Addis Ababa Education Bureau

የአዲስ አበባ ከተማ አስተዳደር ኮሙኒኬሽን ቢሮ በ2017 በጀት ዓመት በ6 ወራት ያከናወናቸዉ የቅንጅታዊ እና መደበኛ ስራዎች ውጤታማ እንዲሆኑ ትምህርት ቢሮ ላበረከተው አስተዋጽዎ የእውቅና ምስክር ወረቀት ሰጥቷል።

(ጥር 21/2017 ዓ.ም) የአዲስ አበባ ከተማ አስተዳደር ኮሙኒኬሽን ቢሮ በ2017 በጀት ዓመት በ6 ወራት ያከናወናቸዉን ቅንጅታዊ እና መደበኛ ስራ አፈፃፀሙን የቢሮዉ አመራሮችና ሰራተኞች ፤ የሴክተር ተቋማትና የክፍለ ከተማ ኮሙኒኬሽን ፅ/ቤት ኃላፊዎች እና የሴክተር ክላስተር አስተባባሪዎች በተገኙበት ገምግሟል፡፡

የቢሮዉ ፅ/ቤት ኃለፊ ወ/ሮ ነፃነት አለሙ እንደገለፁት በበጀት ዓመቱ 6 ወራት ጊዜ ዉስጥ እቅድን የጋራ በማድረግ ተግባብቶ በፍጥነት ወደ ተግባር በመግባት በየደረጃዉ ካሉ መዋቅሮች ጋር በሁሉም የከተማዋ አጀንዳዎች ላይ ግንባር ቀደም ሆነን በቅንጅት በመስራታችን የተሻለ ዉጤት ማምጣት ችለናል ብለዋል፡፡ ኃላፊዋ አክለዉም በከተማችን የሚታየዉን ፈጣን እድገት የሚመጥን ወቅታዊ፤ ፈጣንና ጥራት ያለዉ መረጃን በስፋት ተደራሽ ለማድረግ ከማዕከል እስከ ወረዳ ያለዉን መዋቅር በሁለተናዊ መልኩ በማዘመን እና ስታንዳርዱን በማሳደግ ተወዳዳሪ ተቋም ለመፍጠር በሚደረገው ጥረት በጋራ የበለጠ አበክረን እንሰራለንም ሲሉ ተናግረዋል፡፡

በመጨረሻም ቢሮዉ በበጀት ዓመቱ በቅንጅታዊ አሰራር የተሻለ አፈፃፀም ላመጡ ተቋማት የእዉቅና ምስክር ወረቀት ሽልማት ያበረከተ ሲሆን የከተማ አስተዳደሩ ትምህርት ቢሮ ለነበረው በጣም ከፍተኛ አስተዋጽዎ እውቅና ተሰጥቶታል፡፡

መረጃዎችን በፍጥነት ለማግኘት ማሰፈንጠሪያውን ይጫኑ!

https://linktr.ee/aacaebc

ከ2017 ዓ.ም ዓመታዊ የትምህርት ስታትስቲክስ መሰብሰቢያ ቅጽ አሞላል ጋር በተገናኘ በትምህርት ተቋማት የሚደረገው ምልከታ ዛሬም ቀጥሎ ተካሂዷል።

(ጥር 21/2017 ዓ.ም) የቢሮው የአጠቃላይ ትምህርት መረጃ ዝግጅትና አስተዳደር ዳይሬክቶሬት ዳይሬክተር አቶ ታዬ ወልደኪዳን ከቡድን መሪዎቹ አቶ ደስታ አብረሀም እና ከአቶ አዲስ ዘገየ ጋር በመሆን በተወሰኑ ትምህርት ቤቶች እና ክፍለከተማ ትምህርት ጽህፈትቤቶች ተገኝተው ምልከታ አካሂደዋል።

በዛሬው ምልከታ ጉለሌ ክፍለ ከተማ ትምህርት ጽህፈት ቤት እና በስሩ በሚገኙት የኢትዮጵያ ህዳሴ አንደኛ ደረጃ ትምህርት ቤት፣ በላዛሪስት ትምህርት ቤት እንዲሁም ቂርቆስ ክፍለ ከተማ ትምህርት ጽህፈት ቤት፣ ቦሌ ክፍለ ከተማ ትምህርት ጽህፈት ቤት እና ኮከበ ጽበሀ 2ኛ ደረጃ ትምህርት ቤት በመገኘት ምልከታ አካሂደዋል።

ምልከታው ከተደረገባቸው ተቋማት መካከል አንዱ የሆነው ቦሌ ክፍለከተማ ትምህርት ጽህፈት ቤት ቀደም ብሎ በቅጹ ዙሪያ መረጃውን ለሚሞሉ አካላት ኦረንቴሽን በመስጠትና በየትምህርት ቤቱ ድጋፍ የሚያደርጉ ባለሙያዎችን በመመደብ ባከናወናቸው የቅድመ ዝግጅት ተግባራት ከሁሉም የመንግስትና የግል ትምህርት ቤቶች መረጃዎቹ በቅጹ መሰረት ተሞልተው ወደ ክፍለ ከተማ መላካቸውን የክፍለ ከተማው ትምህርት ጽህፈት ቤት ኃላፊ አቶ መስፍን ታደሰ ሲገልጹ በጉለሌ ክፍለ ከተማም ከተወሰኑ ተቋማት መረጃዎቹ ተሞልተው ለትምህርት ጽህፈት ቤቱ መላካቸውን እና የቀሩ ተቋማትም በፍጥነት እንዲልኩ ጽህፈትቤቱ ተገቢውን ድጋፍና ክትትል በማድረግ ላይ እንደሚገኝ የጽህፈት ቤት ኃላፊው አቶ ሚሊዮን ኮራ አስታውቀዋል።

ማስታወቂያ!

(ጥር 21/2017 ዓ.ም)


መረጃዎችን በፍጥነት ለማግኘት ማሰፈንጠሪያውን ይጫኑ!

https://linktr.ee/aacaebc

ደምበኞች በዋትስ አፕና በቴልግራም የሚሠራጭ Pharma+/CBE Vacancy መተግበሪያን እንዳይጭኑ የኢትዮጵያ ንግድ ባንክ አሳስቧል።

ባንኩ ባስተላለፈው የማስጠንቀቂያ መልዕክት፤ ባደረገው ምርመራ መሠረት አደገኛ መተግበሪያ ማግኘቱን ገልጿል።

ይህ Pharma+/CBE Vacancy የተሰኘ አሳሳች መተግበሪያ በማህበራዊ ሚዲያ ላይ በሰፊው እየተሰራጨ እንደሆነ በመጥቀስ፤ ይህ መተግበሪያ በቴሌግራም እና ዋትስአፕ ወደ ደንበኞቹ እየደረሰ መሆኑን ጠቁሟል።

መተግበሪያው በስልክ ላይ ከተጫነ ያለ ፈቃድ ገንዘብ ማስተላለፍ እንደሚችልም አሳውቋል።

ባንኩ ከዚህ አይነት አደጋ ለመጠበቅ ከቴሌግራም ወይም ዋትስአፕ መተግበሪያዎችን አታውርዱ ብሏል።

ደንበኞች መሰል ተግባራት ሲገጥሟቸው በ951 ነጻ የስልክ መስመር ደውለው እንዲያሳውቁ አሳስቧል።

ጥር 20 ቀን 2017 ዓ ም