Student News Channel ®

የኢፌድሪ ትምህርት ሚኒስቴር ሚኒስትር ፕሮፌሰር ብርሐኑ ነጋ ትናንት የፈተናውን መጠናቀቅ አስመልክተው ለብዙሐን መገናኛ በሰጡት መግለጫ ለፈተና ከተመዘገቡ ተማሪዎች መካከል ከ9ሺህ በላይ የአማራ ክልል ተማሪዎች ፈተናውን አልወሰዱም ብለዋል፡፡


የዘንድረውን የ12ኛ ክፍል መልቀቂያ ፈተና ለመውሰድ ከተመዘገቡ የአማራ ክልል ተማሪዎች መካከል ከ9ሺህ በላይ የሚሆኑት ፈተናውንእንዳልወሰዱ ትምህርት ሚኒስቴር አስታወቀ። በሰሜን ሸዋ ዞን ካራቆሬ ከተማ የህዳሴ 2ኛ ደረጃ ትምህርት ቤት ተማሪ ለፈተናው ቢመዘገብም ፈተናውን እንዳልወሰደ ተናግሯል፡፡
በዚህ ዓመት በአማራ ክልል 200 ሺህየ12ኛ ክፍል ተማሪዎችን ለማስፈተን እቅድ የተያዘ ቢሆንም በክልሉ ከተፈጠረው የፀጥታ ችግር ጋር በተያያዘ 96ሺህ ያክሉ ለፈተና መመዝገባቸውን ቀደም ሲል የአማራ ክልል ትምህርት ቢሮ ማሳወቁ ይታወሳል፡፡ ፈተናውን ካልወሰዱ ተማሪዎች መካከል በሰሜን ሸዋ ዞን የካራ ቆሬ ከተማ ነዋሪና የህዳሴ 2ኛ ደረጃ ትምህርት ቤት ተማሪ ኑሩ ደሊል ለመፈተን ምዝገባ አካሂዶ የነበረ ቢሆንም በአካባቢው በነበረው ጦርነት ምክንያት የዓመቱን ትምህርት ማጠናቀቅ ባለመቻሉ ፈተናውን በሌላ ጊዜ ለመውሰድ መገደዱን ተናግሯል፡፡

አንድ የአጣየ ከተማ ነዋሪ በበኩላቸው ተማሪዎች በአለው የፀጥታ ችግር ምክንያት በአጣየ ከተማ የሚገኙ የ12ኛ ክፍል ተማሪዎች ፈተናውን አልወሰዱም ብለዋል፣ ተማሪዎቹ በትምህርት ገበታ ላይ የቆዩ ቢሆንም አልፎ አልፎ በሚከሰት የፀጥታ ችግር ምክንት የዓመቱን ትምህርት መሸፈን እንዳልቻሉ አስረድተዋል፡፡

ሌላ የከተማዋ ነዋሪም ተማሪዎቹ አብዛኛውን የትምህርት ክፍል ያልሸፈኑ በመሆናቸው ፈተናውን በመስከረም 2017 ዓ ም እንዲወሰዱ እንደሚደረግ መስማታቸውን አስረድተዋል፡፡
የኢፌድሪ ትምህርት ሚኒስቴር ሚኒስትር ፕሮፌሰር ብርሐኑ ነጋ ትናንት የፈተናውን መጠናቀቅ አስመልክተው ለብዙሐን መገናኛ በሰጡት መግለጫ ለፈተና ከተመዘገቡ ተማሪዎች መካከል ከ9ሺህ በላይ የአማራ ክልል ተማሪዎች ፈተናውን አልወሰዱም ብለዋል፡፡
“በአገር አቀፍ ደረጃ ለፈተናው የተቀመጡት 684 ሺህ 372 ተማሪዎች ናቸው፣ ከቀሩት፣ ወደ ፈታናው ካልመጡት 17ሺህ 377 ተማሪዎች መካከል 9ሺህ 152 በአማራ ክልል ከፀትታ ጋር ሳፈተኑ የቀሩ ናቸው፡፡” ብለዋል፡፡
ከፀጥታ አኳያ ሐምሌ 3/2016 ዓ ም በክልሉ ማዕከላዊ ጎንደር ዞን ተማሪዎችንና ሌለሎች ሰዎችን ይዞ ወደ ፈተና ጣቢያ በሚሄድ  ተሸከርካሪ ላይ ታጣቂዎች በወሰዱት ጥቃት አንድ ተማሪ መሞቱንና ሌሎች ሁለት መቁሰላቸውን አመልክተዋል፣ ተማሪ ያልሆኑ ሌሎች ሁለት ሰዎች በዚሁ ጥቃት ህይወታቸው ሲያልፍ ሌሎች ስድስት ተሳፋሪዎች ደግሞ መቁሰላቸውን ሚኒስትሩ በመግለጫቸው ተናግረዋል፡፡

ፕሮፌሰር ብርሀኑ በዋቻሞ ዩኒቨርሲቲ ደግሞ አንድ የግል ተፈታኝ ተማሪ በደረሰበት የልብ ህመም ወደ ሆስፒታል ቢላክም ህይወቱ ማለፉን አመልክተዋል፡፡
የአማራ ክልል ትምህርት ቢሮ ቀደም ሲል በሰጠው መግለጫ፣ በተፈጠረው የፀጥታ ችግር ምክንያት በክልሉ በዋናነት በጎጃም ቀጠና የሚገኙ ትምህርት ቤቶች ወደ ስራ አልተመለሱም፣ በዚህም 3 ሚሊዮን የሚጠጉ ተማሪዎች ከትምህርት ውጪ እንደሆኑ ተመልክቷል፡፡

  #DW

SHARE❤️
https://t.me/+QcLpbg9EiMllODhk
https://t.me/+QcLpbg9EiMllODhk

2018 እና 2019 የተከፈቱ ሁለት ግሩፖች አሉን መግዛት የሚፈልግ @Tmhert_bebete_info_bot ላይ ቶሎ አናግሩን👆👆

የ12ኛ ክፍል ተፈታኞች ግዴታ እና የተከለከሉ ነገሮች

1. ማንኛውም ተፈታኝ አጤሬራ፣ ስልክ፣ ሃርድ/ፍላሽ ድስክ፣ ስማርት ሰዓት፣ የጌጥ መነጽር፣ ጌጠኛ ቀለበት፣ ማጂክ ጃኬት፣ ቁልፍ ወይም ምንም ዓይነት ድምጽና ምስል
የሚቀዱ/የሚቀርጹ ኤሌክትሮኒክስ መሣሪያዎችን ይዞ ወደ መፈተኛ ክፍል ውስጥ መግባት የተከለከለ ነው፡፡ 

2. ፈተና በሚሰጥባቸው ኮምፕዩተሮች ላይ በሚመለከተው አካል ደህንነቱ ያልተረጋገጠ የትኛውንም ዓይነት መተግበሪያ መጫን ወይም ማህበራዊ ሚዲያዎችን መጠቀም  የተከለከለ ነው፡፡ ሆኖ ሲገኝም የፈተና ውጤት ከመሰረዝ በተጨማሪ አግባብነት ባለው ህግ ተጠያቂ  ያደርጋል፡፡

3. ፈተና እየተሰጠ ባለበት ወቅት በማንኛውም አማራጭ የመፈተኛ ኮምፕዩተሮችን በመጠቀም የኤሌክትሮኒክ መልዕክት ለማንኛውም ሶስተኛ ወገን መላክም ሆነ መቀበል በጥብቅ የተከለከለ ነው፡፡ ሆኖም ሲገኝ ያለ ምንም ቅድመ ሁኔታ ፈተናው የሚሰረዝ ይሆናል፡፡ አግባብነት ባለው ህግ ተጠያቂ ይሆናል፡፡

4. ማንኛውም ተፈታኝ ከመፈተኛ ክፍል ውጭ ሆኖና ለፈተና ሥራ ተለይቶ እውቅና ከተሰጠው ኮምፕዩተር ውጭ ለመፈተን መሞከር ወይም መፈተን በጥብቅ የተከለከለ ሲሆን ሆኖ ከተገኘ የፈተና ውጤቱ ሙሉ በሙሉ ይሰረዛል፤ አግባብነት ባለው ህግ ተጠያቂ ይሆናል፡፡  

5. ለፈተና ሥራ የሚያገለግሉ የይለፍ ቀሎችን (Password) በማንኛውም ሁኔታ ለሶስተኛ ወገን አሳልፎ መስጠት ወይም ጥንቃቄ በጎደለው ሁኔታ መያዝ ወይም በቀላሉ ተገማች ማድረግ የተከለከለ ነው፡፡ ይህ እንደተጠበቀ ሆኖ ዓይነ ስውራን ተፈታኞች ለአንባቢዎቻቸው ወይም የአካል ጉዳት ያለባቸው ተፈታኞች ለረዳቶቻቸው ሊሰጡ ይችላሉ፡፡ 

6. ማንኛውም ተፈታኝ ወደ መፈተኛ አዳራሽ መግቢያ ካርድ እና ማንነቱን በግልጽ ለመለየት የሚያስችል የትምህርት ቤት ወይም የቀበሌ መታወቂያ ወይም የወሳኝ ኩነት ምስክር ወረቀት ይዞ የመገኘትና ሲጠየቅም የማሳየት ግዴታ አለበት፡፡ ወደ መፈተኛ አዳራሽ መግቢያ ካርድ ሳይዙ መፈተን የተከለከለ ነው፡፡

7. ተፈታኞች በሐኪም ከታዘዘ መድኃኒት ውጭ ወደ መፈተኛ ክፍል ምንም ዓይነት መድኃኒትና መድኃኒት መውሰጃዎችን ይዞ መግባት በጥብቅ የተከለከለ ነው፡፡

8. ተፈታኞች ወደመፈተኛ አዳራሽ ምግብና ውሃ ይዘው መግባት የጠከለከለ ነው፡፡ ነገር ግን አስቀምጠው ለፈታኝ መምህር እያሳወቁ ሲፈቀድላቸው መጠቀም ይችላሉ፡፡  
ውስጥ መግባት የተከለከለ ነው፡፡ በጤና ምክንያት የግዴታ መጠቀም ያለባቸው ሲሆኑ ከመፍተኛ ከፍል ውጪ (በር አካባቢ) አስቀምጠው ለፈታኝ መምህር እያሳወቁ ሲፈቀድላቸው መጠቀም ይችላሉ፡፡

9. ተፈታኞች የተሟላ አካላዊ ፍተሻ ተደርጎና ማንነታቸው በግልጽ ተለይቶ ወደ መፈተኛ አዳራሽ የሚገቡ ይሆናል፡፡ ለዚህም የመተባበር ግዴታ አለባቸው፡፡  

10. አካላዊ ፍተሻ ሳይደረጉ ፈተና ወዳለበት ሰርቨር እና ኮምፕዩተሮች አካባቢ ወይም ክፍሎች ውስጥ መግባት የተከለከለ ነው፡፡

11. በግልጽ ያልተፈቀደለትን ማንኛውንም ሰው ወደ መፈተኛ ክፍሎች ይዞ መግባት እና ፈተና የሚሰራባቸውን ኮምፕዩተሮች እንዲነካካ ወይም እንዲጠቀምባቸው መፍቀድ በጥብቅ የተከለከለ ነው፡፡

SHARE❤️
https://t.me/+QcLpbg9EiMllODhk
https://t.me/+QcLpbg9EiMllODhk

#ATTENTION🚨

“ የ2 አውቶብስ ተማሪዎች በታጣቂዎች ታግተዋል ” - ከእገታ ያመለጠ ተማሪ

“ ‘ ከአሁን ወዲህ ስልኬ አይሰራም ፤ ታግተናል ’ አለችኝና ከዛ ስልኳ አይሰራም ” - የአንዷ ታጋች ተማሪ እህት

“ አጋቾቹ ለአንድ ተማሪ 400 ሺህ ብር እየጠየቁ ነው ” - የወንጌላውያን ክርስቲያን ተማሪዎች ህብረት

ሰኞ እለት ተሳፍረው ወደ ቤተሰብ እየተጓዙ የነበሩ የደባርቅ ዩኒቨርሲቲ ከ2ኛ እስከ 4ኛ ዓመት ያሉ ተማሪዎች በታጣቂዎች መታገታቸውን የዓይን እማኝ፣ የታጋች ቤተሰብና ዩኒቨርሲቲው ለቲክቫህ ኢትዮጵያ ገለጹ።

አንድ ከእገታው አመለጥኩ ያለ ተማሪ ፥ ሶስት (3) አውቶብሶች የዩኒቨርሲቲ ተማሪዎች እየተጓዙባቸው የነበሩ ረቡዕ ሰኔ 26 ቀን 2016 ዓ/ም ከረፋዱ 4 ሰዓት ገደማ ገብረ ጉራቻ የሚባል ቦታ ሲደርሱ መታገታቸውን ለቲክቫህ ኢትዮጵያ ተናግሯል።

ከ3 አውቶብሶች 2ቱን ታጣቂዎች እንዳስቆሟቸው፣ ተሳፋሪዎቹን ካስወረዷቸው በኋላ አግተው ወደ ጫካ እንዳስገቧቸው፣ እርሱ ገለባ ውስጥ ተደብቆ እንዳመለጠ ገልጾ፣ “ የሁለቱ አውቶብስ ተማሪዎች በታጣቂዎች ታግተዋል ” ብሏል።

ከታጋቾቹ መካከል የሚያውቃቸው የIT ፣ የአኒሚል ሳይንስ ዲፓርትመንት ተማሪዎች እንዳሉ ገልጾ፣ ያገቷቸው “የሸኔ ታጣቂዎች” መሆናቸውን አስረድቷል።

አንዷ የታጋች እህት ለቲክቫህ ኢትዮጵያ በሰጠችው ቃል፣ “ ረቡዕ 3 ሰዓት ከ28 ደቂቃ ደወለችልኝ (እየሮጡ ነበር፣ የተኩስ ድምጽም ነበር) ‘በቃ ከአሁን ወዲህ ስልኬ አይሰራም። ላታገኝኝ ትችያለሽ በታጣቂዎች ታግተናል’ አለችኝ። መለሽ ስደውል ስልኳ አይሰራም ” ብላለች።

ቤተሰቡ ሁሉ በጣም ከፍተኛ ጭንቀት ላይ በመሆኑ የሚመለከታቸው አካላት ሁሉ ታጋቾቹን በህይወት እንዲያተርፏቸው ተማጽናለች።

በደባርቅ ዩኒቨርሲቲ ፤ የወንጌላውያን ክርስቲያን ተማሪዎች ህብረት በበኩሉ፣ እገታው እውነት መሆኑን እንዳረጋገጠ ለቲክቫህ ኢትዮጵያ ተናግሯል።

ኀብረቱ በሰጠው ቃል “ አጋቾቹ ለአንድ ተማሪ 400 ሺህ ብር እየጠየቁ ነው። ‘ ገንዘቡን ካላመጣችሁ እንገድላችኋለን ’ እያሏቸው ይገኛል ” ሲል የሰማውን አስረድቷል።

የሞቱ ፣ የተጎዱ ስለመኖራቸው የደረሰው መረጃ እንደሌለ የገለጸው ማህበሩ ፣ የሚመለከታቸውን  አካላት ሁሉ ለማነጋገር ጥረት እያደረገ መሆኑን ገልጿል።

በጉዳዩ ላይ የደባርቅ ዩኒቨርሲቲ የሰጠውን ምላሽ በቀጣይ ይቀርባል።

#TikvahEthiopiaFamilyAA

SHARE❤️
https://t.me/+QcLpbg9EiMllODhk
https://t.me/+QcLpbg9EiMllODhk