የመርከዝ አል ፈላሕ የሰለፊያ ቻናል

📱ለልጆቻችሁ ስልክ አትስጡ ስል ያለምክንያት አይደለም። በቂ ምክንያት አለኝ።
📌ስልክ መስጠት ሲባል ገዝቶ መስጠትን ሳይሆን የራሳችሁን ስልክ ራሱ ለምንም ነገር ቢፈልጉት እንኳን አትስጧቸው። ልጆች በጣም ፈጥነው ሄደዋል የሰሙትን ያዩትን ነገር ለመተግበር ጊዜ አይፈጅባቸውም ።
ወላጆች ሁሌም ንቁ ልትሆኑ ይገባል እናንተ ከምታስቡት በላይ እነሱ ያስባሉ ቤተሰቦቻቸውንም መሸወድ ማታለል ይችሉበታል። ተጠንቀቁ❗️

የኔ ልጅ ጨዋ ነው የኔ ልጅ ጨዋ ነች ምናምን ከማለት በቻልከው አቅም ልጅህን ለመቆጣጠር መሞከር ነው።

ይህን ስል ስልክ ሰጥተህ ተከታተለው እያልኩ አይደለም ስልክ በጭራሽ እንዳትሰጥ።

በስልክ ምክንያት ስንቶች ተበላሹ
ስንትና ስንት ሴቶች ትዳራቸውን በተኑ
ጨዋ ምንም አያውቅም መልካም ልጅ ተብሎ በስልክ ምክንያት ተበላሽቶ የቀረ ቤቱ ይቁጠረው።

የዚህ ዘመን ትልቁ ሙሲባ ስልክ ነው ብል ማጋነን አይሆንብኝም።

👉https://t.me/AbuEkrima

📌ዛሬ የምንሰማቸው ጉዳጉዶች መነሻቸው ት/ቤቶች ናቸው ብል ማጋነን አይሆንብኝም።

📌ትምህርት ቤት ውስጥ የሚለመዱ መጥፎ ባህሪዎች ከጊዜ ወደ ጊዜ መልካቸውን እየቀየሩ ወደ ከፋ ደረጃ ደርሰዋል❗️እጅግ በጣም መጥፎ ስራዎች በብዙ ት/ቤቶች ይተገበራሉ። መቼም እኔ እንዲህ ብዬ ዘርዝሬ አልነግርህም።
👉አንተ ወላጆች ሆይ ፈልገህ ድረስበት ምክንያቱም ለልጅህ ስትል
ልጅህን ታጣዋለክ ለፍተህ፣ ላብህን ጠብ አድርገህ ያሳደከው ልጅ ወይም ሴት ውሏቸው አጉል ሀሳባቸው የተበላሸ ከሆነ ምን አተረፍክ❓

📍ለአብነት ያህል ስለ አንድ የግል ት/ቤት የደረሰኝ መረጃ ላካፍላችሁ ። እዚህ ት/ቤት ወስጥ ድንገት ተማሪ ለማምጣት የሄደው ሰው ያልጠበቀውን ነገር ተመልክቷል።
ቀኑ water day ( የውሃ) ቀን ይባላል በነገራችን ላይ የማይከበር ቀን የለም ጭራሽ የእብደት ቀን ሁላ ይከበራል እንደው እንደ ሸሪዓ ይቅርና እንደ ሰው ስናስበው ምን ማለት ነው ክሬዚ ዴይ( የእብደት ቀን) አላህ ይጠብቀን። ምኞት ነው ወይስ ምንድን ነው❓እብደት ፀጋ መስሏቸው ነው ❓እንዴት አስበውት እንደሆነ እኔንጃ? እንዘምን ነው ነገሩ።
🏮መቼም የነጮቹን ቆሻሻ የመሸከም አቅም ብቻ ነው ያለን መልካም መልካሙን ለሀገር ለራስም ጠቃሚ ነገሮችን መያዝ ከባድ ሆኖብናል
ለነገሩ አስሩ ቆሻሻ አይምሮ ስር የተሸገሸገበት ልጅ ከየት መጥቶ ትምህርቱን ይወዳል እንዴትስ ይገባዋል ።
ለማንኛውም ወደ ታሪኩ ልመልሳቹ 👉እናም ቀኑ እንዳልኳችሁ የውሃ ቀን ነበር ታዲያ ይህ ሰው ድንገት የግቢውን በር ከፍቶ ሲገባ ሴቶቹ በጡት ማስያዣ ሆነው እያበዱ ሙዚቃው ተከፍቶ ውሃ ይረጫጫሉ: በጣም የሚገመው የት/ ቤቱ ባለቤት ራሱ አብሯቸው ይረጫጫል ይጨፍራል ። እንግዲህ ይታያችሁ እዚህ ት/ቤት በጣም እጅግ በጣም ብዙ ሙስሊም ተማሪዎች አሉ ምን አይነት ተርቢያ ይያዙ? በዚህ መልኩ መሆን ማለት ከባድ ነው ሰው እንዴት ባደባባይ ወንጀል ይፈፅማል።ምን አይነት ጋጠወጥ ትውልድ እፈራ እንደሆነ ተመልከቱ❗️

🏮እንዴት ሆኖ ነው ግን እነዚያ ኢኽዋኖች እና ጀምዕዮች ስለዚህ ግብስብስ ህይወት ባገኙት አጋጣሚ ሚደሰኩሩን እኛ ብዙ ምናውቃቸው ትውልድ ገዳይ አስተሳሰብ ያላቸው ግን ራሳቸውን ሙፈኪረል ኢስላም አድርገው እንደፈለጉት ሰውን የሚነዱ ሰዎ እንዳሉ እናውቃለን ። አላህ ሂዳያ ይስጣቸው ።
📍ወንድሞቼ አሁን እኮ የሚማር መች ጠፋ የጠፋው እውቀት ፈላጊ እንጂ የእውነት ተማሪ ነው የጠፋው
ት/ ቤት ውስጥ ጫት ይዞ የሚገባ ተማሪ ምን ትለዋለክ ? ይህ ብቻም አይደለም አደንዛዥ እፅ ተጠቅሞ የሚገባም አለ።
የመማር ፍላጎት የሌለው ወጣት ት/ቤት ስለ ላከው እውቀት ይገበያል ማለት አይደለም።
👉 በርግጥ ሰለፍዮች ስለ ትምህርት ሲያወሩ ልጆች አይማሩ እውቀት ጎጂ ነው ምናም አይነት ሀሳብ እንዳላቸው አድርጋችሁ የምታወሩ ሰዎች አላችሁ ልክ አይደላችሁም❗️
ወደ ፊት እንደውም ከብዙ ሰዎች ፍላጎት የተነሳ መድረሳዎቻችንን አሰፋፍተን አጠቃላይ የሙስሊሙን ማህበረሰብ ለመቀየር ቁርጠኛ ሀሳብ ያለን ሰዎችን መሆናችንን ተገንዘቡ

👉እንዴት ሆኖ ነው ሰለፊዮች እውቀት የሚጠሉት❓
ለዱንያ የሚጠቅም እውቀት እንደ አስፈላጊነቱ ይወሰዳል ችግር የለውም። እኛ ጋር ችግር ብለን ምናስባቸው ነገሮች በርግጥ አሉ ከችግሮቹ ውስጥ አንዱን ላንሳላችሁ የወንድ እና ሴት ተቀላቅሎ መማር ይህ ነገር ከባድ ጥፋት ነው። አሁን ላይ ተማሪዎች በብዛት ስለ ምንድን ነው ሚያወሩት ቢባል ያለ ምንም ማጋነን ስለ ተቃራኒ ፆታ ነው። ይህ ደግሞ ትምህርታቸው ላይ ትኩረት እንዲሰጡ ፈፅሞ አያደርጋቸውም ።
እውቀቱ የሚሰጥባቸው ቦታዎችና ሁኔታዎች እውነት ትክክለኛ ትውልድ ይፈጥርልናል ወይ ነው ሌላኛው ጥያቄ ❓
🩸 ከኢለመንተሪ እስከ ዩኒቨርሲቲ ተመልከቱ የምር መውለዳችሁን ትጠላላችሁ ።
👉አንድ ሰው ነበር ይህ ሰው ብዙ ጊዜ ሴቶች ዩኒቨርሲቲ ሄደው መማር አለባቸው ብሎ ይከራከራል ታዲያ የሆነ ወቅት ላይ ለስራ ጉዳይ ከጓደኛው ጋር ክፍለ ሀገር ሄዶ በማታ ለመመለስ ጉዞ ሲጀምሩ ብዙ ሴት ተማሪዎች አስፋልቱን ሞልተውት ቆመው ያያል ከዛም እነዚህ ምንድናቸው ሲል ጠየቀ? የዩኒቨርሲቲ ተማሪዎች መሆናቸው ይነገራዋል በዚህ ጊዜ ያ ሁላ ክርክር ቀርቶ እኔ ልጄን በተአምር ወደዚህ አልክም እስከማለት ደረጃ ላይ ደርሷል።

👉 ኡማው ሚያስፈልገው ዋና ነገር ዲን ነው ፣ ተርቢያ ነው ። የዱንያውን እውቀት ለመስጠት ጥርት ያለ አየር ፈጥረንላቸው ሲሆን እጅግ የላቀ ጥቅም ያስገኛል ካልሆነ ግን አንድ ሺ ተማሪ ልከህ የሚማረው አስሩ ነው ። በዚያ ላይ ከትምህርታቸውም ከዲናቸውም ያልሆኑ እንዝላል ይሆኑና ለቤተሰብም ለሀገርም ሸክም ይሆናሉ።

ለልጆቻችን መስተካከል ትልቁ አማራጭ በተርቢያ የተሞላ መዋያን ማመቻችት ነው።
ካልሆነ ግን… ልጆቻችሁን ቻው ቻው❗️

👉https://t.me/AbuEkrima