማኝነት እና ደህንነት” ለማሳደግ እንደሆነ ለባንኮች በጻፈው ደብዳቤ ላይ ተጠቅሷል።

“የፋይናንስ ማጭበርበሮችን መከላከል” እና “የዳታ ባለቤትነት እና ጥበቃን ማረጋገጥም” የባንክ አገልግሎት ለማግኘት የ”ፋይዳ” መታወቂያን ማቅረብ ግዴታ ከሆነባቸው ምክንያቶች መካከል ናቸው።

እነዚህን ምክንያቶች የጠቀሰው ብሔራዊ ባንክ፤ የባንክ አካውንት የሚከፍቱ ደንበኞች የፋይዳ መታወቂያ ማቅረብ ግዴታ እንዲሆን መወሰኑን በደብዳቤ አስታውቋል።

ይህ አስገዳጅ አሰራር በተለያዩ የሀገሪቱ አካባቢዎች ተግባራዊ መሆን የሚጀምረው በተለያየ ጊዜ እንደሆነም ባንኩ ገልጿል።

የብሔራዊ ባንክ ደብዳቤ እንደሚያስረዳው አዲሱ አሰራር ተግባራዊ መሆን የሚጀምረው በአዲስ አበባ ከተማ ነው።

ከቀጣዩ ወር ታህሳስ 23/2017 ዓ.ም. ጀምሮ በአዲስ አበባ ከተማ የሚገኙ ደንበኞች የባንክ አካውንት መክፈት የሚችሉት የ“ፋይዳ” ዲጂታል መታወቂያ ሲያቀርቡ እንደሆነ የብሔራዊ ባንክ ምክትል ገዢ አማካሪ የሆኑት ማርታ ኃይለማርያም ለቢቢሲ ተናግረዋል።

ከአምስት ወራት በኋላ በሰኔ 24/2017 ዓ.ም. ደግሞ ይህ አስገዳጅ አሰራር በሀገሪቱ “ዋና ዋና ከተሞች” ተግባራዊ መሆን እንደሚጀምር በብሔራዊ ባንክ ደብዳቤ ላይ ሰፍሯል።

በመላው ኢትዮጵያ የሚገኙ ደንበኞች የባንክ አካውንት ለመክፈት የ”ፋይዳ’ ዲጂታል መታወቂያን በአስገዳጅነት መጠየቅ የሚጀምሩት ደግሞ ከአንድ ዓመት በኋላ ከታህሳስ 2018 ዓ.ም. ጀምሮ ነው።
ከሚቀጥለው ወር ጀምሮ ከባንክ አግልግሎት ጋር በተያያዘ ”ፋይዳ” የሚጠየቀው አካውንት ለመክፈት ቢሆንም በአጠቃላይ የባንክ አገልግሎት ለማግኘት ዲጂታል መታወቂያ መያዝ ግዴታ መሆን የሚጀምርበት ጊዜንም ብሔራዊ ባንክ አሳውቋል።

ከሁለት ዓመት በኋላ ከታህሳስ 2019 ዓ.ም. ጀምሮ አዲስ አካውንት ከሚከፍቱ ውጪም ያሉ ነባር ደንበኞች ጭምር ደንበኞችም ዲጂታል መታወቂያ ሊኖራቸው እንደሚገባ ለባንኮች ተገልጿል።

ባንኮች፤ ይህንን የጊዜ ሰሌዳ እና አስገዳጅ አሰራሮችን “በጥብቅ እንዲከተሉ” ብሔራዊ ባንክ አሳስቧል።

ቢቢሲ ያነጋገራቸው የዳሽን ፕሬዝዳንት አቶ አስፋው አለሙ እና ሲንቄ ባንክ ፕሬዝዳንት አቶ ነዋይ መገርሳ ብሔራዊ ባንክ አገልግሎት ለማግኘት የ”ፋይዳ” መታወቂያ አስገዳጅነት እንዲጠየቅ መወሰኑን በበጎ እንዲመለከቱት ተናግረዋል።

“አንድ ሰው አንድ ማንነት” እንዲኖረው የሚያደርገው ይህ አሰራር ባንኮች የሚያጋጥማቸውን የማጭበርበር ወንጀል ለመግታት ይረዳል የሚል ተስፋቸውን ገልጸዋል።

ይሁንና ፕሬዝዳንቶቹ የዲጂታል መታወቂያው ህዝብ ጋር የመድረሱ ጉዳይ ተግዳሮት ሊሆን እንደሚችል ሳይጠቅሱ አላለፉም።

“ህዝቡ [መታወቂያውን] በደንብ ወስዶታል ወይ የሚለውን ስናይ ይህ ትንሽ ተግዳሮት ሊሆን ይችላል” የሚሉት የሲንቄ ባንክ ፕሬዝዳንቶ አቶ ነዋይ፤ ለዲጂታል መታወቂያ ምዝገባ የሚውሉት መሳሪያዎች “በብዛት አለመኖርም” ሌላኛው ስጋት መሆኑን አንስተዋል።

የጣት አሻራ ለመውሰድ እና የአይን አይሪስ ስካን ለማድረግ የሚውሉት እነዚህ መሳሪያዎች ለመግዛት ባንኮች ገንዘብ በማዋጣት በማህበራቸው በኩል እንዲገዛ ለማድረግ ሂደት መጀመራቸውን የሚያስታውሱት አቶ ነዋይ፤ እስካሁን ድረስ “ግዢው እንዳልተጠናቀቀ” አስረድተዋል።

“[አስገዳጁን አሰራር ለመተግበር] ቀነ ገደብ ተቀምጦ መሳሪያዎቹ ከሌሉ ተግዳሮት እንዳይፈጠር የሚያሰጋው እርሱ ነው። ከዚያ ውጪ ግን ብሔራዊው መታወቂያ ጠበቅ ብሎ መምጣቱ ለባንኮች በጣም ነው የሚጠቅመው” ብለዋል።

የብሔራዊ ባንክ ምክትል ገዢ አማካሪ የሆኑት ማርታ ግን በቀጣዩ ወር በአዲስ አበባ ከተማ የአስገዳጁ አሰራር ትግበራ ላይ “ብዙ ችግሮች ያጋጥማል” የሚል ስጋት እንደሌለ ተናግረዋል።

አማካሪዋ ለዚህም በምክንያትነት የጠቀሱት አንዱ ጉዳይ የአዲስ አበባ ከተማ አስተዳደር እና የብሔራዊ መታወቂያ ፕሮግራም ጽህፈት ቤት “በዘመቻ” ነዋሪዎች መታወቂያውን እንዲያወጡ እያደረጉ መሆኑን ነው።

ለ”ፋይዳ” ዲጂታል መታወቂያ ምዝገባው የሚያስፈልጉ መሳሪያዎች ጉዳይም “በቅርብ ጊዜ” እንደሚፈታ ገልጸዋል።

“ባንኮች በማህበር በኩል ወደ ስድስት ሺህ መሳሪያዎች በቅርቡ ይገዛሉ። እነዚያ [መሳሪያዎች] የሚከፋፈሉት ባንኮች ባላቸው ቅርንጫፍ መጠን ስለሆነ ሁሉም ጋር ይዳረሳል። ዲጂታል መታወቂያ የሌለው ሰው ሲመጣ እዚያው መዝግበው አካውንት መክፈት ይችላሉ” ሲሉ አስረድተዋል።

የጃፓኑ ኩባንያ የሰው ማጠቢያ ማሽን ወደ ስራ ሊያስገባ መሆኑን አስታወቀ

በኦሳካ ከተማ ላይ መቀመጫዉን ያደረገዉ የሻወር ቤት አምራች ሳይንስ ኩባንያ ሚራይ ኒንገን ሴንታኩኪ ወይም የወደፊቱ የሰው ልጅ ማጠቢያ ማሽን የሚል ስያሜ ማጠቢያ ማሽን መስራቱን አስታዉቋል፡፡

የጃፓኑ ግዙፉ የቴክኖሎጂ ኩባንያ ሳንዮ ኤሌክትሪክ ኩባንያ አሁን ላይ ፓናሶኒክ ሆልዲንግስ ኮርፖሬሽን የሚባለዉ በዓለም የመጀመሪያው የሆነውን የሰው ማጠቢያ ማሽንን  እ.ኤ.አ በ1970 ይፋ አድርጓል፡፡ ማሽኑ የእንቁላል ቅርፅ ያለዉ እና የአረፋ ቴክኖሎጂ የሚጠቀም ሲሆን የሰዎችን ትኩረት የሳበ እና በኤክስፓ ወደ አምራቹ ዳስ በርካቶች ገብተዉ እንዲመለከቱ ከዓመታት በፊት አስገድዷል። ያሱዋኪ አዮያማ የሳንዮ ማጠቢያ ማሽንን በተግባር ካዩት ከበርካታ ሰዎች መካከል አንዱ ነበር። በጊዜው የማወቅ ጉጉት ያለው የአራተኛ ክፍል ተማሪ ነበር፣ ነገር ግን የፍርሃት ስሜቱ በጉልምስና ዕድሜው ሁሉ ከእሱ ጋር መቀጠሉን ያነሳል፡፡

ዛሬ ላይ የሳይንስ ኩባንያ ሊቀመንበር ሆኖ በመታጠቢያ ገንዳዎች ላይ የተካነ ኩባንያ የሚመራ እንደመሆኑ የራሱን የሰዉ ማጠቢያ ማሽን ለመጀመር በዝግጅት ላይ ነው። አዲስ የሰው ማጠቢያ ማሽን ከ1970 ኤክስፖው በኃላ ለመጀመሪያ ጊዜ እናቀርባለን ሲል አዮማ በቅርቡ ለጃፓን ዘጋቢዎች ተናግሯል፡፡የተሻሻለው ሞዴል በኤፕሪል 2025 በኦሳካ ካንሳይ ኤክስፖ ላይ እንደሚታይ ይጠበቃል።የቀደሞ የሰው ማጠቢያ ማሽን በትላልቅ የአየር አረፋዎች የተፈጠሩ አልትራሳውንድዎችን ተጠቅሞ የአገልግሎት ፈላጊዉን ደንበኛ ለማጽዳት እና የፕላስቲክ ኳሶችን ለመልቀቅ እና ለማሻሸት ይጠቅሟል።

አዲሱ የሰው ማጠቢያ ማሽን አዳዲስ ቴክኖሎጂዎችን ያካተተ ሲሆን ሰውነትን ለማፅዳት በጣም ውጤታማ የሆኑ ጥቃቅን የአየር አረፋዎችን እንዲሁም የተጠቃሚዉን የልብ ምት እና ሌሎችን የሰዉነት ክፍሎችን የሚለኩ ዘመናዊ መሳሪያዎችን ይጠቀማል። ውሃውን በትክክል ለማሞቅ ባዮሎጂካል መረጃ ፣ እና ተጠቃሚው የተረጋጋ ወይም ደስተኛ መሆኑን የሚወስን የሰዉ ሰራሽ አስተዉሎት ወይም የአርቴፊሻል ኢንተለጀንስ ኤአይ ስርዓት ይተገበራል፡፡ በልብ ማጠቢያ ማሽን መልክ ተሰርቶ መቅረቡንም ኩባንያዉ አክሎ ገልጿል፡፡

ያሱዋኪ አያማ እንደተናገሩት ኩባንያው በሚቀጥለው ዓመት በኦሳካ ኤክስፖ እስከ 1,000 ሰዎች የፈጠራውን የልብስ ማጠቢያ ማሽን እንዲጠቀሙ ለማድረግ ተስፋ አድርጓል ብለዋል።ሳይንስ ኩባንያ በሰው ማጠቢያ ማሽን ላይ ለተወሰኑ ዓመታት ሲሰራ ቆይቷል። የዋናው ፕሮቶታይፕ ንድፍ በከፍተኛ ሁኔታ ተቀይሯል ፣ ኩባንያው በ2025 የመጀመሪያ ስራዉን ለገበያ ያቀርባል፡፡

ምርጥ 10 የሀገራት አባባሎች
1. "ድልድዩን ከመስበርህ በፊት ዋና እንደምትችል እርግጠኛ ሁን" ኬንያ
2. "አዲሱ ባልዲህ ውሃ የሚይዝ መሆኑን ሳታረጋግጥ አሮጌውን አትጣል" ስዊድን
3. "አንድን ሰው ልብስ ከመጠየቅህ በፊት መጀመሪያ ለራሱ ምን ዓይነት ልብስ እንደለበሰ ልብ ብለህ ተመልከተው" ቤኒን
4. "ውሸት መላውን ዓለም ትዞራለች ፤ እውነት ደግሞ እቤቷ ቁጭ ብላ የሚሆነውን ትጠባበቃለች" ፈረንሳይ:
5. "ጠማማ ዕድል ያለው ሰው ወደ ወንዝ አትላከው" ይዲሽ
6. "በጓደኛህ ግንባር ላይ ያረፈውን ዝምብ ለማባረር ብለህ መጥረቢያ አትጠቀም" ቻይና
7. "አይጥ በድመት ላይ ከሳቀች አቅራቢያዋ ጉድጓድ አለ ማለት ነው" ናይጄሪያ
8. "ውሃ ውስጥ ሰምጠህ የመሞት ፍላጎት ካለህ በጎደለው ኩሬ ውስጥ እየተንቦራጨክ ራስህን አታሳቃይ" ቡልጋሪያ
9. "ተኩላዎች ዳኞች ሆነው በተሰየሙበት ችሎት ላይ የበጎች ቀጣይ ዕጣ ፈንታ ምን ሊሆን እንደሚችል ለመገመት አያዳግትም" ይዲሽ
10. "እንቁላል የሞላ ቅርጫት ተሸክመህ አትጨፍር" ጊኒ

በመካ ከተማ አንድ ሰው ግራ ቀኙን እየቃኘ በመንገድ ሲያልፍ አንዲት አሮጊት እርጅና ባጎበጠው እድሜ ባሰለላቸው እጆቻቸው እየተንቀጠቀጠቀጡ ምግብ የሚያበስሉበትን እንጨት ተሸክመው ወደቤታቸው ሊሄድ ሲያጣጥሩ ይመለከታል። በአሮጊቷ ተግባር ልቡ የተነካው ይህ ሰውም በቀስታ ወደሴትየዋ ተጠግቶ « ቤትዎን ያሳዩኝ እኔ ተሸክሜ አደርስልዎታለሁ» አላቸው።
የሴትየዋ ቤት እጅግ እሩቅ ከመሆኑ ባሻገር ጸሀዩ ሲጠብሰው የዋለው አሸዋ ልክ በጋለ ፍም ላይ የመራመድ ያክል እግርን ክፉኛ ይለበልብ ነበር! ጸሀዩዋም መካ ብቻ ጓዟን ጠቅላ የሰፈረች ይመስል እንደእሳት ትፋጃለች። በነፋሱ እየተንሳፈፈ የሚመጣው የአሸዋ ብናኝም ፊትን በሀይል ይጋረፋል! እንግዲህ ይህን ፈተና ችሎ ነው ሰውየው የአሮጊቷን የደረቁ እንጨቶች ለመሸከም የወሰነው
በሰውዬው ድርጊት እየተገረሙና እየተደነቁ ቤታቸው የደረሱት ምስኪኗ አሮጊትም መልካሙን ሰውዬ ትኩር ብለው እየተመለከቱ እንዲህ አሉት ..
«ልጄ ሆይ እንዲያው ባሮጊት አንደበቴ እመርቅሀለሁ እንጂ ላደረግህልኝ ነገር መካሻ ይሆን ዘንድ የምሰጥህ አንዳች የሌለኝ ምስኪን ደሀ ነኝ ልጄ እባክህ ከሰማኸኝ አንድ ምክር ልለግስህ። ወደህዝቦችህ ወደመካ ስትመለስ እዚያ አንድ ነብይ ነኝ የሚል ሙሀመድ የሚሉት ደጋሚ ሰው አለ። በፍጹም እሱን እንዳትከተል እንዳታምነውም!» አሉት።
ሰውዬውም ረጋ ብሎ «ለምን?» ብሎ ጠየቀ!
አሮጊቷም «ልጄ እርሱ መጥፎ ስነምባር ነው ያለው ሲሉ ሰምቻለሁ» ብለው መለሱ።ሰውዬው በሴትየዋ ንግግር ተገርሞ «እኔስ ሙሀመድ ብሆን?» አላቸው። ሴትየዋም የሰሙት ነገር በጣም አስገርማቸው ለካስ ይህ ደግ ሰው ራሳቸው ነብዩ ሙሀመድ (ሰ.አ.ወ) ነበሩ። አስተውሉ ... ነብዩ ለአሮጊቷ ቸርነትን ሲያደርጉ ሀይማኖታቸውን ፈፅሞ አልጠየቁም። ፍቅር የሀይማኖትን ድንበር፣ የዘርና የጎሳን አጥር እንደሚያልፍ ያውቁ ነበርና። ስብከት ያልሰበረውን ልብና ትምህርት ያላንበረከከውን ማንነት ፍቅር ብቻ ትህትናና በጎ ምግባር ብቻ ያንበረክከዋል!

ያማረ ጁምኣ!💚

@ourworl_d

በመንቃት ላይ ባሉ ፍጡራን መካከል፣
ህይወት የምንለው እንደ ጥሬ እህል፣
በኑሮ ምጣድ ላይ ቢቆላ ቢማሰል፣
የበሰለው ያራል ጥሬው እስኪበስል።
፠፠
ኃይሉ ገብረዮሐንስ

የማንን ሃሳብ፣ በማን ጭንቅላት እያሰባችሁ ነው?
 በ አገኘሁ አሰግድ 

( ብዙ ጭንቅላቶች ቢኖሩም፣ ብዙ ሀሳበች የሉም)
የሰው ልጅ አሳቢ ፍጡር ነው ቢባልም አብዛኛው ግን አይደለም፡፡ ብዙሃኑ ታስቦ ያለቀ አሳብ እራሱ ላይ ጭኖ የሚሄድ መንገደኛ ነው፡፡ ግቡ መሄዱ እንጂ መድረሱ አይደለም፡፡ “ለምን” የሚባል ጥያቄ ጠላቱ ነው፡፡ በሰዎች ምላስ ጣዕምን ይለካል እንጂ፣ የራሱ ምላስ(የጣዕም ልኬት) የለውም፡፡ ኬክ ጣፋጭ ነው! አዎ ነው!! እንትን ነውር ነው! አዎ ነውር ነው!! የእንትና መፅሐፍ አሪፍ ነው! አዎ በጣም ብዙ ሰው ይወደዋል አሪፍ ነው! እንዲህ ነው ብዙሀኑ-ገደል ማሚቱ!
የያዛችሁትን ሀሳብ ለምን ያዛችሁ ? ብዙሀን ስለተከተሉት? ብዙሃን ስለተከተሉት በቡዝሀን ሀሳብ ብቻ ትክክል ሆኖ የሚያውቅ ሀሳብ አለ፡፡ ትክክል በመሆኑ ብዙዎች የተከተሉት ሀሳብ ይኖር ይሆናል፣ ብዙሃን ስለተከተሉት እውነት የሆነ ሀሳብ ግን በፍፁም! የያዝከውን ሀሳብ ትጠይቃላችሁ? ለምን እንዲህ አመንኩ ብላችሁ ትጠይቃላችሁ ወይስ ለምን ከሚባል ጥያቄ እስከ አለም ጥግ ትሸሻላችሁ፡፡
ሃሳባችሁ ማን ሰራሽ ነው? ሃይማኖት ሰራሽ? ማህበረሰብ ሰራሽ? ቤተሰብ ሰራሽ? ነው ቅልቅል? ግርር ብሎ ማሰብ ትልልቅ ሰዎችን ፈጥሮ አያውቅም- ባለህበት እርገጥ እንጂ፣ ወደ ፊት! የለውም፡፡ ታላቅነት “ለምን” በምትል ጥያቄ ውስጥ ነው የሚወለደው፡፡ ነፃ መሆን፣ ወይም የብዙሃኑ ቡችላ መሆን የግለሰቡ ምርጫ ነው፡፡ እንደተመረጠልህ መኖር ወይስ እንደመረጥከው መጓዝ፡፡
ትልቁ ጥያቄ- የያዝከውን አቋም የመፈተሸ ድፍረት አለህ ወይ? ለሃይማኖትህ መልስ የምትሰጠው ከሰባኪያን ከለቀምከው ቃል ነው ወይስ የሀይማት መፃሕፍትህን መርምረህ ከደረስክበት? መፀሐፍቱን ስታነብስ አራት ነጥብ እያደረክ ነው የምታነበው ወይስ ጥያቄ ምልክት ታስቀምጣለህ በመሃል? ያለመጠየቅ ሙቀት ይሻልሀል፣ የመጠየቅ ገነት? ሳይጠየቁ የኖሩ አዲስ እውነት አፍጦ በመጣባቸው ጊዜ ያብዳሉ፡፡
“ ያልተመረመረ ህይወት ዋጋ ቢስ ነው” ይላል ጋሽ ሶቅራጥስ፡፡ የኛው ሌሊሳ ደግሞ፣ “ ሕይወትን ሂስ ማድረግ የማይችል ዘመን የፈጠራ መንፈስ አይኖረውም” ይላል ፡፡ ዘመን ብቻ ሳይሆን ሕይወቱን ሂስ የማያዳረግ ሰውም እንደዛው ነው፡፡ እርግጥ በመመርመር የሚመጡብህ ቅጣቶች አሉ፡፡ አንደኛው የለውጥ ስቃይ ነው፡፡ የቀደመ አስተሳሰብን መለወጥ ለብዙዎች ስቃይ ነው፡፡ አንዳንዱ እዚህ ድረስ መጥቼ እንዴት እመለሳለው ብሎ፣ በጀመረው የስህተት መንገድ መንጎድ ይመርጣል( አዲሱ መንገድ ትክክል እንደሆነ ቢያውቅም፣ የኖረበትን መንገድ መልቀቅ ሞቱ ነው)፣ ሌላኛው በስቃይም ቢሆን አዲሱን እውነት ይቀበላል፡፡
እናንተ የየትኛው ዘመን ሃሳብ ባሪያዎች ናችሁ? ለየትኛው ሰው? ለየትኛው ድርጅት?….
መንግድህ እያሳየህ ያለው ከሌሎች ባትሪ የሚወጣው ብርሀን ነው ወይስ የራስህ ባትሪ አለህ? ስንት ሃይማኖት መርምረህ ያንተ ሃይማኖት ልክ መሆኑን አወክ? ስንት ማህበረሰብ አይተህ አንተ ያለህበት ማህበረሰብ አስተሳሰብ ልክ መሆኑን አመንክ? የስንት ህዝብ ባህል ፈትሸህ፣ የባህልህ ተገዢ ሆንክ? “ባህላችን” ስትል ምን ማለትህ ነው? ሙሉ ለሙሉ እንከን የማይወጣለት ባህል አለኝ ነው የምትል ወይስ ባህሉ “የአንተ ስለሆነ” ብቻ ልክ ነው? የትኛው ባህልስ ነው ልክ? ባህል እንደሚሻሻል እንደሚለወጥ ታምናለህ ወይስ ለአያቶችህ መንፈስ የመታመን እዳ በላይህ ላይ ጭነሃል?
የማን ሆናችኋል? ማን እየሾፈራችሁ፣ ማን እየዘወረን ነው? “ መሬት አየር ሰማይ” የሚለው አዲሱ የሌሊሳ መፅሐፍ ላይ፣ እንዲህ የሚል ገፀባህሪ አለ፤ “ እኔ ነኝ ሀገሬ” እንዲህ ሲል ይቀጥላል ይሄ ገፀባህሪ፤
“………. ሀገር ብቀይር አንጎሌ ማሰብ አያቆምም፣እግሬ መራመድ፣ ጨጓራዬ መፍጨት፣ ልቤ ማፍቀር፤…እኔ ከሌለሁ ሀገር የለም… አዎ! እኔ ነኝ ሀገሬ፡፡ ….”
እናም፣ አንተ ነህ አገርህ፣ አንቺ ነሽ አገርሽ! እራስን ያላከተተ መንገድ ሁሉ…. ፈረሱን ከልክሎ “ያውልህ ሜዳው ጋልብበት” የማለት ያህል ነው፡፡ ምንም ፈረስ በሌለበት፣ ፈረስ ካልጋለብኩ እንደማለት ነው፡፡
ጥያቄው የማንን ጭነት ተሸክማችኋል ነው፡፡ የራሳችሁን ሸክም ነው የሌላውን የተሸከማችሁት? …… ሸክማችሁ የከበደ እናንተ ሸክማችሁን ጣሉ….! የራሳችሁን ሸክም ብቻ ተሸከሙ፡፡ ማንነታችሁንና ዘመናችሁን በማይመጥን ሸክም ትከሻችሁን አታጉብጡ፡፡
“እኛ” ብላችሁ ከማውራታቹህ በፊት፣ “እኔ” ማለትን ልመዱ፡፡ ብዙ ያማሩ ጭንቅላቶችን፣ ብዙ ያማሩ ቡድኖች ውስጥ ገድለን ቀበርን እኮ- ያ አይበቃም?! ብዙ ሃሳብ ያላቸው ጥቂት ሰዎች እንጂ፣ ጥቂት ሃሳብ ያላቸው ብዙ ሰዎች ምን ይረቡናል? በእኛ ውስጥ የሚጨፈለቀው እኔ ለራሱም ለሌላውም የሚፈይደው የለውም፡፡ እንዲያ ማለት አብዝተህ እራስህን ውደድ አይደለም፣ የሌሎችን ህልውና ጨፍልቅ አይደለም! – የራህን ጫማ አድርግ ማለት ነው፡፡ ያባትህ ጫማ ያንተ አይደለም- ላንተም አይደለም! መንገድ ላይ ከርፈፍ ከርፈፍ እያልክ ከመሄድ ውጪ የሚያተርፍልህ የለም፡፡ አንቺም የእናትሽን ጫማ አውልቀሽ ጣዪ፡፡ ማን እንደሰራው ከማታውቂው፣ ከሚያወለካክፍሽ ጫማም እራስሽን ጠብቂ፡፡
በመጨረሻም፣ እራሳቸውን ችለው የሚያስቡ ጭንቅላቶች ያብዛልን!!