😭 .ሥድስቱ.መክነው የነበሩ ሴቶች ። .................❤
......... ሐና እና ሐና...................
ሁለቱ በልጅ የከበሩ እናቶች ናቸው። ቀዳማዊት ሐና እመ ሳሙኤል እና ደኅራዊት ሐና እመ ማርያም ናቸው ።
ቀድማዊት ሐና መክና ኑራ፤ መውለድ ተስኗት ተነቅፋ ተዘልፋ ፥ተገፍታ ተንከራታ የወለደች እናት ናት። የባሏ ሚስት ፍናና ትባላለች። ባለ መውለዷ ንቃት አቃላት ነበር። ፦የቤተ መቅደሱ ሊቀ ካህን ኤሊም ስታለቅስ አይቶ፥ አንች ሴት ስካርሽ መቼ ነው የሚለቅሽ?"
ብሎ የነቀፋት እናት ናት።
ጸሎቷ እንባዋ ሰካራም አስመስሏት፤ልጅ በማጣት የተናቀች ስትሆን ፤ የነገሩትን የማይረሳ ። የለማኑትን የማይነሳ ጌታ !! ታላቅ ልጅ ሰጣት።እርሱም አንድ ሲሆን ስለ ሰባት የሚቆጠር።ፍጹም የሆነ ልጅ ነው። ሳሙኤል ይባላል። ንጉሥ ዳዊትን ቀብቶ ያነገሠ እርሱ ነው፤ እስመመካን ወለደት ሰብዓተ ወወላድሰ ስዕነት ወሊደ የተባለው ነው። መካን ሰባት ወለደች። ወላድ ግን መውለድን ተሳነች" ተብላለች። ሁለተኛዋ ሐና ፦ ከነገደ ይሁዳ የተወለደው የደጉ ሰው የኢያቄም ሚስት ሐና ናት ።
ሐናም መካን ነበረች። ቢወልዷት እንጅ የማትወልድ ፤ በቅሎ እያሉ ጎረቤቶቿ የሰደቧት ነበረች። ሐናም ከባለቤቷ ኢያቄም ጋራ ወደ ቤተ እግዚአብሔር ትገሰግስ ነበር። ነገር ግን ሐና እና ኢያቄም መካን ናቸውና የቤተ መቅደሱ ካህንም፦ የወለዱ ሰዎች የሚመገቡት ተረፈ መሥዋዕት ነበረና ።ያንን ይከለክላቸዋል። እናንተ ብዙ ተባዙ ብሎ ጌታ ለአዳም የሰጠውን ቃል የነሳችሁ ፤ ክፉ ብትሆኑ አይደለምን?" ብሎ ይከለክላቸው ነበር።
ሐና እና ኢያቄምም እያለቀሱ ይመለሱ ነበር። አርጋብን(ርግቦችን ) አይታ ሐና ታለቅስ ነበር። ርግቦች ሲዋለዱ ሲራቡ እኔ ምንድን ነኝ?"እያለች።
እጸውን (ዛፎችን) ታያለች ለምልመው አብበው አፍርተው ትመለከት እና ዛፎች ሲያፈሩ ፦ ወፎች እና ርግቦች ሲራቡ እኔ የማልወልደው ምን ሁኘ ነው?የሆነውስ ሁኖ የኔ የሐና ተፈጥሮየ ከድንጋይ ወገን ይሆንን? ብላ ምርር ብላ ታለቅሳለች
በመጨረሻም ሁለቱም ራእይ አዩ። ከሰባቱ ሰማያት ይልቅ የምታባራ፤ የምትበልጥ አዲስ ሰማይ፤ አዲስ ምድር ድንግል ማርያምን ወለዱ።የአምላክ እናት ከመካኗ ከሐና ተወለደች። ወገኖቼ !! ለካ አንዳንድ ጊዜ መከራ ሲቀድምም ጥሩ ነው። እንበለ መከራ ኢይትረከብ ጸጋ ያለ መከራ ጸጋ ክብር አይገኝም መባሉ ለካ እንዲህ እሙን ነውን ? ይገርመኛል።
የሣራ መምከን የታዘዦች አብነት የሆነውን ይስሐቅን አመጣልን።ዘፍ 21፥3
የራሄል መምከን ዮሴፍን አመጣልን። ዘፍ29 ፥31
የ....ምክነት ሶምሶንን አመጣልን። መሳ 13 ፥22
የሐና መምከን ነቢዩ ሳሙኤልን አመጣልን።1ሳሙ 1፥2
የኤልሳቤጥ መምከን መጥምቁ ዮሐንስን አመጣልን።ሉቃ 1፥13
የኋለኛዋ ሐና መምከን ድንግል ማርያምን አመጣልን። ነገረ ማርያም፤
የድንግል ማርያም ድንግልና ኢየሱስ ክርስቶስን አመጣልን።ኢካ 7፦14
ምክነት የቀደመው ልደት እንደምን ይደንቃል?
በሕይወታችሁ፦ኅዘን፡ይቅደምላችሁ።ማጣትም ይቅደምላችሁ።ታናሽነትም ይቅደምላችሁ።መናቅ መዋረድ፥ መተቸት መነቀፍ ይቅደምላችሁ። የነዚህ ሁሉ ተከታይ ክብር መሆኑን ግን ልንገራችሁ።
ግድ የላችሁም አሁን እየተገፋችሁ ፤ እየተገረፋችሁ እየተሳደደዳችሁ ይሆናል። ነገ ግን ይህ ሁሉ በእናንተ ላይ የለም።ከነገ በኋላ ደግሞ ፈጽሞ የለም። መምከን ይስሐቅን ለመውለድ ከሆነ ለምን ሰባት ጊዜ አይመከንም። ሳሙኤልን ለመውለድ ከሆነማ፥ መጥመቁ ዮሐንስን ለመውለድ ከሆነስ ምኑ ይነቀፋል?ምእመናን !! በሥጋ መምከናችሁ፤ በምድር በምድራዊ ልጅ ባይካስም እንኳን በብዙ ነገር ግን ይካሳል። ብዙ የምንወልዳቸው ልጆች ይኖሩናል። ብቻ አእምሯችሁ አይምከን። ሕይወታችሁ አይምከን እንጅ። የጻድቅ ሰው መካን የለውም። ክፉ ሰው ኅጢአትን ጸንሶ እንዲወልዳት ደግ ሰውም ጽድቅን ጸንሶ ይወልዳታል። እናቶቼ!!መምከን አንገታችሁን ያስደፋችሁ ፤ ባለ መውለዳችሁ ያለቀሳችሁ፤ ያዘናችሁ ሐናዎች፥ ኤልሳቤጦች ፤ራሔሎች ትኖሩ ይሆን?? አይዟችሁ ያለምክንያት እንዲህ አልሆናችሁም። ወይ ሰውን በሥጋ ትወዳላችሁ ።ይሄም ካልሆነ ሰውን በምጽዋት ፤ በእውቀት፥ በፍቅር ትወልዳላችሁ። በሥጋ የወለዳችሁት ልጅ ባይኖራችሁም የጽድቅ ፤ የፍቅር።፤ የንጽሕና እናቷ መሆን፡ትችላላችሁ።የእናቶቻችን፡በረከታቸው አይለየን። የቅድስት ሐና እና የቅዱስ ኢያቄም አማላጅነት ለሁላችን ትድረስ።ኢያቄም እና ሐና ሰማይን ወለዱ።ሰማያቸው ደግሞ ክርስቶስን ወለደች።
@Nigatu5@Nigatu5@Nigatu5
