Super Boost-up/Beleqet Acad.

ለአሸናፊነት ታመኑ!
፨፨፨፨//////፨፨፨፨
ፀጋችሁ ምንድነው? ምን አይነት ስጦታ አላችሁ? በየትኛው መንገድ ላይ ናችሁ? ምንስ ጀምራችኋል? እምነታችሁስ በምን ተፈትኗል? ምርጫውን ጠንቅቆ የመረጠ ሰው፣ አንድን ነገር ለማሳካት የሚተጋ ሰው፣ ከብዙ ሰው በተለየ መንገድ የሚጓዝ ሰው፣ የዛሬን ችግር ሳይሆን የነገን ድልና አሸናፊነት የሚመለከት ሰው በዋናነት ሊፈተን የሚችለው በእምነቱ ነው። ከጅማሬው ማግስት ብዙ ፈተናዎች ከፊቱ ይደቀናሉ፣ ልክ እንደጀመረ በብዙ ተስፋ አስቆራጭ ክስተቶች የሞላል፣ ነገሮች ባሰበው መንገድ አልሔድ ሲሉት ይመለከታል፣ የተማመነባቸው ሰዎች ሲሸሹ፣ የቀደመ ተነሳሽነቱም ሲቀንስ ያስተውላል። በዚህ ሁሉ ፈታኝ ሁነት ውስጥ ሆኖም ግን በጥረቱ የሚያምን፣ በፈጣሪውና በራሱ የሚተማመን ከሆነ ዝናቡ እስኪያባራ ጥላውን ይዞም ሆነ በዝናብ እየተመታ እስኪያባራ ይታገሳል፣ ሁሉም ነገር እስኪስተካከል ይፀናል። አሸናፊነት የመጨረሻ መዳረሻው ይሆን ዘንድ መክፈል ያለበትን ዋጋ ሁሉ ይከፍላል። ዛሬ ላይ ሆናችሁ ወደፊት ትልቅ ነገር እንደሚታያችሁ ካመናችሁ በምንም መንገድ ያንን ያያችሁትን ነገር በእጃችሁ ሳታስገቡ ጥረታችሁን እንዳታቆሙ።

አዎ! ለአሸናፊነት ታመኑ! ለድል አድራጊነት ያላችሁን ሁሉ ስጡ፣ ለምትመኙት ህይወት ራሳችሁን መስዋዕት አድርጉ። ከጀመራችሁ ጨርሱ፣ ካልጨረሳችሁ አትጀምሩ። አንድ ነገር ይስራ አይስራ፣ ለእናንተ ይሁን አይሁን፣ ይጥቀማችሁ አይጥቀማችሁ፣ ፍላጎታችሁ ይሁን አይሁን ከመጀመራችሁ በፊት ለማወቅ ሞክሩ። ከጀመራችሁም ቦሃላ ቢሆን ረጅም ርቀት ሳትጓዙ በጊዜ ወስኑ፣ ለውሳኔያችሁም ታመኑ። በህይወታችሁ ውስጥ እየተከናወነ ላለ የትኛውም ነገር ማንንም አትውቀሱ። ጥሩ ሰዎች ደስታን ይሰጧችኋል መጥፎ ሰዎች ጥሩ የህይወት ትምህርት ያስተምሯችኋል። ለማንም ብላችሁ የጀመራችሁትን የታላቅነት ጉዞ ለማቆም እንዳታስቡ። ህይወት መቆም ውስጥ የለችም፣ ህይወት ከተስፋ መቁረጥ ጋር ህብረት የላትም፣ ህይወት ያለፈ ታሪክን ከመኖር ጋር ምንም አያገናኛትም። ወደፊት መጓዝ ካለባችሁ የዛሬ ችግራችሁን ዋጥ አድርጉት፣ የዛሬ ህይወታችሁን ታሪክ ማድረግ ከፈለጋችሁ በራሳችሁ ላይ ጨክኑ፣ በህመማችሁ ላይ ተረማመዱ፣ ችግራችሁን ወደ አድል ቀይሩት፣ የግል ዓለማችሁን ከየትኛውም ጥፋት ተከላከሉት።

አዎ! ጀግናዬ..! በብዙ እንቅፋቶች ተከበሃል፣ ብዙ ችግሮች አሉብህ፣ አጣብቂኝ መሃል ያለህ ይመስልሃል። በፈጣሪህም ሆነ በራስህ ላይ እምነት እንዳለህ ስታስብ ግን ከሁሉም መሃል የመውጣት አቅሙ እንዳለህ ታስታውሳለህ። ጫወታው ተጀምሯል የእረፍት ሰዓት ሳይደርስ ወይም የጫወታው መጠናቀቂያ ፊሽካ ሳይነፋ ማቆም አትችልም። ህመም ድካም፣ ፈተና ተስፋ መቁረጥ፣ ውድቀት ፍረሃት፣ መገለል መበደል ሁሉ በየመንገዱ ከፊትህ ይደቀናሉ። ጥለሃቸው የማለፍ ሃላፊነት አለብህ። ብዙ ውድቀትህን በጉጉት የሚጠብቁ ሰዎች አሉ፣ ብዙ እንቅፋት ሊሆኑህ የሚጥሩ ሰዎች አሉ። አንተ ግን ትርዒቱን እስከመጨረሻው እንዲመለከቱ አድርግ፣ ስታሸንፍ በአይናቸው እንዲያዩ ጋብዛቸው። እያየሃቸው አትውደቅ፣ በቆፈሩልህ ጉድጓድ ውስጥ አትግባ። ቀና ብለህ ተራመድ፣ ዙሪያህን በሚገባ ቃኝ። ብዙ ጠላት ቢኖርብህም ስኬትና አሸናፊነት ወዳጆችህ እንደሆኑ በእጅህ አስገብተሃቸው አሳይ። ለራስህ የተናገርከውን የአሸናፊነት ቃል አስታውስ። እርሱንም በተግባር ፈፅመሀው ተገኝ።

ውብ ደማቅ ቀን ይሁንልን! 🏞🌞🌅


በየቀኑ ጠቃሚ መልእክቶችን፣ መጽሐፍት ፒዲኤፍ፣ በነፃ የምታገኟቸው አሪፍ የኮምፒውተር ሶፍትዌሮች፣ የቢዝነስ ሃሳቦች እና የገንዘብና የተለያዩ ሽልማቶችን ለማግኘት ገጾቻችንን ይቀላቀሉ።                                                                                                                        
📱ቴሌግራም👉 @Beleqe_boostup
📱ፌስቡክ ገጽ👉 https://SuperBoostUp
📱ዌብሳይት 👉 https://superboostup.com/                    
📱ቲክቶክ👉 tiktok.com/@superboostup

አትጠብቅ!
፨፨/////፨፨
ሁሌም በእጅህ ያለ ነገር ቢኖር ያለመቀየርና ያለማደግ አማራጭ ነው። ጊዜው ይሒድ፣ እድሜህ ይግፋ፣ የምትበላው አይኑር፣ የሚረዳህ ይጥፋ፣ ችግር ይደራረበብህ ይህን ሁሉ ተላምደህ መኖር ትችላለህ። ይህን አስታውስ "ችግሮቼ መፈናፈኚያ ካሳጡኝ፣ ድህነቴ ከከፋብኝ፣ ተቀባይነት ካላገኘው፣ በእራስ መተማመኔ ካልተሻሻለ፣ ፍረሃቴ አልተውም ካለኝ ለመቀየር እሞክራለሁ" ካልክ ያለመቀየር አማራጭህን እይደገፍክ ነው። ፈልገህ የምትኖረው ህይወት እንጂ ተፈልገህ የሚሰጥህ ህይወት የለህም። ወደድክም ጠላህም የውድቀትህና የበታችነትህ ምክንያት አንተ ነህ። ብዙ ምክንያት ልትደረድር ትችላለህ፤ ብዙ ነገሮች እንዳልተመቹህ ልታወራ ትችላለህ፣ እውነታው ግን ከዛ በላይ አሳማኝ ነው። ሸፋፍነህ የምታመልጠው እውነታ፣ እያሳበብክ የምትሸውደው ሃቅ ፈፅሞ አይኖርም። ከማያልቀው ምኞትህ ጋር መወዳጀት፣ ከማይሰለችህ ፍላጎትህ ጋር መዛመድ መብትህ ነው። እርሱን እውን ለማድረግና ለመኖር የምታስበውን ጊዜ ግን በሚገባ አስበው።

አዎ! ጀግናዬ..! አትጠብቅ! የከፋ ጊዜ ይመጣል፣ ችግሬ ይቀሰቅሰኛል፤ ማጣቴ ያነቃኛል፤ መገፋቴ ያነሳሳኛል ብለህ አታስብ። አሁን ካለህበት የህይወት መንገድ በተሻለ ለለውጥና እድገትህ አመቺ ጊዜ አይመጣም። የምትጠብቀው ሁሉ አሁን እየሆነ እንዳለ አስተውል። ከአሁን ውጪ የሚሆን ምንም ነገር የለም። የምትጨነቀው አሁን ነው፤ ሃሳብ የሚመጣልህ፣ ነገሮችን የምታመዛዝነው፣ አማራጮችን የምትመለከተው፣ ዙሪያህን የምታስተውለው አሁን ነው። ተግባርህም በዚው ቅፅበት ቢጀመር ምን የሚፈጠር ይመስልሃል? ሃሳብ ውስጥ የነበረው አዕምሮህ ያርፋል፤ በእራስመተማመንህ ይመጣል፤ በትንሿ እርምጃህ ምክንያት ደስታ ይሰማሃል፤ ሙሉ ሰውነትህ ሲረጋጋ ትመለከታለህ፤ ትልቁ አቅምህ ምን እንደሆነ ይገባሃል፤ ብሩህ ወደፊት በግልፅ ይታይሃል፤ የሚሆን የመሰሉህ ነገሮች ሲሆኑ ትመለከታቸዋለህ።

አዎ! መኖር ወደፊት ነው፤ ህይወት ወደፊት ነች። ወደፊትም አሁን ይጀምራል። የተኖረው አልፏል ያልተኖረውም ገና ነው፤ ዋንኛው ኑሮም ከአሁን የሚጀምረውና ወደፊት የሚቀጥለው ህይወት ነው። አምላክ ከአሁን የተሻለ ድንቅ ስጦታ ሊሰጥህ አይችልም። አሁን ደህና ነህ፤ ውስጥህ ሰላም አለ፤ በህይወት አለህ፤ በዙራያህ የምትወዳቸውና የሚወዱህ፣ የምታስብላቸውና የሚያስቡልህ ውድ ሰዎች አሉ፤ የምትፈልገውን አይነት ህይወትም መኖር መጀመር ትችላለህ። ካሉህ ብዙ ነገሮች አሁን ያለህበት ቅፅበት ከሁሉም እንደሚልቅ አስተውል። መኖር አሁንን ነው። የምትጠብቀው ነገር በሙሉ ሃሳባዊ ነው፤ ወደፊት የሚታይህ ነገር በሙሉ ምናባዊ ነው። አሁን የቻልከውን ለማድረግ ሌላ ተጨማሪ አሁንን አትጠበቅ፤ እጅህ ላይ ያለውን ውድ ጊዜ ተተቀም። ለለውጥህ ክፉውም ሆነ ደጉ ጊዜ አሁን ሃሳቡ የመጣልህ ሰዓት ነውና ረጅሙን ጉዞህን አሁኑኑ ሀ ብለህ ጀምር።

ውብ ምሽት ይሁንልን! 🌘🌒💫✨



በየቀኑ ጠቃሚ መልእክቶችን፣ መጽሐፍት ፒዲኤፍ፣ በነፃ የምታገኟቸው አሪፍ የኮምፒውተር ሶፍትዌሮች፣ የቢዝነስ ሃሳቦች እና የገንዘብና የተለያዩ ሽልማቶችን ለማግኘት ገጾቻችንን ይቀላቀሉ።                                                                                                                        
📱ቴሌግራም👉 @Beleqe_boostup
📱ፌስቡክ ገጽ👉 https://SuperBoostUp
📱ዌብሳይት 👉 https://superboostup.com/                    
📱ቲክቶክ👉 tiktok.com/@superboostup

ከ97% ራቁ!
፨፨፨///፨፨፨
"ስለራሴ አውቃለሁ፣ የሚበጀኝን ማንም እንዲነግረኝ አልፈልግም፣ የተሻለ ነገር ይገባኛል፣ ስኬት ምርጫዬ ነው፣ እድገት እጣፋንታዬ ነው፣ ደስታ መገለጫዬ ነው፣ ከኖርኩ መኖር ያለብኝ በፍቅርና በመትረፍረፍ ነው" ካላችሁ አሁኑኑ ምንም ጊዜ ሳታጠፉ ከ97% የዓለማችን ህዝብ ራቁ፣ ራሳችሁን ከነርሱ ነጥሉ፣ እነርሱ እንደሚያወሩት አታውሩ፣ እነርሱ የሚውሉበት ቦታ አትዋሉ፣ እነርሱ እንደሚመገቡት አትመገቡ፣ እነርሱ የሚሔዱበት ቦታ አትሒዱ፣ እነርሱ የሚያስቡትን አታስቡ በአጠቃላለይ አነርሱ እንደሚኖሩት አትኑሩ። የዓለማችን 3% ሰው ፍሬ ያለው ነገር ለማምጣት ያለመታከት ይለፋል፣ ሌት ከቀን ይጥራል፣ ያለውን እውቀት አንጠፍጥፎ ይጠቀማል፣ በተሰጠው ጥበብ ለማትረፍ ይሞክራል። ቀሪው 97% ግን 3% ያመጣውን ውጤት ለመጠቀም ይሽቀዳደማል፣ 3% የፈጠረውን ፈጠራ ለመግዛት ይጥራል፣ 3% ያፈራውን ፍሬ ለመብላት ራሱን ያዘጋጃል። በተለመደው መንገድ ለመኖር ማንም አይቸገርም፣ ብዙዎች የሚያደርጉትን ደጋግሞ ማድረግ ለማንም ከባድ አይደለም። የአብዛኛውን ሰውን ህይወት አይቶ መድገም ጥበብም ሆነ የተለየ እውቀት አያስፈልገውም። እውቀትና ጥበብ የሚሻው የራስን ነገር ይዞ ተለይቶ መውጣት ነው።

አዎ! ከ97% ራቁ! በእርግጥ ከ97% የዓለም ህዝብ መራቅ ማለት ለብቻ እንደመሆን ይቆጠራል። ምክንያቱም የተቀሩትን 3% የዓለም ህዝብ በቀላሉ በአካባቢያችን ማግኘት ስለማንችል። ስለዚህ ከሚመርዛችሁ መንጋ መራቃችሁ ለብቸኝነት ቢያጋልጣችሁም ራሳችሁን ለማዳን ግን ሌላ አማራጭ የላችሁም። የራሳችሁን የግል ህይወት ጀምሩ፣ ለራሳችሁ የግል ዓላማ ታመኑ፣ የገዛ ፍላጎታችሁን አስቀድሙ፣ ለነፃነታችሁ ዋጋ ለመክፈል ተዘጋጁ፣ ቋንቋችሁን ቀይሩ፣ አስተሳሰባችሁን ቀይሩ፣ ድርጊታችሁን ቀይሩ። ለውጥ ላይ የማያባራ አብዮት አስነሱበት። ህይወታችሁን እንዴት እየኖራችሁ እንደሆነ ቆም ብላችሁ ተመልከቱ፣ ወዴት እየሔዳችሁ እንደሆነ አስተውሉ፣ የትኛውን መንገድ እንደመረጣችሁ መርምሩ። በስንፍና የተያዘውን ስፍራ ለጠንክሮ መስራት ስጡ፣ ስሜታዊ በመሆን ፋንታ ራሳችሁን ግዙ፣ ሰውን ከመለመን ፈጣሪን ለምኑ፣ ባላችሁ ጥቂት ነገር ከመመካት በአምላክ ተመኩ፣ እወቀታችሁን ከማውራት ኖራችሁት አሳዩ፣ ቀደም ከደም ከማለት ከኋላ አድፍጣችሁ ስራችሁን በአግባቡ ስሩ።

አዎ! ጀግናዬ..! ብዙ ሰው የሚጓዝበት መንገድ ትክክለኛ መንገድ ሳይሆን ቀላል መንገድ ነው፤ ብዙ ሰው የሚሰራው ስራ ትልቅ ውጤት የሚያመጣ ሳይሆን የተለመደ ስራ ነው። ልዩነት ለመፍጠር ተለይቶ መውጣት አማራጭ የሌለው ብቸኛ አማራጭ ነው። ማንም ሊቀበለው ወይም ላይቀበለው ይችላል እውነታው ግን አንድ ነው "ዋጋ የማያስከፍል ስኬት የለም። ብዙዎች ዋጋ መክፈል አይፈልጉም ነገር ግን ስኬታማ መሆን ይፈልጋሉ፣ ብዙዎች መነሳት አይፈልጉም ነገር ግን የከፍታው ጫፍ ላይ መቀመጥ ይፈልጋሉ። ለዚህ ነው ከብዙ ሰው መለየት ያለብህ። ጥቃቅን ራስን የመግዛት እርምጃዎች ማንም ያላያቸውን ከፍታዎች ያሳዩሃል፣ ትንንሽ የውጤታማ ልማዶች ክንውን በሂደት ተፅዕኖ ፈጣሪ ያደርጉሃል። ምንም የምታማርረው ነገር የለም አሁን የምትኖረውን ህይወት መርጠሀው እየኖርክ ነው። መኖር የምትፈልገውን የተለየ ህይወትም እንዲሁ መርጠሀው፣ ዋጋ ከፍለህለት፣ ራስህን ሰጥተሀው መኖር ትችላለህ። ካለህበት የማያሳድግህ መዓቀፍ ውጣ፣ ራስህንም ገንባ።
ግሩም ድንቅ ቀን ይሁንልን! 🏞🌞🌅

በየቀኑ ጠቃሚ መልእክቶችን፣ መጽሐፍት ፒዲኤፍ፣ በነፃ የምታገኟቸው አሪፍ የኮምፒውተር ሶፍትዌሮች፣ የቢዝነስ ሃሳቦች እና የገንዘብና የተለያዩ ሽልማቶችን ለማግኘት ገጾቻችንን ይቀላቀሉ።                                                                                                                        
📱ቴሌግራም👉 @Beleqe_boostup
📱ፌስቡክ ገጽ👉 https://SuperBoostUp
📱ዌብሳይት 👉 https://superboostup.com/                    
📱ቲክቶክ👉 tiktok.com/@superboostup

ተረተሃልና እመን!
፨፨፨/////////፨፨፨
እርሱ ሳያውቅህ አንተ ካወከው፣ እርሱ በግል ስላንተ ሳያወራ አንተ ደጋግመህ ስለእርሱ ካወራህ፣ እርሱ ስለመኖርህ እንኳን መረጃ ሳይኖረው አንተ የቀን ውሎውን ሁሉ የምታውቅ ከሆነ፣ እርሱ ሰዎች አፍ ውስጥ ገብቶ እርሱን እየተጋፈጠ አንተ ግን በዙሪያህ ካሉ ሰዎች በቀር ስላንተ የሚያወራ ሰው ከሌለ አንድ እውነት መቀበል ይኖርብሃል። He is doing something especial. ምንም ሊሆን ይችላል ነገር ግን ካንተ ደረጃ ከፍ የሚያደርገው፣ በመሃከላችሁ ሰፊ ርቀትን የሚፈጥር፣ ልዩነታችሁን በብዙ የሚያሰፋ አንድ የተለየ ክንውን በመሃከላችሁ እንዳለ አስተውል። ያንተ አስተያየት ተፅዕኖ መፍጠር ካልቻለ፣ ንግግርህ ብዙዎች ጋር ካልደረሰ፣ የት እንዳለህ check የሚያደርግህ ሰው በሌለበት ሁኔታ ውስጥ ሆነህ አንተ ተኝተህ እርሱ ሲሰራ የነበረን ሰው የመስደብ፣ የመተቸትና የመናቅ መብቱ አይደለም ሞራሊተው አይኖርህም።

አዎ! ጀግናዬ...! ተረተሃልና እመን፤ መሬት ላይ ባለ በሚታይ ውጤት ተሸንፈሃልና ተቀበለው፤ ምንም ሌላ ትንተናና ሃተታ ሳያስፈልግህ እውነታው ከፊትህ ተቀምጧልና አይተህ እንዳላየ አትሁን፤ ዋጋውንም አታሳንስ። የሰው ትልቁ ውበቱ ፍቅሩ ነው፤ እርስ በእርሱ መደጋገፉ፣ እርስ በእርስ መተሳሰቡና አብሮ ማደጉ ነው። ቅናት እጅግ ክፉ ነች። የአመፃም የበኩር ልጅ ነች። በወንድምህ ስኬት አይንህ ከቀላ፣ በእድገቱ ከተበሳጨህ፣ በመቀየሩ ከተናደድክ አንተ እራስህ እራስህን ካልረዳህ ማንም ሰው ሊረዳህ እንደማይችል እወቅ። ህመማችን ከውጪ ከመጣብን እራሳችንን በመመልከት የመታከሙ ድርሻ የእራሳችን ነው። ማንኛውም ሰው የሚያምንበት የህይወት መርህ አለው፤ ከልቡ የሚቀበለውና የሚመራበት ፅኑ ህግ አለው። የሁላችንም የህይወት መርህ፣ የምንጓዝበት አቅጣጫና የምንቀበለው አመክንዮ አንድ መሆን አይጠበቅበትም።

አዎ! አንተ ካልወደድከው ስህተት፣ አንተ ከወደድከው ደግሞ እውነት የሚሆን አስተምህሮ የለም። እውነታ ባንተ ሳይሆን በእግዚአብሔር ህግ የሚታወቅ ነው። አልችልም ማለትህን ለእራስህ እንደ እውነት ልትቀበለው ትችላለህ፤ በሌላው ዘንድ ግን አለመቻል እውነታ ሊሆን አይችልም። ከሁሉ ከሁሉ የወንድምህ እንቅፋት ከመሆን፣ በቅናት ከመታወር፣ በጭፍን ጥላቻም ከመታሰር እራስህን ጠብቅ። አንዳንድ ነገሮች ስንሰማቸው ላይመቹን ይችላሉ ነገር ግን እውነት መሆናቸውን ልንቀይረው አንችልም። በተቻለህ መጠን አስተሳሰብህን ከጥላቻ የፀዳ፣ ከቅናት የራቀና አሉታዊነትን አብዝቶ የሚጠየፍ አድርገው። በፍቅር፣ በአዎንታዊነትና በደስታ ህይወትህን ሙሉና አጓጉዊ አድርጋት።



በየቀኑ ጠቃሚ መልእክቶችን፣ መጽሐፍት ፒዲኤፍ፣ በነፃ የምታገኟቸው አሪፍ የኮምፒውተር ሶፍትዌሮች፣ የቢዝነስ ሃሳቦች እና የገንዘብና የተለያዩ ሽልማቶችን ለማግኘት ገጾቻችንን ይቀላቀሉ።                                                                                                                        
📱ቴሌግራም👉 @Beleqe_boostup
📱ፌስቡክ ገጽ👉 https://SuperBoostUp
📱ዌብሳይት 👉 https://superboostup.com/                    
📱ቲክቶክ👉 tiktok.com/@superboostup

አልፎካከርም!

ከራስ ጋር ንግግር፦ "ብርቱ ስራ አለብኝ፣ ፋታ የማይሰጥ፣ እንቅልፍ የማያስተኛ፣ ስንፍናን የማይቀበል፣ ለተስፋ መቁረጥ ቦታ የሌለው ብርቱ ስራ አለብኝ።

ስራዬን እወደዋለሁ ለዛም ነው ፈጣሪዬ ሁሌም ከጎኔ ሆኖ እንዲያበረታኝ የምማፀነው። አቅም እንዳለኝ አውቃለሁ፣ ጠንካራ እንደሆንኩ አውቃለሁ፣ የተሰጠኝ ፀጋ ብዙ እንደሆነ አውቃለሁ ነገር ግን ዛሬም ቢሆን የምመካው በተሰጠኝ ነገር ሳይሆን በሰጠኝ አምላኬ ነው። በእርሱ ተመክቼ አፍሬ አላውቅም፣ እርሱን ተማምኜ አንገት ደፍቼ አላውቅም፣ እርሱን አስቀድሜ ወድቄ አላውቅም።

በገለጠልኝ መጠን የፈጠረኝን አውቀዋለሁ፣ የሰጠኝን ቦታ አውቀዋለሁ ለዚህም ነው የማልፎካከረው፣ ለዚህም ከማንም ጋር እራሴን የማላነፃፅረው። እራሴን ከመናቅ በላይ የፈጠረኝን መናቅ አልፈልግም፣ እራሴን ከማዋረድ በላይ ወደ ምድር ያመጣኝን ማዋረድ አልፈልግም። ሌላ ትልቅ ስራ ሰርቼ አምላኬን ባላኮራውም በፍፁም ግን እንዲያፍርብኝ የሚያደርገውን ተግባር አልፈፅምም። ራስን የመሆን ስራ ስጥቶኛልና ሁሌም ቢሆን ራሴን ለመሆን መስራቴን እቀጥላለሁ።

አዎ! አልፎካከርም! ዋጋዬን የሚያሳንስ ተግባር ላይ አልሳተፍም፣ የሚያስንቀኝን ስራ በፍፁም አልሰራም። እኔ ክብሬን ስጠብቅ፣ እኔ ራሴን ስሆን፣ እኔ ራሴን ሳሻሽል፣ በተሰጠኝ መክሊት ፍሬ ሳፈራ የሚከብርብኝ ፈጣሪ አለኝ፤ ሌላ በረከትን የሚያድለኝ አምላክ አለኝ።

ሁሌም ቢሆን ፉክክሩ እኔና እኔ መሃል እንደሆነ ገብቶኛል። ራሴን ማሸነፍ ዋንኛው አጀንዳዬ ነው፤ ከትናንቴ ተሽሎ መገኘት ትልቁ ተልዕኮዬ ነው። እግዚአብሔርን ያወቅኩት ከሰው ለመሻል፣ ሰውን ለመብለጥ ስጥር ሳይሆን ከራሴ ለመሻል ስሞክርና ራሴን በማሻሻል ጉዞዬ ውስጥ ነው። ለአንድ ሌላ ሰው የተሰራን መነፅር ልጠቀም ብል ምናልባትም ማየት የምፈልገውን ነገር ለእርሱ እንደሚያሳየው በጥራት ላያሳየኝ ይችላል። ምክንያቱም መነፅሩ የተሰራው ለርሱ እንጂ ለእኔ ስላልሆነ። የሰው የሆነን ነገር መመኘቴም ከዚህ የተለየ ትርፍ እንደማይሰጠኝ ገብቶኛል። የሰው ነገር የሰው ነው። የእራሴን ጥዬ የሰውን ነገር ለማንሳት አልጥርም። የሌሎች ስኬት እኔን እንዲያሳንሰኝ አልፈቅድም። የነርሱ መንገድ የራሳቸው ነው፣ የእኔም መንገድ የእራሴ ነው።"

አዎ! ጀግናዬ..! ሰው እንዲንቅህ እንደማትፈልገው አንተም ራስህን አትናቅ። ከብርህን የሚያሳንስ ተግባር እያደረክ አትገኝ። ራሱ ጋር ያለውን ነገር ሳያውቅ ሰው በር ላይ ያለን ነገር ከሚያማትር ሰው በላይ ደረጃውን የሚያወርድና ራሱን የሚንቅ ሰው የለም። እንትናን በሆንኩ እያልክ አንተነትህን ቦታ አታሳጣው፤ የማይመለከትህን ነገር አርቀህ እየተመለከትህ ራስህን ባዶ አታድርገው። አንተ ጋር ብዙ መሻሻል ያለባቸው ጉዳዮች አሉ፣ ማንንም ሳትመለከት አንተ ራስህ ማስተካከል ያሉበህ ነገሮች አሉ። ብዙዎችን ተመልከት፣ ከብዙዎች ተማር፣ ከእነርሱም ልምድ ውሰድ በስተመጨረሻ ግን ትኩረትህን ራስህ ላይ አድርግ። ፉክክር በጣም አስፈላጊና ጥሩ ነገር ነው። ነገር ግን መሆን ያለበት ከራስ ጋር ብቻ ነው። ራስህን ተቀበል፣ የገዛ ቤትህን አድምቅ፣ ውስጥህን አረጋጋ፣ ለራስህ ሰላም ስጥ፣ የሰላሙ አለቃም እንዲነግስብህ አድርግ።
ግሩም ድንቅ ቀን ይሁንልን! 🏞🌞🌅


በየቀኑ ጠቃሚ መልእክቶችን፣ መጽሐፍት ፒዲኤፍ፣ በነፃ የምታገኟቸው አሪፍ የኮምፒውተር ሶፍትዌሮች፣ የቢዝነስ ሃሳቦች እና የገንዘብና የተለያዩ ሽልማቶችን ለማግኘት ገጾቻችንን ይቀላቀሉ።                                                                                                                        
📱ቴሌግራም👉 @Beleqe_boostup
📱ፌስቡክ ገጽ👉 https://SuperBoostUp
📱ዌብሳይት 👉 https://superboostup.com/                    
📱ቲክቶክ👉 tiktok.com/@superboostup

አንበሳ የጫካው ንጉስ የሆነው በክብደት: በቁመት: በፍጥነት አልያም በብልጠት አይደለም
በቁመት ቀጭኔ
በክብደት ዝሆን
በፍጥነት ጥንቸል
በብልጠት ጦጣ ይበልጡታል
👇🏾
አንበሳን የጫካ ንጉስ ያስባለው አመለካከቱ ወይም Mind-set ነው
ለአንበሳ ሁሉም እንስሳ የሚታየው እንደ ምግብ ነው: የአንበሳ የአስተሳሰብ ውቅር ይህ ነው - that is what makes a Lion King of the Jungle
👇🏾
አንበሳ ብዙ እድሜ አይኖርም: የብርታት እድሜውም ትንሽ ነው - ውስጡ ያለውን ብርታት ከሚያደክምበት ነገር ዋነኛው ደግሞ ጩኸቱ ነው/the Roaring Force
ድንበሩን ለማስጠበቅ ይጮሃል: ሀይሉን ለማሳየት ይጮሃል: ወገኖቹን ለመጥራት ይጮሃል: ለንግስናውም ይጮሃል - በዚህም የተነሳ አለአግባብ ሀይሉን አባክኖ ብርታቱ በጩኸት ይከስማል
ከፍ ስትል ዝም በል

“Privacy is power” እንዲል ❤️🙌🏼


በየቀኑ ጠቃሚ መልእክቶችን፣ መጽሐፍት ፒዲኤፍ፣ በነፃ የምታገኟቸው አሪፍ የኮምፒውተር ሶፍትዌሮች፣ የቢዝነስ ሃሳቦች እና የገንዘብና የተለያዩ ሽልማቶችን ለማግኘት ገጾቻችንን ይቀላቀሉ።                                                                                                                        
📱ቴሌግራም👉 @Beleqe_boostup
📱ፌስቡክ ገጽ👉 https://SuperBoostUp
📱ዌብሳይት 👉 https://superboostup.com/                    
📱ቲክቶክ👉 tiktok.com/@superboostup

መነቀፍህ አይቀርም❗️

ጉዳይ የምትሰራው ተዓምር አይደለም፤ ጉዳዩ የምትፈጥረው አዲስ አለም አይደለም፤ ጉዳዩ በራስህ ተጣጥረህ የምትደርስበት ከፍታ እደለም፤ ቁብነገሩ ብቻህን ሮጠህ የምትበጥሰው ሪከርድ፣ ብቻህን ደክመህ የምታመጣው ውጤትም አይደለም። ጉዳዩ መጀመር፣ መስራት፣ ማድረግ መቻልህ ብቻ ነው። ምንም ብታደርግ ግድ አይሰጣቸውም፣ ሃገር ዝረፍክ ሃገር አለማህ፣ እራስህን ጠቀምክ እራስህን ጎዳህ፣ ፍጥነትህን ጨመርክ ዝግ አልክ፣ አገባህ አላገባህ፣ ወለድክ አልወለድክ አጀንዳ ከመሆን፣ የወሬ ርዕስ መነጋገሪያ ከመሆን መቼም አታመልጥም። አንድ እርምጃ በተራመድክ ቁጥር አይኖች ወዳንተ ይሆናሉ፣ ጆሮዎች ወዳንተ ያዘነብላሉ፣ መነጋገሪ ሊያደርጉህ ይፋጠናሉ። ሊጥሉህ ቢሽቀዳደሙም ስለመነሳትህ፣ ስለመታረምህ ግድ አይሰጣቸውም።

አዎ! ጀግናዬ..! መነቀፍህ አይቀርም፣ መወገዝህ አይቀርም። ለመወገዝም ሆነ ለመነቀፍ ብዙ አስደናቂና አስደማሚ ተዓምር መስራት አይጠበቅብህም። ብዙሃኑ ስለሁሉም ነገር የሚያውቅና የሚያገባው ይመስለዋል፣ ለዛም በየትኛውም አጋጣሚ ማውራት ይፈልጋል፣ አስተያየት መስጠት ያምረዋል፣ ለመተቸት ይንደረደራል፣ ነቀፋ ይቀድመዋል።

ማንንም እንደ ልማዱና እንደማንነቱ ካልተቀበልከው ትልቁ መሰናክልህ ሰው ሊሆን እንደሚችል አስታውስ። አንዳንዴ ልታገለግለው በለፋህ፣ ልትረዳው ጊዜህን፣ እራስህን ለሰዋህ እርሱ እራሱ መልሶ ህፀፅ ያወጣብሃል፤ ጣት ይቀስርብሃል፤ ጥረትህን ያሳንሰዋል፤ ዋጋ ያሳጣሃል። ብዙዎች በሰዎች ተሰናክለው ወድቀዋል፣ ብዙዎች በሰዎች ንግግር፣ በሰዎች ተግባር ከህልማቸው ተለይተዋል፣ አላማቸውን ትተዋል፣ እቅዳቸውን ጥለዋል።

አዎ! ጥቂቶች ግን በትቺታቸው ላይ ተራምደዋል፣ በስድብ በዘለፋቸው ላይ ተሸጋግረዋል፣ በስራቸው የተናጋሪዎችን አፍ አዘግተዋል። የምትሰማውን ካልመረጥክ፣ የምታየውን ካልለየህ፣ የሚጠቅምህ ላይ ብቻ ካላተኮርክ ትቺቱን ደጋግመህ በሰማህ ቁጥር፣ እርሱ ላይ ባተኮርክ ልክ እየተንሸራተትክ፣ እየወደክ፣ አላማህን እየሳትክ፣ እራስህን እያጣህ ትመጣለህ። በምድር ርካሹና የትምቦታ የምታገኘው ነገር ሃሳብና አስተያየት ሆነና የሚያውቀው የማያውቀውም፣ የሚመለከተውም የማይመለከተው አስተያየት ለመስጠት ሰስቶ አያውቅም። በማንም አስተያየት የመጣ ህልም የለህምና ማንንም እንዳትሰማ፤ ማንም ደግፎህ የህይወት አለማህን አላገኘህምና ለማንም ነቀፋ ጆሮ እንዳትሰጥ፤ ብቻህን ያየሀውን ህልም ብቻህን ማሳካት እንደምትችል አሳይ፤ ከውጥህ የመነጨው የህይወት ስንቅ በፍሬው አስመስክር።
ውብ ምሽት ይሁንልን! 🌘🌒✨💫

በየቀኑ ጠቃሚ መልእክቶችን፣ መጽሐፍት ፒዲኤፍ፣ በነፃ የምታገኟቸው አሪፍ የኮምፒውተር ሶፍትዌሮች፣ የቢዝነስ ሃሳቦች እና የገንዘብና የተለያዩ ሽልማቶችን ለማግኘት ገጾቻችንን ይቀላቀሉ።                                                                                                                        
📱ቴሌግራም👉 @Beleqe_boostup
📱ፌስቡክ ገጽ👉 https://SuperBoostUp
📱ዌብሳይት 👉 https://superboostup.com/                    
📱ቲክቶክ👉 tiktok.com/@superboostup

ጥሩ ሰዎች እንደ ወይን ናቸው!

እያደር በ7ቱ ይጣፍጣሉ

1- መቼም አይናደዱብህም!
ደጋግመው ይቅር ይላሉ። በደልን ይረሳሉ።

2- በመጥፎ ወቅት እንኳ ዘና የሚያደርጉ ናቸው!
በተለይ እጅግ በከፋህ ጊዜ፣ ምናልባት የሚያስፈልግህ የነሱ እቅፍ ሊሆን ይችላል።

3- በስኬትህ ይደሰታሉ!
አዲስ መኪና ስትገዛ በደስታ የመጀመሪያ ተሳፋሪዎች ወይም እድገት ስታገኝ እንድትጋብዛቸው የሚፈልጉ ናቸው።

4- ጀግናና ሩህሩህ ልብ አላቸው
ለዚህም ነው ብዙ ጊዜ ልባቸው የሚይሰበረው።

5- በራሳቸው ችግር ብቻ አይነዘንዙህም
ይህም ነው ጥሩ ወዳጅ የሚያደርጋቸው።

6- ለሌሎች ማሰብና መርዳት የተወለዱበት ነው
በሚያስፈልጉህ ጊዜ ከጎንህ ናቸው።

7- ለወዳጅነት ዋጋ አላቸው
በማይረባ ነገር ሁሉ ጸብ የሚያስነሱ ጅሎች አይደሉም።
#ሰውና_ተፈጥሮው_መጽሐፍ

በየቀኑ ጠቃሚ መልእክቶችን፣ መጽሐፍት ፒዲኤፍ፣ በነፃ የምታገኟቸው አሪፍ የኮምፒውተር ሶፍትዌሮች፣ የቢዝነስ ሃሳቦች እና የገንዘብና የተለያዩ ሽልማቶችን ለማግኘት ገጾቻችንን ይቀላቀሉ።                                                                                                                        
📱ቴሌግራም👉 @Beleqe_boostup
📱ፌስቡክ ገጽ👉 https://SuperBoostUp
📱ዌብሳይት 👉 https://superboostup.com/                    
📱ቲክቶክ👉 tiktok.com/@superboostup

ታገስ !

በለሱን የጠበቀ ፍሬውን ይበላል የታገሰም እንዲሁ ይከብራል  ምሳ 27:18

በጊዜው የማይሆን አንዳች ነገር ስለሌለ እባክህ በችኮላ ለፀፀት የሚዳርግህ ነገር ውስጥ ፈፅሞ አትግባ።  ለሚያልፈው ዛሬ የማያልፍ ታሪክን አትፃፍበት።

እራስህ ላይ እየሰራህ ማንነትህን ገንባ። እመነኝ በችኮላ የምታተርፈው ነገር ቢኖር ወድቀትን ብቻ ነው።

እይታህ ይቀየር! አለቱ ሳይሆን በውስጡ ያለው ማዕድን ይታይህ።  ወድቀቱ ሳይሆን ስኬቱ ይሽተትህ።
ስራ ከዛ እስኪበስል ታገስ!

✨ ያማረ ምሽት ተመኘንላችሁ ✨

በየቀኑ ጠቃሚ መልእክቶችን፣ መጽሐፍት ፒዲኤፍ፣ በነፃ የምታገኟቸው አሪፍ የኮምፒውተር ሶፍትዌሮች፣ የቢዝነስ ሃሳቦች እና የገንዘብና የተለያዩ ሽልማቶችን ለማግኘት ገጾቻችንን ይቀላቀሉ።                                                                                                                        
📱ቴሌግራም👉 @Beleqe_boostup
📱ፌስቡክ ገጽ👉 https://SuperBoostUp
📱ዌብሳይት 👉 https://superboostup.com/                    
📱ቲክቶክ👉 tiktok.com/@superboostup

ስኬቱ ላይ ድረስ ወይም መንገዱ ላይ ሙት

መተኛቱ፣ ማማረሩ፣ ስልክ ላይ ተጥደህ ማምሸቱ
      TikTok
      YouTube
      Instagram
      Telegram
ያለ እረፍት ጊዜ ሰቶ በፍቃድህ መታሰሩ ፣ ሰው ማማቱ፣ ና ወደ ተባልከው መሮጡ፣ ጠዋት አብዝተህ መተኛቱ ይቅርብህ እና እስኪ ለ ፪፫ ቀን ብቻ እነዛን የሞቱ ድርጊቶች በእነዚህ ተካቸው
ከዛ ለውጥህን እየው ማን እንደሆንክም ለራስህ ንገረው

•ጠዋት ከመተኛት   -   •ስፖርት ስራ
•ከ porn*   -   •መፅሀፍ አንብብ
•ብዙ ከማውራት   -   •ዝምታን ምረጥ
•ስልክ ከማብዛት  -   •እረፍት አድርግ
•ሁል ግዜ ከቀልድ  -   •ቁም ነገር አውራ
•ሁል ግዜ ከእሺ   -   •ይቅርብኝ በል

እነዛን በዚህ ቀይራቸው ከዛ እመነኝ ተአምር ታያለህ።

በል ተነስ ጀምር

✨ ያማረ ምሽት ተመኘንላችሁ ✨

በየቀኑ ጠቃሚ መልእክቶችን፣ መጽሐፍት ፒዲኤፍ፣ በነፃ የምታገኟቸው አሪፍ የኮምፒውተር ሶፍትዌሮች፣ የቢዝነስ ሃሳቦች እና የገንዘብና የተለያዩ ሽልማቶችን ለማግኘት ገጾቻችንን ይቀላቀሉ።                                                                                                                        
📱ቴሌግራም👉 @Beleqe_boostup
📱ፌስቡክ ገጽ👉 https://SuperBoostUp
📱ዌብሳይት 👉 https://superboostup.com/                    
📱ቲክቶክ👉 tiktok.com/@superboostup

#News

ተራዝሟል!

በመጀመሪያ ዲግሪ ተመርቃችሁ የብቃት ምዘና ፈተና ለመፈተን በመጠባበቅ ላይ ለምትገኙ የጤና ባለሙያዎች የፈተና ምዝገባው እስከ መጋቢት 10/2017 ዓ.ም የተራዘመ መሆኑን ጤና ሚኒስቴር አሳውቋል፡፡

የአመልካቾች ምዝገባ ከየካቲት 24/2017 ዓ.ም እስከ መጋቢት 07/2017 ዓ.ም ድረስ ሲከናወን መቆየቱ ይታወቃል።

ይሁን እንጂ አንዳንድ ተመራቂዎች የቴምፖራሪ ዲግሪ ያልደረሰላቸው መሆኑንና (ቴምፖራሪ ዲግሪ መያዝ ግዴታ በመሆኑ) ምዝገባው እንዲራዘምላቸው መጠየቃቸውን ተከትሎ፤ ምዝገባው ለተጨማሪ ሦስት ቀናት ማለትም እስከ መጋቢት 10/2017 ዓ.ም የተራዘመ መሆኑን ሚኒስቴሩ ገልጿል፡፡



በየቀኑ ጠቃሚ መልእክቶችን፣ መጽሐፍት ፒዲኤፍ፣ በነፃ የምታገኟቸው አሪፍ የኮምፒውተር ሶፍትዌሮች፣ የቢዝነስ ሃሳቦች እና የገንዘብና የተለያዩ ሽልማቶችን ለማግኘት ገጾቻችንን ይቀላቀሉ።                                                                                                                        
📱ቴሌግራም👉 @Beleqe_boostup
📱ፌስቡክ ገጽ👉 https://SuperBoostUp
📱ዌብሳይት 👉 https://superboostup.com/                    
📱ቲክቶክ👉 tiktok.com/@superboostup

#News

ከ2017 ዓ.ም ጀምሮ የከፍተኛ ትምህርት ተቋማት ተመራቂዎች የዲግሪ ሰርተፊኬት ህትመት በአንድ ማዕከል ሊከወን ነው።

የትምህርት ሚኒስትሩ ብርሃኑ ነጋ (ፕ/ር) ለሁሉም የመንግስት ዩኒቨርሲቲዎች እና ለሁሉም የግል ከፍተኛ ትምህርት ተቋማት በጻፉት ሰርኩላር "በከፍተኛ ትምህርት ተቋማት የሚሰጡ ዲግሪዎች ህትመት ወጥ በሆነ መልኩ ደህንነታቸው ተጠበቆ የዲግሪ ማስረጃ/ሰርተፍኬት ህትመት በማዕከል ለማሳተም መታሰቡን" ገልፀዋል።

በመሆኑም ተቋማቱ በዲግሪ የምስክር ወረቀቱ ላይ ሊካተትላችሁ የሚፈልጉትን ሎጎ እና ሌሎች መካተት አለበት የሚሉትን እንዲያካትቱ እንዲሁም በየተቋማቱ በዚህ ዓመት የመውጫ ፈተና ወስደው ያለፉና ለምርቃት የተዘጋጁ የተማሪዎች ዝርዝር እንዲልኩ ሚኒስትሩ አሳስበዋል።

የህትመት ሥራው በ2017 ዓ.ም ከሚመረቁ ተማሪዎች ጀምሮ የሚፈፀም መሆኑንም ገልፀዋል።

በየቀኑ ጠቃሚ መልእክቶችን፣ መጽሐፍት ፒዲኤፍ፣ በነፃ የምታገኟቸው አሪፍ የኮምፒውተር ሶፍትዌሮች፣ የቢዝነስ ሃሳቦች እና የገንዘብና የተለያዩ ሽልማቶችን ለማግኘት ገጾቻችንን ይቀላቀሉ።                                                                                                                        
📱ቴሌግራም👉 @Beleqe_boostup
📱ፌስቡክ ገጽ👉 https://SuperBoostUp
📱ዌብሳይት 👉 https://superboostup.com/                    
📱ቲክቶክ👉 tiktok.com/@superboostup