ዜና ETHIOPIA 🇪🇹

መንግሥት ጦርነትን እንደ መግዣ ሥልቱ ከመጠቀም ወደ መንግሥታዊ ኃላፊነት በመመለስ አገርና ህዝብን በጋራ ከጥፋት መታደግ ጊዜ የማይሰጠው አገራዊ ጥሪ ነው//

ከተቃዋሚ ፓርቲዎች ኮከስ (ኮከስ) በወቅታዊ ሁኔታ ላይ የተሰጠ መግለጫ

የብልጽግና መንግስት ከተመሰረተበት ጊዜ አንስቶ የአገራችን ፖለቲካዊ፣ኢኮኖሚያዊና ማኅበራዊ ተጨባጭ ሁኔታዎች ከዕለት-ወደ
ዕለት ‹‹ ከድጡ ወደ ማጡ›› በሚያስብል ደረጃ ለሁለንተናዊ ምስቅልቅሎሽ እየዳረጉን ነው፡፡

ፖለቲካችን የተለመደውን የአፈናና
አግላይነት፣ የአንድ ፓርቲ የበላይነትና ጠቅላይነት አጠናክሮ ቀጥሏል፤ የፖለቲካ ፓርቲዎች ከአጃቢነት፣ ህዝብ ከአገልጋይነት ያለፈ የፖለቲካ መብታቸውን የማንሳት ህገመንግስታዊ መብት ተገፎ፣በወንጀል ተቆጥሮባቸው ሰጥ-ለጥ ብለው እንዲገዙ ተፈርዶባቸው በከፍተኛ ድብርት ውስጥ ናቸው፡፡

ኢኮኖሚያችን ወደ ጦርነት ኢኮኖሚ ተሸጋግሮ ለተለያዩ የልማት መሰረተ ልማት አውታሮች ሊውል የሚችል የዓመታዊ በጀታችን ከፍተኛው ድርሻ ለጦርነትና ጸጥታ ማስከበር ግብዓቶች እንዲውል፣ልማትና ዕድገት ከቀለም-ቅብ ያለፈ መሰረት እንዳይኖረው ተገደናል፣ የኑሮ ውድነቱ ከህዝብ አቅም በላይ ሆኖ ምሬትና ተስፋ መቁረጥ በአደገኛ ሁኔታ የመሰደድን ምርጫ እያጎላው መጥቷል፡፡ ማኅበራዊ ህይወታችን በሥራ አጥነት፣መፈናቀል፣የማኅበራዊ ተቋማት መዳከምና የአገልግሎት መቋረጥ ወይም
መቀንጨር፣ የሠራተኞች ብሶት መገለጫቸው ከሆነ ውሎ አድሯል፤

በየአቅጣጫው የሚነሱ ጥያቄዎችም የሚያረጋግጡት ይህንኑ ነው፡

ከትምህርትና ጤና አገልግሎት ተቋማትና ሠራተኞች የሚሰማው ጩሄት በእጅጉ አሳሳቢ ደረጃ ላይ ደርሷል፡፡

ይህንኑ ለህዝብ፣ ለመንግስትና ለዓለም አቀፉ ማኅበረሰብ የሚያቀርቡ የሲቪል ማኅበረሰብ ፣የመገናኛ ብዙሃን፣ የሰብዐዊና ምግባረ ሰናይ ተቋማት
ድምጻቸውን የማሰማትና ዓላማቸውን ለማስፈጸም በነጻነት መንቀሳቀስ መብታቸው ከጥያቄ ውስጥ ገብቷል፡፡

በአጠቃላይ የህዝቡን ኢኮኖሚ አቅም ማዳከም፣ የማኅበራዊ ግንኙነት መሥመሮችንና ተቋማትን በመበጠስ ማፈናቀልና በዘር/ቋንቋና
ሃይማኖት በመከፋፈል፣ በትብብር፣መከባበርና መተሳሰብ በተቃራኒ በጥርጣሬና ጥላቻ እንዲተያይ የማድረግ አካሄድ፣ እነዚህንና ሌሎች ተፈጥሮኣዊ ልዩነቶችን ለፖለቲካ በማዋል ህዝብን በመከፋፈል ለተገዢነት በማዘጋጀትና ማመቻቸት ላይ መሆኑ የገዢው ፓርቲ
ድንበር ተሻጋሪ የአደባባይ መታወቂያው ሆኗል፡፡ በዚህ ተጨባጭ ሁኔታ ውስጥ ብልጽግና ‹‹ከተጨፈኑ ላሞኛችሁ›› አካሄዱ አልተላቀቀም፤ይልቁንም ሽግግር በሌለበት ስለሽግግር ፍትህ፣ከመለያየትና መከፋፈል አጥፊ፣ አፍራሽና አጫራሽ ፕሮፖጋንዳ ባልተላቀቀበት ህዝብን ለግጭት እያነሳሳ ባለበት፣ለመወያየትና ድርድር ቁርጠኝነት በሌለበትና ከመገዳደል ወደ መደራደር ፖለቲካ
ለመሸጋገር ወገቤን ባለበት ስለ ምክክር ኮሚሽን አብዝቶ ይደሰኩራል፡፡

ይሁን እንጅ ከባዶ የፕሮፖጋንዳ ድስኩሩ ውጪ ያለውን እውነታ ስንመረምር የሚከተሉትን በግልጽ መረዳት የሚያስችል ተጨባጭ ሁኔቶችን እናገኛለን፡፡
@zena_ethiopia24
@zena_ethiopia24

አጫጭር መረጃወች❗️

1፤ ውጭ ጉዳይ ሚንስትር ጌዲዮን ጢሞቲዮስ፣ ኢትዮጵያ ለአፍሪካ ኅብረት የሰላምና ጸጥታ ምክር ቤት አባልነት ምርጫ ራሷን ዕጩ አድርጋ ማቅረቧን አስታውቀዋል። ኢትዮጵያ የምክር ቤቱ አባል መኾን ዕጩ ኾና የቀረበችው፣ ከቀጣዩ የፈረንጆች ዓመት ጀምሮ ለኹለት ዓመታት ለሚቆየው የአባልነት ጊዜ ነው። ሚንስትሩ የኢትዮጵያን ዕጩነት ይፋ ያደረጉት፣ ተቀማጭነታቸውን አዲስ አበባ ካደረጉ የአፍሪካ አገራት አምባሳደሮች ጋር ትናንት በተወያዩበት ወቅት ሲኾን፣ አገራቱ ለኢትዮጵያ ዕጩነት ድጋፋቸውን እንዲሰጡም ጠይቀዋል።

2፤ የኢትዮጵያ የሃይማኖት ተቋማት ጉባኤ፣ በኹሉም የክልል ዋና ከተሞች በየኹለት ወራቱ የሰላም ኮንፍረስ ለማካሄድ ማቀዱን ትናንት በሰጠው መግለጫ አስታውቋል። ጉባኤው፣ ታኅሳስ 12 ቀን ከድሬዳዋ የሃይማኖት ተቋማት ጉባኤ ጋር በመተባበር፣ “ሃይማኖት ለሰላም፣ ለአንድነትና ለመከባበር” በሚል መሪ ቃል የመጀመሪያውን አገር ዓቀፍ የሰላም ኮንፍረስ እንደሚያካሂድ ገልጧል። በኮንፈረንሱ ላይ የሐይማኖት አባቶች፣ የአገር ሽማግሌዎችና የፌደራልና የክልል መንግሥታት ተወካዮች ይሳተፋሉ ተብሏል። ጉባኤው፣ በተለያዩ የአገሪቱ ክፍሎች የትጥቅ ትግል በማድርግ ላይ የሚገኙ ወገኖች ከመንግሥት ጋር የሰላም ስምምነት ላይ እንዲደርሱም በዚኹ መግለጫው ጠይቋል።

3፤ የኢትዮጵያ የሰነድ ሙዓለ ንዋይ ገበያ፣ የኢንቨስተር ትምህርት፣ የፋይናንስ ዕውቀትንና የካፒታል ገበያ ተሳታፊዎችን አቅም ለመገንባትና ለማዳበር የሚሠራ በአገሪቱ ብቸኛ የኾነ አካዳሚ ማስጀመሩን አስታውቋል፡፡ አካዳሚው የሚሠጣቸው ትምህርቶች፣ ጀማሪ፣ መካከለኛና ከፍተኛ ተብለው የሚከፈሉ እንደኾኑ ተቋሙ ገልጧል። አኹን በይፋ የተጀመረው የጀማሪ ደረጃ ሥልጠና፣ በነጻ የሚሠጥ ኾኖ እንደተዘጋጀ ተገልጧል። ተቋሙ፣ አካዳሚውን ወደ ሥራ ያስገባው ከኤፍ ኤስ ዲ ኢትዮጵያ ኩባንያ ጋር በመተባበር ነው።

4፤ የተቃዋሚው የመላው ሲዳማ ሕዝብ ዴሞክራሲያዊ አንድነት ፓርቲ፣ የክልሉ ብልጽግና ፓርቲ ካድሬዎችና የወረዳ አመራሮች በአመራሮቹ ላይ የማስፋራራት ድርጊቶችን እየፈጸሙ እንደኾነ አስታውቋል። የማስፈራራት ድርጊቱ የሚፈጸመው፣ ፓርቲው የአባላቱን ብዛትና ማንነት ለገዥው ፓርቲ እንዲያሳውቅ በማስገደድ እንደኾነ በመጥቀስ ፓርቲው ከሷል። ገዥው ፓርቲ፣ መብቶቹን ከመድፈር እንዲታቀብና ለሕግ የበላይነት  እንዲገዛም ፓርቲው ጠይቋል። ፓርቲው፣ ገዥው ፓርቲ እንዲህ ያለ የማስገደድ እንቅስቃሴ የሚያደርገው፣ "በግዴታ መዋጮ" እና "በሌሎች አስተዳደራዊ በደሎች" ምክንያት ከሲዳማ ሕዝብ ጋር ሆድና ጀርባ መኾኑን ተከትሎ ነው ብሏል።

5፤ የሱዳን ውጭ ጉዳይ ሚንስቴር፣ የኡጋንዳ ጦር ሠራዊት ዋና አዛዥ ጀኔራል ሙሆዚ ካይነሩጋባ ማክሰኞ'ለት ለሰጡት "አደገኛ" እና "ሃላፊነት የጎደለው" አስተያየት የኡጋንዳ መንግሥት ይቅርታ እንዲጠይቅ ጠይቋል። ሱዳን ይህን ጥያቄ ያቀረበችው፣ ጀኔራል ሙሆዚ "የአሜሪካው ፕሬዝዳንት ሥልጣን እንደያዙ ወዲያውኑ ካርቱምን በኃይል እንቆጣጠራታለን" የሚል አስተያየት በ"ኤክስ" ገጻቸው ማስፈራቸውን ተከትሎ ነው። የጀኔራሉ አስተያየት "ለቀጠናዊ" እና "ዓለማቀፋዊ ሰላምና ጸጥታ" ስጋት መኾኑን የጠቀሰችው ሱዳን፣ አፍሪካ ኅብረትና ዓለማቀፍ ድርጅቶች እንዲያወግዙት ጠይቃለች። በሰሜን ኢትዮጵያው ጦርነት ወቅት አወዛጋቢ አስተያየቶችን ይሰጡ የነበሩት ጀኔራሉ፣ ሰሞኑን ወደ አዲስ አበባ ተጉዘው ከጠቅላይ ሚንስትር ዐቢይ ጋር መወያየታቸው ይታወሳል። የፕሬዝዳንት ሙሴቪኒ ልጅ የኾኑት ጀኔራሉ በተለያዩ አገራት ጉዳዮች ላይ በሚሰጧቸው አወዛጋቢ አስተያየቶቻቸው ሳቢያ ከምድር ጦር አዛዥነት ተነስተው ለጥቂት ዓመታት ከቆዩ በኋላ፣ እንደገና የጦር ኃይሉ አዛዥ ተደርገው እንደተሾሙ ይታወሳል።

via:ዋዜማ
@zena_ethiopia24
@zena_ethiopia24

እሥር ላይ ሆነው በሕመም ውስጥ የሚገኙት የምክር ቤት አባላት ጉዳይ!

ባለፈው ሰኞ በመቅረዝ ጠቅላላ ሆስፒታል የቅድመ ካንሰር ምርመራ የተደረገላቸው በሽብር የተከሰሱት አቶ ክርስትያን ታደለና አቶ ዮሐንስ ቧያሌው የምርመራ ውጤታቸው ነገ ይታወቃል ። የፌዴራል ከፍተኛው ፍርድ ቤት ከአንድ ወር በፊት ለቃሊቲ ማረሚያ በሰጠው ትዕዛዝ መሠረት ሁለቱ ተከሳሾች ከሁለት ሳምንታት በፊት የአንጀት ቀዶ ህክምና ተደርጎላቸው ነበር።

ባለፈው ሰኞ በመቅረዝ ጠቅላላ ሆስፒታል የቅድመ ካንሰር ምርመራ የተደረገላቸው በሽብር የተከሰሱት አቶ ክርስትያን ታደለ እና አቶ ዮሐንስ ቧያሌው የምርመራ ውጤታቸው ነገ ይታወቃል ። የፌዴራል ከፍተኛው ፍርድ ቤት ከአንድ ወር በፊት ለቃሊቲ ማረሚያ በሰጠው ትዕዛዝ መሠረት ሁለቱ ተከሳሾች ከሁለት ሳምንታት በፊት የአንጀት ቀዶ ህክምና ተደርጎላቸው ነበር። በወቅቱ የአንጀት ቀዶ ጥገና ህክምና ከተደረገላቸው በኋላ ቃሊቲ ማረሚያ ቤት ተከሳሾቹ ሆስፒታሉ ውስጥ ሆነው እንዲከታተሉ ፈቃድ ባለመስጠቱ ተመልሰው ወደ ማረሚያ ቤት ተወስደዋል። በሌላ በኩል 51 ተከሳሾችን በያዘው በእነ ዶክተር ወንድወሰን አሰፋ መዝገብ ሥር ያሉት 23ት የሽብር ተከሳሾች ላይ ትናንት እና ከትነንት ወዲያ ሰኞ የዐቃቤ ሕግ ምስክሮች ችሎት ቀርበው ምስክርነት መስጠት ጀምረዋል ። 

የሕዝብ ተወካዮች ምክር ቤት አባል የሆኑት አቶ ክትስትያን ታደለ  እና የአማራ ክልል ምክር ቤት እና ብልጽግና ፓርቲ በሚመራው መንግሥት ከፍተኛ ባለሥልጣን የነበሩት አቶ ዮሃንስ ቧያለው ለቀዶ ሕክምና የሚዳርግ ሕመም የተጋለጡበት ምክንያት ምን እንደሆነ ጠበቃቸው እና የሕግ አማካሪ የሆኑትን ሰለሞን ገዛኸኝን ጠይቀናቸዋል።

"አዋሽ አርባ በነበሩበት፣ ሰዓት እንዲሁም አቶ ዮሃንስ ሰመራ በእሥር በቆዩበት ሰዓት በደረሰባቸው የአንጀት ድርቀት ምክንያት ወደ አዲስ አበባ አምጥተዋቸው ሆኖም ግን ሕክምናቸውን ሳይጨርሱ ወደዚያ ተመልሰው ቆይተው ከዚያም በኋላ ክስ ተመሥርቶባቸው ፍርድ ቤት ቀርበው በሕመም ላይ የቆዩ ነበሩ" ብለዋል።

ጠበቃ ሰለሞን ገዛኸኝ እንደሚሉት የሁለቱን ተከሳሾች ጉዳይ የሚመለከተው የፌዴራል ከፍተኛ ፍርድ ቤት በትደጋጋሚ ሕክምና የማግኘት መብታቸው እንዲከበር በፌዴራል ማረሚያ ቤቶች ኮሚሽን ስር ለሚገኘው ቃሊቲ ማረሚያ ቤት ትዕዛዝ ቢያስተላልፍም የአፈፃፀም መዘግየት ተከስቶ ቆይቷል።

"የፌዴራሉ ከፍተኛ ፍርድ ቤት በሽብር ዐዋጅ ተከሰው እያለ ከሁለት ወር በላይ የሕክምና አገልግሎት እንዲያገኙ በተለይ የዐይናቸው እና የአንጀታቸው - መቅረዝ ሆስፒታል እና ዲማ የዐይን ሕክምና ማዕከል ሕክምና እንዲያገኙ ጠይቀው የነበረ ቢሆንም ማረሚያ ቤቱ የተለያዩ ምክንያቶችን በማቅረብ ለረጅም ጊዜ የሕክምና አገልግሎት ሳያገኙ ቆይተዋል"።  ሁለቱ የሕዝብ ተወካይ የምክር ቤት አባላት ከሁለት ሳምንታት በፊት ግን የቀዶ ሕክምና አገልግሎት ማግኘት ችለዋል።

"መቅረዝ ሆስፒታል ሄደው ሁለቱም ቀዶ ጥገና ተደርጎላቸው ደም ይፈሳቸው የነበረ ስለመሆኑ ነው ከቤተሰቦቻቸውም ከእነሱም የሰማሁት" ሲሉ ጠበቃ ሰለሞን ገዛኸኝ ለዶቼ ቬለ ገልፀዋል። ሕክምናቸውን በሆስፒታሉ ሆነው እንዲከታተሉ የቀረበ ጥያቄ አልነበረም ወይ የሚለውን የጠየቅናቸው ጠበቃ ሰለሞን ገዛኸኝ ተከታዩን ምላሽ ሰጥተዋል።

"የሚፈሰው ደም ስለመቆሙ መረጋገጥ እና እንዳይፈስ ለማድረግ እዚያው መቆየት እንዳለባቸው የሆስፒታሉ ጥያቄ ነበር። ግን በዕለቱ አጅበው የመጡት ኃላፊ ግልጽ የሆነ ትዕዛዝ ለማረሚያ ቤቱ አልደረሰንም በማለት ያንን ማድረግ ሳይቻል ነው ወደ ማረሚያ ቤት የመለሷቸው"።

አቶ ክርስትያን ታደለ እና አቶ ዮሃንስ ቧያሌው የተደረገላቸው የቅድመ ካንሰር ምርመራ ውጤት ለነገ የተቀጠረ ሲሆን ውጤቱን ተከትሎ ከባድ የአንጀት ቀዶ ጥገና ይደረግ አይደረግ የሚለው የሚታወቅ ይሆናል ተብሏል።

በተመሳሳይ  51 ተከዶሳሾችን በያዘው በእነ ዶክተር ወንዶሰን አሰፋ መዝገብ  23ቱ ሰዎች ጉዳያቸው በችሎት ቀሪዎቹ ደግሞ በሌሉበት እየታየ ሲሆን ዐቃቤ ሕግ 96 ምስክሮች አሉኝ በማለቱ ምክንያት በፍርድ ቤቱ የ 10 ቀን የምስክር አሰማም ጊዜ ተፈቅዶለት ከሰኞ ዕለት ጀምሮ ምስክሮች ችሎት እየቀረቡ መሆኑን ጠበቃ ሰለሞን ገዛኸኝ ተናግረዋል።

"ሰኞ ዕለት ዐቃቤ ሕግ አምስት ምስክሮችን ይዞ ቀርቦ ነበር። የደረጃ ምስክሮች ናቸው። ቀጥተኛ ምስክሮች ሳይሆኑ። በትናንትናው ዕለት የቀረቡት ደግሞ አምስት ምስክሮች ናቸው"።
(መረጃው የጀርመን ድምፅ ነው)
@zena_ethiopia24
@zena_ethiopia24