እውን መረጃ

የብር የመግዛት አቅም መዳከም የዘንድሮውን ፋሲካ ለሸማቾች ፈታኝ እንዳደረገው ገለፁ

የዘንድሮ 2017 ዓ.ም. የፋሲካ በዓል በሸማቾች ዘንድ ከፍተኛ ፍላጎት ያላቸው እንደ ዶሮ እና በሬ ያሉ የእንስሳት ምርቶች ዋጋ በከፍተኛ ሁኔታ መጨመሩ የብር የመግዛት አቅም ማሽቆልቆል ጋር ተዳምሮ በበዓሉ ወጪ ላይ ከፍተኛ ጫና መፍጠሩን ተናግረዋል።

በተለይም ባለፈው ዓመት በዚሁ ወቅት በአማካኝ እስከ 1300 ብር ይሸጥ የነበረው ዶሮ በዚህ ዓመት ዋጋው በእጥፍ ጨምሮ እስከ 2500 ብር እየተሸጠ ይገኛል ይህም 92 በመቶ አከባቢ ጭማሪ ተደርጎበታል።

የዘርፉ ነጋዴዎች ለዚህ ከፍተኛ የዋጋ ጭማሪ ምክንያት የሆነው ለዶሮ እርባታ የሚውለው የመኖ ዋጋ በከፍተኛ ሁኔታ መጨመሩ እንደሆነ ይገልጻሉ።

በተመሳሳይ የእንቁላል ዋጋም በከፍተኛ ሁኔታ በመናር አንድ እንቁላል ከ 20 ብር እስከ 25 እየተሸጠ መታየቱ የብዙዎችን ስጋት ጨምሯል።

የእርድ ከብት (በሬ) ዋጋም ከዶሮው ባልተናነሰ መልኩ የዋጋ ጭማሪ አሳይቷል። ባለፈው 2016 ዓ.ም የፋሲካ በዓል ወቅት በአማካኝ እስከ 60 ሺህ ብር ይሸጥ የነበረ አንድ በሬ በዚህ ዓመት ዋጋው ከ 80 ሺህ እስከ 90 ሺህ ብር እየተሸጠ ይገኛል።

ይህ ሁኔታ የብር የመግዛት አቅም ከኑሮ ውድነቱ ጋር ተዳምሮ በበዓሉ ወጪ ላይ ከፍተኛ ተፅዕኖ ማሳደሩን ሸማቾች ለካፒታል ተናግረዋል።

@Ewun_Mereja1
@Ewun_Mereja1

"ባለትዳሮቹ.. ቀድመው ይስተናገዳሉ" የባሕር ዳር ከተማ አሥተዳደር

የባሕር ዳር ከተማ አሥተዳደር የመኖሪያ ቤት መሥሪያ ቦታ ለመስጠት ነዋሪዎችን በማኅበር የማደራጀት ሥራውን ሊጀምር መኾኑን ማሳወቁ ይታወሳል።

ከሚያዝያ ስድስት ቀን 2017 ዓ.ም ጀምሮ ደግሞ የመንግሥት ሠራተኞችን፣ የጸጥታ ሃይሎችን እና የከተማ ነዋሪዎችን እንደ ቅደም ተከተላቸው የምዝገባ እና የማደራጀት ሥራ እየሠራ ነው።

ነዋሪዎች በማኅበር ሲደራጁ የሚያጋጥሙትን ችግሮች ለመቅረፍ እና ሥራውን ለማቀላጠፍ ከተማ አሥተዳደሩ ባለ ትዳር ኾነው የሚደራጁትን እንደሚያበረታታ እና ቅድሚያ እንደሚሰጥ ተገልጿል።

በባሕር ዳር ከተማ አሥተዳደር የኅብረት ሥራ ማኅበራት ማስፋፊያ ጽሕፈት ቤት ኀላፊ አብርሐም ወርቁ በሰጡት ማብራሪያ ለመደራጀት የሚመጡ ሰዎች በሀሰት ፍቺ ወይም ላጤነት የመቅረብ ዝንባሌዎች መኖራቸው ተገምግሟል ብለዋል።

የሚደራጁ ሰዎች ኹኔታ በዝርዝር ከተገመገመ በኋላ ትዳር እና ልጅ ያላቸውን ግለሰቦች ችግራቸውን ለመቅረፍም ሲባል ትዳር ያላቸውን ማበረታታት ተገቢ ነው ብለዋል አቶ አብርሐም።

ለባለትዳሮች ቅድሚያ ይሰጣል ማለት የሌሎችን ለማጣራት የሚወስደውን ያህል ጊዜ አይወስድም ማለት መኾኑንምም ገልጸዋል።

ትክክለኛ ጋብቻ የሌላቸው እና በትክክለኛ ፍች የፈጸሙት እስኪረጋገጥ በጋብቻ ላይ ያሉት እንዳይጉላሉ የተወሰደ መፍትሄ ነው ብለዋል።

ሲጣራ በትክክልም ላጤ የኾኑ (በትዳር ላይ ያልኾኑ) ይኖራሉ፤ የነሱ መብትም እንደተጠበቀ ነው ብለዋል።

ተቋማት ትክክለኛ መረጃ የመስጠት እና የቤት ሥራ ማኅበራትም ተገቢ ያልኾኑ ተደራጂዎችን የመታገል ውስንነቶች እንዳሉባቸው አቶ አብርሐም ጠቅሰዋል።

መረጃ ሰጪ ተቋማት ትክክለኛ መረጃ የመስጠት እና ማኅበራትም በውስጣቸው የሚደራጅን ሰው መስፈርት አውቀው የማደራጀት ኀላፊነት እንዳለባቸውም ገልጸዋል።

የባሕር ዳር ከተማ መሬት የሕዝቡ የጋራ ሀብት ነው ያሉት ኀላፊው ይህንን ሀብት በፍትሐዊ መንገድ ለመጠቀም ሁሉም ኀላፊነቱን ሊወጣ እንደሚገባ ነው የገለጹት።

በማደራጀት ሥራው ከሚታዩ ዝንባሌዎች ውስጥ አንዱ የሀሰት ላጤነት ነው ብለዋል። ይህንን ለመከላከል በሚደረግ የማጣራት ሂደት እውነተኞቹ እንዳይጉላሉ ባለትዳሮቹ ቀድመው የሚያገኙበትን አሠራር ነው የተቀመጠው ብለዋል።

በላጤነት የሚደራጁትን ደግሞ ከተቋማቸው እና ከማኅበራቸው ጋር  መረጃ በማጥራት ትክክል ኾነው ሲገኙ ተደራጅተው ቦታ ያገኛሉ ነው ያሉት።

Via:አሚኮ

@Ewun_Mereja1
@Ewun_Mereja1

ብሄራዊ ተሃድሶ ኮሚሽን፣ በትግራይ ተቋርጦ የቆየውን የመጀመርያው ምዕራፍ የቀድሞ ተዋጊዎችን ትጥቅ የማስፈታት፣ የመበተንና መልሶ ከኅብረተሰቡ ጋር የመቀላቀል መርሃ ግብር ትናንት እንደገና አስጀምሯል።

በክልሉ በኅዳር የተጀመረው የትጥቅ ማስፈታትና መልሶ መቀላቀል ሂደት በ"ቴክኒክ" እና "ፖለቲካዊ" ምክንያቶች ከታኅሳስ ጀምሮ ተቋርጦ ነበር። የትግራይ የሰላምና ጸጥታ ቢሮ ሃላፊ ጀኔራል ፍስሃ ኪዳኑ፣ በትግራይ ዘላቂ ሰላም እንዲሰፍን የፕሪቶሪያው የግጭት ማቆም ስምምነት ሙሉ በሙሉ ተግባራዊ መኾን አለበት በማለት በትናንቱ የመርሃ ግብሩ ድጋሚ ማስጀመሪያ ስነ ሥርዓት ላይ ተናግረዋል። ጀኔራል ፍስሃ፣ የግጭት ማቆም ስምምነቱና የትጥቅ ማስፈታትና መልሶ መቀላቀሉ መርሃ ግብር እንዲሳካ ፌደራል መንግስቱ በግጭት ማቆም ስምምነቱ የገባባቸውን ግዴታዎች መወጣት እንዳለበት አሳስበዋል። የተሃድሶ ኮሚሽን ኮሚሽነር ተመስገን ጥላሁን በበኩላቸው፣ ኮሚሽኑ ለመርሃ ግብሩና ለስምምነቱ ትግበራ ከፌዴራል መንግሥቱና ከአዲሱ ጊዜያዊ አስተዳደር ጋር በትብብር እንደሚሠራ ቃል ገብተዋል።

@Ewun_Mereja1
@Ewun_Mereja1

አዲስ ስታንዳርድ መጽሄት፣ ፌደራል ፖሊስ ዛሬ አዲስ አበባ ወደሚገኘው ቢሮው በመግባት የድርጅቱንና የጋዜጠኞችን ንብረቶች እንደወሰደ ማምሻውን ባወጣው መግለጫ አስታውቋል።

ፖሊስ ጋዜጠኞቹን ጭምር በቁጥጥር ሥር አውሎ እንደነበር የገለጠው መጽሄቱ፣ ዘግየት ብሎ ግን የታሠሩ ባልደረቦቹ እንደተለቀቁ ጠቅሷል። ኾኖም ፖሊስ የወሰዳቸውን የቢሮና የጋዜጠኞች ላፕቶፖች፣ ሞባይል ስልኮችና ሃርድ ዲስኮች እስከ ምሽት ድረስ እንዳልመለሰ፣ ይህም በሥራው ላይ ተጽዕኖ እንደፈጠረና በጋዜጠኞቹ ደኅንነት ላይ ስጋት እንደደቀነ መጽሄቱ ገልጧል።

@Ewun_Mereja1
@Ewun_Mereja1