Gaa'ela 𓆩♡𓆪 Marriage

❌ Gaa'elli Iddoo itti ija Dunuunfatanii Seenanii erga keessa lixanii banatan miti!

Baay'een keenya ija dunuunfannee itti seennee eenyummaa nama sanaa fi maalummaa gaa'ela sanaa utuu hin barin gaafa itti lixnee arginu, akka hin fudhanne kan nu taasisan ni jirra. Gaa'elli gola nama beekan beekanii itti hin xumurre dha. Dachee kana irratti namni iddoo itti walitti dhiyeenya dhiyoo qabu; akka barsiisa kitaaba qulqulluutti immoo kan namoonni saala faallaa lama nama tokko ta'an gaa'ela keessatti dha. Maarree, namoonni kun tokko haa ta'anii/jedhaman malee guyyaadhaa guyyaatti walii isaaniitiif haaradha, waan haaraa walii isaanii irraa baratu. Gaa'elli mana barumsaa umurii dachee irra jiraannu keeessatti barataa jiraannu dha. Gaa'ela keessatti kan kabajamuu/eegamuu/kunuunfamuu qabu nama jaalannee waliin jiraannu utuu hin taane gaa'ela qaama lamaan walitti hidhee jiru sana dha. Qaamni lamaan itti gaafatamummaa walqixa ta'e gaa'ela sana eeguuf/kunuunsuuf/tiksuu keessatti ni qabaatu. Gaa'elli tokko kan diigamu yeroo namoota gaa'ela sana utubanii akka waliin jiraataniif kennameef keessaa tokko yookiin lamaan isaanii dirqama bahachuu qaban bahachuu dhiisani dha. Gaa'elatti yeroo seenan ija dunuunfamaan; jecha jaalalli jaaamaa dha jedhamu waan dhugoomsu fakkaatuun itti seenamee guyyaa itti seename immoo ijji jaalalaa jaame banamu fakkaatuun erga keessa seenanii ija itti banatan miti. ❌

Gaa'elli dhaabbata guddaa Waaqayyo dachee kana irratti saala faallaa lamaaf; dhiiraa fi dubartiidhaaf kenne dha. Gaa'ela nama jaalannutu nuuf kenna faallaa kanaa nama jaallannuuf kennina utuu hin taane Waaqatu kenna. ✅

@Gaaela_Gaarii ✅
@Marriage_Counseling

✉️✍️ @Gaaelabot

🚨 Of Waliin Walitti Araarami!

Yeroo tokko tokko miirri keenya karaa nuti hin eegneen nu waliin baduuf ka'a. Akka tasaa, utuu Gooftaa jaallachuu fi dhaggeeffachuu barbaannuu jidduutti, addunyaa biraatti nu gatuuf ka'a, haala wal fakkaatu kana keessa yeroo jirtutti, miirri kee akka si oofu hin godhin! Miirri qofti waan si kakaaseef walitti dhufeenya hin jalqabin! Waan tokko hojjechuu kee dursa si'a lamaa sadi itti yaadi! Miiraan oofamuu dhiisi! Marii of waliin taasisi, ofi waliin mari'adhu. Waan hafuurri qulqulluun sitti himaa jiru dhaggeeffachuu yaali, yoo ta'uu baate garuu maal jette naan jedhi, karaa badiisaa irratti of argita. Sin jaaladha, ati nama cimaa/cimtuu nana jabaadhu! 😘

@Gaaela_Gaarii ✅
@Marriage_Counseling

✉️✍️ @Gaaelabot

❌ DUBARA AKKA KANAA HIN TA'IN!

1. Telegramiin 'Hi!' siin jedhe!
2. Deebii utuu hin deebisiniif profile isaa ilaalte!
3. Uffanni isaas ta'ee, hojjaan isaa ni miidhaga.
4. Irra deebi'ee Hi! jedhe.
5. Amma garuu gammachuun deebifteefi.
6. Yaada waljijjiiruun jalqabame.
7. Qaaman walarguuf beellamni qabame.
8. Uffata gaarii uffattee, urgooftuu dibattee qophooftee dhaqxe!
9. Bakka bashannanaa gaariitti si fudhatee qajeele.
10. Yeroo gaarii dabarsuu jalqabdan!
11. Harka kee jaalalaan qaqqabe. Qoosadhaan si kofalchiise!
12. Ija kee ija jaalalaatiin ilaalee gammachuu si soora.
13. Wal beekumsa cimaa qabaachuun sitti dhaga'ame.
14. Kutaa akka qabattanif sitti hime, waliif galte!
15. Gammachuun akka sitti dhaga'amu godhe!
16. Jaalalaan hidhii kee dhungachuu jalqabe!
17. Sirrii akka hin taane yoo siif gale illee gammachuun sitti dhaga'ame.
18. Kabajaan gara sireetti si fudhate!
19. Mormuuf humna dhabde!
20. Wanti biraa haa hafu, karaa ittisaa fayyadamuuf yaada dhiheessite.
21. Xoofoo fedhiitiin waan guutamteef sitti dhaga'amuu hin dandeenye.
22. Ni Jaalatte, gammachuus argatte.
23. Qabbaneessituu keessaa bishaan qorraa siif fidee ofiisaatii si obaase.
24. Kabajni siif kennu baay'ee si booji'e.
25. Akka carra qabeettiiitti of lakkoofte.
26. Dhiira barbaaddu akka argatteetti sitti dhaga'ame.
27. Uffata kee uffatte!
28. Gara manaatti hammatee si gaggeesse!
29. Boqoo kee dhungatee yeroo gaarii akka dabarsitan sitti hime.
30. Adeemsaaf maallaqa harka keessa si kaa'e.
31. Fuula ifaadhaan boru walhaa arginu bareedaakoo jetteen!
32. Inni garuu deebii siif hin kennine!
33. Gammachuun akkuma fuulli kee ifetti deemtee mana geesse.
34. Gammachuun akkuma mana geesseen #message ergiteefi.
35. Online ta'us deebii siif hin deebifne.
36. Bitaa sitti galee irra deebiin barreessiteefi!
37. Ammas deebiin hin jiru.
38. Daqiiqaa booda yoo ilaaltu Telegram irratti #block taatee jirta.
39. Block akka taate sitti beekame!
40. Guyyaa, torban, jiini darbe!
41. Miidhamni sitti dhaga'amuu jalqabe. Dadhabbiin, hir'inni ulfaatinaa...
42. Gara hospitaalaa deemuun qorannoo taasifte.
43. Turtii booda ogeettiin fayyaa bu'aa qorannoo qabattee dhufte.
44. HIV +ve fi ulfa akka taate sitti himte!
45. Akkamitti???
46. Dhugaa waliin morkatte!
47. Dhiphinni sirratti moo'e! Sodaan si liqimse!
48. Fedhiin abdii dhabummaa sitti dhaga'ame!
49. Duuti akka sitti dhihaate sitti dhaga'ame.
50. Haalonni duubatti deebi'amee utuu sirreeffamee hawwite!
51. Garuu maal gatii qabaree, barfateera!
52. Gara Waaqaatti iyyitee kadhata goote.
▶️Dubara akkanaa hin ta'in!
▶️Fedhiin hin gaggeeffamin!
▶️Qabeenyaan nama hin madaalin!
▶️Mucaan kee isheen dubaraa wanta utuu siif taatee si gammachiisuu fi ilmoo keetif wanta hawwitu atis akkas ta'i!
Waaqni hunduma keenyaaf obsa haa kennu!

Nama jaallattuuf Share godhi!

@Gaaela_Gaarii ✅
@Marriage_Counseling

✉️✍️ @Gaaelabot

Of-too'achuu

📖 "(Galaatiyaa 5:22) - Of to’achuun firii hafuuraa keessaa tokko yoo ta’u, kunis fedhii ofii to’achuu jechuudha. Foon keenya fedhii guddaa qaba. Fakkeenyaaf, wantoota akka fiilmiiwwanii fi suuraawwan saalqunnamtii kakaasan ilaaluu, qoosaa fi haasa'a miira kakaasan dhagaʼuuf fedhii guddaa ni qabaata. Taateen kun yeroo nutti cimu hundatti, yoo deebii kennine to'annoo foonii jala galla. Fooniif heeyyama kennaa jirra. Kunis fedha fooniin jiraachuu jedhama. Dhumni isaas du’a. Kanaaf wanti nu barbaachisuu fi waan kaayyoo keenyaaf nu qopheessu adda baafannee filachuu qabna. Araada pornogiraafii ilaaluu, gocha masturbation kanneen kana fakkaatan keessa dargaggoonni jiran baay'een karaa hafuuraatti miidhamoodha. Fedhi foonii hogganaa keenyaa fi ajajaa keenya olaanaa taanan waan baay'edhaan kufuun waan hin oolledha. Fedhii fi miira foon keenyaa to’achuuf ogummaa Waaqayyo irraa akka fudhannu ayyaanni nuuf haa baay'atu."

@Gaaela_Gaarii ✅
@Marriage_Counseling

✉️✍️ @Gaaelabot

Jaalalaa fi Ajajamuu!

🌹Jaalalli itti gaafatamummaa fi dirqama abbaa manaati. Jaalalli abbaan manaa haadha manaa isaaf qabu akkaataa Kiristoos Yesuus waldaa jaallate waliin wal bira qabamee ilaalama. (Efe. 5:25-33)

🌹 Haati manaa dadhabina yoo qabaattellee dadhabina ishee waliin jaalatamuu fi kunuunfamuu akkasumas akka qabdu kutaan macaafa qulqulluu kuni nutti hima. Fedhiin haadha manaa inni guddaan jaallatamuudha.

🌹 Gooftaan Yesuus jaalala waldaadhaaf qabu mul'isuuf gatii kaffale. Abbaan manaa gammachuu, aara-galfii, boqonnaa fi milkaa'ina haadha manaa isaatiif hojjechuu qaba.

💐 Gorsa Abbaa Warraatiif

👉 Haati manaa kee waan hedduu si rakkisuu dandeessi. Abdii dhabuu dandeessa. Garuu jaalala hammuma isheedhaaf kennituun kan kee ishee taasisaa adeemta.

💔 Haati manaa kee dubbii jaalalaa kee dhabde. Garaa kee irraan si jaalladha yeroo jettuun fuulli haadha manaa kee ni ifa.

😭 Haadha manaa kee hin boochisin!
😃 Haadha manaa kee kolfisiisi!
👉 Miira ishee kunuunsi!

👑 Haati manaa gonfoo kee kan si miidhagsitudha.

💚💛 Abbaan manaa haadha manaa isaa jaalatee waan isheef malu hojjechuu qaba. 💛💚

Isinan Jaaladha! 💔

@Gaaela_Gaarii ☑️
@marriage_counseling

✉️✍️ @Gaaelabot

Dargaggoonni jecha LAKKI jedhu barachuu qabu!
➖➖➖➖➖
✅ Telegramidhaan kottu ni haasofnaa... Lakki
✅ Barnoota kee dhiisii ​​walargina.... Lakki
✅ Si dhungachuun barbaada... Lakki
✅ Walqunnamtii saalaa si waliin raawwachuu barbaada... Lakki
✅ Durbummaa kee naaf kenni... Lakki

Waan hojjechuun sirraa eegamu qofaaf eeyyee jechuu baradhu.... Iddoo sirrii hin taanetti lakki jechuun guddummaadha!

LAKKI!

Gaaffii, yaadaa fi waan namoonni biroo irraa barachuu danda'u jettanii yaaddan inbox armaan gadii kanaan nuuf ergaa @Gaaelabot

@Gaaela_Gaarii ☑️

Ishee Sodaadhu! ⚠️

🟥 Lafa kana irra sodaawwan hedduutu jira. Namoonni hedduun hundaa caalchisanii du'a sodaatu. Har'a garuu waan du'a caalaa hadhaa'aa fi ati sodaachuu qabdu tokkon sitti hima. Waaqayyo karaa itti namoota rakkisoo adabu tokko qaba. Uleen adabaa kun kan gangalchee qullaa nama reebuu fi achittis bishaan namatti naqudha; fiixeen isaas ilkee torbaan qabaa caalaa kan nama dhukkubsu, yoo iyyanis kan namni nama irraa hin qabnedha. Yoo karaan kee Waaqayyotti toluu dide, yoo deddeebiin kee isa gammachiisuu dide Waaqayyo harka adaba kanaatti dabarsee si kenna.

Keessumattuu obboloota koo dhiiraaf kun ergaa guddaadha. Dhiirri yeroo lafa kana irra jiraatu dachee kanaaf gaachanadha. Rakkoowwan gurguddaa fuuldura dhaabbachuu kan danda'us dhiiradha. Mana isaa eeguu, ijoollee isaa fi haadha warraa isaa irra darbee, waldaa Kiristiyaanaa fi biyya eeguun itti gaafatamummaa Waaqayyo isatti kennedha. Warra itti gaafatamummaa kana eeguu dadhabaniif immoo manni hidhaa isaan itti adabaman tokko qophooftee jirti. Iddoon adabaa gadi fagoon du'a caalaa nama sodaachiftu kunis #dubartii yaadni ishee hin beekamnedha. Caaffanni qulqullaa'aan akkas jedha...

Ani wanta du'a caalaa hadhaa'u nan arge; innis dubartii yaadni ishee akka kiyyoo fi futtaasaa ta'e, harki ishees akka funyoo sibiilaa ta'ee dha; namni Waaqayyo duratti gaarii ta'e ishee jalaa in ba'a; namni cubbamaan garuu isheedhaan in qabama. (Lal. 7:26)

Mootichi Solomoon bu'aa ba'iiwwan hedduu, badhaadhummaa fi mootummaa, ogummaa fi akka gowwaas ta'ee yeroo waan hedduu qorate keessatti waan du'a caalaa hadhaa'u hin agarre. Haa ta'u malee yeroo yaanni garaa isaa haadha manaawwan 1000 walitti isa qabsiisee, 1001 ffaa mootittii biyya Saabaa itti dabalsiise sana garuu waa hubate. Haadha manoota isaa 1001 walitti qabate keessatti garuu wanti du'a caalaa hadhaa'aan dubartii keessa akka jiru hubate. Wanti du'a caalaa hadhaa'u waraana keessa utuu hin taane dubartoota keessa akka jiru Solomoon biyya lafaa hubachiise.

Wanta du'a caalaa hadhaa'u kana sodaadhu. Halkaniif guyyaa kan ati sodaachuu qabdu du'a caalaa dubartii akkasii kanadha. Dhiironni jajjaboo fi dhiibbaa geessisan kan isaan sodaatan RDX fi TNT, hiyyummaa fi qorama, kufuu fi irraanfatamuu caalaa dubartiidha. Yeroo biyya lafaa irra jiraattu wanta hadhaa'aa fi du'a caalaa sodaachisaa kana jalaa ba'uu yoo barbaadde Waaqayyo duratti qajeelummaadhaan jiraadhu. Biyya lafaa kana irratti dhumni nama cubbamaa garuu harka dubartii yaanni ishee hin beekamneeti. Kanaaf ishee sodaadhu! Mana hidhaa akkasii keessa jirta yoo ta'e immoo fuula Waaqayyootti kufi...!

Isinan Jaaladha! 💔

@marriage_counseling
@Gaaela_Gaarii

Singer Megertu Official

🎁 Gaa'ela Umurii Guutuu  (Lifetime Marriage)

✍️ Gaa’elli umurii guutuu turu bu’uura jabaa yeroon hin mancaane, hin dhiqamne, qullaa hin taane irratti ijaaramuu qaba. Walitti dhufeenyi gaaʼelaa milkaaʼaa, gammachuu fi buʼaa qabeessa taʼe, seera buʼuuraa yeroodhaaf utuu hin taʼin, seera buʼuuraa dhaabbataa taʼe irratti hundaaʼuu qaba; wantoota badani osoon taane jiraatoo ta'an irraa bocamuu qaba.
‎
1️⃣ ‎Hawwatamummaan qaamaa bu'uura jabaa miti.
‎Bareedinni alaa yeroon darbaa deemuun ni bada. Rifeensi ni diimata ykn ni addaata ykn ni caccaba, gogaan qaamaa ni shuntuura, maashaaleen ni lallaafu, sararri mudhii ni guddatu, ilkaan dadhabee ni hurra'a, iji ni dimimisa, dhageetiin ni hir’ata.
Hariiroo gaa’ela keessanii hawwatummaa qaamaa irratti kan ijaartan yoo ta’e, amaloonni qaamaa jalqaba walitti isin harkisan yeroo badan maal gootu?
‎
2️⃣ ‎Fedhiin foonii bu'uura jabaa miti.
‎Miirrii fi ilaalchi ni jijjiirama, ni guddata. Umuriin dabalaa dhufuun dandeettiin saalqunnamtii raawwachuu fi fedhiin saalqunnamtii ni hir’ata. Gidduudhaan, fedhiin nyaataa dhibbeentaa 100 fiizikaalaa fi keemikaalaa ta’e hariiroo bu’uuraa fi  uumamaan hafuuraa ta’e sooruu fi itti fufsiisuuf ofumaan gahaa miti.
‎
3️⃣ ‎Qarshiin bu'uura jabaa miti.
‎Sababa kufaatii dinagdee, hojii dhabuu, hir’ina qaamaa, dhukkuba yeroo dheeraa, ykn sababoota biroo hedduu irraa kan ka’e, haalli maallaqaa baay’ee dafee haalaan jijjiiramuu danda’a. Gaa’elli dhimmoota dinagdee ykn dandeettii galii argachuu qofa irratti hunda'e akka salphaatti kufuu danda'a.
‎
4️⃣ Qabeenyi  bu'uura jabaa miti.
‎Wantoonni qabeenya hammam dhaabbataa fi qabatamaa ta’anii mul’atan, yeroodhaaf qofa waan ta’aniif qilleensa ganama waliin balali’anii baduu danda’u. Nama ibidda hamaa ykn obomboleettiidhaan akka tasaa qabeenyasaa hunda dhabe gaafadhu. Jireenya keenya ykn gaa’ela keenya kuufama qabeenyaatti giddu galeessa gochuun salphaatti beela dabalataa hin quufamne, hawwii gonkumaa guutuu hin dandeenye nutti uuma.

Maarree, hiriyoonni gaaʼelaa walitti dhufeenya gammachiisaa, tasgabbiifi yeroo dheeraadhaaf turu maal irratti ijaaruu dandaʼu? ‎Bu’uura akkamiitu qormaata yeroo akkasumas obomboleettii rakkinaa dandamataa?

✅ Gaa’ela umurii guutuuf bu’uurri/hundee mirkanaa’aan Jaalala Agape {jaalala of kennuu kan maddi fi ka’umsi isaa Waaqayyo qofa keessa ta'e } qofa akka ta’e barreeffama kana keessatti ifa godheera jedheen abdadha. Kan Waaqayyo ofii isaa irraa maddu qofatu jiraata; wanti biraa hundinuu kan darbudha.

🔴 Phaawuloos amantoota Qorontos keessa jiraniif yommuu barreessee waa’ee jabina Jaalala Agapee isa waaraa/jiraataa ta’ee akkas jedhe: "‎Jaalalli yoom iyyuu hin badu; kennaa raajii dubbachuu yoo ta'e, hafuuf jira; afaan hin beekamneen dubbachuu yoo ta'e, dhaabachuuf jira, beekumsas yoo ta'e, hafuuf jira. Wanti nuyi beeknu muraasa, wanti raajii dubbannus muraasa; raawwatamuun isaa yeroo ga'u immoo, inni muraasi kun in hafa.....Egaa amantiin, abdiin, jaalalli isaan kun sadan hafanii in jiraatu; isaan keessaa garuu jaalalatu caala." [1Qor.13:8-10,13]
‎
👉 Dhumarratti amantiin, abdiin, jaalalli hafanii jiraatu. Isaan kun hundinuu ka’umsi isaanii Waaqayyo keessaa yoo ta'an iyyuu, jaalalli (Agape) sadan keessaa isa caaludha. Kunis amantii fi abdiin jaalala Waaqayyoo irraa kan ka’ee fi naannoo argamuu isaa qofa keessa jiraachuu kan danda’u waan ta’eef. Waaqayyo Waaqa bara baraa waan ta’eef Jaalalli (Agapeen) immoo uumama isaa waan ta’eef jaalalli isaa yoomiyyuu baduu hin danda’u. Raajii dubbachuu, afaan hin beekamneen dubbachuu, fi  beekumsi wantoonni akkasitti dhaabbataa nutti fakkaatan hundi gaaf tokko ni badu. Wantoonni kunniinis ka’umsi isaanii Waaqayyo biraa yoo ta’an iyyuu, garuu dizaayinii isaatiin uumama yeroodhaaf jiraatanidha. Gaafa kaayyoo isaanii raawwatan ni darbu. Jaalala waliin wal adda. Agapeen (Jaalalli) kan bara baraati; yoomiyyuu hin darbu.
‎
❤ AGAPEE'n ( JAALALLI) kan bara baraa dha; yoomiyyuu hin darbu.

✅️ Gaa'elli qulqullaa'aan fedha Waaqayyoodha!

@Gaaela_Gaarii ☑
@Marriage_Counseling

✍️ @Gaaelabot

🤔 "Boru gaa'ela ta'uu danda'a jettee jaalala hin jalqabiin. Ati nama yaalin irratti geggeeffamu miti. Mirkaneeffadhu jalqabi. Waan jalqabde xumuri."

✍️ @Gaaelabot