ዳጉ-ጆርናል/Dagu-Journal

ሁለት ልጆችን ከቤተሰቦቻቸዉ እዉቅና ዉጪ ሰርቆ በመዉሰድ በጉልበት ስራ ላይ ሲያሰማራ የነበረዉ ግለሰብ በእስራት ተቀጣ

የወንጀል ድርጊቱ የተፈፀመዉ በኦሮሚያ ክልል ሰሜን ሸዋ ዞን ጂዳ ወረዳ ዉስጥ ሲሆን ገዜ ታምሩ በተባለ ግለሰብ አማካይነት ነዉ ። ህፃናቱን በተለያየ ጊዜ እና ቀን ከቤተሰቦቻቸው እዉቅና ዉጪ ሰርቆ በመዉሰዱ በእስራት መቀጣቱን የሰሜን ሸዋ ዞን አቃቤ ህግ ፅህፈት ቤት ገልጿል ።

የሰሜን ሸዋ ዞን አቃቤ ህግ ፅህፈት ቤት የተለያዩ ወንጀሎችና የነፍስ ግድያ ምርመራ ክፍል ኃላፊ አቃቤ ህግ አብዮት አስፋዉ ለብስራት ሬዲዮና ቴሌቪዥን እንደተናገሩት ግለሰቡ ሀምሌ 25 ቀን 2016 ዓ.ም በጂዳ ወረዳ ስርጤ ከተማ ዉስጥ ከቀኑ 8 ሰዓት ላይ ከትምህርት ቤት በመመለስ ላይ የነበረዉን የ14 አመት ልጅ በወር 25ሺህ ብር ክፍያ ታገኛለህ አዲስአበባ ስራ ላስቀጥርህ በማለት አታሎ በመዉሰድ ለጉልበት ስራ እንዳሰማራዉ ገልጸዋል ።

ይህዉ ተከሳሽ ከ3 ቀናት በኋላ ከአዲስአበባ በመመለስ የ13 አመት ልጅን በወር 20ሺህ ብር የሚያገኝበት ስራ እንዳገኘለት በመንገር ከቤተሰቦቹ ሰርቆ በመዉሰድ ወደ አዲስአበባ በመጓዝ ላይ ሳሉ ሙቀጥሬ ከተማ ኬላ ላይ በቁጥጥር ስር ዉሏል ። ተከሳሹ ህፃናቱን አታሎ በመዉሰድ ለጉልበት ስራና ብዝበዛ እንዲገላጡ አድርጓ። ፖሊስ ተከሳሹን በቁጥጥር ስር ካዋለ በኋላ የምርመራ መዝገቡን በበቂ ማስረጃ በማደራጀት ለአቃቤ ህግ ልኳል ።

አቃቤ ህግም ህገወጥ የሰዎች ዝዉዉርን ለመቆጣጠር የወጣዉን አዋጅ ቁጥር 1178/2012 እና በወንጀል ህግ ቁጥር 32 ንዑስ አንቀጽ 3 መሠረት ክስ መስርቷል ። ክሱን ሲከታተል የቆየዉ የሰሜን ሸዋ ዞን ከፍተኛ ፍርድ ቤት የካቲት 10 ቀን 2017 ዓ.ም በዋለው ችሎት ተካሳሹን ጥፋተኛ በማለት በ10 ዓመት እስራትና በ10 ሺህ ብር መቀጮ እንዲቀጣ የተወሰነበት መሆኑን አቶ አብዮት አስፋዉ ገልጸዋል ።

በመባ ወርቅነህ
#ዳጉ_ጆርናል

በ2017 ዓመት በአዲስ አበባ እና ዙሪያዋ ካጋጠሙት 144 የእሳት አደጋዎች ውስጥ 57ቱ  የቤት ቃጠሎ ነው

በአዲስ አበባ የሚደርሱት አብዛኛው ድንገተኛ አደጋዎች የሚከሰቱት ከጥንቃቄ ጉድለት መሆኑንም የአዲስ አበባ ከተማ የእሳትና አደጋ ስጋት ስራ አመራር ኮሚሽን አስታውቋል።

በየዓመቱ በአዲስ አበባ እና ዙሪያዋ በርካታ ከፍተኛ እና መለስተኛ አደጋዎች የሚከሰቱ ሲሆን ባለፈው ስድስት ወራት ብቻ 244 አደጋዎች ያጋጠሙ ሲሆን ከነዚህ ውስጥ 144 የሚሆኑት የእሳት አደጋ ፤ ቀሪው 100 አደጋ ሌሎች ድንገተኛ አደጋዎች መሆናቸው ተነግሯል።

ካጋጠሙት 144 የእሳት አደጋዎች ውስጥ 57  የቤት ቃጠሎ በመሆን ቅድሚያ የሚይዝ ሲሆን ይህም ባለፉት ሰባት ዓመታት ውስጥ 737 የሚሆኑት አደጋዎች በመኖሪያ ቤት ያጋጠሙ ናቸው።

የንግድ ሱቆች በሁለተኛ እና ፋብሪካዎች እና ሌሎች ተቋማት ተከታዩን ደረጃ ይይዛሉ።በተመሳሳይም በበጀት ዓመቱ ካጋጠሙት 100 ድንገተኛ አደጋዎች ውስጥ የመጀመሪያ ደረጃ  የሚይዘው የጎርፍ አደጋ መሆኑን ተገልፃል።

በከተማዋ በተደጋጋሚ ስለሚከሰቱ የእሳት እና ሌሎች ድንገተኛ አደጋዎች አስቀድሞ በመከላከል እና ሲከሰትም የከፍ ጉዳት ሳያደርሱ መከላከል በሚቻልበት መንገዶች ዙሪያ ኮሚሽኑ ዛሬ ከሚዲያ ባለሙያዎች ጋር  ውይይት አድርጓል።

በውይይቱ የኮሚሽኑ ኮሚሽነር ኮማንደር አህመድ መሃመድ ለብስራት ሬድዮ እና ቴለቪዥን እንደተናገሩት እነዚህ አደጋዎች መንስኤቸው ሲጣራ አብዛኛው ከጥንቃቄ ጉድለት የሚከሰቱ ናቸው ብለዋል።

ይህንን ከጥንቃቄ ጉድለት የሚከሰቱ ድንገተኛ አደጋዎችን ለመከላከል ሁሉም በጋራ መስራት አለበት የተባለ ሲሆን ለህብረተሰቡም የግንዛቤ ማስጨበጫ መስራት እንደሚጠበቅ ኮሚሽነር ኮማንደር አህመድ ማሀመድ ጨምረው ተናግረዋል።

በትግስት ላቀው
#ዳጉ_ጆርናል

ቅዳሜን ከእኛ ጋር" ፕሮግራም በተወዳጁ ብስራት ኤፍ.ኤም 101.1 ዛሬ ይመለሳል፤ ስንመለስ...

[ ] በልዩ ፕሮግራም ቅዳሜን ከእኛ ጋር ዛሬ የሬዲዮ ሞገዳችሁን 101.1 ላይ ካደረጋችሁ አብረን እንቆያለን። 

[ ]  ለትወና ከተፈጠሩ ሰዎች ውስጥ አንዷ ናት፤ ከተሰጣት ገፀ ባህሪ በላይ መሆን የምትችል እና በኮሜዲ ትወና ውስጥ ከጥቂት ሴት ተዋንያኖች መካከል አንዷ የነበረችውን አርቲስት ሰብለ ተፈራን እንዘክራታለን።

[ ] ሀማስ በማያስተዳድረው የፍልስጥኤም ግዛት ዌስት ባንክ የእስራኤል ጥቃት ለምን ቀጠለ?

[ ] የእንግሊዝ ፕሪምየር ሊግ የ26ኛ ሳምንት የመክፈቻ ጨዋታ እሮብ ሲመለስ ቪላ ፓርክ ላይ ሉቨርፑል በሽርፍራፊ ሰከንዶች ነጥብ ጥሏል። ዛሬ በምሳ ሰዓት ጨዋታ ኤቨርተን ከማንችስተር ዩናይትድ ይገናኛሉ። ምሽት ላይ ኤምሬትስ ላይ ደጋግመው በማሸነፍ የሚታወቁት ዴቩድ ሞይስ ዘንድሮ ደካም የሆነውን ዌስትሃም ይዘው አርሰናልን ይገጥማለ። የሳምንቱ ሌላኛው ተጠባቂ ጨዋታ ቪላ ፓርክ ላይ አስቶንቪላ ከቼልሲ የሚያደርጉት ጨዋታ ይጠበቃል። ነገ በእለተ እሁው ኢትሃድ ላይ ማንችስተር ሲቲ ከሊቨርፑል የሚያደርጉት የሳምንትቱ ትልቁ ጨዋታ ይሆናል። ግምታችሁን ላኩልን

[ ] የቅዳሜ ወሬዎችን እያነሳሳን እንቆያለን ምርጥ ምርጥ ሙዚቃ ትጋበዛላችሁ፤ ተረክም አለ ፣ ስፖርታዊ ጥንቅር ከወቅታዊ መረጃዎች ጋር ተዘጋጅቷል።

ስፖንሰሮቻችን ፦
👉 ዘመን ባንክ
👉 ቨርጂኒያ ፋርማሲውቲካልስ
👉 ጣዕም ዳቦና ኬክ ቤት-ሻወርማን ይቅመሱ
👉 ማር ህይወት ሆስፒታል
👉 ጃፋር የመፅሃፍት መደብር
👉ዲያፕላንትስ - ፍቱን የባህል ህክምና
👉 አውት ዲተርጀንት -የፅዳት መላ

ሁሌም ቅዳሜያችሁን ከ 5 እስከ 7 በተወዳጁ ጣቢያ ብስራት ኤፍ.ኤም 101.1 ላይ እንጠብቃችኃለን።

#ቅዳሜን ከእኛ ጋር
ለአዳዲስ እና ወቅታዊ መረጃዎች ቴሌግራም ቻናላችንን #ዳጉ_ጆርናል ይቀላቀሉ
ሊንክ :- @zena24now

በሱዳን ነጭ ናይል ግዛት የኮሌራ ተጠቂዎች ቁጥር ከ400 በላይ መድረሱን ተከትሎ ትምህርት ቤቶች ተዘጉ

ከፍተኛ የሆነውን የኮሌራ ወረርሽኝ ለመግታት በኮስቲና ዋይት ናይል ግዛት ትምህርት ቤቶች መዘጋታቸው የተገለፀ ሲሆን እስካሁን ድረስ ከ400 በላይ በቫይረሱ የተያዙ ሰዎች እና 13 ሰዎች መሞታቸውን የክልሉ ባለስልጣናት ሪፖርት አድርገዋል። የኮሌራ በሽታ መስፋፋት በደቡባዊ ሱዳን በምትገኘው የነጭ ናይል ግዛት ነዋሪዎች ላይ ስጋት ደቅኗል። አክቲቪስቶች ሰዎች በበሽተኞች የተጨናነቀውን ኮስቲ ሆስፒታልን እንዲደግፉ አስቸኳይ ጥሪ አቅርበዋል።

የዋይት ናይል ግዛት የትምህርት ሚኒስቴር ተጠባባቂ ሚኒስትር አል-ታይብ አሊ ኢሳ በሰጡት መግለጫ “በኮስቲ የሚገኙትን ሁሉንም ትምህርት ቤቶች እና መዋለ ህፃናት ለአንድ ሳምንት ለመዝጋት ተወስኗል” ብለዋል። ውሳኔው ባለፉት ሰአታት ውስጥ “አጣዳፊ ተቅማጥ” መከሰቱን ተከትሎ የነጭ ናይል ጤ ሚኒስቴር ግምገማ የህብረተሰቡን እና የተማሪዎችን ደህንነት ስጋት ላይ ይጥላል የሚል ነው ሲሉ ተደምጠዋል።የትምህርት ሚኒስቴር በኮስቲ እና በሌሎች የክልሉ አካባቢዎች ያለውን ሁኔታ ከጤና ሚኒስቴር ጋር በመቀናጀት ትምህርት ቤቶችን መዘጋት ወይም  መከፈትን ለመወሰን ይሰራል ተብሏል።

የነጭ ናይል ግዛት የጤና ሚኒስትር አል ዘይን አደም ሳድ የኮሌራ ተጠቂዎች ቁጥር ከ400 በላይ መድረሱንና 13 ሰዎች መሞታቸውን ገልጸዋል። ሚኒስቴሩ ከአርብ ጀምሮ በአስተማማኝ የአፍ ክትባት ህክምና ለመስጠት እና የኮሌራ ምላሽ ዘመቻዎችን ተግባራዊ ለማድረግ ሁሉንም ቅድመ ጥንቃቄዎች መደረጋቸውን ተናግረዋል። ሚበኮሌራ ምክንያት በኮስቲ ሆስፒታል በደርዘን የሚቆጠሩ ሰዎች መሞታቸውን የሚያሳየው ሪፖርትን ያስተባበሉ ሲሆን የሟቾች ቁጥርም 13 ብቻ መሆኑን አረጋግጠዋል።

በሱዳን ግጭት በተከሰተባቸው አካባቢዎች እስከ 80 በመቶ የሚደርሱ የጤና ተቋማት አገልግሎት መስጠት ያቆሙ ሲሆን 45 በመቶ የሚሆኑት ደግሞ ደህንነቱ በተጠበቀ አካባቢ ውስጥ ሆነውም አገልግሎት መስጠት ሳይችሉ ቀርተዋል። ከፍተኛ የሆነ የተመጣጠነ ምግብ እጦት ፣የጦርነት ሰለባዎች እና መከላከል የሚቻሉ በሽታዎች ስርጭት እየተባባሰ ባለበት በተዳከመ ስርዓት ውስጥ የኮሌራ ስርጭት ለጤና ቀውሱ ተጨማሪ ፈተና መሆኑን ኮሚቴው አፅንዖት ሰጥቷል።ዓለም አቀፍ ድርጅቶች በተለይም የዓለም ጤና ድርጅት፣ ድንበር የለሽ የሀኪሞች ቡድን እና ቀይ መስቀል በአስቸኳይ ጣልቃ በመግባት ወረርሽኙን ለመቆጣጠር እና ወደ ሌሎች ክልሎች እንዳይዛመት ለመከላከል የጤና ሚኒስቴር እና የህብረተሰቡን ጥረት እንዲደግፉ ጠይቀዋል።

በሚሊዮን ሙሴ
#ዳጉ_ጆርናል

የሙትአንሳ ማር ቅዱስ ሚካኤል አንድነት ገዳም የገጠመው ችግር  ለመቅረፍ የገቢ ማሰባሰብ ስራ ሊጀመር ነው

👉 አካባቢው በረሃማ በመሆኑ ለከፍተኛ ድርቅ የሚጋለጥ ነው

በኢትዮጵያ ኦርቶዶክስ ተዋሕዶ ቤተክርስቲያን በማዕከላዊ ጎንደር ሃገር ስብከት በምስራቅ በለሳ ወረዳ ቤተክህነት ለሚገኘው  የሙት አንሣ ማር ቅዱስ ሚካኤል አንደነት ገዳም የገቢ ማሰባሰቢ መርሃ ግብር ሊከናወን ነው።ለገዳሙ  እስካሁን 11 ሚሊዮን  ብር  የገንዘብ ድጋፍ የተደረገ ሲሆን ለእንቅስቃሴ አስቸጋሪ የነበረውን ቦታ የማስተካከል  እንዲሁም ሌሎች ስራዎች እየተሰሩ እንደሚገኝ እና ወደ ገዳሙ የሚደርስ 8 ኪ.ሜ የጠጠር  መንገድ ተከናውኗል ። 

እነዚህ አብያተ-ክርስቲያናት እና ገዳማት መንፈሳዊ አገልግሎታቸውን እየሰጡ  እያገለገሉ እንዲቀጥሉ ገቢ የማሰባሰብ መርሃ የሚከናወን መሆኑ ተነግሯል በራሳቸው አቅም ገቢ የሚያስገኙ  ስራዎችን ማከናወን እንዲሁም ምዕመኑ በሚሰጠው መባ እና አስራት በኩራት ይጠቀሳሉ። ሙትአንሳ ማር ቅዱስ ሚካኤል አንድነት ገዳም በአሁኑ ወቅት የገጠመው ችግር  ለመቅረፍ የገቢ ማሰባሰብ ስራ አስፈላጊ ነው ተብሏል።

በማዕከላዊ ጎንደር ሐገረ ስብከት በምስራቅ በለሳ ወረዳ ቤተክህነት የሚገኘው ይህ ገዳም፣ ከዘጠና በላይ መነኮሳትና በመቶ የሚቆጠሩ ፀበልተኞች የሚገኙበት እጅግ ድንቅ ተዓምር ያለበት ታሪካዊ የአንድነት ገዳም  ነው ። ይሁን እና  መነኮሳቱ በአሁኑ ወቅት ትልቅ ችግር ውስጥ  ይገኛሉ። አካባቢው በርሃማ በመሆኑ በበጋ ወቅት ለከፍተኛ ድርቅ ይጋለጣል። በዚህም ምክንያት ምንም ዓይነት አዝዕርት አይበቅልበትም ይህን ተከትሎ ቀደም ሲል ድጋፍ ያደርጉ የነበሩት የአካባቢው ነዋሪዎች ሳይቀር ለገዳሙ ምንም አይነት ድጋፍ ለማድረግ ተቸግረዋል መባሉ ብስራት ሬዲዮ እና ቴሌቪዥን  ሰምቷል።

ገዳማዊያኑ የሚቀምሱት እህል፣ የሚለብሱት ልብስ በመጠኑ የተሟላላቸው ቢሆንም ከጾም፣ ጸሎት መልስ ስጋቸውን የሚያሳርፉበት  ቤት የላቸውም። በአንድ  ጎጆ  ውስጥ ለሶስት ለአራት የሚያድሩበት ሁኔታ መኖሩ ተነግሯል ።በዚህ ገዳም የሚገኙ ገዳማዊያን  ከጸሃይ፣ ከብርድ፣ከዝናብ የሚከላከል መጠለያ አጥተው በከፍተኛ ችግር እየተፈተኑ የሚገኙ በመሆኑ፣ ገዳማዊያኑን ከነዚህ ችግሮች እንዲወጡና በቀጣይም ገዳሙ ራሱን እንዲችል ለማድረግ፣ በጠቅላይ ቤተክህነት እውቅና እና በሐገረ ስብከቱ ፍቃድ ገዳሙ ብቻ የሚጠቀመው በገዳሙ ስም የተከፈቱ የባንክ አካውንቶች ይፋ ተደርገዋል ። በሕዝበ ክርስቲያኑ በሚደረገው ድጋፍ ስራዎች እየተሰሩ ሲሆን፣ ገዳሙም የተለያዩ ፕሮጀክቶችን በወረዳ ቤተ-ክህነት፣በሐገረ ስብከትና በጠቅላይ ቤተ ክህነት ጸድቆ በሊቃነ ጳጳሳት ቡራኬና የቅርብ ክትትል እየተደረገበት በመሰራት ላይ ይገኛል።

እነዚህን የታቀዱ ለገዳሙ አስፈላጊ እና መሰረታዊ የሆኑትን የልማት ሥራዎችን ለማከናወን የሚያስችል ገቢ ለማሰባሰብ የሚረዱ የተለያዩ የገቢ ማሰባሰቢያ መንገዶችን ለመጠቀም ጥረት  እየተደረገ እንደሚገኝ  ተገልጿል ።

በኤደን ሽመልስ
#ዳጉ_ጆርናል