ከኖረ ሰው እኩል
ምነው መጣ ሞት
አንተን ሲወስድህ
ይህ እኮ ነው አግርሞት
ቀመሱልህ ንፍሮ
በሉልህ ጣፍጧቸው
ነብስ ይማር ይላሉ
የሞትኩት እኔ ምን ተዳቸው
አቤሌ ተንገበገብኩልህ
እናትህ ተቃጠልኩ
እንዲህ እንደዘበት የመሄድህን ነገር
እኔ በምን አሰብኩ
መች ሰለቸኝ ልጄ እድሜ ልኬን ብሆን
ከእናት አልፎ ባሪያ
ምነው ባስታመምኩህ ከማጣህ በሞቴ
ከአይኖቼ ዙሪያ
ልጄ ሆይ በጡቶቼ አድባር
እንደው ልለምንህ
ቀና በል ተነሳ አለኝ የምነግርህ
እንደው እግዜሩ ሆይ
ማነው ያማከረህ
የኔን ብላቴና በየትኛው አይንህ
ኧረ ማን አሳየህ
መቼ ጠገበ እንደባልጀራ
እሮጦ ሳይጨርስ
እንዲህ ለመሆን
መፈጠር ቢቀርስ

አቤሌ ስማኝ እንጂ ልጄ በል ተነስ ተነስ ተነስ.........

✍️የአብ........