❤ ከዚህም በኋላ በጻድቁ ንጉሥ ቈስጠንጢኖስ ዘንድ ዜናው በተሰማ ጊዜ በጸሎቱ ያስበው ዘንድ ንጉሡ እየለመነው ደብዳቤ ጻፈለት የከበረ እንጦንዮስ ግን ወደ ንጉሥ ደብዳቤ ዘወር አላለም ለወገኖቹ እንዲህ አላቸው እንጂ "የንጉሠ ነገሥት ደብዳቤ እነሆ በላያችን ይነበባል" ወንድሞችም እንዲህ ብለው ለመኑት "ይህ ንጉሥ የክርስቲያንን ወገኖች የሚወድ ጻድቅ ሰው ነው በደብዳቤ ጽፈህ ልታጽናናው ይገባል ከዚህም በኋላ እያጽናናውና እየባረከው ቤተ መንግሥቱንና ሠራዊቱንም እየባረከ ጻፈለት።
❤ ዳግመኛም በአፍርንጊያ ንጉሥ ዘንድ ዜናው በተሰማ ጊዜ ወደ ከበረ እንጦንዮስ እንዲህ ብሎ ጻፈ "ወደ እኛ መጥተህ በእኛ ላይ በአገራችንና በሠራዊታችን ላይ በረከትን ታሳድር ዘንድ ስለ ጌታችን ክርስቶስ መከራዎች እኔ ወዳንተ ፈጽሜ እማልዳለሁ"። የከበረ እንጦንዮስም ይህን በሰማ ጊዜ እጅግ አዘነ ቁሞም እንዲህ ብሎ ጸለየ "ጌታዬ ኢየሱስ ክርስቶስ ሆይ እለምንሃለሁ በአፍርጊያ ውሰሰጥ ወዳለ ወደ በርኪኖን አገር ግለጥልኝ ነገር ግን ያንተ ፈቃድ ይሁን" ይህንንም ባለ ጊዜ ብርህት ደመና መጣች በዚያችም ሰዓት ተሸክማ ወደ አፍርንጊያ አገር አደረሰችው ንጉሡም ደስ አለው ሕዝብና ሠራዊቱም ሁሉ በሽቶኞችንም አቀረቡለትና ሁሉንም ፈወሳቸው የጽድቅና የሕይወትንም መንገድ እያስተማራቸው ከእነርሳቸው ዘንድ ስድስት ወር ኖረ። በእሁድም ዕለት ያቺ ብርህት ደመና ተሸክማ ወደ ገዳሙ ታደርሰውና ከልጆቹ ጋር ተገናኝቶ ያረጋጋቸዋል በማግሥቱም ዳግመኛ ተሸክማ ወደ አፍርንጊያ አገር ትመልሰዋለች። ከዚህም በኋላ በእግዚአብሔር ፈቃድ በደመና ተጭኖ ወደ ገዳሙ አንደኛውን ተመለሰ።
❤ በአንዲት ዕለትም ስንፍና መጣበት እንዲህ የሚለውም ቃል መጣ "ታይ ዘንድ ወደ ውጭ ውጣ" በወጣ ጊዜም መልአኩን አየው በላዩም የምንኵስና ልብስ አለ መታጠቂያ ቅናት የመስቀል ምልክት ያቸው ቀሚስ በወገቡም አስኬማ በራስ ቊር አምሳልም በራሱ ላይ ቆብ አለ እርሱም ተቀምጦ ሰሌን ይታታል ከዚያም ተነሥቶ ይጸልያል ዳግመኛም ተቀምጦ ሰሌን ይታታል በየሰዓቱም እንዲህ በማድረግ ይጸልያል። ሁለተኛም እንዲህ የሚል ቃል ወደርሱ መጣ "እንጦንዮስ ሆይ እንደዚሆ ሥራ አንተም ከስንፍና ከሰይጣናት ጦርነት ታርፋለህ" ያንን ያየውንም ተቀብሎ እንዲሁ አስመስሎ የሚሠራ ሆነ ከዚያችም ዕለት ወዲህ ስንፋናና የሰይጣናት ውጊያ አልመጣበትም።
❤ የክብር ባለቤት ጌታችን ኢየሱስ ክርስቶስም ብዙ ጊዜ ተገልጾ አረጋግታል አጽንቶታልም። አሁንም እንዲህ አለው "የመረጥሁህ እንጦንዮስ ሆይ እውነት እነግርሃለሁ እኔን ስለመውደድህ በዚች በረሀ ውስጥ ብቻህን በመጋደልህና በማገልገልህ ስለ ድካምህ ስምህን ከፍ ከፍ አደርጋለሁ ሥልጣንህንም በዓለም ዳርቻ ሁሉ ከፍ አደርገዋለሁ። ገዳትንና አድባራትንም መነኰሳትን የተመሉ ሁነው ቅኖች የዋሃን ጻድቃን እንደሚኖሩባቸው አደርጋቸዋለሁ ይልቁንም ያንተ ገዳማት እነርሱ እስከ ፍጻሜ ይኖራሉ። መታሰቢያህንም የሚያደርገውን ሁሉ ለድኆች ምጽዋትን ለቤተ ክርስቲያን መባ በስምህ የሚሰጠውን ሁሉ እኔ ኃጢአቱን ሁሉ እደመስሳለሁ ከቶ ሥቃይን አያያትም በውስጡ ሥጋህ የሚቀበርበትንም ገዳም እጅግ ከፍ ከፍ አደርገዋለሁ በውስጡም እንደ መላእክት የሆኑ ደጋጎች መነኰሳት እንዲኖሩበት አደርጋለሁ ከእርሳቸውም እስከ ዓለም ፍጻሜ አለቃ የሚሆን አይታጣም የምድር ነገሥታት መሳፍንትና ሹማምንት ለገዳምህና ፍለጋህን ለሚከተሉ ልጆችህም እጅ መንሻ ተሸክመው እንዲመጡ አደርጋለሁ" ጌታችንም ይህን ከተናገረው በኋላ ከእርሱ ዘንድ ወደ ሰማያት በታላቅ ክብር ዐረገ አባ እንጦኒም ፈጽሞ ደስ አለው።
❤ ከዚህም በኋላ ስለ ቤተ ክርስቲያን መፍረስ እንዲህ ብሎ ትንቢት ተናገረ "መናፍቃን በላይዋ ይሠለጥናሉ ከዚህም በኋላ ወደቀድሞ ሥርዓቷ ትመሰላለች" ዳግመኛም ስለ መነኰሳት እነርሱ እጅግ እንደሚበዙ ገዳማቻቸውንና አድባራቶችን በመተው ወርደው ከዓለማውያን መካከል በከተማዎችና በቦታዎች ውስጥ እንደሚኖሩ ስለ ዓለም ፍጻሜም ትንቢት ተናገረ።
❤ ይህም አባ እንጦንዮስ አባ መቃርስን አስኬማንና የምንኵስና ልብስን ያለበሰው የረጋጋውና ያጽናናው ከእርሱ የሚሆነውንም ያስረዳው ነው ደቀ መዝሙሩና ልጁ ስለሆነ። ከዚህም በኋለሠ የገዳማውያን አለቃ ወደሆነ ወደ አባ ቡላ ሒደ እርሱም ለሥጋው ያሰበና በሐዋርያዊ አትናቴዎስ ልብስ የገነዘው ነው።
❤ ዕረፍቱም እንደቀረበ በአወቀ ጊዜ በትሩን ለልጁ ለአባ መቃርስ ምንጣፉን ለአባ አትናቴዎስ የፍየል ሌጦ ዐጽፉን ለልጁ ለኤጲስቆጶሱ ለአባ ሰራብዮን እንዲሰጡ ልጆቹን አዘዛቸው። ከዚህም በኋላ በምድር ላይ ጋደም አለ ነፍሱንም በእግዚአብሔር እጅ ሰጠ ወደርሱም ሁሉም የመላእክት ማኅበር መጥተው በክብ በምስጋና ፍጹም ተድላ ደስታ ወዳለበት ዘላለማዊ ዕረፍት ተቀብለው አሳረጉት። ሥጋውን ግን ልጆቹ እንዘዛቸው ሰወሩት እርሱ የቅዱሳን ሰማዕታትን ሥጋቸውን የሚገልጡትን ይገሥጻቸው ነበርና ስለ እነርሱ ሥጋ ብዙ ገንዘብ እስከ መቀበል ደርሰው ዓለማዊ ጥሪት ያደርጉታልና።
❤ ይህም የከበረ የተመሰገነ አባት እንጦንዮስ እሰሰከ መልካም ሽምግልና ደረሰ እጅግም አረጀ ግን ወደ ወደደውም ክርስቶስ እስከ ሔደ ድረስ መልኩ አልተለወጠም ብርታቱ ጽናቱም መላው ዕድሜውም መቶ ሃያ ዓመት ነው። ለእግዚአብሔርም ምስጋና ይሁን እኛንም በከበረ አባት በአባ እንጦንዮስ ጸሎት ይማረን በረከቱ ከእኛ ጋር ትኑር ለዘላለሙ አሜን። ምንጭ፦ የጥር 22 ስንክሳር።
@sigewe https://t.me/joinchat/AAAAAFGQ22bI0Ij80hYpFA https://www.facebook.cobm/profile.php?id=100063896616886 https://www.facebook.com/profile.php?id=61552828743736&mibextid=ZbWKwL 
