Ethiopia Customs Commission

የአለም ንግድ ድርድር ዝግጅት በጄኔቫ እየተካሄደ ይገኛል
********

(ጉምሩክ ኮሚሽን፣ ታህሳስ 01 ቀን 2017 ዓ.ም )

ኮሚሽነር ደበሌ ቃበታን ጨምሮ ከፍተኛ የልዑካን ቡድን በጄኔቫ የአለም ንግድ ድርድር ዝግጅት እያደረጉ ይገኛሉ፡፡

በቅርቡ ኢትዩጵያ የምታካሂደው አምስተኛው የስራ ቡድን ስብሰባን ስኬታማ ለማድረግ ከአሜሪካ፣ ኢንግሊዝ፣ ካናዳ፣ ኒውዚላንድ እና አውሮፓ ህብረት የንግድ ተደራዳሪዎች ጋር ፍሬያማ ውይይት ተደርጓል፡፡

ይህን መሰል ውይይቶች ሀገራችን የአለም ንግድ ድርጅትን ለመቀላቀል የምታደርገውን ድርድር ያቀላጥፋል ተብሎ ይታመናል፡፡

ጉምሩክ ኮሚሽንን የተመለከቱ ወቅታዊ፣ ትኩስ እና የተሟሉ መረጃዎችን ለማግኘት፡-
ፌስቡክ፡- https://www.facebook.com/ecczena
በድረ ገጽ፦ www.ecc.gov.et
በቴሌግራም፦ https://t.me/EthiopianCustomsCommission

ከ575 ሚሊዮን ብር በላይ የሚገመቱ የኮንትሮባንድ እቃዎች በቁጥጥር ስር ዋሉ
*********
(ጉምሩክ ኮሚሽን፣ ህዳር 28 ቀን 2017 ዓ.ም )

የጉምሩክ ኮሚሽን ከህዳር 20 እስከ 26 ቀን 2017 ዓ.ም ባደረገው ክትትል 528 . 3 ሚሊዮን ብር የገቢ የኮንትሮባንድ እቃዎች እና 47 ሚሊዮን ብር የወጭ፤ በድምሩ 575.3 ሚሊዮን ብር ግምታዊ ዋጋ ያላቸው የኮንትሮባንድ እቃዎች በተለያዩ ቅርንጫፍ ጽህፈት ቤቶች ተይዘዋል፡፡

በቁጥጥር ስር ከዋሉት የኮንትሮባንድ እቃዎች መካከል አልባሳት፣ ኤሌክትሮኒክስ፣ የግንባታ እቃዎች፣ ቡና፣ ጥራጥሬ፣ የተሽከርካሪ መለዋወጫ፣ የመዋቢያ እቃዎች፣ ጫት፣ አደንዛዥ እጾች፣ መድኃኒት፣ የተለያዩ ማእድናት፣ ተሽከርካሪዎች እና የውጭ ሀገር ገንዘቦች ይገኙበታል፡፡

በተጠቀሰው የጊዜ ገደብ የገቢ እና የወጭ ኮንትሮባንድን በመቆጣጠር አዲስ አበባ ኤርፖርት፣ ሀዋሳ እና ሞያሌ ጉምሩክ ቅርንጫፍ ጽህፈት ቤቶች ቀዳሚውን ስፍራ ሲይዙ በቅደም ተከተላቸውም 241 ሚሊዮን፣ 94 ሚሊዮን እና 86 ሚሊዮን ብር ግምታዊ ዋጋ ያላቸው የኮንትሮባንድ እቃዎችን መያዝ ችለዋል፡፡

የኮንትሮባንድ ዕቃዎቹ በጉምሩክ ኮሚሽን ሰራተኞች፣ በፌደራል ፖሊስ፣ በክልል ፖሊስ አባላትና ህብረተሰቡ ባደረጉት የጋራ ጥረት በፍተሻ፣ በደፈጣ እና በበረራ የተያዙ ሲሆን የኮንትሮባንድ እቃዎቹን ሲያዘዋውሩ የተገኙ 17 ተጠርጣሪ ግለሰቦች እና አምስት ተሽከርካሪዎችም በቁጥጥር ስር ውለዋል፡፡

የጉምሩክ ኮሚሽን በዚህ የህግ ማስከበር ስራ ላይ ለተሳተፉ የኮሚሽኑ ሰራተኞች እና አመራሮች፣ የክልልና የፌደራል ፖሊስ አባላት እንዲሁም ለመላው ህዝባችን ምስጋናውን ያደርሳል፡፡

የኮንትሮባንድ እና ህገወጥ ንግድ የአፈጻጸም ስልቱ ተለዋዋጭ በመሆኑ ድርጊቱን ለመግታትና በሀገር ኢኮኖሚ የሚያሳድረውን አሉታዊ ተጽእኖ ለመከላከል ጉምሩክ ኮሚሽን ብቻ የሚያደርገው እንቅስቃሴ በቂ ባለመሆኑ ሁሉም ባላድርሻ አካላትና ህብረተሰቡ የበኩሉን ድርሻ እንዲወጣ የጉምሩክ ኮሚሽን ጥሪውን ያቀርባል፡፡

ጉምሩክ ኮሚሽንን የተመለከቱ ወቅታዊ፣ ትኩስ እና የተሟሉ መረጃዎችን ለማግኘት፡-
ፌስቡክ፡- https://www.facebook.com/ecczena
በድረ ገጽ፦ www.ecc.gov.et
በቴሌግራም፦ https://t.me/EthiopianCustomsCommission

ቅ/ጽ/ቤቱ ከደንበኞች ጋር ታቀራርቦ በመስራቱ አገልግሎት አሰጣጡ ከፍተኛ መሻሻል እንዳሳየ ተገለጸ
***************************************
(ጉምሩክ ኮሚሽን፣ ህዳር 28 ቀን 2017 ዓ.ም )
በጉምሩክ ኮሚሽን የአዲስ አበባ ኤርፖርት ጉምሩክ ቅ/ጽ/ቤት ከላኪዎች፣ ከአስመጭዎች እና በተለያየ ዘርፍ ከተሰማሩ አምራቾች ጋር ውይይት አድርጓል፡፡

የአዲስ አበባ ኤርፖርት ጉምሩክ ቅ/ጽ/ቤት ስራአስኪያጅ አቶ ተፈሪ መኮነን፣ የጉምሩክ ኮሚሽን በመንግስት የተሰጡትን ተግባር እና ኃላፊነቶች በአግባቡ ለመወጣት የሚያስችሉ የተለያዩ ስራዎችን እያከናወነ መሆኑን ገልጸዋል፡፡

ቅ/ጽ/ቤቱም በ2017 የበጀት ዓመት ባለፉት አራት ወራት በገቢ አሰባሰብ፣ በህግ ተገዥነት ስራዎች እና በአገልግሎት አሰጣጥ ተጨባጭ ውጤቶችን ማስመዝገቡን አስረድተዋል፡፡

ቅ/ጽ/ቤቱ በርካታ ደንበኞች ያሉት መሆኑን ያስታወሱት ስራአስኪያጁ ዘመኑን የዋጀ እና የደንበኞችን ክብር የሚመጥን አገልግሎት ለመስጠት የሚያስችሉ ስራዎችም እየተከናወኑ ነው ብለዋል፡፡
አቶ ተፈሪ አክለውም፣ ቅ/ጽ/ቤቱ ከደንበኞች ጋር ተከታታይ ውይይቶችን በማድረግ ተቀራርቦ በመስራቱ አገልግሎት አሰጣጡ ከፍተኛ መሻሻል እንዳሳየ ተናግረዋል፡፡

የአዲስ አበባ ኤርፖርት ጉምሩክ ቅ/ጽ/ቤት በ2017 የበጀት ዓመት 36 ቢሊዮን ብር ገቢ ለመሰብሰብ እቅድ ይዞ እየሰራ ሲሆን ባለፉት አራት ወራት 12 ቢሊዮን ብር ገቢ መሰብሰቡንም ስራአስኪያጁ ጠቁመዋል፡፡

”የንግዱ ማህበረሰብ ለሀገር ብልጽግና የማይተካ ሚና አላቸው“ በሚል መሪ ቃል በተካሄደው በዚህ የውይይት መድረክ በቅ/ጽ/ቤቱ እና በደንበኞች በኩል የሚስተዋሉ ችግሮች እና ችግሮቹን ለመፍታት የተከናወኑ ተግባራት ቀርበው ውይይት የተደረገባቸው ሲሆን በመድረኩ የተገኙ ደንበኞች አገልግሎት አሰጣጡ መሻሻሉን ገልፀው በቀጣይም መሰል ውይይቶች እንዲቀጥሉ ጠይቀዋል፡፡

ጉምሩክ ኮሚሽንን የተመለከቱ ወቅታዊ፣ ትኩስ እና የተሟሉ መረጃዎችን ለማግኘት፡-
ፌስቡክ፡- https://www.facebook.com/ecczena
በድረ ገጽ፦ www.ecc.gov.et
በቴሌግራም፦ https://t.me/EthiopianCustomsCommission