University Students

ጠቅላይ ሚኒስትር ዐቢይ አሕመድ የትምህርት ተቋማት የሰለጠነ ሰው ኃይል ምንጭ እንዲሆኑ ትዕዛዝ ማስተላለፋቸው ተሰማ!

ጠቅላይ ሚኒስትር ዐቢይ አሕመድ በቴክኒክና ሙያ የትምህርት ተቋማት መተግበር አለበት ያሉትን መመርያ ማውረዳቸው የተገለጸ ሲሆን፤ ተቋማቱ መሰረታዊ ለውጥ እንዲደረግባበቸው መታዘዙን የፌዴራል ቴክኒክና ሙያ ስልጠና ኢንስቲትዩት አስታውቋል።

ተላለፈ የተባለውን ይኸው መመርያ ከተለያዩ አገራት ልምድ የተቀሰመ የስልጠና አሰጣጥ የትምህርት ሞዴል መሆኑን ተገልጿል።"ጠቅላይ ሚኒስትሩ በቴክኒክና ሙያ ስልጠና ተቋማት ላይ አስተላለፉት የተባለው የስልጠና ሞዴል ለመሆኑ ምን መሳይ ነው?" ሲል አሐዱ የቴክኒክና ሙያ ትምህርት ስልጠና ኢንስቲትዩት ዋና ዳይሬክተር ብሩክ ከድርን (ዶ/ር) ጠይቋል።

የኢንስቲትዮቱ ዋና ዳይሬክተር ላነሳንላቸው ጥያቄ ሲመልሱ፤ "የስልጠና ሞዴሉ ፐብሊክ ፕራይቬት ኮንኔክሽን ይሰኛል" ብለዋል።አሐዱም ይኸው የስልጠና ሞዴል በቅርቡ ጠቅላይ ሚኒስትሩ የሥራ ጉብኝት ካደረጉባቸው የሩቅ ምስራቅ አገራት የተቀዳ መሆኑን ዋና ዳይሬክተሩ ጋር በነበረው ቃለ ምልልስ ለማወቅ ችሏል።

በኢትዮጵያ በርካታ ቁጥር ያለው ወጣት ኃይል ቢኖርም አብዛኛው የሰለጠነና የክህሎት ባለቤት እንዳልሆነ ዶክተር ብሩክ የገለጹ ሲሆን፤ የትምህርት ሞዴሉ ሁነኛ መፍትሔ መሆኑን ተናግረዋል።አክለውም፤ የጠቅላይ ሚኒስትሩ ምክረ ሀሳብ ከፍተኛ ለውጥ ማምጣት የሚችል መሆኑንና ተፈፃሚነቱ እንዲረጋገጥ ብርቱ ዝግጅት እየተደረገ መሆኑንም ገልጸዋል።

ይህንን የስልጠና ሞዴል በተመለከተም በሌሎች አገራት ያለውን ልምድ ጠቅሰው፤ "አዋጭነቱን የተረጋገጠለት ነው" ብለዋል።አሁን ላይ በኢትዮጵያ የሙያ ትምህርት ተቋማትን ለማስፋፋት እየተደረገ ያለውን ጥረት ጨምሮ እየተስተዋለ ያለው ውጤት ጥሩ በሚባል ደረጃ ላይ መሆኑ ተነግሯል።ከፍተኛ የትምህርት ተቋማትም ቢሆኑ ከቀለም ትምህርት ባሻገር ሙያ ተኮር የትምህርት ዝግጅት እንዲሰጡ እየተመከረበት መሆኑን ከዋና ዳይሬክተሩ ሰምተናል።

Via Ahadu
✅ University News ✅
✅ University News ✅

👉ተማሪዎች ቢያንስ ሶስት ቋንቋዎችን እንዲማሩ የሚያስገድድ ረቂቅ አዋጅ ለፓርላማ ቀረበ

👉እስከ 6ኛ ክፍል ድረስ ያሉ ተማሪዎችን በደረጃ ማስቀመጥንም ረቂቅ አዋጁ ይከለክላል


ኢትዮጵያ የአጠቃላይ ትምህርት አዋጅን ለማሻሻል ያለመ ረቂቅ አዋጅ አዘጋጅታለች፡፡ ይህ ረቂ አዋጅ በህዝብ ተወካዮች ምክር ቤት እንዲጸድቅ በትናንትናው ዕለት ቀርቧል፡፡
ምክር ቤቱም ይህን ረቂቅ አዋጅ ተጨማሪ ውይይቶች እና ሌሎች ግብዓቶች እንዲታከሉበት በሚል ለዝርዝር እይታ ወደ ቋሚ ኮሚቴ መርቷል፡፡

ይህ ረቂቅ አዋጅ እንደሚለው ከሆነ ተማሪዎች ስለ ሚማሯቸው ቋንቋዎች፣ ስርዓት ትምህርት ዝግጅት፣ መምህራን ቅጥር፣ ተማሪዎች ምዘና፣ ትምህርት ጥራት ማስጠበቂያ መንገዶች እና ሌሎችንም ጉዳዮች ይዟል፡፡
ቋንቋዎችን አስመልክቶ በረቂቅ አዋጁ ላይ እንደተቀመጠው የአፍ መፍቻ ቋንቋ እንደ ትምህርት አይነትነት እና እንደ ማስተማሪያ ቋንቋነት ከቅድመ አንደኛ ደረጃ ጀምሮ የሚሰጥ ሆኖ እንደ ትምህርት አይነትነት እና እንደ ማስተማሪያ ቋንቋነት መሰጠቱ የሚያበቃበትን የክፍል ደረጃ ክልሎች ይወስናሉ ብሏል፡፡

እንዲሁም የእንግሊዘኛ ቋንቋን በማስተማሪያነት በግዴታ ከ9ኛ ክፍል ጀምሮ ማስተማር ግዴታ ነው የተባለ ሲሆን ክልሎች ግን ከዚያ በፊትም የማስተማሪያ ቋንቋ ማድረግ ከፈለጉ ይችላሉ ተብሏል፡፡
ተማሪዎች ቢያንስ ሶስት ቋንቋዎችን እንዲማሩ ይደረጋል የተባለ ሲሆን የአፈጻጸም መመሪያ በቀጣይ እንደሚወጣም ረቂቅ አዋጁ ያትታል፡፡
እንዲሁም አንድ ተጨማሪ የሀገር ውስጥ ቋንቋ ከፌደራል መንግስት የስራ ቋንቋዎች መካከል የተማሪን አልያም የወላጅን ምርጫ ታሳቢ በማድረግ ከ3ኛ-10ኛ ክፍል ድረስ እንዲማሩ ይደረጋልም ተብሏል፡፡
በአጠቃላይ አንድ ተጨማሪ የውጭ ቋንቋ ክልሎች በሚመርጡት መሰረት ከ9ኛ ክፍል ጀምሮ በአማራጭነት ይሰጣል የተባለ ሲሆን የእንግሊዘኛ ቋንቋ ደግሞ ከ1ኛ ክፍል ጀምሮ እንደ አንድ የትምህርት አይነት እንደሚሰጥም ተገልጿል፡፡

የተማሪዎች ምዘናን በሚመለከት ደግሞ እስከ 1ኛ ደረጃ ማጠናቀቂያ የሚባለው እስከ 6ኛ ክፍል ድረስ ተማሪዎችን በደረጃ ማስቀመጥን ይከለክላል፡፡
ከክፍል ወደ ክፍል መዘዋወርን በሚመለከት ደግሞ በሁሉም የትምህርት እርከኖች ከክፍል ወደ ክፍል ማለፍ የሚቻለው ተማሪዎች በሁሉም ትምህርት አይነቶች 50 ከመቶ እና ከዛ በላይ ውጤት ሲያመጡ ብቻ ነውም ተብሏል፡፡
ክልላዊ ፈተናዎችን ማለፍ ያልቻሉ ተፈታኞች ከሁለት ጊዜ በላይ በነጻ ፈተና ላይ መቀመጥ አይችሉም የተባለ ሲሆን ተፈታኞች በግላቸው እንዲፈተኑ ይደረጋል ይላል ረቂቅ አዋጁ፡፡

በዚሁ ረቂቅ አዋጅ ላይም የመምህራንን ትምህርት እና ስልጠና ጉዳዮችን በሚዘረዝርበት አንቀጽ ስር ሴቶች ለመምህርነት ስልጠና በሚወዳደሩበት ጊዜ ለምልመላ የሚያስፈልጉትን አጥጋቢ መስፈርት አሟልተው በውድድር ወቅት ከወንዶች ጋር እኩል ነጥብ በሚያገኙበት ወቅት ቅድሚያ እንዲሰጣቸው ደንግጓል፡፡
እንዲሁም አንድ መምህር በስራ ላይ እያለ በመንግስት ወጪ ደረጃውን የሚሻሽል ስልጠና ከወሰደ ለእያንዳንዱ የስልጠና ዓመት አንድ ዓመት በሙያው ማገልግል አለበት ሲልም ግዴታ ተጥሏል፡፡

ከዚህ በተጨማሪም ወሲባዊ ጥቃትን የሚመለከቱ ወንጀሎች መፈጸሙ ተረጋግጦ በፍርድ ቤት ጥፋተኛ መሆኑ የተረጋገጠበት ሰው በማንኛውም የትምህርት ተቋም ውስጥ በመምህርነት እንዳይቀጠር አግዷል፡፡
አንድ መምህር የሙያ ፈቃዱን በየሁለት ዓመቱ ከክፍያ ነጻ በሆነ መንገድ ማሳደስ እንዳለበት የደነገገ ሲሆን የስራ ፈቃድ ለማግኘት ከምረቃ በኋላ የ2 ዓመት ልዩ የመምራን ሙያ ስልጠናን መውሰድ እንዳለበትም በረቂ አዋጁ ለይ ተደንግጓል፡፡
የግል ትምህርት ቤትን ማቋቋም ስለ ሚከለከልበት ሁኔታ በሚያትተው አንቀጽ ስር በፍርድ ቤት የመክሰር ውሳኔ የተሰጠበት ወይም እዳ መክፈል ያልቻለ ሰው፣ ትምህርት ቤቱን ለማቋቋም ፈቃድ ከሚጠይቀው አመልካች ውስጥ ድርሻ ያለው ሰው በወሲባዊ ወንጀል አልያም በህጻናት ላይ በሚፈጸሙ ወንጀሎች ጥፋተኛ መሆናቸው በፍርድ ቤት የተወሰበት ሰው ፈቃድ ማግኘት አይችልም ብሏል፡፡
በመጨረሻም መንግስት ለሁሉም የህብረተሰብ ክፍሎች ትምህርትን በብቃት እና በጥራት ለማዳረስ ያለበትን ግዴታ ለመወጣት ሀገር አቀፍ የትምህርት ፈንድ እንዲቋቋም አዋጁ ይፈቅዳል ይላል፡፡


✅ University News ✅
✅ University News ✅