Christian Living

🔍 Kiristaanummaan yeroo baay’ee jireenya cubbuu hin qabne yookiis jireenya cubbuu irraa of qabuu nutti fakkaata. Kiristaanummaan jireenya yeroo hundaa gara Yesus Kiristoositti guddatuudha.

Cubbuu dhiisuu qofti kiristaana nama hin godhu, garuu erga dhiisneetii gara dhugaa Yesus Kiristoositti guddachuu qabna. Jireenya kiristaanummaa kan ittiin ibsuu dandeenyu.

🗣️ Gal. 2:20 Jireenyi
kiristaanummaa, jireenya anaa fi ati jiraannu utuu hin taane, jireenya Yesus Kiristoos nu keessaan jiraatudha. Jireenya keenya keessatti kan argamu Yesus ta’uu qaba malee kan biraa miti. Jireenyi kiristaanumaa kan Yesus kiristoos itti nu waame, jireenya haalaa fi yeroon hin dangoofne, lolli jiraatus, jireenya mo’ichaa, bu’aa ba’iin jiraatus jireenya gammachuu fi akkasumas jireenya guddummaan Waaqayyo keessati mul’atudha. Kiristaanummaan jireenya nun itti cubbuu irraa of qabuuf yeroo keenya yaadaa fi lolaan balleessaa oollu osoo hin taane, jireenya gara Yesus Kiristoosiin fakkaachuutti guddannudha.

🗣️ 1Qor 11:1 - Har’a, kiristaanummaan, Waldaa dhaquudhaan kan daanga’uu fi tajaajilaan kan murteeffamu ta’ee mul’ata. Garuu kiristaanummaan jireenya dhuunfaa, kan namni tokkoo fi Waaqayyo itti wal beekanidha. Kana jechuunis, kiristaanni tokko kiristaana ofiin jechuu kan danda’u hariiroo inni qofaa isaatti Waaqayyoo wajjiin qabuunidha. Kun immoo waldaa dhaquu qofaan yookaan immoo tajaajilaan kan argamu miti. Kiristaanummaan Hariiroo amanaan tokko qofaa isaatti Waaqayyoo wajjiin qabaatee jiraatudha.

🗣️ Mul. 3:20 Kiristaanummaan jireenya Hafuura Qulqulluun , gara fakkaattii Yesus Kiristoositti guddachuuti. Gara isa Kara isa waan hundumtuu guutuu ta'etii ha guddanuu

🌐 Christian Living

Oh my God hear my voice 🙏

Macaafa Fakkeenyaa 3:1-10

1 Yaa ilma ko, gorsa koo hin irraanfatin, abboommota koos yaadatti qabadhu!
2 Isaan guyyoota baay'ee fi waggoota baay'ee, nagaatti jiraachuus siif in dabalu.
3 Gaarummaa fi amanamummaan sittii hin fagaatin! Morma keetti isaan hidhadhu, gabatee garaa keettis isaan caaffadhu!
4 Yommus ati Waaqayyo duratti, nama durattis maqaa gaarii in argatta, faara tolaadhaanis in ilaalamta.
5 Garaa kee guutuu Waaqayyoon amanadhu, hubannaa ofii keetiitti hin hirkatin!
6 Karaa kee hundumaatti isa yaadi, innis daandii kee siif in qajeelcha.
7 Ani ogummaa qaba ofiin hin jedhin; Waaqayyoon sodaadhu, wanta hamaattiis fagaadhu!
8 Kun fayyaa dhagna keetiif, cimina lafee keetiifis in ta'a.
9 Qabeenya keetiin, ija midhaan keetii hundumaa keessaa isa duraatiinis, Waaqayyoof ulfina kenni!
10 Yommus midhaan gombisaa kee in guuta, daadhiin waynii kee inni haaraanis guutee iddoo cuunfaa waynii kee irra in dhangala'a.

Sagalee Kana Yaadaa Guyyaa Ulfinni Waaqayyoo Irratti Mul'atu akka qabaattan nan amana! Oolmaa Gaarii

🌐 Christian Living

Nama mootiin ulfina kennuufii jaallatuuf maaltu godhama?
----
Nama mootiin ulfina kennuufii jaallatuuf:
1, Uffanni mootummaa inni mootichi uffatu.
2, Fardi inni mootichi yaabbatu.
3, Gonfoon mootummaa inni mataa fardichaatti kaa'amu haa dhi'eeffaman !

yommus mootichi ariifadhuu akkuma jette, uffaticha, fardichas, fudhitii yihudicha isa karra kella mana mootummaa kooti duura jiru sanaaf akkuma jette godhi. Wanta dubbatte hundumaa keessaas tokko illee duraa hin hir'isiin jedhe haamaanitti in dubbate kana irratti haamaan uffatuchaa fi fardicha fidee, uffatuchaa mordekaayitti uffisee, Karaa mandaratti isa bekama irra adeemsisee, fuula isaa dura bu'ees,"kunoo nama mootiin ulfina kennuufii jaallatuuf kanatu godhama jedhee in labse (Asteer 6:6-11)
Haamaan kan yaade ture anaa malee kan mootitii dhiyatu hin jiru jedhe ulfinnichi anaafi se'ee ulfina kana hunduma dubbate, garuu mootichi dubbii galagalchee yihudicha balbala dura jiruuf godhi jedhee isayyuu kan nama dhibu tokko keessaa hin hir'isin jedhee waanuma mootichi itti hime hunda Mordekaayiif in godhe.
Halleluyyaa 🙏

Obbolessa koo obboleettii koo Waaqayyoo waa'ee keetif dubbii galagalchee
* du'a kee jireenyatti
* gadda kee gammachuutti
* salphina kee ulfinatti
* ari'atama kee kabajatti
* boo'icha kee kolfatti
  
siif jijjiira Waaqayyo inni waa'ee keef calluma hin jenne! Ameeeeen jedhii fudhadhu! 🙏

🌐 Christian Living

“Borofni akkuma bishaan yaa'u argachuu yaadu, lubbuun koos akkasuma si yaaddi, yaa Waaqayyo!”
— Far. 42:1
Borofni burqaa bishaanii irraa fagaatee jiraachuu hin danda'u. Innis sababoota gurguddoo lamaaf.
1) ammaa amma waan dheebotuuf. Dheebuun sana bahuuf yeroo hundumaa burqaa bishaanii bira jiraachuu qaba. Daawwit waa'ee waaqayyoo gaafa ibsu lubbuun koo akkasitti si dheebotti jedha. Waaqayyoon waaqeffachuun akkasiidha. Yeroo hundumaa isa yaaduufi dheebochuudha.
2) qaama ishee keessaa xuriin bahu baayyee waan xiraa'uuf, kunimmoo bineensoti biroon foolii fuudhanii dhufanii waan isa nyaataniif yeroo hundumaa burqaa bishaaniitti dhiqachuu qaba. Wanti dhaqna keenya isa moofaa, jechuun addaamummaa keenya isa duraa keessaa bahu baayyee foolii gadhee qaba ture. Humni dhiiga kristoos garuu waan hundumaarraa, foolii badaa hundumaarraa, cubbuu hundumaarraa qulqulleessuuf ga'aa waan taheef nuyi yeroo hundumaa dhiiga kristoos irraa fagaachuu hin qabnu.

Ayyaanni waaqayyoo isiniif haa baayyatu!

🌐 Christian Living

DHUGAA.

Namicha qoraan baddaadhaa cabsaa gurguru tokkotuu Jira.
Guyyaa tokko osoo inni qoraan cabsaa jiru. gurbaan tokko diinota isaa Jalaa dheessaa fiiigaa isatti dhufe. Maaloo qoraan walitti qabde kana jalatti na dhoksi. Diinonni kiyya duuba kiyyaan na hordofanii dhufaa jiru jedheen. Tole rakkoo hinqabuu Jala seeniitii dhokadhu jedheen. gurbaanis qoraan kana Jalatti ni dhokate.

Erga inni dhokateen booda diinonni gurbaa duubaan ari'aa jiran suni. dhufanii namicha qoraan cabsu kanaan gurbaa bifiti isaa akkanaa. uffanni isaa kan akkasii. karaa kana darbee Jira argitee jirtaa jedhanii gaafatan. namichis. eeyyen argee jira. qoraan kana keessatti isa dhokse. Achi keessa barbaadaa ni argitan jedheen. Gurbaan dhokatee jiru Kuni waan namichi diinota isaa kanaan jedhu ni dhagaha. baayyee rifate. Baay'ee sodaates. Sana booda diinonni kuni waliin haasahanii. namichi Abbaan qoraanii kuni nu sobaa Jira. Gurbaan qoraan kana jala hinjiru. Yaanni isaa hanga nuti qoraan akkanatti heddummaatu kana jala isa barbaannutti. Gurbaan nujalaa dheessee akka fagaatuufi jedhanii qoraan kana Jala gurbaa barbaaduu dhiisanii. karuma dura irra fiigaa turan irra gurbaa barbaaduuf fiigicha isaanii itti fufan.
Yeroo diinonni achi fagaatan. Guraban qoraan san jalaa miira sodaatiin olbahee. namicha abbaa qoraanii isa dhokse sanaan. akkamitti ofuma keetii na dhoksitee akka ani as jala jiru itti himta. Fayyaa hin qabduu. Maaliif akkanatti garaa jabaatta. Xiqqumallee hin yaadduu jedhee miira aariitiin dubbate. Namichi Abbaan qoraanii Kunis tasgabbiidhaan yaa mucaa kiyya na dhagahi jedheen.

Sobni yoomuu nama hin baasu. Dhugaa Osoo ani hardha sobee jarri kuni qoraan kana Jala si barbaadanii si arganii si ajjeesan ture jedheen. Amma karaa nagaa deemi. yoomuu dhugaa malee hin dubbatin. Dhugaan rakkoo hunda jalaa nagaa si baasa. Namoonni hedduun sobni waan rakkoo jalaa nama baasu isaanitti fakkaata. Garuu akkasii miti dhugaan jalqaba irratti ni hadhoofti dhumti ishii garuu mi'ooftuu akka dammaati. Rakkoo feete keessa yoo jiraatteyyuu dhugaa dubbadhu jedheen. Seenaa kanarraa gorsa bareedaa argattan jedhee yaada.