Singer Megertu Official

Abdiin fayyina keenyaa hafuurasaati!

📖 Rom 14:7 Nu keessaa tokko illee akeeka ofii isaatiif hin jiraatu; tokko illees akeeka ofii isaatiif hin du'u.
👉 Waaqayyoo gara biyya lafaa kanaatti gaafa nu fidu, hojiif yaada qabaaf nu fide.
👉Anaan(Raaji Masarat) gaafa gara biyya lafaa kanaa gaafa na fidu, wangeela isaa akka lallabuuf, akkasumas warra hidhaman akkan hiikuuf. Kana immoomaatiikoo irraan dhaale miti; kennaan kun abbaa qaba, isa yaadachaan hojii kana hojjedha. Kanan jiraadhuufis kanumaafi.
👉 Keennaa gaarii gochuu, kennaa ayyaana isaa kana, dhalootaan yookiin namootarraa utuu hin taane, waaqayyo isa abbaa ifaa biraa arganna.
👉 Anis isuman uumameef sanaafan jiraadha.
📖 Iyob 14: 7"Mukti yoo murame iyyuu deebi'ee waan latuuf, damee godhachuun isaas waan hin oolleef abdii qaba; 8 hiddi isaa lafa keessaa yoo dulloome iyyuu, gufuun isaa lafa keessatti yoo goge iyyuu, 9 foolii bishaaniitiin in lata, akka biqiltuu haaraas damee in baasa;
👉 Abdiin muka murame kana lalisiisu maali? Foolii bishaaniiti.
🎤 Jireenyi kee goge, gaa'iilaaf hojiin kee goge maaliin lalisa? Humna hafuura qulqulluutiin.
🎤 Haala rakkisa jiraatu iyyuu abdii hin kutanne. Atis abdii hin kutatin!
🎤 Rakkinnii ati keessa jirtu hammamuu yoo cime, abdii hin kutatin.
🎤Rakkinni waan sitti baay'ateef hin baddu; dhukkubni kee waan sitti cimeef hindutu.
👉 Iyyoob itti dabalee akkas jedhe, "17 Hafuurri koo haadha manaa kootti in xiraa'e, obbolaan koos ana irraa in baqatan. 18 Ijoolleen illee na tuffatu, yommuun ka'u isaan ana irratti in dubbatu. 19 Firoonni koo warri ani amanadhu hundinuu na ciigga'an, warri ani isaan jaalladhus ana irratti in ka'an; 20 gogaan koo foon kootti, lafee koottis in goge; foon ilkaan kootii duwwaatu iddoo jira. (Iyob 19:17-20)
👉 Rakkinni ga'e kan nuyi kutaa kana irraa dubbifnu baay'ee ulfaataa yoo ta'e illee abdii hin kutanne. Furiin akka isaaf dhufu abdata ture.
👉 Kana hundumaa keessatti abdii qaba ture.
📖 Iyob 33:4 Hafuurri Waaqayyoo na uumeera, hafuurri inni hundumaa danda'u anatti baafate sunis ana in jiraachisa.
🎤Abdiin keenya yeroo hundumaa Hafuura Waaqayyooti.
📖Far 104:29-30 Yeroo ati isaan irraa achi garagaltu, isaan na'anii abdii in kutatu; yeroo ati hafuura isaan baafatan keessaa fuutu, isaan in du'u, deebi'aniis biyyoo in ta'u.
30 Yeroo ati hafuura kee itti ergitu immoo, isaan in uumamu; ati immoo irra-lafaa in haaressita.
🎤 Hafuurri Waaqayyoo kun waan hundumaa iddootti deebisuu danda'a
📖 Rom 8:11 Hafuurri Waaqayyoo inni Yesusin warra du'an keessaa kaase, isin keessa yoo jiraate, inni Kristosin warra du'an keessaa kaase, hafuura isaa isa isin keessa jiraatuun, dhagna keessan isa du'us immoo in jiraachisa.
🎤Kanaaf nuyi amanuuf abdii qabaachuu qabna; akkuma Abrahaam waan hin jirre gara jiraachuuttii dhufuu akka danda'u amane.
📖 Rom 4:17 Abdiin kun fuula Waaqayyoo dura jira, "Saba baay'eedhaaf abbaa akka taatuuf ani si dhaabeera" kan jedhu caafameera. Abrahaam immoo Waaqayyo isa warra du'an jiraachisu, isa waan hin jirre akka jiraatu godhutti amaneera. 20 Inni amantiitti jabaatee Waaqayyoof hooqubaa dhi'eesse malee, amanuu dhabuudhaan abdii Waaqayyo kenneef hin dhabne.

Waaqayyo, "Ifni haa ta'u! jedhe."

📖 Uumama 1:3 Waaqayyo, Ifni haa ta'u! jedhe; ifnis in ta'e. 4 Waaqayyo ifichi gaarii akka ta'e in arge; ifichas dukkanichattii gargar in baase. 5 Waaqayyo ificha Guyyaa, dukkanichas Halkan jedhee in moggaase; galgallis ta'e, ganamnis ta'e; kun guyyaa tokkoffaa dha.
💡Ifni wanta gaariidha. Sababiinsaa akkuma macaafni jedhu, namni guyyaadhaan adeemu, ifa aduu waan arguuf hin gufatu.(Yohannis 11:9)
💡 Ifa keessatti sobniif dhugaan salphaadhumatti gargar ba'u.
❓ Ifti kun maali? Ifa uumamaa kannee akka ifa aduu, urjii yookiin addeessaati?
💡 Ifti kun waantota sadii kan bakka bu'u yoo ta'u isaanis:
👉 Yesus Ilma Waaqayyooti
👉 Sagalee Waaqayyooti
👉 Nuun, ilmaan waaqayyooti.
👉 Me gaabsinee kanneen sadan haa ilaalluu.
➀. Ifti kun Yesus Ilma Waaqayyoo bakka bu'a.
📖 Yohannis 8:12 "Yesus ammas namootatti dubbatee, Ani ifa biyya lafaa ti, namni ana duukaa bu'u ifa jireenyaa in qabaata malee, dukkana keessa hin adeemu isaaniin jedhe."
🌏 Biyyi lafaa kun harka isa hamaa jalațti koloneeffatamtee jirti. Isatus ishee seerratta. Yesus garuu namoota mootummaa dukkana kana jalaa baasuuf ifa ta'ee mula'ate.
🌏 Sababiii hojii ishee isa dukkanaan guutuu kana, biyyi lafaa kun ificha simachuu hin dandeenye.
📖Yohannis 1:9 Ifichi inni dhugaan, inni gara biyya lafaa dhufe, namoota hundumaaf in ibsa. 10 Inni biyya lafaa keessa ture; biyyi lafaas isumaan ta'e; biyyi lafaa garuu isa hin beekne. 11 Gara biyya dhuunfaa isaa dhufe; namoonni isaa garuu isa hin simanne.
➁. Sagalee Waaqayyooti
👉 Macaafni qulqulluun, " Saaqamuun dubbii keetii ifa in kenna, wallaalota iyyuu in hubachiisa." (Faarfannaa 119:130) akkuma jedhu dubbiin waaqayyoo madda ifaati. Akkuma kana Far. 119:105 irrattis "Dubbiin kee miilla kootiif ibsaa dha, daandii koo irrattis in ifa."jedha. Kanaaf dubbiin isaa ifa.
👉 Dukkana isa nukeessaayyuu kan ari'e ifa sagalee isaati.
📖2 Qor 4:6 (MACQUL) Waaqayyo isa, Dukkana keessaa ifni haa ifu! jedhetu, beekumsa ulfina isaa isa fuula Kristos irraa mul'atu ifatti baasuudhaaf garaa keenya keessatti nuuf ibse.
➂. Ifti kun duuka buutota Yesus bakka bu'a.
💡Gooftaa Yesus Mat. 5:14 iratti, “Isin ifa biyya lafaa ti, mandarri tulluu gubbaatti ijaarame dhokachuu hin danda'u.”nuun jedhe.
👉 Akkanu ifa taanu kan ni taasise, Kiristoos isa nu keessati. Kanaaf macaafni qulqulluun 2Phex.1:19 irratti, "Ammas dubbiin raajonni dubbatan kun caalchisee nuuf cime; isinis hamma boruun baqaqutti, bakkalchi garaa keessan keessa ibsus hamma ba'utti, dubbii kana akka ibsaa iddoo dukkanaatti ibsutti yaadaan duukaa yoo buutan gaarii gochuu keessan."jedha.
🔊 Har'as sagalee Waaqayyoon, "Mana keerratti, hojii keerratti, barnoota keerrattii, ifni haa ta'u!

Galatomaa.

Ayyaanni Gooftaa keenya Yesus Kiristoos Hundumaa keesan Wajjin haa ta'u🙏🙏🙏

Waaqayyo guddaa isin haa eebbisu eebbifamaa!

Amallee namooni soft copy garaagaraa of harkaa qabdan jaalala gooftaan nuuf qoodaa...!

Obbolootaa/Amantootaa/Duka-Buutota Kiristoos/Ilmaan Waaqayyoo/Qulqulloonni Dhiigaa Kristosiin Bitamtan.
“Baaraa Isinii Hafte Kanaatti Ulfina waaqayyooTif Jiraadhaa”

Jireenyi kee Waaqayyoon haa ulfeessuu!

“Namoonni hojii keessan isa gaarii arganii, abbaa keessan isa waaqa irraaf ulfina akka kennaniif ifni keessan akkuma kanaatti namoota duratti haa ifu!" jedheen.”
— Mat. 5:16
Gochi Keessan Jechi Keessan Ulfina waaqayyoo yo tif Haa Oolu 🙏

“Egaa yoo nyaattan yookiis yoo dhugdan yookiis waanuma hojjettan hundumaa ulfina Waaqayyoof hojjedhaa!”
— 1Qor. 10:31

Ija kee yesus irraa kaa'adhu !

“Nuyi gara wanta ijaan hin argamnee ilaalla amalee, gara wanta ijaan argamuu hin ilaallu; wanti ijaan argamu yeroodhumaaf ta'a, wanti ijaan hin argamne garuu kan bara baraa ti.”
— 2Qor. 4:18

Yesus deebi'ee dhufaa !

"Nama ragaa ijaa namaa dhabe
======================
Yooseef gaafa haadha manaa phooxifaaratin qabamu, haala mijataa sana keessatti cubbuu diduu isaa Ragaa ijaa hin qabu ture garuu ragaa ija waaqaa qaba.
Maalif yooseef namni galaa ta'ee akka garbaatti bitamee mana namaa gale kun affeerraa kana dinqifachuu didee? Yookaan maalif mullata ijoollummaa isaatii qabee himachaa ture kanatti safarachuu didee laata?
Isa cubbuu dideef cubbuu godhe jedhameet ragaadhaan himtame
Ragaadhumaan mana hidhaattis darbatame. Egaa namni hanga Yoseef sadarkaa amaa kana irra ga'utti Lakki dhugaa malee miidhamaa jira jedhee isaaf falmu hin argamnne. As keessatti dhoksaa guddaan wanit Yoseef irraa arginu
1, Ragaa ija namaan dhabe malee ragaa ija waaqaa qaba jedhee amaniitdhaan waan isa mudate hundumaa gammachuudhaan fudhatee obsaa jiraata.
2, Kakuun waaqayyo isaaf gale Ragaa sobaan daangeffamee akka hin afne amanee jiraata.
@ As keessatti gahee Waaqayyoo gaafa ilaallu
1,Yeroo hundumaa wajjin ta'a/Wajjin jira

“Waaqayyo garuu Yoseefii wajjin waan tureef, wanti inni hojjetu wal qixxaateef; inni mana gooftaa isaa nama Gibxii sanaa keessa ture.”
— Uma. 39:2

2,Kakuu isaaf amanamaadha

“Mootiin Gibxii yommus Yoseefiin, "Ani abjuu abju'adheen ture, garuu namni tokko illee anaaf hiikuu hin dandeenye; ati garuu abjuu yoo sitti himan hiikuu in dandeessa jechuu nan dhaga'e" jedhe.”
— Uma. 41:15

3,Dhugaa isaa baasuuf mootii abjuu abjoochise

Kana hundumaa yeroo ta'u Waaqayyo ni arga.

“Kana irratti mootiin Gibxii ergee Yoseefin in waamsise; isaan boolla mana hidhaa sana keessaa ariifachiisanii isa fidan; inni haaddatee, uffata isaas erga diddiirratee, gara mootii Gibxiitti in dhi'aate.”
— Uma. 41:14

Waaqayyu akkuma nama ragaa sobaan danqame yeroo isaa egee baase.

“Ani jireenya koo guutuu Waaqayyoon nan jajadha, hamman jirutti jajuu Waaqayyo koo nan faarfadha!”
Far. 146:2❤️

✓“Waaqayyo tokkicha, inni gidduu dhaabatee Waaqayyoo fi nama walitti fidus tokkicha, inni immoo Kristos Yesus isa nama ta'ee mul'atee dha.”
— 1Xim. 2:5
✓Efe. 4
¯¯¯¯¯¯¯¯¯¯
⁴ Akkuma abdiin waamichaa inni isin itti waamamtan tokkicha ta'e, dhagni tokko, hafuurris tokko;
⁵ gooftaan tokko, amantiin tokko, cuuphaan tokko.
⁶ Waaqayyoo fi abbaan waan hundumaa tokkicha, inni waan hundumaa irra jira, waan hundumaan in hojjeta, iddoo hundumaa jiras.

Galatomaa.

#KARRA ISA DHIPHAA FI KARRA ISA BAL'AA.


✓Mat. 7
¯¯¯¯¯¯¯¯¯¯
¹³ Yesus, "Karra isa dhiphaadhaan ol galaa! Karaan gara badiisaatti geessu boochoo dha, karri isaas bal'aa dha; namoonni ittiin ol galan immoo baay'eedha.
¹⁴ Karaan gara jireenyaatti geessu rakkoo dha, karri isaas dhiphaa dha, namoonni isa argatan muraasa" jedhe.

#Egaa,akkuma Macaafni Qulqulluun dubbatuuf nu barsiisu waaqayyo utuu waaqniif lafti hin uumamiin dura karoora barabaraa isaa keessatti ilmaan namaa fayyisuuf kristoos qopheessee akka ture macaafni Qulqulluun ni dubbata.
✓Efe. 1
¯¯¯¯¯¯¯¯¯¯
⁹ Waaqayyo waan isatti gaarii fakkaate karaa Kristos itti yaadee of dura kaa'atee ture ammas dhoksaan fedha isaa kun nu biratti akka beekamu godhe.
¹⁰ Barri murame yeroo guututti, Waaqayyo akka ittiin fayyisuuf akeeketti, wanta bantii waaqaa keessa, wanta lafa irra jiru, wanta hundumaas harka Kristos jalatti walitti in qaba.
✓ROM 8:28_30"ttis dubbifadhaa👇

🤝Haa ta'u malee,Karoora waaqayyoo fi wixinee inni waaqarratti qopheesse malee Wixineen namni baay'een gaggeessaa seexanaatiin lafarratti qopheesse kan faallaa karooraaf Yaada waaqayyoo ta'e ammoo kontomaaf kitila kumaatama.
#fkf, Waaqayyo gaafa dubbatu dhuguma dhuguman isiniin jedha jedhee jalqaba,Seexanni ammoo gaafa dubbatu dhuguma sobuman isiniin jedha jedhee jalqaba.🤷
🤝Garaagarummaa guddaatu jechoota kana lamaan gidduu jira.#fkf,Waaqayyo dhuguma dhuguman isiniin jedha jedhee yeroo dubbatu,afaansaa Dhugaan baneetu,dhugaadhumaan xumura,seexanni garuu,dhugaadhaan jalqabeetu,sobaanimmoo xumura.

#Kanaafitu,Karaan Dhugaa fakkaatu,amantiin Dhugaa fakkaatu,jireenyi Dhugaa fakkaatu,fayyinni Dhugaa fakkaatu,milkaa'inni Dhugaa fakkaatu,jannati Dhugaa fakkaatu,waaqeffannaan Dhugaa fakkaatu,faarffannaan Dhugaa fakkaatu,Salaatni(Sagadni) Dhugaa fakkaatu,garuu Soba ta'e addunyaa kanarratti lakkoofsisaa tuuta sonaan baay'eedha,macca sammuu dhalootaa danuu booji'ee jilbeenfachiisee itti tabataa jiruudha.Sababnisaa,immoo Dhuguma sobuman isiniin jedha jechuun jalqabeetu seexanni sobaan ammoo xumuree dhaloota joonjessa,jalqabnisaa dhugaadha,xumurrisaa sobaan goolaba.....jechuun namni kan ilaalu,Qola kitaaba Dhugaa jedhu bakkedhaan dubbiseetu,soba keessa guute dhugee machaa'a.🙆

#Kanaaf karaa Dhugaa tokkicha namni baay'een wallaalee fi karaa sobaa baay'ee namni baay'een duukkaa didichu(girrisutu) Jira.
👉Karaa Boochoon ykn bal'aan karaa kristoosiin ala ta'e,karaa seexanaa Fi daandii seexanaati.

#karaan Amantaa tokko tokkoo baay'eedha..#fkf,Abaluunis in fayyama,isa sanaanis Isa kanaanis ni fayyama,....karaan Fayyina isaanii baayyee dha.
#Amantaan tokko tokkommoo ..#Namuma ta'e tokkotu ergamaa of godhee duuka buutota baayyee horatee ,amantaa babal'isuudhaan addunyaa kanarratti beekamee lafa dhuunfata garuu Dhugaan keessa hin jiru.🤷

#Karaa dhiphaan_karaa tokkicha gara jireenya barabaraatti geessuu fi karaa namoota achirra deemuun waaqayyo abbaa biraa isaaniif eyyamameen alatti deemuun nama biraaf hin danda'amneedha.
✓Yoh. 10
¯¯¯¯¯¯¯¯¯¯
⁷ Yesus ammas "Dhuguma, dhuguman isinitti hima, ana balballi hoolotaa!
⁹ Balbalichi ana, inni anaan ol galu in fayya; ol in gala, gadis in ba'a, dheedichas in argata.
²⁷ Hoolonni koo sagalee koo in dhaga'u, ani isaan beeka, isaanis na duukaa in bu'u.

✓Abbaan inni ana erge yoo isa harkisuu dhaabaate, homtinuu gara koo dhufuu hin danda'u; isa gara koo dhufu immoo ani guyyaa isa dhumaatti du'aa nan kaasa.”
— Yoh. 6:44
☝️ Kanaafitu,kan karra(balbala DHIPHAA) kristoos yesus kanaan ol galuu fi gadi Ba'u,nama waaqayyo biraa Isaaf eeyyamameefii nama wangeela kristoos dhaga'ee itti amanu qofaadha.

#Waaqayyo Tokkichadha, waaqayyoof nama gidduu dhaabatee riqaan araaraas tokkicha,innis yesus kristoos Isa nama ta'edha,Barsiisaan Dhugaa tokkichis Hafuurri qulqulluun Jira,Amantiinis tokkicha,cuuphaanis tokkicha,waldaan kristaanaa waliigalaa dhagna yesus taates tokkichadha(universal church).👇

FOON UFFATEE AMALA NAMUMMAATIIN DHUFE.

✍️Dhoksaan foon uffatee dhufuusaa kun:
➊. cubbuu isaa namni foonii hojjete balleessuudhaaf foon uffatee dhufe.
📖 Rom 8:3 “Sababii nama fooniitiif seerri hojii isaa hojjechuu dadhabe, Waaqayyo ilma ofii isaatii ergee, cubbuu isa nama foonii keessaatti farade; ilmi isaa kun foon isa namni cubbamaan uffatu uffatee, cubbuu balleessuu dhufe.”
⓶. Obbolootasaa (ilmaan namaa) fakkaatee fayyisuu waan dhufeef foon uffate.
✍️ Namni tokko kan nama oolchuu danda’u yoo nama sana fakkaatee jireenyasaaarra hirmaate male nama sana oolchuu hin danda’u.
✍️ Ergamoonniif raajionni gaafa dhufan nu fakkaatanii hin dhufne kanaaf nu oolchuu hin dandeenye.

📖 Ibr 2:17 “Kanaafis inni fuula Waaqayyoo duratti angafa lubootaa isa oo'a-qabeessaa fi amanamaa ta'uudhaaf, namoota dhiifamuu cubbuu argachiisuudhaaf, karaa hundumaa obboloota isaa fakkaachuu isa barbaachise.”
❸ Aangoo seexanaa isa biyya lafaa irratti mo’e kana du’asaatiin cabsuudhaaf foon uffatee mul’ate.
📖 Ibr. 2:14 “Ijoollonni kun foonii fi dhiiga akkuma ta'an, inni "Obboloota koo" jedhee isaan waamu kunis akkuma isaanii ta'e; du'a isaatiin Seexana isa humna du'aa qabu balleessuudhaaf nama ta'e.”
✍️Kanaaf nuti kiristaanonni kiristoos nama dhugaa akka ta’e foon uffatee akka dhufe amanna.
✍️ Kanatti kan hin amanne hundinuu hafuura isa dhugaa utuu hin taane Inni morma ykn kiristoosiin mormuu isaati.
✍️ Macaafni qulqulluun yesuus fooniin dhufuusaa amanee kan hin beeksisne hundinuu kan Waaqayyoo miti jedha.
📖1yoh 4:2-3 ² Hafuurri, Yesus Kiristos fooniin dhufuu isaa amanatee beeksisu hundinuu kan Waaqayyoo ti; kanaanis hafuura Waaqayyoo ta'uu isaa in hubattu. ³ Hafuurri akka kanatti Yesusin amanatee hin beeksifne hundinuu garuu, kan Waaqayyoo miti; inni kun hafuura isa Kristosiin mormu, isa isin akka inni dhufu dhageessanii dha. Inni ammumaa biyya lafaa keessa jira.