TIKVAH-MAGAZINE

#እንድታውቁት

የአዲስ አበባ ከተማ አስተዳደር የመሬት ይዞታ ምዝገባ እና መረጃ ኤጀንሲ በ2017 በጀት ዓመት ኤጀንሲው የመጨረሻ ያለውንና 8ኛውን የመሬት ይዞታ የማረጋገጥና የእወጃ መርሐግብር በ6 ክፍለ ከተሞች ከታህሳስ 10/04/2017 ዓ.ም ጀምሮ ባሉት ተከታታይ አምስት ወራት ውስጥ እንደሚሰጥ መግለጹ ይታወሳል።

ለመሆኑ የይዞታ ይረጋገጥልኝ ጥያቄ በሚቀርብበት ወቅት የሚያስፈልጉ መረጃዎች ምንድን ናቸው?

- የይዞታ  ማረጋገጫ ካርታ ዋናውንና ፎቶ ኮፒ፣

- ማንነትን የሚገልጽ የታደሰ መታዎቂያ፣ መንጃ ፈቃድ፣

- ፓስፖርት ወይም ፋይዳ መታወቂያ፣

- ግብር የተከፈለበት ደረሰኝ፣

- ይዞታው በሊዝ የተገኘ ከሆነ የሊዝ ውል፣

- የፍርድ ቤት ውሳኔ ካለ፣

- ህጋዊ የውል ሰነዶች፦ የውክልና፤ የስጦታ፣ የውርስ፤ የሽያጭ ውል ካሉ መቅረብ ይኖርባቸዋል።

@tikvahethmagazine

በልጅነታችን በጨዋታ መልክ የተቀረጹ ትርክቶችና ምሳሌዎች አሁን ባለን የኑሮ ሁኔታ ላይ ተጽዕኖ እንደሚኖራቸው እሙን ነው።

ከዚህ ጋር በተያያዘ ሌንሳ እንዳለ በተለይ "እንቆቅልሽ" በተሰኘው የህጻናት ጨዋታ "ሀገር ስጡኝ" የሚለው የጨዋታው ክፍል እንዴት አስተሳሰባችንን እንደቀረጸው ትዳስሳለች።

የጹሑፉ ርዕስ “Hager Situgn”: The Unseen Vaccination of Desire for Others Over Our Own ይሰኛል።

ሙሉ ጹሑፉን እንድታነቡት እንጋብዛችኋለን 👉 https://www.concepthub.net/article/6

@tikvahethmagazine

የኢትዮጵያዊያን ኤንዶስኮፒክ እና ላፓሮስኮፒክ ቀዶ ጥገና ማህበር ተመስርቷል።

የኢትዮጵያዊያን ኤንዶስኮፒክ እና ላፓሮስኮፒክ ቀዶ ጥገና ማህበር (SEELS) በዛሬው ዕለት በየካቲት 12 ሆስፒታል ሜዲካል ኮሌጅ  ውስጥ መመስረቱን ማኅበሩ ለቲክቫህ ኢትዮጵያ የላከው መረጃ ያሳያል።

ማህበሩን የመሰረቱት ኢትዮጵያ ውስጥ በተለያዩ ተቋማት ውሰጥ የሚሰሩ የቀዶ ጥገና ሐኪሞች በጋራ ተሰባስበው እንደሆነ በምስረታው ወቅት ተገልጿል።

በምስታው ላይ የተገኙት የየካቲት 12 ሆስፒታል ሜዲካል ኮሌጅ ዋና ፕሮቮስት የሆኑት ዶክተር አንተነህ ምትኩ ማኅበሩ በኢትዮጵያ ለሚደረጉ የቀዶ ጥገና ሕክምናዎች በጎ ተጽእኖ ከፍ ያለ እንደሚሆን ተናግረዋል፡፡

ለማኅበሩ መመስረት አንበሳውን ድርሻ ከተጫወቱት መካከል ዶክተር ሱራፌል ሙላቱ በበኩቻቸው የቀዶ ጥገና ሐኪሞች በጋራ መሰባሰብ በመጠነኛ ቀዶ ጥገናና በመሳሪያ በመታገዝ የሚደረግን ቀዶ ጥገናን ከፍ ወዳለ ደረጃ እንደሚያሳድገው እምነታቸውን ገልጸዋል፡፡

የኤንዶስኮፒክ እና ላፓሮስኮፒክ ቀዶ ጥገና ማህበር (SEELS) መመስረት አገልግሎቱን ለሚፈልጉ፣ የዚህ ሙያ ባለሙያ መሆን ለሚፈልጉ ሐኪሞች፣ ለኢትዮጵያ የሕክምና እድገት አዲስ በር የከፈተ እና ተስፋ ሰጪ መሆኑም ተገልጿል።

✍ Dr. Zelalem Chimdesa/#TikvahFamily🩵

@tikvahethmagazine

የ5 ዓመት ህፃን ልጅ የደፈሩ 2 ግለሰቦች ፍርድ ቤቱ በ19 ዓመት እስራት ቀጥቷቸዋል።

በጌዴኦ ዞን ወናጎ ከተማ አስተዳደር በ 5 ዓመት ህፃን ልጅ ላይ የአስገድዶ መድፈር ወንጀል የፈፀሙ ተከሳሾች በ 19 ዓመት ፅኑ እስራት እንዲቀጡ ፍርድ ቤት ወስኖባቸዋል።

ወንጀሉ የተፈፀመው በወናጎ ከተማ አስተዳደር ቱቱፈላ ቀበሌ  ኦዶላ ተብሎ በሚጠራበት አከባቢ ሲሆን ተበዳይ የሆነችው የ5 ዓመት ህፃን ከቀኑ 8:00 ሰዓት ዳቦ ለመግዛት በሄደችበት ነው ጥቃቱ የተፈጸመባት።

ጥቃቱን ያደረሱት አቶ ኤልያስ ኤቶ እና አቶ ታምሩ ንጋቱ የተባሉ የዳቦ መጋገሪያ ቤቱ ሰራተኞች ናቸው።

በአስገድዶ መድፈር ወንጀል ጥፋተኛ ሆነው ክስ የቀረበባቸው ወንጀለኞቹ ታህሳስ 17 ቀን 2017 ዓ.ም በዋለው ችሎት ሁለቱም ተከሳሾች እያንዳንዳቸው በ 19 ዓመት ፅኑ እስራት እንዲቀጡ ፍርድ ቤቱ ወስኗል።

🔴 3 ዓመት ከ 6 ወር ህጻን መድፈር ሙከራ ያደረገው ግለሰብ በ10 ዓመት ፅኑ እስራት ተፈርዶበታል።

በዚያው ፍርድ ቤት በተመሳሳይ ቀን በዋለው ችሎት ተከሳሽ ወጣት ኤርምያስ ፀጋዬ 3 ዓመት ከ 6 ወር በሆነችው ተበዳይ ህፃን ከምትጫወትበት ቦታ ወደ ኤት ኤል ትምህርት ቤት ይዞ በመሄድ የመድፈር ሙከራ ማድረጉን በምስክር ያረጋገጠው ፍርድቤት #በ10 ዓመት ፅኑ እስራት እንዲቀጣ ወስኗል።

💬 በህጻናት ላይ የሚደርሱ አሰቃቂ ጥቃቶችን በተደጋጋሚ እየሰማን ነው። ሁኔታው አሁን በምንሰማው ልክ ነው? ወይስ ሁሉም አከባቢ ለህዝብ ያልተገለጠ ብዙ ጥቃት አለ? በዚህ ዙሪያ የሚሰሩ ተቋማትስ ምን እየሰሩ ይሆን?ሀሳባችሁን አካፍሉን!

@tikvahethmagazine

ዘም ዘም ባንክ ሸሪዓን መሰረት ያደረገ "አንሳር" የተባለ የዲጅታል ፋይናንስ መተግበሪያ ይፋ አደረገ።

ዘም ዘም ባንክ በኢትዮጵያ የመጀመሪያ የሆነውንና በሙሉ ሸሪዓን መሰረት ያደረገ "አንሳር" የተባለ የዲጅታል ፋይናንስ መተግበሪያ ይፋ አድርጓል።

ባንኩ ይህንን መተግበሪያ በትላንትናው ዕለት በአዲስ አበባ ኃይሌ ግራንድ ሆቴል ላይ አስመርቋል።

በዚህ ወቅት የባንኩ ዋና ስራ አስፈፃሚ የሆኑት ወ/ሮ መሊካ በድሪ በሀገራችን ከተለመደው የፋይናንስ አሰጣጥ ተገልለው ለቆዮ በተለይም በአነስተኛ እና መካከለኛ የስራ ዘርፍ ለተሰማሩ የማህበረሰብ ክፍሎች እና ለሴቶች መፍትሔ እንሚሆን ገልጸዋል።

"አንሳር  የፋይናንስ ተቋማት ዋስትና ሳያስፈልጋቸው ብድር የማግኘት ብቻ ሳይሆን ብድር የሚሰጥበትን ጊዜ ይቀንሳል ነው የተባለው።

አንሳር ሸሪአን መሰረት ያደረገ የፋይናንስ መርሆዎችን እና የዲጂታል ፈጠራ ኃይልን በመጠቀም ለማህበራዊ እና ኢኮኖሚያዊ እድገት አስፈላጊ የሆኑ ግብዓቶችን እና እድሎችን በፍትሃዊነት እና በእኩልነት የሚያቀርብ ይሆናል ሲሉ ዋና ሥራ አስፈጻሚዋ የተናገሩት።

በክፊያ የፋይናንሺያል ቴክኖሎጂ የጎለበተው አንሳር መተግበሪያ አርቴፊሻል ኢንተለጀንስ ያካተተ እና አማራጭ ዳታን በመጠቀም የሚሰጥ አገልግሎት ነው ተብሏል።

የክፍያ ምክትል ዋና ስራ አስፈፃሚ ወ/ሮ ሀያት አብዱልመሊክ መተግበሪያው በኢትዮጵያ ያለውን የወደፊት ፍትሐዊነት እና የፋይናንሺያል አካታችነትን ከማረጋገጡም በላይ ከባንክ አገልግሎት ተገልለው የቆዩ ማህበረሰቦችን በቀላሉ ማገልገል እንደሚቻል ማሳያም ጭምር እንደሆነ በምርቃቱ ወቅት አብራርተዋል።

@tikvahethmagazine

የ7፣ 9 እና 12 ህጻናትን የደፈሩ ግለሰቦች እያንዳንዳቸው 18፣ 17 እና 14 ዓመት ጽኑ እስራት ተቀጡ።

የሲዳማ ክልል ፍትህ ቢሮ በማኅበራዊ ትስስር ገጹ "አጫጭር የችሎት ዜና" በሚል በሦስት ህጻናት ላይ የደረሰ አስገድዶ መድፈር ወንጀልና የፍርድ ቤት ውሳኔዎችን መረጃ አቅርቧል።

🔴 የ12 ዓመት ህጻን በተደጋጋሚ የደፈረው ተከሳሽ

ተከሳሽ ሙሉነህ ኡጋሞ የ37 ዓመት ጎልማሳ ሲሆን የባለቤቱን እህት የሆነችውን የ12 ዓመት ህጻን ከሦስት ዓመት በላይ በቆየ ጊዜውስጥ  ለማንም ከተናገርሽ እገልሻለሁ በማለት በማስፈራራት በተደጋጋሚ አስገድዶ እንደደፈራት የክስ መዝገቡ ያስረዳል።

ተከሳሹ ወንጀሉን የፈጸመው ባለቤቱ በወሊድ ምክንያት ታማ ለ2 ወር ሪፌራል ሆስፒታል ከተኛችበት ከቀን 11/04/2013 ዓ.ም. ወንጀሉ እስከታወቀበት 27/05/2016 ዓ.ም. ድረስ መሆኑም ነው የተገለጸው።

የቀረበውን ክስ ተቀብሎ ሲያከራክር የቆየው የሀዋሳ ከተማ መጀመሪያ ደረጃ ፍ/ቤት በሰውና በሰነድ ማስረጃ በማስደገፍ በቀን 16/04/2017 ዓ.ም. በዋለው ችሎት ተከሳሽን ጥፋተኛ በማለት #በ14_ዓመት ጽኑ እስራት እንዲቀጣ ወስኗል፡፡

🔴 የወለዳትን የ9 ዓመት ልጁን የደፈረ ወላጅ አባት

ተከሳሽ አዶኒያስ አቡታ 40 ዓመቱ ሲሆን የ9 ዓመት ህጻን ልጁን በቀን 07/07/2016 ዓ.ም.ከምሽቱ 3፡30 አካባቢ ከቤተሰቦቹ ጋር ተከራይቶ በሚኖርበቴ ቤት ውስጥ አስገድዶ መድፈሩን የአቃቤ ህግ የክስ መዝገብ ያስረዳል።

ተከሳሹ ድርጊቱን የተበዳይ እናት ቤተሰቧን ለማስተዳደር በከፈተችው የቁርሳ ቁርስ ቤት ውስጥ ለማደር በሄደችበት ዕለት የፈጸመ ሲሆን ተጎጂ ህጻን ተኝታ ካለችበት ቀስቅሶ አስገድዶ መድፈሩ ነው የተጠቀሰው።

የቀረበውን ክስ ተቀብሎ ሲያከራክር የቆየው የሀዋሳ ከተማ መጀመሪያ ደረጃ ፍ/ቤት በሰውና በሰነድ ማስረጃ በማስደገፍ በቀን 16/04/2017 ዓ.ም. በዋለው ችሎት ተከሳሽን ጥፋተኛ በማለት #በ17_ዓመት ጽኑ እስራት እንዲቀጣ ወስኗል፡፡

🔴 የ7 ዓመት ህጻን ለአንድ ዓመት አስገድዶ የደፈረው የአከራይ ልጅ

31 ዓመቱ ከሳሽ ልደቱ አስፋ የ7 ዓመት ህጻን  ከቀን 01/01/2016 ዓ.ም. ጀምሮ ለአንድ አመት ያህል የተለያ ማባበያዎችን በመስጠት አስገድዶ የመድፈር ወንጀል ሲፈጽም መቆየቱን የአቃቤ ህግ የክስ መዝገብ ያስረዳል።

የቀረበውን ክስ ተቀብሎ ሲያከራክር የቆየው የሀዋሳ ከተማ መጀመሪያ ደረጃ ፍ/ቤት በሰውና በሰነድ ማስረጃ በማስደገፍ በቀን 16/04/2017 ዓ.ም. በዋለው በህጻናት ችሎት ተከሳሽን ጥፋተኛ በማለት #በ18_ዓመት ጽኑ እስራት እንዲቀጣ ወስኗል፡፡

@tikvahethmagazine

በሆሳዕና ከተማ እንጀራ ላይ ባዕድ ነገር ቀላቅለው ለገበያ ሲያቀርቡ የነበሩ ግለሰቦች ተያዙ።

በሀድያ ዞን በሆሳዕና ከተማ እንጀራ ላይ ጄሶ፣ ሳጋቱራ እና ሌሎች ነገሮችን ቀላቅለው ለገበያ ሲያቀርቡ የተገኙ ግለሰቦች በቁጥጥር ሥር መዋላቸውን የዞኑ ንግድና ገበያ ልማት መምሪያ አስታውቋል።

የመምሪያው ኃላፊ አቶ ተከተል ዶባሞ እንጀራን ከባዕድ ነገር ጋር ቀላቅለው ለገበያ ሲያቀርቡ የተገኙ 19 ቤቶች ሲታሸጉ 38 ሰዎች ደግሞ በቁጥጥር ሥር መዋላቸውን ገልጸዋል።

ሀድያ ቴሌቪዥን ያነጋገራቸው የህብረተሰብ ክፍሎች ከነዚህ ነጋዴዎች ደረቅ እንጀራ በ20 ብር ገዝተው ይጠቀሙ እንደነበር ገልጸዋል።

እንጀራ ላይ ባዕድ ነገር ቀላቅለው ለማህበረሰቡ ሲያቀርቡ በቁጥጥር ሥር ከዋሉ ተጠርጣሪዎች መካከል አንዱ የሆነው ወጣት ኤፍሬም መንግስቱ በሆሳዕና ከተማ ቦቢቾ ቀበሌ ለ7 ወራት ይህን ሥራ ሲሰራ መቆየቱን ተናግሮ በቀን  ከ170 በላይ እንጀራ ለተጠቃሚ እያቀረበ መቆየቱን ገልጿል።

Source : HTV

@tikvahethmagazine

ወጣት ዲፕሎማቶች ለምን የሉንም ?

ኢትዮጵያ በዓለም-አቀፍ መድረኮች የሚወክሏትን ወጣት ዲፕሎማቶች ለምን አጣች? አልፎ አልፎስ የምናያቸው ወጣቶች ቶሎ ከእይታችን የሚጠፉበት ምክንያት ምንድነው?

በዚህ ርዕሰ ጉዳይ ላይ ደምሰው ሽፈራው ወጣት ዲፕሎማቶችን እንዲሁም በዘርፉ ልምድ ያካበቱ ሰዎችን በማነጋገር የተለያዩ ሐሳቦችን አንስቷል።

በዚህ ጹሑፍ በኢትዮጵያ ኤምባሲዎች እንዲሁም በምትወከልባቸው ዓለማቀፍ ተቋማት ውስጥ ኢትዮጵያዊ ወጣት ማየት ከባድ መሆኑ ተነስቷል።

በመንግስት በኩል በተለይም በዲፕሎማሲው ዘርፍ ከወጣቱ ጋር ተቀራርቦ መስራት እና ዕድሉን በማመቻቸት በኩል ፍላጎት አለመኖር እንደ ችግር የተጠቀሰ ሲሆን እድሉን መንግስት ሊፈጥር እንደሚገባም ምክረ-ኃሳብ ቀርቧል።

በተለይ የውጪ ጉዳይ ሚንስቴር በኤምባሲዎች ውስጥ ወጣቶች እየሄዱ የተግባር ልምምድ እንዲያደርጉ የማመቻቸት ስልጣኑ እንዳለው ተጠቁሟል።

ሙሉ ጹሑፉን እንድታነቡት እንጋብዛለን https://www.concepthub.net/article/9

@tikvahethmagazine

#ፋይዳ

ስለ " ፋይዳ ዲጂታል መታወቂያ ጥያቄ አለዎት ?

ቲክቫህ ኢትዮጵያ ከቤተሰብ አባላቱ ከፋይዳ ዲጂታል መታወቂያ ጋር በተያያዘ በርካታ ጥያቄዎች ይደርሱታል።

በዚህም የሚነሱ ጥያቄዎችን በቀጥታ እንዲመልሱ የሚመለከታቸው አካላትን ለማግኘት ጥረት ሲያደርግ ቆይቷል።

ከቲክቫህ ኢትዮጵያ ቤተሰቦች ለሚቀርቡ ጥያቄዎች የብሔራዊ መታወቂያ ፕሮግራም ምላሽ እሰጣለሁ በማለት ማረጋገጫ ልኳል።

ቤተሰቦቻችን በ "ፋይዳ" ዲጂታል መታወቂያ ላይ ያላችሁን ጥያቄ ከዛሬ ጀምሮ ባሉ ሁለት ተከታታይ ቀናት ውስጥ በ @tikvahmagbot ላይ መላክ ትችላላችሁ።

#TikvahEthiopia

@tikvahethmagazine

ስምንተኛውና የመጨረሻው የይዞታ ማረጋገጫ ሥራ በ337 ቀጠናዎች ላይ ተግባራዊ ይሆናል ተባለ።

የአዲስ አበባ ከተማ አስተዳደር የመሬት ይዞታ ምዝገባ እና መረጃ ኤጀንሲ በ2017 በጀት ዓመት ኤጀንሲው የመጨረሻ ያለውንና 8ኛውን የመሬት ይዞታ የማረጋገጥና የእወጃ መርሐግብር ሊጀመር መሆኑን ገልጿል።

የአዲስ አበባ ከተማ የመሬት ይዞታ ምዝገባና መረጃ ኤጀንሲ ዋና ዳሬክተር የሆኑት አቶ ግፋወሰን ደሲሳ በሰጡት መግለጫ ኤጀንሲው የመሬት ይዞታ ማረጋገጥ ከጀመረበት ከ 2007ዓ/ም እስከ 2016ዓ/ም በጀት ዓመት ድረስ በ 337 ቀጠናዎች ላይ የይዞታ ማረጋገጥ መርሐ ግብሮችን ማካሄዱን አስታውሰዋል።

በ2017 በጀት ዓመት 8 ኛውን ዙር የይዞታ ማረጋገጥ ስራ በ 136 ቀጠናዎች የሚገኙና ይዞታቸው ያልተረጋገጡ የከተማዋ ክፍት መሬቶች ምዝገባ በተመረጡ 6 ክፍለ ከተሞች እንደሚከናወን ነው የገለጹት።

የተመረጡት ክ/ከተሞች እና ወረዳዎች የትኞቹ ናቸው ?

1. የካ ክ/ከተማ በወረዳ 1,2,3,9,10,11,12 በ25 ቀጠናዎች፤

2. በለሚ ክ/ ከተማ በወረዳ 2,3,5,9,10,13 በ 44 ቀጠናዎች፤

3. በአቃቂ ክ/ከተማ ወረዳ 1,2,3,6,9,13 በ19 ቀጠናዎች፤

4. በንፋስ ስልክ ላፍቶ በ ወረዳ 6,7,10,11,14 የሚገኙ 22 ቀጠናዎች፤

5. በቦሌ ክ/ከተማ በወረዳ 3,12,13 በ15 ቀጠናዎች፤

6. በኮልፌ ቀራንዮ በወረዳ 3 በ11 ቀጠናዎች፤

ያልተረጋገጡ ይዞታዎችን የማረጋገጡ ስራ  በስልታዊ ዘዴ /በመደዳ/ የማረጋገጥ ሥራ የሚከናወን  ሲሆን ስራውም ከታህሳስ 10/04/2017 ዓ.ም ጀምሮ ባሉት ተከታታይ አምስት ወራት ውስጥ እስከ ሚያዝያ 15 /2017 ዓ.ም የሚቆይ ሲሆን ሙሉ ወጪውም በመንግስት እንደሚሸፈን ተናግረዋል፡፡

በተጨማሪም ከመሬት ይዞታዎች ጋር ተያይዞ ለመሬት ይዞታ ማረጋገጥ በተመረጡ ቀጠናዎችና ሰፈሮች ውስጥ ብቻ ስራው ተጀምሮ እስኪጠናቀቅ ባለው 5 ወራት ውስጥ የመረጃ ልዩነት እንዳይፈጠር ሲባል ምንም አይነት የስነ ንብረት ዝውውር እንደሚቆም ተናግረዋል።

በመጨረሻም ኤጀንሲው አረጋግጦ ላልመዘገበው ይዞታ ምንም ዓይነት ህጋዊ ዋስትና እንደማይሰጥ የገለፀው የመሬት ይዞታ ምዝገባና መረጃ ኤጀንሲ ከ ታህሳስ 20/2017 ዓ.ም ጀምሮ ባሉት ተከታታይ 10 የስራ ቀናት በክ/ከተማ ቅርንጫፍ ፅ/ቤት አስፈላጊውን መረጃ ይዘው የይዞታ ይረጋገጥልኝ ማመልከቻ እንዲያቀርቡ ጥሪ አስተላልፏል።

@tikvahethmagazine

በኡጋንዳ የተከሰተውና ሴቶችን ነጥሎ ስለሚያጠቃው በሽታ እስካሁን ምን ይታወቃል?

በ2023 ለመጀመሪያ ጊዜ እንደታየ የሚነገረውና በኡጋንዳዊያን ዘንድ በተለምዶ ‹Dinga Dinga› ማለትም የሚያንዘፈዝፍ/የሚያስደንስ በማለት የሚጠሩት በሽታ ሴቶችንና ህፃናትን እያጠቃ ይገኛል ተብሏል።

በሽታው እስካሁን በኡጋንዳ ቡንዲቡግዮ ወረዳ  300 የሚጠጉ ሰዎችን ያጠቃ ሲሆን ምንም አይነት ሞት ግን አልተመዘገበም።

የዲንጋ ዲንጋ ምልክቶች ምንድ ናቸው?

በዲንጋ ዲንጋ በሽታ የተያዙ ታካሚዎች የሚከተሉትን ምልክቶች ያሳያሉ፦

► የዳንስ እንቅስቃሴዎችን የሚመስል ከመጠን ያለፈ የሰውነት መንቀጥቀጥ/መንዘፍዘፍ፤

► ትኩሳት እና ከፍተኛ ድካም፤

► የመራመድ ወይም ሰውነት ያለመታዘዝ ችግር፤

የኡጋንዳ ሚዲያዎች እንደዘገቡት፣ አንዳንድ ሰዎች ሰውነታቸው ከቁጥጥር ውጭ በሆነ ሁኔታ ስለሚንቀጠቀጥ በእግር ለመራመድ በበሽታው ለተያዙት የማይቻል ነው ይላሉ።

ፔሸንስ ካቱሲሜ የተባለች ታካሚ በበሽታው ስትያዝ ያጋጠማትን  ለመገናኛ ብዙኃን ስትገልጽ፦

"ድካም ተሰማኝ እና ሰዉነቴ አልታዘዝ አለኝ፣ ለመራመድ ስሞክር ሰውነቴ ከቁጥጥር ውጪ በሆነ መልኩ ይንቀጠቀጣል፣ በጣም ይረብሸኝ ነበር።" ብላለች።

የጤና ባለሞያዎች ምን እያሉ ነው?

የወረዳው የጤና ኦፊሰር የሆኑት ዶ/ር ኪይታ ክርስቶፈር፥ የዲንጋ ዲንጋን መንስኤ ለማወቅ እየሞከሩ መሆኑን ገልጸው የታካሚዎች ናሙናም ወደ ኡጋንዳ ጤና ሚኒስቴር ለምርመራ ተልኳል ብለዋል።

ዶ/ር ክርስቶፈር፥ የበሽታው የማገገሚያ ፍጥነት ከፍተኛ መሆኑንና አብዛኞቹ ታካሚዎች ተገቢውን ህክምና በወሰዱ በአንድ ሳምንት ጊዜ ውስጥ ማገገም መቻላቸውን ተናግረዋል።

አክለውም በባህላዊ መንገድ የተቀመሙ መድኃኒቶችን ለዚህ የጤና ችግር ጠቃሚ መሆናቸውን የሚያረጋግጥ ምንም ዓይነት ሳይንሳዊ ማስረጃ ስለሌለ እንዳይወስዱ አስጠንቅቀዋል።

በሽታው በአንቲባዮቲክስ መድኃኒቶች ሊታከም ይችላል ሲሉም ያክላሉ።

በማኅበራዊ ሚዲያ የተለቀቁ ቪዲዮዎች በበርካቶች እይታ ቢያገኙም እስካሁን ድረስ የኡጋንዳ ጤና ሚኒስቴር በጉዳዩ ላይ በይፋ የሰጠው መግለጫ የለም።

ዲንጋ ዲጋን ምን ሊያስከትል ይችላል?

ዲንጋ ዲንጋ ትክክለኛ መንስኤ አሁንም እንቆቅልሽ ነው። ባለሙያዎች ከቫይረስ ኢንፌክሽን እስከ የአካባቢ ሁኔታዎች ድረስ የተለያዩ መላምቶችን ያስቀመጡ ሲሆን ነገር ግን እስካሁን የተረጋገጠ ነገር የለም።

አንዳንዶች ይህንን ክስተት በ1518 በፈረንሳይ ስትራስቡርግ ከተማ ሰዎች ባልታወቀ ምክንያት ለቀናት ከቁጥጥር ውጭ በሆነ መልኩ ያስጨፍር ከነበረው ታሪካዊው የዳንስ ቸነፈር ጋር እያመሳሰሉትም ይገኛሉ።

@tikvahethmagazine

#Hawassa

በሀዋሳ ከተማ አስተዳደር ታቦር ክፍለ ከተማ አዲሱ ገበያ ተብሎ በሚጠራዉ አከባቢ በአንድ የገበያ ማዕከል ኮንቴነር ላይ የተነሳ የእሳት አደጋ የከፋ ጉዳት ሳያደርስ በቁጥጥር ስር መዋሉን የሀዋሳ ከተማ አስተዳደር ሠላምና ፀጥታ መምሪያ አስታዉቋል።

የእሳት አደጋዉ የተከሰተው ጠዋት 1:30 አከባቢ ታቦር ክፍለ ከተማ ፋራ ቀበሌ በተለምዶ አዲሱ ገበያ ተብሎ በሚጠራዉ አከባቢ በአንድ የንግድ ሼድ ሱቅ ነው።

በከተማ አስተዳደሩ ፖሊስ ነፃ የስልክ መስመር (7614) በደረሰ ጥቆማ የከተማ አስተዳደሩ እሳት አደጋ እንዲሁም የሀዋሳ ኢንዱስትሪያል ፓርክ እስት አደጋ መኪኖች ከፀጥታ አካላትና ከአከባቢው ሕብረተሰብ ጋር በመሆን የእሳት አደጋውን በቁጥጥር ስር ማዋላቸው ተገልጿል።

"እንደ ወቅቱ ነፋሻማነትና ፀሐያማነት የእሳት አደጋዉን በቀላሉ መቆጣጠር አዳጋች ነበር"ያሉት የሀዋሳ ከተማ አስተዳደር ሠላምና ፀጥታ መምሪያ ኃላፊ አቶ ወንድሙ ቶርባ በከተማ አስተዳደሩ የተዘረጋዉ ፈጣን የመረጃ ልዉዉጥ አደጋውን ለመቆጣጠር አግዟል ነው ያሉት።

አደጋዉ የከፋ ጉዳት እንዳያደር ላደረጉ የአከባቢው ነዋሪዎች፣ፈጣን ምላሽ ለሰጡ የሀዋሳ ከተማ እና ሀዋሳ ኢንዱስትሪያል ፓርክ የእሳት አደጋ ሰራተኞች እንዲሁም የፀጥታ አካላት የከተማ አስተዳደሩ ሠላምና ፀጥታ ምስጋና አቅርበዋል።

የእሳት አደጋው ትክክለኛ መንስኤ እየተጣራ ነዉ ያሉት መምሪያ ኃላፊው ወቅቱ በጋ በመሆኑ ፀሐያማና ነፋሻማዉ  የአየር ፀባይ በቀጣይም ተጠናክሮ እንደሚቀጥል ስለሚታሰብ ሕብረተሰቡ ተገቢዉን ጥንቃቄ እንዲያደርግ አሳስበዋል።

#TikvahFamilyHawassa

@tikvahethmagazine

ከተዳከመው የንባብ ባህላችን ጀርባ ያሉ እውነታዎች

የሕትመት ግብአቶች ዋጋ መናር፤ የማክሮ ኢኮኖሚ ማሻሻያው እና በቅርቡ መጻሕፍት ላይ የተጣለው የተጨማሪ አሴት ታክስ ለመጻሕፍት ህትመት ዘርፉ ተደራራቢ ፈተናዎች ሆነውበታል።

"የንባብ ባህላችን ተዳከመ"፤ "እንባቢ ትውልድ የለም" ከሚሉት ወቀሳዎች ጀርባ መጽሐፍ ለማሳተም ያሉ ተግዳሮቶች፤ የአሳታሚዎች አለመኖርና መሰል ተግዳሮቶችን በዘርፉ ላይ ያሉ ባለሞያዎችን በማናገር አልታየህ ኪዳኔ በጥናት የደረጀ ጹሑፍ አቅርቦልናል።

በዚህ ጹሑፍ ደራሲ ሌሊሳ ግርማ፤ ጠበቃና የህግ አማካሪ ወንድሙ ኢብሳ፤ ደራሲ ህይወት እምሻው፤ ደራሲ እንዳለ ጌታ ከበደ (ዶ/ር)፤ የደራሲያን ማኅበር ፕሬዝዳንት አቶ አበረ አዳሙ፤ የተራኪ ዋና ስራ አስፈፃሚ ናሆም ፀጋዬ እና ሌሎችም ሐሳባቸውን ሰጥተውበታል።

በዚህ ጹሑፍ ከተነሱ ሀሳቦች መካከል፦

- ለመጀመሪያ ጊዜ የሚታተም አዲስ መጽሐፍ “ብዙ” ከተባለ እስከ 3ሺ ቅጂ ቢታተም ነው፡፡

- አንድ ደራሲ አንዱን መጻሕፍ በ400 ብር ዋጋ እንዲሸጥ ዋጋ ካወጣለት፤ ከዋጋው ላይ 40 በመቶውን የሚወስደው አከፋፋዩ ነው፡፡

- መጽሐፍት አከፋፋዮች ድርሻቸውን የሚያሰሉት ከትርፍ ላይ ስላልሆነ የማሳተሚያ ወጪ ተቀንሶ ደራሲው የሚገኘው ትርፍ በወፍ ከ60 እና 70 ብር አይበልጥም።

- ለዘመናት የደራስያን አበሳ ሆኖ የቀጠለው አሳታሚ የማጣት ችግር ነው፡፡

- ከዓመታት በፊት በተሰራ ጥናት ህጋዊ የወረቀት አስመጪዎች ቁጥር 2 ብቻ ነበሩ፤

- ደራሲያን ስራዎቻቸውን ለአድማጮች በትረካ መልክ ለማቅረብ ፍላጎት የላቸውም

ሙሉ ጹሑፉን ያንብቡት https://concepthub.net/article/5

@tikvahethmagazine

#AddisAbaba

በለሚ ኩራ ክፍለ ከተማ ወረዳ 5 በሻሌ 72 አካባቢ በሚገኝ የግል ባንክ ውስጥ የሚሰራ የደንበኞች አገልግሎት ሰራተኛ ከደንበኞች አካውንት በመቀነስ ለግል ጥቅሙ አውሏል ተብሎ በቁጥጥር ስር ውሏል።

የአዲስ አበባ ፖሊስ እንዳስታወቀው ግለሰቡ በቁጥጥር ስር እስከዋለበት ቀን ድረስ ከ5 የባንኩ ደንበኞች ከ2መቶ 78ሺህ ብር በላይ ወደ ግሉ አስተላልፏል።

ተከሳሹ ድርጊቱን መፈጸሙን ያመነ ሲሆን ከሂሳብ ወደ ሂሳብ እና በሞባይል ባንኪንግ በማስተላለፍ የወሰደ መሆኑም በምርመራ መረጋገጡን ፖሊስ አስታውቋል።

በተጨማሪም የኃላፊዎቹን አለመኖር በመጠቀም ለደንበኞች መልዕክት እንዳይደርስ ሲስተም ላይ የራሱን ስልክ ቁጥር በማስገባት በፈፀመው ወንጀል ክስ እንደተመሰረተበትም ተገልጿል። 

ተጠርጣሪው እንዴት በቁጥጥር ስር ዋለ?

የአንደኛ የግል ተበዳይ ለወላጅ አባታቸው በባንክ ቤቱ በአካል ቀርበው ገንዘብ አስተላልፈው ሊሄዱ ሲሉ ስልኮትን ይስጡኝ ሞባይል ባንኪንግ እንዲጠቀሙ ላስተካክል  በማለት ይቀበላቸዋል።

ለኃላፊው የግል ተበዳይ የስልክ ቁጥር መቀየራቸውን ዋሽቶ በመግለፅ አዲስ ስልክ ላይ መልዕክት እንዲደርሳቸው ጠይቀውኛል በማለት ኃላፊውን በማታለል የራሱን ስልክ አስገብቶ ያስተካክላል።

ከዚያም ከ35ሺህ ብር በላይ ወደ ግል ሂሳቡ ያስተላልፋል። የግል ተበዳይ ይህንን ጉዳይ ወደ ፖሊስ ጣቢያ ሄደው በማመልከታቸው በቁጥጥር ስር ሊውል ችሏል። ተጠርጣሪው በዚህ መልኩ የሌሎች ተበዳዮችን ስልክ በመቀየር ወንጀሉን መፈጸሙን የፖሊስ መረጃ ያሳያል።

ፖሊስ በመልዕክቱ ህብረተሰቡ የባንክ ሂሳቡን ሲያንቀሳቅስ በስልኩ ላይ ምንም ዓይነት መልዕክት ካልደረሰው በአካል ወደ ባንኩ ቀርቦ ሊያመለክት እንደሚገባ አስተላልፏል። 

@tikvahethmagazine

ያገለገለም ሆነ አዲስ መኪና ስለመግዛት እያሰቡ ነው? UZD cars የ ዘረጋውን የ online መኪና መገበያያ platform በመጠቀም ራስዎን ከ መሸጫ መሸጫ ከ መዞር ይቆጥቡ። አላማችን ለገዚዎች ስለሚገዙት መኪና ሙሉ መረጃ በመስጥት፤ የ ባንክ ብድር በማመቻቸት እና እንደገዚ ዋጋ በመደራደር የ መኪና ግብይትን ቀላል እና ውጤታማ ማድረግ ነው።

ለ መኪና ባለንብረቶችም መኪናችሁን ለመሸጥ በቂ የሆነ የ መሸጥ ልምድ ያለን ስለሆነ የ uzd cars ቤተሰብ አባል በመሆን የአገልግሎቱ ተጠቃሚ ይሁኑ።

ከታች ያለውን Link በ መጫን ይቀላቀሉ።

https://t.me/usedcarsinethiopia

#EFDA: የኢትዮጵያ የምግብና መድኃኒት ባለሥልጣን ባደረገው የድኅረ ገበያ ጥናት ያልተመዘገቡና የጥራት ደረጃ የማያሟሉ የጸረ-ወባ መድኃኒቶችን ዝርዝር አስታውቋል።

የመድኃኒት ዝርዝሮቹ ከላይ ተያይዘዋል።

@tikvahethmagazine