Dhaloota dhugaa

ICCITII GUDDAA GAA'ELA KEESSAA
"#Iccitii 1ffaa
Namni ati itti heerumtu/ fuutu hundi dadhabina qaba. Waaqayyo qofatu dadhabina hin qabu. Kanaafuu dadhabina hiriyyaa gaa'elaa kee irratti yoo xiyyeeffatte humna isaa keessaa waan gaarii argachuu hin dandeessu.
#Iccitii 2.
Hunduu seenaa dukkanaa'aa qaba. Namni ergamaa miti. Gaafa fuudhu ykn heerumuu barbaaddu seenaa nama darbe keessa qottee rakkoo jireenyasaa keessaa baasuu dhiisi. Wantoonni durii darbaniiru. Waan ammaa fi kan gara fuula duraa irratti xiyyeeffadhu.
#Iccitii 3.
Gaa’elli hundi qormaata mataa isaa qaba. Gaa’elli gaariin hundi qormaata ibidda boba’aa mataa isaa keessa darbee jira. Jaalalli dhugaa yeroo qormaataa ni mirkaneessa. Gaa'ela keessaniif falmaa. Yeroo rakkinaatti hiriyyaa gaaʼelaakee bira turuuf murtoo godhi. Gaariidhaaf hamaadhaaf irbuu yaadadhu. Dhukkuba keessattis fayyaa keessattis jiraadhu.
#Iccitii 4.
Gaa’elli hundi sadarkaa milkaa’ina adda addaa qaba. Gaa'ela kee nama biraa wajjin wal hin madaalin. Gonkumaa wal qixa ta'uu hin dandeessu. Gariin fagoo, gariin duubatti hafa. Dhiphina gaa'ilaa irraa of eeguuf obsi, cimsitee hojjedhu yeroon darbaa deemuun abjuun gaa'ilaa kee dhugoomu.
#Iccitii 5.
Fuudhaa fi heeruma jechuun waraana labsuu dha. Yeroo heerumtu diina gaa'ilaa irratti waraana labsuu qabda. Diinonni gaa’ilaa tokko tokko:
Wallaalummaa
Kadhannaa dhabuu
Dhiifama gochuu dhiisuu
Dhiibbaa qaama sadaffaa
Ciniinsuu
Mata jabina
Jaalala dhabuu
Gara jabina
Dhibaa'ummaa
Kabaja dhabuu
Hatuu
Naannoo gaa'ilaa keessan eeguuf qabsaa'uuf qophii ta'aa.
#Iccitii 6.
Gaa’elli mudaa hin qabne hin jiru. Gaa'elli qophaa'aa hin jiru. Gaa’elli hojii cimaadha. Guyyaa guyyaan irratti hojjechuuf tola ooltummaadhaan of kenni. Gaa’elli akka konkolaataa suphaa sirrii fi tajaajila sirrii barbaaduuti. Yoo kun hin godhamne bakka tokkotti ni caccabee abbaa qabeenyaa balaa ykn haala fayya-qabeessa hin taane tokko tokkoof saaxila. Gaaʼela keenyaaf of eeggannoo gochuu qabna.
#Iccitii 7.
Waaqayyo nama guutuu ati hawwitu siif kennuu hin danda'u. Nama barbaaddu sana akka bocuuf jecha nama sana bifa meeshaa jallisiitiin siif kenna. Kunis kan argamuu danda'u kadhannaa,jaalala qofaan."

https://t.me/+LRcKMB9yEK4xZGZk

👉. Kutaa 104.
#Hamma_Abjuu_Keessa_kee_Geessa.
👉Dhalli namaa hamma abjuusaa gaha.
Namoonni abjuu qaban hammuma abjuusaanii gahu,nama abjuu hin qabne yoo taate garuu abbuma fedheef ergamtuu taatee jiraatta.
✍️Keessa kee waan guddaan guutee jira yoo ta'e,haala ittiin maarfamte keessaa baatee addunyaa haaraa abjuu keef mijatu keessa jiraachuuf shaakallii guddaa goota.
✍️Kana jechuun immoo abjuun qabna jennee lafa gatii nuuf hin kennineetti duuna jechuu miti.
Dursa abjuu keessa keenyaa sanaaf yeroo kenninee ilaaluun waan baayyee gaariidha.
Abjuu sirriitu si keessa jira yoo ta'e,isa fakkaachuu fi isaaf jiraachuun dirqama keeti.
✍️Abjuu gatii guddaa qabutu si keessa jira yoo ta'e qajeelfama namni siif kaa'u irra darbitee,waan jiraachuu qabduuf qofa, jiraachuuf murtoo sirrii fudhatta.
✍️Gaafa abjuu keef jiraattu,madaallii namoota baayyee guutuu dadhabdee jireenya imimmaanii jiraachuu dandeessa kun immoo nama gahaa si gochaa adeema.
✍️Bilchina kee fi albuudumaa kee dabala malee gatii si dhowwatu.
✍️Yeroo kana hundumaa taatu kutannoo fi cichoomina kee dabalaa Gaara kaayyoo kee irratti bahuu qabda.
👉Gaafa Gaara kaayyoo kee irra jiraattu namoota baayyeetu si barbaada,karaa ittiin milkoofte si gaafachuuf namoota baayyeetu afaan si gogsa.
👉Waan hadha'aa Gaara kaayyoo kee irratti akka hin baane si godhu obsi.
Dhalli namaa hamma abjuusaa gaha malee,hamma uffatasaa hin gahu .
✍️Namni gowwaan garuu waan har'a mul'atee boru immoo baduu danda'uun si madaaluu mala,inni guddaan garuu ati madaallii sammuu kee jalaa bahuun kaayyoo uumamteef jiraadhu darbi.

🥰Girrisaa irraa deeggarsa otoo eegduu isa ta'uuf dhalatte osoo hin taane akka hin darbineef , Waaqayyo Isa gatii guddaa sitti godhee gara lafa kanaa si fide cimsi kadhadhu .
Ati hamma namni siin jedhe osoo hin taane, hamma abjuu keessa kee geessa🥰

Obboleessa keessan Sisay Yadessa
#Dammaquun immoo furmaata.
https://t.me/+LRcKMB9yEK4xZGZk